|
阿哥昨晚緊係好夜返屋企啦... 因為我昨晚模糊間... 聽到老豆行出廳打電話叫佢返黎~ 不過今朝佢都好早起身~ 我出門口返工之前佢已經醒o左~ 今日落到舖頭... 自己開門... jacky幫我手開大閘... jacky係隔離cafe o既~ 中年男人... 個老闆比哂成間cafe佢打理~ 平時都冇咩客人... 所以佢一個人都應付得黎... 我老闆娘o係未請到我之前~ 有鬼佬入黎~ 都係叫jacky過黎幫手講~ 大家隔離舖...互相照顧真係好啦~ ^-^ 下午我叫外賣...冇散紙~ 都係過去同佢兌換咋~~ 今日成日...基本上都係得我一個人o係度~ tony昨晚返o左上去整牙~ 佢隻牙都痛o左幾日o架啦~ 都係去整一整穩陣~ 希望佢整完會冇事啦~ 而老闆娘差唔多成日都出o左去~ 係朝早返過黎一陣~ 四點左右又得o左一得... 交代好叫我send d e-mail比咩野人... 佢就走lu~ 下午...個鬼佬客 - frank 佢又黎o左~ 我第一日返工~ 就係做o左佢五萬蚊生意o架啦~ 之後幾日佢都有黎... 佢都幾好傾o架~ 雖然我d英文唔係好叻~ 但總算係溝通到... 我話比佢聽...連埋今日我先返o左六日工~ 佢話以為我o係度做o左好耐tim~ 話我好多野都識... 叫我比d心機做... 嘻嘻~ 真係開心啦~ ^-^ 宜家舖頭d貨... 大部分o既英文名我都識~ 幾日時間就識o左咁多~ 我覺得自己真係有放過心機上去... 希望越做越好啦... 三點幾...我先食野~ 叫o左個薯餅沙律凍檸茶... 好味道呢~~ ^-^ 到六點幾... 程程就黎到舖頭~ 幫我關鐵閘~ 再打埋電話比老闆娘... 交代一聲...我就走lu~ 丫~ 昨晚食燒肉~ 塊皮好脆... 諗起都想再食~嘻嘻~~ 昨晚...波波球就慘囉~ 我今朝起身o個陣~ 發現佢跌o左落地下~ -_-" 平時佢已經係比我"long"腳o架啦~ 宜家仲要比我當波咁踢埋落地... 可憐呢... 尋晚我十點幾已經好悶咁坐o左o係度~ 睇o左一陣"交換日記"~ 開始有d眼訓~ 諗住攤o係床度都唔怕啦~ 程程打電話黎...我都應該會比震機震醒... 點知...一訓就訓到十一點半... 見到電話有兩個來電顯示~.... oh~~連震機都震唔醒我~ 可想而知我有幾累~ 之後我打番電話比程程~ 同佢講o左幾句~我就訓覺lu~ 程程呢一排成日入油~ 因為儲儲埋埋二千蚊單據... 就可以換到大頭狗o既紙巾盒套~ 哈哈~ 佢昨晚終於都換到啦~ 原來我都係一個manager黎o架~ 我見老闆娘寫勞工處o個張紙... 個職位係寫經理~ 呢一個職銜都幾好聽丫~ 今晚同程程去o左旺角... 上o左一間叫"元禾"o既物體食日本野~ 點知上到去比人呃o左... too bad~ 唉...算啦~ 二百蚊... 豪比佢... 返o左工一個星期~ 平時同程程傾少o左電話~ 但見面o既時間...其實都係差唔多~ 最多都係見少o左幾個鐘~ 不過宜家覺得好似好耐冇見咁... 痴都痴纏o左... 係好事黎o既~ ^-^ o係潮流特區行o個陣~ 上扶手電梯o個時~ 見到櫥窗有隻貓好似"橡根仔"~ 係冇o左d深啡色o係個頭... 同埋隻眼多o左滴眼淚咁... d毛又"聯"~ 勁可愛... 二話不說...即刻買o左~ um...就叫佢做"聯"毛仔啦~ 雖然~我同程程諗極都諗唔到個"聯"字點寫... 大家如果識o既話... 請盡快話比我知... 費事佢連自己個名都唔識寫啦~ 一陣間細細問...點解佢唔識寫佢自己個名o既~? 問到佢自卑...就唔係幾好啦~ 十點幾...就返到屋企lu~ 程程得o左一陣就走啦~ 媽媽o係regene又買o左兩枝潔面液... 一枝速感白滑o者哩~(即擦紙膠~) 宜家...我即係有兩枝感白滑o者哩未用... 同埋三枝潔面液... 一盒一組白滑... 兩塊面膜...一塊眼膜未用... 連我都覺得自己o既存貨好似多o左少少... 洗到塊面甩皮都未用完... 下午~ 我見得自己一個人o係公司~ 我就開icq黎玩~ 點知我online o左...仲free for chat... 都冇人send message比我~ 唉... 因為我個list係冇人~ 主要係要靠人hi返我... 我先可以add番佢o地... 結果~ 唔知係d friend冇上網~ 定係我人緣差... 一個人都冇理我... too bad~~ 阿媽今日下午無聊~ 走落黎睇下我做野間舖o係邊~ 咁岩我老闆娘打電話黎... 我即刻叫佢走... 阻住嘛... 阿爸阿媽過o左去阿婆度食飯.... 慶祝阿婆同阿公生日~ 差唔多個個都去~ 係我同阿哥咁衰... 近幾年...幾乎都冇去過... 返到黎~ 阿媽比番封利是我~ 哈哈~ good luck~ yeah~~ |
|
昨晚同apple傾完~ 再同程程傾o左一陣~ 我就訓覺lu~ 今朝起身...返到舖頭~ 又係第一個返到... 又坐o左o係度等~ 終於~ 今日老闆娘比埋鎖匙我~ 哈哈~ 其實咁樣...亦都代表佢信得我過啦~ 今日都係o係繁忙中渡過... 六點二就收工走人lu~ 老闆娘個女sisi黎o左舖頭~ 遲幾日就去英國讀書lu~... 佢十六歲... 同tony係表姐妹關係~ 佢o地兩個玩到幾癲呀~~哈哈~ ^-^ 程程今朝做到五點半先收工~ 真係慘必啦~ v_v 所以我今朝返工之前打電話比佢~ 佢完全係精智不清咁同我講野~ 下個月...佢終於都返早更... 唔洗咁辛苦lu~ 但係就冇得出去做part-time~ 今日出o左糧~ so happy~ 有1530蚊... 返o左一星期工...就有千幾蚊~ 我真係覺得我之前冇野做o個d時間係哂o左囉~ 老闆娘係寫支票比我o既~ 我出去買file膠紙o個陣~ 順便入埋票... 不過要到星期一先用得... 昨日我去七仔買o左郵票... 點知今日想拎出黎用... 發現唔見o左~ 原來老闆娘唔知放o左o係個膠袋入面~ 個膠袋連郵票一齊掉o左~ 哈哈~ 又會咁都得o既~ 我前排同自己講~ 最好九月之前搵到工~ 估唔到自己真係o係九月之前o既一個星期... 就真係實現到呢個願望喎~ 收工o個陣~ tony見我拎銀包出黎~ 佢"立"到我同程程影o個張卡~ 佢就叫我比佢睇~ 哈哈~ 佢竟然話程程"幾好樣咁"喎~ (其實用第二個字形容~不過就...." 都係唔好講出黎~ 費事嚇親人啦~~) 緊係啦~ 因為佢睇緊o個張~ 係我岩岩同返佢一齊o既時候影o架~ o個時佢仲未變肥仔...又仲未變有黑眼圈加眼袋... 近來影o個d~ 緊係唔比佢睇啦~哈哈~ |
|
今日先頭諗住早d起身o既~ 但係最後都係九點先起身~ 不過我十點鐘就出到門口lu~ 呢兩晚都同程程玩估仔女遊戲~ 哈哈~ 佢前日就輸得好慘... 昨晚就比佢贏返... 而累佢輸得最慘烈o既... 竟然係"訓覺仔"~ 哈哈~ 平時掛住訓...冇咩貢獻~ 今次終於都叫做有d貢獻啦...^-^ 今朝首先去o左惠康買保鮮紙~ 再去七仔買郵票~ 行行下...記得買漏o左紙杯~ 又走o左入百佳買... 落到去舖頭睇o左一睇~ 未有人返... 咁我就去銀行做d野~ 再買埋卡片套... 就返舖頭前面張"登"度等人返黎啦~ 今日都算好busy~ 整理卡片簿啦~ 搞fedex寄貨d野啦~ 幫手包貨啦~ 有新貨返...幫手拆箱啦~ 之後又要搞另一個鬼佬客用fedex寄貨d野啦~ 總之就very busy~ 連f4 o既唔知邊個黎o左附近影相... 都冇時間去睇下係邊個~ 點解我會知...?" 因為佢一黎o左...就聽到好多人尖叫~ 一大班女仔走黎走去... 老闆娘出去睇下咩事啦~ 佢話f4 o既人黎o架喎~ 唉...佢邊識丫... 如果佢講得出係咩名~ 我反而會覺得好出奇囉~ 後尾返屋企睇報紙~ 先知係吳建豪黎... 哈哈~如果係言承旭... 我一定會好唔甘心.. 咁難得有機會見到嘛... 有時呢...我仲諗...如果我真係見到佢... 咁我會點呢~? 哈哈~ 十點幾... apple打黎同我傾計... 聽完總算鬆一口氣~ 我o地仲傾埋好多無聊野~ 護膚品又講得一餐~ 又講下有d咩野抵買咁... 睇烈火雄心II o個陣~ 講方中信同蒙嘉慧o係戲入面結婚o既情形~ 佢o地向對方作出承諾... o個一段宣言...好感動呢~ 哈哈~我又o係度諗... 如果第時結婚... 我諗我一定會感動到喊o者~ (哈哈~因為終於都嫁得出啦~~~) |
|
今朝九點一起o左身~ 出o左門口之後~ 我竟然先發現自己冇帶電話... too bad~ 不過都唔緊要o既~ 平時多數都冇咩人搵我... 到十二點幾...等冇人... 我先用公司電話打比程程... 費事啦~ 始終係私人電話嘛... 今日主要o既工作都係整理d客戶資料... 冇咩得別野做... 但晚晚老闆娘都叫我食飯... 有時係同埋d客一齊...有時係同d行家朋友食... 我就覺得呢一d係應酬節目~ 我又"搭"唔到嘴...講古董又唔識... 其他野...人o地d大人都冇咩興趣知啦~ 所以...我呢幾日都冇去... 不過我怕老闆娘覺得我唔識應酬囉... 唉... 唔知點好...?! 今日同tony食o左好多野... 下午又食雪條咁... 似乎...會越黎越肥... 雖然...放o左工要行樓梯街... 但都不足以有減肥o既作用... 返到屋企~又唔想踩腳踏機... 咁樣...我唯有順天而行吧... 昨日老闆娘唔o係度~ 有d清潔費要比... 咁tony唔夠... 咁我出o左百五蚊... 之後老闆娘比返錢我o地... 佢比o左百六蚊我~ 我找番十蚊出黎... tony就話...唔洗啦~ 由得佢啦... 到今日~ 我去買卡片簿.... 價值44蚊~ 老闆娘比返50蚊我... 今次...我冇找到錢.... 不過...我覺得我係應該找囉~ 雖然係幾蚊~ 都係唔好o者~ so~ 我聽日要去買一d用品... 我會扣返o個六蚊出黎... 數還數嘛.... 今朝返到舖頭...老闆娘又未返~tony又未返~ 咁我就去o左銀行入錢... 再順便去老豆間細舖睇下有冇電費單... um...我諗我聽日要早d起身先得啦~ 因為我唔想中途返返下工出去... 好似去偷懶咁... 雖然我真係唔會咁做... 但費事人o地咁諗啦~ 因為人o地唔熟我嘛~ 我呢幾日...有時連廁所都唔敢去tim呀~ 食飯又係叫人送黎~ 真係唔洗踏出舖頭都得o架... 差唔多六點半...(未夠六點半~) 咁老闆娘同緊兩個朋友傾計... 之後佢o地會一齊食飯o既... 咁tony叫我走先... 我都覺得唔係幾好... 奈何...我o係度又冇用.... 唉...唔想比老闆娘一個唔好o既印象啦... 返到屋企...阿哥已經出o左院... 個樣好精神~ 浩賢上o左黎食飯... 一邊食飯...都一邊有講有笑咁... 跟住我後尾搽指甲油... 就係咁...出事... 我老豆話我返工成日要搬d泥頭公仔o個d野~ 搽o左指甲咪會甩哂... 我就答佢...你理得我o者~ 我搽咋嘛... 又唔係你搽... 就係呢一句話...佢差d想打我... 仲用粗口鬧我... 之後我知衰...咁我咪講對唔住囉~ 點知我阿媽又o係呢個時間扇風點火.... 我最憎佢成日都係咁... 老豆好嬲o個陣~ 係都要火上加油... 咁我就同埋佢講對唔住... 諗住講o左...佢就唔會再講落去... 咁我入番房...佢都仲講... 於是我出番去...跪低求佢原諒我... 佢先再冇出聲... 跟住我入返房... 望住部電腦...個人呆o左... 但d眼淚係咁流.... 過o左一陣... 老豆入黎... 佢同我講...話我o地以後都唔好咁...好唔好? 叫我改下d態度~ 之後...連佢都喊起上黎... 唉... 佢喊...我開始仲喊得勁d... 我諗...我以後都係唔好講咁多野... 說話要三思先得啦... 夜晚...我再冇出去睇電視~ 連追開o既"烈火雄心II"都冇睇~ 因為o係今次呢一件事上... 老豆我係冇嬲佢... 我嬲我阿媽...佢火上加油... 我費事同佢一齊睇電視~ 等我心情平伏番先再算啦... 昨晚燒o左隻mp3碟... 今日帶o左返舖頭入落電腦~ 因為昨日試過install winMX... search唔到歌... 部電腦冇咩反應... so~ 都係直接入d歌聽好過... 仲有dl埋winamp... 等聽歌會方便d~ 我呢一排有兩件心事... 兩件都係關於朋友o既... 兩個人...咁岩都係a字頭o既英文名~ athena同apple~ athena就係因為...我好耐冇搵佢... 好想抽時間出黎見下佢... 至於apple....就係因為某d事... 丫~ 個衰棠棠~ 我o個次o係圖書館上網~ 特別send o左e-mail比佢~ 佢竟然冇覆我e-mail~ 真係可惡~ 不過可能佢覆o左我icq都未定~ wait me... i will be back~~ |
|
今朝訓到九點三先起身~ 出門口趕o左少少... 落到去...tony已經返到... 佢昨晚o係佢親戚屋企訓... 冷氣凍得滯...佢又唔好意思問人拎被... 搞到佢涼親... 希望佢快d冇事啦... 今日...影o左好多相... 將d野搬黎搬去咁... 好不幸地... 我整斷o左隻馬腳... 不過...原來經常都有d咁o既事發生~ 痴返膠水再做返d皮層上去... 咁就冇事o架啦... 唉...嚇得我丫....... 因為件貨已經賣o左比個客... 如果要賠起上黎... 都唔知點算...v_v 下午...同tony兩個人食一個飯盒... 橫掂大家都食唔哂一盒飯~ 咁叫兩盒飯一齊食...咪岩岩好囉~ ^-^ 抽到少少空閒時間check自己d e-mail~ 有成四十幾封... 但都係得一兩封有用... 上埋自己個網睇... 哈哈~ apple有留言比我... 快d到九月一號就好啦... 差唔多大半個月冇上網... 夜晚o既日子雖然係悶d~ 但都總算捱得到... 好掛念大家呢... 阿哥今日精神明顯地好o左(聽我老豆講~) 或者聽日可以出得院tim呀~ 不過就應該唔會咁快上番大陸~ 始終要穩定d先... 如果唔係~好似上次咁... 以為冇野...倒頭來... 又要入番院... 今日洗o左好多電腦d資料~ 好多都冇用... 成部機都係垃圾~ 明明有好多空間...但部機都咁慢... 於是今晚冇熄到機... 由得部機自己重組... 聽朝返到去先搞掂佢... 影完相...駁部相機入電腦~ 諗住整d相出黎e-mail比d客... 點知...昨日都整得到出黎~ 今日冇啦啦唔得... 搞到我要重新再setup過... 我個老闆娘... 原來好捨得洗錢~ 買好多古董書呀~古董雜誌~ 又o係好多國際性o既古董雜誌賣廣告~ 可能咩野都出得公數啦~ 所以佢先咁豪... 仲有...d錢搵得黎...洗得去o者~ 哈哈~ 今日六點二就收工lu~ 勁正~ ^-^ 有個客送o左盒鳳梨酥黎~ 老闆娘比o左我帶返屋企... 丫~ 講開又講~ 我個老闆...係女人黎... 所以...我叫佢做老闆娘... 大家明唔明?! 原來...星期六都要返全日o架... um...不過都冇所謂o既... 六點幾就收工... 去街去夜d都唔怕o既... |
|
大家快d恭喜我啦~ 古董o個度真係請o左我~ $7000蚊人工~ 又唔洗搭車喎~~ 勁正呀~ 實在太開心啦~ 九點程程叫我起身~ 搞完一輪... 十點幾出門口~ 落到去...老闆都仲未返... 企o係度等o左陣... 之後...就開始投入工作~ 一做...就做到差唔多七點先走... 不過好好成績~ 做o左八萬蚊生意... 比起我老豆o個度... 幾個月先發一次市... 呢度...真係好生意好多... 今朝未出門o個時~ 表姐打黎...叫我聽日去見佢... 介紹我做保險~ 未考到牌之前...會比5000蚊人工我~ 宜家...唔洗啦~ 搵到工.... 嘻嘻~ 我feel到d運開始返黎... 工作量唔係多... d野唔趕...可以慢慢做... 我覺得佢d野太亂... 我建議重新整理... 佢都覺得岩...交比我去做... 宜家最煩o既...都係d專有名詞~ 因為唔可以錯嘛... 咁所以我要睇書... 比心機學... 程程十一點幾打黎~ 佢唔知個老闆真係請我... 所以佢先打電話比我... 我一接電話...就話唔得閒~ 佢都知咩事啦~ 之後成日都冇打電話比佢... 直到放工我先打比佢... 佢話好唔慣喎... 哈哈~ 因為平時我成日打電話比佢嘛~ 食lunch o個時~ 同埋個同事叫飯食... 個同事叫tony~ 女仔黎o既~ 好好人o架~ ^-^ 幾率直爽快~ 放工...拎o左本書返去睇~ 諗住睇熟d專有名詞嘛~ 返到屋企...食完飯... 打電話去寬頻...叫佢confirm幾時幫我裝野~ 終於都約o左九月一號上黎裝~ 真係好啦~ ^-^ 同媽咪講好o左... 7000蚊人工...比3000佢~ 因為份保險...老豆要我自己交返... 強積金又要供... so...我都係得二千幾蚊洗... 同我平時冇做野...係差唔遠... 問題只係d錢唔係老豆阿媽比我咁解... ally...今晚好感動~ 唔經唔覺... 今晚呢一集已經黎到大結局啦~ 睇到我喊~ 可能...今次係真正o既完結... 都唔似之前每一輯o既結尾咁o既... 不過...當然希望佢仲會拍新o既一輯啦~ 仲有呀~今集夾雜住一d舊o既片段~ 影番以前o既片段... ally舊時個樣...真係勁"娘"呀!!! 宜家個樣"正"好多~~ |
|
昨晚...聽o左好多野... 好唔明白~呢一個世界~ 點會有d咁o既阿爸阿媽~ 聽完之後真係成額汗~ 個friend同我傾完點幾鐘~ 傾完之後~好快就訓得著~ 係好事黎o既~~^-^ 今朝一早起身~ 搞掂好哂自己~ 就搭車過去程程度lu~ o係佢屋企食飯~ 食完飯...就出街lu~ 今日係我第一次正式咁睇到一套十二隻o既qoo星座~ 利害呢~~ 大隻囡囡佢o地都好耐冇見過我lu~ 成班撲哂出黎... 見到佢o地...真係好似見到仔女咁... 係咁貼心o個隻feel呢... 時間唔係咁多~ 我o地就去黃埔行~ 又因為一d小事嘈起上黎... 不過...當然之後係冇事啦~ ^-^ o係百佳super store... 比我買到"杯杯"~ 本來...仲搵到"杯杯"o既毛公仔版本o架~ 點知原來得個空盒~ d人真係冇品~ 偷o左入面隻公仔... 搞到我空歡喜一場~ v_v 到四點左右~ 程程就帶我搭車去尖咀~ 佢就返屋企...準備返工d野啦~ 去到尖咀...apple仲未到... 咁我就自己o係海運行啦~ 冇o左程程o係度~ 差d唔識路行返出黎去地鐵站tim~ 過o左一陣~apple就到o左啦~ 而我都差唔多行到去地鐵站join佢... 去到...見到apple~ 再睇到阿豪... 原來...佢o地後來都有買到飛... 咁等齊人...成13個人一齊行去香格里拉啦... 去到...要排隊拎本校刊... 話方便比我o地拎比先生校長簽名o架喎~ 幾虛偽呀~ 即係話...我o地每人都有三本學刊... 唉...唔怪得之收o左我o地成二千蚊考試費啦~ 原來咪又係"羊毛出在羊身上"~ 我o地就係o個隻羊囉... 一圍得十個位... 我o地有成十三個人... 點都冇可能加多三個位~ 只係加多o左一個位... 逼o左阿恆同埋阿輝去o左第二張"台"度坐... 我o地幾個女仔...周圍拎住學刊搵阿sir簽名~ 雖然係虛偽... 不過有一d阿sir...我真係真心想叫佢o地簽名o架~ 至於校長...都順便簽o左一簽... 佢今日o既打扮終於都飲番d樣... 而佢個女就...一樣咁恐怖~ 一開始... 幾個學生同阿sir o個台上寫"奧運精神"呢四隻字... 畫到鬼畫符咁... 好心啦...宜家係七月... 搞d咁o既野... 真係好恐怖囉... 之後...開餐仲衰... 我諗全程最正常都係個餐包囉~ 沙律 = 一堆唔係一般人可以食得落o既雜菜... 磨菇湯 = 味道怪怪o地... 主菜雞胸肉加薯茸 = d薯茸唔熟... 食到apple嘔...食到阿mon想嘔... 我見唔多對路...食o左幾啖都冇食~ 甜品 = 甜到漏... 連最後有杯野飲...都係得茶同咖啡揀... 真係可憐~ 300蚊...真係比多佢... 食完同冇食係冇分別... 估唔到香格里拉d水準會咁差... 唔怪得之收300蚊咁平啦~ 原來又真係一分價錢一分貨o既~ 餘興節目仲恐怖~ 校長高歌~"消洒走一回"~ 司儀叫d帶組老師一齊上台陪學長唱~ 廖仔...直頭黑哂口面.... 緊係啦~ out唔out d呀~ 仲"消洒走一回"... 之後朱紅都整o左首"龍的傳人"~ 係學生彈結他伴奏o架~ 不過不失咁啦~ jeffney同寶寶and其他阿sir學生就玩呼拉圈... 滴汗..." 十點左右...就完lu~ 拎埋畢業證書... 一拎出黎睇...估唔到堂堂一間design學校~ 張證書會肉酸成咁... 個size又大喎~ 點拎出黎比人睇呀~ 印上去d字又雞那咁大隻~ 唉... 一班人...諗唔到去邊... 於是都係散lu~ 行去搭車~ apple一邊行...都嘔o左幾次~ 真令人擔心... 希望佢冇事啦~ 臨走...我叫佢今晚有咩事記得打比我~ 雖然我知我幫唔到咩手... 但...我想求個安心o者... 總之十分之擔心... 我打電話比程程~ 叫佢黎車我返屋企... 好快...佢就黎到lu~ 本來想去食糖水o既~ 不過咁夜...我食開o個間已經賣哂d綠豆沙... 得返d杏仁茶o個d野... 所以都係唔食...返屋企算lu~ 返到去...阿爸阿媽都未訓... 原來...阿哥又入o左醫院~ 唉...佢隻手又痛番... 又有d發燒咁... 阿爸同佢去急症室... 帶埋d藥呀~資料比醫生睇~ 醫生一睇完就話...唔洗睇啦~ 即刻入院... 就係咁...阿哥又入返醫院~ 仲以為佢出返黎...都已經冇咩事o既tim~ 仲諗住聽日返上大陸做野~ 唉.... 程程家姐o係絲路返o左黎~ 買o左對夜光杯送比我~ 嘻嘻~ 我仲未收到電話... 唔知做古董o個度...係咪真係請o左我呢~ 因為佢話如無意外星期一~十點半返工o架嘛~ 算啦~ 聽朝我點都會落去問清楚~ 橫掂都咁近... 請咪請~唔請咪算囉~ |
|
今朝九點幾起身~ 真係好奇怪... 媽咪買早餐冇買埋比我... 可能佢覺得我鐘意食麵包o掛~~ 沖好涼~ 搞掂好哂... 十二點左右~ 就落去細舖join程程~ 落到去...佢早過我... 見我又未到...佢就去o左銀行先啦~ 咁我就落銀行join佢啦~ 企o係度等佢...真係未熱過咩~ 個太陽猛成咁...好似唔洗錢咁曬... 唔好話"郁"啦~ 就連企o係度...都會出汗... 熱死人囉.... 拎d架呀~椅呀~ 一袋公仔... 就係呢三樣野~ 其實我o地見咁熱... 都有諗過...不如搭的士好過... 但又諗...個架連車尾都放唔落... 點搭呀? so~ 唯有行路啦... 已經唔係行樓梯街上...行御林台o個邊o架啦... 如果唔係...仲死都兩錢重呀~ 由原本我拎住袋公仔~ 程程拎住個架同埋張椅... 跟住行o左幾步... 連我袋公仔...都比佢拎埋~ 哈哈~ 而我仲o係度猛咁話熱...又話累咁... 程程就講啦..."邊個熱d同埋累d丫拿?!" 我答...緊係我啦... (咁都講得出~~~~) 好辛苦咁...終於都返到屋企lu~ 放低d野~ 開"恆"個冷氣勁吹... 再加埋風扇~ 勁呀~~~!! 之後...去o左屋企附近食野... 食完野就買o左本教人寫商業信o既書... 再搭船船去尖咀... o係city super同埋玩具反斗城比我o地發現o左樣野... 呢樣野...就係...我鐘意o個san-x出o個隻貓~ 出o左其他product呀... 係一盒玩具...入面有d糖又或者餅仔咁... 食物係其次...主要都係玩具係主角... 越搵越多...勁開心... 宜家多o左六隻... 一隻叫丸丸~茶茶~冰冰~卷卷~墨墨~同埋餅餅~ 佢o地個造型好可愛o架~ 尤其係茶茶... 佢好乖好得意呢...^-^ 今晚幫佢o地影o左d相~ 遲d放上黎介紹比大家識~ ^.^ 丫~宜家海運o個度開o左間paper n things~ 一入去...已經見到大仔同埋趴仔~ 抱完一輪之後~ 走去第二行度睇... 咁我隔住都可以望到大仔同趴仔佢o地... 見到有人搞佢o地... 咁我就大聲講o左一句... 唔准掂佢... o個個人唔知點解... 即刻放低o左... 真係聽話啦~ 唉...好想帶佢o地返屋企呀~ 可惜丫...呢件事...暫時都冇可能... 因為過到老豆o個關先算啦~ 咁paper n things本身對面有間買公仔o既舖頭~ 前排去睇...已經收埋o左"超仔"~ 冇再放o係門口度做"鎮店之寶"o架啦~ 宜家paper n things開返... 即刻又拎返佢出黎~ 哈哈~ jacob貓必勝...yeah~~~ 之後~走去行新開o既espirt~ 舊時係瑞興黎o架... 所以都有好多層...好大... 一入去...就洋溢住一d新裝飾o既氣味... 買o左兩對襪~ 因為d襪都比我著到穿洞洞~哈哈~ 要買d新先得啦~ ^-^ 咁行完...諗住去新世界中心o個邊行啦~ 點知又經過間espirt outlet~ 又入o左去睇... 又買o左條裙褲... 跟住發現...聽日著去謝師宴o個條裙... 好似冇呢條裙褲咁好睇~ so~ 改變o左主意... 聽日著裙褲去...加對boot~ fit 哂~!! 買到咁上下... 唉...d錢洗得咁快... 都係返屋企食飯好d~ 於是就打電話返去同媽咪講啦... 事原呢幾日佢都問我星期六返唔返黎食~ 佢今朝又再問我... 我都答o左佢無數次唔返o架啦~ 都仲要問... 結果...今晚食飯o個時就比佢串... 同我講...世事無絕對~ 哈哈~~ 上一次...本來都係諗住去新世界中心行~ 點知次次都因為間outlet~ 搞到冇去到... 下次點都要去... 嘩...o個個小熊王國o既物體~ 入場費...原來要成50蚊一個大人~ 小朋友都要30蚊~ 咁貴...係咪入去每人都送隻熊仔先~ 不過d家長絕對冇手軟... 都一樣係大把人去睇.... 夜晚~ 程程整嬲我~ 搞到要比我搽佢腳甲油先唔嬲佢...~ 哈哈~兩隻腳都搽哂... 唔好以為後尾我有幫佢洗番甩喎~ 答案係冇o架~ 哈哈~ 今日臨食飯o個陣~ 都好有恆心咁...踩o左二千二百下腳踏機~ 實在有d佩服自己~ 嘻嘻~ |
|
昨晚勁早訓... 未夠十二點就訓lu~ 因為昨晚好似係七月十四... 我都係o係十二點前訓著為妙... 如果唔係~ 我怕自己驚...會訓唔著啦~~ 哈哈~ 咁當然~ 我如願以償... 十二點訓著o左... 緊係啦~ 踩過腳踩機... 個人點都會累d...訓著都易d~ 今朝九點左右就比老豆嘈醒~ 原因係佢睇到報紙有份工... 係古董售貨員~ 不過我o個時冇理到佢... 我個心諗...如果我係要做古董呢行~ 咁我不如承繼父業... 洗同人打工... 到九點幾...聽到阿媽都出埋門口~ 咁我就起身... 睇報紙有咩工做啦... 見到有份文員做... 係o係葵涌o既... 個心諗...係就係遠d... 不過...有份工做起碼冇工做丫~ 最多咪早d起身搭車... 點知...落o左地鐵...仲要搭巴士~ 之後仲要行好耐... 好偏僻o架~ 去到附近~ 都係搵唔到... 結果佢一開門出黎...我先搵到... 間公司好細...係做出口d袋仔咁... 佢除o左想請個人做一般文職工作~ 原來都想識d設計軟件咁... 佢話如果唔識o既話... 第時都要去學~ 佢見我識...就話...咁就最好啦~ 所以...睇佢個樣... 佢對我都好滿意~ 不過一講到人工... 我寫5500~ 佢就話出唔到比我... 咁我覺得...呢一份工都有d設計野做... 都叫做有d做返"本行"o既野... 咪同佢講5000都做... 點知佢都話要考慮下... 出o左門口...我已經冇諗住做.. 5000其實已經好低... 加埋我搭車食飯... 最少都要60蚊左右... 5000比一半屋企~ 得2500蚊洗... 車費同食lunch都去o左1800啦~ 得700蚊平時洗...唔係呀嘛~~ v_v o個度又偏僻~ 夜晚收工好靜... 人又怕...鬼又怕...總之就怕啦~ 後尾同阿媽講~ 佢都話唔好做... 哈哈~ 呢一次~當然係會好聽佢話啦~ 返到屋企...都差唔多成一點lu~ 好想買d巴辣香雞翼返去食~ 但係...最後都係忍住... 肥嘛~ o係屋企食包餅就算lu~ 錢又慳埋~ 個太陽好猛... 行去搵o個間公司o既時候~ 出哂汗... 跟住返到屋企有冷氣... 個人乾返... 有d睡意...就訓o左一陣~ 到兩點...阿媽o係細舖拎返d野返黎~ 唉...都唔知點解佢咁趕... 留返聽日程程搬都未遲啦... 硬係咁心急... 拎到佢身水身汗... 最慘係...佢呢一排隻手又痛番... 一陣再整親咁點算呢... 到四點左右~ 我就起身踩腳踏機~ 今日再創新高... 踩o左二千六百下... 利害... 仲要係關埋度門... 完全冇冷氣o既情況下... 局住o係間房猛咁踩... 一邊聽歌咁... 雖然係流o左好多汗... 但係越踩越輕鬆~ 菠蘿蓋都唔係好累o者~ 阿媽返到黎~ 佢聽我講完去葵涌見工o既情況~ 佢叫我不如去試下見o個份古董sales~ 唉...算啦... 聽佢講下...打電話去問啦~ 我表明我係老豆個女... 因為始終係同行... 費事後尾比佢發現我係同行o既女~ 覺得o係商業上面唔好啦... 佢叫我即刻去見... o係我毫無準備o既情況下... 又岩岩做完運動...成身濕哂... 於是著o左件恤衫o係面啦... 去到...咁岩有個行家o係度~ 不過都冇影響o既... 佢話如無意外...星期一可以返工~ 聽講有七千蚊人工咁... 但係我冇正式問呀~ 佢話佢會再打電話黎confirm我... 咁如果真係七千蚊就正囉~ 又近...唔洗搭車~ 食飯又可以返舖頭食~ 嘻嘻~ 返十點半到六點半~ 基本上係冇咩野做~ 主要係影o左d貨... 用e-mail send比個客... 打下英文信咁... 我諗我應該可以handle到o既~ 返到屋企...行到索哂氣... 今日都算係"運動日"囉~ 夜晚~ 阿哥有friend上黎食飯~ 阿媽今日d食送...終於都正常番d~ 味道不錯... 阿哥今日成日都係o係屋企休息~ 訓o左好耐好耐覺呢... 踩腳踏機之前~ 諗住搵隻josh groban出黎聽~ 點知發現得個空盒...隻碟唔見o左... 搵整都搵唔到... 咁就算啦... 等踩完先再搵~ 聽住mp3先... 踩完之後~ 拎哂房d碟盒出黎搵... 結果~比我搵番notting hill之前唔見o左o既其中一隻~ 又搵返隻小玲... 真係好啦~ 而隻josh groban原來o係出面廳~ 嚇得我丫~ 唔見o左我會覺得好可惜... 難得有隻咁好o既碟嘛~ |
|
今朝一早醒o左... 都係o個個原因啦... 阿媽煲湯...o係廚房好嘈... 咁我咪嘈醒o左囉... 跟住老豆打電話返黎~ 話阿哥出得院啦喎~ 叫我帶d衫褲比佢...陪佢出院... 點知去到...都仲未走得... 一直等...等到一點幾... 覺得肚餓...就落去下面餐廳食野~ 食完再買上房比阿哥食~ 咁岩係交更時間... 唔入得房... 咁就打電話比阿哥~ 叫佢自己出黎拎啦~ 兩點半...終於都可以入去... 等到三點三... 護士入黎交代d野... 之後就落去交錢出院... 再去拎藥呀~ 登記排期返醫院check野咁... 四點左右~ 搭的士返屋企... 我有帶衫~有帶褲... 但就係諗唔起要帶埋鞋比佢... 搞到佢要著住拖鞋... 哈哈~ 樣子有點古怪... 今日我就利害囉~ 踩o左二千五百下腳踩機~ 成件衫濕o既程度...達百分之八十五.... 唉...咁膊...緊係有原因啦~ 因為我有食lunch嘛~ 而且仲食o左好多飯... 所以...點都要做番多d運動先得... 仲要堅持自己係連續咁做... 唔可以停低休息... 哈哈~ 覺得自己今次真係好勁... 四十分鐘不停咁踩喎... 夜晚...阿哥有兩個朋友上黎食飯... 阿媽d野唔好食已經係一個問題... d野凍o左...又係另一個問題... 味道太淡...以至冇咩人欣賞...又係另一個問題~ 食剩好多呢... 夜晚...有點無聊... 十點幾已經好悶... 唔知點好... 於是o係自己本記事簿度... 整起d無聊野上黎... 因為之前有一日好唔開心... o係上面寫o左幾行字... 點知寫寫下...比人叫o左去唔知做d乜~ 搞到之後冇feel再寫落去... 結果...o個幾行字變得好礙眼... 咁我費事隔o左o個頁唔寫野上去啦~ 我就搵o左言承旭張黑白相... 貼o左上去... 哈哈~ 咁就蓋o左d醜~ 丫...我記起一樣野... 就係呢... 因為言承旭... 我終於都學識o左打個"承"字~ 點解?! 之前我要打承字... 係會打"應"該個應字... 然後搵返個承字出黎... 哈哈~ 因為鐘意言承旭... 宜家會自動自覺打個承字~ 唔會再靠其他字搵返個"承"字出黎lu~ |
|
昨晚睇er~ 內容都幾悲下... 不過都好好睇~ 今朝十點左右起身~ 沖完涼...搞掂好哂... 就打電話去一間公司搵工~ 份工...係昨晚睇報紙o個時圈o既~ 咁今朝打去...佢o地話請o左人啦喎... 又會咁快o既...-_-" 之後~ 打比apple~ 原本只係諗住響幾下... 因為怕阻住佢做野嘛~ 點知...好快apple就接電話lu~ 傾o左大約半個鐘左右~ 知道冇事... 實在太好啦~ ^-^ 總算冇令人失望~~ 宜家apple返緊part-time~ 一日做幾個鐘咁... 都幾好丫~ ^0^ 哈哈~ 總好過我日日食"谷總"啦~ 唔得...要再努力d先得啦~~ 傾完...跟住就落細舖... 執埋d野~ 我諗...終於都要結束~ 根本就冇作為...哂時間~ 不過d野就未拎返屋企or處理好~ 哈哈~ 因為要等個重要人物~程程~ 等佢幫我拎返屋企嘛~ 哈哈~~ 之後行去中環買野... 經過間老字號陳意齋...買o左d婆仔野食... 係川貝舊陳皮... 記得小時候媽咪成日會o係呢間野度買d零食比我~ 例如有棋子餅呀~ 杏仁餅呀~ 中式o既糖果咁... 自從大個o左...都好耐冇買黎食lu~ 跟住...去o左間賣飾物o既舖頭... 諗住買返上一次睇過...但係冇買到o個個扣針~ 點知...買哂啦~ v_v 搵o左好耐...搵到d相似o既... 可惜...貴好多... 我諗我都唔會戴好多次... 都係貪得意...見去謝師宴... 買個扣針黎襯下衫... 依我記得...我好似未買過"扣針"呢一樣飾物~ 今次可算係第一次呢~~ 結果~ 我買o左個差唔多款... 細個d...同埋平d... um...都幾好睇丫~~ ^-^ 搭"叮叮"去灣仔... 交埋條衰線去電訊盈科... 哼~ 真係好衰o架~ 要我走多次... 交完...行去前d搭車去程程屋企~ 我費事上去佢屋企~ 自己又未食野~ 咁我就o係佢樓下一邊食野~一邊等佢啦~ 哼...一落黎就鬧交... 唔知係咪天氣熱... 個人都燥d~~ 丫~ 係啦~ 今日我落o左件背心... 外套都冇著... 見到自己對麒麟臂... 都覺得有點兒那個... 不過...真係熱嘛... 都唔理得咁多lu~~ 賣o左部samsung t108... 去返相熟o個間~ d人一見到我o地... 就話...又換o左電話...你o地都幾利害o架喎~ 哈哈~ 我諗...下次再換電話... 真係會係好耐o既事lu~ 因為8910太矜貴啦... 外型又咁pro~~ 應該唔會再為第二部電話心動呢... 搭van仔去旺角~ 周圍行...又係飲飲食食咁... 買o左枝香水版仔... 個樽幾得意... 味道亦不錯... 直到五點...我就搭車返屋企lu~ 程程就o係旺角無無聊聊~ 直到佢開工為止... 返到屋企...就踩腳踏機... 踩o左一千八百下... 全身濕哂......w_w 踩完就食飯仔~ 食完飯就沖涼... 爽呀~~~~~ 媽咪今日買o左兩件恤衫比我~ 因為我昨日同佢講我冇咩正常o既恤衫~ 同埋著黎著去都係o個兩件... 買o左幾件替換好d o既~ 佢今次少有地...taste幾好... d顏色同款都ok~ 真係好啦~ ^-^ |
|
今朝一早起身就打電話去電訊盈科~ check清楚要帶d咩野去交還番~ 因為張fax d字好細粒同埋唔清楚~ 咁我帶哂佢叫我帶d野去還啦~ 點知又話我欠一樣野~ 真激氣... 先頭o個條線我都有猶疑過洗唔洗還~ 但打電話去問...佢既然冇講~ 我就冇帶到啦... 搞到我遲d又要再去過... 麻煩~~ 真係好鬼想投訴佢... o係屋企出門口... 搭van仔去灣仔見工... 落o左車~ 行o左一陣就搵到lu~ 非常之容易搵~ 上到去...入o左一間大房填form~ 等o左陣... 都有幾多人去見呢份工... 個title只係"助理文員"o者... 分別有d中年o既光頭叔叔啦~ 著到好唔掂o既肥仔... 件恤衫著到黃哂o既後生仔... 當然亦都有斯文ol啦~ 個個坐哂o係度等叫名... 負責interview o個個人每見完一個... 都會送佢o地出黎...再入大房叫人... 之後帶佢o地去自己間房度in... 我坐o係門口... 好近距離見到佢個樣係點... 一睇... 心就諗...死火啦...又係佢... 唔會咁邪嘛~ 唔通佢係一個負責去各大小公司幫人interview o既~?! 心情...不禁灰了起來... 因為上一次我去見另一份工... 佢冇請到我... 估唔到咁"q"會再遇到佢... 終於...都輪到我入去in啦... 第一句...我就同佢講... 唔好意思呀...我想問下...我之前係咪見過你o架~? (超老套~~) 佢話...應該冇啦~ 我話...我上一次見工o個時~負責interview o個個人... 佢個樣同你個樣好似o架~... 佢話...我o係呢間公司做o左十幾年o架啦~ 唔洗怕喎...上一次o個個人緊係冇請到你啦~ 就係咁...開始o左我o地o既對話... 呢個過程~ 都幾流暢... 但係...佢後尾同我講... 其實見呢份工o既人有好多都有好好o既學歷... 而且有d人有經驗... 你冇...所以你好蝕底... 一係咁呀~ 我公司仲有第二個職位比你o既話... 你會唔會試下... 原來...係一個title叫理財顧問... 佢話要培訓...又要讀書... 問我今晚有冇時間去聽個講座... 因為今晚咁岩有個講座... 叫我試下去聽下...了解o左係要做d咩... 先再算... 咁我既然有時間...我就應承o左佢去聽啦~ 七點半...至九點半... 嘩...仲有咁多時間... 又唔多想返屋企... 費事返o左去...又再出黎啦~ 於是...我就o係麥記食野~ 食完野~ 再行去電訊盈科交埋d野~ (情況如上) 再去太古廣場行... 希望會買到件衫去謝師宴... 唉...之前已經同程程一齊去過無數個廣場~ 係咁搵...都搵唔岩~ too bad~ 我只係想要件黑色衫o者~ 都咁難... 唔要女人款...唔要太晚裝feel o個d~ 只係一件正常o既恤衫or something o者... 都搵唔到... 唉.... 去espirt...搵到件恤衫~ ^-^ 嘻嘻~ 可惜...試o左上身~窄o左d d... 再大一個size又冇喎... 太肥的關係吧~v_v 好失望咁走o左.... 搭巴士去中央圖書館~ 諗住去o個度上網~ 哈哈~ 終於都上到網啦~ check e-mail~ 有一百四十幾封... 好彩...都仲未爆a/c~ 百幾封入面~ 就只係五封左右係有用... 其實全部都係廢物~ 花o係delete o既時間都不少呢~~ 諗住上自己個網o個留言版度留言... 點知圖書館上網o個度有限制~ 去唔到留言版~ 咁我就留唔到言啦~v_v 但我check到日日都仲有人黎睇~ 真係好對唔住~要令你o地失望tim~ 因為我用hotmail o既a/c~ 我不嬲都冇整address book d野~ 只係記得棠棠個e-mail~ 咁我就send o左封e-mail同佢say hi 啦~ 程程昨晚激嬲我~ 明明講過要小心d"渣"車~ 要安全駕駛~ 佢衝燈... 你o地話我應唔應該嬲佢丫~~ 程程比我嘈佢...要佢下午陪我~ 要佢犧牲訓晏覺o既時間... 條友成兩點半左右先黎到圖書館搵我~ 跟住同程程周圍行~ 終於o係第二間espirt分店比我買到件衫~ so happy~ 跟住又去time square買o左條bell~ 程程又買o左個袋~ 條友又貪新忘舊lu~ 五點左右~ o係大家樂食o左d野~ 程程就要返工lu~ 我無無聊聊咁...o係page one睇o左陣書~ 慢慢行去聽講座... 去到樓下...仲未夠鐘~ 咁我就去o左百佳行啦~ 哈哈~ 上到去...得十幾個人聽... 一個後生仔...21歲... 已經做分行經理~ 好利害呀~ 講到好吸引咁... 其實呢一間公司o既前身係加怡保險~ 宜家有澳洲銀行注資... 所以改o左名... 聽完之後~ 我都冇咩感覺~ 只係知道...仲要聽多三晚... 唉...咁多晚... 比阿媽知道我去聽d咁o既野~ 實唔比我去啦~ 所以...都係放棄o架啦~~~ 程程一聽到我話係理財顧問o個d野~ 佢就學我講野咁講... 話...你比哂d錢我先啦~ 又或者...一係唔好食飯啦... 咁咪慳錢囉~~~ (大家應該體會唔到呢段野o既意思o架啦~ 不過我同程程明咪得囉~哈哈~) 其實...要做理財顧問~ 要考試拎牌o架~ 一聽到呢度...我真係有d卻步~ 因為...要讀返書~ 對我黎講~真係一件好難o既事~ 叫我學畫野o既軟件呀...就話有d把握o者~ 要讀書...真係死火o架~ v_v 今次見工o既經驗其實幾好... 臨場發揮...比我諗到我平時我諗唔到點答o既問題... 就好似...佢問我做咩唔搵返design o既工作黎做~ 咁我就答佢...我諗design係我o既興趣~ 我唔想為o左取悅個客而設計一樣野出黎~ 經過之前o個半年o既工作經驗~ 我覺得我自己o係工作上o既設計~ 比起我平時自己鐘意而create出黎o既野距離好遠... 相信我自己可能唔係太適合o係呢一行發展~ 不過...我相信...如果你請我o既話... 我絕對有能力去處理呢一份工作... 哈哈~ 覺得呢一段野...都岩我下次interview用~ 好好記住先得~~ 我去聽呢d講座... 費事比屋企人知啦... 於是我只係同我阿媽講...話我今晚同d舊同事食飯~ 返到屋企...講起今日見o個間公司係做保險... 跟住講講下...阿媽幫我打比表姐... 問下佢間公司請唔請人... 因為我表姐o係國衛度做...都好高級下...話得事咁~ 於是...佢就話幫我留意下啦... 講開又講... 其實我搵工...真係好多人幫到我~ 應該唔難... 問題係...我"渣"唔定主意o者~ 我怕我會入錯行... 我想...做一份工...係會長做落去... 唔係做一兩個月...覺得唔岩自己就辭職o個d~ 唉... 今晚的起心肝...幫涕涕沖涼... 佢身上頑固o既污漬~ 沖完涼...果然係乾淨o左好多~ 記住...係乾淨o左好多... 即係話...唔係完全乾淨哂... 只係比未沖涼之前好少少咁啦... 哈哈~ 今晚行去聽講座之前~ 有個女人...迎面用好迷惘o既眼神望住我~ 我以為佢想問路啦... 點知佢行到埋黎...用隻手捉實我衣袖~(我著o左件中袖恤衫) 我見唔對路...咪"fing"開佢隻手... 好快咁行前囉~ 哎呀~ 真係比佢嚇一嚇... 恐怖呢...v_v |
|
今朝十點起o左身~ 開電腦整d價錢牌出黎~ 再cut好一張張... 之後先落舖頭~ 哈哈~ 落到去都十一點幾lu~ o個個話幫我買金木條友, 今日企o左o係我間舖門口o既display位~ 由於我係打開門, 佢企o係度點煙食, 吹哂d煙味入黎, 於是我就即刻好大力咁關埋門...再開返, 佢應該意會到我o既不友善態度, so~ 佢走開o左... 佢真係實在太過份啦... o係舖頭悶到死~ 訓著o左一陣... 哈哈~ z_z 書又唔多想睇~ 雜誌買o左本...好快咁睇哂... 丫...講開又講~ 本雜誌係好大本o個d~ 我都唔記得睇下本雜誌叫咩名tim~ 睇報紙...圈o左幾份工~ 打電話去問... 有一份叫我去見... 係o係灣仔o架~ 助理文員... 好近呢... 其他o個d...一聽到我話20歲就話我唔適合... 其實...我想做文員... 因為時間穩定d~ 如果做表姐賣牆紙呀~瓦專o個行~ 星期日冇得休息... 不過...表姐都冇聲氣覆返我~ 但阿哥聽到我搵表姐o個d~ 佢就話...搵o個d就早出聲啦~ 佢識o個d人...可以幫到我搵喎~ 程程昨晚兩點幾收工~ 三點幾訓覺~ 今朝六點半就起身ot~ 之後直踩到今晚兩點幾... 好辛苦呢~ v_v 瘦joe打比程程~ 叫佢讓聽日ot o既機會比佢~ 丫~呢期唔知點解個個都咁等錢洗o既呢~ 瘦joe都開到口~ 咁程程唯有應承佢啦~ 雖然會損失500蚊, 不過程程都實在需要休息~ 如果聽朝又六點幾起身直踩o既話... 真係怕佢頂唔順... 一日訓得o個3個鐘... 黑眼圈同眼袋都大o左好多呢~~v_v 咁聽日佢唔洗ot~ 佢就可以訓下晏覺tim~ 嘻嘻~~真係開心啦~ 今日三點左右就返o左屋企~ 一邊睇電視~一邊踩腳踏機~ 今次係連續踩o左半個鐘~ 總共踩o左二千四百下~ 利害吧~~~~ 全身都出哂汗... 好恐怖呢~ 對於自己... 我覺得我一d都唔積極... 其實...可能係我太多野諗.... 決定唔到自己做邊一行~ 好怕當我見到份文員... 之後有份design工... 我怕我會後悔~ 而且~ 我唔係一個好識講野o既人~ 我覺得如果要向老闆講辭職跟住做第二份工~ 會係幾衰咁... 唉...實係唔知點好... 下午睇雜誌睇到盧巧音o既訪問~ 睇到眼濕濕~ 呢編訪問唔係以盧巧音第一身黎講... 而係以佢隻貓o既身份黎講... 好感人呢...t_t (touch touch)~ 宜家我好嬲... 岩岩收到個壞消息... 我都唔明點解你咁白痴.. 成日渣車懶係醒咁... 學人o地衝燈...比人影快相~ 今日辛苦咁ot~ 即係白做啦... 唉...冇野好講呀~ |
|
昨晚等程程沖完涼... 都成十二點九~ 佢條友仔o係廁所搞咁耐... 唉...原來發生大穫野... 就係整塞o左個廁所~ 去一出到黎講比我聽... 我就煩囉... 入去睇... 嘩...好恐怖... 我用泵黎泵...都冇退水o既跡象~ 唉...都唔知點好... 算啦...唔理住... 去沖涼先啦... 沖完涼...好似退o左好少好少... 入返房叫程程搞掂佢... 哼~必要時...要佢用手申入廁所... 諗起都恐怖呢~ 掙扎完一輪...都冇咩進展... 正當準備叫佢申手入去o既時候... 佢再泵多幾野... d水終於都退啦... 唉...真係一額汗... 佢洗完手...放返好d野~ 大力到死~ 整到好嘈... 結果比我鬧佢... 佢發脾氣返入房"come"埋張被...被住個頭~ 之後我冇理佢...去阿哥間房度訓~ 點知張床放o左"超超"同"程程"o係度~ 搞到我又要搬佢o地落地下... d膠袋聲又嘈喎... 老豆同阿媽應該比我嘈醒o左lu~ 訓o左上床~越諗越激氣~ 去搶o左程程個枕頭訓~ 而佢就用個漏o左氣o既喇叭枕頭~ 哼~又係佢自己講...唔洗枕頭都訓得著o既~ 我自己好耐都未訓得著... 得閒到...o係心入面背心經... 最搞笑係背唔出全部心經o既內容... 睇黎我有時間要睇下先得啦~ 照理程程訓著o左~ 會有鼻鼾聲... 到我訓著...都未聽到佢扯鼻鼾... 我心知佢可能訓唔著o架啦... 到今朝...我已經一早起o左身~ 七點幾就過去比番個枕頭佢~ 見到佢連喇叭枕頭都冇訓... 就咁訓直o係張床度... 仲好快拍得醒佢... 咁即係証明佢冇覺好訓啦~ 一比返個枕頭佢~ 過o左一陣~就聽到佢d鼻鼾聲lu~ 我食完早餐~再睇埋報紙~ 跟住都係返o左入房訓~ 唉~自己都訓得唔好嘛~~-_-" 訓到十點半左右~ 就去沖涼... 見阿媽冇野做~ 幫佢敷o左個eye mask~ 到十二點~我o地就出o左去買野~ 留低程程自己o係度訓覺~ 十二點四左右~ 我o地就返黎lu~ 叫醒佢... 佢話頸緊喎~ 用d熱水幫佢敷頸~ 再搽d安美露... 總算係好返d~~ 我就慘囉~比我老豆同阿媽話我... 話我變態~唔比枕頭程程訓...v_v 哼~ 其實我係特登o既~ 鬼叫佢臨訓都整嬲我~ 熄o左燈之後~ 我仲亂咁抓o左佢個頭同塊面幾下~ 哼~ 知我利害未~?! 拿拿臨...佢搞掂好哂~ 都要成十二點九先出門口~ 我用盒新o既eyeshadow~ 效果幾好...但可以再好d~ 要慢慢掌握先得~~ 佢老豆打黎話一點鐘o係食飯o個度等~ 我o地一點四左右先到... 叫o左好多野食...雖然唔係咁好味~ 但係好平~ 成"台"都係~食送~~都只係三百幾蚊~ 一個字~~~抵"~ 食完...我o地去又一城... 哈哈~ o個度有biotherm專門店~ 要去換野嘛~^-^ 丫...去到...原來男仔o既會比返男仔用o個d~ 女仔會比女仔用o個d~ 等我仲諗兩份都可以我用哂tim~ 但唔知點解咁唔公平~ 男裝o個d大枝少少~個包裝又靚d~ 有個膠袋裝住一set咁~ 而女裝o個d只係一枝枝分開...冇野裝住... too bad~~ 哎呀~ 我今晚仲發現到樣野~ 原來本書仔入面...仲有其他野換... 又會咁都睇唔到o既~ 知道今日換埋啦~ 蝕o左tim~ 哈哈~勁婆仔~~ 行o左好耐...買o左件衫~ 不過都未揀到去謝師宴o既衫... o係log-on度買o左個紮辮o既頭飾... so happy呢~~ 臨比錢...o係cashier度有朱古力... 好似幾好食咁... 買o左包黎食~ 好味呢~~ regene o個度... 原來星期日休息~ 車~咁好心佢張coupon就唔好寫住個deadlin係18號啦~ v_v 昨日幫程程影o左張戴黑超o既相~ o個feel勁似未來報告張poster o既造型~ (當然唔好理個樣係點啦~) 但唔知點解...我即刻諗起職業特工隊首音樂~~ 幫佢set o左做bg~ 今日仲癲到用電話入面o既錄音功能... 錄o左我哼出黎o既職業特工隊o既音樂~ 勁邪惡~ 笑到我o地死咁滯~ o係百佳買o左d好迷你o既乜乜批... 十蚊5件... 凍o左d味道都ok~ 我諗如果熱o既話...會仲好食~ 五點幾就返屋企lu~ 因為由四點幾開始...就已經比阿媽吹住哂~ 驚死我唔拎飯比阿哥食咁... 老豆阿媽今晚佢o地要去食盤菜... 咁我之前咪應承佢o地我負責帶飯去比阿哥囉~ 六點左右~ 我已經就返到屋企~ 同佢o地嘈o左幾句~ 咁係丫嘛~ 返到黎仲同我講...我o地都唔係吹你... o個下先氣頂嘛~ 佢叫我食飯先去... 唉...唔好啦...拎埋比阿哥返黎先食好過... 我連野都未放低...就同佢o地一齊出門口... 咁阿哥叫我幫佢買東touch~ 我一手拎住袋飯盒...一手拎住個腰bag~ 咁要拎錢出黎...咁我咪"q"住袋飯盒o係手度囉~ 跟住佢o地見到我咁... 佢就行埋黎同我講...d湯就黎倒瀉啦~ 哼~我個手諗...你o地見唔到我拎住好多野o架咩~ 唔"q"o係隻手度點拎錢出黎呀~?! 又邊有手拎住本雜誌呀... 總之就激氣啦~ 上o左車~ 即刻打比程程發牢騷~ 去到...見阿哥個樣好辛苦~ 佢話d止痛針好似已經冇咩效咁... 唉...可能佢打得太多~ 身體上...已經習慣o左... 所以冇咩效... 食食下飯...小芬黎睇佢... 等佢食完飯~ 我就拿拿臨走lu~ 怕阻住佢o地傾計嘛~ ^-^ 出門口o個時條氣頂住...唔記得o左拎張fax比阿哥簽名~ 要交返寬頻部機...就要填返d資料~ 唉... 阿媽鬧住叫我帶傘~ 但我同佢鬥氣~ 所以死都唔帶~ 佢同我講~ 一陣落雨你就知死~ 點知...當我走o個時~ 真係落大雨... 唉...一見到van仔~ 即刻衝出去... 但都濕哂.... 上車冇幾耐~ 見到個小學同學上車~ 對望o左一眼... 不過都冇相認o既意思~ 返到屋企...打開個蓋... 睇下留o左d咩比我~ 真係大開眼界... 一碟好似比狗食o既飯... 三舊雞...(冇咩肉食o個隻)~ 一碟菜... 我見到真係唔多想食... 好多朋友都知我食菜鐘意食菜葉...唔鐘意食菜"逛"~ 唉...估唔到對o左我成廿年o既阿媽...竟然唔知... 佢偏偏留哂d菜"逛"比我食~只得少量菜葉... 於是~ 我咬o左幾啖雞... 食o左d菜葉... 其他d飯呀~ 菜"逛"...我都倒哂... 因為我真係食唔落d狗飯囉... 老豆阿媽同三舅父舅母去完食盤菜... 之後手痕...去o左三舅父屋企打麻雀~ 見佢o地咁夜返... 就叫程程買糖水比我食啦~~ ^-^ 十一點九o個時~ 佢已經送o左碗勁好味o既幻彩明珠上黎lu~ 唉....都係程程最鍚我... 今晚有埃及王子睇~ 呢一套戲...我上次o係戲院睇過... 仲係同teresa一齊o係皇室睇o既tim~ 事隔幾年...宜家重播... 都係咁好睇~ 畫得好靚...劇情又好 尤其係摩西o係海度分出o左條路比佢o既百姓走o個度 ~ 實在太好啦... 又感動喎~ 唔知你o地有冇睇呢~? 仲有...teresa如果有再睇o既話... 唔知佢唔會唔記起我呢一個人呢... |
|
昨晚程程好忙... 冇乜點傾電話...我就訓覺lu~ 睇o左陣"交換日記"~ 內容好鬼抵死搞笑... 如果我有錢o既話... 我諗我會買返之前o個d交換日記黎睇~ 因為我宜家睇緊o個本係第六輯黎o架啦~ 今朝九點左右就起o左身~ 十點幾先落舖頭~ 阿媽九點幾o個時已經落o左去先lu~ 話說會有人黎睇舖...諗住租喎~ 點知我落到去.. 十點幾十一點...咪又係冇人黎睇... o個個人同老豆傾o個時~ 仲話會十點鐘就睇... d人真係鐘意講大話... 唉...終於都比我發現話買塊金木... 叫我包好哂...但佢又冇黎拎o個個人係邊個黎啦~ 佢原來就係o係我間舖仔o既附近開舖o既~ 咁岩今日比我遇返佢... 我十分肯定o個個人就係佢... 太過份啦...-_-" 咁我又冇理由行埋去同佢講... "先生~你上次話幫我買o個塊金木... 我已經包好o左啦...你係咪買o架"咁問咩~?! 到十二點左右~ 有個人入黎買野... 做o左十蚊生意... 一大進步啦~ 由兩蚊去到十蚊... 雖然...係隔o左幾日...v_v 一點左右~ 程程終於都過到黎... 佢就誇張囉~ 岩岩上個星期買比佢個袋... 佢竟然裝滿哂... 搞到好似去旅行咁... 帶o左兩件衫...又有制服咁... 重到死~ 之後我o地去o左後面間茶餐廳食野~ d餐相當抵... 20蚊有意粉, 牛油麵包同埋野飲~ 食完都不知幾飽... 跟住返番舖頭悶... 我就睇下書...佢就打機... 無聊到四點左右~ 我o地就搭車去灣仔lu~ 哈哈~ 我終於都追返一千蚊o個條數啦~ 雖然~ d錢唔係欠我... 只係我幫佢儲住先o者~ 嘻嘻~~ ^=^ 去到灣仔...又因為一d事而當街鬧起交上黎~ 又雖然...佢冇駁我...由得我o係度鬧... 後尾...都總算係好返... 其實~我o地係想去美食博覽~ 點知聽到d人o係度用"大聲公"講... 話...未買飛o既話...大約要等兩個鐘先入到場... 嘩...我冇聽錯呀嘛...兩個鐘咁耐... 我o地原本o係地利店都已經想買飛o架啦~ 但係賣哂... 於是咪諗住去到會場先買囉~ 估唔到...多人到咁誇張~ 而我想買燕窩月餅食o既夢想...亦都隨之而幻滅o左~ 唉........ 咁大家又會話...又唔係只係得美食博覽有得賣~ 出面街都有啦~ 但係...我覺得...o係出面買o既心情...會食唔同o左囉... 行去銅鑼灣...天氣太熱... 同埋程程著o左件背心加外套o既關係... 熱到佢出哂汗... 咁我就比o左五分鐘時間佢入廁所換衫啦... 成個人即刻爽哂~ 緊係啦...波衫丫嘛...哼! 最憎著波衫o既人... 去睇楊千嬅萬紫千紅演唱會... 咁諗住去百佳買定d野似... 費事去到會場先買咁貴啦... 點知...去到o個陣~ 見到附近開o左間地利店o既物體~ 唉...得個拎字... 好彩o既係...拎o個個唔係我o者~ 丫~ 今日o係日本城買o左副麻雀... 咁下個星期程程黎舖頭陪我o個陣~ 我o地就有d野玩下lu~ 價值係十蚊...而我今日所做到o既生意...亦係十蚊... 即係白做... 買o左張六合彩~ 諗住頭獎實係我中o架啦~(幻想中)~ 夜晚返到去對...唉...兩個半字... 連保本基金都仲未中得返...~.~ 上次去regene買野~ 比o左張100蚊o既caupon我... 到期o既日子係聽日... 咁我同程程就諗住用o左張coupon啦... 但上到去...已經關o左門... too bad~ 或者聽日再去過啦... 去samsung拎返部電話~ 佢o地可能知之前o個條天線o既質地唔好... 今次換o左另一隻物料... 收o左我50蚊~ 第一次打電話去問..就要差唔多二百~ 到上次放低部電話比佢換...佢就話大約一百~ 到今日去拎...只係50蚊~ 抵呀~~ 我諗可能係太多人去換... 明知係自己公司唔好...所以先收咁平~ 整好條天線先賣... 價錢都高d啦~ 如果拎我原本整到黑哂o既白色天線去賣... d人一定會"禁"低個價啦... 我先唔會咁蠢... 六點鐘左右~ 見時間差唔多..就去食野啦~ 食完...時間尚早~ 就去返city super行... 見到個輕便袋...幾岩程程用... 岩岩好可以放電話同埋銀包鎖匙咁... 一百三十蚊...唔係好貴... 不過都冇買到... 下期先再買啦~ 程程乜都有帶齊...唯獨是冇帶佢整頭o個d髮泥... 咁佢不嬲都想試下用vs o個隻髮泥... d味道好香o架~ 好似幾正咁... 但係要成七十蚊一盒...都幾貴下... 所以都未買過黎用~ 咁我今次就豪比佢啦... 費事聽朝冇野整頭...樣衰懶o左我~~ 而我自己都買o左盒eyeshadow... 係一盒全面o既eyeshadow... 全面唔係指多顏色~ 事實係佢o個3種顏色...要互相配合咁黎用... 第一要搽o個層...係膏狀... 第二就係搽白色~ 第三就係搽粉紅色~ 之前我搽親eyeshadow總係覺得有d怪怪o地咁... 原來...就係欠缺o左第一層膏狀用黎打底呢一步... 哈哈~ 我又學多樣野lu~ 不過我都仲未正式試...聽日先試~~ ^-^ 時間差唔多...就搭巴士去紅磡lu~ 塞o左一陣車~ 去到都係八點左右~ 買o左一枝閃燈棒... 入去坐低o左... 見到好多人都拎住枝好靚o既閃燈棒~ 搖o個時...會有幾種顏色o架~ 好想要.... 於是程程又走返去買比我啦... 但係...佢買返黎o個枝~ 始終冇人o地o個枝d顏色咁靚... 佢話下次演唱會先再買過比我... 等到八點九先開場... 今次...有少少失望... 揀歌揀得唔係幾好... 千嬅有幾個look都好唔掂... 真係比佢嚇親... 以一個可以o係紅館開得演唱會o既歌手黎計... 我相信都唔差在花多d錢o係形象上面啦~ 換o左好幾套衫~ 得兩套較為似樣~ 而最搞笑唔係"我愛豬腸粉"~ 係林海蜂o既...人o地話楊千嬅係小富婆, 其實我話佢係死八婆~" 加埋佢o個d語氣... 呢一句~ 全場d人聽完都笑... 真係好頂穩~ 睇完出黎都十一點半左右~ 咁岩又落雨...好多人塞哂o係度又唔行~ d車站又排到亂哂龍咁.. 返到屋企都十二點二lu~ 贊助千嬅演唱會o既biotherm~ 入場o個時派o左本書仔~ 入面有張coupon~ 可以去biotherm換d試用裝~ 聽到其他人睇到之後~ 都話會去換... 哈哈~ 等我o地又去換先~ |
|
雖然是一間沒有裝修, 沒有任何陳設的簡陋舖頭, 莫說一個招牌, 甚至一部冷氣也沒有... 就是這麼一間什麼都沒有的舖頭... 看到好幾個人...經過停了下來看... 他們看完之後都會搖搖頭, 那究竟代表什麼意思?! 是不滯的意思嗎? 可是又沒有人用槍指著你看, 幹嗎要搖搖頭, 令我覺得很費解呢... 昨晚...程程激嬲我... 哼~ 為你著想先管你呢樣管你o個樣... 如果唔係...啋你都傻啦~ 昨日拎起部衣車o個陣~ 可能拉傷o左隻手咁... 有d怪怪o地...好唔自然... 唉...希望快d冇野啦~ 星期日...程程老豆請食飯~ 哈哈~ 佢生日嘛~ 程程要返夜... so~ 我o地食lunch慶祝啦~ 今朝起身~ 落去開舖之前cut o左中銀個a/c~ 拎返d錢~諗住存返入恆生~ 不過都係冇咁做到... 放o係銀包就算lu~ 下午試下去附近買ink~ 因為部printer已經話咁快又冇墨lu~ 終於都搵到間有得賣... 60蚊o既代用墨... 比灣仔貴o左少少~ 但係計埋車錢~ 咁又係差唔多...^-^ 四點鐘...行去洪葉幫阿哥買村上春樹本書... 雖然我未睇過村上春樹d書~ 但係我深覺得...佢d書應該幾有深度... 所以...我遲d有機會一定會拎阿哥o個d黎睇下~ 去到睇o左一陣... 我順便買o左本徐玫怡同張妙如o既交換日記黎睇~ 都好耐冇睇過徐玫怡d書lu~ 記得上一次睇...都係好一兩年前o既事~ 當時我睇完覺得好有趣... 仲送o左比一個人睇tim~~ 跟住返o左老豆大舖頭坐o左一陣~ 等埋媽咪返黎~ 我o地就一齊返屋企~ 返屋企之前~我o地去埋惠康同百佳買野~ 滿載而歸咁返去... 之後...就煩囉~ 比寬頻o個度煩死我... 個女仔猛同我"咬"話我未cut寬頻... 但未cut...咁我又上唔到網~? 搞完一大輪... 話要成九月十一號先可以黎幫我裝3m~ 唉...點死...成個月之後.... 真係夠哂慘囉... 夜晚同阿媽去醫院~ 搭著一架勁恐怖o既van仔~ 呢一架van仔...有d甩"碌"o既危險~ 我o既自然反應就係死都"蚊"住架車o既扶手位... 總算...無驚無險落o左車~ 帶阿媽行條快d o既路上去探阿哥~ 哈哈~ 放低d書同埋包煙比阿哥~ 佢好快咁食完飯~傾o左陣寬頻o既野... 我o地就走lu~ 浩然今晚都有黎探阿哥~ 佢o係下面飯堂食野~ 話d飯好大碟...佢食o左半碟就食唔落~ 我就話我成碟都食哂~ 哈哈~ 好大食呢~~~ 返到屋企~ 再打電話去網上行o個度~ 終於...呢一個人d態度先似樣o架嘛~ 佢証實o左我個寬頻已經cut o左~ 話之前o個位同事check o個d資料有d問題喎~ say 哂sorry咁... 雖然...都係要9/11先上到黎同我裝3m~ 但係...搞清楚哂所有野... 知道跟住點做... 起碼都心安d嘛~ 我仲問o左呢個人叫咩名~ 我諗住寫信去讚下佢d態度~ 媽咪今晚打比表姐... 叫佢幫我睇下佢o個行請唔請人... um...都冇所謂o既~ 經過幾日...我都係覺得... 宜家醒醒定定~搵到份工最實際~ 理得佢係咩工~ 總之做住先啦~ 都成個星期冇上網~ 唔知我o既朋友仔黎到呢度... 見我冇update~ 唔知會唔會有d失望呢~? 而呢度閱覽o既流失率... 會唔會高達百分之八十呢... 好可怕啊~!! |
|
今朝十點鐘...老豆叫我起身~ 咁我一起o左身...入o左廁所... 佢就走lu~ 咁但係我仲好眼訓... 於是我就返上床再訓啦~ 訓到十一點三左右再醒~ "也也烏"咁落舖頭開舖... 今日除o左帶收音機...帶報紙...帶o左樽水... 仲帶o左本word finder玩... 點鬆d...媽咪買o左飯盒同埋買o左樽礦泉水比我~ 幫佢填埋張股票... 佢就走lu~~ 唉...昨日冇黎拎金木o個個人~ 今日都冇黎... 算啦...我聽日都係要拆返d包裝掛番起佢... 等我仲包得咁好...諗住方便佢拎tim~ v_v 下午...玩o左幾個word finder... 實在悶得很利害... 腰酸背痛不單只...仲搞到我精神錯亂咁滯... 唉... 到五點鐘...我就關門返屋企lu~ 行o個條樓梯街...行到氣都咳埋~ 跟住返到屋企...我突然好想踩腳踏機... 於是踩o左十分鐘... 出o左一身汗... 我諗我今晚會好好訓呢... 肥仔原來係三月九號生日o架... 哈哈~ 咁岩係同棠棠同一日~~ 其他o個d係幾時生日~ 真係要慢慢搵返出黎先知lu~~ 丫~ 諗起一樣野... 以前...程程曾經為我學整o左一個好簡單o既網頁... 向我表白同慶祝我生日... 但宜家...佢唔會再為我做d咁o既野... 佢亦好耐冇花心思去tum我... 其實...我好懷念o個一d日子.. 有人欠我一千零三十蚊... 呢一條數~ 我一定要追到手~哈哈~ 中銀遲d唔夠5000定3000放o係銀行~ 每個月會扣五十蚊手續費~ 哈哈~...我個戶口不嬲都唔會有咁多錢~ so~ 我諗我要去cut a/c先得lu~~ 阿哥原來係個肝有d事... 起碼要o係醫院住到九月頭... 實會好悶o者...-_-" |
|
晴天的日子裡... 我們都會不記得下雨天所帶給我們的狼狽... 就像快樂的日子裡... 我們都不會記得失落悲傷令內心淌血一樣.. 晴天陰天...我們都曾一起渡過... 快樂不快樂...你我都曾嘗透... 在我們的愛裡...甚至有過甜酸苦辣的味道... 嘗盡了...味道變淡了... 可是...我們卻很滿足... 歸於平淡...有誰不想?! |
|
今朝...都係十點幾先醒... 我覺得...我如果真係可以由我訓o個刻起計... 直至訓到十點幾... 我諗...我真係會好夠訓... 但係...朝朝都比屋企人行黎行去嘈醒哂~ 結果...咪唔多夠訓囉... 早o既可以好早...早到六點幾就會嘈醒~ 遲o既...都係八點左右~ 不過宜家係非常時期... 我係唔應該埋怨...^-^ 大事為重嘛~~ 十一點幾落到舖頭~ 小說就記得帶落去... 收音機都記我帶... 就係唔記得o左帶報紙... 唉...報紙至少都可以睇半個鐘至一個鐘~ 而小說睇一陣就會想休息一下... 磨唔到咁耐... 更何況...本小說我都睇過無數次... 內容點樣發展~ 我都"料"如指掌... 所以興趣都不其然大為減退~ 本來...諗住去附近一間書店度租書睇o既~ 但係...費事哂埋d無謂錢啦... 所以由得自己悶就算... 聽收音機...朱茵唱歌已經唔討好o架啦~ 人唱佢又唱... 但鬼叫佢個男朋友係阿paul咩... 佢仲要學人唱d rock味勁重o既歌~ 完全唔襯佢...好恐怖呢... 相反...盧巧音唱"很想當媽媽"就極之討好... 先頭聽o個時...仲以為係邊個唱tim~... 屋企樓下附近有間文具店... o個度養o左隻肥貓~ 佢成日爬上門口display玻璃架上面.... 第一次經過o個時見到佢定o左o係度... 之後佢郁o左一郁...真係比佢嚇一嚇... 可能係太累o既關係... 我兩點幾o個陣~ 坐坐下都恰著o左~ z-z 好彩冇比人偷野o者~ 因為我打開門o架嘛~ 好易比人走o左入黎我都唔知... 之後三點幾有人入黎... 話買塊金木...400蚊... 佢叫我包起佢...轉頭飲完茶黎拎... 唉...等下又一個鐘... 等下又一個鐘... 到五點幾六點都仲未黎~ 咁我就走lu~ 呢一日...係我開舖開得最耐o既一日... 最慘o既係...話黎買又唔黎... d人咁無聊o架... 害我仲包好哂... 麻煩... v_v 等我仲諗住可以做到400蚊生意...咁好成績tim~ 點知...最後都係得個吉~ 今晚食完飯~沖完涼... 打電話比kenny~ 麻煩佢幫我留意下有冇工岩我做... 跟住傾起danny~ 佢話宜家佢一身蟻~ 我臨走之前冇幾耐~佢請o左個叫barton o既人~ 佢好唔掂o架~ 又擦鞋喎~ 當時我o地o係公司做o既人...都冇人鐘意佢~ 佢只係識用把口講~但又唔識做~ 就連打字都唔識~ 終於...danny發現佢係一個廢人... 炒o左佢... 點知...佢周圍告阿danny~ 去海關告佢用翻版軟件~ 又去老廉度告佢~ 又去勞工處告... 唉...早知今日~ 何必當初呢... 請一個廢人...結果搞到自己一身蟻~何必呢.... 好彩昨日我同阿哲冇上去舊公司咋... 如果唔係...實做炮灰都似... 今日睇新聞... 宜家d人真係好癲... 癲到索玻璃粉... 唉...點解世界會變成咁... 咁第時咪鐵粉呀~ 膠粉都索一餐? 究竟係邊個o既錯~? 阿媽今晚煮飯... 煮埋帶比阿哥食~ 哈哈~ 阿哥食到一粒飯都冇剩... 屋企飯...點都好食過醫院飯o既~~ |
|
唉...相信大家要等多一個星期左右... 我先可以上番網~ 不過為o左keep住呢一個日記... 我會諗辦法搵地方上網upload.... 忍耐下吧...v_v 我今日打電話比佢confirm聽日幾點上黎裝3m~ 佢話為o左拎多d優惠比我~ 所以要耐d~ 最快會o係八日內幫我搞掂... 咁我話...八日咁耐...有d咩優惠呀? 佢話免交屋企一季o既電話費喎~ 咁我就話...可唔可以唔要... 佢話...咁最快都要五日... 唉...真激氣... 仲要係星期日九點至十一點... 等我想訓晏d都唔得~ -_-" 昨晚好叻...十二點就訓得著... 哈哈~有進步~ 係好事黎o既~ ^-^ qoo檸檬味有新廣告... 哈哈~ 係上次睇東touch...介紹日本o個邊d qoo廣告... 程程話最搞笑o既o個一個~ 佢叫我錄比佢睇喎~ 哈哈~ 等我諗下先啦~ ... 今日媽咪講...大廈要夾錢裝修... 要將d簷蓬拆哂喎~ 唉...怕跌落黎整親人喎... 香港人就係咁...冇出事...就冇人理~ 一出事...就即刻要拆野... 程程家姐前日岩岩o係台灣返黎~ 今個星期六又出團...去"絲綢之路"~ 嘩...一聽...就知道辛苦啦~ d路好難行... 不過聽講宜家開發o左... 應該冇咁辛苦喎~ 哈哈~ 我叫佢記得叫佢家姐買d特產比我~ 丫~ 買條絲巾都唔錯~ 哈哈~ 程程今朝又要做part-time~ 以為要做全日... 點知只係需要做半晝咋~ 但都好o既...太累...怕佢支持唔住... 返屋企訓下...先再返工...點都好d~ 昨日我去百佳...諗住幫佢睇下d力保健有冇特價... 因為如果佢太累...冇精神o既話... 飲一枝力保健會好d~ 會醒神d~ 咁見到有特價...就叫佢自己去買啦~ o係七仔o個度買...差唔多成十蚊枝~ o係百佳都係13.8兩枝... 抵幾多呀~~ 今日成十二點幾先落舖頭~ 坐o左一陣~ 寫o左d價錢牌... 希望人o地睇到咁平...會入黎買啦~ 坐o左一陣...到兩點左右~ 我就去老地方會阿哲啦~哈哈~ 佢今日拎返部衣車比我~ 傾到三點幾...就送我去搭車... 我o地都傾o左幾多野... 好開心... ^-^ 返到屋企~ 都四點左右~ 我無無聊聊...就o係度執下屋企o個幾個針線盒~ 好鬼亂...d針放得好危險... 咁我就即刻縫o左個"吉"針o既包包~ "吉"好哂d針... 掉o左d冇用o既線咁... 到媽咪返到黎... 佢同我講...阿哥真係想去讀書... 一係去英國~一係去美國~ 最差o既...係去台灣... 佢仲話...如果一去讀... 就唔會再返黎~ 會o係o個邊搵野做... 聽完之後...很難過... 雖然我知道呢一個決定...對佢黎講~ 係一件好事... 但係...我o地屋企人...會好唔捨得~ 佢返上大陸做野~ 一個星期落黎一兩日~ o係我o地心目中...佢都o係我o地身邊... 但係一年先會返黎一兩次... 離我o地咁遠... 真係會好掛住佢... 我宜家...深深體會到athena o既心情... 實在唔知道應該點樣去面對... 不過...一切都未定... 出o左院先再算... 今晚~ 阿媽煲o左湯... 又買o左盒海南雞飯帶比阿哥食~ 哈哈~ 幾好胃口咁... ^-^ 老豆叫阿媽煮飯... 話我成日冇餐飯食喎... 蒸o左半邊雞...又有外表有d奇怪o既咸蛋食~ 雖然並唔係大魚大肉... 但係...已經好滿足... 食完飯... 幫老豆改褲腳... 正當我就黎改完o既時候~ 就比orange d人煩住哂... 打黎推廣什麼什麼計劃... 最慘係佢不停咁重覆... 我費事煩~ 是但join o左... 之後佢再打電話比程程... 同佢confirm~ 哈哈~ 因為係佢比錢o架嘛~ 唉...大口仔風扇同涕涕膠扇... 唔知係咪血脈相連... 竟然連大口仔風扇都壞埋... too bad~ 食車厘子... 唔小心吞o左粒"核"~ 怪怪o地咁... 丫~唔知會唔會o係身體入面生車厘子樹呢~~ 哈哈~ 程程今日五點半唔知醒~ 平時...我多數會打電話比佢嘈醒佢~ 但岩岩有d野做緊...冇打電話比佢~ 直到五點八...我心血來潮... 怕佢未起身~ 咁就打電話比佢啦~ 點知...打o左兩次都冇人聽... 我以為佢整緊頭~所以冇聽到電話~ 過o左一陣~我再打... 佢話...佢岩岩醒~ 就係比我頭先o個兩次電話聲響醒~ 冇佢扶... 好彩我醒目咋~ 如果唔係...佢遲到就死火囉... 聽日佢下午又有得做part-time~ 真係好啦~~~ 今日o係街度.. 見到有兩個人拎住兩隻大o既blythe... 可惜我意識到係blythe o既時候... 佢已經背住我lu~~ 睇唔到正面blythe o既樣... 哎呀~~~ -_-" 錯過o左... 昨晚睇ally~ 戲入面o既elaine...真係瘦o左... 仲表演o左一場歌舞劇o既戲份... 好精彩呢~~ 另外...有一個新加入o既演員... 真係好似blythe公仔... 連我阿媽都話佢似呢... 程程生飛滋... 咁飲水o個時都會好痛...更何況係食野... 佢無啦啦爆o左句...好"哪"痛 ....出黎~ 其實...佢只係想講...好"哪"同埋好痛... 哈哈~ |
|
呢幾日冇得上網~ 真係悶到我丫... 好悶呀... 程程要返工... 傾電話都唔傾得咁多... 都唔知點挨多兩日... 最慘係...我個hotmail o既e-mail a/c... 實一定爆哂啦... 平時一日冇check都有十幾封... 我最少三日冇check過... 唉...點算~?! |
|
丫~呢幾朝起身o個陣~ 我"申"鼻涕o個時... 都會"申"到d血水出黎... 真係恐怖呢... 唔通我有病?! 昨晚就慘囉~ 十一點左右...程程就話要訓覺... 因為佢呢一個星期... 佢將會日開夜開... 每日應該只係可以訓得四個多小時又或者係更少o既時間~ 所以...佢話要早d訓喎~ 咁我又未眼訓住... 我咪睇陣雜誌囉~(係阿哥d friend買比阿哥睇o既~) 睇到十一點九...feel到自己開始眼訓... 咁咪熄燈訓覺囉~ 點知...碌到點幾鐘...我先訓得著... too bad... 到今朝晨咁早~阿媽又煲湯... 好嘈... 咁我咪關門囉~ 點知佢行過...幫我開番門~ 咁我咪問佢做咩開門囉~ 佢話...乜好嘈咩~?@ 我就答返佢...乜唔嘈咩... 之後我都係關埋門訓... 直到佢走...佢先幫我再開門~ 因為煲緊湯嘛~ 老豆探完阿哥返黎~ 叫我起身~同我講...話細舖都係唔好賣... 叫我落去細舖o個時~ 將"租售"張紙~ 刪o左個售字喎~ 都話o左佢o架啦~ 成日都改變主意~ 聽阿哥講完...覺得有道理~ 又會改變之前o既想法...真係冇佢扶~ 十點起身~ 食o左個炒麵~ 沖埋涼...熄埋火... 十一點幾就落到去細舖lu~ 昨晚程程爬上櫃...幫我搵下仲有冇其他野拎落舖頭~ 拎o左d好耐o既麥記故事書連盒帶落黎~ 明明放好入o左落個膠袋度... 點知...出門口o個陣~ 都係唔記o左拎~ o係昨晚未訓著o既時間入面~ 我個腦諗o左好多野~ 對於未來o既安排等... 我心目中...有o左一個決定~ 我...始終係屬於設計呢一行... 我想做設計呢一行... 我希望...我可以... 亦都希望周圍唔好比太多壓力我... 比我自由去發展... 我深信...我自己...係應該有能力... 其實~ 我都未正式執好一份作品去見工... 我諗...我係時間去做過...又或者改好d以前做過o既野~ 再次印出黎去見工... 如果可以o既話...我仲會另外做多一兩張野... 等拎d野出黎比人睇o個陣~ 都有多d野比人睇...了解自己o既風格... 出門口落舖頭之前~ 我臨急臨忙諗起自己要寄玩game o個封信... 但又未寫地址...又未貼郵票~ 最邪惡o既係...我搵唔到個地址... 後尾先o係本書o既尾頁先見到... 落街...一見到有郵筒就即刻掉入去~ 因為聽日下午兩點就deadline~怕趕唔切... 哈哈~ 買個希望o者... 睇下自己好唔好彩...抽唔中都冇所謂啦~ 打電話去寬頻o個度搵黃小姐~ 留o左兩次言比佢~佢都冇覆返我~ 跟住我四點幾再打一次~ 終於佢都接電話啦~ 聯絡佢...最主要係約番幾時收返部機~ 點知...原來係佢寄信黎屋企~ 我依個地址去交返部機就得啦喎~ 另外~ 如無意外~ 應該星期三會有人黎裝3m~ 希望一切順利啦~ 今朝~ 學校打黎~ 問我搵到工未... 咁我話未啦~ 佢就話"做咩唔返黎學校o既搵工欄睇呀?" 咁話...乜update o左啦咩~ 上次睇o個陣...都仲係五月份~ 佢話...update o左啦~ 之後~ 佢問我有冇買餐券... 我話...買o左~ 佢就叫我到時準時出席啦~ 我見天氣咁熱... 細舖又冇冷氣~ 咁我咪拎o左上次o係書展買o個個冰袋落去囉~ 點知...唔夠一個鐘已經溶哂~冇鬼用~~ 今日o既時間比較易過~ 我四點幾先關門返屋企~ 我諗...係因為有收音機聽o掛... 有野聽下...時間會過得快d~ 又有雜誌睇~ 下午媽咪又帶o左報紙...買o左枝水比我咁... 聽到有周杰倫幫蘭子o既節目做嘉賓~ 蘭子勁"琳"周杰倫... 講野都起哂"談"咁~ 哈哈~ 另外~ 仲問o左周杰倫一個好尷尬o既問題~ 就係問佢今日有冇著底褲... 總之就好抵死~ 可惜我國語差...有d聽唔係幾明~ 聽唔到佢有冇著... 只係知道佢答o左之後~ 蘭子叫佢唔好將條褲送o左比佢喎~ 哈哈~ 咁係咪即係表示周杰倫冇著底褲呢~?! 原來...jay呢一個英文名...係公司同佢改o架~ 佢本身就鐘意人o地叫佢做杰倫... 之後~ 到霆鋒開記招o既訪問... 佢暫時休息...可能係件好事黎o既... 程程今日part-time做野... 都幾悠閒~ 唔係太多野做~ 就係咁...就袋o左500蚊~ 真係易賺... 佢做完part-time~去旺角... 反轉潮流特區諗住買過把扇比我... 點知...搵唔番... 佢話聽日再幫我搵喎~ 跟住...佢就開始做夜晚正更應該要做o既野lu~ 今晚有飯食~ 原因係老豆阿媽早o左去醫院聽醫生講報告~ 點知...醫生都係冇咩野講~ 咁佢o地咪返黎囉~ 嘩...都唔知幾耐未o係過屋企食一餐咁正常o既飯lu~ 阿哥話醫院野唔好食~ 聽日要食海南雞飯喎~ 哈哈~ 阿哥話想去外國讀書~ 讀動畫o個d野... 暫時都係諗緊...仲未決定~ 仲有...佢話出o左院...做埋d手尾... 都應該唔會再上大陸做野喎... 係好事黎o既~ 上面d衛生情況咁差... 聽日...佢要做多次"磁力共振"... 唉...都唔明點解做o左兩次... 都仲未知道係咩原因o既~ v_v 收工走人o個陣~ 諗住好耐都未食過細個成日幫襯o個間茶餐廳d奶醬多~ 咁咪行去買囉~ 點知...關o左門~ 我仲以為執o左tim~ 返去問阿媽啦~ 佢話...唔係...佢o地宜家兩個星期休息一次~ 今日應該係休息o者~唔係執o左... 哈哈~ 咁即係我再有機會品嚐啦~ 哈哈~~^-^ |
|
今日成十一點幾先起身~ 沖埋涼搞掂哂~ 都要成一點先落到去舖頭~ 程程點鬆d就黎到lu~ 佢呀...我明明十二點三叫佢起身~ 佢竟然到十二點九先醒~ 激到我死~ 咁當然又比我鬧佢啦~ 黎到舖頭...都係無無聊聊~ 玩下玩具打下機...繼續玩雜誌入面d game~ 肚餓...程程就去o左麥記買野食~ 我就食漢堡包~ 佢就食孖芝... 咁食食下...我就將面o個塊包... 同佢交換... 巧合地...我o地兩個包都咬到差唔多形狀~ 所以交換o左都好似冇交換到咁... 而且...交換o左之後~ 個漢堡包變到幾好食o左~哈哈~ 終於~ 都搵齊哂雜誌個game 入面d歌詞~ 可以寄去lu~ 嘻嘻~ 希望抽中啦~ 明顯地...今日條街係多人行o左~ 可惜...都係冇人正式咁入過黎~ 都係o係門口睇.... 其中有個人...佢企o係門口問我有冇另外一款公仔... 咁岩其他款就有...係佢想要o個隻就冇... 唉...真係冇o個樣整o個樣... 無無聊聊~ 睇完昨晚o既"吾係獎門人"~ 有樣學樣...同程程o係度玩猜包剪x~ 又做d動作出黎估下係乜咁... 佢連續猜贏o左我十幾舖~ 好可憐地...比佢"meet"我... 因為我o地o既玩法...猜輸o左o個個就比人"meet"~ 雖然佢連贏o個陣"meet"得好開心... 但當我猜贏番o個陣...嘿嘿... 大家可想而知個後果會係點啦~哈哈~ 到四點左右~ 我o地就去街街lu~ 行去上環地鐵站搭車去尖咀... 出o左地鐵... o係地鐵大堂入面間"皇后餅店"買o左d曲奇餅食~ 嘩...勁正...好味道呢~ 好鬆化...十蚊包...有十塊~ 即係一蚊塊啦~ 不嬲都知皇后餅店d野好味... 哈哈~ 冇介紹錯o既... 食完餅仔...緊係要飲返d野啦~ 咁咪去ok便利店買囉~ 正當o係雪櫃揀緊野飲o個陣~ 見到淺藍色包裝o既膠樽qoo~ 即刻眼睛發光.... 買o左兩枝...一人一枝...個蓋兩枝都唔同o既~ 哈哈~ 係檸檬味黎~ 我諗係之前日本版...雪地深藍包裝o個隻o既香港版黎~ 都幾好飲丫~ 行去買飛睇戲... 時間岩岩好o個隻... 可以即刻入場... 買o左爆谷同埋汽水入去... 星期日特別多人... 差唔多全場爆哂咁滯... 我o地都只係買到頭三行o既位咋... "絕世好b"實在太搞笑啦~ 不過比起上一套絕世好bra... 又差o左少少~ 最好笑o既...應該係劉以達出場o個度~ 真係夠哂頂癮呢~~ 睇完出黎...都成七點半lu~ 去o左city super食野~ 嘩...我o地o個兩鍋野...一鍋飯同一鍋麵... 夠哂重量級... 雖然...如果要我食...我係可以食得哂~ 但都係唔好啦...費事體重上升啦~ 咁我就食o左一半多d~ 個肚有八成飽左右啦~ 程程食剩佢o個鍋飯...就食埋我o個d麵... 哈哈~ 飽到丫... 之後我口痕...見到有窩夫雪糕賣... 買o左兩粒...格硬逼程程食... 佢d牙~不嬲都咬唔到凍野... 我食o左大半粒...就索性成個放入口~ 我同佢講...咁樣咪唔洗咬囉~ 結果~ 佢真係聽o左我講~ 佢真係成個放o左入去... 搞到佢唔上唔落... 因為成個吞落去又大粒得滯... 如果咬...佢d牙又痛... 最後~ 佢含住o係口...等d雪糕自己溶為止~ 哈哈~~ 我實在太殘忍啦...^o^ 食完野...我o地就搭船返屋企lu~ 行海運o個陣...見到有d舖頭減到一折... 嘩~實在太抵啦... 不過...都係忍住手冇買到... 返到屋企食西瓜... 程程坐o左一陣...就走lu~ 睇港姐...實在...極之唔掂... 一屆不如一屆... 拎第一o個個我都唔記得o左叫咩名... 只係記得佢係好似11號咋.. 好彩...我都仲記得上年拎第一o既叫楊思琦o者.. 丫...咁再上年...係邊個呀? 郭羨妮? 佢又好似係再上一屆o架喎... 哎呀~ 唔知呀.... 唉...今日有一個唔好o既消息~ 就係...膠風扇1-3號涕涕同冰冰爛o左~ o係佢爛o左o既同時...我亦都會離棄佢... 程程用電話幫佢影o左張相留念... 我諗我會收埋佢o既... 冇理由用膠紙痴番繼續用咁搞笑o既... 唉...係程程整爛o架~ 你怪就怪佢啦~ 唔關我事o架~ 夜晚唔好返黎搵我呀~ 哈哈~ 程程話去開旺角幫我買過把... 好野~ 又有新歡lu~ yeah~~ |
|
昨晚五點幾痛醒o左... 真可憐呢~ v_v 到咁上下時間...我醒醒o地... 聽到行雷聲...又落好大雨咁... 過o左冇幾耐... 老豆叫我落去開細舖~ 我阿媽仲話落雨都有行街tim~ 姿姿整整...成十二點先落到去~ 今朝...程程又要ot~ 昨晚訓o左四個鐘左右~ 真係慘呢~~ v_v 佢十二點鐘收工~ 跟住o係火炭搭車過黎陪我~ 一點幾...佢終於都黎到... 買埋飯...買埋我至愛o既例湯比我飲~ 哈哈~ 舖頭實在太悶啦~ 程程去買o左本monday睇~ 玩入面d game咁... 佢又打o左陣gameboy~ 之後仲訓著埋tim~ 唉...吹住部風扇o既時候... 你就知...涼冷氣係幾咁幸福同埋奢侈啦~ 開o左幾個鐘...完全冇人入過黎~ 我諗要貼d..."要錢唔要貨"~ "割價大平賣"...呢d字句o係門口度先得啦~ 我o地臨走o個時...見到出門隔離舖門口o既地下... 有一條好恐怖o既野~ 估計係所謂"百足"o既物體... 觀察o左一陣~ 決定整死佢... 因為如果佢爬爬下爬o左入我間舖... 咁咪好大穫... 所以要先下手為強~ 哈哈~ 搭車去銅鑼灣... 拎o左部samsung t108去專門店換天線... 一百蚊左右咋... 先頭打去問...要成二百蚊咁滯~ 哈哈~ 平o左...真係好啦~ 要放低幾日先有得拎返... d staff 服務態度幾好... 宜家咁o既服務態度先係o架嘛~ 之後去sogo行... 程程買o左個nike袋.... 佢返工成日咩住咁多野~ 如果去做gym仲煩...更加多~ 咁買個大d...又方便d o既袋... 斜咩大袋...點都好過背囊... 起碼都唔洗背脊咁熱先丫嘛~ o係賣泳衣o個度~ 見到八兩金~ 個頭依然係咁... 佢正準備買件潛水衣比八兩仔... 行去time square~ 落到去下面~ 突然想食元氣... 於是排隊啦~ 但兩個人銀包夾埋都係得二百幾蚊...咁我就去前面撳機啦~ 點知...撳o左一次~ 冇錢出...嚇得我丫~ 再撳多次...又冇~ 唉...真恐怖... 我再入卡...睇下有冇扣o左錢啦~ 又好好彩...冇扣到錢~ 附近又冇得撳錢...咁咪放棄囉~ 銀包都唔係冇錢o既~ 只係袋定多d穩陣d o者~ 呢一次...我o地兩個都冇瘋狂食野~ 平時o係元綠...太多小食啦~ 呢度冇咁多~ 所以都食得比較正常~ 份量岩岩好o個隻~ 而且程程唔夠訓... 搞到佢都冇胃口食野... 我最尾叫o左碟飛魚子壽司食... 因為見住佢整好o左...放埋o左一邊~ 但又未擺上迴轉帶上面... 咁咪叫囉... 放入口...好滿足呢......^~^ 口感十足... 又新鮮... 至愛...依然都係飛魚子壽司~ 跟住就係鰻魚壽司~ 再跟住...應該係熟帶子壽司啦~ 哈哈~ 好味~~ 食完埋單...兩個人都係九十幾蚊~ 一百蚊都唔洗~ 抵呀~!! 上去city super行o左幾步... 跟住見都係冇咩特別~ 咁就走啦~ 去298幫程程細佬買online game o個d月費卡~ 臨上去買之前...o係樓下馬會買o左張六合彩~ yeah~ 順便買o左個碟盒... 太多cdr啦... 費事左一隻右一隻周圍飛~ 咁岩唔見o左重要o個d...就唔係幾好啦~ 買埋點數卡...就搭車返屋企lu~ 程程幾恐怖呀~ 我比枝速感白滑o者哩佢用~ 竟然變o左黑出... 太恐怖啦... 洗完面面~ 佢就訓o左一陣~ 到我daddy mummy返黎為止... 媽咪煲o左湯... 我o地又一人飲o左一碗... 程程費事再訓覺啦~ 又未做"吾係獎門人"~ 咁佢又打gameboy啦~ 到八點半... 成家人一齊睇"吾係獎門人"~ 都幾好笑... 係就係無聊d...又浪費食物咁... 但...笑下輕鬆下... 都唔好介懷太多野lu~ 先頭程程諗住睇完就走o架啦~ 點知跟住做o個套野...又好似幾好笑咁~ 係盧巧音同鄭中基做主持o既~ 套野o既形式同之前阿燦同林敏聰o個套差唔多~ 睇完又係得啖笑o個隻... 睇完...程程就走lu~~ 終於都睇到程程昨晚幫大隻囡囡影o個張大頭相啦~... 一般o者~ 後尾今晚佢幫肥仔影o個張好好多~ 而我又幫靚靚影o左張大頭相~ 哈哈~肥仔o個張就做bg~ 我打電話比程程...佢部電話就會顯示"靚靚"o個張相~ 哈哈~ 對六合彩~ 嘩...利害~ 四條飛...中o左一個字~ 程程仲勁~ 一個字都冇中~ 六合彩真係難中呢... 近來...程程都話...好想中六合彩~ 因為佢真係好想買"珀麗灣"~ 唔想冇o左個咁好o既機會... 中o左...就唔洗煩囉~ 今日中午...有人黎睇屋... 情形係點...我都唔知呀~ 不過我諗d人都係得個睇字o者~ 賣出o既機會係絕對低... 十點鐘做日劇...係醫院野黎... 咪即係好似er 咁... 有我曾幾何時鐘意o既江口洋介做... 不過一d興趣都冇~ 始終我中o左er毒~ 我相信其他製作一定冇er咁認真... 先入為主o左... 阿哥今日行動方便o左好多~ 好多o野都唔洗人幫... 相信...離出院o既日子真係不遠呢~~!! |
|
今朝十點幾起身~ 過o左一陣~媽咪就打電話黎~ 叫我落鹽之後等十五分鐘再熄火~ 因為昨晚feel到個人缺少湯水... 又冇食正常飯好耐... 咁咪同媽咪講...問下佢好唔好煲湯囉~ 點知佢今朝就行動~ 哈哈~ 媽咪今朝留o左字條... 叫我幫老豆寫張"租售"紙... 咁我當然冇用手寫啦... 用電腦印出黎~ 之後...我就換衫去醫院陪阿哥~ 佢今日要做全身素描... 有個人陪佢...知道下佢發生咩事都好... 去到...阿哥都幾痛苦下... 打o左枝止痛針...先過床落去下面素描~ 坐o左o係出面等佢... o個度d冷氣又勁到死~ 又肚餓...又唔知阿哥幾時出黎~ 所以我都唔敢行開... 足足個幾鐘先出返黎~ 上返房...d醫護人員叫我出去等... 咁我就o係呢個時候落去食飯啦~ 叫o左個咸蛋三寶飯食... 嘩~ 勁大碟... 不過我成碟都食哂~ 太肚餓啦~ 慢慢食...睇o左陣報紙先上去... 費事阻住d護士交更啦... 兩點幾...apple打黎~ 傾o左陣... 我再打電話比咖哩同佢傾... 唉... 我唔想o係度寫太多... 擔心...只係個結果同後果... 晏d...楊小姐洗個秘書馬小姐打黎比我~ 話比我聽已經入o左d錢落我a/c~ d菲林打錯o左一隻字... 問題不大... 哈哈~ 終於都告一段落... 雖然...呢個過程比較複雜... 但...其實都學o左唔少野... 陪阿哥陪到四點幾~ 佢素描完..."蚊"哂d喉... 明顯冇咁辛苦~ 精神即刻好返好多~ 仲坐起身睇電視tim~ 由於佢素描完~返到上房... 已經過o左食飯時間~ 咁佢唯有食餅乾同埋飲新奇士橙汁啦~ 我走o個時...佢岩岩睇完電視... 訓番落床休息... 咁我見時間都差唔多~ 我就走啦... 返屋企之前...去o左惠康買oreo食~ 因為呢幾晚...程程同我傾電話o個陣~ 係咁引我...話好味道~ 而大家都知我呢排冇啖好食... 到夜晚自自然然會肚餓... 咁我咪去買o左12包裝...一盒oreo向佢示威~ 佢有得食...哼~我夠有得食囉~ 返到屋企...試下上唔上到網~ 噫...仲上到喎~ 又話今日cut o左個寬頻o既... 點知到六點...無啦啦cut o左~ 咁我就打電話比聯絡人"梁小姐"啦~ 佢話今日應該有人上黎收返部機喎~ 咁我話冇啦... 佢就話遲d應該有人上黎收啦喎~ 仲約埋我星期二上午...幫我裝3m~ 夜晚~ 阿哥個friend小芬打黎~ 佢想問我借相機~ 好趕o個隻... 咁都冇問題o既~ 不過佢成一點先上黎~ 我怕隔離屋隻michael會猛咁嘈... 會嘈醒哂屋企人... 呢一排...我o地成家都好累... 老豆隻眼都"深"埋~ ... 日日佢o地都晨咁早起身... 所以...如果比隻michael嘈醒o左... 訓唔返...咁就唔係幾好啦~ 咁我係冇佢電話...咁我跟番d來電打返去搵佢... 諗住叫佢聽日早d上黎拎... 點知我打錯o左比浩然~ 真搞笑... 老豆d人事關係果然有效... 出動到院長交代阿哥咩事... 同埋拎哂d file同d醫生一齊研究~ 相信阿哥好快就出得院~ 真係好啦~ ^-^ 而點解佢尾龍骨仲痛呢~? 我o地就估計...佢o個d可能係心理病... 無論點都好...希望佢快d好返啦~ 程程...今日佢幫大隻囡囡影o左相... 宜家佢部電話o既bg...係用大隻囡囡張相~ 取代o左肥仔o個張... 肥仔真係慘啦... 都話o左程程偏心大隻囡囡o架啦~ 真係冇講錯o架~ 有d衝動...想打電話比kenny問下佢有冇friend請人... 我諗...其實我都實在鐘意design... 冇理由埋沒o左自己... 如果靠o係報紙搵... 的確機會比較渺茫... so...點好呢~?! |
|
昨日唔記得講一樣野~ 而呢一樣野~ 我仲怕自己唔記得o左~ 寫低o左o係本簿度~ 點知...昨日都唔記得提~ 就係...同程程食早餐o個陣~ 唔記得講開d咩... 跟住程程就講..."死貓撐飯蓋"~... 仲要講得好順口o個隻... 丫~ 乜唔係"死雞撐飯蓋"咩~哈哈~ 之後~ 我見到佢枝筆幾好寫... 而佢o個枝同我o個枝係同款... 不過枝芯就唔同... 咁我開頭成枝搶o左佢... 後尾發現佢枝筆個殼好殘...~ 程程就反話番我...換o左枝芯咪得囉~ 比佢醒返次tim~ 今朝...晨咁早...阿哥打黎~ 起身聽o個時...阿媽及時出黎聽... 知道唔起身啦... 訓到十點幾... 其實都仲想訓... 但費事咁晏都唔落去開舖啦~ 十一點左右落到去... 拎埋收音機呀~報紙落去睇~ 到一點左右...收到楊小姐個電話... 佢話d菲林唔得... 咁我打比做模o既盧生了解情況啦... 唉...佢話d字o既邊唔"利"~ 要出過哂d字 o既菲林... 唉...我聽完之後...真係好心煩... 以為昨日搞掂啦... 點知...係都要纏住我... 我於是咪即刻返屋企睇下個file有咩問題啦~ 行返屋企~行到成身都濕哂~ 老豆唔知我返屋企~ 仲特登走過黎拎報紙比我睇~ 佢黎到o個時~我已經走o左lu~~ 黎遲o左一步... 我將d字...重新打多次... 做話個file... 跟住打電話比kenny~ 問下佢中上環有冇相熟o既output公司~ 佢話要問下...轉頭就覆返我lu~ 原來我舊公司附近有一間... 真係好啦~ 知道一早就拎去o個度出~ 唔洗去到鑽石山咁遠啦~ 因為如果我o係中環拎菲林... 跟住去搭地鐵葵涌...都係得一程車~ 而o係我屋企去鑽石山已經一程車~ 再由鑽石山再去葵涌...又另一轉車~ 加埋就兩程...真係車錢都蝕埋~ 仲搭車搭到暈陀陀~ 雖然鑽石山walter o個邊係平少少~ 但我o係呢度出~ 都係60蚊一張菲林~ a3 size~ 仲有九折...54蚊就搞掂... 計埋...都係貴少少... 咁我緊係寧願o係中環出啦... 而且...仲特快... 三點十拎去.. 四點三就有得拎~太快啦~ 佢先頭話一個鐘...我都覺得好快o架啦... 服務態度又好... 佢即刻開個file黎叫我一齊睇~ 幫我睇過哂有冇問題~ make sure 唔會出錯先幫我出~ 太好啦~~~ ^-^ 我拎完菲林去出...以為一個鐘先有得拎~ 咁我就返o左老豆間舖頭座陣~ 涼下冷氣飲杯茶食塊餅咁... 跟住...feel到電話震機~ 我就拿拿臨走人... 因為部電話唔見得光~ 比老豆見到又換o左電話有排煩~ 咁我就借幫阿哥去買書為名... 以極速鬆人啦... 出到去...見到來電係output公司打黎~ 咁我就打返去... 原來已經有得拎... 半個鐘都唔洗~ 你話幾利害丫~ 昨日o係walter o個度等o左成兩個幾鐘先有~ 真係差天共地... 越諗越唔抵...仲哂我時間...哂我錢tim~ v_v 咁阿哥今朝真係打黎叫我幫佢買書~ 上次o個本佢叫我去買~我就叫o左媽咪去買... 媽咪買唔到...咁佢就叫我買第二本啦~ 去到洪葉...緊係問人有冇o個本書啦~ 唔通自己搵咁傻咩~ 上下冊...兩大本厚書... 160蚊...仲有七折...勁抵... 買完...拎埋菲林... 再拎埋本書返去舖頭比老豆今晚拎去醫院比阿哥睇~ 諗o左一陣...好冇宜家拎埋去比葵涌呢~?! 宜家拎埋...咁我聽朝就唔洗咁早起身過去lu~ 老豆話...緊係拎埋去先啦~ 今日搞掂埋就唔洗煩... 於是~ 四點半開始o係舖頭去葵涌... 我係直接上去盧生度... 因為拎比楊小姐睇...佢根本唔識睇... 解釋清楚...五點幾就走得lu... 慢慢搭返地鐵去金鐘...費事搭東涌線啦... 又唔係冇位座... 去到金鐘...出o左地鐵... 就o係廣場入面食o左個咖哩雞扒飯... 碟飯好大碟...我全部食完...都覺得仲係好肚餓~ 唉...可能我幾日都冇正式食過飯o掛... 昨晚仲連夜晚都完全冇食過tim呀~ 食完野...先搭巴士返屋企~ 返到去...成七點lu~ 沖番個靚涼...吹埋頭... feel到身心都好累... 仲好眼訓tim~ 今日...終於都決定o左... 打埋電話比個經紀... 疊埋心水收返d錢... 不過就要等月尾... 唉... 睇雜誌~ 韓君婷瘦o左...好利害呢... 真係判若兩人... 聽日可能會上唔到網兩至三日~ 要轉56k再轉3m~ 麻煩... 貓仔終於都走o左~ ... 希望佢生活愉快~ 佢o既主人對佢好好啦~ |
|
楠楠今日生日~ 生日快樂呀~~ 哈哈~~ 我o地不經不覺...都識o左好耐lu~~ 今朝八點起身~ 九點左右出門口~ 行路落去中環... 入埋大堂... 正準備拎張八達通黎"o都"o個時~ 程程打電話黎... 佢今朝要ot~ o係中環度做野... 而佢又肚餓有d時間可以去食早餐~ 於是就叫我陪佢食啦... 出返地鐵...行幾條街先去到茶餐廳~ 原本已經o係屋企食o左麵包o既我~ 又再食... 哈哈~依然係我至愛o既火腿通心粉... 不過煎雙蛋同牛油方包都係麻麻地... 而程程就食麥皮同吞拿魚三文治... 懶係高纖維...懶係健康咁... 食完...佢就去做野lu~ 佢個眼圈又深o左啦... 昨晚佢"渣"車返到公司附近... 停低o左...因為要兩點半返到去"side"機~ 咁未夠鐘~佢咪休息陣先囉~ 點知眼訓得滯~ 訓到成兩點十先醒... 之後返公司"side"機收工... "渣"埋公司架車返屋企~ 到今朝返早...再渣返公司~ 我今朝十點幾過到鑽石山~ 去到一見到d菲林... 真係有d想暈o既感覺~ 出到極之差...起哂狗牙~ 搞o左好耐...o係度諗...究竟邊度出錯~ 冇辦法~ 唯有出過哂... 由原本唔洗蝕錢... 到宜家要蝕...真係慘呢~ 由一套菲林錢...變成兩套... 真係血同電都嘔埋比佢... 照正常walter會再拎去柴灣出菲林~ 即係話...其實佢都係一個中間人黎... 我話我真係好趕...可唔可以比個地址我~ 等我自己拎去...再等佢出埋比我... 佢見我咁...就叫我拎去附近出~ 附近都有一間...唔洗等我走黎走去... 不過呢個附近...都要行幾遠... 去到...都成十二點... 一入到去...見到好多電腦~ 全部都係男人黎~冇個人女人~ 交o左隻碟比最近門口o個個人... 我問佢最快幾時有得拎~~? 佢就答我...兩點啦... 我個心諗...咁咪要等兩個鐘... d時間點過呀? 咁我咪問佢一句~ 可唔可以快d呀? 佢串我話...宜家即刻出比你好唔好~? 之後就行o左入去開個file黎睇~ 我就企o左o係門口~ 以為佢睇完file會confirm我個file有冇問題... 咁我先走... 點知企o左一陣~ o個個人冇跡象行返出黎~ 跟住第二個人好串咁同我講~ "你企o係度做乜呀~!?"~ 咁我咪走囉... 打電話比程程~ 已經十分激氣o架啦~ 佢仲同我講笑... 話"宜家即刻出比你好唔好...你應該答""好呀""丫嘛~"~ o係我心情極之差o既時候... 竟然仲同我講笑... 真係未死過... 後尾講講下...佢仲cut我線~ 呢樣...仲慘... 我講過話cut我線要分手~ 佢緊係又唔記得自己講過d咩啦... 兩個鐘..一條友...點過呀? 去o左荷里活廣場麥記度坐低... 叫o左個餐食~ 一邊睇雜誌~ 我今日特登"咩"背囊...放o左d報紙雜誌落去... 諗住搞d哂返舖頭o個時有得睇~ 點知...舖頭返唔到... 咩住d野...重到死~ 坐o左半個多鐘左右~ 我已經食哂d薯條...費事阻住d位啦~ 咁咪走囉~ 行行下...比個sales勁sale我買裙... 就係咁...又破財囉~~ v_v 程程一點左右打返黎比我~ 佢知我嬲...而佢又收工~ 咁佢就搭車黎搵我啦... 佢都不知幾累幾眼訓... 成個人"偶下偶下"咁~ 我叫佢走...佢又唔走喎~ 到兩點...我o地去拎菲林啦~ 點知又有問題出現... 因為我要80網點... 佢想幫我出菲林o個時~ 發現冇80網...得75網又或許高d... 咁我係以walter o既名義拎去... 佢有問題緊係聯絡walter啦~ 點知搵唔到walter... 所以未出菲林... 之後我就話75網ok冇問題~ 佢先出比我~ 唉...我費事又比人串啦~ 咁我咪企o係出面街囉~ 程程坐o左o係路邊...差d訓著咁滯... 等o左大約半個鐘... 終於都出o左... 最後交菲林比我o個個人... 我諗係全部人當中最好o既一個... 同我傾o左幾句計... 見落雨又比多個袋我裝住d菲林~ 咁我都好有禮貌咁...唔該前唔該後... 鞠哂躬o個隻... 跟住...又要去返walter度~ 比返隻"mo"佢... 再check多次菲林... 都係有d問題o架啦... 不過算啦... 希望過到關... 程程冇跟到我上去~ 佢o係樓下大快活食野等我~ 佢連lunch都未食... 佢開頭話眼訓冇胃口唔想食~ 最後咪又係食... 我仲搶o左佢杯紅豆冰飲o左幾啖tim~~哈哈~ 佢先頭話陪埋我去葵涌... 後尾又唔想去咁... 話...太累啦喎~ 又周身"痴立立"咁... 要返屋企沖涼...順便拎埋飯壺返夜食... 佢搭到去樂富...諗住拎置業貸款o個d資料~ 點知...搵極都冇... 之後佢就返屋企沖涼~ 仲訓o左陣覺tim~ 訓到成五點半先起身~ 而我...去到葵芳...轉巴士~ 好冒險咁...落遲o左一個站... 諗住會近d...唔洗再行咁遠~ 事實上...都係差唔多... 上到去...楊小姐唔o係度~ 打電話比佢...我話自己上去交比做模個師父就得~ 而我就同佢個秘書交代o左一聲... 叫楊小姐將比我d錢...入落銀行~ 去到第二座工廠大廈~ 正想入lift~ 就見到個師父落黎~ 佢正要去茶餐廳飲杯茶食個包~ 咁我就跟住佢去... 同佢交代d菲林要點做模... 因為d菲林太複雜~ 要左切右切先掂... 我講完就走o左... 不過個心諗...係咪應該請佢食野呢~? 幫佢比埋錢先走呢~? 諗o左一次...入返去工廠大廈等lift~ 又正當有lift到o既時候... 又諗起一樣野未講~ 拿拿臨又走返去茶餐廳再同佢講... 第二次~我又諗...好冇拎o左張單去比錢呢~? 結果...都係冇咁做到... 上到去印刷o個度~ 肥仔師父一睇個稿就話印唔到~ 之後個瘦師父睇~聽完肥師父咁講... 先醒起...係喎...好難印喎... 唉...真係比佢o地玩死~ 之前已經比過個稿佢睇~ 係佢話得...我先出菲林~ 宜家又話要加多隻色... 咁樣...我會好難做~ 因為楊小姐講好五隻色... 宜家多o左隻...會加楊小姐錢... 我都不知幾尷尬~ 因為唔係我o既錯~ 稿比o左佢睇~ 我真係得五隻色~ 出o左菲林...一次過印唔到~ 其中一張再拆開黎印... 好明顯...唔關我事... 瘦師父打o左比楊小姐同佢講~ 楊小姐冇辦法~唯有加錢都要印... 拆開黎印...做模又會唔同o左~ 落去茶餐廳...諗住搵返做模個師父同佢講要拆返開... 點知佢已經走o左... 上返去公司~ 又見唔到去... 於是我打比楊小姐...叫佢同個師父講返聲... 不過楊小姐唔明我想講d乜... 佢話...不如叫菲林師父打比做模師父咁就包冇錯啦~ 終於~ 五點幾...我都走得lu~ 成個人好頻撲...好累呢~ 行去搭巴士返地鐵站... 見架巴士未黎~ 咁就過對面馬路買汽水飲~ 點知轉頭就見到有車~ 因為o個度冇紅綠燈... 見冇車就過o個隻~ 咁岩...勁多車經過...過唔到去... 好彩個司機見到我...知我係想上佢架車~ 佢等埋我咋~ 如果唔係~又會企o係度等幾個字車lu~ 上o左地鐵...本來係應該搭去荔景轉東涌線.. 不過太累啦~ 咁岩有位座... 於是就咁搭返荃灣線去金鐘就算... 如果搭東涌線...去到香港站行返出去o個條路~ 真係好奪命o既呢...-_-" 前兩日先增o左值...咁快又冇... 銀包有50蚊紙...唉...增少d...希望會用少d啦~ 返到屋企~ 成個人都散哂~ 沖完涼...好好多~ 幫阿哥get mail~ 幾日冇check~ 冇理由得一封咁少... 唔知有咩問題呢~~? 七點幾...媽咪返o左黎~ 老豆就去o左志蓮有d野做... 阿媽拎o左表姐買比阿哥飲o既冰糖燕窩返黎~ 哈哈~受惠人...緊係我啦~ 雖然比起媽咪燉o個d差好遠~ 不過都幾好味...^-^ 出門口o個陣...諗起阿yan放榜... 唔知佢考成點...順唔順利...?! 但係...就唔敢打電話比佢... 到夜晚...派o左apple打比佢... 雖然唔係好消息~ 不過...希望阿yan唔好唔開心~ 下次一定得o架~ 唔好灰心... 我o地個個都支持你... 另外~ 當然都支持apple啦~ ^-^ 終於...貓仔有人收養...有間士多認o左頭~ 佢終於都有處好人家照顧囉~ 希望佢唔洗捉老鼠啦~ 臨別之際...叫程程再幫佢照多張相~ o係電話度依然聽到佢"淒厲"o既叫聲... 兩日買比佢o既鮮奶...照觀察...都冇飲過一口... 我聽到佢d叫聲...我問程程佢有冇聲沙... 佢話唔知呢...咁我就講...一係比個豆沙包佢食啦~ 佢問我點解~ 我話...等佢變豆沙喉嘛~哈哈~ 阿哥今日轉返入房... 唔洗再訓冷行lu~ 真係好啦~ 仲要係電視位...正~~ 佢做o左三日物理治療~情況真係好o左好多~ 加上...老豆又搵到d人事關係... 阿哥o既情況...應該好快會受到關注... 成十幾日都唔知咩事喎~ 關注程度有限啦.... 唔搵人逼下都唔得o既~ 呢兩日...隻腳同隻手勁痕... 係咁比蚊咬...真係好慘呢... 今晚執過房黎~ 又掉o左一d野... 整齊o左... 我通常都唔會冇啦啦執o既~ 係因為...遲幾日有人整3m寬頻... 費事咁亂...到時麻煩啦... 程程聽朝終於都唔洗ot~ 有時間訓覺lu~ 不過又睇下我會唔會嘈醒佢~哈哈~ 聽日...要落去開舖... 希望可以打破紀錄...做到超過兩蚊o既生意啦~ 哈哈~ |
|
今朝成十一點幾先起身~ 太眼訓啦... 起o左身~ 得o左一陣~ 食完早餐~ 就去沖涼換衫出門口lu~ 搭van仔去金鐘地鐵站... 之後o係中銀撳錢存返入恆生~ 再轉帳返d錢比阿yan~ 又再撳d錢出黎...諗住找walter條菲林數~ 點知去到walter度~ 竟然未有菲林~ 坐o左一陣...walter出黎同我講~ 話d人唔記得送過黎~ 宜家先o係柴灣過黎~ 最快都要等多個幾鐘先到... 咁佢話咁點? 我咪唯有打比楊小姐話聽朝先再送過去比佢囉~ 唔通我坐o係度等個幾鐘咩... 唉...真係激死我~ v_v 即係話...我聽朝一早要起身去walter度~ 再去楊小姐度~ too bad~ o係walter度走...打電話比程程~ 叫佢即刻出門口~ 因為我先頭諗住去埋楊小姐做完野~ 四點鐘o係葵芳等佢...跟住去睇珀麗灣個示範單位~ 佢用o左唔洗半個鐘頭o既時間就出到門口~ 三點一二左右~ o個太子站度join埋一齊... 嘩...一出葵芳...就已經嚇一嚇.... 真係勁多人...經紀又多~ 睇樓o既人又多~ 咁岩~ 我又撞到阿熙個女朋友"妹妹"~ 佢都係經紀之一... 因為我o地真係諗住睇下... 咁咪費事阻住妹妹囉... 點知...我o地最後竟然都入o左紙... 知道係咁...就益妹妹好過益其他經紀啦~ 我o地比一個女經紀埋o左身~ 唉...橫掂都係... 比一個跟住o左~ 就唔洗再比其他經紀煩住啦... 之後...個女仔可能係新人黎~ 叫多個"老到"d o既經紀黎一齊帶住我o地睇~ 講真...真係好吸引~ 而且...買樓黎計...真係算抵... 會所又正~ 成個島...永久o既海境... 放假真係唔洗出去玩都得~ 設施真係諗到o既...都會有齊哂... 雖然入o左紙~ 抽到o既機會都唔係高... 不過...心情都幾矛盾~ 抽到又未必有能力買住... 抽唔到...又有d心up~ 機會冇o左就冇第二次o架啦~ 算啦...宜家都唔諗得咁多... 到時先算啦~ 星期五就有得睇現樓... 到時...一定又會有好多人o者~ 睇完...都成五點咁滯... 去食o左少少野~ 之後就搭地鐵返屋企lu~ 程程陪我搭到去金鐘~再搭返旺角返工~ 我老豆叫交o左樣野比我比程程~ 係"佛家七寶"之一o既"車渠"~ 唔好睇小呢一舊白色o既石頭呀~ 好幾億年o架啦~ 阿哥都有一粒... 用繩穿起身黎戴... 有擋"殺"作用... 今朝程程同我講~ 佢媽咪可能去過我o地買袋比佢o個間野睇過... 知道個袋好貴... 於是買o左件曼聯新波衫比佢~ 仲要係落場版黎o架~ 開心到佢丫~ 原本佢自己都諗住買o架啦~ 宜家佢媽咪買o左比佢~又可以慳返d錢啦~ 佢今日"新屎坑"~ 即刻著出黎~ 好自然...我又"meet"佢件衫d字~ 咁當然~ 緊係"meet"唔到啦~ 佢話最多比舊o個件我"meet"~ 嘩~真係犧牲大啦... 阿哥打電話比我~ 叫我帶d野比佢... 咁我就返o左屋企拎埋d野先去醫院啦~ 去到...阿哥剃o左頭~ 好搞笑個樣... 佢太多日冇洗頭... 今朝問d人...有冇得幫佢剪o左d頭髮~ 估唔到夜晚見到佢已經剃o左... 成個人爽哂啦~ ^-^ 佢精神都好好~ 我o係葵芳o個時... o係地利店買野o個時~ 順便買o左本game書比佢睇tim~ 去到...詩敏表姐都黎o左睇阿哥~ 佢真係好瘦... 哈哈~可以分d肉比佢就好囉~~ 講比大家聽丫...(可能係我out o左~) 我o係地利店原本係諗住買其他野飲~ 冇諗過買qoo o既~ 點知...見到qoo有罐裝~ 200ml裝~ 知就知道有呢個容量o既罐裝~ 但就未見過嘛~ 於是見到有齊三隻味~ 就買o左黎飲啦~ 哈哈~我又多三個罐lu~ 開心開心~ 程程比o左佢昨日公司執o個隻貓仔o既相比我睇~~ 都幾得意丫~ ^-^ 好細隻~ 得意必~ 即係必定得意咁解~哈哈~ 今晚打電話比程程~ 佢岩岩買緊鮮奶... 原來隻貓仔仲o係度~~ 仲未有人執... 其實...不如直頭o係公司養仲好啦... 都擺得o係度兩日...都冇人理... 証明...根本如果o係公司養...就冇問題~ 聽日會考放榜... 希望阿yan全部都合格... 並且成功考到警察啦~~ ^-^ 另外...亦都希望如apple所願... |
|
程程今晚返夜o個陣... 佢公司個AS見到隻貓仔... 執o左入公司~ 貓仔放o左入個紙箱度... 成身都濕o左... 佢o地竟然只係比d報紙貓仔... 真係比佢o地d男人激死~ 我o係電話度就叫程程搵毛巾幫佢抹乾淨~ 如果唔係...貓仔會病... 點知佢話冇毛巾~ 咁叫佢搵廁紙啦... 最後都冇幫佢抹到... 真係衰人黎o架~ >.< 我仲聽到貓仔o係度好淒厲咁叫... 我諗佢係搵媽媽o掛~ 聽程程講...係好細隻o架咋~ 後尾個AS叫程程出去買鮮奶比貓仔飲~ 不過貓仔唔肯飲~ 只係o係度叫... 好慘呢~~ v_v 個衰程程之後仲未理佢tim~~ 我叫佢用部電話幫貓仔影相... 影o左留比我睇... 如果比我遇到d咁o既情況... 我會覺得好好feel~ 會好好照顧隻貓仔... 想像到自己懶係有愛心咁... 不過我相信事實我可能連隻貓都唔敢掂都似...-_-" 但...我真係唔會忍心唔理貓仔囉~ 最起碼...都等佢有著落... 搵到個安全地方比佢落腳~ 先頭程程話... 如果佢夜晚唔洗車個"掃把"(即係佢阿頭"~)返屋企~ 佢會將隻貓仔拎去愛護動物協會喎... 之但係...係就咁放o係門口走人o個隻... 唉...都唔知咩人黎...咁都得o既~ v_v 宜家隻貓仔放o左o係架車度~ 等車房d人睇下養唔養... 或者佢o地會要o左隻貓仔o既~ 程程話養大黎捉老鼠喎~ 真係頂佢唔順... d老鼠家下都不知幾大隻~ d貓都未必敢捉啦~ 而且我懷疑...宜家d貓有幾多個%係識捉老鼠o既呢~ 昨晚~ 我發現o左一樣野~ 我有d生智慧牙o既跡象~ 我唔係牙痛... 只係擦牙o個陣~ 望住塊鏡~ 見到入面有d野~ 唔同o左咁... o係廁所塊鏡...因為有一定o既距離~ 睇得唔清楚~ 跟住入房照... 噫~ 真係有隻牙仔出o左黎... 我諗我冇牙痛~ 應該生牙o個個位冇咩問題~ 咁都好d~ 如果唔係...都幾驚~ 阿哥個friend~安仔打黎~ 教媽咪燉黑豆椰子... 聽講可以驅風o架喎~ 不過唔知阿哥肯唔肯飲呢~ 十一點幾...見到個衰人online~ 我真係好鬼想鬧佢~ 不過我冇咁做~ 鬧佢都哂氣~ |
|
今日係apple正日生日~ 生日快樂... 昨晚黎唔到真係唔好意思... 希望你快d搵到一份好工啦~ ^-^ 今朝六點幾醒o左... 係冇啦啦醒o個隻~ 訓返...到七點幾又醒o左次~ 八點幾又醒... 原本諗住八點醒...九點鐘出門口~ 結果~ 到九點鐘先醒咁滯... 去到walter度都十一點二左右~ 企o係度等o左佢一輪...(佢太忙啦~) 我o個d小生意仔...費事阻住人o地丫嘛~ 咪等佢忙完先問佢野囉... 點知...上個星期叫佢出o個張菲林~ 我唔得閒去拎~ 諗住今日去拎埋~ 問起先知...冇出到... 唉...好彩...宜家發現... 遲d我就真係唔知點同楊小姐交代lu... walter話聽日最快兩點有得拎菲林~ 所以我聽日點都要搞掂哂佢... 收埋佢錢~ 咁就可以同楊小姐say goodbye啦... 搭車返屋企o既途中~ 我先醒起今日o係星島公佈畢業名單~ 出o左地鐵...諗住去地利店買... 點知已經賣哂... 去d報紙攤先買到咋~ 一上巴士...即刻搵下邊頁... 再搵下自己名同埋同學d名... 哈哈~ 搵到哂...yeah~ ^-^ 又了多件心事~ 返到屋企...十二點幾~ 拎埋d野落舖頭...重到死... 食埋飯...再同媽咪拎d野去細舖度~ 今日正式開始o左我賣垃圾o既生涯... o係無冷氣...超級簡單o既環境下... 做到兩蚊生意~ 我已經覺得自己好叻... 兩蚊...都係錢... 兩蚊可以搭到叮叮o架... 昨晚程程返夜...兩點幾三點返到屋企沖涼訓覺~ 今朝又要六點左右起身返part-time~ 好彩只係返半晝咋~ 如果返足全日...佢下午都返唔到屋企訓覺~ 咁我就咀咒佢...返到屋企訓唔著... 點知好o既唔靈醜o既靈~ 真係有d訓唔著... 哈哈~ 比佢話我係巫婆必~ 即係必定係巫婆咁解~哈哈~ 四點半...我就收舖返屋企~ 因為要搞掂埋楊小姐d野嘛~ 咁五點鐘...我就打電話比程程叫佢起身返工~ 唉...其實佢真係好辛苦~ 不過有時真係身不由己~ 宜家呢個時勢...有錢搵就好搵啦~ 搵定d錢旁身點都好d o既~ 阿哥好慘... 轉o左上去骨科... 竟然要訓"冷行"~ 嘈到佢都訓唔係幾到... 諗住問轉房要幾錢啦~ 二等房竟然要二千幾蚊晚... 冇病呀嘛~?!咁貴...仲貴過私家醫院~ 咁不如去私家醫院睇好過啦... 醫生話應該係佢條尾龍骨係源頭~ 宜家唔洗吊鹽水~ 不過佢都唔係好食野... 呢個幾星期以黎~ 佢都冇沖過涼~只係可以抹身~ 又未洗過頭... 呢種感覺一定係好難受呢~~v_v 最少都要訓多一個星期左右先出得院... 我諗...佢就算出院...佢都要做物理治療~ 因為佢都行唔係幾到... 要練習返行路先得lu~ 基本上~我返到屋企~ 都做o左好多野~ 洗水喉啦~ 洗哂所有冷氣機o既隔塵網~ 抹乾淨冷氣機~ 直到我老豆阿媽返黎o個時~ 我就洗緊"meet"緊菜... 佢o地一返黎...老豆就打電話去法國醫院~ 問關於轉院o既問題~ 不過由瑪麗轉去法國醫院... 程序上...實在有d麻煩~ 而瑪麗肯唔肯借片比法國醫院d醫生睇~ 又係另一個問題~ 如果肯借...就會慳返好多錢~ 始終~ o係私家醫院重新照過哂d野~ d費用加加埋埋~ 一定會好貴...有保險都係咁話o者~ 今日下午send o左個sms比apple~ 跟住再o係佢個日記度留o左言... 之後夜晚收到佢電話... 同佢傾o左陣... 聽完我好嬲...好激氣~ 我先頭覺得佢仲有一個可取之處~ 就係佢點吹水都好... 勝在鍚女朋友~ 宜家...佢呢個優點都冇埋~ 我真係覺得佢好唔掂... 點都好...要作一個唔會令自己後悔o既決定~ 而無論呢個決定係點...我都會支持你... 希望你會得到幸福~ 聽我老豆阿媽講~ 阿哥宜家又要吊返葡萄糖水... 唉... 要快d快d好返呀~ |
|
今日原本係去同apple慶祝生日... 不過我冇去到...希望apple唔好介意啦~ v_v 比雨淋過... 夜晚有點發燒的感覺... 想睡覺~ 又睡不著... 感覺不太好... 聽日睇黎都要去walter o個邊... 無論佢收到又好...未收到又好... 始終親自去一次會令自己安心d~ 一陣有d咩出錯...費事搵人負責啦... 而且walter可能多野做... 你唔吹佢...佢分分完全冇o左件事... 咁我都唔知點樣同楊小姐講好lu~ |
|
寄o左隻碟比WALTER出菲林~ 唔知佢收到未~ 因為佢都未打電話比我~ 唉...楊小姐o個邊又吹... 我都唔知點... 總之極之忙... 心情亦相信地差... 唉.... ---------------------- 天上星星近在咫尺 雖然是假的 並且有點令人頭暈 但感覺也很幸福 |
|
昨日誌傑同佢女朋友散o左... 唉...我都唔知應該講d咩... 睇開d吧啦... 始終...都要有忘記呢段感情o既一天... 想得通o既...一秒都會想得通~ 想唔通...可以一世都想唔通... 而行邊條路...係你自己o既選擇... 冇人可以代你去揀... 昨晚十一點幾十二點o個陣同程程傾電話~ 傾o左一陣~ 佢就要做野~ 佢話過一陣做完野打比我~ 但係我等o左一陣已經好眼訓~ 於是就打電話比佢...睇下佢做完未啦~ 同埋話比佢聽我已經好眼訓~ 等佢做快d跟住打返比我~ 之後佢做完野~ 佢打返比我... 傾o左幾句...我就訓覺lu~ 今朝九點幾就醒~ 起身o個時~個裝修工人已經搞掂好~ 仲走埋tim~ 估唔到咁快就搞得掂... 我起身食完早餐~ 原本係諗住幫阿媽執返好d野同善後工作~ 點知老豆探完阿哥返黎~ 話阿哥宜家手腳唔痛...但尾龍骨痛~ 真係奇怪~ 話佢可能要轉病房呀~去照x-ray or做其他素描~ 叫我食完野就去醫院陪阿哥... 咁我睇o左陣報紙... 睇到陳寶蓮o既報導... 唉...真係要信命... 佢一生都咁唔開心... 希望佢安息啦... 搭車去醫院之前~ 我去o左買本雜誌睇~ 上o左車~好快就去到lu~ 落o左車行上去醫院o個條路... 依然係令人索氣...-o- 阿哥o個樣都尚算精神~ 都有起身睇佢d小說... 傾下計...幫佢洗下眼鏡~ 幫佢洗濕條毛巾比佢洗面等... 我諗...係我同佢相處咁多年以黎~ 今次算係我照顧得佢最多o既一次... 護士話阿哥食得通心粉呀~三文治o個d野~ 叫屋企人買比佢食都得~ 咁阿哥就話啦...喂~屋企人去買呀~ 聽到未呀~哈哈~ 咁我就落o左去下面餐廳買火腿通心粉比佢食啦~ 我買o左一個...見到好似幾好味咁~ 我後尾再買多個比自己食~哈哈~ d湯底有d辣...因為有d黑椒o係度~ 好唔好食就見仁見志~ 畢竟對於一個幾日都未食過野o既人黎講~ 應該都會幾好味o既... 食o左d...佢就覺得好咸... 叫我倒o左湯~ 倒d水落去繼續食~ 食多幾啖...佢就話唔食啦喎~ 咁我一早已經食哂...一粒都冇剩o個隻~ 我就去搵垃圾筒掉垃圾啦~ 食完...我口渴...費事飲阿哥d水啦~ d工作人員好忙~ 一陣飲o左阿哥d水... 而o個d人又好耐都唔幫佢加水... 咁阿哥咪冇水飲~...-_- 我於是就落o左樓下買o左罐健怡雀檸黎飲啦~ 哈哈~ 跟住到派飯時間~ 比o左碗"杰"醉肉粥阿哥食~ 因為好熱...阿哥等佢凍d先食~ 食o左幾啖...又發現有d黑椒o係度... 丫~都唔明點解咁多黑椒o既~~ 最慘o既係...阿哥會"咳"~ 一咳佢就要"禁"實個傷口...就住黎咳... 我直頭見到佢由一般面色...咳完之後~ 即刻變到紅哂...-_-" 換o左另一碗白粥水食~ 阿哥全部都食哂~ 真係好啦~ ^-^ 到一點...骨科d醫生都仲未落黎睇佢~ 而護士話一點至三點係交更時間~ 最好唔好留o係度~ 咁我就走啦~... 個護士o既樣都ok o架~ 我諗佢當o左好耐更...所以d頭髮都散哂~ 個樣好累咁... 不過都仲識得同阿哥講笑~哈哈~ o係醫院度做...真係辛苦呢~~ -_-" 阿哥食得下野~ 咁醫院d野又唔係咁好食~ 咪叫媽咪自己煲粥比佢今晚食囉~ 而我今晚o既晚餐都係食佢o個d粥... 哈哈~ 好清淡o既粥... 當係清腸胃囉~ ^-^ 返屋企搭van仔... 冇幾耐...見到吳喬蜂...(阿聰個friend)~ 可能我太"烏wear"~ 所以佢唔認得我啦... 鬼咩...今朝都冇沖涼就出街... 去醫院...都懶得去姿整啦~ 唔通特登化哂妝去探病咩... 落o左車~幫阿哥買o左東touch~ 留返佢第時出院睇~~ 返上屋企~ 即刻拎o左條褲去改短... 而我所知道有得改褲o既地方... 要落到條斜路o既盡頭先有檔... 咁我就硬著頭皮行落去~ 等o左陣~ 佢好快就幫我改好~ 廿蚊~ 真係抵啦~ 之後又好索咁行返條斜路返屋企~ w_w 返到去...一邊睇"貧窮貴公子"~ 一邊踩腳踏機~ 踩o左一千下... 哈哈~ 由我啦... 有踩已經好好o架啦~ 今晚八點幾o個時~ 程程打黎~ 佢問我聽到有d咩唔同... 唉...通常佢咁問... 都係因為佢換o左電話~ 今次係...7650~ nokia部彩芒~ 佢之前o係orange訂o左~ orange終於都打電話黎話比佢聽有現貸... 平時又唔見佢咁快手... 轉個頭...佢就即刻去o左灣仔拎機lu~ 我以為佢將部samsung trade-in o左~ 原來都仲未賣...貓貓仲保得住... 我話...咁咪要同貓貓分別囉... 佢話唔洗住...等貓貓死o左先賣喎... 唉...雖然係唔捨得貓貓~ 不過...遲d賣...個價就會越低... 而且~ 仲要拎去換埋天線先賣會好d~ 費事比人壓價啦... 程程今朝又一早返工~ 十二點半收工~ 跟住返屋企訓覺~ 又係五點打電話比佢叫佢起身~ 佢話check銀行a/c~ 見到有條銀行數過o左期都未過數~ 過o左成幾日o架啦~ 照計銀行唔會咁蝕底唔過數~ 於是我咪叫佢打去銀行check啦~ 點知收o左工...check唔到... 要聽日office hour 先check到... 唉~真麻煩呢~ 阿哥聽聞又可以要轉房... 轉返去骨科... 希望佢過幾日就出得院啦... apple就生日~ 我o地煩惱緊買d咩野生日禮物比佢... 大家快d幫手諗下啦... |
|
前一兩晚...都好眼訓~但訓唔著... 要"look"好耐先訓得著~ 跟住昨晚同jovi爸b 玩icq~ 佢叫我睇下書先訓~ 丫~又真係得喎~ 好快就訓著lu~ 今朝晨早就比老豆嘈醒~ 因為裝修o既地方係佢o地套房入面o既廁所~ 要將d衫搬過黎我o地o個邊o既廁所~ 又要搵枝鐵管掛起d衫... 枝鐵管唔小心跌o左落地... 響o左一下好大聲... 整醒我~ 到十點幾我先正式起身~ 無聊o左陣~去沖涼~ 沖完涼...開住冷氣o係床度睇書... 阿媽就o係廚房抹廚房~ 睇睇下書~覺得累... 於是又訓過啦~ 經過老豆阿媽一輪講耶穌... 我放棄o左賣手飾呢家野~ 算啦...我橫掂最後都係要出黎搵工~ 一邊搵~一邊賣其他佢o地想我賣o既野啦~ -_-" 阿媽煲o左d湯水... 叫我拎比阿哥飲~ 因為阿哥只係可以食流質o既野嘛~ 但佢宜家都仲係吊緊鹽水~ 醫生今日又唔比打止痛針~ 真慘呢~~ v_v 三點左右~我就拎埋兩枝湯同一枝飲管去醫院探佢~ 今日佢個樣精神返好多~ 可以睇書...冇之前o個幾日個樣咁弱... 傾o左陣計...又睇下佢個傷口有幾長... 嘩~原來都真係幾長咁... 個醫生先頭又話個傷口好細o既~ 都呃人o既~ 阿哥話d病人有時會痛到叫... d叫聲我同程程昨日都聽過... 係好似d電單車聲轉彎o個d聲咁... 有d好笑... 不過當然知道人o地真係痛... 真係唔講得笑... 阿哥話...你估人o地想o架... 帶o左兩枝湯水去~ 結果阿哥飲o左大半枝... 佢話唔飲另一枝啦喎~ 而我就挨義氣飲o左去啦... 四點幾五點返到屋企~ 即刻沖o左個涼~ 嘩~今日幾熱呀... 落車行o個幾步路~ 成個人都出哂汗咁... 朝早只係食o左芝士夾麵包~ 之後都冇食過野~ 沖完涼...就o係度食吞拿魚餅餅~ 但都仲係好肚餓... 哈哈~再整多碗鮮奶粟米片食先飽咋~ 阿媽今晚煮飯... 早o左煮...因為要去探阿哥... 咁咪早d煮囉~ 食飯前都食飯後... 我都不知飲o左幾多含有水o既野... 唔洗食野都其實飽o左一半.... 程程今朝特登搭地鐵返工~ 因為要換qoo嘛~~ 如果照平時咁搭巴士返長沙灣... 就換唔到qoo o架啦~ 換齊哂lu~ 好開心~~ 下次去佢屋企睇下先~ ^-^ O o左 4個半鐘 T~ 十二點幾就搭車去九龍城拎野~ 拎完野佢就返屋企訓覺LU~ 我探完阿哥o個時就打電話比佢~ 叫佢起身~ 點知佢話5點起身都未遲~ 咁我5點又再打比佢叫佢起身啦~ 聽日佢又有part-time做~ 佢都怕佢自己唔夠訓~ "渣渣"下車會訓著... 佢話呢排都要與咖啡常在先得啦~ 程程老豆o係one2free 又訂o左部限量專貴版o既8910~ 諗住將宜家o個部8910比o左程程個媽咪用~ 哈哈~佢老豆真係利害... 唔知專貴版有咩唔同呢~ 我宜家同程程交換o左部電話黎用~ 我用緊佢部8910~佢用緊我部t108~ 哈哈~ 我唔怕再聽唔到電話lu~~ 電話貓貓亦都交託o左比佢照顧~ 希望佢可以見到貓貓有反肚o既一日啦~ 唔好到佢部nokia彩芒有貨o個時~ 佢都仲未見過貓貓反肚啦~ 丫~昨日呢~原來三餐都係麵喎~ 哈哈~ 又幾食得o架喎~ |