昨晚兩點幾訓...
今朝十點幾就起o左身~
媽咪o係我食早餐o個陣同我講o左d野~
咁當然~~係關於程程o架啦~
哈哈~~~~
我見程程咁耐都未過得黎~
而且我又搞掂好哂d野~
所以我就去佢屋企啦~
半個鐘頭多d d就已經去到lu~
放低o左d野, 我o地就出去~~~
今日個太陽...哂到暈~
熱到死~
我就好唔合時咁...
著o左d唔應該著o既衫~
所以去到海運...拿拿臨買件t-shirt換~
嘩~~~爽哂~~yeah~~ ^_^
跟住諗住去買褲褲~
不過要去旺角先有~
但係又唔想等巴士~
咁我o地就搭的士去啦~~
哈哈~~~~好快就買到要買o既野~
食下野~~周圍行~
之後去返銅鑼灣~~
九點幾~~時間岩岩好~~
睇返場戲再落d都仲有時間~
"愛情請槍"...
唔好睇...一個唔係咁合襯o既配搭~
果然係冇咁好睇~
拖得太長啦~~搞到好悶~
成套戲...出現得最多o既字~
就係"funk"字~~~
無聊~
睇完出返黎~都係差唔多十二點...
約好o左落d...
唔遲唔早~時間岩岩好...
十二點就去到focus~
個場果然比起上次"mind"...簡直係兩回事~
兩間都係銅鑼灣o既d場~仲要係打對面~
o係正隔離tim~
估唔到分別會咁大~
程程真係冇食言...今次真係跳足全程~
丫~~果然唔係"削"呀下~~
反而我就...貓貓o地...
o係入面跳o個時就唔係好覺~
但一出返黎靜o既地方就行得唔係幾穩~
哎呀~~>_<"
玩到兩點幾就走lu~~
始終見完家長第二日就玩咁夜~
就唔係幾好o既~~~
返到屋企...daddy行出黎~
我仲以為佢會鬧我tim~
點知唔係喎~
佢用好溫和o既語氣話...
"玩到咁夜o既~~"~~^_^
可能我daddy對程程o既印象幾好~
所以好放心我同佢出去玩o掛~~
沖完涼仔~
就訓覺仔lu~
今朝簡直係求生不得~
求死不能~
好鬼唔掂...v_v
沖涼沖到一半~都係頂唔順~
著返衫出黎...
食o左兩粒必利痛~攤o左一陣~先好d咋~
跟住再入過去沖涼~~
食完早餐~~
搞o左一大輛野~~~~~
到成三點...程程先黎~
之後去吉之島拎md機~~
點知老遠見到小魔傑同老爺做野~
於是我同程程就跟住佢o地啦~
一直到六點幾~~
我o地先閃~~
行o左一陣~~影埋貼紙相~
七點幾...去食飯仔~
見家長...估唔到...比我"線"o左一穫~
本來諗住早d去等位...就包冇死啦~
點知我就係咁話...得o左啦~ 實有位o既~
去到o個時...先知衰~
因為真係好多人~~
我daddy mummy岩岩黎到...就有位~
咁先冇事咋~~~哈哈~~
um...基本上...都冇咩特別事發生~
不錯不錯...嘻嘻~~
食完飯~~~佢o地走o左~
我同程程就繼續去玩~
打電話比程程個friend~諗住落d~
點知唔夠人~冇去~
於是去o左唱k~~唱到十一點...
又唔係幾想返屋企住~
於是周圍o係銅鑼灣, 灣仔搵d落...
不過最後冇去到~
去o左蘭桂坊一陣~
就返屋企lu~
今晚行自動電梯行o左成個鐘先返到去~~
熱到死下死下~
都唔知咩天氣黎o架~
好辛苦呀~~v_v
昨晚同程程傾電話~
差唔多一點就收線lu~~
大家都累...早d訓...
都唔係一件壞事黎o既~
不過我訓得唔係幾好...
一直都醒下訓下...
終於挨到今朝八點幾~~
鬧鐘都未響~
我就起身lu~~
搞掂好哂都係九點七~
於是就去o左買上堂要用o既紙杯先搭車返學~
o係買完紙杯之後~~
我花o左我畢生最大o既勇氣...
去買一樣野...
手震住咁去比錢~~
唉...
代價...真係好大...v_v
搭van仔返學o個時...
上車冇咩留意到架車有熟人...
到佢落車o個時...
我先發現到佢...
佢係~~Danky~
我應該冇認錯~
唔知點解~~次次見到佢...
我都會諗......
好彩同佢散o左o者~ 如果唔係...
就唔會同到好似程程對我咁好o既人啦~~^_^
返學~~~嘻嘻~~
Apple返o左黎啦~~ ^_^
o~~係喎~~仲有咖哩tim~
佢o地好有心咁...
竟然我冇提過叫佢o地記得拎火柴比我~
佢o地都記得~~
好開心呀~~
我又多一種新o既火柴顏色~~
係綠色黎o架~~^-^
上堂好努力咁幫d石膏豬柳漢堡上顏色~
哎呀~~~普通似o者~~
我諗我得閒d...會再倒過d石膏模再整過~~
放o左學...走人lu~~
多野拎嘛~~~
加上話o左今個星期六去幫daddy手睇鋪~
所以好快咁返到屋企放低d野~
就諗住落鋪頭lu~
o係搭車返屋企o既途中~~
同程程傾電話都傾得好好o地...
點知...返到去再打比佢o個時~
個情況就完全唔同~
唉...佢同佢屋企人發生o左d野...
搞到佢好唔開心咁...
我聽完之後, 都好擔心佢呀~~v_v
冇咩心情o既情況下...
由兩點鐘開始睇鋪...
睇到差唔多四點半就走人lu~
返到屋企門口...
又發現...唔記得帶鎖匙~~
近來都唔知搞咩~
成日都唔記得帶鎖匙~
好彩今日阿哥仲o係屋企咋~
如果唔係~~又要坐o係後樓梯等人返黎lu~~
沖好涼...就諗...究竟做d咩好呢??
於是...我揀o左執房...
我間七國咁亂o既房~真係唔講得笑~
如果再唔執...費事人o地上到黎笑我啦~~
成晚猛咁o係度執...
一路執...一路搵返好多以前唔見o左o既野~
仲一路比人笑tim~~
最搞笑o既...就係我阿媽~
佢話~"我養o左個女咁多年~成十九年啦~
我都未見過間房會執到咁整齊~"
有冇搞錯~~
我邊有冇試過執到咁整齊呀~~~
佢屈我~~>_<"
咁大家又或者真係會奇怪~
點解我會執房...
原因係...可能程程會上黎嘛...
聽日玩見家長...哈哈~~
唔知佢緊唔緊張呢~~~^_^
間房大至上...都叫執好~
除o左門口o個堆野~~
同埋廳出面d顏色呀~~紙呀~~一大堆野之外~
其他都執得幾好...
我今次好忍心咁...掉o左好多野~
不過唔掉o左d舊野~~
又點會放得落d新野丫~
去舊迎新...哈哈~~~
搞到好似新年咁tim~~~
(o~~但係好似我新年o個時...都冇咩執過野喎~~)
程程今晚應該好夜先收工~
放o左工, 返屋企...
唔知佢會點呢?? v_v
好擔心呀...
希望冇事啦...
諗下...點解以前會揀o個個人做男朋友~
好後悔~好後悔~
佢仲要係分手第二日, 就搵過第二個~
次次都係咁tim~~
好cheap呀佢~~~
希望唔會再有女比佢tum到啦~~
舊事重提...
係因為唔抵得佢咁cheap~
每次見到佢個info~~我d毛管都會豎起哂~~
好恐怖o架~~
比個guestbook激死我啦~~~>_<"
話"對不起，網絡很不穩定，留言畫板暫停服務~"
有冇搞錯~~~v_v
如果你好彩~~你會睇得到o既~~
唔好彩就睇唔到o架啦~~~
我個留言版...又有新o既神秘人出現~
究竟係邊個呢???
丫~~仲有呀~~
我個留言版updated o左...
轉o左新version~~多o左好多野玩~~~
大家得閒去留下言比我啦~~ ^_^
六點幾...我岩岩想上網...
突然有個電話打黎屋企...
佢問有冇人搵過"9xxxxxxx"呢個電話喎~~
其實我一聽~就認得把聲...
係加藤把聲黎o既...
不過我冇叫到佢...只係話"冇"~~
就收o左線lu~~~v_v
已經係廿七號啦...
唉...
仲未.......死火....
驚~~
我昨日成日都o係一個down mood度...
程程為o左令我開心...
做o左d野~~~
做o左d咩野??
哈哈~~唔話你o地知~~ ^_^
雖然佢做o左d野之後~
我o既心情的確係好返好多~
但係我把聲依然好死...
同佢傾電話~~
本來好精神o既佢...竟然比我催眠埋~
哈哈~~~^_^
傾到一點...真係頂唔順...
去訓覺仔lu~~~
今朝九點鐘起身~~
媽咪同老豆一早就又因為股票~
而搞到唔開心...
飲飲下茶...老豆發脾氣走o左...
媽咪又返o左黎屋企...v_v
我起身見到媽咪o係度...
都知"驟忌"o架啦~~~
不過我冇理到...照去程程屋企~
之後再同埋佢去機場接佢媽咪機~
因為時間仲早...
咁我o地就o係機場食野...
跟住我同佢玩o左兩次"僕哩哩"~
哈哈~~~~
笑死我...
接o左佢媽咪...大約點幾兩點就返到屋企lu~
坐o左一陣~~程程要返工~
我就走lu~~~
本來諗住去會展繼續睇show o既~
不過好眼訓~
就冇去到, 返o左屋企訓覺仔lu~~ z_z
呢幾日...成日都好累...
唔知自己點解會咁...v_v
Apple同咖哩今晚去完旅行返黎lu~~
聽日就會返學~~
唔知佢o地玩得開唔開心呢~~?
這幾天心情絕對不好...
成日亂咁發脾氣...搞到d氣氛好"薑"~
唉...
昨晚仲差d要進入冷靜期...
不過...宜家總算冇事o掛...
信心...不知由那時失掉了...
總之整個人都掉進一個"不開心"的mood~
就連媽咪也看得出...
問我...不是有事吧?
今天沒有胃口...早上起o左身~
幫媽咪去銀行填一d野~
跟住搭地鐵返學...
去到麥記...我第一個到...
而且時間仲係好早...
但係我冇食到早餐...
因為冇心情食...
於是當阿yan佢o地問我做咩唔食o既時候,
我就講o左一個大話...
話我已經食o左野...v_v
上堂...出奇地要即堂畫~即堂交...
好求其咁畫o左就算...
我今朝出門口o個陣...
特登放o左個恩恩杯o係個袋度...
上堂o個時, 拎o左出黎食...
食返d甜野...心情好返d~~
傾下計, 講下鬼故...又一堂lu~~
放o左學...即刻去o左會展睇gift show~
嘩~~好多個hall o架~~
好多野睇~~~~ d裝潢好靚...
行o左幾個鐘...先行得3個hall~~
聽日我會再去多次...希望會行哂全部...
拎o左好多catalogue~~
一大袋...覺得自己有少少誇張~~
但係最想入去拎o個d~~
就拎唔到...v_v
四點左右...已經行到隻腳好累...
加上我著o左boot~~
行得好辛苦~~
咁咪搭車返屋企囉~~
點知...我返到去...諗住拎鎖匙出黎...
就發現我唔記得o左帶...
唉...真係黑仔...>_<"
咁我咪坐o左o係後樓梯等我媽咪返黎囉~~
坐到五點...佢終於都返啦...^_^
沖o左涼...去訓覺...
食飯先比人叫醒~~
成日只係食過恩恩杯o既我...
今晚食飯o個陣~
出奇地食得飽...
依然冇食紅肉...只係食魚食菜再食菜...
飲o左碗湯...飽到死...
照計以咁o既狀態...係唔應該再去訓覺~
但係...我冇理到...
照訓......z_z
訓到九點幾...先再起身...
個人宜家好空虛...
唔知自己想點...
唉.......v_v
今日我d friend考試~
唔知考成點呢...?
希望佢o地識做啦~~
聽日A-level考maths & stat~~
希望我o既好朋友~~~
Athena同埋棠棠會考得好啦~
努力呀~~加油~~ ^_^
今天寫了一封只得幾行字的信給楠楠~
因為寄了一樣東西給他~
所以怎樣也好, 都要寫幾句說話...
在署名下...寫日期...
日子不記得...翻看月曆...一點也不奇~
寫完月日...跟著便要寫年份...
但奇怪地...我想了很久~~都寫不出來...
究竟是二零零零年, 還是二零零一年呢??
二零零一年? 沒有那麼快o掛...
於是...又再看月曆...
一看...真是二零零一年呢...
時間過得真的很快很快...
還是快樂的日子...總是覺得過得太快呢...?
二零零一年是一個好開始...
什麼也可以忘記...就是不應該忘記這一年啊~
我想...愛情可分為進步式和退步式...
我暫時仍然擁有進步式的愛情,
但不知何時...會由進步式變成退步式呢?
差不多四個月的時間,
感情有增無減...
雖然我時常發神經...胡亂猜疑...
但到最後, 能安撫我心的人...就只有你.
你告訴我, 你永遠也會這樣待我好...
甚至比現在還要好...
我交託你, 信任你.
退步式的戀愛...永不存在.
由紫色的心情, 轉為粉紅色,
一直粉紅下去...直到永遠.
來自由穿過大氣 橫越晴空風裡飛
越過高山 越過深海 回來看你
看在我的那份勇氣 及反覆的心理
給我運氣 紐約重遇你
看你面上亦動容 這雙眼也朦朧
令這分鐘在這生中多麼重
城內人潮鬧哄 你的手仍是凍
你的臉在冷風中漸紅
不需說話了 將你懷內送
頃刻這都市停了 天上星星亦點亮了
無窮年和月掠過 誰和誰還重要麼?
擁抱著你 不理明日了
這紐約數日裡 可供一生懷緬
歸家路裡 可以仍在笑
上次因為輝輝老爺放o左我同程程飛機~
於是我就停o左佢牌...三個月後先會冇事~
聽程程話...老爺近來唔嗜酒~反而鐘意o左飛車~~
唉...聽o左好擔心~~
雖然佢係一個人, 冇咩牽掛...甚至係爛命一條~
成個浪子......
不過...至少我同程程都會擔心佢有事~
以前佢飲酒...就傷身入面~
宜家飛車...就傷身出面~~v_v
呢幾個月~~佢o架車都出o左幾次事啦~
個人係就係冇事...
但係咁樣有乜為丫~~~
咁大個人都唔識諗o既~~~
激死~~
還有一點點的難過...
昨晚同程程傾電話傾到兩點幾先訓覺~
好乖咁...無再發神經啦~
仲傾得好開心tim~~^_^
今朝程程九點三打黎叫我起身~
不過我扭計...要訓多陣~
結果九點八先起身~~
拿拿臨...搞掂好哂d野~
十點幾佢就黎到接我lu~~
可能昨日冇食lunch~~夜晚又食齋...
所以特別肚餓...
落到銅鑼灣...成十一點...
但係我o地仲叫"早餐"食~
哈哈~~~~
食完野~~o係銅鑼灣周圍行...
行到悶哂lu~~
不過又費事去第二度啦~
迫住行...無計...
o係sogo下面買o左個好好味o既麵包~
芝士薯蓉包~~~
我o既心水配搭~兩樣材料我都咁鐘意食~
正呀~~ ^0^
跟住...又再食野...
嘩~~好飽呀......
昨晚突然諗起好想食恩恩杯~
又想食KFC雞翼...
於是今日同程程去買黎食...
d恩恩杯...買o左返黎...
但突然又唔係好想食...
反而另外買o左咖啡香口膠...
就猛食...
到兩點左右~~程程要返工lu~
咁我就返屋企訓陣先...
差唔多四點先再去睇醫生...
醫生話唔做手術都得~
但係要做一個無線電波治療~
要入醫院做...
不過係可以即時走人o個隻~
佢話...放枝野入去鼻度...
電細個鼻骨o既物體~~(好似係d咁o既野~)
電完之後o既兩個星期~~先會開始有效~
個鼻骨會慢慢縮細喎~~
如果要做手術~~就會辛苦好多~~
佢就提議我做呢個無線電波治療好d喎~~
叫我返屋企考慮下...
真係決定做...就打電話比佢...
等佢安排...
um...如無意外~我都會做o架啦~
食埋一個星期藥...就會做...
唉...希望做完真係會好返啦~~ ^_^
睇完醫生~~又唔多想返屋企住~
就走O左去金百利行o左一陣街...
買o左條裙...第一次買咁o既顏色o既裙,
仲要有pattern o既tim~~
邪惡~~唔係幾知自己點解會買...
奇怪...我變o左...
返到屋企...沖下涼~
抖下...睇下電視...
就食晚飯lu~~
冇咩胃口...可能今日食o左太多"立雜"野o掛~
又係食齋...
我媽咪甚至已經慣o左我一舊肉都唔食~
都費事叫我食肉tim啦~
聽日要交o既功課...我冇做呀~
懶丫嘛...
下堂先交啦~~
聽朝要幫媽咪去銀行搞少少野~
所以要晨早起身~~~"囉"命~~~
唉...慘慘~~~v_v
會展有gift show睇~~
我阿哥間公司有份...
佢出o左張invitation card比我去~
咁所以我會聽日去睇睇...
哈哈~~~好似舊海綿咁去吸收下d經驗先~~^_^
<重量級的情話>
重量級的情話也許不是"我愛你",
這三個字沒有獨特性,
任何人也可以對另一個人說.
重量級的情話也不是"鐵達尼號"裡的那一句...
"答應我, 無論怎樣絕望,
你要生存下去."
這一句太多人說了,
況且不是每對情人都要面對生離死別的.
所謂舉重若輕,
重量級情話是那些聽起來很輕鬆的情話.
他說:"你脾氣這麼差勁,
我到底為什麼可以忍受你呢?
而且還打算忍受一輩子."
他說:"你甚麼時候才會長大?
才會變得世故一點?
我不用再像袋鼠媽媽那樣,
把你放在口袋裡保護你."
他說:"看到你, 我無法自持."
他說:"你年紀多大也沒有關係,
我也會老的."
他說:"讓我抱抱你,
我不知道下次是什麼時候."
他說:"我不想跟你吵架,
因為我不想你不開心."
他說:"不喜歡上班就算了,
我又不是養不起你, 不過,
你以後可能要吃得少一點."
重要級的情話要輕得像一根羽毛,
不輕意飄落在對方心裡,
卻正好搔著她的癢處.
找出一疊很厚的影印...
看到一些東西...
勾起一點回憶...
哈哈~~時間真係過得快lu~~~
我又開始進入發神經o既時期啦...v_v
昨晚又喊...又為o左好少事發脾氣~
程程見我咁...佢又將隻手打向櫃度~
隻手宜家腫o左...而且好痛痛~
唉...好憎自己呀~
今朝冇人叫我起身~
因為程程返晏~~
連佢自己都未起身~
佢又點可以叫埋我呢??
上堂...寶寶堂...依然歡樂~
今次o既功課~~~失敗o左少少~
下次再努力吧~~^_^
放o左學~~冇食飯就走...
上到車~~打電話比程程~
講o左幾句...真係幾句...
佢話佢打緊機~ 我就費事阻住佢啦~
於是就收線啦...
返到屋企...又再開機聽"原來的你"~
或者...我真係唔應該再聽...
因為唔知係d歌詞問題~定係d旋律問題~
好中我o既心...
聽聽下...發神經o個度喊~~
喊o左成個鐘...真係冇誇張~
唔知自己咩事~~~唔知自己做咩會咁...
好苦惱~
程程打o左好多次電話比我~
我都冇聽...
我唔知自己點解唔聽...
明明當我喊o既時候, 我係好想打電話比佢o架~
不過到佢打黎~
我就冇拎起電話聽o既意圖~v_v
只係望住較o左震機o既電話...不停咁震...
我個電話冇人聽...就會飛線去留言...
佢留o左幾個言比我...
佢見我唔聽佢電話...佢都知我又發緊神經啦~~>_<"
最尾o個個留言...佢咩都冇講...
只係播住"愛比我重要"...
佢今次算係好有意思...
竟然識咁樣做~
聽完之後, 心情平伏返少少...
決定打返電話比佢~
不過傾o左冇幾耐...佢講o左d野~
搞到我又喊過...唉...
之後收o左聲...而佢都要返工lu...
佢話會隔半個鐘打一次黎~
睇下我點喎~
但係收o左線之後, 覺得好累...
我諗係因為喊過o掛~
所以就訓著o左...
佢再打黎o既時候...我話我訓緊~
咁佢就叫我乖乖o地~~醒o左就打電話比佢啦...
醒o左...食o左枝炭燒咖啡雪條...
甜甜o地...苦苦o地...岩哂我宜家o既心情~
打比程程...已經好好多...
今晚應該唔會再有事o掛~
打電話約時間睇返西醫~~
約o左聽日四點半~
個姑娘話...診金加藥...大約六百幾七百喎~
唉...我呢幾個月~~
真係睇o左好多錢醫生啦~v_v
覺得自己好煩呀~~~
希望睇多一兩次就冇事啦~~
昨晚程程返到屋企~~
就傾o左陣電話先訓~~
佢講比我聽~...佢搭車返去o個時~
好搞笑地...o係車訓著o左~
過o左佢要落車o個個站~~
結果要搭返的士返去~~
唉......v_v
點幾鐘~~就收線lu~~
因為佢要返早~~五點幾就要起身lu~
而我都要返學~~
所以早d訓會好d~~~
不過今朝程程打黎叫醒我~
我都係唔肯起身~~~
天氣涼涼o地~~幾舒服~~所以想訓耐d~
直到九點一我先醒~~
好快沖完涼~~執好返學d野~~
但係都要成九點十一先出得門口~~
哈哈~~~~麻得煩~~^_^
今日上堂好乖乖咁~~~
好努力咁畫野~~~
放o左學~~~就各有各散lu~~
我就自己行o左一陣街街~~
搭車返屋企o個時~~
o係架車見到阿哥~~~~
又會咁都見到o既~~~
返到屋企~~做國寶份功課~~
好快就做完lu~~~
今次又要係做d較為高級o既logo~~
但係除o左我用o左d銀色字之外~
我就唔係好覺得自己個logo有高級o既感覺囉~
搶眼就搶眼~~
不過好似有d cheap cheap o地咁...
唉......v_v
昨晚o係程程度拎o左隻古巨基o既舊碟返黎聽~
今日不停咁聽住第一首~ "原來的你"~
呢首歌~~係禁毒宣傳短片o既主題曲~
o個時o係電視度聽到o既~~只係一段仔~
到今日聽哂全首~~
覺得真係好有意思...好聽呀~~
本來拎返黎~係諗住聽"歡樂今宵"o既~
點知反而比第二首歌吸引o左tim~~
^_^......
在遠望 大海的同時
掛念你在 落泊那一處
沒我相依 半剩了生命還可自持
不要恨我離去 但那是我的好意
浪永在 但不知何時
再會你面 就要看天意
願有一天 我站到天地無邊盡處
可以又再和你 面對面再說一次
原來的你 始終都最美
就算已添了傷悲 如何地力歇筋疲
原來的你 可否不放棄
讓我也感到欣喜
回頭別覺得失所流離
如若沒人像我這般疼你
在遠望 大海的同時
掛念你在 落泊那一處
沒我相依 半剩了生命還可自持
不要恨我離去 我的心疼著你
其實我o係一個人o既網頁入面都睇過呢首歌o既歌詞~~
我o個時無留意到~~
呢首歌就係禁毒宣傳短片o既主題曲~
仲一直o係度諗...
究竟o個首歌係邊個人唱o既tim~~
(因為佢冇o係日記度寫埋係邊個唱~)
到今日先記返起~~
唔知會唔會遲o左呢~~?
今日程程十點幾起身~
之後打電話叫醒我~~
大約十一點幾程程就過到黎lu~~
我起身o個時~~見到媽咪著住件短袖~
我以為出面唔會好凍啦~
所以就著o左件短袖衫出街啦~
(我屋企仲要開住冷氣o架~~)
點知落到街~~就有少少後悔lu~
見到程程~~佢都著住件風褸~
而我竟然夠膽著成咁...
哈哈~~~~佢叫我上返去拎衫~
我又唔制~
結果~~~佢又除o左佢件褸比我~~
要佢挨凍tim~~v_v
o係屋企搭van仔去吉之島~~
搞掂好程程買md 機o既野~
就食野啦~~
我食腸仔意大利肉醬意粉~~
嘩~~~好味呀~~~
^_^
而程程要食扒扒~~ v_v
肉肉~~~恐怖呀~~~
今日成日都打乞痴~~好辛苦呀~~
打到眼水都標埋~~~
好嚴重呀~~
加上又淋o左少少雨~~凍親~
所以更加利害~~>_<"
食飽飽之後~~
就去荃灣o既愉景新城啦~
一路行~
一路玩到癲哂~~~
臨走o個時~~見到有pokka cafe~~
就走o左入去食野啦~~
食o左個香蕉船~~~好味~~^-^
程程食o個個好似叫意大利炭球~
又係好好食o架~~ ^_^
行完愉景新城~~就去o左旺角入歌仔~
行o左一陣~
就返o左去程程屋企lu~~
落雨天~~~o係街度行~
真係好煩o架~~~
而且我o地呢d唔鐘意帶傘o既人就仲死~
大約九點鐘~~
同程程and佢daddy一齊去食日本野~~
o個間野好出名o架~
叫加太賀~ 好多明星去食o架~~
o個條街~~搞到真係好似日本咁~~
好正o架~~
所以好多人去食~~
我o地都要等o左一陣先有位~
程程食o個碗"海陸空湯麵"~~好大碗o架~~
大家估下有幾大碗丫~~??
大過隻穫~~分分鐘仲大過廁所o既洗手盤tim呀~
哈哈~~夠哂有特色~~
飽到攬住個肚走~~~
十一點幾~~~先開始返屋企~
十二點零就返到啦~~
好累呀~~~
不過程程仲累~~~
次次送完我~~又長途跋涉返番屋企~
慘慘呀~~
今日成日食o左好多野呀~~
平時我唔會咁o架~~
總之同程程一齊~~
就特別食得多~~~
危險!!~~~
危機除o左肥之外~~
仲有另一樣野~~
死啦~~有少少驚tim~~v_v
今晚好有興致咁...繼續倒模~
宜家有好多舊麥樂雞~
好多個豬柳漢堡~
同好多塊薯餅tim~~~
哈哈~~~^_^
一路整~~一路睇電視~~
今晚做流星雨~~好好睇呀~
不過令我諗起一個人...
你就好似流星雨咁...
出現...然後消失...
今朝好慘呀~~
比我daddy mummy煩住~~
冇覺好訓~~!
一個入完黎問我睇唔睇醫生~
跟住過o左冇幾耐~~
第二個又入黎~~v_v
今日d天氣...又係令人覺得討厭o既天氣~
>_<"
搭van仔返學之前~~
去o左買上堂要用o既沙紙同紙杯~~
費事返到學校附近先買咁趕啦~~
咁我o係灣仔落o左車~
就搭地鐵啦~
程程叫我返學o個陣打電話比佢~
我通常就會o個呢個時候打比佢o架啦~
傾o左幾句~
開始feel到唔妥~~
佢d態度~~都唔似平時o既~~~v_v
於是嬲嬲o地咁收線~~
我就把鬼火將條線飛o左去留言信箱~
再熄埋電話~~~
佢都知衰啦~~~過o左一陣~
留o左3個message比我~~
叫我唔好嬲tim~~
哼~~~
係都要嬲~~~
鬼叫佢唔方面講電話~ 又唔話我知~
仲用d咁鬼差o既態度同我講野~
而且仲要係晨早流流~~~
影響哂我成日d mood~
今日上堂倒石膏模~~ ^_^
倒o左d麥樂雞同埋豬柳漢堡~~好似o架~~
um...薯餅都唔錯~~
等我o係屋企得閒~~再倒多幾個出黎~~
咁就唔怕第時上顏色o個時有咩差錯啦~
整多d~~有備無患丫嘛~~
放o左學~~~成班人一齊去飲茶~~
嘩~~好耐冇一齊咁多人飲茶啦~
d野顯得特別好食咁~~~
我o地仲好搞笑咁...o係度"刨"馬仔tim~~
丫~~~仲有一樣野~~
今日橙色衫o既人冇得食奶王馬拉卷~~
著黑色衫o既人先有得食~~
咁我今日著o左橙色衫~~
即係冇得食啦~~v_v
哈哈~~~ ^_^ 失察tim~~~
飲完茶~~返o左屋企~~~
程程打黎~~~~ 唉...
仲未tum得返...
跟住覺得眼訓~~就訓覺仔lu~~~
唔知係咪因為個人太緊張~~
所以我訓訓下~~聽到有人返黎~
仲好大聲叫我~~
我即刻彈o左起身~~ 走出去睇下~
點知...冇人返黎~~
間屋依然都係得我一個...
唉~~~唔知搞咩鬼~~>_<"
返入房~~再訓~~
到四點幾...比電話嘈醒~~
仲要係電話調查...
我以為唔會用好耐時間~
咪聽佢講啦~
嘩~~~點知~做o左成十幾廿分鐘~~
呢個都唔係最主要令我煩o既問題~
個問題係...佢問o既野~
係我最憎o既野 - 股票~~~
唉...煩死~~~
之後我開始軟化...
諗住打返電話比程程~~
點知佢冇聽到我個電話~~
所以咪算囉~~
佢過o左一陣打返比我~
o個時~~~條氣又唔順~
所以冇軟化到~~
又過多一陣~~
諗下...如果我再係咁~
佢會冇心機做野~
咁所以我又打返電話比佢~
終於都冇事lu~~~^_^
哈哈~~大家係咪覺得我好煩呢~~~~?
今晚好鬼浪漫...
點解??
因為我宜家點住蠟燭呀~~~
um...應該係話...香薰蠟燭粒~
一粒粒咁...倒入個好細好細o既水晶杯入面~~
個feel好正呀~~ 又香喎~~ ^_^
個包裝寫住...
含純植物提煉的精華油成份~
能發揮獨特的香薰療效,
可放鬆腦神經, 舒解身心壓力~~
哈哈~~岩哂我呢d成日都咁緊張o既人~~~
我o係sogo買o架~~
大家有興趣都可以去睇睇~~ ^_^
丫~~不過好似缺少o左個人.......
丫~~我今日好似好得閒~
冇咩野做咁~~
但諗諗下...
我好似好多功課未做o架喎~~
星期一o個d啦~
星期二o個d啦~
仲有星期四o個d~~~
於是就開o左個Corel Draw出黎~
諗下星期二o個份功課點畫好~~
不過做o左一陣...
就上o左網~~~去game east度玩~
我呢d就係叫做.......
一鼓作氣~ 再而衰~ 三而偃啦~~
哈哈~~
閒來偃下息~~
唔洗做到窒息~~
昨晚因為阿玲and加藤o既事~~
搞到好煩~~
一路都擔心佢o地有冇事~
但今日阿玲打電話比我~
d語氣好似好死咁~~
等我仲以為佢o地真係分o左手~~
點知...佢最尾講~~
以佢o既功力~兩個鐘已經tum得返~
之後...我覺得我自己之前o係度聽佢講~
又勸佢...簡直成個白痴咁~
都唔知佢點解要咁做~~
所以我決定以後都唔會聽佢電話~
乜玩o左我~~會好開心o架咩~
以後我都唔會再理你o地兩個o既事~
哼~
尋晚同程程傾電話傾到兩點幾~
今朝佢唔洗返早~
就話會過黎...
仲較o左九點鐘叫自己起身tim~
點知...我醒o個時~
已經係十點幾...
人o地又話起身會打黎叫醒埋我o既??
於是我打電話比佢~~
飛o左留言~~即係未起身啦~
咁我就沖好涼~搞掂好哂自己d野~
就去佢屋企啦~~
岩岩去到~~電話就響~~
唉...等得佢黎~~都死o左lu~~
v_v
o係我嬲嬲o地o既情況下~~
佢好快搞掂哂d野~
出得門口啦~~
見成十二點幾~~
就放棄o左去尋晚諗定o既地方~~
結果去o左尖咀~~
嘻嘻~~~~^-^
程程買o左隻大囡囡比我呀~~
好開心呀~~
白雪雪~~好滑滑呀~~
比起原本o個隻~~
大隻好多呀~~
不過細囡囡有細囡囡得意o既地方~
我應該唔會貪新忘舊o既~~
食完野~~行update mall~~
好好笑咁...買o左一枝竹籤...
上面係插住個豬頭o架~~
下面仲吊住一句祝福語~~
而我揀o既o個枝~~
句祝福語係好岩程程o架~^_^
昨晚呢~~~細佬終於都icq我~~
我幾驚佢嬲我呀~~
咁睇起上黎~~應該冇事啦~~
返到黎屋企~~
拆返d浮雞矽膠模~~
um...應該ok o掛~~~
阿哥昨晚o個公司做野~
冇返過黎屋企~
好慘呀~~
訓得兩個鐘咋~~v_v
做野真係辛苦啦~~~~
程程都好辛苦o架~~>_<"
唉...一唔返學~
就發生d大穫野~~~
仲要係好甘o個隻~~v_v
夜晚上網見到阿wing~
佢話我知今日唔係上現代藝術miss堂~
係上馬銓o既人物粉彩~~
五月十二會上第二堂~~
即係話...暫時都未洗上佢堂住~
咁都好少少~~
但係亦都由五月十二日起~~
會上兩堂~~
而以後只係需要返2,4,6~~
唉...雖然係返少一日~
但係星期六要晨咁早起身返八點幾~
簡直係想死~~ v_v
自從剛剛開學o個時返過咁早之外~
都冇再返過早學lu~~~
真係作死囉~~~
D麥樂雞終於都冇變浮雞啦~
不過成唔成功倒到個模出黎~~
都係要等聽日先知~~
寫o左封信比阿聰~
連埋d card寄比佢~~
今次都算係有效率o架啦~
雖然任務只係完成o左一細半~
但係我好快會搞掂埋o個一大半o架啦~~
個homepage已經過o左3000大關啦~~~
嘻嘻~~~~
快d到四千就好啦~~~^_^
我諗今日之內~
我個網頁將會有三千人黎睇過~
哈哈~~好開心呀~~ ^_^
um...邊個係第三千個人黎o既話...
記得話返比我知~~
昨晚o係icq o既list上面~
見到一個好陌生o既人online~
add o左佢都一段日子啦~
但係都冇同過佢傾計~
於是o係準備同佢傾計之前~
去佢個info度睇下啦~
噫~~~~~咁熟口面o既~~
佢個info入面~~
寫o左d我曾經寫o係newsgroup o既野~
都唔知應該開唔開心好~~?!?
哎呀~~好慘呀~~
我d麥樂雞都係唔得呀~
仲係變浮雞呀~~v_v
點算好呢??
已經係第三次啦~~~
昨晚o係嬲嬲o地o既情況下收o左線~
到今日十二點幾~~程程打黎~
我特登冇聽佢電話~~
到佢再打電話黎~
我先聽~~~
tum o左我一輪先冇事~~~
跟住好搞笑o地~
佢差唔多半個鐘打一次比我~~
佢話要煩足我一世喎~~
哈哈~~~驚你呀~~~~
你鐘意咪煩囉~~
今日唔知係咪冇返學~
所以就有報應啦~~v_v
一起身~~~打o左無數個乞痴~~
又鼻塞喎~~
煩到暈~~>_<"
食o左幾塊餅餅~~~沖好涼~
就落街幫阿聰買麥嘜card~~
不過只係揀到四張~~
其他d card都好"巢"o既~
過幾日去開街~~再揀過先得~~ ^_^
跟住行super market~~
諗住搵牛扒煮比程程食~~
但係都冇我想搵o個d~~
所以又放棄o左~~~注定佢冇口福啦~~
再去麥記買麥樂雞黎倒模~
順便又睇下有冇"騎呢大帝"d公仔~
點知又係得"駱馬"咋~
車~~~駱馬我都有啦~~~
宜家只係差"鋼仔"同"貝沙"咋~~~
v_v
返到黎~~~
整d紙模出黎倒麥樂雞~~
搞完一大輪...倒o左第一浸上去~
等佢乾乾o地~~再倒第二浸~~
點知過o左一陣~~~
d麥樂雞變哂"浮雞"~~~
激死我啦~~
於是~~我就倒返d矽膠出黎啦~
再整過~~~
唉...失敗~~~>_<"
一個人o係屋企~~~勁炸機~~
覺得有少少危險~~
怕樓下上黎拍門~~
不過算啦~~~唔理lu~~
哈哈~~^o^
今晚睇完電視,
又唔想上網~
於是就睇問阿yan借o個隻"真愛"o既vcd啦~~
唔知今晚係咪冇咩mood~
所以我都冇睇到喊哂咁...
只係有少少感動~~眼濕濕咁...
冇真係喊到出黎o個隻~
以前呢~~我好唔鐘意小雪o架~
不過宜家就冇咩野~~
可能係有李彩嬅o既出現o掛~~
因為比起上黎~~
李彩嬅真係衰好多~~~
宜家反而覺得小雪都ok~~
好多野~~都會變o既~~~
觀點與角度問題o者~~
今日係CHLOE生日呀~~~ ^_^
雖然我同佢唔算得上係熟...
但係佢係程程個契妹...
即係又係我個妹啦~~
希望佢同佢男朋友好好o地啦~
聽日o既功課...都係唔做啦~
冇mood呀~~又落雨...
而且聽日都未必返學~~
休息下就算~~
今朝晨咁早起o左身~
九點幾起o左身~
跟住落o左灣仔搵程程~~
陪佢銷假...點知仲未銷得~
要六月頭再去過...
之後去o左幾間麥記搵"騎呢大帝"d公仔~
不過都係冇鋼仔~~同埋貝沙~
v_v
程程諗住買MD機~
咁就去o左黃埔行啦~~
肚仔餓~~o係poke cafe食野~
程程叫o個d野~~一陣就到~
而我o個d...程程食哂~都未黎~
激死人啦~~
不過好彩d野好味...條氣都順d~~
食完~~~去o左程程屋企~~
佢個傻人~~~帶o左把長傘出街~
但係出到街, 就冇落雨~
所以返屋企放低o左把傘先返工~
好黑仔地...我o地冇帶傘出門口~
個天又開始落雨~
上o左車之後~~~
都不停咁落...
好彩到落車o個陣~
又停番雨~~~
個天今日真係怪啦~~~~~
返到屋企~~~我本來諗住訓覺~~
不過好似應承o左媽咪幫佢吸塵~
於是搞掂好...上o左一陣網~
先訓~~
上網o個時...
阿Match無啦啦send message黎問我做緊咩~
講o左幾句~ 我都諗唔到野講lu~
六點左右~~我醒o左...
起身o既時候...
見到媽咪個樣好似唔係幾開心咁...
所以我都冇出聲...
費事比佢鬧啦~
九成d股票又跌~~佢咪唔開心囉~v_v
呢幾日以黎~
都好累...
我諗天氣影響...係其中一個因素~
"蟻"住"蟻"住"咁...
鼻敏感依然係差~
d中藥...似乎冇咩用咁...
唔通又要轉番睇西醫??
今朝臨醒之前...
o係床度諗緊份功課有咩可以改進~
於是起o左身之後~~
就好快手咁改過份功課~~
之後print埋出黎~~
份功課...今次拎第二~~有57分~
輸o左比Q班o既小飛飛~~~
真係唔抵~~~
算啦~~唯有再寄望下一次啦~~
國寶今日比份功課~~又難度高o左~~
要比多d心機去諗下d idea 先~~^_^
放o左學~~同阿yan阿wing周圍行~~
o係city super買o左一個可以裝貼紙相機d相o既簿仔~
哈哈~~~咁我d相咪唔洗唔見囉~~
程程有d咁珍貴o既訓覺相~~
唔見o左就唔係幾好啦~~~
行到三點左右~食埋野~
又去睇醫生~~~
v_v
返到屋企~~~沖埋涼~~已經5點幾~
諗住訓一陣~~
但係訓唔著~~~~硬係唔知點咁...
過o左冇幾耐~~媽咪就返o左黎lu~~
媽咪講~~~阿麻件事又有新發展~~
佢今朝學人離家出走喎~~~
搞到宜家daddy頭都痛埋~~~
真係比佢激死~~~
都咁大個人啦~~仲要d後生咁擔心佢~~
阿麻照計係唔會有d咩事o掛~~
前晚落d玩~~~宜家先知衰~~
隻腳累到不得了~~~
跳丫跳~~~等我仲跳得咁開心~~
宜家累...就真係冇得好怨~~v_v
昨晚部衰scanner唔知搞咩~~
明明係開o左~~但係scan唔到野~~
話部scanner冇開到喎~~~
搞o左好耐都唔得~~
今朝再開~~又唔得~~
到今晚先至冇事~~~
不過呢...阿哥部電腦仲衰~~~
佢部野唔知搞咩~~
我估計佢返到黎~~會口黑面黑~~
所以都係不惹佢為妙~~~
星期四...現代藝術d功課唔想做呀~~~
唔交住~~下次再交返o既話...
又會只係得30分~~
咁咪好唔抵~~
哎呀~~~睇下聽日點先啦~
有mood就做~~冇mood唔鬼做啦~~
嘩~~~今晚飲o個d苦茶~~
好鬼死酸o架~~~
難飲到死~~~>_<"
最慘係...就算唔飲~
宜家成間屋都係涼茶味~~
好臭好臭呀~~~~
前幾日講到我阿麻比我姑姐趕走~~
之後o個icq~~都幾多人問我阿麻宜家點...
咁宜家佢點呢??
佢宜家好似冇事啦~~~
阿爺開聲...叫姑姐唔好趕阿麻走~~
阿爺話阿麻始終係佢個老伴...
佢一個人...可以去得邊丫~
於是~~~姑姐就比佢留低~~
但係就唔准佢再成日出聲囉~~
今朝十一點幾起身~
隻腳都係少少累o者~~
起碼冇我想像中咁累~~~
跟住就做功課~~
因為一早有idea o係個腦度~
所以好快就畫好lu~~
差唔多一點已經搞掂~
咁程程話大約兩點幾會黎接我~~
我見兩點幾差唔多~~~
就打電話比佢~~睇下佢宜家o係邊~~
點知佢仲o係紅隧~~~
唉.......
於是我就落去銅鑼灣等佢~~~
不過輛到我塞車~~所以好遲先落到去~
本來係我等佢o架嘛~~~
到最後變o左佢等我tim~~v_v
食完野~~我o地就去o左太古行街~~
又見到好多豬~
^_^
係喎~~~我o係出門口之前~~
仲用o左d圓形貼紙黎整o左隻豬~~
夜晚去佢屋企o個時~
我仲貼o左o係佢本日記簿度tim~~哈哈~~
行完街~~食埋晚飯~~返去程程屋企~~
佢又因為打機~~搞到我嬲佢~
我幾乎仲拎袋走人tim~~
咁當然~~後尾冇事啦~~
到十一點幾~~~臨走之前~~
程程搵到佢小學o個時d學生相o既物體比我睇~~
好好笑o架~~ ^_^
放o左咁多日假~~~
聽日終於要返學lu~~
上國寶堂~~開心開心~~ ^-^
丫~~比樣野大家估下~~
濕哂BB~~究竟點解呢??
知道o既~~就話我聽~~
睇下你估得岩唔岩~~~~~
今日唔記得o左因為d咩野~
搞到我同程程互相冇啋對方一陣~~
佢行到好前~
我就行到好後...
咁但係人o地好冇性格咁...
企o係度等我~
而企o個度o既過程~~
隨住我越行越近而不斷改變~~~
當我行到好埋o既時候...
人o地忍唔住笑喎~~
個樣好得意o架~~~
其實呢~~我次次見到佢咁~
我都會好開心~~由個心入面笑出黎~~
因為佢真係唔識嬲我~~
嬲我唔落~~~ 佢實會tum返我o既~~ ^_^
但係...到有一日...可能佢真係嬲o個時...
我就知驚lu~~~v_v
希望唔會有咁o既一日啦~~~
丫~~~近來大家有冇留意到...
part-time.com所賣o既廣告呢??
前幾日當我睇騎呢大帝o個時~
開場之前睇到喎~~~
呢個廣告係專for戲院o架~~
廣告入面講o左一句好正o既野~
就係...戲院場內, 請勿"E泣"~~
當時...全部人睇到~~個個都笑~~
不過呢...其他內容~
就唔係好記得lu~~
哈哈~~~下次再去睇戲o個時~~
要再睇清楚d先~~ ^_^
宜家成兩點鐘啦~
岩岩返到屋企冇幾耐...
去o左邊~~?
嘻嘻~~同程程岩岩落完D玩黎~~
我咁大個女...
都未見過間disco係冇人跳舞o架囉~
呢間野o係銅鑼灣...個名叫做"MIND"~~
全場得我同程程跳...
而程程有一半時間都係坐o係度...
因為佢累丫嘛~~~
佢以前好勁o架~~跳天光都得~~
但係宜家老lu~~
得我一個~~成個癲婆咁o係度跳~
由於我o個件係中袖~~所以好熱~~
所以程程就除o左佢外邊o個件短袖恤衫比我著~
我就除o左本身o個件啦~~
嘩~~~雖然係冇咩氣氛~~
不過我都跳得好開心呀~~~
宜家隻耳仔"run run" o地~~~
腳又有少少軟o地~~~
唉...少去玩即係少去玩~~ v_v
丫~~~講返今朝先~~
程程兩點幾過到黎~~
我o地就去o左銅鑼灣行啦~~~
哈哈~~~好似成日都行~~
不過行極都仲有野行~~~
買到一d豬豬o既野~`好搞笑o架~~
尤其係一個豬豬o既印章~~~
咁之前程程比o左一張台証我...
我就o係佢張相o既隔離~~~
印o左個印上去啦~
哈哈~~~
行到咁上下~~~
我o地就去o左淺水灣...行沙灘~~
(懶係浪漫咁....)
嘻嘻~~~~其實都幾浪漫o既~~
行o左一陣~~就食野~~
好飽呀~~
呢幾日食o左好多肉~~~
聞到都有少少反胃tim~~>_<"
行沙灘o個陣~~
坐低o左o係度......食風~~~
好凍呀~~~
望上天...個feel好正呀~~
呢一次~~係我第一次真真正正咁坐o係沙灘~
感受寧靜o既一刻~~~ ^_^
到十點幾...就出返去銅鑼灣lu~~
搵D落~ 點知出師不利~~
去第一間go go disco竟然執o左...
有冇搞錯...
之後...咪去o左"mind"囉~~
好累好累呀...
聽日唔知自己會幾點起身呢??~~
哎呀~~未做國寶份功課喎~~
幣~~~聽日要o係出街之前要做埋佢lu~~v_v
本來程程四點幾放工~~
話大約六點鐘會過到黎接我o既~
不過...我都係費事等佢過黎啦~~
於是...我四點幾就出門口~~
過去佢屋企啦~~
我搭van仔落到去灣仔~~
諗住再轉巴士o既時候...
我經過美心西餅店喎~~~
我只不過係立一立眼...
都比我意識到有d我好鐘意食o既野o係入面~
砰砰聲入去睇下啦~~~
哈哈~~~~果然...比我見一樣野~
呢樣就係...芝士薯茸杯~~
嘩~~~仲要係熱o既tim呀~~~
雖然我係好肚餓...好想即刻食o左佢~
但係我想等埋程程先食~~
所以都係忍住先~~ ^_^
佢返屋企~同我去佢屋企o既時間都係差唔多~
咁佢就o係佢屋企樓下等埋我先上去啦~~
一上到去~洗好手手就食啦~~
嗯~~~~~~好好美呀~~
又再一次証明我o既眼光冇錯~~
揀親d野都好味~~ ^_^
大約七點幾~~我o地先出街~~
今晚我o地食韓國燒烤呀~~
食到好飽好飽呀~~
宜家仲飽緊~~~
(宜家已經係一點鐘啦~~)
你o地可想而知我係食o左幾多野啦~~
但係唔知點解...食完野~
我o地就即刻去睇戲~~
程程仲可以食爆谷o既~~~v_v
我o地睇The Emperors New Groove~
黃子華同苑仔配音真係好好笑~~
好好睇~~
而且~~~戲入面~~有d對白~
都係我同程程成日講~
好有親切感呀~~ ^_^
睇完跟住搭車去金鐘~
再拍拖行返屋企~~
今日屋企煲完涼茶之後~~
好似搞到成屋都係涼茶味~
好臭呀~~v_v
我未入屋~~o係出面已經聞到啦~~
唉......唔知仲要飲幾多次先唔洗再飲呢??
發現o左一樣野~~~
唔記得o左同大家講tim~~~
我諗大家都試過起雞皮o架啦~....
咁一d卷裝o既廁紙...
咪有一d粒粒o既野o係面o既~
哈哈~~~你話似唔似雞皮丫拿??
唔似???
冇可能~~~~
快d走入廁所睇下d廁紙啦~~
真係好似o架~~~
丫~~~我睇下個guestbook~~
點解冇人留言比我o既~~~
總之你o地睇過...就留下言比我啦~~
好唔好~~??^-^
今日訓到成十二點先起身~~
食"早餐"o個陣~~
阿哥o係度講...媽咪尋晚嘔呀~~~
下~~ 點解會嘔o架??~~
哦~~~原來昨晚人o地請daddy mummy去食飯~
佢懶係醒咁...學人o地飲酒~
所以咪搞到嘔囉~~v_v
另外...佢又話o左一個對於我黎講~
係好殘酷o既事實比我聽~~
就係...>_<"
佢個friend話佢聽~~~
d貓貓咪著哂衫~~~好得意咁影相o既~
咁佢個friend就問幫d貓影相o既人~
問點解d貓會咁乖比人著衫~
又肯咁乖擺post比人影啦~~
跟住...o個個人就答啦~~
因為o個d貓係死o左o架囉~~
死o左先會咁乖...
將d骨架穿入貓o既身體~
咪可以擺靚d post 囉~~~
我聽到~~~~~~~~唔係呀嘛~~~~~~
昨日買o個個mouse pad同埋d貼紙~~
我即刻收埋哂~~~
好驚驚呀~~~~ v_v
點解會咁殘忍o架~~~~~
好可憐呀~~~
今朝...mummy出o左去~~
我夜晚又要出街...
佢又唔會o係我出街之前返黎~~
所以...我唯有自己煲涼茶飲囉~~~
咁大個女~~第一次煲涼茶~~
姐手姐腳咁...
個煲又熱喎~~
咩野5碗半煲埋一碗...都唔知點煲o既~~
我求其見到差唔多~~
就倒o左出黎飲就算啦~~~
好叻叻咁...一口氣飲哂~~
之後猛咁食糖~~
咁先冇咁苦咋~~~
哼~~~昨晚楠楠叫錯我個名~~
所以我嬲佢~~~
衰人黎o架~~~
竟然叫錯我個名~
有冇搞錯~~~>_<"
今日唔洗返學~~~
十點幾起o左身~~
食完早餐~~~
就開始scan我前幾日o係屋企....
發神經影o個d相啦~
我都好耐冇試過搵部135相機黎影相啦~~~
自從上完攝影堂之後~~~~v_v
今次d相~~有幾張都好滿意~~ ^_^
最搞笑係有一張乾瑤柱訓覺相~
同埋我隻愛貓相~~
scan完一大輪...我就去梳洗~~
等程程過黎接我啦~~
我o地之後去o左銅鑼灣...
行city super...哈哈~~
有好多豬豬o既野~~同埋貓貓o既野呀~~ ^_^
程程又買多張貓貓貼紙and mouse pad比我~~
好得意o架~~~
跟住去o左sogo買糖糖食~~
因為我要飲苦茶...
所以我要食糖黎送藥藥啦~~
再跟住呢...去旺角入歌仔~
同圖案~~~
搵o左個好得意o既豬豬圖案入~~
嘻嘻~~~~
程程o個個仲衰...~~
正常o既情況下...就係"好眼訓"~~
但廿秒過後, 就會變o左"死蠢"~~~
哈哈~~~~激到紮紮跳~~
之後返o左去佢屋企~~
探下仔仔~~^_^
比佢家姐張靚相佢睇~~
yeah~~~~
到十一點幾先走~~~
今日好開心呀~~~~
始終都幾日冇見丫嘛~~
所以見返係特別開心o既~~~~
試o左麥記最新o既脆趣意大利咖啡麥旋風~
嗯~~~~好美味呀~~~ ^_^
聽日程程要返工~
但係夜晚我o地都會見~~
嘻嘻~~~
開心開心~~
昨晚同我玩icq o個個~~
原來唔係阿玲~~
咁即係我怪錯好人~~~v_v
但係佢個friend都好過份下喎~~~
丫~~~今晚個死人低能仔 - 誌傑~~
話o左d野比我聽~~
令我幾開心~~~
就係除o左我識o既人會睇我hp之外~
仲有一d我唔識o既人會睇o架喎~~
哈哈~~~
開心開心~~
死人誌傑~~你唔比我o係度提你~~
我就偏要提~~~
誌傑~~誌傑~~~誌傑~~~
今日去到睇醫生o個度~
因為好多人~~
起碼要半個鐘後先到我睇~
所以個姑娘就叫我不如落去行陣~
一陣先黎過...等我冇咁悶~~
咁於是我就走o左去sogo行下啦~~
落到去買糖果o個度...
發現有幾個人好專注咁圍住兩個counter~
counter o既側邊,
左手邊o既counter寫住1月至6月~
右手邊就寫住7月至12月~~
另外~~仲寫住幾點到幾點會開箱...
咁我八卦...咪行埋去~~睇下有咩睇囉~
一睇...原來係買糖o既~
而隨盒會附送一隻熊仔...
丫~~咁點解會咁吸引人呢??
d熊仔又唔係靚....
細心一睇...
每一盒都貼住一張用人手寫o左日子上去o既label~
哦....原來呢d熊仔...係有365隻o既~
每一隻都代表一個日子~~
隻隻都唔同~~
唔怪得之咁多人o係度睇~~
猛咁搵自己o既出生日期啦~
我都抱住唔執輸o既心態~
搵代表自己同程程生日o個日o個盒熊仔糖...
但搵o左一陣~~
我已經放棄o左...
心諗...我無理由做埋d咁無聊o既野o架~~~
搵到咁又點...擁有o左o個隻熊仔又點~
於是就行o左去第二度睇野lu~~
不過到我走o個時~~
我又再次經過呢個counter~~
我不其然又再去睇~~~
哈哈~~~~ 不過都係搵唔到~~
於是放棄o左lu~~
都唔好玩o既~~~
有日期o既野~~仲有好多~~~
例如超級市場d罐頭咁丫~~
但係......
點解會冇人去搵同自己出生日期一樣o既罐頭o既~~?
好奇怪~~~
最搞笑o既係...連我自己都傻埋一份...
成個八婆咁....
嘻嘻...^-^
今日係恆仔生日~
生日快樂呀~~~ ^_^
雖然我聽日黎唔到你個生日BBQ~
但希望你o地盡興而回啦~~
昨晚好累呀~~~
今朝天氣又涼涼o地...
所以都唔多願起身~~
程程八點九打黎叫我~
我仲話我會起身tim~
點知轉頭我又訓番~~
成九點一我先醒~~
我見唔係幾夠時間~~
所以破例冇沖涼就出街~
只係淋下個頭就算~~
哈哈~~今日上堂~~
我o地都算係最過份o既一日~
因為我o地幾個買o左個麥記早餐返去食~
好彩miss唔mind o者~~ ~_~
丫~~~今日apple又發現~~
miss 可能唔識中文o架~
因為佢上第一堂o個時~
叫我o地寫低o左d英文名比佢~~
到今日見佢點名o個陣~
要睇下張英文紙先叫我o地個名~
可能佢讀番書...所以唔多識中文o掛~~ ^_^
仲有o係學校見到另一樣野~
就係白髮主任...今日見到佢...
佢竟然變返黑頭髮~~
好搞笑呀~~~
"立即變黑哂亦得...得o左~~"
哈哈~~~~~~
成堂都冇做過野~
只係圍埋一齊傾計...
"阿基哥"今日講野勁好笑...
水基, 法輪基都不但祗~
今日仲加多個新名...叫肯德基~~~
笑到我o地死~~~
放o左學...我咩都冇食就返o左屋企先lu~~
諗住兩點幾先再出返銅鑼灣睇醫生~~
點知返到屋企...累得滯~~
見仲有時間~~咪訓陣先囉~~...
較o左鐘~兩點起身o既~~
但係夠鐘o個陣~~我又比藉口自己~~
訓多陣先啦~~~
於是~~成三點先醒~~
搞到四點幾先見到個醫生~~
個秦醫師好好人o架~~
睇病又詳細~~~
又好傾~~~
絕對係一個好得意o既伯伯~
睇完之後~
等執藥都等o左好耐呀~~~
成六點幾先返到屋企~
返到黎...媽咪同我講o左d野~~
嘩~~~~好邪惡呀~~
阿麻同我姑姐抄大穫~~
我姑姐趕佢走...
唔再同佢一齊住...
問題係...阿麻以後住邊呢??
媽咪啦~~一聽到daddy咁講~
已經話定唔可以黎我o地屋企住~
因為我o地實頂唔順丫嘛~~佢咁煩~~~~~~
點知...daddy話...雖然o個個係佢阿媽~
但係叫佢返黎住...佢都頂唔順....
所以...我o地都唔洗咁驚~~
宜家阿麻o既去向都仲未知...
唉.......
食完飯...就飲苦茶~~~v_v
好難飲呀~~~~~
苦苦~~~
飲完之後, 我就食糖糖~~
咁先好d咋~~~
話咁快...已經成4日冇見程程啦~
算係好耐o架啦~~~
不過冇計啦~~返工要緊丫嘛~~
聽日終於都可以見到lu~~
好野~~~ ^-^
好耐都冇試過成晚都玩icq啦~~
心情好返好多~~
多謝哂楠楠陪我玩o左成晚~~
仲有個低能白痴仔 - 誌傑~
如果唔係阿玲講o左一d野~
令我覺得佢好過份之外~~
我諗我整晚都相當開心o既~~v_v
又可能同程程傾o左幾次電話~
聽到佢把聲冇咁down~
所以安樂o左好多o掛~~~
岩岩佢打電話比我...話佢收工~~
仲話比我聽佢冇食晚飯~~
忙到唔得閒食~~v_v
叫佢去食野~~佢又話唔食~~
真係唔聽話啦~~~
好似我咁....
喂~~你做咩抄我呀~~~
我可以唔食野~~但係你唔准呀~~~
<沒有煩惱的煩惱> - 梁芷珊
你目前最大的煩惱是什麼?
減肥? 是非? 失戀?
跟情人感情出現問題?
辦公室政治令你喘不過氣來?
工作上沒有進展? 負資產?
還是以上所有?
其實有煩惱並不是不幸.
換個角度來看, 有煩惱的人才有目標,
每早醒來都知道有什麼事情可做,
為什麼而忙,
往那個方向出力.
沒有煩惱的人, 唯一要做的,
就是製造煩惱,
而製造煩惱的過程, 必然會禍及無辜,
殺傷力很大.
所以, 不要靠近沒有煩惱的人,
他們是危險人物.
一個人有一份工, 有一點責任感,
便一定有煩惱.
有些人對工作無甚熱誠,
返工等放工, 甚至不用上班,
對家裡又不用負擔, 生活無憂,
連身高體重皮膚都沒有大問題,
卻覺得自己活得不開心, 無病呻吟.
我經常收到這種電郵...
"我男朋友埋怨我只顧朋友,
朋友又說我重色輕友,
我不知怎辦."
"我丈夫只顧工作, 把我留在家裡,
他只是每星期陪我行一次街,
用買禮物來補償我, 我覺得他不夠愛我."
他們的問題是太幸福,
沒有煩惱是他們最大煩惱,
做個有多點責任心的人, 會活的快樂點.
+++++++++++++++++++++++++++++++++++
看完之後, 心情又好似好d~
昨晚成兩點幾訓上床...
但係好耐先訓得著...
原因係咩~~??
咪就係你煩~~所以受到你影響~
我又煩埋一份~~
v_v
今朝十一點起o左身~
跟住睇o左陣唔知做咩o既電視...
總之只係見到個畫面"旭"緊~
就當自己睇緊電視...
睇唔清楚, 聽唔清楚~
我個腦入面...全部都係浮雲~~
本來應承o左程程~~起身打電話比佢~
但係我十一點幾十二點先打~
突然有種幾可怕o既壓力~
搞到我唔多想打電話比佢~~
講o左幾句...我就開始做功課~
畫o左一幅好肉酸o既畫~
根本冇心情畫...
但又要交...所以肉酸都要照畫~~
畫好o左...就再畫網頁個頭版~
之後去o左沖涼~
企圖或意圖令自己清醒d~
不過...似乎冇用~~
好耐都冇試過咁煩~
前排o既日子太開心啦~
令到我機乎忘記o左煩惱o既痛苦~
哎呀~~唔知自己想點~~
而我知道...只有你...
可以拎我唔會再咁煩~
我要話比自己聽~
NEVER GIVE UP
衰開有條路...似乎係定律~
>_<"
細佬冇再理我~
係我o既錯...
咎由自取~
唉~
各人都有要煩o既事~
而最主要o既原因係...
因為對生活有所要求~
不過就係對生活有要求~
我o地先會知道自己未死得~
仲留住條命仔...
煩
煩
煩
煩
煩
煩
煩
煩
我媽咪不嬲同我daddy o個邊d親戚唔多來往~
通常新年o個陣返去阿爺阿麻屋企食飯~
都會黑哂口面~~執到金都唔笑~
所以我每一年都好討厭見到佢咁o既樣~
佢成日話叫我o地要尊重長輩~
咁但係佢呢d咁o既行為~~
叫做尊重長輩咩???
真係好唔明佢點解會咁~~~
一年最多見兩三次~~~
佢歡容少少唔洗死o者~
雖然做人虛偽係唔好~
不過...佢咁樣~~咪即係做人唔得圓滑囉~~
唉........
做咩我冇啦啦咁講佢??
因為佢今日又不停o係度發牢騷~~
(唔好聽係講佢o地壞話先岩~)
好煩~~好煩~~好煩~~
唔想聽呀~~v_v
昨晚好得閒咁...畫過網頁o既封面~
又畫o左一張生日card~
仲有...求其咁o係corel draw畫o左隻豬出黎~
哈哈~~勁好笑~~~ ^_^
丫~~我發現到自己係一個好鐘意整齊o既人~
(但間房一d都唔整齊~~v_v")
所設計o既野~~~都鐘意係四四方方咁...
尤其係card~~我通常都做10cm x 10cm~
忽發奇想...不如將自己所設計o既card~
全部都錶哂o係card board度~
跟住貼上牆~~
一來可以裝飾...
二來show哂出黎~~
可以睇到自己一路o係設計路程上o既進步丫嘛~
嗯~~~ 得閒整下先得~~ ^_^
近來呢~~~我開始唔再咁鐘意深沉o既顏色~
改o左鐘意d淺色~~
又或者開始接受到d colorful o既顏色~
唔知係咪我好開心o左....
所以人生顯得一d都唔再沉悶lu~~
昨晚明明較o左鐘~ 八點九起身o架~
不過唔知點解~~八點九o個時個鐘冇響~
程程又冇打黎~~
我一醒~~就已經係八點十一~~
程程亦都o係呢個時候先打黎~~
嘩啦嘩啦咁梳洗~~~執野入袋~~
以前呢~~我都唔洗搞成個鐘先出門口o架~
宜家唔知點解越搞越耐~~
麻鬼煩~~
今日上國寶堂~~
哈哈~~~我o係國寶手上...拎到60分~
好開心呀~~ ^_^
滿分o既機會真係唔多~~
而且仲要o係國寶手上拎到~~
真係特別開心o架~~
其實真係幾有心機做佢d功課~~
因為佢除o左吹得~~
講d野又真係幾有說服力o既~
o係大一教o既阿sir~~~
有實力~~又同學生關係好~ 又唔悶o既阿sir~
真係唔多~~
我諗佢係其中一個~~~
嘩~~~ 今日我食o左好多野~~
實在好少有~~
一早媽咪o係屋企~~
佢買o左我最鐘意食o既咖啡包包~
我冇可能唔食o架~~ ^_^
於是食o左一塊....同埋飲o左杯鮮奶~
去到大家樂...又食多次早餐~~
魚柳腸仔加凍好立克~~
放o左學~~ 又同apple咖哩去食野~~
撈麵...飽到暈~~
今晚睇怕唔洗點食都得啦~~~
今朝媽咪同我講~~叫我去試下睇中醫~
因為我鼻敏感越黎越嚴重丫嘛~~
下~~~唔係o掛~~
我最憎飲涼茶o架嘛~~
佢仲叫我聽日又或者後日好去睇tim呀~~
噫~~~~~~唔制呀~~
宜家朝早同夜晚訓覺都好辛苦呀~~
朝早就勁打"乞痴"~~
夜晚就鼻塞~~搞到我要用口呼吸~~
激死我啦~~ v_v
唉...死就死啦~~
難飲都要飲~~~
鬼叫我自己身體唔好咩~
返到屋企~~信箱有信~
其中有一封係我o既~~
係阿聰寄比我o架~~~
生日card黎o既~~加一封好短o既信~
嘩~~~成個月有多啦喎~~
宜家先收到咁搞笑~~
anyway~~遲到好過冇到~~ ^_^
thank you~~~~
今朝八點就起o左身~~
叫daddy幫我訂玻璃~~
跟住就錶埋d功課~~
原本諗住夠膠片o架~
但點知唔夠...所以錶o左一張咋~
v_v
出門口~~勁多野拎~~
好重呀~~
最煩係拎住幾張card board丫嘛~~
哈哈~~~~都不枉我咁辛苦做d功課呀下~~~
因為d分數都好高~~
好開心呀~~
上星期六上物料堂~倒o左d模~~
今日就拆埋個模~~
噫~~~好嗅呀~~~>_<
放o左學...冇食野~~
就去o左上環拎玻璃~~
仲第一次~~自己一個人去買六合彩~~
希望good luck啦~ ^_^
我見個天想落雨想落雨咁...
加上我又多野拎~~
所以諗都冇諗...就搭的士返屋企~~
哈哈~~我呢個死懶鬼~~
真係懶到冇得救~~
要我行條咁長o既樓梯返屋企~
唔係呀嘛~~
所以...........
返到屋企~~print o左個layout出黎~
就開始挑玻璃啦~~
跟住浸埋腐蝕劑~ ok~~~搞掂~~
由得佢浸下先~~
腐蝕得深d應該會靚d~~ ^_^
daddy今日嚴重聲明~要我戴返個佛牌~
好驚呀~~~
仲令我諗起一樣野~~
就係昨晚我返屋企o個陣~
不嬲程程都會送到我上去o既~
好衰唔衰~~昨晚見到有車~
我就叫佢上~~我自己返去得啦~
咁一出lift~~我見到樣野....
當我o係電話同程程描述返o既時候...
佢就問...你見到o個d野呀??
嘩~~~~~~~打得少呀~~~
竟然講d咁o既野~~~想嚇死我咩~~
我係見到d野~~不過係見到隻小強o者~~
比佢咁講一講~~
我昨晚拿拿臨搵返個佛牌出黎戴住訓~~
而今日~~daddy又咁講~~
好似真係幾恐怖下喎~~
哎呀~~都係要小心d講野先得~~
昨晚做民間藝術d功課做到成點鐘~
終於都做好哂~~
好累好累呀~~ v_v
訓到今朝唔知幾點先醒~~
總之程程十二點幾先打黎~
我好似o係佢打黎之前冇幾耐醒o掛~
點都應該早過佢起身o既~
食完早餐~
就搞下呢樣野~~搞下o個張野~
沖下涼...吹下頭~
跟住就落街街買cardboard錶起d功課~
都幾令人滿意下~~
話哂都算係嘔心瀝血之作黎o架嘛~~
欠落阿sir咁耐~~
再唔交~~又好似好衰咁o既~~
不過呢...我錶一半~ 唔錶一半~~
因為我仲未整埋塊膠o係表呀~~
唔係我冇膠片~~
而係我仲未搵生膠"痴"返起d膠水印~
咁所以我聽朝應該要早d起身~
搞掂埋佢先得啦~~ >_<"
錶起o左一半份功課之後,
就等程程黎接我啦~
佢兩點黎到...
之後...我o地搭車車去旺角~~
哈哈~~~買禮物比佢個契妹~~
揀好禮物~~正準備比錢o既時候~~
竟然比我發現o左貓貓放八達通o既套~
咁樣都唔特別~~
最特別o既係...仲有豬豬~~
嘻嘻~~~迫於無奈~~
程程買哂兩個...
內裡有d咩含意你o地又知唔知丫~~??
不過都唔係唔講~~
你o地自己估下啦~~ ^_^
買完野~~去新都城行~~
新開冇幾耐...o係將軍澳o個頭...
由旺角搭車去o個陣~~
o係架巴士度...都不知幾恐怖呀~~v_v
我o地前面就坐o左三個女仔~~
唉...俗語話...三個女人一個墟~
就真係冇講錯o架喎~~
由我o地上車o個時開始講~~
講到我o地落車~~~
一個字~~~~~~~~~~~~嘈~~~~~~~~
隔離有個印藉人士~~仲邪惡~~
佢唔知有咩病~~ 不斷咁嘔d白色野出黎~~
嘔到成地都係~~
我睇見都差d想嘔埋一份~~>_<
最慘其實係佢前面o個個~~
因為佢係長頭髮~~~紮o左長尾~~
就貪舒服咁...將條辮放o左o係張sit位後面~
咁o個個印藉人士一噴野~~
佢條辮就中哂招啦~~
唉~~~佢仲要係全不知情~~
真冇陰功~~v_v
仲有...我o地後面有個男人~~
佢傾電話都唔係一個好大o既問題~
最主要係...佢好大聲~~~
搭咁長程車~~~係人都想靜靜o地o架啦~~
佢就偏要嘈嘈嘈...
討厭~~~~
冇幾耐~~~
個印藉人士同埋傾電話o個個男人都落o左車~
取而代之...就係一對夫婦加bb女一個~
同埋一個應該係讀初中一二o既肥仔~
夫婦and bb女坐o左印藉人士個位~~
坐o左落去~~先發現個位咁dirty~~
不過冇計...已經冇哂位~
迫住坐~~~
我睇見個bb女~~我幾驚佢多手周圍摸呀~~
bb好似受到細菌o既侵襲o架嘛~~
好彩個bb女都幾乖~~
唔係曳曳o個d o者~~
至於個肥仔~~~ 佢坐o係車頭~~
一上車就傾電話~~
雖然偷聽人o地傾電話係好缺德~
但係冇計~~~佢講得咁大聲~就預o左人o地會聽~
(應該係話迫住我o地聽~~~)
佢講d話題都好廣泛下o架~~
咩都講...好聽係學識廣博~~
唔好聽係...八卦~~~
哈哈~~~o係車上面~~
竟然見到咁多人生百態~
真係好好笑~~~
入o左個商場~~
諗住買o左飛睇戲先行街~~
想睇老夫子~~ 不過剩返好前o個d位咋~~v_v
咁岩~~ 有個人企係側邊...
佢話佢買o左飛~~唔得閒睇~~
於是就將d飛轉讓o左比我o地啦~~ ^_^
咁見仲未夠鐘睇...
坐低食完個tea~~~
飲o左杯好美味o既凍朱古力~
已經飽飽o地o架啦~~
但又見到間麵包店d麵包岩岩出爐...
d煙肉芝士飽又勁正~~
所以都係忍唔住再食~~
嘻嘻~~^-^
食完野~~周圍睇~~
我就好衰唔衰~~~話入去osim睇按摩椅~~
個sales把口簡直一流~~
我同程程坐o個張按摩椅度按摩~~
好舒服呀~
結果...程程扑o左鎚~
落o左訂...買返屋企~~
哈哈~~佢daddy mummy實好開心o者~
雖然成兩萬幾~~但係都值o既~~
因為真係好舒服丫嘛~~~~ o'.'o
o係o個度~~都逗留o左成個鐘...
出返黎...就去睇戲lu~~
老夫子~~~都唔錯~~
幾好睇~~
最搞笑...反而係真正畫老夫子o個個作者~
笑到收唔到聲就冇...
但佢個selling point~~
都係個個都識~~由細睇到大o者~...
睇完~~都會會心微笑o既~~
跟住返番阿程屋企~~
坐o左一陣~~就送我返屋企lu~~
聽朝佢又要返六點...
有時見到佢咁辛苦~~
真係唔多安樂~~
唉..............
昨晚有人同我傾傾下電話~
整嬲我都不單祗~~ 仲要訓著埋~~
激到我死~~>_<"
人o地昨晚話今朝過黎幫我拎野~
因為佢知我要拎o既野重丫嘛~~
但係人o地又話累...可能起唔到身~
所以今朝起o左身~
我對佢都唔係抱好大期望~
點知~ 我起o左身~~
人o地都冇打電話黎~~
咁我諗...佢都係唔黎o架啦~~
不過到o左大約九點九~
我平時應該出門口o既時間~
佢就打電話黎~
話佢岩岩起身~~
但係我聽得出~~ 佢唔似o係屋企~
因為好嘈~~
咁我問佢點解咁嘈啦~~
佢就話佢落o左街買早餐~~
真係搵鬼信咩~~
佢個死懶鬼~~唔真係餓到死~
佢會落街買早餐咁乖~~ ?????????
而且仲有一句最令人可疑~
就係...佢問我點解咁耐都未出門口~~
我諗...佢打我手提o架喎~
我又冇話比佢知我未出門口~~
佢又會知我未出門口~~??
好~~~由得佢扮野~~
我心中有數啦~~ 知佢一定係黎o左~~
當我落到樓下~~我已經周圍望~~
搵下佢o既蹤影~~
噫~~???點解冇o既~~~
跟住我冇理到~~ 照上van仔~~
過o左冇幾耐~~~ 佢就跟住上車~~
嘻嘻~~~原來佢打電話黎~~
係想特登想拖延時間~
因為佢等o左好耐車~~
仲未黎到我屋企~~驚我出o左門口~~
心入面~~我真係好開心o架~~
咁早過到黎幫我拎野返學~~ ^_^
不過~~~仲有樣野仲開心呀~~
就係佢送完我返學...
原來佢冇走到~~一直等到我放學~~
足足無聊o左成兩個鐘~~
我放學打電話比佢~~
諗住話比佢聽我宜家過去佢屋企啦~
又係聽到好嘈o既聲~
即係又唔o係屋企啦~~~
哈哈~~~ 我一估...就知佢等緊我~~~
^-^
佢真係好到冇得彈呀~~~
接o左我放學~~~去黃埔食野~~
好美味呀~~
之後佢就要砰砰聲趕返工~
而我就返屋企lu~~
本來我係諗住返屋企訓覺仔o既~~
但係諗深一層~~
都係做埋民間藝術d功課好d~~
於是猛咁做~~~都叫做o左一大半~~
我諗離完成o既日子都不遠矣~~
其實有d人會以為~~
我只有我o既生活~~
唔會理佢o地o既存在~
但其實...我係暗地裡觀看緊佢o地o既世界~
icq上o既感情...
在沒有見過面的基本環境下滋生...
實在......好難去確定是真~~還是幻象~?
文字是美麗的~
說話也是經過修飾的.
一切都是美好~~
但見了面後...依然會是美好的嗎??
見到一個我以前相識的人~ 在icq上跟另一個人建立愛的關係~
而事實上還沒有見過~
我只能說一句...理智一點吧~
希望佢會睇到我寫o既野啦~~
今朝成十二點幾先起身~~
累得非常緊要~~ v_v
如果唔係比程程嘈醒~~
我諗我會仲訓得耐d~~
不過算啦~~
見佢比o左一個好好o既理由我...
先打電話嘈醒我~~
咁就放過佢啦~~哈哈~~ ^_^
點幾鐘o既時候~~
正當我想出去買功課要用o既野~
我daddy就打電話比我~~
叫我落舖頭幫手~~
搞o左一陣~~ o個個客話一個鐘頭後再返黎~
於是我就去油麻地買o左野先~
跟住再返去舖頭啦~~
o個個客講到實牙實齒咁...
點知咪又係冇回頭~~v_v
又話一個鐘後返...
結果我等到收工~~佢都未黎~~
唉...生意真難做~~
返到屋企...六點左右~~
哈哈~~~ 我竟然開電視黎睇~~
翻做返"楊貴妃"~~
睇睇下~~又好似幾好睇咁~~
所以一有時間, 我都會坐定定o係度睇~~
食完晚飯之後~~
就做星期一d功課啦~~
"年畫"喎~~
特登o係廳出面做~~
因為今晚所有劇集都大結局丫嘛~~
可以一邊做一邊睇~~
幾個大結局...真係"小寶與康熙"係似樣d咋~~
美麗人生同FM701~~都唔係好掂~~ v_v
anyway~~對下個星期o既新劇集都冇咩期待~
有時間咪睇~~冇時間咪算囉~~
做到十一點幾~~岩岩畫好張畫~~
點都係輕輕鬆鬆咁做功課~~d效果出到黎先好d o既~
都幾滿意~~ ^_^
今日媽咪去第二個骨科醫生度睇醫生~~
睇o左...真係好d~~
宜家比媽咪影響到~~~
佢講到骨質疏鬆講到好恐怖咁...
所以宜家日日都會飲高鈣o既鮮奶~~
哈哈~~~
放o左幾日假~~好似好耐都冇返過學咁~~
聽日終於都要返啦~~
希望聽日唔落雨就好啦~~ ^^~~
今日係小魔傑廿九歲生日~~
生日快樂~~ ^_^
唔知講咩好~~因為識o左都係一陣...
um...咁祝你快d做老襯啦~~ ^_^
昨晚又發神經...
總之程程要返工~~~ 我就發神經o架啦~~
我真係覺得咁樣會好討厭~~v_v
佢放工返到屋企~~已經好累o架啦~
但係我仲要咁樣...
佢又要"哂"精神黎tum我~~
唉......我真係麻鬼煩啦~~ >_<"
今朝十點幾就起o左身lu~~
見程程未起身~~
於是同埋阿哥媽咪去街街~~
行到咁上下~~等程程醒o左~~先去佢屋企~~
去到佢屋企~~坐o左一陣~~
就去o左沙田行街街~~
嘻嘻~~又行宜家傢俬~~~
依然鍾情o個張見到已經好想訓o既床~~
哈哈~~~第時一定要買o左佢返屋企先得~~
行到七點幾左右~~~ 就返屋企lu~~
o係佢屋企睇o左臨尾少少o既小寶與康熙~~
好感動呀~~
我諗呢...如果唔係多人o係度~~
我會喊o左出黎都似~~
到o左十一點幾~~就走lu~~~
有d事...我諗唔通...
所以返屋企o個陣~~都冇咩出過聲~~
又搞到程程冇哂心機~~
不過宜家已經諗通o左啦~~
冇野o既~~~
聽日...我要去買星期六要用o既材料...
程程要返工~~所以得自己一條友去買~~v_v
慘慘~~~~ 一個人去買~~
都唔係一個最慘o既問題~
而係...d野重係一個問題~~
唔知點拎好~~ >_<"
<男人的幸福>
"女人明不明白什麼是男人的幸福?"
男人的幸福, 是不是無論悲與喜,
失敗又或是成功,
身邊女人都不離不棄?
她溫柔又聰明, 外形也可人,
而且全心全意愛著她的男人,
她崇拜他, 敬仰他, 令他知道,
這世界之中, 無人及得上這個男人.
女人其實都知道, 這就是男人的幸福,
你看, 你一問我, 我便回答到你.
只是, 知道, 不等於要成全你.
男人有男人要求的幸福,
然而女人亦有她們心目中的幸福,
很多女人. 也把她們心目中的幸福放到首位,
於是只好屈就身邊的男人了.
女人的幸福, 可能是她的事業,
可能是金錢的追求, 可以是自我的肯定,
亦可能是對愛情的夢想.
如果她很愛你, 視你的一切為她人生的理想,
那麼, 她便一定會依照你的幸福去行事,
你的幸福, 便等於她的幸福.
我也明白, 男人也會遺憾女人對他的不夠深愛.
然而時代變了,
不是每個女人一生也只是為著男人的幸福而生存,
女人, 不一定要愛一個男人.
男人都希望回到一百年前的時光吧!
那裡有只為男人而存在的女人.
哈哈~~岩岩執返似樣d間房~~ ^_^
幾係整齊下o架~~
仲有呀~~~
我終於o係個袋度搵返張貓貓貼紙啦~~
開心~~~
好開心呀~~
四月四日~~ ^_^
兒童節喎~
不過我已經唔係兒童~~
所以都唔關我事o既~~
昨晚真係唔知咩事...
宜家已經冇咩事lu~~
唉...以前呢...男朋友唔成日見~
都會覺得冇問題~
但宜家就完全唔係咁諗~~
可能見慣o左o掛~~
所以見唔到又或者見少o左...
都會有種好空虛o既感覺~~
我知道我咁諗...係好唔應該o架~~
因為做野緊要丫嘛~~
而我不嬲o係呢方面, 都識諗o架~~
就係唔知自己搞咩~~
昨晚就唔多識諗~~
比自己激死o左...
今朝又好早起o左身~~
未夠八點...已經醒o左~~
同埋程程and小魔傑去旺角食早餐~~
本來程程話過黎屋企接我o既~~~
但係九點佢先o係灣仔~
約o左小魔傑9點40分~~
如果佢上埋黎~~再去o既話...
就實遲到~~
所以我就話落去金鐘等啦~~
今日落雨...勁塞車~~ v_v
好彩...時間岩岩好~~
冇遲到~~仲早到2兩分鐘tim~
三個人~~~食到十點幾~
佢o地就要返工~
我就自己返屋企再訓覺仔lu~~
今日我墨綠色~~程程橙色~~小魔傑紅色~
好襯呀~~哈哈~~~
小魔傑聽日生日呀~~~29歲lu~~
唔知點解...老爺都係27咋嘛~~
睇起上黎~~~老爺會老咁多o既~~
唉~~~冇愛情滋潤o既人~~
係易殘d o架啦~~ ^_^
起o左身~~好乖咁幫媽媽吸塵~~
唉...房間依然亂...
唔知由邊度入手執好...
天氣又咁...真係完全冇心機執...
哈哈~~冇理由真係等程程上黎o個時~
幫我執o架~~
我先唔制呀~~~~
我一定要o係佢上黎之前...執好佢o既~~
前幾日唔見o左張好得意o既貓貓貼紙~~
好唔開心呀~~ v_v
就算宜家買o左另外兩張新o既貓貓貼紙都好...
我都想搵返之前o個張呀~~~
我真係衰啦~~將d野亂咁放...
就搞成咁啦~~ >0<
深呼吸...
經過兩晚...突然有少少唔開心o既感覺湧上心頭...
好驚...
唔通我又想發神經??
唉...唔知自己咩事...
昨晚好累~成三點訓~
今朝又七點起身~~
原因係...我未做哂功課~~
唉...
真係唔多似平時o既我~~
因為我d功課係好少咁趕做o架嘛~~
好彩~~都有50分~~~
都不枉我咁早起身o既~~
放o左學...去程程屋企~~
陪埋佢返工~~就走lu~
返到屋企~~當然係訓覺啦~~
幾累先得o架下~~
基本上...呢兩三日寫o既日記...
都好簡單~~
但其實發生o左好多事~
我係冇寫到o者~~~
太忙~太累...
所以冇時間寫咁多...
聽日開始~~會有所改善o架啦~~
程程今日正式生日~
生日快樂~~ ^_^
今日我要返學o架~~
但係佢生日...
所以我就偷懶~~冇返到啦~~
哈哈~~~
十一點幾過到佢屋企~~
拎o左個雪糕蛋糕去...
比個驚喜佢~~
由於個雪糕蛋糕太硬啦~~
所以切o左一刀之後~
我o地就搵羹黎食就算~~
都食o左成個鐘頭o架~~
下午~~去睇埋最後一次醫生~~~
聽日佢就要返工lu~~
之後去o左唱k~~
再返公司諗住搵輝輝老爺~~
點知佢個死仔包又失蹤~~
真係五行欠打呀佢~~~
我o地兩個走o左去食打冷~~
好味呀~~~ ^_^
食完...返o左去佢屋企玩~~
到十一點幾...就走lu~~
佢o係台灣帶比我o既野食~~
順便拎埋~~
拎住咁行返去~~
真係累到佢腳軟~~
生日...好平淡咁過...
覺得自己好衰...
完全冇咩用腦去諗下點同佢慶祝tim~~v_v
係喎~~
唔知佢許o左個咩願呢~~
唔知個願同我有冇關o架呢??
程程今日返黎~~
好開心呀~
一早起身準備去接佢機~~~
見到佢...心情好緊張~~~
又掛住佢喎~~
哎呀~~都唔知點形容~~
兩點幾返到屋企, 放低d野~~
就出去食野lu~
食完野~~再返屋企~~
沖涼呀~~~睇返d日記咁...
直到七點度再出去~~
成晚都係好靜咁過...
本來諗住落d~~到最後都冇落~~
只係坐o左o係海旁傾計~~
踏入十二點...程程生日呀~~ ^_^
第一個同佢講生日快樂~~~
嘻嘻~~
到十二點幾...就搭車返屋企lu~
點幾就返到屋企....
我諗我daddy mummy都會覺得好出奇~~
因為佢o地估唔到我會咁早就返到丫嘛~
佢以為會好似上次我生日咁...
成四點先返o個隻~~
好累呀~~~
訓覺仔先...