倒數o既呢一晚...
我選擇o左o係屋企渡過...
安靜靜的...
沒有什麼特別...
今日...本來約o左athena~
但因為我o既身體狀況不太好...
所以都係取消o左...
換黎o既~
係我o地兩個傾o左成兩個幾鐘頭電話~
我好開心...
我o地真係好耐冇傾過咁多計~
分享咁多o既野~
大家傾完之後~心情都好o左...
係一件好好o既事呢...
傾完...開o左電腦~online~
開住icq~不過away o左去訓覺~
醒返o左陣~
見到apple send過message比我~
我睇完之後~
好似安心好多咁...
有咩野...比起一句...你係唔會有事...來得更貼心呢~
好多謝你..apple~
六點左右~ daddy返黎~
拎埋d信返黎~
有我o既信~
係楠楠寄比我o既聖誕card~
雖然遲o左...
不過都好開心~
入面仲有一張貓貓o既card仔~
好得意o架~
嘻嘻~
到夜晚八點幾~
食完飯...daddy mummy又出o左去行街~
得我一個人o係屋企~
o係呢個時候~
阿聰打長途比我~
同我講happy new year~
跟以住一樣~
聽到佢把聲都好突然~
好開心....
大約傾o左半個鐘左右~
知道個個都關心我~對我好...
上天真係待我不薄...
^-^
新年快樂~
願各位心想事成...
每一年到呢d年尾時候~ 總係想用手寫低一篇野... 當作係回顧又好~抒發下感受又好... 但因為宜家o既我~ 實在冇咁o既心情~ 所以...寫...都慳番... 打...都想慳埋... 對於我黎講~ 今年...唔係o係31號結束~ 而係1月2日... 如果冇事o既話... 1月2日係我o既新開始~ 近來...都因為冇心情o既關係~ 個樣成日冇咩執過就出街... 懶得好利害~ 又殘...好似個傻婆咁... o係屋企更加恐怖~ 越來越"烏""wear"~ 就連程程黎到~ 都照以訓覺look視人~ 以前呢~程程黎之前~ 我一定會沖好涼~ 吹好頭等佢~ 宜家佢黎到~ 我會照訓囉~ 唉... 呢d咁o既生活~ 真係唔想再咁落去~
其實如果有人問我~
知唔知自己宜家做緊咩野o既時候~
我會答...我唔知...
可能...今日係一周年...
所以心情有d特別~
又或者夜晚佢冇o係我身邊...
所以...我又覺得...有d空虛~
呢一排o既心理壓力好大~
呢一種心情~冇人明~
包括程程都未必會明~
我o係人面前~
根本就冇咩野咁...
但其實...我好辛苦~
我好怕我會死...
好怕我會一聲不響咁離開呢個世界~
意外o既野~
實在太難講~
我唔係話我會自殺~
我只係怕萬一有意外發生o者~
程程昨晚對六合彩~
又係中o左四個字~
真係利害~
咁短o既期間~中o左兩次~
睇黎~佢幾旺喎~~
哈哈~定係我旺佢呢~~~~
今日~係我同程程拍拖一周年紀念~
佢今朝過o左黎屋企~
買早餐比我食~
嘻嘻~
不過我有d唔開心~
所以無啦啦又喊起上黎~
唉...
都唔知自己想點...
佢兩點左右走o左~
我o係屋企繼續做功課~
昨晚做o既non-no執面~
印出黎o既色~
同電腦睇o既色~差好遠~
不過算啦...
都救唔到~
唔係我o既問題~
係部printer o既問題~
除非買過部o既o者~
下午畫塑膠彩...
畫隻小雞...
唔知點解...我畫o個時~
唔發現隻雞有三隻腳係唔對路~
到做好哂~
洗好哂野~
望下張野~
噫~~~點解多o左隻腳o既~~~
宜家~我都唔知點好...
開唔開過d顏色油返佢呢~~?
上次買o左條電子魚...
o係程程屋企帶返屋企之後...
我都冇開過出黎玩~
今日終於都的起心肝拎出黎玩~
咁岩阿哥又返o左黎~
佢覺得得意~
於是就叫我幫佢訂隻啦~
等佢帶上大陸做o野o係度玩啦~
我老豆仲搞笑~
話不如倒o左d真魚...
養呢條咪仲過癮...
真係比佢激死~
日子越來越近~
我越來越驚...
希望大家都祝福我啦...
聖誕節快樂...
收唔到我card o既人唔緊要~
唔好以為我冇整...
而係...你o地仲未收到o者~
黎到今日廿四號...
睇下自己個hp~
好似就黎會out咁...
因為d icon全部都寫住o左係2001年~
即係話...我要整過個hp d icon先得啦~
idea~我冇~
眼訓我就有...
堆埋一大堆ally mcbeal未睇~
把火~
唔鬼錄...
雖然~我係好想睇...
不過算啦...
唔睇唔會死o既...
離聖誕節...好似唔係差好多日~
我d card...
好似一d都未整過...
印係印o左出黎~
但係...未寫...又未錶上cardboard度~
too bad~
今朝去o左哂相...再買埋花士令先返學~
好趕呢~
apple同gary送o左份聖誕節禮物比我~
真係好啦~
於是放學之後~
我都去o左買禮物比apple~
o係潮流特區見到阿yan同阿wing~
真係q~~
去旺角之前~ 去o左sogo~
買o左d紫菜同qoo飲~
係日本版o既qoo黎o架~
成十八蚊八毫子一枝...
不過d味同包裝都有別於香港有o既qoo~
係apple味同蜜桃味o架~ ^-^
買o左個cream cake食~
兩個...都差唔多係程程食哂~
前面排隊個小妹妹好搞笑o架~
條手鏈好得意~~
跟住~我又發現自己條手鏈...
係有賓尼仔個樣~
唔怪得之我咁鐘意佢啦~
原來佢一直都o係我身邊~
程程話比我聽~佢昨晚發夢...
夢到自己中o左六合彩三獎...
我就話佢...唔會中~
點知...後尾去o左旺角...
行過馬會對六合彩o個陣~
真係中o左...
不過就係4個字~
五獎...
但係都已經好好啦~
竟然有六合彩中~
上堂o個陣...
好努力咁整野~
都幾順利~
哈哈~
程程daddy mummy一月一日...
就係佢o地廿五週年銀婚紀念日~
於是~兩點就約o左佢家姐o係旺角等~
去o左周大福買手鏈同介子比佢o地~
程程同佢家姐夾...
共5800...
每人2900蚊~好豪呢~~
行到四點左右~
就搭車返屋企~
o係度玩game~
又打o左陣rainbow six~
程程搵到個網~
教人打d password~好搞笑o架~
"禁"o左enter之後~
打"fastactionresponseteam"就會全隊人一邊行~
一邊放屁...
打"stampy"就會變肥仔~
真係勁邪惡呢~~
好早就起o左身~
十點半就去o左尖咀等程程~
未有戲睇~
所以去o左鴻星飲茶...
飲完茶...買飛睇十二點十一o既麥兜的故事~
入場...咩人都冇~
全場包哂咁...
個銀幕d射燈係紅色o架...好恐怖o既呢~
程程就猛o係度食爆谷...
話有咩好驚丫~
但係我就feel到好似有踢張椅咁...
於是就叫佢比條鎖匙我啦...
因為佢條鎖匙有個佛牌丫嘛...
麥兜的故事...
整體黎講~都幾好笑...d畫d街景畫得好靚...
臨尾o個陣~
仲好有寓意tim~
但係大家明唔明又係另一件事~
其中有一段...講麥太講故事比麥兜聽~
麥太話...從前有個小朋友xxx...第二日...佢死o左~
o個度...d語氣好搞野~
印象較為深刻~
跟住...感動位...
我覺得係麥兜大個o左~
講佢媽媽死o左o個度~
雖然只係短短幾句...但係都好觸動到我~
睇完...
去o左行街...
諗住買大富翁玩~
因為近期夜晚o係屋企~
成日都玩埋哂d益智game~
好似前晚咁...就玩o左波子棋~
又玩漢堡包棋咁...
不過最尾都冇買到大富翁~
始終~兩個人玩...會好悶o既~
行完~去o左黃埔...
so happy呢~
換o左三百蚊o係冒險樂園玩~
又有三千幾張飛~
之後...就去程程屋企~
過o左陣~佢家姐返黎~
要去接佢~
凍冰冰~ 買d雞蛋仔食~
暖下身都好丫~
去到7仔~ 轉個頭...又食雪米滋~
勁正~凍到入心入肺~
牙都軟埋~
程程家姐o既手信...木棉酥...返屋企食~
so good~
今日...好情緒化咁...喊o左兩次~
too bad~
前幾日...當我o係7仔行返屋企o個時~
條街有隻狗...佢個主人綁o左佢o係條欄杆度~
咁我行過...食緊雪糕...
問佢...你想唔想食呀~比你食丫~
佢即刻由坐低趴o係度~
變o左做企身望住我杯雪糕...so邪惡呢~
今晚...教o左程程打速成~
進步幾快~
哈哈~~
不過...佢打到好累~想訓咁o既勢...
十點幾就返到屋企~
程程又落o左我好鐘意佢著o既羽絨褸~
好好攬呢~
這一些 我承受 再痛苦 也承受
但你不可偷偷的背著我走
為了些報酬 犧牲了感受
但你也遠走 沒有開口
那一刻 最難受 甚至比死更難受
為我包裹傷口不過誰能夠
或我可渴求 等你內疚
待你一天回頭 會向我自首
為甚替你覓理由 或太荒謬
可否教我拿甚麼去治療傷口
若習慣了 拖多久亦會等候
他朝我要拿甚麼再為誰做借口
麻醉我吧 容我夢遊
就算傷透 都不知心痛否
麻醉過後 才發現這傷口
被你刻得更深 不懂放手
望你一天能夠 會忽然內疚
今朝起身...
冇咩做...
到下午...程程先黎搵我~
我o地join埋一齊之後~
就分頭行事~
佢去o左搞打機~
我去o左做d私人野~
到四點幾...
我o地再次join埋去銅鑼灣...
哈哈~o係time square對面~
有d小食買...
近戲院o個邊o個檔呀~
d野食好正~
龍蝦丸同埋蟹肉球超正~
咁當然...雞蛋糕都不錯啦~~
食完一輪野之後~
就上o左time square...
去買銀包...
因為我個銀包實在有太多雜物要放...
所以...搞到爛o左~
買過個新o既~
咁程程又提議買情侶銀包~
我紅色邊...佢藍色邊...
so happy呢~
jc shop o係八樓開o左間~
即係買我條電子魚o個間野~
咪走去睇睇囉~
不過...好空...唔算有好多野~
比起尖咀o個間...
好似冇咁正~
再上去九樓...
行完yes station~
本來o係yes station o係邊落返扶手電梯落去o既~
好彩...我拉o左程程去第二邊...
入o左去teddy & i 度行...
竟然比我發現...
jacob貓...出o左本書...
仲有t-shirt~
本書好靚...成一百八十蚊~
攬住本書行O左一個圈...
結果都係買o左...
^-^
一百八十蚊...其實...真係值o既~
之後..就返屋企lu~
九點幾十點...
程程就返屋企~
好像不是太累呢...
今朝...媽媽好早出o左去~
佢準備o左d麵比我o地食~
不過就係未煮o既~
要我o地自己煮...
等程程黎到之後~
我o地就煮麵食...
哈哈~但實質係程程煮o既呢~嘻嘻~
麵又係佢煮...連洗都係佢洗...
真係冇陰功呢~~ ^-^
當佢洗緊碗o既時候...
我就開始自己染頭髮~
係紫色黎o既~
染o左出黎...有d似黑...
不過都見到有d紫o既~
其實咁都幾好...
起碼daddy唔會鬧先啦~
昨晚...我一改以往作風...
九點半已經訓o左~
實在累得很利害呢~~
雖然係訓o左好耐~
但係都依然咁累...
都唔知點解咁會~
染完髮~沖完涼洗完頭~
再吹埋頭...
就睇vcd~~
"愛你愛到殺死你"~
勁搞笑...
睇完...就行去西環...
一邊行~一邊食野~
見到d真係用個砵仔裝住o既砵仔糕~
好好味o既呢~~ ^-^
再去食源記糖水~
正呀~~ ^-^
搭車再去西寶城...新開o既~
不過都冇咩野行~
行o左一陣就走lu~
o個度有間惠康o既super store~
買o左兩隻鹽焗雞脾, 薯片同汽水~
大就真係大~
可惜我心情唔係幾好...唔多有心機行...
跟住...就搭車去o左紅磡碼頭o個個冬季嘉年華玩啦~
成十蚊一個代幣...
換o左一百蚊玩~
機動遊戲真係好似好好玩咁~
仲好刺激tim~
不過我冇玩呀~
只係玩d攤位game~
有易有難...
最好彩係...程程一掟...
就掟中o左隻我一早睇好o既賓尼bb兔仔...
好得意o架~
佢有條尿片o架~
玩到咁上下~
就返o左程程屋企休息~
一返到去佢屋企...
我就訓o係床度...
好眼訓呢...
z-z
到十點幾...就返屋企lu~
休息點夠都好...
都係咁眼訓...
真係令人費解呢...
今朝好早起身~
拎住好多野~
加上我又買o左monday同埋amy呢~
所以...都幾重下~
去到灣仔...買o左個熱狗食~
條腸仔勁大條~
食o左我幾耐呀~
可能我o地食第一組影o既關係~
個model d裝未溶~
所以...我估今次影出黎o既效果會好過上次呢~
上完第一堂...到第二堂~
都係冇做野~
o係度睇書~
哈哈~仲有o係度包顏色~
阿朱教o左我o地個方法~
就係將d塑膠彩倒落保鮮紙~
再包住佢~
咁樣~就唔會咁易乾...
就唔洗輪住帶d顏色返屋企畫lu~
放o左學...
o係巴士度join埋程程去太古...
我o地買o左好多炒栗子d野呀~
兩個盒...一個散銀包同埋一個袋仔~
其實呢...仲見到大口仔o既走馬燈tim o架~
程程都話買埋比我~
不過...諗起冇位放...於是冇買到lu~
之後~去o左冒險樂園玩~
好豪咁...又玩o左三百蚊~
d飛多到要即刻摺o左個炒栗子盒黎裝住d飛~
so happy呢~
玩到都好累...
於是就返屋企啦~
數完d飛仔~
原來有三千幾張~
加埋屋企o個d~
有八千幾張啦~
哈哈~~
夜晚食完飯~
程程同我就一齊執野~
好亂呢...
宜家整齊好多lu~^-^
食完飯冇耐...
阿聰打長途電話比我~
...因為我前日知道發生o左d事之後~
就o係icq度...打o左句"我好胡亂"比佢~
就咩都冇講~
佢就打電話黎睇我點啦...
唉...呢個阿聰真係有我心~~
不過我當時實在太唔方便講野~
所以...傾o左幾句就收線lu~
其實~我都好接受呢個事實~
雖然係有d驚...
但係...我都要勇敢咁去面對~
大家宜家或者唔知道我發生咩事~
我相信...你o地都會支持我o架~?
希望~我會一切平安啦~~
本來今朝有d野會去做~
結果...都係要等到星期一~
程程九點幾十點就黎到~
玩o左陣電腦..
就出去食野...跟住就返工lu~
心情...有點沉重...
不過依然要笑面迎人~
返到去...幫angelina做o左個tape cover~
之後無無聊聊~danny又未返...
咪係度睇下書囉~
仲以為danny唔返...冇糧出~
點知...晏dd佢就返o左~
仲叫o左我去灣仔買野tim~
too bad~
好彩~佢都記得我今日last day~
出o左糧比我~
不過強積金o個d野~
佢就仲未搞~
佢話遲d會收到信o架啦喎~
臨走o個時~仲同我講~
話第時食飯叫埋我tim~
放工~程程先頭話o係樓下接我~
但係見唔到人...
哈哈~原來佢跑緊黎喎~
佢仲拎埋條電子魚黎tim呀~
哈哈~~
去o左佢屋企食飯...
食完飯...o係度玩條魚~
哈哈~真係好過癮o架~
頂癮到暈...
十點幾...就返屋企lu~
下午食完飯...同程程去o左萬寧行~
見到有隻好搞笑o既豬...
識"咕咕"叫o架~
廿蚊唔洗...咪買o左落黎囉~
哈哈~~
很累呢...
要訓個好覺...^-^
昨晚...碌到點幾兩點鐘先訓得著...
但係我十一點幾已經訓o左上床o架啦...
打電話...都係星期一...
算啦...等多兩日...
不過...就要擔心多兩日...
日子一定會很難過呢...
無論點都好...
我都維持原本o既決定~
就算我會沮喪一段時間...
我都希望我會隨住時間而慢慢恢復過來...
今天...原本是心情相當好的一天~
返學收到apple o既大口仔匙扣... 又影過貼紙相...
放工又有程程黎接...
之後返屋企食飯...
但係...九點幾...
我發現o左一樣野...
令到我不知所措...
估唔到會發生o係自己身上~
一直都以為...生活是自己選擇去怎樣過...
所以我的網頁也命名為...
the day before tomorrow...still have hopes...
到o左宜定...我已經冇再諗得咁天真...
有d野~原來真係身不由已...
我o既最終決定...可能係會令我一世後悔...
我咁樣做...更加係違背o左我一向o既做人原則~
我記得~細佬曾經試過做同一樣野~
令到我好失望...
唉....我....都對自己好失望...
希望...實在希望...呢個唔係事實...
而係一場誤會...
我以前是一個十分感性的人...
現在...雖然都是一樣...
但感性的背後...多了快樂...多了幸福~
以前認為...火柴會是我的一切...
他會帶給我幸福...
到最後...他帶了全世界最悲的傷給我...
我以為我再也不會復元...
可是...經過一年的時間...
我得到了真正的幸福...
今朝九點三先起身~
好趕好趕呢...-_-"
去到大家樂...
都成十點四五lu~
too bad~
因為今日上堂有好多要買~
所以大家就分頭行事啦~
apple就陪我去買hand cream~
鄒紋膠紙, cardboard同埋桶仔~
yan~gary同阿wing去買石膏粉~
今堂...係倒手模~
gary又再次犧牲佢隻手比我o地倒~
哈哈~
不過倒手o既危險性冇倒面咁高~
所以阿wing都犧牲o左佢隻手~
um~~都幾好玩~
哈哈~
放o左學~
搭van仔去中環~
哂完d數碼相~就去買o左外賣返公司食~
周圍都好多人~
又費事遲o左返去~
買公司食穩陣d~~ ^-^
返到公司食完野~
就做下d label~
印下傳單咁...
好無聊...又凍喎~
悶到我好想訓覺呀~
終於~四點幾五點...有人黎影相~
我先可以出去哂相~
冇咁悶咋~~
問mavis借o左d燒photo vcd o既notes 黎抄~
問angelina同mavis拎o左地址~
嘻嘻~~ 可以寄card比佢o地呢...
廁所今日冇燈...
有d恐怖呢...
聽日...程程開始放假lu~
so happy呢~
佢聽日會黎我屋企食飯~
先頭呢~電子魚魚o個度訂o左~
聽日可以拎得~
但係今晚打電話通知程程~
要星期五晚先有得拎~
唉...好唔開dum 呢~~
不過我諗我班貓貓仲唔開心呀~
個個都過哂黎我度~
諗住有魚魚玩~
點知宜家又要等多日~
v_v
我昨晚呢...好似發o左d好撲朔迷離o既夢...
夢入面~我見到athena~
佢問我...點呀~去唔去整頭髮呀?
我答...你都咁問...即係你都想去啦~
咁咪去囉~我無所謂呀~
跟住athena就帶o左我去金冠大廈~
去o左一層樓...
行到去間屋面前~ 度閘係用繩綁住o架~
athena以好純熟o既手法去整開條繩...
入o左去之後~ 間屋入面d燈係紅色o架~~
佢帶我入o左去間房...
房入面有個人...就係幫我o地剪頭髮o個個人~
之後~ 唔記得o左點...
我後尾比媽咪搵到我~
佢發現o左我...我好驚...好似做o左"規"心事咁~
就係咁...醒o左lu~
我好唔明~
點解會發生o係金冠大廈~
因為金冠大廈係以前一個小學同學住o既屋企~
媽咪成日同我個同學個媽咪打麻雀~
所以我都幾熟悉o個度~
仲有唔明~點解去剪頭髮~
會去d咁恐怖o既屋!~
而唔係去salon o既呢~~?
仲有仲有~點解我見到媽咪o個時會咁驚...
總之~ 好撲朔迷離~
今日我買o左兩個頭飾~
係用d粗冷織成o既樸根紮頭髮o個d野~
一個係毛毛球...
貪得意買o左...哈哈~
終於都印起o左d聖誕卡~
但係...睇睇下~
發現d字太大~
不過算啦...都印好哂~
唔改lu~
程程昨晚幫我"部"到電視做周杰倫"安靜"o既mtv~
即刻幫我錄o左~
so happy呢~~
好耐都冇玩過game east~
因為聽人講~要比錢玩~
咁我昨晚手痕...走o左入去玩~
原來...係就係要比錢~
不過...宜家佢分o左四個區~
有兩個區唔洗錢~
一個區要錢~ 另外一個係chat room~
所以~又玩o左一輪~
我始終都係鐘意對電腦多d~
唔鐘意對人~
因為有d人好遲~阻住哂~
又或者有人send message比我~
我遲d出牌~ 都唔怕會比人吹~
天氣開始凍~
有聖誕feel lu~
大家要著多d衫啦~^-^
由於宜家程程係返夜o既關係~
佢要成十一點半先收得工~
等得佢返屋企~沖埋涼...最快都要十二點半~
所以~ 如果我眼訓o既話...
佢放工搭車打黎比我o個陣~~
會同佢傾一陣就訓lu~
昨晚...程程好黑仔地...
冇順風車搭返屋企~
當佢追巴士o個陣~
唔小心跌o左公司架call機~
佢追到架車~上o左車先發現唔見o左~
於是~佢就即刻落車~
沿途咁搵啦...
好彩佢o個度好靜...
冇人行o既o者~
如果唔係~實比人執o左lu~
搵o左一次~都仲未搵到~
咁岩諗起有d渠位"粒"入去o既地方冇搵...
點知...就o係眼前...
哈哈~~
本來呢~我以為搵唔返都唔係好大問題o者~
最多咪陪錢...
但程程話...公司要佢o地陪返成千幾蚊o架~
嘩...洗唔洗咁貴呀~~
"商"金o架咩~~~
今朝~成八點半先起身咁滯...
諗住唔係好凍~
就咁著o左件牛仔中褸~同埋件長袖衫~
臨出門口~
覺得著咁少衫...又好似有d過份~
所以~就戴o左上年o係esprit買o既...
fur fur墨綠色類似頸巾o既物體啦~
o個條野~ 其實都幾難襯~
估唔到落牛仔褸戴~都ok喎~
返工~如常打電話比程程~
特登叫醒佢同我傾~
迫佢醒~~
哈哈~係咪好殘忍呢~~~~
返到公司~ 就係咁比barton嘈住哂~
好想打佢兩巴~
都唔知咩人黎o架~
張卡片又唔係要整到天花龍鳳~
只係幾隻字o者~
都改完一次又一次~
真係嚴重比佢吹脹~
佢雖然得到danny歡心~
不過~我唔會因此而比面佢~
照發佢老脾...
話佢...你諗好先再同我講~
唔好改黎改去...
妖~講起把火~~
之後~佢都唔敢再問我咁多野~
哼~都算佢識趣啦~
下午~ 去o左飲茶...
八到勁多野~
對於我黎講~
有d係聽o左好谷氣o既野~
估唔到某人係d咁o既人~
小氣又記仇...
飲o左成個幾鐘頭茶先返公司~
danny出o左去~
仲諗住影返d証件相...
點知~閃光燈唔生性~
影唔到~
too bad~
唯有聽日先影啦~~~
由昨日開始~
我已經準備執野~
諗住星期五last day唔洗拎咁多野返屋企~
昨日就拎o左個裝糖o既樽返去~
今日就拎o左d自己做過o既野o既copy返去~
同埋件褸...
宜家我最擔心o既係...
danny究竟o係呢幾個月入面~
有冇同我供強積金~
佢冇同我供o既話...我會去勞工處告佢~
絕對唔會比面佢~
angelina今日病o左~
冇返工~
昨日佢已經好頭痛o架啦~
希望佢快d冇事啦~
原來阿joe走o左~
比danny勁warning佢~
搞到佢好冇癮~
講真...睇下有幾個仲頂得順...
我諗除o左個擦鞋仔會頂得住先外~
呢間公司o既人事變動~
相信都會轉變好大~
因為一個唔相信員工o既老闆~
邊會得到員工o既心丫~
o係度做o左差唔多半年...
o係呢個時候...不禁有少少失望~
今日真係幾凍~同埋公司冇乜人~
凍到變雪條咁岩~
too bad~~
返到屋企~食完飯~
我就o係度整"橡根仔"d相~
整好哂~ 諗住聽日拎去出相~~
今晚~~jovi爸b好唔開心~
我講o左一大堆好老套o既說話去安慰佢~
因為...我實在唔知點講~
我未經歷過佢經歷o既事~
唉...總之~希望佢快d復元啦...
昨日睇電視o個陣~
電視咁岩播周杰倫"安靜"o既mtv呀~
仲要係全隻~
冇cut到o架~~
可惜當時冇意識去錄低佢丫...
-_-"
好唔開心呢...
呢張就係我昨日買返黎信紙o既封面啦~
隻貓貓係咪好搞笑呢...~
一個鎖匙扣仔...成四十蚊...
都幾貴...
唔捨得買呢...
唉...apple真係因為咖哩星期六o個日冇返工~
去o左打機而嬲呀~~ -_-"
too bad~~
其實...我都好憎程程打機~
尤其係打winning~
一項可以身體力行o既運動...
有真實感d...唔係更好咩~
硬係要對住部電視~
望住個畫面郁會開心d o既咩~~?
真討厭~
如果佢真係去踢波~
我一定唔會嬲...
但係打機...就點都覺得白痴兼無聊~
你話丫~
玩槍game o個d就話冇咩可能親身體驗呢d滋味~~
就話用打機黎慰藉o者~
又唔係冇腳...打咩機o者~~~
唉...我諗...
其實有好多女仔都忍受緊個男友打機呢種惡習~
緊張打機多過緊張自己~
記得隻新game幾時出~ 反而忘記o左重要o既日子~
不過...我o地又唔可以做d咩黎阻止~
世界...就係咁唔公平...-_-"
今日超旺場~
勁多人影加拿大証件相~
不過咁都好o既~
起碼好過就咁坐o係office~
幫barton打o左d字~
佢今日仲o係度講~
話學打中文...學九方輸入法~
我心諗...英文都未打掂~
仲話打中文...
用部t68~ 個hands free都唔好用o既~
都係8310 個hands free正好多~~
下午~返舖頭食飯~
食完野~同埋媽咪去百佳...
因為我要幫公司買廁紙嘛~~-_-"
無驚無險...又到六點半...
返到屋企...
很累呢...
累...唔係今日忙~
而係唔夠訓o者~~
好似好耐都冇織過條頸巾~
又要開始加把勁先得啦~
嘻嘻~~
今朝程程十一點幾左右就過到黎~
我涼都未沖~
牙都未刷...就到o左~
成個癲婆咁~
哈哈~不過又唔係未見過~~
佢拎o左好多野過黎呀~
包括佢部電話o既叉電器~hands free~
(我o地話o左交換用部電話嘛~)
大隻囡囡~肥仔同埋細細啦~
仲有一盒我叫佢幫我錄野o既帶~
點解要帶哂d貓貓黎呢~
因為要影全家幅嘛~~ ^-^
今日媽媽整o左糯米飯比我o地食~
嗯~都幾好味~
我同程程每一都食o左兩碗...
雖然佢o個碗大碗過我好多~
但係我都食到兩碗...算係幾利害o架啦~
到點幾兩點...我o地又去o左銅鑼灣~
見到有間舖有好多人~
有個牌大大隻寫住10蚊隻正版vcd~
入o左去睇~
果然係冇呃人喎~~ 買o左兩隻好舊o既vcd~
分別係愛你愛到殺死你~同埋金枝玉葉2~
金枝玉葉就睇得多~
但係第二集就咁耐都未睇過...
好記得第一集d歌同個feel都好正~
唔知第二集有冇咁好睇呢...
我o地今日一早plan定o左要去冒險樂園玩~
不過諗極都諗唔到銅鑼灣邊度有~
當我o地好苦惱之際~
抬頭一望...
原來屈臣氏樓上就有啦~
我o地本來食緊街邊小食~
拿拿臨食完~就即刻上去玩~~
搵到部可以win到好多飛o既機玩~
有成千幾張飛~
好好收穫呢~~~~^-^
之後~ 去time square行~
又係有好多人~
去yes station買o左本信紙~
係昨日o係city super見到隻貓貓o既信紙黎o架~
行到咁上下...
去o左行無印....
利舞臺o個個商場~
終於都有d起色啦~
以前都冇人行o既~
今日去...嘩...人流量幾高呀~
無印簡直可以用"虛陷"黎形容~
本來想買野~都因為太多人排隊~
咩都冇買...
都係o個句~等下個星期~程程又放大假~
我又唔洗返工o個時先再行~
費事同人逼...
無印下面就係esprit~
都冇諗過會買野o既~
點知見到條好靚o既頸巾唔係頸巾~
fur唔係fur~披肩唔係披肩o既物體~
程程又破財買比我lu~~
o個條野~好冬天白雪feel o架~~
跟住~去o左元綠食壽司~
又係等o左好耐~
腳都軟埋...先到我o地~
叫o左好多野食~
飽到死~都係二百蚊左右~
不過大部分o既野~
都係寫紙仔叫o既~
因為我o地坐到好尾o既地方~
`好野都比人拎哂~
丫~~炸o既野...全部都好好味...
尤以龍蝦丸係最正~~
食完~去o左green box唱k~
間房入面咪通常都有紙巾o既~
全部都比我包哂雲吞~
搞到我都唔好意思等人o地執~
所以我自己偷偷o地~拎o左d雲吞入廁所掉~
費事咁dirty啦~~
今晚都唔知搞咩~
勁流鼻水~~ -_-"
嚴重到我成日都流眼淚~~
too bad~
最後一首唱o既歌~
係最後的歌...
唱到十一點幾就走lu~~
聽日又要返工~
捱埋今個星期就得啦~
so happy~~
程程同我交換o左電話啦~
我點都係覺得...
除o左我部8310冇得入電話係輸蝕o左d之外~
其他野~都唔比佢部t68差~
雖然佢係彩色~懶係靚咁...
程程今朝幫我執過房~
整齊過一陣之後~
又好似亂返少少tim~
唉...下個星期一定要大執先得啦~
宜家~我所有o既貓貓仔仔囡囡都o係哂我度~
但係~只係得大隻囡囡陪我訓咋~
其他都去哂哥哥間房度訓~
因為daddy見到成堆貓都o係哂我間房o既話...
又見到流鼻水...就一定鬧死都似~
上次佢都話過o架啦~
再買公仔返黎就會"界"爛佢o地~
有時~我都好擔心我daddy唔知邊日心情唔好~
而咁岩我又唔o係屋企o既時候~
我d貓貓會比佢掉o左~~
希望~呢d事唔會發生啦~~~
程程終於都過到r.6 o既第三關啦~
仲好快過埋第四關tim~
咁樣就比佢破解o左~
真係唔抵...
懶叻咁...
睇下你o係屋企打o個陣~
會唔會咁打得贏~
定係今次過到關...係撞彩o架~
哈哈~
今朝本來係想早d起身o既~~
較o左六點九鬧鐘~
到最後...都係七點二左右先起身~
too bad~~
去到灣仔~特登o係美心買o左兩個麵包~
一個返到學校食~另一個轉堂o個時食~
返到去...大家就開始準備打燈d野~
小賴好早返到...不過做make up o個個唔聽話...
好遲先返...
搞到d時間好緊迫...
小賴o既造型比想像中好好多~
都幾cuite~
但係當佢好累~ 想休息o個陣~
jeffney就叫o左做make up o個個頂住檔做model先~
等d時間唔會空o左~
咁岩...就輪到我o地o個組影~
好彩...我o地掉遲o左一組...
先可以影返小賴咋~
如果影make up o個個~
真係死得人多lu~
我係我o個組第一個影~
我影完~到andy影~ 之後到阿mon~
阿mon影o左兩三張~就比阿sir stop o左~
話下堂再續喎~
實在太好啦~
唔洗咁趕.... ^-^
仲有剩好多菲林...
嘻嘻~我又可以影我d貓貓啦~
上塑膠彩...
又冇畫野~
得阿mon同gary畫~
下堂...原來係最後一堂啦~
阿sir話比多兩個星期時間我o地話...
最好有一幅完全完成~
其他兩幅可以局部咁畫~
雖然佢已經對我o地好寬鬆~
但係...-_-"
我o地大部分人~一張都未畫起呀~
唉~~~都唔知點算...-_-"
上上下堂~
隔離q班影班相~
於是~佢o地影完之後~
我o地又影啦...
上一次我o地影班相o既時候~
係岩岩開學o個時~
原來都真係好耐冇影lu~
放o左學...成班人一齊去飲茶...
好熱鬧呢~
當我o地行去飲茶o個度~
我o地見到男人中o既男人 - 方中信~
佢好man呀~~^_^
仲有郭羨妮呀~
佢o地一齊拍野~
基本上~o個時係落緊雨...
仲未埋位o既~
我o地行話對面想同佢o地影相啦~(咁岩有相機~yeah~)
點知...佢o地就好似要埋位咁o既形勢~
我o地費事阻住佢o地...所以...就走人lu~
去到等位飲茶~ 等o左好耐~
最頂癮o既係~
叫o左我o地入去~
張檯d人都仲未走~
入去"託"咩~~
比我o地班野勁話...
飲完茶...都兩點幾lu~
gary個cheap精~
呃o左apple去搭地鐵~
又話比apple聽佢搭巴士返工~
轉個頭~走去join阿恆佢o地一齊去網吧打機~
我話即刻打比apple話佢知~
不過我都冇咁做...
哈哈~~
搭van仔去返中環~
拎返個遮光罩去換~
好好彩...o個個人肯換比我~
so happy 呢~
太懶~又落雨~
十分鐘左右行返屋企o既路程我都冇行到~
揀o左落巴士返屋企~~ ^-^
返到屋企~
都唔知做過d乜...
好似聽o左陣歌~
又好似訓o左陣~
到五點幾...就準備去接程程放工lu~
唔知係咪落雨o既關係~
今日特別多人搭地鐵...
好似唔洗錢咁~
我o係金鐘上車~ 等o左好耐~
又逼o左好耐先上到車~
too bad~
去到長沙灣...
d人依然係咁多~
仲差d落唔到車tim~
我同程程搭番地鐵去銅鑼灣~
行o左陣city super~ 見到隻好搞笑o既貓貓~
佢好鬼得意o架...^-^
周圍都好有聖誕feel~
好多好得意o既飾物買~
我見到一對手襪好可愛o架~
有"bi bi"聲o架~
細細對...係岩小朋友戴o個d黎o既~
不過成舊水~
又唔可以自己戴~
所以都係冇買到~~
行o左一陣~
覺得好肚餓...於是就去食韓國燒啦~
咁因為怕多人~要等好耐位...
咁我o地就特登買o左d杯仔形狀o既雞蛋仔食~
麵粉多過比時o個d雞蛋仔~...d蛋味又夠喎~
好好味o架~
食o左咁多次韓國燒...
今次可算係最蝕o既一次~
好快就飽...
我諗其實都唔係飽...係唔想食先岩~
因為比d煙整到隻眼好辛苦....
搞到我好唔舒服~
唔係咁想食~
後尾...用d茶抹下眼~
先好d咋~~
食食下野~有一款魚旦個形狀好搞笑..
令我諗起d野~
自己猛咁o係度笑...
笑到我喊...都咪話唔誇張呀~
之後~再比我進一步加以想像~
越諗越變態~
笑到收唔到聲咁滯呢...
最尾...我拎o左碗"碗仔翅"食~
咁諗住程程鐘意落多醋~
我就落o左兩下落去~
點知返到去...搞好之後~
第比程程試味o個陣~
佢即刻變樣...就知有幾勁啦d味...
佢話連佢咁食得醋...都頂唔順...
叫我自己試下~
我食o左少少~ 嘩...就已經"咳"哂咁~
真係好勁...頂唔順~
咁冇理由咁哂o架~
於是~就出去拎o左碗冇落醋o既入黎~
再溝返d有落醋o既落去~
中和o左d味~先食得落口咋~
到九點幾食完哂~
就去o左行sogo~
地下買野食o個層岩岩開返冇幾耐~
都未去行過~
當然要去睇下有d咩新野啦~
嘩...好多人呀~
不過睇到好多正野~
樣樣都好似好好味咁...
其中有個"雲尼娜"cream cake~
勁多人排隊~
十蚊一個...都咁多人排~
睇下幾次拍烏蠅~
d人都係貸新鮮o者~~
食...唔係唔想食~
不過...太飽...又見太多人~
都係遲d唔洗返工~
等平日先去買為妙~ ^-^
買o左包粉糖食~
另外仲買o左枝比bb搽o既baby pink~
超潤...成個咀都"令"哂咁~~
行完sogo就返屋企lu~
媽媽留o左湯比我o地飲~
到十二點幾...睇埋昨日影o個d相先走~
今日程程晏晝食麥記~
加十八蚊換o左罐可樂同埋杯~~
但係~ 其實係我媽咪想換...
做少少野就?到我媽咪~
何樂而不為呢~
今朝好晏先起身~
醒o左...食完野~
再訓...
一直訓到十一點幾~
媽媽今朝又煲湯...
因為今日係星期五~
係阿哥返黎o既日子嘛~
^-^
沖好涼... 著好衫...
就拎o左部135相機出黎影相~
因為我部相機入面cn400 o既菲林o係入面~
仲未影哂~有剩廿幾張咁多~
又唔想就咁"搞"o左出黎咁哂~~
so~ 我不停咁影我d貓貓~
影哂為止...
到十二點幾...
danny就洗angelina同mavis打電話黎比我~
叫我去灣仔幫佢買200隻cd同紙袋...
唉...洗得就洗...
d野咁重...
不過算啦~
比佢洗埋下個星期o者...
忍埋佢...
去完灣仔買野~
就搭van仔返去石板街~
拎o左d數碼相去出~
同埋哂埋cn400~
跟住...再去買埋個遮光罩~
搵o左好幾間舖先搵到咋~
慢慢咁...先返公司~
今日~勁無聊...
都冇野做o既~
只係有時拎d相落去哂~
哈哈~順便拎埋自己d私人相~
嘻嘻~~ 哂o左貓貓d相出黎~
本來係哂3r o既~
但係哥哥仔唔小心哂o左d 5r出黎~
結果~ 蘇小姐冇收到我5r d錢~
只係收3r d錢~
so happy~~
橡根仔好上鏡呢~
個個睇到都話佢得意~~
遲d scan o左d相...再整上黎比大家睇啦~ ^-^
四點幾...當我又拎相落去哂o個時~
我見肚餓...就走o左去kfc食o左個tea~
嘻嘻~~始終巴辣香雞翼係最好味o既~~
六點半收工~
一齊走o左去唱k~
今晚好開心呀~
kenny帶埋老婆同埋佢個仔申申一齊黎~
總共有十個人...連埋申申~
唱到十點幾左右~
我o地先走~
阿joe買o左張card比我o地簽名~
係for mavis生日o架~
雖然未到佢生日~
不過當預早同佢慶祝啦...
返到屋企~
都係十點半左右~
酒是故鄉醇都仲未做完...
沖完涼...
諗諗下...呢排做o既野同諗o既野~
都冇咩建設性~
覺得有必要去upgrade自己~
不過用咩方法~
仲未諗到~
o係靜靜o地o既時候~
我諗起聖誕節~
諗起要設計聖誕card~
唔可以去買...一定要自己設計~
so~ 我畫畫畫...終於...都搞掂o左~
happy happy~
今日買o左個遮光罩~
返到黎就試下啦~
點知...穫o左~~
好唔開心~
竟然買錯o左~
唔知有冇得換返呢~~?!
宜家最大o既問題~
係我聽日冇得用~
等我仲一心諗住買o左聽日有得用tim~
too bad~~~ -_-"
好唔開心呢~~~~~~~
今朝好早就起身~
因為...屋企o個度會o係9點半後冇水~
所以我一定要早d起身沖涼...-_-"
不過出門口o既時間依然係遲...
去到麥記食早餐~
都已經十點三lu~
阿wing昨晚嘔~
唔係咁舒服~
見到佢著o左好多衫~
真係好病o既樣咁..
希望佢快d好返啦~
阿yan今日冇返學呀~
唔知係咪累得滯...
唔知醒起身返學呢...
定係病o左呢~ ?
阿yan真係好少會唔返學~
我o地個個都覺得幾出奇~
咖哩都冇返...
但係佢係要返工~
所以先冇返o者~
今朝媽媽好早就幫我去7仔換qoo月曆~
而程程...昨晚又幫我換o左兩個~
哈哈~so happy呢~~
星期六o既photo section~
阿恆同jeffney and 小賴昨晚傾過~
都係轉做non-no~
另外~仲分開兩堂影tim~
咁樣o既安排...都好d~
唔洗咁趕...
放o左學...
搭車去到中環...
就去銀行入錢~
之後先返公司~
今日成日都出出入入~
好多相哂~
仲要做埋信差tim~
去萬國寶通o個度...
送張相比個高層...
咁我入到去...想搭lift上去啦~
原來...係要登記o架~
仲派o左個人跟我上去...
真係誇張~
洗唔洗呀.....
聽日我唔洗返早...
本來叫程程聽朝過黎陪我~
點知...成個星期都冇ot~
咁岩...聽日就輪到佢ot~
我扭o左佢幾耐計呀...
唔開心~ -_______-"
o係公司度...聽到d傳言...
覺得有d危險...
丫~ 我今日買o左5隻聖誕鞋仔比我d貓貓~
即係隻鞋入面~
d人會放d糖呀~ 又或者禮物入去o個d呢~
一包有5隻...唔同顏色o既~
不過...好似唔夠我d貓貓分~
我諗要買多包先得啦~
我呢...仲會幫佢o地幫d願望放入隻鞋仔度~
(即係我o既願望)~
睇下有冇人會實現佢o地o既願望先...
哈哈~
大家好似未見過我o既新寵-橡根仔呀呵~
嘻嘻~佢得唔得意呢... ?
今晚~
set 好o左 outlook express個e-mail account~
原來係好易咋喎~~
電視都冇咩睇~
係咁整返數碼相機d相...
諗住聽日拎去出相~
lunch time o個時~
我只係食o左個手卷...
所以好肚餓~
食完晚飯~都仲係好肚餓~
點算好呢...-_-"
程程個daddy叫程程幫佢部電話入歌喎~
你估佢叫程程幫佢入咩歌丫拿??
係入twins o既女校男生...
佢話近期hit twins喎~
哈哈~真係搞鬼...
我聽到之後~
即刻呆o左...
如果我老豆都係咁...
就happy囉~~
哈哈~
雖然~eason近來d言行唔係太好...
不過...佢唱歌的確係好聽o既~
放下成見...大開眼戒....
-----------------------------
不要著~燈
能否先跟我 摸黑 吻一吻
如果我 露出了真~身 可會被抱緊
驚破壞氣氛
誰都不知我 心底有多暗
如本性 是這麼低~等 怎跟你相襯
情人如若很好奇
要有被我嚇怕的準備
試問誰可 潔白無比
如果承受這好奇
答案大概似剃刀鋒利
願赤裸相對時 能夠不傷你
(但你知一個人 誰沒有隱秘)
當你未放心
或者先不要 走得這麼近
如果我 露出斑點滿身 可馬上轉身
早這樣降生
如基因可以 分解再裝嵌
重組我 什麼都不要緊 假使你興奮
幾雙手 幾雙腿 方會令你喜歡我 順利無阻
你愛我 別管我 幾雙耳朵
共我放心探戈
如何承受這好奇
你有沒有愛我的準備
若你喜歡怪人 其實我很美
今朝起身返學...
搞o左好耐先出門口~
因為我紮唔到辮~
很麻煩呢...
昨晚~因為一d事~
搞到我好苦惱~
程程又蠢到死~
借o左聾耳陳隻耳~
聽唔到講野~
整到我?哂~
結果我又cut佢線...
上堂...
帶o左枝玻璃槍同玻璃膠返去...
倒面模...
本來...都好順利o既~
但係...但係...
當另一組...小肥拆個面模出黎o個陣~
拆極都拆唔到~
d石膏痴住哂d眼睫毛同埋眼皮~
個模套唔到出黎~
阿sir搞o左好耐~
都拆唔到出黎~
落堂都未掂...
我o地r班...又再一次証明係非常團結~
同o左小肥一齊去醫院~
不過有樣野~
令到我o地好失望...
因為阿sir竟然冇同埋我o地一齊去...
too bad~~
今日~我見到jovi爸b~
好近o既距離~
不過佢認唔出o個個係我...
學校主任o係我o地上上下堂o個陣~
走入黎派通告...
係學校搞o既旅行~
去睇鮑魚菇~ 每人83蚊~
o係1月6號舉行~
嘩...八點半集合...咁咪要六點半起身~
冇病呀嘛~~ -_-"
但係~學校好自由o既~
唔係一定要去~
去先報名~
學校奸到死~...
因為當日校長會宣報畢業作o既題目~
有咁大o既吸引力...
又點會唔去丫...
言歸正傳~
我o地去到醫院~
等o左一陣~
小肥就出返黎~
見到佢笑笑口咁出黎~
個個都安樂哂~
聽佢講~ 個醫生都係搵水沖...
沖軟d石膏...先整得返出黎~
兩點幾...返到去中環...
同apple gary去老地方食埋野先返公司~
返到去~
都幾多野整~
六點半準時咁收工~
丫~學校今年整o既聖誕佈置~
真係幾靚...
哈哈~jovi爸b有份做~
果然掂呀下~~
哈哈~~
今晚要做少少野~
趕住交...
阿wing講~
聽日開始~ qoo o係7仔加兩蚊有日曆送~
so happy~
我一定要買到...
一定要買到...
程程話...條怕醜魚...
13號有得拎~
哈哈~~
好開心好開心~~
等我得閒...執定個位放條魚先~~
嘻嘻~
收到冒險樂園寄黎o既野~
入面有d?~
好抵o架~
又可以有換多d代幣玩lu~
今日好早起身~
沖涼o個陣~...
好麻煩呢~
洗頭o個時"呢咁x"~
發現覺得平時冇咩用o既右手~
原來係咁好用o架~ -_-"
雖然danny冇通知我返九點~
但係好頭好尾~
我都o係九點前返到公司~
不過當我返到去~
唔知邊個同我講~
話o係展翅實習~新黎o既同事billy返九點半~
咁我就知...自己蠢o左~
我應該都係返九點半先岩~
我隻右手比左手嚴重~
所以...寫字...都唔係問題o既~
反而叫我cut野~
就慘過死lu~ -_-"
下午食lunch~ 返o左舖頭同daddy mummy食飯~
食完就同媽咪去銀行拎錢~
因為要我去...先拎到保險o個d錢...
上次張支票冇加tobey個名~
都拎唔到~
今次加o左先有得去拎咋~
之後~ 再去馬莎行~
買o左少少野~ 就返去公司lu~...
今日幫angelina哂o左張相~
同佢整o左好多個size~
自己都覺得幾唔錯...
要幫自己整返d先得~~
barton d label終於都整好~
其實barton 係咁多個sales之中~
最有動力o既一個...
四點幾五點...
danny比o左d培理幼稚園o既相我scan~
scan到收工~都未scan哂~
所以留返聽日先scan lu~~
丫~今朝見到有執信~
係昨日寄黎o既~
打開~原來係黎明演唱會o既飛黎o架~
哈哈~
so happy呢~~
返到屋企~
比個傷口比daddy睇~
佢叫我唔好用膠布貼住~
話會冇空氣~ 會"up"住個傷口~
有排都唔好喎~
沖完涼...就咁滴o左黃藥水~
果然係好d喎~
快d好返就好啦~~ ^-^
今朝~好早咁起o左身~
八點三四就起o左身~
搞掂好哂~
仲有時間睇o左陣報紙~
搭車去到沙田~
都係十點二~
時間尚早~
好彩過o左陣~
阿wing就到o者~
全部人黎齊之後~
我o地就去o左麥記食早餐~
試o左新o個個一士多啤梨熱香餅~
基本上~咁早食甜野~唔係好慣~
不過新糞坑~ 咪試下囉~~ ^-^
um~味道都ok o既~
如果晏少少食~我諗會好d~
食完~ 阿tim就帶我o地去甜單車~
今日大大話話都成九個人~
算係好多人o架啦~
一開始~揀單車都已經成為o左我最大o既難題~
因為...o個度冇我昨日踩o個d款...
v-v
結果~所以女仔都係揀o左同一款黎踩...
上o左單車~
同昨日一樣~都唔係好掂~
踩o左一陣~先好d咋~
丫~昨日我就知熱...剩係著短衫~
今日反而落多件風褸~
熱到死~
最衰o既係~我又費事除...
所以逼住熱...v_v
一直~我都係踩得最慢o個個~
不過~佢o地好好呀~
有等我~ 有時仲會踩返轉頭睇下我踩成點...
宜家~我算做識踩o架啦~
彎~識轉少少~
直路~冇咩問題~
係上斜同落斜唔掂o既o者~~
其實呢~
今日我好痛呀~
可能我緊張得滯~
係咁"猛住"單車扶手位o個度~
搞到我兩隻手o既虎口位都起o左水"pork"~
本來水"pork"都冇咩野o既~
最慘係~水"pork"穿o左~
塊皮又"且"甩埋~
個傷口好恐怖呢~~
不過又費事咁快就話唔踩...咁掃興啦~
所以格硬都踩o左兩個鐘左右~
之後真係頂唔順...
佢o地話想踩多個round~
我就決定投降...
寧願自己一個人去行商場~
都唔再踩...
亦都好好彩...冇跟佢o地再踩...
因為阿tim帶錯路~
搞到成個幾鐘先返黎~
中途又唔見o左阿tim~
又冇人有阿tim手提電話~
搵佢唔到~
後尾問返阿tim~
就算有佢電話都冇用~
因為佢今日冇帶到電話出黎~
真係激死~
當我自己一個人行商場o既時候~
走o左去買膠布同黃藥水~
我最怕個傷口有排都唔好~
因為虎口呢d位成日都會郁到~
驚個傷口好難埋~
痛都要搵d黃藥水黎消毒o架啦~
買o左~我就去廁所搞啦~
我打開先前貼o個塊膠布~
見到個傷口~
好肉酸呀~
成塊皮~都唔知點好...
咁個廁所好靜...
只得我同埋一個看廁所o既阿嬸~
我就問佢...我好唔好"meet"o左塊皮...
因為仲痴住o左o係隻手度~又未甩得哂~
阿嬸就話唔好~ 咁樣會整傷d皮膚~
我聽o左佢講~
消完毒~ 痴o左膠布就算~
到差唔多四點...
佢o地先搵返我~
搭火車再去大埔~
買完哂bbq d o野~
就搭75k入去大尾篤~
o個度好靚呀~
阿yan帶到我o地去好入~
本來天光光o地~都冇咩事~
到入黑...就恐怖囉~
因為完全係黑哂~
冇街燈...咩都冇~
只有我o地起o既火~
我o地今次燒野食~
改o左個名~就係叫"淫賤娃娃xxx"~
xxx唔係咩野衰野~
我只係唔記得o左叫咩o者~
成晚...都勁講變態野~
笑到我o地死~~
今日玩返d好耐未玩過o既野~
就係"沙炮"~
即係掉落地會響o個d野呢...
記得以前...成日o係阿婆屋企出面走廊度玩~
宜家都好少地方有呢d野買lu~
丫~ 今日我o地o個個燒烤爐好特別o架~
唔係一般o個d咁~
係成張檯咁o架~
好似人o地打邊爐...中間開o左個"lone"~
燒o個時冇咁辛苦~
又可以將d野飲放埋o係張爐檯度~
唔洗比d風吹跌~
由於真係太黑啦~
派o左阿mon同andy出去買蠟燭返黎~
我o地o係個爐檯度...點哂蠟燭~
先有返d光咋~
如果唔係~ 就連d食物~
都睇唔到究竟熟未...
望上天空...好靚呀~
好多星星...仲有月亮...
我o地一直睇到個月亮慢慢咁升高d~再升高d~
好好feel 呢~~~
之後...怕d蠟燭就快用哂~
又驚出面d士多好早收~
所以又派o左andy同阿yan出去睇下有冇燈買...
結果~ 比佢o地兩個夾計...玩我o地...
件事係咁o既~
佢o地兩個出到去~
打電話返黎~
話有燈租...亦有燈賣~
咁如果租燈...就要成300蚊按金~
而買燈...又費事用完拎返去~
當佢o地返到黎~
就話佢o地帶唔夠錢~
冇300蚊咁多~
個老闆話一陣拎燈入黎比我o地~
o個時先比錢...
我o地個個都信以為真~
但係等呀等~見d蠟燭就快燒哂~
佢又未拎黎~ 有d著急...
o係呢個時候~ 阿yan拎o左盞燈出黎~
車~原來太黑~
我o地根本睇唔到佢有拎到野入黎~
所以~ 咪比佢呃到囉~~ -_-"
如果佢真係冇買燈... d蠟燭又熄哂~
行出去o個時~
都咪話唔恐怖呀...
咁呢...由我o地o個個位置望出去~
係見到個海同山~
天空上面~
出現一d光~
好似外星人o係架ufo出現o個時d光咁~
不過就冇咁強烈~
閃下閃下~
過o左一陣~
我o地就聽到警車聲呀~消防車呀~救護車d聲~
阿yan同阿wing一聽到~
當然傻哂啦....
即刻走o左出去睇~
o個時~真係幾擔心佢o地兩個~
始終兩個女仔...摸黑咁出去~
好危險o者...
出到去~
阿yan打聽到~
有人報警~ 話我o地見到o個d光~
可能係有人被困o係山上面所發出o既信號黎o既~
後尾...都冇咩發現~
d車都開始走lu~
跟住冇幾耐~
就有直昇機o係天空度兜~
向山o個度照...
但係...應該都冇發現~
兜o左幾個圈就走lu~
燒到九點幾~
d野食都燒到七七八八~
今次預d分量好岩~
差好少就食哂~
執好野~ 整熄個爐...
就行返出去lu~
先頭...阿mon想去碌ling o既~
最後~都冇去到~
因為實在太累呢...
搭返75k 出去~
就各自返屋企lu~
阿mon~andy~wing~tim~我~都同車~
yan~輝~apple~gary就搭另一邊~
阿wing同tim搭o左兩個站就落車lu~
剩低我o地三個~
o係架車度不停講q班d野同埋攝影堂點算~
唉...星期六影相o個陣~
真係不敢想像呢...
十一點九左右返到屋企~
成個人散哂~
打電話比程程~
傾o左陣...
原來佢daddy竟然又出o左t68~~
同程程一樣~
但係就唔同色~係金色~
佢o地兩仔爺...真係好搞笑o架~
咁鐘意換電話o既~~
好啦~真係好累...要訓啦~
聽朝仲要返工呢...
ps.~ 我沖涼o個時~
發現好多瘀痕...
很慘呢~~~ -_-"
昨晚程程比我鬧到死~
今朝好醒目咁~
十點幾十一點就過到黎~
食完早餐~
玩o左陣rainbow six~
就去街街lu~
今日~ 預o左會好熱...
所以只係著o左短袖衫同埋三個骨褲就算~
首先~搭van仔去銅鑼灣...
去"夢想成真"揀太陽眼鏡...
不過唔係我要...
而係程程要~
因為佢宜家要"渣"車~
有時太陽好勁~
對眼會好辛苦~
所以~我就帶佢去o個度啦~
試o左一陣~
又經d sales介紹o左一陣~
終於都揀o左副...
嘻嘻~~ 呢份...就係我送比佢o既聖誕禮物啦~ ^-^
本來呢~以為銅鑼灣都有冒險樂園~
點知搵o左好耐~
都係冇~
等我仲袋住d代幣....幾重呀~~-_-"
行o左陣~
去"人和"食o左碗凍花~
就諗住去旺角啦~
因為chevignon開倉嘛~
咪諗住去睇下囉~
諗諗下~見時間好似唔係好夠~
點解會咁講呢~~?
係因為~一早已經定o左要去踩單車練習~~
所以~入得去大圍...
搭車都要搭好耐~
咪冇去到旺角~
直接搭地鐵再搭火車囉~
去到大圍~
租o左單車~
搵o左度冇咩人o既地方開始踩~
不過~ 都唔係好掂...
程程o係側邊"磅"住先好d咋~
只要佢一放手~
踩唔夠一陣我又會停...一係就想炒咁...
too bad~~
踩o左兩個鐘~
都已經好累~
程程仲累~
因為我踩...佢就陪跑~
當我就跌o個時~又要用力"猛"住我~
真係辛苦哂你啦...程程~~^_^
um~~ 程程話...今日佢o係度~
我先會咁...
到聽日...冇人"磅"住我~
我就自然會識踩o架啦喎~~
還o左單車~
我o地周圍食野~
o係一檔叫"小蜜蜂"o既小食店~
佢o個度d咖哩魚蛋~
簡直係一流~
又大粒~又彈牙~
正呀~~
係就係辣d~
不過真係好正呢~~
之後~搭返火車去紅磡~
再搭巴士去黃埔玩~
袋住d代幣...點都要玩o左佢~
費事袋住啦~真係未拎過哂~
未玩之前~
見到好多間舖頭都大減價~
但係...都係忍住冇睇...
到玩完先至睇~~
d飛~有d係2001年到期~
所以~ 逼住換少少野~
結果~我揀o左把炒栗子間尺~
240張飛咋~
哈哈~~
換完~
去shopping~
我同程程兩個人買o左八百幾蚊野~
唉~~o個頭先話慳d洗...
宜家又勁買野~
唉.....
唔關我事o架~
係程程以命令式咁叫我買~
我買o左一條褲~一件長褸~同埋一件衫~
程程買o左兩件衫同埋一條褲~
開心呢~~~
之後~返o左去佢屋企食飯~
佢媽媽整o左薑醋~
我就好衰o既~
食薑醋~只吃蛋~咩薑呀~豬手呀~
通通都唔鐘意食~
程程媽媽夾o左兩隻蛋比我食~
好飽飽呢~~
程程原來又買o左eason o既the east ride~
我又即刻"立"o左返屋企聽~
哈哈~~
食完晚飯o既活動~
係睇電視and睇雜誌~
蜜月狂奔最後一集~
好刺激呢~
講大隻東同carmen壞話o個度最好笑~
哈哈~
睇完~就即刻走lu~
夜啦嘛~
程程聽日要返六點...
要成四點半起身o架~~ -_-"
我都唔弱~
我都要八點半起身o架~
約o左班同學聽日十點半o係沙田火車站等~
好緊張呀...
聽日唔知會唔會勁炒車呢...
好驚呀...
昨日~ o係公司執野o個陣~
執到本好野~
係B&O o既catalogue~
so happy 呢~~ ^-^
今朝返學...
如常見旗即買~
今次枝旗個形狀幾特別~
係橢圓形黎o既~
不過~ 好唔小心地...
我又唔見o左~
好唔開心呢~~
o係地鐵站~好齊人~
見到yan~mon~andy~
之後上到去join埋阿wing~
一齊走o左去買包食~
買o左個酥皮腸仔包~
但係...我冇即刻食~
到上第二堂先食~ ^-^
怕自己會肚餓嘛~
上jeffney堂~
今次教化妝....
哈哈~ 有d d得益~
好可惜地...為o左下堂影相~
jeffney比o左兩個人我o地揀~
一個係小賴~一個係姣婆~
咁當然~ 我o地極力舉手揀小賴啦~
雖然~ 佢o地兩個都係q班o既人~
雖然~ 兩個都唔靚...都唔係好揀得落手~
但係~小賴點都好過姣婆~
如果要我o地影姣婆o既話...
咁我寧願唔返lu~
上第二堂~
個個都唔想畫野~
於是~ 我o地只係坐o係度吹水就算~
今朝我買o左amy雜誌~
影得千嬅好靚呀~
只不過係十蚊咋嘛~
抵到爛啦~
放o左學...
apple同我一齊行去銅鑼灣~
去到車站~
apple就等車~
我自己就去o左銀行"禁"錢~
之後去one2free交電話費啦~
唔知點解~
數碼通o既發射站...
係咪o係銅鑼灣特別強o既呢~
我個mon o個度~
又display o左數碼通出黎啦~
咁我見到咁o既情形~
又咁岩行過orange~
就走o左入去問佢點解會咁啦~
佢解釋o左一d我唔明o既野比我聽~
最終~都係叫我熄機再開...
返到屋企~
好鬼肚餓~
煮o左兩個出前一丁公仔麵~
哈哈~竟然食得哂~
覺得自己好勁呀~
另外~ 我仲自己洗埋碗~
洗埋媽咪未洗o既碗~
係咪好乖呢~~ ^-^
食飽就想訓~
訓到四點幾起身~
無無聊聊~做下facial咁...
到五點幾六點就出門口去長沙灣...
六點七八左右~
程程就黎到地鐵站~
我o地之後去o左鑽石山~
本來諗住睇綁架門口狗o既...
但係...一係就半個鐘頭後即刻睇~
一係就九點幾先睇~~
結果~都係冇睇到~~-_-"
食o左杯特大o既tcby軟雪糕~
好耐冇食過啦~
哈哈~~
食到上腦~
連個腦都凍埋~~
見到有pizza hut~
咪拎飛等叫位囉~
一邊食雪糕~一邊等~
因為之前經過間舖頭~
有麥嘜d筷子買~
程程又好似覺得幾得意咁~
咁先前呢~佢對筷子比d飯o既熱力整到變o左形~
求其用住其他筷子頂住...
所以~我就扮去廁所~ 走o左去買比佢啦~
不過~ 我買對筷子比佢o個陣~
我見到有炒栗子隻公仔買...
好得意呢...
我返番去送比佢~
佢都有少許開心o既~~~
但係呢...似乎最開心o個個應該係我~
因為我同程程講~
我見到炒栗子公仔~
我o地冒住錯過pizza hut叫位o既危機~
以好快o既速度~ 跑去o個度~
本來...程程係諗住買個大少少o既比我o既~
不過~我都只係揀o左個最細...
用黎掛袋o個隻~
費事買咁大啦~
一陣又比爸爸話我買公仔啦... -_-
燒栗子好搞笑o架~
佢可以除o左個殼出黎~(我叫佢做頭套)~
好邪惡o既呢~~ ^-^
食完pizza hut~
飽到暈~
好豪咁...買o左300蚊代幣o係冒險樂園度玩~
玩o左d體力勞動o既game~
之後先玩d賺飛o既game~
玩到咁上下...
限定o左比自己玩o既代幣玩哂~
留番d分下幾次再玩過...
見時間都仲早~
又上返去行街...
o係giftland度~
見到我最心愛o既jacob貓~
其實見到佢o地...都唔係好特別o既~
問題係...佢唔同平時咁...
d貓鬚~宜家變o左做橡根鬚呀~~
好得意~好可愛呢~~~
本來...想買多隻肥仔o既~
等佢有個孖生細佬~
不過~~如果相同o既話...
就會比daddy mummy睇得出我又買多隻新...
同埋...宜家都係儲齊每款一隻為重先~
因為聽d sales 講~ jacob貓就黎唔再出~
會由另一隻貓代替~
所以~要盡快先得啦~~
上次呢~細細買o左返黎~
都冇人發現~
隻隻都一樣樣~只要唔係同色同款...
媽媽就睇唔出o架啦~~哈哈~
今次呢隻...幫佢改o左個名~
叫做橡根仔~
佢個樣同細細一樣~ 都係咁乖~
肥仔實會好妒忌佢o者~~
咁買o左橡根仔...拎住個袋...
費事咁早返到去啦~
咁搭地鐵去到金鐘~
出o左地鐵...
當佢未關門o個時~
我o係度諗...時間仲早~
不如搭去中環...行返屋企咪仲好~
於是~我轉身就走入地鐵...
點知...我冇mind the door gap~
我比個門縫"click"親~
成個趴o左o係度~~ 好似"趴趴"咁...
(我仲要係著o左裙o架~)
好"囉"呢~~~
好彩架車冇咩人咋~
而程程佢行得慢過我~
又冇比門夾親...咩事都冇~~
佢仲笑我"囉"tim呀~~-_-"
好唔開心呀~~
我已經仆到瘀o左o架啦~~
嗚...冇陰功呀....
返到屋企~
橡根仔...(我成日叫錯佢做"鬚根仔"~好似順口d咁~)
就撲o左o係細隻姐姐度~
懶係friend咁...
我沖好涼...睇o左陣書~
打比程程啦...
佢就話沖涼啦喎~
沖完打比我~
點知...過o左成八個字~
我見佢咁耐仲未打比我~
於是我又打比佢啦~
佢原來玩緊佢部電話o既接龍~
玩到忘哂形~
比我鬧...
佢先話...即刻去沖...
唉~~真係比佢激到半死~~
我數過儲埋有幾多冒險樂園o既飛啦~
有3357張~
話多唔多~話少又唔算係好少o既~
不過我同程程又冇話特別想換d咩野~
儲到多d先再算啦~
哈哈~