丫~唔記得提番...
我宜家咪咳緊o既~~
我昨晚就同誌傑講啦~
佢條友仔教我食朱古力會冇事~~
咁我就傻下傻下~
真係聽佢講~~
走去食朱古力~
搞到我越咳越勁...
激死我啦~
哈哈~~終於都黎到五月最後o既一日lu~~ ^_^
昨晚又係好早訓...
但今朝一樣唔肯起身~
程程打電話黎叫我...
我都係o係入睡o既狀態黎應佢~
後尾佢好大聲咁叫我~
我先醒咋~
今日早o左一個字出門口~
因為諗住拎d野去影印~
不過影完出黎~
又係冇o左個鼻...
所以...上堂都係冇用到~~v_v
去到食早餐o個度~
我最早到...跟住係阿wing~
之後apple 咖哩同阿yan都一齊黎~~
今日算係幾多人一齊食早餐o架啦~~ ^_^
我落地鐵o個陣~
老遠見到Q班o個個小飛飛~
我即刻以最快速度行~
我咁早返...都話係因為食早餐o者~
佢又咁早返???
照計...應該唔會有人陪佢食早餐o架~
咁好心佢就唔好咁早返啦~
自己o係屋企咬麵包咪算囉~~~
上堂...冇做過野~
上次幅畫~阿sir比o左45分我~
都算ok啦~~
成堂係度傾計...討論下andy生日去邊~
又講下d鬼鬼怪怪o既野~
好快~就過o左一堂lu~~
今日校務處姐姐~angel上黎講~
話星期二上開o既photoshop拆班~
哈哈~~開心死~~
我o地照上番星期二~
而Q班就上星期一~~
好野~~人人有機用~唔洗煩lu~~
死人鄺明基...今日竟然夠膽"meet"我塊面~
我實有機會報仇o既~~~嘿嘿嘿~~ +.=
放o左學...一條友去o左中央圖書館~
交返o個張圖書證申請表~
原來~~即刻就已經有card拎啦~
真係有效率啦~~ ^_^
跟住上去睇o左陣書~
結果~我第一本o係中央圖書館借o既書...
就係..."小公主"~~
哈哈~~~
o個度仲好先進tim o架~...
有自動借書機~
又快又方便~~
good~ good~~ very good~~ ^_^
之後~~返屋企~~
冇野做...訓覺覺~~
訓到四點幾就起身~~
再沖涼...
過o左一陣~~媽咪同daddy就返屋企lu~
今日表姐結婚丫嘛~~
但係呢d場合~
我又點會去丫~
更何況~~我仲約o左程程~~
啋佢都傻~~~
我媽咪今日著o左件粉紫色o既衫~
嘩...即刻後生o左幾多呀~~^_^
我仲同佢gel埋頭~~
靚哂~~~~~
約o左程程七點幾八點...
但係...我五點幾已經著好哂衫~
搞掂好哂d野lu~~
無無聊聊~
睇下電視~睇下書~睇下雜誌黎消磨時間~
到七點左右~
我就出去lu~~
本來個天都好好o地~冇落雨~
不過我一出門~
佢就開始落...
真係激死我啦~
好彩...程程一早提o左我~
叫我帶傘o者~~
我o地o係尖咀會合之後~
就去o左食韓國燒~~
今次食o左好少野~~
就好飽啦~~@_@
食完o左...就去o左買衫衫~
嘻嘻~~買o左條紫色o既腰帶~
仲有呀~~程程今日拎埋個腰bag比我tim呀~
開心開心~~^_^
買完野...走o左去打機~~~
哈哈~~我開始鐘意o左打機啦~~~
今日o個度好多人~~
玩o左一舖賽車就算lu~~~ v_v
返到屋企~~都係十點幾~
全家最早係我返~~
哈哈~~~~
聽日...我都係決定唔做功課啦~
冇咩mood做~~
都係留返下次先交啦~~
係咪好懶呢~~~!?!
昨晚十二點左右~
就訓o左lu~
因為程程傾傾下電話~
已經開始神智不清...
所以...o係冇人陪我傾電話o既情況下~
我都上床訓覺lu~~
近來都慣o左早訓...
似乎係好事黎o既~
不過我又未至於早睡早起~~~
早睡遲起~就有我份~~^^~
聽日放o左學, 如無意外~
我會去中央圖書館~
交返o個張圖書証申請表...
岩岩食完晚飯...
唔再肚餓lu~
呢兩日~ 晚飯我都有食肉~
仲係食牛肉tim~~
好彩d皮膚都係有少少痕o者~~
同埋忍住唔"r"~
就會冇事~~~
媽咪食飯o個陣o係度講~
話嘉期表姐宜家冇野做喎~~
唉...廿一歲...
又冇學歷~~
之前份份工又做得唔長~
真係唔知佢點算好~~v_v
雖然由細到大~
同佢都冇咩兩句~
但係...見到佢咁...
都唔係幾安樂...
唔通真係等嫁人咩~~?!?
就算嫁o左人~~都唔代表唔洗做o架~~
因為宜家呢個社會~
一個普通家庭~ 唔係公一份~婆一份丫~
佢以前又唔好好進修...
宜家先黎讀返d野~
係咪遲o左d呢~~~
唉...好想見到程程呀~
星期六...似乎...太耐啦~~v_v
"點解女人一定要男人送回家?"
其實女人也容許男人不送她回家,
太遠, 她也心痛你會太累.
只是, 如果你肯送,
她就一定會為你加分.
追求之時, 你肯送她回家,
她會認為你夠誠意;
你不肯送, 好就會想,
你為了慳力,
又懶惰而不肯細心,
你愛極她有限.
女人也會反問男人:
"為什麼男人一定要女人煮飯?"
作用是相同的,
男人覺得肯煮飯的女人是愛他的女人.
心意, 就是由這些日常小處中表現出來.
你未必要每一次都送她回家,
不如間中一次,
而且在當中說說笑,
說些悄悄話來令她感到充滿情趣,
我相信, 她回家後,
立刻就能掛念你.
你與她一起,
也是希望她會非常愛你,
你花點心思,
你的心願便會達成.
其實你不送她回家的理由是什麼?
是因為你覺得女人要獨立?
男女不平等?
你懶?
你不想對女人細心?
少少付出都不肯, 感情如何才能建立?
又不是叫你娶她, 只是送她返家罷了!
做你的女朋友, 真是悽慘.
今日我o既身體狀況...
同天氣一樣~
唉...又咳咳o地~ 又傷風~
一個字~~"慘"~~
六點幾醒過一次~ --->諗住打比程程~
但係好似早得滯~ 於是冇打~
八點幾醒過一次~ --->又諗住打比程程~
但係岩岩返工冇幾耐~ 可能有野做緊~
費事阻住佢~ 於是又冇打到~
到十點幾~~正式醒o左...
打比程程~~~話佢知我醒o左~
之後...我就一邊做功課~ 一邊睇電視~
v_v
做做下~~學校打電話黎~
話聽日miss放假~ 轉做上人物粉彩堂~
咁於是收埋d野~ 拎d粉彩出黎畫~~
畫到兩點幾~~終於畫好o左~
d頭髮畫到唔知點咁~~
睇怕聽日都係要搵阿sit救救佢先得啦~
做完之後~ 去o左訓覺~~
一訓...就訓到成五點~~
即刻彈o左起身~
執返好出面廳o既野~
收拾返做完功課o既殘局~~
費事比媽咪鬧啦~~
執完野~~沖完涼出黎~
諗下諗下~~聽日幅畫大約都畫起o左~
咁即係要開始畫第二張啦~
所以...要搵d明星又或者model o個d相~
但搵o左好耐...都搵唔到~~
激死我啦~~~~
到最尾...我o係cd架搵o左蕭亞軒隻cd出黎~
決定聽日張畫~~就畫佢啦~
落街影印...
明知落雨~ 本身都諗住帶傘o架啦~
點知...最後出o左門口都唔記得~
唉...又淋o左一陣雨...
呢排~~唔知搞咩~
成日都好肚餓~
今日又係咁...
可能...我只係食o左早餐o掛~~
相對地...我發現我媽咪又晏o左煮飯~
勁肚餓呀~~ v_v
聽到daddy mummy傾計...
話聽日冰心表姐又結婚喎~~
好似上年定再上年~佢先結過婚黎~
唔夠一陣~就離o左婚~
宜家又結...
唉...唔通婚姻制度真係咁兒戲o既~~??!?
日記入面d字~
又原本o既綠色~
變o左做藍色...
到宜家...又變o左做紫色~
個網頁續步咁慢慢改變~~
紫色字...好似靚好多唷~~^_^
晚上七點幾...程程放工~
佢話佢去黃埔o既esprit幫我搵個腰bag~
跟住...一直佢都冇打電話黎~
到o左九點...程程打電話黎~
話佢買到啦~~
咁我問佢宜家o係邊啦~
佢話o係又一城喎~~
嘩~~好感動呀~~~ ^_^
程程去到咁遠買比我~~
佢仲話...如果又一城冇~~
佢會去埋鑽石山~
如果都係冇o既話...
聽日會去太古碰下運氣tim~
哈哈~~我真係好開心呀~~~
程程真抵鍚...
返完工都咁累啦~ 仲特登去買...
佢話...冇法啦~~ 我鐘意丫嘛~~
所以~我幾時都話...
呢個世界~除o左程程~
真係冇人會對我咁好o架啦~
其實呢~~當佢話去買o個時~
我o係度諗...佢可能會買o左...
但係話比我聽買唔到~~
之後見到我~~ 先拎比我~~比個驚喜我~
不過呢...程程點會"門"到我丫~~^_^
以後都鍚o左你~~~^.^
<何苦>
陪你遊過微風
時間溜過瞳孔
情感流失浮沙的擁抱中
誰對誰錯誰改
並不等於我們仍舊相愛
自相識以來 用眼淚填海
應該早要講 離開
從微笑投入流淚遇溺都因一個人
何苦 難為身體髮膚
從煩燥平靜沉睡夢醒都可一個人
何苦 需要 在乎
微笑還有餘溫
未必等於眼神仍舊吸引
記憶雖永恆 越美越殘忍
怎樣可再三重溫
從難過甜蜜無論什麼都因一個人
何苦 難為身體髮膚
從埋怨期待原諒自欺都可一個人
何苦 需要 在乎
何苦 逼你 在乎
-----------------------------
今晚勁play呢首歌~~哈哈~~
聽聽下~~都幾好聽喎~~
獨佔慾強, 惡女極品 - 阿部定
惡女本性:
嫉妒,執著,束縛,獨寂是你的代名詞,
表面看來你的感覺是冷靜, 內斂的,
但內心的感情都是濃烈的可以,
是惡女中的極品.
雖然有點害羞又軟弱敏感,
但又鍾意將自己的一套加諸別人身上.
你的愛情極度"強"和"烈",
鍾意束縛對方,
甚至會想時刻都手握愛人的"把柄",
等佢無機會同第二個有路.
長處:
有犧牲精神, 對任何人也很好,
充滿母性的溫柔和包容力,
能夠集中精神在一件事情上.
短處:
感覺脆弱, 易被人利用,
有盲目地去愛的傾向,
情緒處於不安定的狀態.
其他惡行:
~由於獨佔慾太強,
會趁自己男朋友訓著時check佢o既手提,
記事簿等, 連佢o既口訊你都會聽埋,
以沛楚了解佢做緊乜野.
~男朋友去到邊你都會跟實,
如果唔係就會好無安全感,
是個超級貼身膏藥!
~是典型的賢慧良母, 成日話:
"要唔要沖涼呀? 較水俾你沖涼丫!
定係你想食飯先?"
好係好, 但有時d男人卻會嫌你煩!
~性格優柔寡斷, 小至揀下t-shirt, 牙刷,
大至揀男朋友都下唔到決定,
又好容易搞到三角關係.
~有d變態, 鍾意一d悲慘, 悲傷,
痛苦o既昤時候會有被虐狂,
SM的話你係"M" - 被虐O個個啦!
---------------------
嘩~~以上呢個~~就係我屬於o既惡女類型啦~
其實本雜誌仲有講埋"阿部定"呢個人o既歷史o既~
但係...我唔敢寫埋出黎~
因為真係幾變態...
我可以講o既呢~~就係...
我o既諗法, 真係同"阿部定"好似~
我的而且確係會因為想留住一個人o既愛~
而殺死心愛o既人~~
真係好準呀~~~~~~~~~
昨晚好早就訓o左~
十二點幾就上o左床~
但係..."look"o左好耐~先入睡~
今朝...程程遲o左叫我起身~
不過都唔緊要~
因為今日上新堂~ 冇野要執返學~
所以...我都照平時o既時間~
準時出門口~~
但係...今日超黑仔~~v_v
我搭o個架van仔~
個司機成日等客都不單止~
最慘o既係...架van仔比好多巴士包圍住...
今日真係唔知點解會有咁多巴士~
而且...好多架~都係空...冇人坐o既~
我差d仲以為d巴士罷駛tim呀~~
我十點三~~終於都落o左van仔~
唉...平時...我最遲...
都係十點一就落車o架嘛~~~>_<"
跟住搭地鐵...去到天后食早餐o個度~
阿yan阿wing佢o地已經走o左lu~~
咁我就自己行返去啦~~~~
上新堂...佳sir教呀~~^_^
教o既科目係..."photoshop第一段"~
唉...差唔多四十人~~
坐o係一間唔夠廿部電腦o既課室上堂~~
有冇搞錯...
阿sir應得呢個~唔應得o個個~~
邊有可能教到野o架~~~
放o左學...諗住去校友會處搵主任投訴~
點知...佢行開o左~~~
咁我o地唯有星期四先再去投訴啦~~
放學...我自己一個人去o左中央圖書館~
um...真係好大~
好似好舒服咁...
不過我冇坐低睇書呀~~
我只係"係咁二"行過下~
因為我費事睇到d正書~ 又冇得借黎睇啦~~
我未申請圖書証丫嘛~~>_<"
拎o左張申請表返黎填...
好衰唔衰~~填錯o左~~
我諗...用塗改液黎改番應該冇問題o掛~~
我都唔知點解自己唔拎多一兩張~~
竟然拎一張黎填就算...
結果...咪搞成宜家咁囉~~~v_v
好快咁行完一個圈~~
出返黎~~覺得超級肚餓...
(有食早餐呢~~)
所以就去o左食麵啦~~ ^_^
o個間野~~~係我中學o個陣~
成日都去食o架~~
d麵好令我懷念呢~~~
食完野~~~行o左去time square~
諗住去esprit買腰bag~
竟然咁大間...都冇得買~~
唉...最衰上次o係旺角o個間睇到~
冇買到啦~~~
由於好想買...於是決定一條友去o左旺角...
行o左一陣街...買o左d野~
之後去到esprit...行"暈"哂成間舖~
噫...冇o既~~ v_v
於是我就去問個sales啦~
佢話o個個款已經買哂啦喎~~~
咁我先頭睇o左兩個款...
咁最鐘意o個個買哂~
諗住第二個都殺啦~~
點知...剩返最後一個...
o個個仲係display黎~~
唉...好唔開心呀~~~v_v
打電話比程程...
佢見我扭哂計...
於是就話會幫我去其他o既esprit搵喎~~
希望佢會搵到啦~~~~~~
點解會咁o架~~今日咁黑o既~~~
返到屋企...覺得個人慶慶o地~~
又打乞痴...
心知不妙啦~~~
又作病lu~~
可能哂親...跟住又出入冷氣地方~
所以就中招lu~~
程程叫我訓下覺~起身可能會冇事~
但係我沖完涼...
去o左睇昨晚錄o既電視~
冇訓到~~~
宜家...好辛苦呀~~~v_v
程程今日去o左"彼得"度睇醫生~
今次比多枝藥膏佢搽...
希望佢搽o左...會好d啦~~~^_^
有時候...
真的很討厭自己有收藏東西o既習慣~
甚至...有時更會覺得自己係一個垃圾婆~
因為就算只是一個膠袋...
我都會留住...
原因係...因為o個個膠袋~
係買貓貓o個時~用黎裝住貓貓o既~
所以...我就會諗...
裝過貓貓o架喎~~
呢個袋...就會好似係貓貓o既一部分咁~
於是~~我就會收埋佢~
唔會掉o左佢~~~
又例如...一張普通o既紙~
上面寫住o左d 野~又或者係電話~
我明明係好好抄低o左o係第二度~
但係我又會keep起佢~
都唔知keep黎做乜~
所以又會發現...有一大堆冇咩用o既廢紙~
唉...
再咁落去~~~
我就冇位放d有用o既野~
點算好呢?
今日成日都o係度睇"鬼之棲家"~
果然好似係程程所講o既咁...
都幾悶下~~
不過呢...就好煽情~
個氣氛搞到好鬼死感動咁...
但係...由於實在太悶~
我係咁"飛"黎睇~~
大約知道講d咩就算~~
所以不經不覺~~已經睇到第十隻~
成晚對住電腦~
有d累呢...
聽日呢~~我想去中央圖書館睇下~
未去過丫嘛~~
仲有~~如果可以o既話...
去行下街tim~~嘻嘻~~
GUESTBOOK有新message~
同上次一樣~~
呢個人都贈o左幾個字比我~~
就係...好自為之~
呢幾個字...令我覺得有d心寒...
係一個警告字眼~
真係好想知...呢個係邊個~
但係到目前為止~
我都唔知佢叫咩名...v_v
你o既忠告~我會好好記住...
不過如果下次你講埋你係邊個~
就更加好啦~~^_^
哈哈~~昨晚一點左右訓...
今日十二點幾先起身~~
訓到飽哂~~
但其實仲可以訓o架~~
不過...我有o既係時間~~
鐘意幾時訓~~咪幾時訓囉~~
哈哈~~
橫掂今日又唔洗做功課~~
食完燒賣...沖o左d荔枝紅茶黎飲~
夠哂好興致~~
跟住...果然開o左機~~聽joey~
一邊聽~~一邊洗冷氣機o既隔塵網~
哈哈~~~我幾乖~~^_^
唉...其實係我一早應承o左媽咪~
我先迫於無奈去做咋~~v_v
昨晚返到屋企~~玩o左陣icq~~
無啦啦~~icq變o左last online~
我都覺得奇怪o架啦~
connect極都connect唔到~
咁我就望下個modem啦~
車~~原來條線斷o左~~~
丫~~我都好耐冇試過斷線o架啦~
起碼有成半年~~
無啦啦斷線~~超級奇怪~~
一係就有人勁打電話黎~
搞到斷線~
我諗~~除o左呢個原因~都冇其他可能o架啦~
前幾日...o係icq add o左個讀大一o既人~
佢識小存o架~
勁好傾~~
好傾o既程度~~拍得住以前我同楠楠~~
o係佢身上~~搵到楠楠o既影子...
不過當然...楠楠係冇人可以代替o架啦~~^_^
我之前咪話過...寫o左封e-mail比otto o既~~
佢前日已經覆返我啦~~
超開心~~~
有好多野~~原來我估錯o左tim~~
唉...等我仲擔心o左咁耐~~~v_v
"不要說不負責任的說話"~~
人o地就咁寫o係info~
但係...寫o個個人~~都講埋d不負責任的說話啦~
話人~~唔該話o左自己先啦~~
媽咪話星期六有人黎屋企~~
要我執屋...唉...
我都唔知d野收埋o係邊...
點執好呢~~
有d苦惱tim~
昨晚傾傾下~ 都成兩點先訓~
今朝好早~~程程就起o左身~
因為我話要佢十一點就過到黎我屋企丫嘛~
接完我~ 我o地就去o左搭東涌線去青衣城...
去o個度o既目的~~
係為o左食野~~~
哈哈~~~ o個度有間食辣野o既餐廳~
d野食好正o架~~
尤其係我最鐘意食o既魷魚~~
簡直係好食到暈~~@_@
去到...當然有叫呢樣野食啦~
仲有飯飯啦~ 蚱蝦餅啦~ 春卷~
and also 椰汁西米糕~
兩個人~~~食到個肚都脤哂~
(雖然唔食都脹.......v_v)
跟住入o左間舖頭行~
見到膿包兔囡囡o既貼紙買~
嘩...真係好少有o架~
所以就即刻買o左落黎~
仲有...一張貓貓貼紙~~
嘻嘻~~~~ 宜家計埋~~我有5張貓貓貼紙啦~
開心開心~~^_^
行完...走o左去佐敦打機~~
全港最大o既機舖~
不過都冇咩人o既~~
哈哈~~正因為係咁...
所以唔怕比人o係後面睇住黎玩~
我o地就玩o左好多game呀~~
好玩呀~~ ^_^
有滑雪機啦~~--->都唔識玩~ 成日都撞到野~~v_v
槍機~----> 好快就死o左lu~~~
拍拍機~ ----> 又係玩o左陣...就衰o左~
一個用個波黎令隻動物跑o既game~--->玩到我叫哂~ ^_^
貨車~ --->我都唔知點玩...唔多識控制~>_<"
跑馬仔--->跑o左一陣~我已經停o左o係度休息~
塞車---> 可能玩熟o左~~開始掌握到點玩lu~~
有次仲第一tim呀~勁過程程~
哈哈~~~
玩完...又一身汗...
跟住...我o地行o左去尖咀o個邊行街...
又因為一D時~
我睇唔過眼...我又唔出聲以示抗議啦~~
搞到程程發脾氣~~ V_V
直到上車~ 返去佢屋企~
我知衰...於是TUM返佢~~
當然冇事啦~ 笑返lu~~
^_^
o係屋企睇vcd~~"the exam"~ 日本片黎o架~
好似叫"考試家族"~
好好笑...個小妹妹好得意呀~~^-^
咁熱o既天氣...
唔洗o係出面吸咁多塵~
涼住冷氣~~舒舒服服咁訓o係度睇~
又有人餵食雪糕~
簡直係一流o既享受~~
食完晚飯仔...坐o左陣就走lu~~
返到屋企~~都係十點幾~
我daddy mummy仲未訓~
仲o係度睇緊電視~
佢o地睇緊一個講貓貓o既節目呀~~='.'=
個節目名好似叫"拉闊貓天空"~
喵喵好得意呀~~
今日...我帶o左膿包兔囡囡出街...
但係o係程程屋企拎o左出黎~
就唔記得放返入袋~~
唔記得拎走佢...v_v
搞到留o左o係程程度tim~~~~
唉...呢個星期...佢就要陪住肥仔仔哥哥lu~
我真係"登"肥仔仔同個死老爺慘囉~
因為膿包兔囡囡超級煩o架~
成日話自己唔開心~~~
今次仲唔搞到肥仔仔同老爺冇得訓~
就真係有鬼囉~~~
我諗...如果比個死老爺揀...
佢寧願上去櫃度...同班衰仔講下粗口~
都好過比個孫女煩住都似~~~
o係程程度...又拎o左套vcd返黎睇~
係"鬼之棲家"...
即係深田恭子同kelly做o個套呢~~
不過程程話好悶~~~
悶唔悶~咁就要我睇過先知啦~~~~~
又拎o左joey隻碟返黎聽...
睇怕...聽日我又會猛咁聽~~~
不停咁repeat都似~~
今晚食完飯試o左一種新o既茶...
係程程家姐帶完團買返黎o架~
d味幾得意~~係"荔枝紅茶"黎o架~~ ^_^
好味好味~~~
佢家姐好好人o架~~成日帶d火柴返黎比我~~
基本上~~我儲火柴...最主要係儲火柴頭o既顏色~
個盒靚唔靚都唔係問題~
最重要係d火柴頭夠特別~~ ^_^
又要過一個星期~~先再見到程程lu~~
慘慘~~v_v
晨早起身返學o既日子...
兩個字~~~"眼訓"~~
z_z
好準時咁...比程程叫醒~
上堂o個陣~~好努力咁畫...畫...畫~
我張畫~~經過阿sir畫幾筆之後~
果然唔同哂~~
靚o左好多~~哈哈~~~
上完一堂~上第二堂~
物料堂~ 一樣咁努力做野~
放o左學...返屋企~
諗住放低d野先~~
點知...................................
(以上記憶~ 不便透露~)
到三點鐘~
去o左搵我honey~接佢放工~
之後行o左一陣~~
就返去佢屋企睇vcd啦~~
哈哈~~男親女愛勁好笑~~~
跟住睇完第二隻碟~
覺得累~~就訓o左一陣~
之後起o左身~ 過o左冇幾耐~
就食飯仔lu~~
今日食o左好多好多同好多o既野~
不停係咁食...食...食~~
飽到暈...@_@
鬼咩~~程程知我平時一冇人理我~
我就唔食野~
於是有佢o係度~佢就猛咁叫我食野~~v_v
食完飯~入返房...
唉......因為一d事~
搞到非常極之唔開心~~
好彩~到後尾都冇事o者~
而且仲約法六章~~
嘻嘻~~~當然呢六章...
全部都係對我有利o既野啦~~ ^_^
返到屋企~~十二點幾~
聽日已經諗好o左去邊~~
哈哈~~有目標~~唔洗煩去邊玩lu~~~
下午沒有吃過什麼~
但臨食飯之前, 就開始口痕~
好想食野~
於是就開薯片黎食啦~~
o個包係低鹽o既卡樂b薯片~
出o左好耐o架啦~
但係一直都冇試過~
今日一食~~簡直瘋狂愛上~~
好好味呀~~ ^_^
之後, 食晚飯~
食o左平時同樣分量o既飯~
食o左魚魚同埋瓜瓜~
加多一個橙tim~
過o左冇幾耐...我又食雪米"磁"~
嘩...正呀~
凍冰冰~~ ^.^
又再過多一陣...
我又拎返o個包未食哂o既低鹽卡樂b出黎~
繼續再食~~
哈哈~~~
我食o左咁多野~
唔洗比我honey話我唔食野啦~
不過呢...通常我放假~
冇出街...真係唔洗點食野都得~
但一出到去~又會勁食~
我真係奇怪啦~
今日打o左好多字呢...
很累啊~~ @_@
昨晚~~我打了一個e-mail給otto~
希望佢會回覆我啦~
呢個...就係花o左九百萬元o既logo啦~
<象徵意義> - 彭志銘
代表香港形象那隻有頭冇尾,
形如火燒慘叫, 狂奔逃命的"飛龍",
愈看愈有趣.
全人類, 只要有小一程度知識者,
都知道"龍"是象徵"中國";
香港這小小一個特區小島,
竟不知死活,
以"火龍"為記, 搶權奪位,
若在帝制時代, 早已人頭落地,
九族株連.
無知, 不是罪,
但, 更不等如值九百萬香港市民的血汗錢.
這隻三舊水也不值的新標誌,
說由"香港"和"HK"兩組中英文合組而成的圖案,
有教壞小朋友之嫌,
用"三H"併合, 你便說是個"香"字?
另一邊"三共K"便是"港"字?
對不起! 我只看到不中不西, 支離破碎八個字.
每個出色的藝術作品,
背後總有深層象徵意義,
這叫Symbolic,
不僅叫人看到表面簡單色彩,
還暗藏反思空間, 著人回味.
這隻"怪物飛龍",
絕對可以媲美世上任何一件藝術精品,
因它予欣賞者無限的創作條件,
可以令人見山不是山, 見水不是水,
再見山原是山, 見水還是水的飄蕩感覺.
當外國人看到此"怪物"後,
以為香港是使用人民幣的時候,
相信, 那些立心將香港大陸化的高官,
立即沾沾自喜, 計畫成功了一半.
可惜, 香港特區本土人,
從造"紅頭橙尾"的慘叫狐狸頭.
感受到它正在甩色,
被火燒得拚命亂竄, 不知所措而已!
今日睇o左好多報紙o既專欄,
其中有兩篇~
都係講香港洗o左九百萬搵人設計o既logo~
我覺得好正...
哈哈~~不過今日好似放o左好多篇野o係日記度咁~
大家有興趣o既話...就睇啦~
唔鐘意睇o既~~可以skip o左佢~
<畫龍不成> - 崑南
當局花了九百萬元,
找人設計了代表香港品牌的"飛龍",
目的當然是藉此將香港全新包裝,
向國際人士吐氣揚眉.
為什麼要用"龍"來代表香港?
真是不得而知.
其實, 選中了"龍"是有點"大忌",
因為香港只是中國其中一個特區,
中央政府才是"龍頭大哥".
現在, 區區一個特區,
竟然夠膽公然"舞起龍頭"來?
過去, 只有皇帝才可以拿龍來做標誌,
民間百姓一定不能與龍扯上關連的.
若犯了, 是會問斬, 誅九族的啊.
幸好, 到底時代不同了.
這個按下不表, 就從設計上面來談,
那個飛龍標誌認真得啖笑.
沒錯, 把香港與英文縮寫HK合而為一,
構思好好, 但整個圖象真像一條龍嗎?
或根本更像一頭雞?
古人有畫虎不成反類犬,
料不到今人有畫龍不成反類雞.
世上怎會有只見鬆毛, 不見鱗片的龍?
還有, 龍角不顯, 龍眼冇神,
好像"山海經"的怪獸之一.
不如索性稱之為香獸或港獸好了.
再想深一層, 說是香鳥或港鳥更為貼切.
以下網站
http://shanhai.qzone.com
(不過我去極都去唔到呢個網站o既~ ...v_v )
研究"山海經"文化十分詳盡,
介紹王紅旗的作品不少,
提出的論證令人視野大開.
對於拿獸類設計的人士,
可能是一個很好的參考.
<蠢話> - 梁望峰
女孩子最不喜歡聽到男朋友說的話如下:
1. 我工作越來越忙,
以後沒有那麼多時間陪你了!
2. 你自己去買衫吧, 我在XX等你,
你買完來找我.
3. 好煩呀你! 這關你什麼事!
4. 我冇諗過我們會結婚.
5. 你跟我那麼久, 感覺不到我在想什麼嗎?
想不到你如此死蠢, 點極唔明!
6. 我幾大歲人, 不要經常扮可愛啦!
7. 嘩! 你何時開始變了虎背熊腰?
8. 我們結婚? 沒所謂!
我們路經大會堂時順便註冊吧.
9. 我沒有講過這句話嗎...我不是對你說的嗎?
10. 我不去選女優, 真浪費了你!
---------------------------------
好彩我男朋友冇同我講過以上o既說話o者~
唔係就慘lu~
反而...好多時,
我就會同男朋友講類似o既說話~ v_v~
好hurt佢tim~~~
<女仔喜歡男友向她講什麼話?> - 梁望峰
女仔喜歡男朋友向她講什麼話?
情話之外, 最好在情話裡面加一點承諾啦!
1. 不用害怕, 我會保護你.
2. 我雖然不會是最好的人,
但我希望會成為對你最好的人.
3. 很奇怪, 與你在一起, 我總有點暈浪的感覺.
4. 我喜歡你囉嗦, 你不囉嗦那天我會寂寞難耐.
5. 你是我最想關心的人.
6. 我想出一張附屬卡給你, 你說好嗎?
7. 跟你一起我的運氣變得特別好!
8. 我只得你一個關心, 沒有人會如此擔心我了!
9. 我跟你一起才說到真心話.
or 我跟你說話有一種很舒服的感覺.
10. 我想養你一生一世.
-----------------------------
那個時常說不懂tum我的男朋友~
原來不知不覺...
已對我說了很多女仔喜歡男友向她說的話~
^_^
昨晚同程程傾完電話~
佢就訓覺lu~
而我因為下午訓o左晏覺~
所以就仲未眼訓~
於是繼續上網~ 上到差唔多三點先走~
都好耐冇咁夜上網啦~
楠楠啦~ 棠棠啦~ 仲有同Q班一個同學傾計~
唔覺唔覺~~玩到兩點幾o個時~
就比我老豆拍門入黎~ 叫我訓覺~
哈哈~~我費事佢行動再升級~
所以玩多一陣~就訓lu~
今朝...我訓到九點幾醒o左~
跟住十一點幾再醒~
到最後...差唔多一點...先正式起身~
哈哈~~訓o左好耐好耐呀~~ ^_^
宜家好滿足~~精神充沛~
嘻嘻~~~
起o左身~當然係打電話比程程啦~
佢同我講~~佢買o左MONDAY雜誌~
入面計我係咩類型o既惡女~~
哈哈~~講得好準呀~~
仲講得我好變態TIM~~
其實...我好變態O架~~
大家要小心D我呀~~
嘿嘿~~
激死我啦~
我勁比蚊咬...
唔制呀~~~
咬o左好多啖~~~v_v
棠棠簽證o個度有轉機~~ ^_^
聽日佢會再去多次搞~
希望佢good luck啦~~
昨晚只係食o左少少牛肉o者~
今日d皮膚又勁痕...
結果~我今日沖o左三次涼~
企圖令我d皮膚冇再咁痕...
沖完...又真係好o左d~
嘻嘻~~ ^-^
今日除o左我係為o左旅行o既事唔開心之外~
原來棠棠都同我一樣o架~v_v
佢本來下星期去日本玩o架~
唔係跟團去o個種...
點知...簽證有問題~
搞到佢冇得去...v_v
唉...
慘慘~~
乜o個d人咁衰o架~~~
棠棠~~你唔好唔開心啦~
乖乖o地啦~~~
下次再去過囉~~
或者下次去~~會仲開心d呢~~
~胡誌傑的矛盾篇~
見不到妳，會掛念妳。
見到妳，不知怎樣面對妳，逃避妳。
偏偏想忘記妳的時候，妳總會再出現 。
不敢對妳好，亦不想待妳差。
想與妳一起，亦想一個人。
我也覺得自己太差，不知道想怎樣。
呢個誌傑...好有問題~
打d咁o既野o係info度~
唔多似平時o既佢...
唔知邊個咁大影響力呢...
前幾日~借o左隻office 2000比阿mon~
因為太耐冇用過~
我已經好醒目咁...o係借比佢之前~
開黎睇下~ 睇下入面d file有冇佢想要o既野~
點知阿mon返去開~
佢部電腦check到有病毒~
咁佢之後話番比我聽~
我就叫佢唔好再試...
但今日阿mon話比我聽~
andy拎o左黎試~搞到佢部電腦中o左病毒~
唉...好唔安樂tim~
因為佢前幾日先剷o左機裝過哂d野~
又download 返好多野~
比我隻衰碟搞一搞~~
又"瓜"o左...
我真係唔小心啦~ v_v
又會有病毒都唔知o既~~~
或者...我部機冇裝測病毒o既野啦~
所以唔知...
宜家先知道...測病毒o既野係咁重要~
我部機係唔可以有事o架~
因為好多功課record~~
而且...最重要係hp o既日記record~
如果冇o左...我就暈低lu~
所有即刻dl 返o個d 測病毒o既野~
以防萬一啦~~>_<"
昨晚臨訓之前~ 同程程傾電話~
講返起平安夜o個晚見面時o個d野~
每一次諗起o既時候~
我都會好開心~~~
o個陣時估估下對方心意o既情境...
我呢世都唔會忘記~
跟住我o地又講去年尾去旅行d野~
其實呢...一早已經講過o架啦~
同埋程程腰骨痛...
可以順便去休息下~ 叉下電丫嘛~~
傾到點幾~我o地就訓覺lu~
今朝...返學...
平時都唔會塞車o既~
但係今日塞塞o地...
搞到我遲o左去食早餐o個度~
結果...買o左麥記返學校食~
今日上現代藝術~
又係無無聊聊...玩下~傾下計又過o左一堂~
放o左學~就返屋企lu~~
由於實在太眼訓啦~
所以...我就訓覺覺啦~
訓到五點幾先起身~
咁我見今日媽咪心情好似幾好~
我又幾好...
所以就係咁二~
話比佢聽我年尾同阿程諗住去旅行~
點知佢竟然話...唔洗諗...老豆實唔比去~
跟住我問佢點解~
佢就話...叫老豆解釋比我聽喎~~
咁老豆返黎~
佢聽o左媽咪講~
佢就話...去旅行都得...
如果你年尾結婚~ 你咪有得去旅行囉~
佢咁講~~即係唔洗講啦~
我完全冇聲出~~
都痴線o架~~~
去旅行要結婚先去得~~
冇病呀嘛~~~
我知佢o地擔心我o地會做唔應該做o既野~
但係呢~~我想話比佢知~
擔心黎都冇用~
o個d野~唔係去旅行先做得~
我真係估唔到佢o地咁守舊囉~
雖然係賣古董o者~
咁唔係連思想都咁古董呀嘛~~
宜家破壞哂我o地o既計劃~
激死我啦~~
最cheap就係...我媽咪之後行入黎我房同我講~
去都得...同埋屋企人去就得~
佢都冇腦o架~
同埋屋企人去~~冇問題呀嘛?!?~
唔開心~~唔開心~~唔開心~~唔開心~~~ >_<"
昨晚大約好似點鬆d~就訓覺覺lu~
訓到正午十二點先起身~~
雖然訓o左咁耐~
但係我都仲未夠喉...
仲係好想再訓~~
不過呢...諗起有兩張畫未畫~
就點都要起身lu...v_v
一邊畫畫~一邊睇昨晚錄o既"ER"~
畫到三點左右~
就畫好lu~
一幅就ok啦~ 但另一幅~
我會考慮唔交...
因為實在太肉酸lu~
講真~畫畫我真係唔掂~
諗idea同埋用電腦畫~就唔成問題o既~
所以我d素描呀~~一直都係保持住中下o既分數~
唉~真唔掂~
叫我用廣告彩畫畫~
仲慘過叫我死~~~~~~~~
今日程程又係收早~
唔洗ot~ 於是我又過o左去佢屋企啦~ ^_^
咁我諗住會肚餓~
於是就買o左薯茸去食~~
點知去到...佢媽咪煲o左綠豆沙糖水~~
正呀~~
我食o左好大碗~~
宜家我終於都明白..."隔離飯香"o既道理lu~
丫~~程程家姐帶完團去旅行~
買o左d野食返黎~~
其中一包"豬肉乾"...印o左d豬公仔o係度~
哈哈~~結果...程程又比我笑一餐lu~
我帶o左大隻仔仔去程程度~
費事冇人陪佢啦~
d仔仔囡囡全部都o係哂我屋企咁滯~
好似冇人理佢咁...
所以帶返大隻仔仔比佢~~~
等佢唔洗做孤獨老人啦~
今晚...依然係睇"上帝~請給我多一點時間"~
哈哈~~終於都睇哂lu~
而且仲開始睇新野~
就係"男親女愛"o既舞台劇~
總共有3隻碟~~
今晚睇o左一隻...
其他o個d~~~留返下次睇啦~~
其實呢...睇下vcd都唔錯~
算係一個幾好o既室內活動~
仲有呀~~起碼以後o係佢屋企~
唔洗咁悶先啦~~
呢幾晚~~o係程程屋企食飯~
都幾好胃口~~
仲食o左好多肉tim~~
唔知點解會咁開胃~
有d驚自己tim~
程程今日條腰骨好痛呀~~
好似嚴重o左咁...
唉...慘慘~~
直到十點幾...
程程又好辛苦咁...忍住痛黎送我返屋企~
唉...我覺得最好o既方法...
就係唔見我~咁佢咪唔洗送我咁麻煩囉~
但係佢又唔制...
我都冇辦法~~
嘻嘻~~ ^-^
今日我又遲o左少少起身~
不過好彩...仲有時間食早餐~
見到阿yan~~佢猛o係度講警察d得意野~
哈哈~~~又真係幾搞笑o架喎~~
笑到我o地死~~
警察原來成日做埋d我o地諗唔到佢會做o既野~
真係睇唔出啦~
上堂o個陣~~聽o左阿mon講一個鬼故...
好恐怖o架~~
聽完真係有d驚驚o地~~
v_v
今日上最後一堂商標設計~
唔知幾耐之後~會再上過國寶o既堂呢?!?!~~
昨日搞o左好耐o既功課~
好好彩...拎到58分~
而計哂咁多堂o既功課~
總分就拎o左59分~
全班最高~ 打敗o左Q班o既小飛飛~
佢得第二~ 總分係57~~
嘻嘻~~ ^_^
放o左學...返屋企~~
睇返昨晚錄o既becker同埋ally mcbeal~
睇睇下~~媽咪打電話黎~
叫我拎張藥單去舖頭比佢~~
我簡直係十萬個唔願意~~
因為行落去~再行番返屋企~
實出哂汗~~熱鬼死~ v_v
不過我點唔願意都好~
死死氣~~咪又係要拎落去~
一路行落去~ 一路鬧...
唉...麻鬼煩~
拎完落去~上番返黎~
繼續睇電視~~
哈哈~~今集ally mcbeal好好笑呀~
阿哥因為唔舒服~ 冇返工~
所以佢都一齊睇~~
佢睇到不知幾開心~~~
仲笑得大聲過我tim呀~~ ^_^
到兩點幾三點...
程程打電話黎~~話佢四點鐘會收工~
咁於是我就過去佢屋企啦~~
順便o係佢腰骨痛o既時候~
顯示下我對佢o既關心體貼同緊張o既程度丫嘛~~
前兩日~我o係佢屋企拎o左套vcd返黎睇~
昨晚睇o左兩集~~
丫~~係"上帝~請給我多一點時間"~
我見未睇哂~
又知道去佢屋企冇野做~
所以就帶返番去睇啦~~
程程慘慘呀~
佢腰骨真係好痛...
見到佢咁...我真係好唔安樂呀~~v_v
成晚...都係睇vcd~
睇到走為止~~
今晚呢...我食飯o個陣~
食o左好多野呀~~ ^_^
仲食o左好多肉肉tim呀~~
哈哈~~~因為佢媽咪煮得好味囉~
我唔係擦鞋o架~
真係好好味o架~~~
返到屋企~十一點幾...
算係好早o架啦~~
本來~我都唔想程程送我返黎o架~
佢腰骨咁痛...送黎送去~
唔想佢辛苦丫嘛~~
但佢係都要堅持送我~~
咁其實...我應該真係好開心o既~~
有個對我咁好o既男朋友~~
好幸福~好滿足呀~~
頭先睇報紙~
睇到一篇新聞~
係講隻貓貓比車輾死o架~~v_v
好唔開心tim~~
係花貓黎o架~~
慘慘呀~~
今日帶住個portfolio袋~~
當我搭扶手電梯o個時~
放低o左個袋~~~
點知...有個鬼佬...
撞跌o左個袋~
佢都算有禮貌咁...幫我執返個袋~~
我以為冇事啦~~~
跟住上o左地鐵~~
我就發現掛o係袋o既"鮑魚擦"唔見o左~~v_v
好唔開心呀~~~
其實我都唔明點解佢會甩o左出黎~
上次已經甩o左一次o架啦~
不過後尾阿sir幫我整返好...
今次佢就冇咁好彩啦~~
唔知佢宜家o係邊呢~~??
唔知佢唔o係我身邊~~佢會唔會驚呢~~?
v_v
我討厭我媽咪拆唔係屬於佢自己o既信...
今次o既事件~唔關我事~
因為佢唔係拆我o既信~
佢只不過係拆o左阿哥o既銀行信~
但係我好唔抵得佢呢d行為~
佢話...佢睇唔清楚個名~
以為係佢自己~~所以就拆o左~
我心諗...有冇搞錯呀~
自己個名都唔識睇~~
過份~
佢最衰o既係...佢拆開o左之後~
睇下先知拆錯...
咁知道拆錯~就好心唔好再睇啦~
仲要拎埋入黎房問我~
阿哥張單呢度~係咪有千幾蚊card數喎~~
咁我就話...你理得佢o者~
封信又唔係你~~你仲睇黎做咩o者~~
跟住佢又話我態度唔好~~
條氣又頂住啦~~~
妖~~佢真係好煩o架~~
成日好似只有佢心情唔好~
我冇心情唔好o既時候o既~~~~~~~~~
我今日已經好煩~ 又好多野做~
又早起身~ 又要擔心程程~~
佢都痴線o架~~
自從見埋家長仲衰~~
我一聽唔到手提電話響~
又或者聽唔切~~佢就即刻打電話比阿程~~
真係好煩呀佢...
今日朝早...程程七點九打電話比我~
佢見我未醒咁...好似仲想訓~
佢就話比我訓多陣~
我以為我自己會醒~ 咁所以就同佢講~
唔洗再叫我~~我宜家醒啦~
點知...我放低電話~~再訓過...
訓到八點二~
哎呀~~一醒~~見到咁晏~~
即刻砰砰聲執野沖涼啦~~
差唔多九點先出門口~~
去到荃灣...九點七左右~
跟住搵的士搭去見工o個度~
傻瓜瓜咁...上o左架綠色的士~
但係...上到車~~講o左比司機聽我想去邊~
佢話唔去o個度o架喎~~你要搭紅色的士先得o架喎~~
搞到我要落返車~~幾"囉"呀~~v_v
等我上車之前~ 仲打電話問程程tim~~
比佢呃o左我tim~~~
之後上o左架紅色的士~~
去到目的地...
見o左兩個字工~~
佢到最尾先話我先...係要上深圳做野o架喎~~
唉...呢份工~~算我無能為力啦~~
就算我肯做...我屋企人都唔比我做啦~
本來約o左十點先見~
但係我早o左到....所以十點...我已經見完出黎lu~
再搭返的士去荃灣地鐵站~~
基本上...搭返東涌線返去會快d o既~
不過我想去金鐘o既esprit買腰bag~~
又唔想o係香港站行返去地鐵o個度轉車~
因為好鬼死遠o架嘛~~
於是就搭返平時o個條線啦~~
去到金鐘o既esprit~ 車~~
都冇o個個我想買o既腰bag~~
只係得旺角o個間先有~~
知道昨日買o左佢啦~~v_v
返到屋企...即刻上網搵資料做功課~~
我對住個電腦幾個鐘...
猛o係度睇關於容袓兒o既網頁~
睇到我嘔~~
幾難先搵到容袓兒抱住貓貓影o既相呀~~
點解要搵容袓兒抱住貓貓影o既相呢??
因為我份功課...想容袓兒做貓量o既代言人~
所以...就要搵d相關o既野黎做廣告咁啦~
唉...其實~我都唔係好知份功課想點~
算啦~~都叫做做好~~
由得佢啦~~~
今日見完工o個時~打比程程~
佢話佢條腰骨好痛呀~~
痛到返屋企叫佢媽咪幫佢搽藥膏~
之後~~仲要放早返去休息tim呀~~
三點左右~我做好功課冇幾耐~
佢就收工lu~~
唉...好擔心佢呀~~~
佢話今次拍得住上次咁痛呀~~ v_v
點算好~~?!?
千奇唔好再有事呀~~
如果真係痛...快d去睇醫生~~
要快d冇事...
我知道~~你腰骨痛...
都係因為我...如果我以前唔係咁對你~
你就唔會用工作黎麻醉自己~
你就唔會勞損~ 就唔會痛~
如果唔係我成日都要你陪我~
唔比足夠o既時間你休息~
你就唔會搞成咁...
我真係好衰好衰呀~~~
昨晚返到去...再玩多陣icq~
成兩點幾~~三點先訓呀~~
所以好累好累~~
今朝十二點左右起o左身~
之前因為應承o左媽咪幫佢吸塵~
於是用o左半個鐘頭多d o既時間黎吸塵啦~
跟住準備下見工o既野~
睇下阿哥o係公司download落黎o既cdr~
沖下涼...搞下呢樣~搞下o個樣~
到差唔多四點...先同程程出去~
本來...諗住去長洲o既~
但咁晏...去鬼咩~~
於是~~~ 就去o左旺角啦~
嘩~~今日個太陽好哂呀~~
熱到死~~~ v_v
我帶埋膿包兔去街街~~
一多人...就收埋佢...
一熱...又收埋佢~~
費事佢熱熱啦~~ 同埋~~佢又怕羞丫嘛~
唉...又係去旺角...
好似成日都去咁o既~~>_<"
首先~我o地去o左食野~
食完一樣又一樣~~
哈哈~~好滿足呀~~個胃~
當我o地食完豆腐花...行返出黎~
四點幾五點o個陣~
竟然好有緣地...又比我見到430~
呢...即係警察開放日o個度見到o既靚仔警察呀~
我諗佢應該認得我呀~
因為我好相信...冇咩人咁搞笑...
會好似我上次咁...行埋去...同佢傾計~
仲比埋個電話佢同阿yan傾~~
我一見到佢...
程程又話我失哂儀態咁...
哈哈~~~
咁人o地開心丫嘛~~ ^_^
第一時間~~當然係打比阿yan啦~
但係佢返工~~冇聽到電話~
於是我就打比阿wing啦~~
跟o左430一陣~~佢上o左女人街d黃色架部做野~
我就走lu~~
之後...諗唔到做咩...
就去o左cyber city打機~~
嘩~~係咪好唔似我呢??
不過唔知點解~~今次我好開心呀~~
玩到癲哂咁...
原來...打機都唔係咁差o既o者~
又或者...程程同我一齊玩就冇問題~
佢自己一個玩就.... v_v
哈哈~~~玩o左幾款唔同o既賽車game~~
仲有電單車~ 又玩騎馬仔~ 又玩踩單車~~
真係好好玩呀~~
但亦都好累呀~~~
玩完出黎~~好似做完運動咁...
um...最搞笑係騎馬仔...
我騎到累得滯~
騎騎下停o左o係度...仲兩次咁多tim呀~~
真係玩到手臂冇哂力~
玩電單車o個時~我更加唔知做咩~
玩到唔識點玩~ 停o左o係度坐o係度笑...
傻婆咁...
玩賽車...又玩到"V"嘩鬼叫喎~~
原來玩d咁o既野~係可以咁累o架喎~~
仲出哂汗tim~~
跟住行多一陣~
就去o左黃埔~同程程屋企人一齊食飯啦~
d野食好好味呀~
我都唔記得係泰國野~定係越南野lu~~
總之有d野好辣~~~
不過又相當"惹"味~~ ^o^
食完...去程程屋企~
唉...又落雨...
今次我叻叻呀~我有帶傘~~
但係我冇用呀~~
比o左程程o既媽咪用~~
哈哈~~擦哂鞋咁....
o係佢屋企坐到差唔多十一點...
就走lu~~
聽日見工...應該八點左右要起身lu~
今次冇咩緊張o既感覺~~
可能...冇咩所謂o掛~
見到就做...見唔到咪算囉~~
係咪?!?
今日又係要晨咁早返學~~
我因為又聽唔到程程打電話叫我起身~
放o係枕頭底o既電話震我唔醒~
結果~ 我七點二先起身~
我見咁遲~~如果再沖涼o既話...
就實唔夠時間~~
於是~~我就冇沖到涼~
求其搞掂d野就算~~
我成八點先出門口~
搭van仔去灣仔地鐵站~
落o左車~~o係行去地鐵站o既途中~
經過"美心西餅店"~
見到d飽飽好好味咁...
咁我就入去買o左早餐~先再搭車返學啦~
今日上馬銓人物粉彩堂都幾開心~
又有做野~ 又有玩~~
哈哈~~咁樣上堂~先好o架嘛~~
冇咁嚴肅~~ ^_^
之後上第二堂~
一樣咁好玩~~ 上次倒完矽膠模~
今次...就再用個矽膠模黎倒d蠟燭模出黎~
嘻嘻~~好得意~好靚靚呀~~ ^_^
阿sir教我o地用個汽水罐黎煲蠟~~好玩呀~
煲好蠟之後~就倒入個矽膠模入面~
不過發生o左件小意外~
就係Q班有個同學仔~唔小心倒瀉o左d蠟~
搞到條褲同個袋都中哂招~
真係慘啦~~v_v
到o左放學o個時...好黑呀~~~
竟然落雨~~仲越落越大tim~~
搞到成身濕哂~~
用o左成包廁紙黎索水都唔夠~~
上到車~~冷氣又凍喎~
所以我又有少少親親lu~~
都唔知點解會咁黑o既~~ >_<"
返到屋企...媽咪同佢d朋友仔o係度打緊麻雀~
我關埋房門~~都唔算好嘈~
於是我就訓覺啦~~
諗住訓到三點...跟住準備去程程屋企o既~
點知訓到三點三先起身~
沖埋涼~~搞掂好哂~成四點先出得門口~~
結果要程程等我好耐tim~~
過到去~~ 佢企o左o係樓下等我~
之後我o地搭車車去旺角~
再轉車去元朗~~~
哈哈~~~做咩去到元朗咁遠呢??
係咁o既~~上次唔知睇邊本雜誌~
介紹元朗o既千色店入面有膿包兔買~
而且~~隻膿包兔又拖住隻豬豬~
咁得意~~又點可以放過呢~
我o地咪走入去買囉~~ ^_^
落o左車~~ 行去食o左個恆香老婆餅~
嘻嘻~~上次程程為o左tum我~
都曾經特登走入元朗買比我食o架~~
跟住去o左食麵麵~~
o係千色店對面o架~
應該係老字號黎o既~~
因為佢入面冇寫有咩食~
d人行埋黎~~就問你食咩~
我就叫o左雲吞麵食~
嗯~~好好味呀~~~
抵佢咁多人去食o既~~
食完一碗~~程程仲未夠飽~
咁於是叫多碗淨雲吞食啦~
真係好好食呀~~~
我咁大個女...
都係第一次食到d咁好味o既雲吞咋~
之後就去行千色店~
搵o個隻膿包兔啦~~
o個度除o左有得買膿包兔之外~
仲比我o地發現到...
上次o係旺角買唔到o既小丸子電話繩~
咁當然買埋啦~~
買o左有小丸子同佢爺爺公仔o個條~~
"爺爺~~~~~~~~~~~~~"
"小丸子~~~~~~~~~"
^_^
行完之後~我o地就搭返van仔去旺角啦~
嘩...架車好快呀~~
直頭係亡命van仔黎o架~~
落o左車~再搭巴士去灣仔~
十二點幾~返到屋企樓下~
因為某一d原因~ 我一直都冇出聲~
程程佢有佢傾電話~我有我聽md~~
最後...搞到氣氛好薑~
佢轉身走人~~我就企o左o係樓下一陣~
企企下~我覺得要報復~
於是做佢最唔鐘意我做o既野去激下佢~
就係...行去買煙食~
正當我準備行去o個時~
佢就打電話黎~~~
而迎面亦都見到~佢行緊返黎~~
搞o左好耐...
終於冇事...
我諗...我的的確確要改下自己d脾氣o既~
唉~~~sorry~~
我o地o係屋企附近坐低o左...
到一點左右~ 我o地見到daddy mummy返黎~
我個腦即刻打哂問號~~
我daddy mummy又會咁夜先返屋企o既~
真係好出奇喎~
原來佢o地去完個friend度食飯~
唔怪得之啦~~
到差唔多兩點...程程就送返我上去~
我入到屋...媽咪仲未訓~
話阿哥未返...叫我唔好鎖門~
嘩~~今晚真係唔知搞咩鬼~
乜玩鬥夜返屋企咩~~??
膿包兔個樣好唔開心呀~~
佢好似代表住我今日o既心情~
又或者...佢今日出世出得唔著時~
岩岩o係我心情唔好o個日出世~
所以佢就唔開心啦~~
唉.......
昨晚先講完...
"通常程程陪我o既日子~
心情都會唔錯~"
今日程程冇陪我...
我果然冇咩心情~
由於昨晚成晚都o係度驚唔識踩單車~
會搞到損手爛腳...
所以都訓得唔係幾好...
今朝程程九點幾...打電話黎報天氣~
話落雨~~我o地應該去唔成~~
於是我就繼續訓lu~~
到十點幾...我起o左身~
就打電話問阿yan~~ 睇下係咪真係cancel啦~
結果~~真係取消o左...
但係...改o左玩第二樣野~
就係去舊機場玩啦~~ ^_^
約好o左十二點半o係九龍塘等...
我以最快o既速度~沖好涼~
搞好個頭......
當我諗住搵返條皮帶出黎o既時候~
卻搵極都搵唔到...v_v
激死我啦~~~
好可能~我留低o左o係某一個地方~
唉...好唔開心呀~~
唔開心~~唔係因為唔見o左條皮帶咁簡單~
而係...o個條皮帶~
係程程生日o個日買o架~~
我知宜家bauhaus仲有得買...
不過意義都唔同哂啦...
嗚.....慘慘~~
又會唔記得拎走o既~~
咁都會留低o左...>_<"
到準備出門口o個時~
我又o係度諗...係喎~~要打電話去見工o個度喎~
如果聽日先打~怕人o地下午收o左工~
打唔到~
又怕多人打去...可能會請o左人~
所以打埋電話先出去~~
約好o左...星期一~十點見工~
美術設計員~part time job~~
哈哈~~希望見得成啦~
雖然分分鐘要貼錢做...
不過...唔緊要啦~~經驗重要d~~
去到九龍塘~~都係十二點四~
最早係我到...哈哈~~
集齊哂d人~~ 就o係又一城食野先~
我o地外賣拎走...坐o左o係睇人溜冰o既地方食~
哈哈~~見到一個阿伯o係度溜冰~
懶係型咁...跟住節奏~跳哂舞咁...
笑到我o地死~~
食完野~~搭van仔去舊機場~
首先就打保齡球~~~唉...
打o左一局...我最後o既得分...
係得廿分咋~~v_v
唉...好慘呀~~
我好似拉傷o左隻手~~
d手指又痛~~
上次又係咁...
真黑仔~~~
或者我唔識揀d岩自己重量o既波o掛~
所以就搞成咁lu~~
而gary就做o左贏家~
唔鬼抵~~~
佢條友仔~~今日個個都冇帶傘~
佢就學人o地帶傘...仲要係長傘...
開頭勁比我o地串~~
不過...後尾真係落雨~~
嘿~~~得戚得佢丫~~哈哈~~~ ^0^
打完保齡球~~就去o左打機...
我就冇玩呀~ 只係睇佢o地玩~~
始終打機好似都唔係咁岩我~~
跟住再去釣蝦蝦...
哈哈~~~好得意呀~
第一次釣...我啦~阿yan啦~阿wing啦~
一人釣o左一隻~~
好過冇啦~
我o地仲煮埋黎食tim~~
正呀~~
釣完~~玩完一輪~~五點幾...
我就走lu~~
返到屋企...六點幾~
唔知點解...好有興致去游水~
所以食完飯~~七點幾~
就自己一條友去西環游水~~
嘩~~都好耐冇游過水啦~~
起碼有兩三年lu~~
一落到水...就好似回歸大自然咁...
我諗...或者屬於雙魚座o既我~
o係水入面~~我會搵返自我o掛~
一口氣~~就游o左一個堂~~
估唔到自己仲記得點游~~
但係游o左半個鐘多d~~
我就開始累啦~~同埋隻手有少少痛~
咁所以上返水lu~~
九點幾...返到屋企~~
沖o左個好正o既熱水涼...
好舒服呀~~
不過完全feel到自己全身都好累...
哈哈~~少運動即係少運動~~
其實...點解會自己一條友去游水呢??
我或者有d唔開心~
想發洩出黎o掛~~~
一條皮帶...就影響哂我成日o既心情lu~ v_v
今朝較早o左個鐘起身~
諗住八點半起身啦~
點知...我九點二先起身~
幾趕呀~~v_v
最奇o既係...平時嘈到死~
成日叫人起身o既媽咪~
竟然冇叫我~~
我醒o左行出廳見到佢~
佢仲o係度食緊野~睇緊報紙~
有冇搞錯~~~激死我啦~>_<"
平時就"嘈山哂"~
去到麥記...因為趕唔切食早餐~
所以就拎走返學校食啦~
哈哈~~比阿yan迫我食兒童餐~~
換隻狗仔比佢~~
上堂o個時~~猛o係度玩~
搞笑...
今日上堂冇咩畫過野~
大家都係傾計玩~~
無無聊聊就過o左一堂~
放學o個陣~~
睇到學校個board~~ list o左份新工出黎~
所以就去校務處填form啦~
聽日打電話去問下先~~ ^_^
之後~~去o左程程度搵佢~
再一齊搭車車去長沙灣睇環境~
因為遲d程程間公司會搬去o個度嘛~~
我o地簡直真係遊車河咁o既款~
因為知道o左o係邊度落車之後~
就即刻再搭第二架車出返去西九龍廣場~
行o左一陣~食埋野~
跟住三點幾就返屋企lu~~
放低d野~坐o左一陣~
就去返銅鑼灣行街街~
o係sogo度你追我逐~~~
差d又玩到嬲...
到七點左右~ 買埋野~
就一齊去我屋企食飯lu~~
哈哈~~程程第一次上黎我屋企食飯仔~
daddy心情好~~開o左枝餐前酒黎喝~
本來我都諗住喝o既~
但係一倒o左出黎~~聞到d酒味~
我就即刻縮沙lu~~
噫~~好難聞o既~~v_v
程程喝o左一杯~~~
成塊面紅哂~~~
醜死鬼~~~
搞到我要用熱毛巾同佢"full"面~
哈哈~~~~
食完飯...玩o左一陣~
就再去銅鑼灣~~
因為之前程程o係sogo睇中對鞋仔~
點知...去到o個時~~~要關門~
唔比人入去lu~~~>_<"
唉...阿yan今晚打黎~~
話聽日全村人去踏單車~~~v_v
救命呀~~~
我真係唔識踩o架~~
點算好呀??
個個都識~~只係得我唔識~~~
我唔想整到損手爛腳呀~~
因為沖涼o個時會好"那"o既~~
佢o地話...無論點...都會教識我喎~~~
唉...好擔心呀~~
冇理由唔去o架~
因為咁難得...咁多人去玩~
最衰程程又要返工啦~
如果唔係~有佢陪我~
我就一定唔洗驚lu~~
十一點左右~返到屋企lu~~
今日心情真係唔錯~
哈哈~~通常程程陪我o既日子~
心情都會唔錯o架啦~~~ ^_^
我諗呢...今日魚魚會好開心呀~
因為我十年難得一次...
幫佢洗到個魚缸好乾淨~~
平時只係會幫佢換水~~
不過今日我就連個缸都洗埋...
佢唔開心~~就有鬼lu~~
昨晚...程程玩玩下icq又訓著o左啦...
唉......佢已經好耐都冇試過咁lu~
佢或者真係太累o掛...
咁樣...我係咪唔應該嬲佢呢?!?
今朝...佢十一點幾起身~打電話比我~
我仲訓緊...
扭計要佢tum返...
傾完之後~就冇咩事lu~~
到十二點幾...我先正式落床起身~
跟住就開始做功課~~
今次算係有心機做現代藝術d功課o架啦~
畫o左咁多幅~~呢次算係最好o既一幅lu~
本來係應該畫多幅o既~
因為我上星期冇返...
但係...我都唔知點畫~
咁所以都係聽日睇下佢o地點畫~
我下個星期先再交過啦~
三點幾做好功課~
執下野~ 聽下歌仔~沖埋涼仔~
就冇咩野做lu~~
搞到我有d眼訓tim~~z_z
其實我唔係唔夠訓~
只係朝朝早七點幾硬係會醒一醒~
可能前排個神經鐘成日o係o個段時間響~
所以習慣o左...大約o個個時間~
我就會醒啦~
唉...
宜家個鐘比daddy整o左落黎~
諗住搵人上黎整過個新o既上去~
而呢兩日...個鐘已經冇得響...
唔知幾時...我先較返好心入面o既時鐘呢?
朝朝係咁...真係好辛苦o架~~v_v
下午四點幾...有d肚餓...
落街買芝士同飽飽上黎整黎食~
將塊芝士放入餐飽度~
然後放入微波燈整45秒~
咁就搞掂~~食得~~~
我以前唔識咁整黎食o架~~
係程程個daddy教佢咁食~
跟住程程教我咁食o架咋~~
真係好正o架~~
大家不妨試試丫~~
^_^
忍不到痕癢的感覺~
於是...還是把介指除下來...
卻好像有點怪怪的~
欠缺什麼似的...
丫...想到了...穿在頸鏈上吧~~ ^_^
當你不在身邊...
但想要有愛的感覺...
聽"愛比我重要"就得到了...
有時候~ o係報紙睇到關於星相o既野~
如果寫得好o既話...覺得好準o既話...
我會沾沾自喜~~~開心一陣~~
今日拎返d舊報紙睇~
講胎痣o係邊個位...就會有咩寓意~
我呢...手臂有一個紅印...
報紙寫係有靈活o既意思~
從事藝術和文學創作的人,
手臂上可能會有胎痣,
因為胎痣在手臂, 主頭腦靈活,
意念創新,
有助事業發展, 尤其一些創作意念強的職業.
所以手臂生有胎痣的人,
在創作事業上大有作為.
um...基本上呢~
o係我個腦入面~我成日都會諗~
自己係注定食設計呢行飯...
由細到大培養出黎~
又或者係星座影響~
又或者係受阿哥影響~
我希望...我會有成功o既一日...
死人cheap誌傑~~
哈哈~~~你o係留言版留比我o既message~
我已經delete o左啦~~
哈哈~~~~太可惡啦~~
畫成我咁...
嘻嘻~~不過我唔係嬲~~
只不過係唔想比錯覺比其他人~
等佢o地以為我真係咁o者~~
有本事~就再畫~~
不過你有你畫~~我有我delete~~
你畫唔畫~~就你諗你啦~~
仲有~~~我個網頁又多一個"過路人"黎睇~
仲留o左言...
我想問下...乜大家冇名o架咩~
比我知道係邊個~ 等我開心下都好丫~~
成日都無名氏~~~一係神秘人~
唉...
留得言比我~~怕咩留埋個名丫~~
怕我食o左你咩~~~
下次乖乖o地~~留埋個名~知唔知~?
昨晚好早就訓~
因為程程累丫嘛~
o係冇人陪我o既情況下~
咪早d訓囉~
十二點幾訓o係床...
到差唔多一點, 隻眼先至有d意識合埋~ v_v
今朝好早~~~個"神經鐘"又o係度嘈~
應該係話...呢幾日佢都成日無啦啦o係度嘈~
有一次...仲響o左成個幾字先收聲...
真係激鬼死~~
佢響都已經唔係一個好大o既問題~
最慘o既係...佢走音o個下先係問題嘛~~
唉...真係邪惡~
昨晚做好份功課~~
send過下比立仔睇~叫佢比d意見我~
於是我就改下啦~~
跟住夜晚阿哥返到黎~
又比o左d意見我~
不過我就諗唔到點改~
但今朝差唔多醒o個陣~
靈機一觸~~~諗起要加d野上去~
咁所以拿拿臨起身開電腦~ 畫好o左~再print埋出黎~~~
搞到我成差唔多十點先出門口咁滯~~
幾趕呀~~~ m_m
但係個效果令我相當滿意~
國寶比o左59分我~~
哈哈~~~
下一堂~就係最尾一堂啦~
一個快樂o既課程話咁快就結束~
唔知之後會上咩堂呢?
放o左學~~同apple and 咖哩去o左太古城睇鞋鞋~
不過睇唔岩...所以冇買到lu~
行o左一陣~~食野~~
嘩~~好飽~~~飽到我食唔落...
終於都試o左肯德基o既"逃風雞卷~"~
唔係幾好食o既~~v_v 好"流"呀~~
apple今日好叻~~竟然食o左好多野~~
哈哈~~~ 有進步~ 增肥有望lu~~
返到屋企三點幾~~ 沖好涼~
睇番昨晚錄o既電視~~
有明珠台九點鐘做o既新喜劇~
BECKER ~~茶煲醫生~~~
套野好好笑呀~~~幾好睇~~
以後又多樣劇集追LU~
咁另外~~當然仲有國際台~
新一輯o既Ally McBeal啦~即係甜心俏佳人呀~
今次加多o左一個新o既律師入去~
仲好靚仔下tim o架~~
哈哈~~~當然唔可以錯過啦~~ ^_^
媽咪佢下午返過屋企~
整好哂d野~~~等我返屋企o個時~
幫佢開爐煲野~~幫佢睇火~
點知佢放o左好多水o係個煲度~
我沖涼之前開火~~沖完涼出黎~
佢就滾瀉哂~~嚇得我丫~~
最搞笑係...我竟然冇熄爐...
打電話問媽咪點算tim~~
哈哈~~~ 完全係雞手鴨腳...
我都頂自己唔順lu~~
昨晚楠楠因為唔肯講一樣野比我聽~
所以搞到我嬲o左佢~
唔啋佢~
細佬就話今晚會搵我~
但唔知係咪真呢?!?
程程工作辛苦~~~
有d心痛...唔想佢腰骨痛~
唔想佢朝朝唔願起身~ 係因為太累~
唔想佢晚晚咁夜訓~ 為o左陪我~
唉...我想要自己o既時間~
換比佢做訓覺o既時間呀~~
唔知得唔得呢?
突然想起...沒有check一個e-mail很久了~
那是一個只有我跟他的e-mail a/c~
於是我就去check下啦~
發現...hotmail話個a/c太耐冇用~
所以delete哂入面所有o既e-mail~~~
計起上黎~~~都真係冇睇好耐~
自從同留程程一齊...就一眼都冇睇過~
以前呢...當我仲未放低呢段感情o既時候~
會久不久就去睇下~
但宜家...想睇~~都冇可能再睇到lu~
嘻嘻~~~
當我決心放低o既時候~
原來所有o野都同我配合~
慢慢咁消失o係我o既世界~
哈哈~~真係好啦~~ ^_^
對住部電腦成晚...
真係唔講得笑~
對眼好累呀~~
究竟整咩呢??
哈哈~~整另一個網頁呀~~
上次比阿wing搞到我又有番興致做~
所以...我就整下另一個啦~
不過o個個應該只係會比一個人睇~
咁呢個人~當然係程程啦~
希望我唔會三分鐘熱度...
到最後真係有製成品啦~
um...我好開心呀~~ ^0^
因為楠楠~~~
今日四點幾~~沖好涼~
我就落街收信啦~
見到信箱插住一個就黎掉出黎o既小郵包~
一睇...係楠楠寄比我o架~
一打開~~有一封信o係入面~
同埋有一盒lego~~~
係star wars版黎o架~~ ^_^
佢真係冇呃~~~佢終於都有時間寄比我啦~~
仲有仲有呀~~~
佢封信貼住封口o既貼紙~
係貓貓貼紙黎o架~~
而且我都有一張一模一樣o架~~
唔知佢係咪特登買o既呢~~?
佢寫o左一頁信比我~
另外...仲有一隻mini cd~
入面有5首歌~
第一首係...I knew I loved you∼
第二首係...(哎呀~~我唔知咩名呀~但係幾好聽~)
第三首係...唯獨你是不可取替~
第四首係...睡王子~
第五首係...Shall we talk~
佢一路寫信...一路聽住呢幾首歌~
我好鐘意呀~~
多謝你...
隻碟仔好靚靚~好得意呀~
我會好好keep住o架啦~~ ^_^
不過有一樣野~~好慘慘呀~
就係盒lego~~個盒盒扁o左呀~~v_v
好彩入面d公仔冇事o者~~~
我會切好佢o地~~~同佢o地改返個名o架啦~
有佢o地三隻野陪住我~
咁我就唔會悶lu~~
昨晚帶返仔仔返屋企~
放o左佢o係大隻妹妹o既後面~
而細隻家姐~就放o係大隻妹妹o既前面~
睇到咁o既情景...好warm呀~~ ^_^
佢o地好相親相愛呀~~~~
不過帶o左仔仔返黎~
得返隻"死老爺 - 馬騮仔"陪程程咋~~v_v
咁唯有我星期四帶返隻細隻囡囡去陪佢啦~~
今朝九點幾...我媽咪仲未走~
佢就叫我起身~~以為我要返學~~
但我死都唔起身~ 又冇話比佢聽我唔洗返學~
只係不斷話..."得啦~~~得o架啦~~"
到十一點幾~~我醒o左...
佢又咁岩打電話黎~我先話比佢知~
我宜家星期一唔洗返學~
以後只係返星期二,四,六~~~
之後, 我又打電話比程程~~
佢聽到我把聲咁呆滯~
就叫我訓多陣~~
哈哈~~於是又訓過...
訓到十二點幾...先真正起身~~
丫~~我記得我昨晚發o左好多夢...
不過起o左身~~又唔係好記得發過d咩夢~
v_v
程程同我戴o既情侶介指~
我先頭係戴o係左手o既~~
不過戴o左冇幾耐~~就敏感~
於是我就戴o係右手啦~
一直都冇咩事~~
但今朝發現...又開始敏感啦~~>_<"
於是...我宜家又戴返o係左手~
真係煩~~~
起o左身~~食完野~
睇o左陣電視~唔知做咩好...
本來以為今日好得閒~ 又唔洗做功課~
後尾先記得~~
係喎~~~今日係星期一喎~~聽日星期二~
要交功課~
拿拿臨做...兩點幾已經搞掂~ ^_^
諗住print出黎~~
點知部衰printer~~~print o左d唔知咩色出黎~
激死我~~
好彩最尾都搞掂o者~~
做成點??? um...簡單~
非常簡單~~ 我諗似係logo o掛~
昨晚程程送o左我返屋企~
講明返到去...就會訓覺...
但佢唔打電話黎, 話佢返o左屋企~
硬係好似差緊d野咁...
可能擔心o掛~~~
因為實在唔容易對方有任何意外發生丫嘛~~
v_v
不過呢...始終累...都係敵唔過擔心~
所以過o左一陣~明知佢唔會打黎~
我就訓著o左lu~~
昨晚成兩點幾先訓...
好累呀~~
訓到差唔多一點先起身~哈哈~~
跟住食下野~沖下涼~睇下vcd~
咁樣就過o左一個下午lu~
今日可以見到程程~
到六點幾...我就搭車車去灣仔~
再轉車去佢屋企~
正當我準備上車o個陣~
佢就打電話比我~
話要遲d先收得工~
咁我就o係三聯書店睇下書先啦~
買o左本張小嫻主編o既"愛你, 踩低你"~
哈哈~~~本書係講200個女人邊踩邊愛的心底話...
有好多都好"精警"o架~
得閒我會打d上黎~ 同大家分享下丫~ ^_^
我o係書店睇到大約七點左右~
先搭車去程程度~
o係架車度睇"愛你, 踩低你"~~
一邊睇~ 一邊笑....
唔知側邊d人會唔會以為我係傻o架呢?!?
去到佢屋企~~等佢沖好涼...
坐o左一陣~我o地就出去食飯lu~~
九點幾食完飯~
就返番佢屋企~~
帶返仔仔走~ 就去o左灣仔~
到十二點幾先返屋企~
好累啦......
今朝七點鐘就起o左身啦~
以最快o既速度搞掂好哂所以野~
但係都要成七點十一先出到門口~
去到天后...時間仲早~
咁我就買o左個飽飽食啦~ ^_^
今日要帶o既野~重到我死~v_v
好彩行返學o個陣~
見到andy 阿mon佢o地咋~
andy幫我拎返學~
嘻嘻~~~真係好啦~~
上人物粉彩堂~~
馬銓出奇地同上次好唔同~
又比我o地玩~ 又比我o地傾計~
冇上次要我o地咁嚴肅咁上堂~
宜家咁幾好丫~~
開始冇咁憎上佢堂lu~~ ^_^
跟住上物料堂~~
上次個麥記餐終於都交o左~
有54分~~
今次整另一樣野~~又係要倒模~~
咁我負責買矽膠o架嘛~~
佢o地夾返錢比我~~
唉...一人五蚊~
搞到我有好多散銀tim~
~ 慘慘~~v_v
而一罐矽膠原來唔夠全班人用~
我o地今日半班人倒o左...都已經用o左一罐lu~
所以阿mon就挨義氣幫我o地去買啦~
一早上o左兩堂...好累...又肚餓~
放o左學...一齊去食野~
如果唔係冇o左阿yan~~
今日都算係好齊人~~
食飯食到點幾...跟住就散lu~
我約o左兩點三睇醫生~
見仲有時間~就陪阿wing去買書啦~ ^_^
之後行返去睇醫生~
時間岩岩好~~
覆診o個時~~醫生幫我o係鼻度夾返d野出黎~
個鼻即刻通返哂~~舒服哂~~~
不過...佢夾返d野出黎o個陣~
搞到我喊哂咁...好辛苦呀~~
一個星期之後~ 又要再去睇多次~
唉...
睇完醫生~~返屋企放低d野~
跟住到四點左右~
我就搭車去金鐘...因為約o左程程嘛~~
點知佢搭車黎o個時~
訓著o左~~去o左總站~
搞到我等o左佢半個鐘...
我一見到佢...就鬧...
唉...冇計啦...嬲丫嘛~~
之後當然冇事啦~
後尾去又一城行街...睇戲~~
嘩~~~見到超級無敵大隻囡囡啦~~
好開心~~ ^_^
買o左個囡囡o既月曆~
好靚靚~好得意o架~~
七點幾...睇戲~~"血腥洪流"~
um...一開頭...已經好核突啦~
屍蟲o個d野好恐怖o既~~v_v
整套野...都幾好睇~
冇咩悶場~~ ^_^
睇完戲~食飯飯~
之後行o左一陣~
就返屋企lu~~
唉...聽日程程可能要ot~~
即係話...有機會~有可能會見佢唔到啦~~>_<"
唔制呀~~~~
星期日要返工...都已經唔係問題...
但係仲要ot~~~~
激死我啦~~
丫~~我發現呢~~
我個留言版都幾多人睇~
不過唔知點解~冇人留言~
又會咁怪o既~~
唔知係咪大家畫o左野~~
寫哂message之後~
send o左好耐都send唔出呢??
如果係~~不妨話我聽~
等我去投訴下~~
宜家電話o既音樂聲..."愛比我重要"...
轉o左另一個版本~
再唔係由頭開始~反而係尾o個段開始~
而且仲要係鋼琴版tim呀~正呀~~
聽日如果程程真係要ot o既話...
我都唔知做d咩好...v_v
本來聽日係有貓展睇o既~
程程陪唔到我...咁我咪打電話比dennis~
諗住問下佢去唔去睇~
點知...搵佢唔到...
不過諗諗下~ 我都唔係咁適宜去睇~
因為我怕貓毛多~~
會敏感~~~
唉...算啦~~
唯有等下次啦~~~
原來呢...如果一日只係食一餐~
真係會好肚餓o架~~v_v
我今日只係食過晚飯~
之前咩都冇食~只係飲水~同食藥~
本來如果可以飲鮮奶o既話...
係會飽d o既~
不過我咳~
唔可以食生冷野~
所以連鮮奶都冇得飲~
更加唔好話有飽肚o既感覺啦...>_<
星期五做咩唔出街? --->有一個人咁問我...
下~~乜星期五一定要出街o架咩??
星期五的晚上, 可能holiday mood特別強,
可是...出o左去...又未必係o個回事~
去街...睇下同邊個去啦~
如果去得唔開心~~就無謂去啦~
當然...有一個人...永遠同佢去街~
我都會開開心心o架啦~~ ^_^
<告訴他你很快樂> - 梁芷珊
愛未必是難為情的動作,
若果雙方都有感覺,
示愛是最順理成章的對應,
一點也不會突兀.
惟有是你對自己信心不足,
或感覺對方誠意不夠,
才會說不出口.
示愛其實很簡單,
不一定要說"我愛你"或"我很喜歡你",
只要不停地告訴對方:"我很快樂"便成了,
任誰都會明白, 快樂並不易得,
如果不是因為瘋狂愛上一個人,
根本沒可能分分秒秒都感覺快樂的.
戀愛的感覺就是, 你能讓對方感到快樂,
同時對方也令你感到快樂,
你一定要讓他知道, 跟你戀愛的喜悅,
可以蓋過生活上所有的不如意,
即使天快要塌下,
你也慶幸可以跟他一起承受.
如果你很愛很愛一個人,
而他永遠對你說:"我最近很煩惱",
"我的情緒很低落", "這是我人生的低潮",
你一定會感到很氣餒,
並且會問自己:"我對他的愛,
真是不能令他感到一點快樂嗎?"
然後你會覺得, 好像把感情投進了大海一樣,
翻不起漣漪.
緊記一點, 無論你心情如何,
一定要告訴他...你很快樂.
昨晚o係icq出奇地多野傾~
message好多...好耐都冇試過咁啦~
玩到差唔多一點...
跟住再同程程傾一陣電話~就訓覺lu~
訓到今朝十一點幾先起身~
不過都係訓得唔好...
成晚都咳~ 咳到肚入面好痛~ v_v
我又唔敢咳得大聲喎~
費事嘈到屋企人訓覺~
所以咳得好辛苦呀~
一起身~ 就打電話book時間睇醫生~
如果book今日o既話...
就要成五點幾先有得睇~
如果book聽日o既話...
就兩點三先有得睇~
咁我當然係揀聽日啦~
因為我點幾去油麻地買野~
冇理由自己一條友行街...
行到五點幾去睇醫生o架~?!?
我又唔想返屋企之後~
再出過去睇~
所以...都係揀聽日好d~~
放o左學~ 食埋飯去就岩岩好啦~
兩點幾...買完野返黎~
沖完涼...又冇野做...
我又訓覺...
呢d生活~~都幾無聊下...
開住disco d 歌一路聽一路訓~
好鬼死大聲...
直頭o係張床feel到"砰砰"聲~
我怕嘈住樓下...
所以到我差唔多訓著o個時~
我就熄o左~
聽日返早學啦...
唉...好慘~
七點就要起身啦~
不過我d同學仲慘...
佢o地仲住得遠...仲要再早d起身tim呀~ v_v
今晚媽咪出o左去~
冇佢o係度...果然係靜好多~
得返我同daddy o係屋企~
佢唔出聲~我唔出聲...
佢有佢o係廳睇電視~
我有我o係房度做功課~
畫好o左人物粉彩o個份稿...
聽日就唔洗煩lu~
好得閒咁...又拎返d舊報紙睇~
keep起o左一d講關於名設計師所設計o既chair~
um...我諗...係時候多d留意呢d野啦~
好無聊o既一晚~
有d寂寞...
今朝應該要返學o既~
但係我先頭請o左假~
所以冇返啦~
十點幾~~程程過到黎~
之後我o地去o左V-mix唱k~~
申請o左張會員証...
張card好靚呀~~^_^
唱到兩點左右~就走lu~
跟住同程程去o左hmv買野~~
丫~~昨日諗住去買許志安演唱會飛啦~
點知得番哂d散位~
唉...次次都係咁o既~
上次eason又係咁...v_v
兩點幾~~程程要返工lu~
我自己就去o左灣仔買紙做功課~
本來諗住去埋油麻地買星期六要用o既矽膠o既~
不過都係聽日先去會好d~~
唉...聽日要覆診呀~~
麻煩~~我唔記得o左今朝book時間~
(下午佢o地休息~)
搞到我聽朝要晨早起身打電話~~v_v
慘慘呀~~
(回顧篇...)
醫院又話唔用得手提電話o既~
不過冇人會理~個個都照開住手提電話~
本來程程返到去~ 諗住同佢傾電話o既~
但係...我開始累...又唔想嘈住同房o既人訓覺~
所以十二點左右~我就訓lu~~
嘩~~完全訓得唔好~~
都唔知點解程程話好訓?!?
訓下醒下~訓下醒下~
到五點幾~~比姑娘開燈叫起身探熱...
傻o架~~咁早~
之後又熄番燈...
當差唔多訓番著o既時候~
又比人叫起身~~叫我準備換衫做手術~~v_v
搞掂好哂~~
到七點半就有早餐食...
食到一半...個姑娘就話我要準備入手術室啦喎~
唉...拿拿臨...食埋藥先入去~
姑娘見我有搽手指甲o個d野~
就即刻幫我洗乾淨哂~
d介指呀~~耳環呀~咩鬼都唔比戴~
但係我就唔係好明~~
點解唔搽得指甲~~??
我做鼻o既手術咋嘛~~又唔係做手腳o個d手術~
都唔知關咩野事~~
睇電視呢...d病人咪要"過床"o既?!?
原來真係要o架喎~~
我由自己張病床...直至到手術室~
足足過o左三次床~
好唔明點解要過咁多次~玩咩~~
我呢個手術~係屬於局部麻醉o既手術~
只係麻醉個鼻~
我以為麻醉...只係打枝針o架o者~
但係...唔係咁o架~~
個姑娘將d浸o左麻醉藥水o既沙布~
夾入個鼻度...係咁塞入去~~
塞到好入o架~~
痛到我死~~之後先再打針麻醉~
嘩~~~好辛苦o架~~
佢o地用塊布遮住我對眼~
不過我都見到佢o地做手術o既情形~
好恐怖...>_<"
我一路做手術~~一路流眼水...
真係好鬼緊張o架~~~
話咁快~~唔洗一個鐘就搞掂好~
左邊鼻不停咁流血~
反而右邊就冇咩事~~
出返黎~~訓o左一陣~~醫生黎睇多我一次~
佢就話我十點幾可以出院o架啦~
醫生比o左做手術o個個電針比我留念~
哈哈~~ 我會好好咁保存佢o架啦~~ ^_^
十點幾媽咪黎到~陪我出院~順便找數~
住o左一晚...手術費~醫生費~
加加埋埋~~成萬五蚊~
都算係幾貴o架啦~~
過兩日仲要去診所覆多次診tim~~
返到屋企~~十一點幾...
其間都仲有流鼻血~~v_v
總之一打"乞痴"~~就猛流~~好驚~~
訓o左一陣覺...四點幾左右~
約o左程程o係金鐘等~
之後去行街街~~
嘻嘻~~程程買o左野蛋太郎電話繩呀~
佢o既係關東煮蛋~~我o個個係烚蛋~
好得可愛o架~~
今日個天好恐怖呀~~落o左場大雨~
跟住個天就光返哂~~
真神奇~~
夜晚~~去o左程程屋企食飯~~
到十點半就走lu~~
哎呀~~~做完手術冇幾耐就出街~
真係曳曳啦~~v_v
(回顧篇...)
5點半入到醫院...
住o左一間夾埋我有四個人o既房...
媽咪幫我搞好哂入院d野~就走lu~
放好d野~休息o左一陣~
醫生就黎lu~~
因為我咳...所以佢就開o左d藥水比我食啦~
嘩...成幾年冇食過藥水~
突然要我食...真係有d驚...
不過呢...d藥水係橙汁味o架~~
咁都好d~~ ^_^
o係入醫院之前~
我明知會好悶~~
本來咪話去買小說o既~~
但係放學o個時~又費事行返去銅鑼灣o個面~
所以買o左兩本雜誌睇就算lu~~
程程話o左七點幾八點會黎~
順便買埋野比我食~~
咁一直等...等到八點幾~
佢終於都黎啦~~^_^
佢買o左pizza黎食~
嘩~~兩個人...食o左一個pizza~一個肉醬意粉~
薯蓉, 又蒜蓉包, 又汽水又湯湯~
飽都傻o架~~~x_x
醫院o既規矩...
探病時間係上午九點至下午九點...
點知程程留到十一點先走~~哈哈~~
本來想留低陪我o既佢~
佢累到o係張床訓著o左~
反而我呢個病人...就坐o係床邊...
咩世界??
我見佢咁...就諗住叫佢十一點半~
陪我睇埋電視先走啦~
跟住到十一點...姑娘又成日行黎行去~
佢又累喎~~~
o係費事比姑娘趕走o既情況下~
佢就十一點就走lu~
程程傻o架~~佢竟然話醫院張床好訓喎~~~
入黎住o個時...有四個人...
到夜晚o個時...剩返兩個人咋喎~~
冇咁多人o係房...好似自在d~~
今晚打比細佬~
同佢講我入醫院~
跟住傾下d無聊野~~
佢變o左...我都變o左~~哈哈~~
條友仔老套到死~~學人睇煙花~
實在太唔似佢啦~~
今朝已經冇喉嚨痛~
但就仲係咳...
唉...
返學...唔記得帶電話~
我知程程實搵我~
所以我o係灣仔地鐵站入錢打電話比佢~
點知佢冇聽到...飛o左去留言...
咁岩隔離又有個女人打電話~
佢突然好惡好大聲咁講野~
嚇到我死~~
上堂~~交功課~~
今次都有54分~ 不過不失啦~
最衰自己手多~~將個字拉到變o左樣~
如果唔係...我諗會再高分d~~
今日o既NO. 1~ 又係比小飛飛贏o左~
唔鬼抵呀~~
放o左學~~返屋企lu~~
睇返昨晚錄o既"甜心俏佳人"~
跟住執下野~~準備去醫院啦...
宜家呢...有少少緊張~~
咁大個女~~第一次有意識咁入醫院咋~
好啦~~~
我要出門口啦~~
返黎先再講啦~~~
(16:03)
唉...我宜家已經進化到咳o既地步啦~
點算好...
喉嚨又痛住咁...
仲要咳埋...真係死火...v_v
今朝起身...我見到DADDY MUMMY仲o係屋企~
我就已經好唔耐煩啦...
因為媽咪最鐘意"哦"呢樣~"哦"o個樣~
冇野都係要搵d野黎"哦"~
煩住哂~
返學...最後一堂民間藝術lu~
功課交齊哂~~~圓滿結束~~^_^
今日o係校務處請o左假...
填o左一張搵工o既form~
不過呢...原來咁岩又係咖哩填o左o個份~
咁所以我都係唔打電話去住啦...
等佢打o左先啦...^_^
放o左學...就返屋企lu~
宜家咁o既狀態~~
我都實在諗唔到可以食d咩~
好麻煩~~~
好在今朝食o左早餐~
如果唔係~~成個下晝就餓死lu~
照計...今日係我o地最後一日食東東早餐啦~
因為平時set死o左~
星期一同六食東東o架嘛~
但下個星期一開始~唔洗返學~
星期六又返早~~都唔會去食o架啦~
哎呀...一提起返早就唉啦~
返到屋企...做功課...
好快搞掂...份功課~
我覺得做得有d好笑tim~
因為好鬼死古怪~~~~~~~~~~
做完功課...訓覺...
因為明知自己o係醫院實冇覺好訓o既~ v_v
所以宜家o係屋企有得訓~
就好訓啦~
丫~~~聽日我帶d咩去醫院好呢??
好悶o架喎...
um...買本小說睇...都係一個唔錯o既提議~
好啦~~聽日放學去買啦~ ^_^
聽日我入醫院之前~會寫少少日記o既~
但星期三我就冇可能寫到啦~
星期四返屋企~~先補返數啦~~
哈哈~
今日十一點幾起身~
睇下雜誌~~錶下d功課~~
諗住都幾得閒o既~
點知阿哥無啦啦比o左d good job我做~
就係佢見我得閒~就幫佢scan野啦~
足足scan o左50幾張圖~
scan到我傻~~
但係好奇怪~~今日部scanner好鬼乖~
一d都冇扭計...
好順利就scan好哂lu~~
一直scan到5點幾~
我就換衫去街啦~~
程程叫我大約七點鐘去到佢屋企啦~
咁我見時間仲早~
又見到有黑白o既菲林~
於是就諗住去影下相啦~
影到咁上下~
我就搭車去程程屋企~
去到岩岩大約七點...
點知...程程佢自己都未返屋企~~
咁我打電話比佢啦~
佢話仲o係公司做野喎~~
激到我死...
咁我咪入o左佢間房~~自己o係度玩電腦囉~
本來今日我o地諗住去尖咀睇d野o架~
但係搞到咁遲...
所以就o係屋企食飯...
d野...唯有留番下次先再睇啦~~v_v
食完飯之後~~坐o左一陣~
就搭車車去旺角...行o左一個圈~
跟住就閃lu!!~
今晚唔係太夜~所以自動電梯仲開緊~~
行都行得舒服d o既~~ ^_^
聽日程程又要返六點鐘啦~
辛苦苦...>_<"
星期二三...佢又要黎睇我...
咁累~~唔知佢挨唔挨得住呢??
今日心情幾好...
上堂o個陣...因為阿熙負我o地全班所託~
冇買到要用o既矽膠返黎~
所以成堂我o地都係幫d石膏麥樂雞上色~
上堂上到咁上下~
我啦~ apple啦~~咖哩啦~
走o左出去壁報板八下有咩工做~
係就係有好多工~
但係...一係時間唔岩~ 一係就地點唔岩~
um...阿哥就叫我試下~ 遠都唔緊要~
最重要係吸取經驗喎~~
咁...我星期一返學o個時~先再睇過啦~
放o左學~~放低d野o係屋企~
之後就落o左舖頭睇舖~
一直睇到五點幾先走~
走去邊?
咪係去程程屋企囉~
今晚留o左o係佢屋企食飯仔~ 冇出到去~
不過都天氣咁熱...
留o係屋企~ 有留o係屋企o既好o既~~ ^_^
原來~今日係立夏~
即係開始熱啦~~~
嘩~~個太陽好似唔洗錢咁~
猛咁哂...哂到人都暈~~@_@
丫~~o係我搭車車去程程屋企o個時~
有個小朋友著住套表演o既衫~
佢係扮一隻鴨仔o架~~
好得意~~~佢似係表演完...但係就冇換到衫o個隻~
佢d皮膚又白喎~ 加上化o左少少妝~
最衰我冇相機o係手咋~
如果唔係~
我一定同佢影相o者~~^_^
今晚因為喉嚨痛~ 所以食o左好少飯~
費事吞o個時辛苦丫嘛~
咁程程o既媽咪見我咁...
就叫我噴d西瓜霜啦~~
我聽個名~~仲諗住會係甜甜o地o既tim~
點知一噴落去...
嘩~~~苦到嘔~~
d中藥味好勁呀~~v_v
噴第一次~都冇咩野o既~
因為程程幫我噴o左好少~
但係臨走o個時噴...
呢一下就"甘"囉~~~
程程噴o左好多落去~~
搞到我真係差d嘔~~
苦苦呀~~
佢媽咪叫我拎埋返去噴~
點知我返到屋企...竟然發現我得個盒...
而枝藥...就留低o左~~
哈哈!~~~天意黎o既~~
不過我發誓~~我真係唔知留低o左~
並唔係我特登留低o架~~
返屋企...又係要行自動電梯~
好辛苦~好熱熱呀~~
唉...聽日程程又要返工~
到夜晚先會見到佢...
慘慘呀~~>_<"
昨晚十二點就訓o左...
燒...都今朝先退哂...
個人鬆返少少...
九點幾, 馮醫生o個度打電話黎~
話要改遲d先有得睇~
因為醫生要做手術...
結果改o左十二點...
去到...坐o左半個鐘先輪到我~
醫生叫我星期二入院,
第二朝o既八點做手術喎~
我就冇所謂呀~幾時都得...
拎o左封入院信, 比o左一個星期藥我食...
睇完之後, 我去o左買pvc膠片黎錶功課~
費鬼事成日去買~
所以一買就買o左四碼~
返到屋企樓下...望入麵包鋪~~
見到一個充滿芝士o既包包~~
拿拿臨走入去買黎食~~
嘩~~~正呀~~^_^
食完包包...就開始繼續做年畫d功課啦~
好叻叻咁...好快就做好哂lu~
即係話...黎緊o既呢幾日~
會冇咩牽掛...可以放心去玩都得~
丫~~前幾日成日出街~
所以都冇睇報紙...
今日拎返d舊報紙黎睇~~~
發現...
原來木村同靜香個女已經出o左世~
叫做心美~
原來金像獎o既影帝同影后...
又係偉仔同張曼玉~
亞視o既女優, 同無線o既港姐~
又鬥得如火如荼~
十元吃三餐...咩世界??
好唔明...
咁多人咁慘...但我仲成日唉聲嘆氣...
幸福...如果可以分d比人就好啦~
聽日返學...下個星期...就大穫...
因為下個星期~
要開始返八點幾啦~
唉...v_v
昨晚好早就訓~
今朝如常起身~~
根本冇發現到有什麼特別事...
上堂...吃東西~~~
傾下計, 就落堂~
放o左學...返屋企~
拎o左年畫d功課出黎做~
我以為自己因為太專注,
所以搞到好頭痛~
畫好哂d outline~~
諗住訓下就會冇事...
點知越訓越唔妥~
daddy摸下我個額頭~
佢話...喂~~你發高燒...仲唔快d去睇醫生~
而我媽咪一返到黎~~仲o係度單打我~
差d我想鬧氣~唔鬼去睇~
不過死下死下咁...
君子報仇~十年未晚~
哼~~~等我好返先再同佢嘈~
留得青山在~~那怕冇柴燒丫~
去到睇醫生~~醫生話我101.6度燒~
係佢今日睇咁多個病人~最高燒o既一個~
心跳一分鐘一百零八下~
唉...
病開真係有條路...
聽日又要睇醫生...
唉...
冇咩心機...
冇咩胃口...
睇完醫生~走o左去買枝探熱針~
返到黎試下...
點知...枝針有問題~唔用得~
激死我啦....
醫生叫我九點鐘好訓覺...
我由七點幾...訓到十點幾~
就醒o左...v_v
醒o左...又唔係幾想再訓...
唉......
程程又唔o係度...慘慘呀~~>_<"
呢個世界上...都係程程對我最好~
我七點幾打電話比佢~
佢用最快o既時間就過到黎~
我好快咁食o左幾啖飯...
費事連飯都唔食~~ 比佢鬧多"兩錢重"啦~~
之後就同程程出o左去lu~
搭船船去尖咀...坐o左陣~
傾o左陣傾...似乎心情平伏返好多~
跟住食埋野...就返屋企lu~
我又搞到程程冇o係屋企食飯~
比佢媽咪"哦"佢...
唉...我真係衰啦...
基本上...我都未試過因為同媽咪嘈~
而特登出街~
我應承o左程程~~
我以後會當我媽咪o個d係耳邊風~
唔鬼理佢...由得佢講...
哼~~冇人理佢~~自然佢都冇隱啦~
我最憎我媽咪一樣野~
就係次次我駁完佢咀之後~
daddy返到黎~佢就會扮哂嬲咁...
跟住又同daddy講我點點點...
討厭~~
佢發火~~老豆實幫佢~
又係我錯...
d氣頂住~
食乜Q都背脊骨落...
佢仲發哂火...話我唔當佢係阿媽~~
好~~佢咁既然都咁講~
我都唔係好想做佢個女~
好憎佢~憎死佢~
不知道我曾經有沒有在這裡...
跟大家分享以下的散文呢?
<是愛他嗎?> - 深雪
"如何分辨"喜歡"與"愛",
我如何才知道愛已降臨?"
女人是很會分辨"喜歡"與"愛"的,
你的問題很好.
喜歡, 就是喜歡囉, 心曠神怡的, 雀躍的,
快樂的, 想見面的.
喜歡與他吃一頓飯, 看一場戲,
翹著手逛一陣子的街,
喜歡與他煲電話粥,
喜歡他的笑容, 喜歡他的說話,
喜歡他吻自己的感受,
也當然, 喜歡吻他.
但這不是愛.
愛是, 你會願意將來嫁給他;
當他生病時, 你比任何人更憂心;
他失意了, 你會放下一切來陪伴他, 安慰他;
你會為你們的將來而打算;
為了令他更快樂,
你不介意自己痛苦一點,
你很喜歡付出給他, 但回報呢,
不用公平, 你也無所謂;
他比你更重要, 又或許, 一樣的重要吧...
就是了, 愛他,
便等於人生的每一節, 生活的每一天也有他,
然後, 你便等於他, 他便等於你,
是二合為一的.
但喜歡呢, 輕巧許多,
正如喜歡一條裙一個袋,
你會為這些東西而雀躍,
但不會為這些東西而痛心, 流淚, 捨不得.
當你感覺到沒有他的可怕,
當你感覺到當中的悲傷時,
愛已經降臨了.
馮醫生o個度d姑娘打黎~
叫我星期五去覆診, 順便拎埋入院信...
我o個日, 點都要訓一晚醫院...
唉...
唔想住醫院~~夜晚好恐怖o既~~v_v
又冇人陪...
um...我有少少怕黑o架嘛...
點算好呢?
我唔明我媽咪點解會咁煩~
醫生o個度d野~ 我book哂時間~
搞掂好哂~~同埋保險經紀講埋~
都仲要左問右問~
好鬼煩~~
佢又唔係醫生~~講佢都唔明o架啦~
真係啋佢都傻~~
跟住又話我態度唔好...
咁係擺明o架啦~~
不嬲都唔好...
咁又點丫~
打電話比醫生~ book時間做手術...
日期: 五月九日
時間: 上午十時正
地點: 聖保祿醫院
雖然係小手術...但係都有d驚...
昨晚差唔多一點就訓lu~~
好早呀~~ ^_^
今朝好慘...我媽咪又叫醒我~
唉...佢真係好煩o架~
朝朝都係咁~~
比我訓得安樂d都唔得~~
我宜家好難訓得著o架~v_v
因為我夜晚訓覺唔可以用鼻呼吸~
而用口呼吸...又好辛苦~
有時d鼻水又流落喉嚨~~
搞到我訓得好辛苦~
都唔多識體諒下我o既~~
成日只係顧佢自己~~e_e
入睡返之後~~訓到十二點先起身~
跟住沖涼~~~食野~~~睇返昨晚錄o既er~
今日程程要返工~
所以我見唔到佢~v_v
唯有乖乖o地做功課黎消磨時間啦~
畫現代藝術o個d畫~~真係好難畫~
好正常咁畫又唔多得~
唔正常咁畫~~
我又唔知點樣先可以畫得唔正常~
冇次係有心機做~
次次都係求其~~
點幾o個時, 落街諗住拎信~
順便去銀行~
嘩...諗住"禁"機睇下啦...
但係...成班學生圍住哂...有排等~
咁諗住入去銀行啦~
點知又係好長龍~~~
激死~~
諗住拎信~~又未派~ ...
畫畫畫到二點幾~~程程打黎~
話佢已經收工啦~~~
唔洗再ot啦喎~~^_^
本來聽到佢咁講~~都想見到佢o既~
不過...都係唔好啦~
佢留o係屋企會好d~~
因為佢都係時候要做下乖仔啦~~
我畫到三點~~就畫好幅畫lu~~
um...都係唔做星期一d功課住啦~
畫完一幅~已經好累lu~~
留番聽日先做啦~
哎呀~~死懶鬼~~ =o
終於過o左個四月~
踏入五月lu~
相信輝輝老爺亦都因此而轉運~
哈哈~~~
冇四月o者~~有五月丫嘛~
今朝十一點幾十二點先醒~
基本上...宜家都唔再係好似以前咁...
下下放假都訓到成點幾兩點...
放假o既時間~對於宜家o既我黎講~
都幾珍貴下~
因為放假就係見到程程o既日子丫嘛~
起o左身~食下野~執下野~
程程就黎lu~
第一次黎我屋企~點可以比佢見到咁亂o架~
哈哈~~
大約坐到四點幾~~就走去中環食少少野~
之後就買六合彩~~
再跟住就去沙田行街啦~
一心諗住去行下無印良品~
點知去到...竟然要排隊入~
仲鬼咁死多人~~
結果冇去行~ 唉...
佢岩岩開返...先多人去o者~
過多一頭半個月~~又睇下點~~~~~
周圍行o左一陣~
就睇"情迷大話王~"
睇起上黎~~真係好睇過"愛情請槍"好多~
仲好好笑tim~~ ^_^
睇完出黎...九點幾十點...
因為程程聽日要返早~
咁所以就返屋企lu~~
丫~~呢幾日假期~
我好似一d功課都未掂過~
有d危險~~
我諗...聽日做完星期四d功課~
要順手做埋星期一d功課先得啦~~