昨晚比較早訓...點幾兩點就訓o左~ 今日訓到成十點幾先起身~ 之後都係繼續print野~ print到兩點幾... 就去灣仔開茶會... 因為我唔識去... 所以特登早d出門口去搵... 咁去之前~ 諗住去撳錢... 我身上一張紙幣都冇丫嘛... 後尾先發現...我昨日買野比eps o個時~ 收返埋張card...放o左o係背囊度... 就係咁...又走返上屋企拎card~ 見時間唔係好夠~ 於是冇撳錢就上o左van仔~ 心諗...去開茶會...應該唔洗洗錢o既... 落o左車~一行...就搵到... 真係易搵啦... 三點鐘就去到~ 離開茶會o既時間仲有半個鐘... o個度有點心西餅招待~ 但係我就冇食到... 完全唔吸引我... 我只係拎o左住檸茶黎飲... 自己坐埋一角... 等到三點半... 原來...我o地o個團得十三個人~ d人老唔老~? 都唔可以叫老o既~ 不過...世界真係細... 我認得一個男人... o個個男人...係我以前舊公司個客個老公~... 佢個老婆成日拎d dv帶黎做vcd... 我都幫佢d vcd做o左唔少封面同碟面設計~ 雖然呢個男人只係o係鏡頭上面出現過幾次.... 但我諗我冇估錯...真係係佢黎~ 今日唔見佢老婆同個女... 我估...到時佢老婆同個女都會去... 如果唔係...邊夠13個人... 開完茶會~四點左右~ o係o個度買o左張電話card~ 後來發現...可能都係用唔到... 到時先再算啦... 跟住...我搭叮叮去搵程程~ 佢今日冇咩野做... 咁我o地就去o左食個下午茶啦... 食完...佢就送我去扶手電梯~ 佢就搵中環地鐵站lu~~ 天氣~...好熱... 成個人都濕哂... 聽講~日本天氣涼過香港~ 真係好啦... 丫...去旅行o個日... 要勁早起身~ 六點八要o係機場集合... 我諗我要三點幾起身~~v_v 真係"囉"命~~~ 返到屋企...都係print野... 夜晚食完飯...就紀錄低總共有幾多張cardboard~ 原來都係得42張o者... 從新mark低過d項目說明點寫... 諗清楚有冇寫錯到... 宜家~間房亂到死~ 太多紙啦... 有d要...又d又唔知要唔要... 真係麻煩啦... 終於~都唔洗挨夜lu~... 太好啦...^_^ |
對於我黎講~ 我都好似好耐未試過由天黑... 做野做到天光~ 唉...昨晚冇訓覺... 等到八點...都仲未print哂d野~ 算...唯有唔交o個d野比阿sir睇啦... 等正式交比學校o個時先交埋啦~ 咁我成八點五先o係銅鑼灣落車~ 阿sir話o左8:30 o架嘛~ 我怕遲到...於是係咁跑呀跑... 手上又拎住5塊cardboard~ 一個a3 file~ 背面又咩住個背囊... 完全有d想死o既感覺~ 點知返到去... 未有人返... 激到我死~ 知道我唔知跑得咁辛苦啦... 我o地係第一組睇~ 阿sir真係玩野~ 差唔多大部分o既野都要改~ 佢條友仔...d layout之前已經比佢睇過幾次~ 佢都冇問題~ 又冇話我o地有d咩唔好... 點知今日比分~ 佢就話呢樣唔好~o個樣唔好~ 即係明玩野o者~ 印哂先黎講~ 真係好鬼嬲... 睇完哂...可以走得~ 一齊上o左黎屋企做野~ d ink jet紙用哂~ 估唔到...呢個咁o既project~ 可以print咁多紙... 哂錢~哂時間... 唉...不過點講都冇用~ 咪又係要死死氣改o左再print~ 只係冇得訓咁解咋嘛~~v_v 做到差唔多五點先走~ 裱好o左一半有多o既cardboard~ 真係快手啦... 可能係早上黎做野~ d時間見洗d o掛~ 下午~個個都好餓... 又係叫pizza hut食~ 哈哈~已經連食兩日lu~ 今日呢...阿sir睇完作品集... 我o既心情唔多好... 因為知道要重新print過d野~ 於是~當阿朱另外再有野想改o既時候~ 我發o左佢脾氣~ 真係唔好意思啦... 做完野~ 一齊出門口~ 我就落去灣仔買ink~紙同埋換qoo cushion~ 返到屋企...見好耐冇check mail~ 就去check下啦... 見到qoo 個網send o左d coupon黎~ 只要印o左d coupon出黎~ 就可以當係三個qoo fun~ 仲係數量不限tim~ 唉~~點解我唔早d check丫... 早d check o既話... 我就唔洗飲得咁辛苦啦... 仲有呀...好彩我放學o個陣冇去換咋~ 因為我以為我昨日裝住d 蓋個袋齊哂12個qoo fun~ 今朝就咁就放o左落個背囊度~ 後來返到屋企睇下... 先知有八個放o左o係昨日用個手袋度! 而唔係o係個背囊度... 如果去到先知就真係"囉"囉... 唉...唔講啦... 都係要改野~ 改完又要print~ bb~~ 不過...今晚點都要訓餐好o既~~~~ |
今朝一早起身做野~ 程程買o左pizza hut上黎食~ 食完...開始一邊等部機print野~ 一邊裱cardboard~ 做到成五點幾鐘... 先慢慢搭船船去紅磡... 再搭巴士去程程屋企附近食飯~ 今日~程程媽咪o係台灣返o左黎~ 咁冇煮飯...咪出街街食囉~ 食飯o個陣~ 佢老豆好搞笑咁... 無啦啦話...仔都就黎有~都做得人o地daddy... 又話...唔識游水...第時點教d仔女... 哈哈~聽到o個時~ 真係勁想笑... 可惜又要忍住喎... 食完飯...又返o左屋企lu~ 程程差d o係酒樓跌o左個電話~ 仲差d又跌埋個銀包... 唉~真大頭蝦... 為o左要換qoo cushion~ 儲夠fun~ 於是今日又買o左4枝細o既蘋果味黎飲~ 哈哈~~ 夠啦夠啦...終於都夠12個lu~ 等我聽日去換先~ |
今朝返學... 有d想死o既感覺~ 因為...實在太累... 最後...程程七點一左右叫我~ 我成七點四先起身~ 正式黎講~ 今日係最後一日返學o既日子~ 一個咁重要o既日子~ 又點比到藉口叫自己唔返丫~ 上第一堂...都係無無聊聊~ 上第二堂...以為臨尾比d正野我o地玩~ 因為呢...下面個board明明寫住304... 呢間房~係電腦房黎o既~ 仲要係全部o既imac機~ 正到爆~ 隻mouse簡直係我夢寐以求o既tim啦... 後來先知道~ 原來係寫錯o左班房... 大家都好失望咁轉返岩個班房... fashion~又係畫埋d邪惡野~v_v 總算...過o左關... 唉...好險呢... 今日阿朱冇返... 我o地放學...食完麵~ 走o左去圖書館搵圖~ 不過都係空手而回~ 之後~emily apple 咖哩一齊搭車黎我屋企做野~ 唉...唔裱由自可~ 一裱...就發現好多問題... 激到死~ 又要print過d野~ 我無可否認~ 算係一個做事追求完美o既人~ 所以~我會執得好緊... 裱都要裱得最好... 阿朱話兩點左右做完d野先過黎~ 點知話過話過... 成五點左右先黎到~ 交帶o左做d咩~ 改返少少野~ 六點左右就走lu~ 而我到六點九左右亦都出門口~ 部機照開住... 由得佢print野~ 七點三四左右~ o係旺角mtr station等程程放工~ 跟住就走o左去睇cam~ 終於...都買o左部jvc~ 有好多功能~有得影相拍片之餘~ 仲有好多拍攝效果玩~ 正呀... 咁先頭係諗住買部舊少少款o既~ 個sales就提議我o地買部最部岩岩出o既型號~ 因為價錢都只不過係差少少~ 真係好啦... 另外買o左個uv鏡...3盒帶~ 送o左成200張哂相o既禮券比我o地~ so happy呢~ 買完...去o左食打冷~ 三食送加兩個白飯... 咁又百幾蚊lu~ 近來...都真係好慳.. . 都冇咩點洗錢... 下午~永安打電話黎話比我o地聽幾日開茶會~ 下星期二...真係好啦... 食完飯飯~ 就返屋企lu~ 第一時間~緊係拎盒dc出黎玩啦...^_^ 錄o左d好搞笑o既片段呢... |
昨晚又係做到三點幾... 但等就等到五點幾... print唔哂... 所以先去訓... 真係頂唔順啦... 呢排真係冇餐好覺訓... 眼入面佈滿哂d紅根...v_v 阿朱今日冇啦啦話整catalogue... 跟住又叫改燭台廣告枝蠟燭... 不過呢d都唔邪惡~ 最邪惡o既係... 佢問我print好阿sir話要改d poster未~ 如果未o既話... 就改埋枝蠟燭~ 我一聽到...即刻想滴汗... o個枝蠟燭都改o既話... 咁仲成世界o既... 今朝~程程一早黎...買埋早餐比我食~ 跟住我一齊做功課~ 一邊睇"o歷咕o歷咕"~vcd~ 做到三點幾... 發現唔多夠ink~ 於是~又落o左去灣仔買... 買完....行o左一陣~ 又走o左去睇digital video camera~ 程程諗住佢冇得去旅行~ 買部機比我~ 等我去日本o個時... 可以影d野返黎比佢睇~ 唉~~但係宜家連簽證都未知簽唔簽到... 我就唔建議買住囉... 始終...哂錢丫嘛... 我o地又唔係有錢人... 夜晚...返屋企食飯~ 食完...睇埋志在必得... 程程就走lu~ 我就繼續做我o既功課啦.... |
幾日都冇返學.. 今日終於都返lu~ 昨晚三點幾先訓... 印好差唔多全部o既a3 printout~ 入埋落a3 folder度... 昨晚...因為程程睇波o既事~ 搞到又鬧交... 佢打o左十四次電話比我~ 但係...我後來訓落o左... 所以都冇理到佢... 今朝問返佢... 佢咪又係睇o左... 先頭又扮哂聽我講...話唔聽喎~ 扮野啦... 今日上堂...阿sir用o左好多時間... 傾b組... 因為阿sir認為佢o地拎獎o既機會好大丫嘛~ 咁咪好有心機同佢o地傾囉... 而其他組...都係好快咁睇o左一睇... 我o地d poster... 阿sir之前睇o左好多次~ 都冇話我o地冇落裝址呢回事~ 到我print哂12張a3出黎~ 佢先話...落返網址好d~ 唉~又唔早d講... 搞到我又要print過哂... 唉...又要挨眼訓print過... 最慘係~print野o個陣~ 部機係做唔到其他野...v_v 放o左學...返屋企執返哂阿sir講話要改o既野~ 另外~仲較返大d size黎print野~ 費事d野咁細張啦... 將d野較到最盡print出黎o既a3 size... 之後~都係等部機print~ 經我今日咁執一執... 發現...可以執多幾張cardboard出黎~ 真係好啦... 今日阿sir問我o地每組預計可以出到幾張cardboard~ 咁緊係吹住水...話35張先啦... 因為幾組都係講35張嘛~ 冇理由我o地岩岩大約夠30張... 同阿sir講得30張o架~ 實比佢話都似~~v_v 其實~宜家o既心情真係輕鬆o左好多~ 知道夠30張... 起碼有得交... 安心幾多呀~~ 之後o既野...做得到就做... 做唔到都唔係罪過o既~ 有d組...有四十幾張~ 有d五十幾張~ 嘩...都傻o既... 洗唔洗咁多呀.... 昨日~順便買o左本新o既心靈雞湯睇~ 哈哈~都好耐冇買新書lu~ 湊住等print野... 睇下都好...唔洗浪費o左d時間~ 程程昨日開始放三日假... 平時差唔多佢放親假...都會見~ 但係...我要做功課... 所以...今日都冇見.... v_v |
昨晚成差唔多四點先訓... 好累呢... 當然~今朝係冇返到學啦... 先頭諗住九點左右起身~ 之後去買野~ 結果~我十點半先起到身~ 拿拿臨落去灣仔買野... 點知十二點左右~ apple就打黎問我o係邊... 當時我仲o係灣仔... 咁我又問返佢o係邊啦... 佢話o係中環... 咁我就叫佢慢慢先上黎啦... 十二點半左右~ 我就返到屋企~ 打電話比apple話比佢聽我返到去~ 點知...原來佢第一次打黎o個時~ 已經黎到我屋企~ 不過上到黎禁鐘冇人應門~ 先打電話比我~ 阿朱同emily成兩點先黎到~ 阿朱又好邪惡地... 又有新鮮o既發生~ 上次唔記得帶野黎~ 今次...記得帶~ 但係o係我屋企樓下7仔買野食o個陣~ 留低o左個袋... 袋有面有我兩盒marker,本書同埋隻碟~ 最重要...係隻碟... 其他野唔見o左都唔係問題~ 唔見o左隻碟真係死都似~ 好彩...佢黎到冇耐我就問佢d野有冇帶黎咋~ 如果唔係~個袋比人拎o左~就死火lu~ 佢拿拿臨同emily一齊落去搵袋... 當然~搵得番啦... 唉~~~真係一額汗~ 做到成六點幾先走~ 程程六點幾黎到... 佢呀...又訓過龍... 搭o左去上環咁滯... 又比我話佢~ 夜晚~食完飯... 都係做功課~ 排返個menu出黎~ 一早有預感係print唔到出黎~ 點知真係比我估中~ 唉...又要用d好麻煩o既方法先搞得佢掂~~v_v 數數下~原來都夠30張~ 唉~真係好彩啦... 幾驚唔夠呀... 宜家...總之放下心頭大石... 雖然...宜家就黎十二點... 都仲未print哂d野出黎~ 但我有信心~ 一定會搞得掂...最少30張出黎o既~~ |
昨晚太累~頂唔順... 所以點幾就訓o左lu~ 我開住icq~等阿朱可以send file黎~ 今朝起身~ 果然收到阿朱d file~... 真係好啦... 改o左個menu...好o左好多~ d線冇咁亂... 今朝~一早起身~ 跟住落去永安度搞去旅行d野~ 好邪惡地...簽證要寫學校中英文地址同埋校名... 張學生証都廢o既~ 得英文學校名~又冇中文學校名~ 只係得個電話... 諗o左好耐...點知可以得到學校個地址呢~ 中文或者都易d~但英文...真係r哂頭~ 結果~博一博...打o左返學校~ 似係主任把聲... 我扮哂想黎大一報名讀設計咁... 但唔識黎...所以想要個地址... 問完中文之後~我問佢可唔可以比埋英文... 於是佢就串比我聽啦... 哈哈~我諗佢收o左線... 都會奇怪點解會問埋英文地址囉... 搞掂好哂手續~ 我就諗住搭電梯返屋企啦... 點知...因為仲好早~所以都係落...冇得上... 咁我行o左一兩段...已經覺得好熱... 就行o左落去搭巴士返屋企啦... 哈哈~ 唉...不過發生o左件不幸o既事~ 就係...我跌o左大口仔散銀包上面個大口仔扣~ 佢跌o左o係街...實好唔開心...好徬徨o者~v_v 返到屋企~都係繼續做野... 個人精神唔係幾好... 所以都好似唔係咁清醒咁... 今晚部print超邪惡~ d file仲邪惡~ 幾張幾mb o既圖放埋一齊... 加o左陰影~再轉o左d角度~ 即刻print唔到... 個file一下子仲變o左90mb~ 唉... print o左幾張a3~ 都搞佢唔掂~ 最後比我諗到一個方法... 總算係print到... 唉... 其實每當我多野做o個時~ 我都會冇咩心情~ 最好唔好同我講野tim~ 因為我會覺得好煩... 咁今晚媽咪同我講~ 話我幫學校搞展覽d野~ 問我幾時搵工... 話~~"你仲洗搵工o既~?!返舖頭你一定唔會咁積極啦~!" 佢咁講~ 我真係好嬲... 我覺得佢超級市儈~ 養多我兩個月~洗死咩~ 我夠知我要搵野做啦... 我仲不知幾想搵tim啦~ 下下問你o地拎錢~ 受你o地氣~ 你估我好想呀~ 我突然間...唔想去旅行~... 要日日夜夜對住佢幾日... 我真係怕我會頂唔順呢...... |
今朝起身~ 就開始做野... apple 咖哩阿朱emily黎o左我屋企做野~ 點知阿朱唔記得帶碟... 搞到佢兩點幾返屋企拎... 再返黎我度... 好忙好忙... 要努力加油~~ 我一定要把握d時間~ 做到最好... |
我實在係一個既野蠻又極端o既人... 我會傷害自己黎傷害其他人... 手上meet到又紅又痛... 咬舌我都做埋... 哈~有咩...我係做唔出丫... 今日都幾開心... 總之就好lucky啦... 而程程更打破厄運~ 終於都掂啦... 夜晚~ 返o左屋企食飯... 跟住睇金像獎... 周星馳終於都拎到最佳男主角~ yeah~~ 今朝一早去到程程屋企~ 佢d態度令我受唔住... 於是我就袋都冇拎...就咁走o左去... 佢追o左落黎... 我叫佢拎返個袋比我~ 拎o左好耐先落返黎~ 之後我就自己行o左去黃埔... 細隻囡囡整親我隻牙~ 所以比我放逐o左~ 佢唔再得寵... 佢要跟o左程程返屋企lu~~... |
昨晚...我做到四點鐘先訓... 係我近年黎最夜訓o既一晚... 好累呢... 今朝媽媽知我唔返第一堂... 已經冇叫我起身~ 佢以為我會返第二堂... 所以佢九點左右叫o左我一次~ 但係...我決定唔返... 咁就冇起到身啦... 橫掂第二堂都係上fashion咋嘛~~ 點知...apple放學打黎~ 話fashion冇上到~ 轉o左上廖sir作品集... 唉...講o左好多野~ 錯過哂tim~~v_v 真係邪~ 都好耐冇試過走堂... 一係唔走~ 一走就miss o左d咁重要o既野~ 點幾鐘... apple 咖哩同阿朱上o左黎~ emily因為冇返學... 佢話兩點幾自己上黎~ 跟住我就打電話比佢~ 叫佢唔洗佢黎...因為今日都冇咩特別野做~ 叫佢星期一先黎... 基本上~今日都係開下會~ 講下做d乜... 進度開始有d理想... 但係買紙o個一方面~ 就較為頭痛~v_v 因為呢...我o地太早show d紙出黎~ 搞到有d比人抄襲o既成份... 唉~ 所以~想買d特別少少o既紙~ 又好可惜... d紙冇a3 size~ 所以就死o左o係度~~v_v 四點幾... 我o地一齊出去~ 約o左程程o係灣仔等... 叫佢四點半要出現~ 但我就成四點三仲o係屋企~~ 唉~~~今次衰o左tim~~ o係灣仔行o左陣... 諗住o係298買唔到紙~ 走去藝林睇啦... 又冇開喎~...v_v 去競成睇~ 又冇咩特別紙買...v_v 最終~都係放棄o左... 今日決定o左去日本~ 應該係六號出發~ 十號返黎~ so happy呢... 諗住買對新鞋仔去旅行~ 不過買唔到... 聽日先再睇過~~~ |
昨晚由十二點幾開始... 一邊print野~一邊訓覺... print到三點幾... 終於頂唔順... 熄機留返今朝再print~ 今朝...九點幾醒o左... 開電腦print野... 因為print緊野...部機就唔可能做其他野~ 咁我又邊print邊訓啦... 到點幾鐘... 程程買埋lunch上黎比我食... 食完...先至print哂十二張poster... 唉...真係艱苦lu... 今日呢...程程好辛苦先有得放半日... 因為我媽媽一早講o左今晚去食齋... 如果佢唔收早o既話... 要好趕好趕咁過黎先唔會遲到... 所以...今日有得放半日... 真係輕鬆好多~ 到五點左右~ 我o地就落o左灣仔~ 因為要買ink丫嘛~ 買完~就搭返van仔去中環... 行o左一陣再返舖頭~ 等齊人先去食齋o個度... 對於程程黎講~ 今日算係一個考驗~ 見咁多人喎~ 好彩...都順利過關... 今晚d齋都幾好食~ 好多尾食送都加o左我最鐘意食o既芒果落去~ 尤其係o個尾...芋頭魚... 中間夾住條芒果肉... 食落去都冇咁滯 食完...九點幾... 同程程行返屋企先~ 佢o地就傾多一陣先走... 今晚...要開夜車... 聽日都唔諗住返學lu~ 哈哈~ |
真係好忙... 唔得閒打咁多日記... 唉... 黎呢度睇o既人... 唔好意思~ 要你o地失望tim~ 我會好快完成畢業作品集~ 到時就會恢復運作o架啦...^_^ |
d三t~ 真係冇中到... 哈哈~ 聽講有九注中o左... 如果中o左~ 真係唔洗做都得lu~ 昨晚做野做到兩點幾三點... 臨訓前~ 執過下間房~ 話哂放學d同學黎做野~ 費事咁亂啦... 上堂...傾o左一陣~ 阿sir講就簡單~ 但係佢就冇諗過我o地o係背後要做幾多野呢... 家下都18號啦... 下星期四就交... 真係死人都唔掂... 不過...當然會盡人事啦... 放o左學... 一齊上黎屋企cut 膠片d野~ 一邊print裝飾d野~ 做到咁上下~ 咖哩落o左去中環買野食上黎~ 食完...再做多一陣~ 等print埋d野~ 開o左一陣會~ 五點左右~就走lu~ 我部機宜家好有問題~ 唔夠ram~ 唔知點好... 今日confirm o左d poster ok~ 我就燒o左d psd file同tiff file落碟... 費事哂我電腦d空間~ 麥記出o左三款新雪糕~ 睇到報紙~ 好似幾好味咁... 搵日要去試下先~ 程程今日收到紅色炸彈~ 真開心~ o係宜家經濟咁差o既環境下... 仲搞d咁o既野... 真係去又死~唔去又死~ 唉~~~橫掂都係比差唔多錢~ 咁緊係去埋啦~ 哈哈~ 都係要做野~ 唔講啦...... |
昨晚阿亮終於都add返我~ 條友都唔知幾耐冇搵我啦... v_v 冇o左我電話number... 我寄張card比佢~ 佢又因為間屋亂得滯唔見埋~ 真係比佢激死~ 今朝起身~ 肥仔做o左空中飛貓... 又有夢遊症~? 哈哈~咁邪~?! 放學走o左去買三t~ 有成二億喎~ 不過買完兩張電腦飛出黎~ 咖哩拎張報紙黎睇下~ 之後就話...d飛可以掉得... 最邪o既係~ 兩張電腦飛o既第二場... 都係一模一樣o既number~ 心知中o既機會都好低下... 當係做善事啦... 之但係...如果爆冷就好囉~ 嘻嘻~ 我今日都好忙下~ 所以日記都較為打得短~ 過多十幾日~ 我就重新~ 少少苦楚~我諗我挨得到o既~ |
我又發o左個好奇怪o既夢... 我發夢中馬仔...中o左96000蚊~ 真係邪惡... 不過唔記得o左係買咩number~ 程程叫我即刻訓返發o個個夢o既姿態~ 可能會發得返... 哈哈~都傻o既... 今朝比我預期中晏o左起身~ 但同時~我嘈醒o左兩個人~ 就係apple同阿朱... 真係唔好意思啦... 但鬼叫我擔心d野出錯咩~ 費事一陣佢o地做o左~ 到時改仲麻煩啦... 我又再一次列出我o地o既項目表... 好可惜...真係差好多樣野... 唔知可以點... 好努力咁噴過d樽... 有d都仲係未成功... 媽咪今日拎o左去旅行o個d資料返黎~ 有韓國同美加... 睇過下...都好似唔係好岩咁... 因為差唔多個個團都要玩水上活動~ 鬼岩我媽咪玩咩... 我媽咪就話...不如去日本~ 但係佢又冇拎到d資料返黎~ 比佢激死~又要行多次~ 哈哈~我去邊冇所謂呀... 又唔洗我錢o既~ 去日本我仲開心~ 可以狂買qoo野~ so happy呢~~ ^-^ 程程今晚要上堂... 要成十點先收工~ 真係慘啦... 星期五~daddy book o左一圍齋... 間舖頭係佢個friend開o既~ 好多人book期食o架~ 因為o個度本身係買茶...教人茶道o既~ 一星期只有兩日招呼朋友食齋... 聽講d齋好好味o架~ 咁daddy mummy就叫埋d朋友~ 同埋三舅父佢o地同埋阿姨去... 哈哈~當然...程程亦被邀出席~ 到時...實有排驚... 話o左又係長輩嘛~ 就連我...都唔係好知... 應該叫程程叫我d阿姨三舅父叫咩好... 真係頭痛... 今日kenny打過黎~ 有job比我做~ 唉~我勁想做呀... 難得有人搵我做野喎~~ 不過...都係好唔好意思咁推o左~ 因為真係死都冇時間... 睇黎~佢真係搵唔到人幫手... 搞到我唔多安樂... 已經咁少叫我做野~ 一叫...就推... 希望佢會體諒我做緊畢業作~ 過o左之後~會繼續比job我做啦... 另外~阿哥都幫我搵到freelance做~ 不過呢個可以遲d~ 比過d樣版我睇~ 阿哥話...你唔會做得差過佢o掛~ 哈哈~咁當然啦... o個個人~真係做到好邪惡呢~~~ 聽日...星期三lu~ 又要返學... 仲有幾日時間做野~ 希望可以順利完成啦.... |
星期一...進入工作狀態~ 試下用其他紙黎print野~ 似乎個效果都ok~ 等星期三返去... 比大家睇下... 到時先決定用唔用呢種紙~... 買買下... 都買o左好多錢紙啦... 先頭買o左兩疊film~ 宜家又好似唔多襯我o地~ 我估...都未必會用...v_v 另外買o左疊ink jet紙~ 呢個就一定會用... 一切進展都係依然緩慢~ 30張...依然係好有問題~... 不過我已經學識o左... 放鬆d~ 畢唔到業...我都冇計... 因為我真係比我預期之中... 做多o左好多野... 老套d講句~我真係o係個過程中~ 學多o左好多野... 細隻囡囡好慘... 比我發現到...佢頭後面有條線... 好怕佢會爛呀~~~v_v 我發現呢.... 佢o地真係隨住我心情... 個樣都會有所改變... 例如...以前肥仔好曳,...個樣都邪惡d~ 宜家佢從良~個樣又即刻乖o左咁... 真搞笑... 今日~程程買o左千嬅隻碟... 又買o左東touch~ 哈哈~今期係講qoo o架~ 我先頭諗住聽日o係中環等佢~ 佢拎比我o既~ 但諗諗下...咁早起身~ 都係唔好啦... 星期三先拎啦..... 星期一晚...係做ally mcbeal o既日子~ 我下午o個時都記我要錄o架~ 點知...最後都唔記得~ 記得o個時~ 已經係十點半... 都做o左一半~仲錄黎做咩丫~ 唉.... 聽日都係要繼續努力~ 大家用精神黎支持我啦...^_^ |
今朝晨咁早起身~ 點知...當我沖完涼... 出到黎睇下電話... 程程打過黎... 咁我就打返比佢啦... 原來...今日佢冇得做西貢... 所以...就冇得遊車河啦...v_v 真係激死... 本來...都諗住訓返o既... 最後...都係冇訓到~ 下午...比人鬧... 冇咩心情... 最衰都係程程~ 如果冇比我媽咪見到... 咁我就唔洗比人鬧啦... 話o左叫佢收埋... 佢又冇收... 唉...v_v 先頭佢話點幾就收工~ 講下講下... 話要成三點先收... 咁我兩點幾就出門口啦... 行緊落去地鐵站o個時打電話比佢~ 佢又話chris唔比佢走... 要佢一齊去食飯... 咁我就話...冇o架啦... 宜家我行緊去地鐵... 三點幾你唔出現...就唔好搵我... 但係...佢都仲係好唔想咁... 於是我就話...你聽chris話定聽我話丫... 就係咁... 我搭到地鐵去長沙灣o個陣~ 佢已經到o左... 去旺角o既途中...再行o左一個圈... 都仲係鬧緊交... 之後...先冇事~ 去o左食麵... 食完...仲想食野... 見到d新出o既街頭小食~ 係一d蟹柳包住粒魚旦o既物體~ 加埋d沙嗲醬... 好好味呢~~~ 而程程就食o左串勁辣魚旦... o個個人都提醒佢o架啦... 係勁辣o架啦... 一食落口...即時變樣... 好彩...買o左樽水... 我食o左一粒...都覺得好辣... ^0^ 飲哂枝水... 都仲係好辣... 於是就諗住去買野飲啦... 見到有間d野飲好抵... 椰子芒果唔知咩咩...都係五蚊杯... 乜宜家d野平o左咁多o既~~?? 行多陣旺角... 就返程程屋企lu~ 返到去冇幾耐... 佢daddy mummy先返... 佢o地買o左兩架模型車~ 諗住過幾日程程媽咪返台灣o個時帶返去比d小朋友... 咁我o地就砌一架~ 程程daddy就砌一架... 哈哈~我只係貼貼紙... 不過...貼o左上去仲肉酸... 唔貼仲靚啦~ 另外~有d好高難度o個d~ 我都冇貼... 留返比程程貼... 佢呀~~貼錯o左... 哈哈~真係"渣"~ 跟住睇佢唔到...將錯就錯... 貼到另一邊都錯埋... 砌完...等程程沖完涼~ 就睇vcd~兩篤笑... 又真係幾好笑喎~ 食完飯...睇多一陣~ 十點左右~先返屋企~ 今日好累...可能太早起身o掛... 要去訓覺啦... |
今朝返學... o係灣仔落車~ 去o左美心度買定個飽等第二堂食~ 之後就搭地鐵去天后... join埋阿yan阿wing andy同阿mon先行返學校~ 上第一堂... 又係無無聊聊~ 比d野阿sir睇~ 叫佢比d意見~ 我o地自己又開會傾下野咁... 好快就過o左一堂lu~ 轉堂o個陣~ 搵廖sir諗住比d野佢睇~ 點知...佢咪又係...係咁二睇下就算... 話星期三先再睇~ 車~ 上fashion~ 今次係畫一件包含o左chair元素o係入面o既衫~ 比較容易畫~ 畫完...仲有時間上埋顏色tim~ 放o左學... 諗住行去298join程程~ 嘻嘻~佢今日放假呢~ 但係...當我行到去sogo~ 覺得好熱...心諗...都係唔好行啦... 結果~~走o左去搭"叮叮"~ 一陣就到lu~ 不過衰程程又遲到... 又比我鬧... 買完紙~又買完ink~ 就走o左去隔離麥記食野就算lu~ 上堂o個陣~ 媽咪打黎~ 話叫我放學返舖頭看舖喎!~ 我當時費事答佢... 話程程放假...所以去街啦~ 咁我就答佢...我放學有野做... 跟住佢就話...你成日都有野做o架啦... 又話辭o左工~就返舖頭... 聽完...我把幾火... 買完野...死死氣...都係返o左去~ 同埋程程一齊返去看舖~ 怕佢悶~ 於是就買o左monday睇~ 返到去~ 我以為冇人睇舖...先叫我返去o者~ 原來我媽咪都o係度... 都唔知叫我返去做乜... 咁程程未睇過舖頭d野~ 所以咪周圍睇囉~ 睇到"富"麻雀~ 心血來潮~ 就叫埋媽媽一齊打三腳啦~ 真係好玩~~~ ^_^ 竹象牙麻將細細隻咁... 手感都幾好~~~~ 看舖看到五點幾... 同程程走o左去買紙~ 行o左一陣~買o左d有療效o既野就返屋企lu~ 阿哥問佢個friend借o左個剃頭o既機... 哈哈~今朝叫媽咪幫佢飛~ 宜家成個李澤桂咁... 幾鬼馬~~^_^ 夜晚~ 都係睇下電視咁... 十點左右~...程程就返屋企lu~ 聽日佢要返工丫嘛~ 媽咪o係阿姨度借o左好多vcd黎睇~ 睇完一套叫"沒有你沒有我"~ 之後我先打返電話比程程~ 聽日...程程話帶我去遊車河~ so happy呢~ 不過要晨咁早起身~ too bad~~~v_v |
昨夜又發埋d關於作品集o既夢... 唉~太緊張啦我~ 昨晚裝過部printer o既drive~ 因為之前係auto detect~ 所以...唔係本身部機o既drive~ o係epson個網度搵返個drive黎dl~ 裝完~print 野d色好似唔同o左咁... 就之前print o個張poster... 同今日print o既poster黎計... d色好似靚o左~ 但有一個好大o既問題~ 本身logo有一隻紅色~ 應該係較為暗o既紅色~ 宜家print出黎~ 好sharp~ 唔同哂之前o既效果咁... 唉... 真係有好有唔好...v_v 今日...畫o左個袋同花紙~ 又係做o左邀請卡個layout同試驗品~ 又執返好emily勾架車d線... 唉...佢d線勾到實在..... 完全係亂黎... 都冇色面可以fill到~ 因為佢d線全部都係斷開一節節咁... 執完一輪...做埋個車身~ print埋... 聽日帶返學校比阿sir睇~ 個咀唇好鬼乾... 搞到我又成日想"meet"走d皮... 最慘"meet"完又痛... 真係犯濺啦~ 丫~宜家夜晚七點幾無線做o個套野~ 首歌好搞笑... 唔知大家有冇聽過呢~? 另外...亞視播緊o既獅子山下... 都幾好睇~~ 雖然我冇坐低睇~ 又或者有時係聽電視... 但係...d經典野... 錯過o左...又唔知幾時有得睇返lu~ 睇返以前d人o既生活... 同埋宜家o既生活~ 嘩~真係差好遠呢... 套騎呢大狀...今晚大結局... 個結局...意料之中啦... 主角...邊有咁易死~ 哈哈~ 聽朝又要返早學... 真係慘啦... 要帶埋張插圖返去... 執埋d手尾...交比阿sir~ 了結o左一件心事~ |
好快...已經係十一號... 仲有十四日... 就要交哂d野比阿sir睇... 數數下... 最少交30張... 都成問題~ 唉............... 今日交裝飾設計比阿sir睇~ 立即ban o左~ 唔得~又要再做過lu~ v_v 放學返到屋企... 又開始做野... 改過d poster... 夜晚~又做下個燭台咁... 不過開始冇咩心機... 因為...實在太多野未做好啦... 上完昨日同今日o既作品集... 點都會比自己今晚早d休息... 聽日再搏殺過... 有時諗...係咪唔應該比咁大壓力自己呢... 冇壓力又係要做~ 有壓力又係要做... 如果有壓力...分分鐘仲會做得慢d tim~~~ |
昨晚...早o左少少訓... 十二點幾一點就訓o左... 為o左身體著想... 費事病得更嚴重~ 點都要比自己休息下... 今朝...媽咪叫完我起身~ 跟住到程程打黎叫我... 之後~就到我打電話比阿朱叫佢起身啦~ 其實...我都仲好眼訓... 唔係好願起身咁... 唉....... 返學...遲o左出門口~ 咁緊係去唔到食早餐啦... 於是~搭完van仔...直接行o左返學... 上堂...最尾係我o地傾~ 擺哂十二張poster同postcard o係檯... 好似好多野咁... 不過...都係好快咁傾完... 上堂...諗唔到裝飾點做... 於是~放o左學同埋阿朱emily坐底諗... 諗到點幾先走... 返到屋企附近~就買材料整裝飾d野~~ 做...其實唔係好耐... 可以話...好簡單~ 仲有少少行貨... 不過冇計...以有限o既時間去諗野~ 又係一個好大o既時間競爭問題~ 所以...行...都係要交... 阿恆今日問我...星期五得唔得閒... 去燒野食~ ^_^ (哈哈~ o個日係阿恆生日o既大日子~~) 我都好想去呀... 都好耐冇一大班人玩過啦... 但係...d進度實在太慢... 就算去玩...都玩得冇心機啦... 希望你o地玩得開心d 啦~ ^_^ 今日部printer唔知發咩神經~ print整都print唔到... 可能係個file大得滯o掛~ 等好耐都print唔到~ 於是就delete o左print野個指令啦... 又delete唔到喎~ 搞到一穫泡咁...v_v 激死我啦... 由於聽日點都要print兩張a3返去~ 連埋d裝飾設計show比阿sir睇~ 最終~我個bg...冇用到o係photoshop整o個張... 就咁o係corel draw 度拉o左個漸變就當係bg~ 可能個file細o左~ 所以...部print即刻print到~ 真係頂佢唔順... 如果到真係printout o個時~ 搞d咁o既野~ 我實死比佢睇都似~v_v 今日放o左學...傾完野~ 就去o左time square搞媽咪個朋友個女幫qoo d野~ 我媽咪話...佢朋友個女好鐘意qoo o架喎~ 所以...佢特登買o左d qoo返黎~ 比d qoo fun我~叫我去換... 我個心諗...人o地個女就咁主動去買qoo換野~ 我呢...叫先去買... 唉....哈哈~ 今晚~唔知我可以挨到幾點鐘先訓呢...? |
昨晚係相當難捱o既一晚... 唉...終於都病o左... 發燒發到好利害... 我半夜o個陣~ 直頭全身都出哂汗... 我都未試過發燒發得咁辛苦~ 個頭仲好鬼死痛tim... 今朝~好o左d~ 但係...應該都未退燒... 一直挨到下午五點左右先去睇醫生... 醫生幫我探熱... 竟然探唔出我有發燒... 個醫生都奇怪... 佢摸我額頭o個時~ 明明都feel到我有發燒o架嘛... 醫生照開o左d退燒頭痛藥比我食~ 返到屋企...食完... 咪又係咁... 唔係好覺好o左... 今朝起身~首先搞掂返張"紫羅蘭"o既顏色~ 印埋出黎~ 之後就改返d"序言"~ 再諗o左陣裝飾設計o既野~ 跟住...就開始做postcard啦... 臨去睇醫生前o既一個鐘... 比o左個break自己~ 睇返昨晚錄o既ally mcbeal~ 新一輯~ally個樣成熟o左~ 加入o左好多新o既人物~ 亦都因為太多~ 搞到好難消化~ 唔知邊個打邊個... 最衰都係冇睇上一集... miss o左一集... 就搞到混亂哂...v_v 人類以有限o既體力去做無限o既野... 無限o既野...咁幾時先會做完呢~? 聽日就要返學啦... 我諗...係最多野比阿sir睇o既一日... 希望唔洗改得太利害啦... 老豆又決定o左搬返去細舖... 將宜家呢度租比人... 是好事麼? |
今朝...十點幾起身~ 食完野~ 就開始做野~ 因為昨晚已經諗好o左做d咩野先~ 所以...都可以叫做順利~ 最麻煩o既...我諗都係save o個時等得耐~ 同埋print o個時耐o者... 今晚...都未print得哂出黎~ d file實在太大啦... 唉~ 黑色...已經冇哂墨... 又要換過新o既上去lu~.... 今日收到楠楠寄比我o既野~ so happy呢~ 送o左幾樣野比我~ 得意~得意~ ^-^ 下午...諗起要錄ally mcbeal~ 咩都假....拿拿臨拎o左盒帶出黎... 即刻set定機錄... 如果唔記得~我一定會好後悔呢... 對住o個十二張poster... d字o既排位... 都唔知點排先好睇~ 真係好煩呢... 另外~ check下阿sir o個程序表... 星期三要交多次序言...我又未改好... 星期四要交裝飾設計layout~ 又未諗... 我諗我唔提人... 其他人應該以為...我會搞掂... 就唔會理lu... 唉... 如果唔夠時間... 咁我可以點丫拿...? |
昨晚...的而且確...都訓得相當好... 十點幾起身~ 跟住沖涼...拿拿臨洗埋d冷氣機o既隔塵網~ 就搭車去灣仔買一隻game... 再去程程屋企~ 昨晚...我發o左個夢~ 夢入面...講我kill o左我老豆... 程程聽完我講之後~ 即刻搵o左張紙出黎~ 寫o左兩個字比我~ 就係"恐怖"呢個字啦~ 唉~ 我都唔明點解會發d咁奇怪o既夢... 另外~又發o左一個同古天樂有關o既夢... 呢一個仲離奇... 一晚發o左成兩個夢... 其實精神上...都好累下... 食完晏晝飯... 就去o左又一城睇"我老婆係大佬"~ 睇三點四...未夠鐘... 周圍行o左一陣~ 哈哈~臨入去睇戲之前~ 走o左去麥記買o左個餐拎入去食~ 哈哈~行入去...仲要遮遮掩掩咁... 怕比人發現丫嘛~ "我老婆係大佬"~...冇"我的野蠻女友"咁好笑... 不過d打鬥場面都幾勁... 其中有幾幕都好好笑... 尤其是係...叫人教佢懷孕o個度... 笑到死... 成套戲, 都有一個感動位o既~ 就係講羅友大死o個度... 睇完出黎...五點左右~ 去百佳買o左個西瓜... 七點幾...就返到程程屋企lu~ 一邊食晚飯~一邊睇"智在必得"~ 睇完...玩o左陣game~ 就返屋企lu~ 原來上個星期一~ 已經開始做新一輯~即第五輯o既ally mcbeal~ 好唔開心~ miss o左一集tim~...v_v 大隻囡囡隻手指...甩線... 好慘慘呢...>_<" 本來呢...諗住帶返佢返黎o既~ 不過程程唔捨得... 同埋, 費事帶o左大隻囡囡返黎~ 細隻囡囡呷醋啦... 返到屋企...坐低o左一陣~ 靜靜咁諗o左一陣野... 諗下d野點樣依咩次序做先好... 結果~我打好哂要用o既字... 等第時copy and paste就得... 希望...聽日做野順利啦... |
昨晚~我大約十二點幾就上床訓覺... 點知...訓唔著... 個腦猛咁諗畢業作d野~ 怕做唔切... 於是...又起返起開電腦做野... 咁夜...都冇再creat一d新o既野出黎~ 只係將之前畫o既野~ 用a3 size黎排下位... 一做...就做到三點幾lu~.... 今朝好累...平時我老豆起身~ 我都會知道... 不過今朝就完全意識唔到... 直到程程打電話比我~ 我先知醒... 而程程仲要遲o左兩個字先打黎~ 我平時係叫佢七點打黎叫我起身o架嘛~ 八點一落街... 好快就有van仔上o左車~ 搭到去銅鑼灣先落... 跟住行返學校... 通常見到有旗賣...我都好主動行埋去入錢~ 我今日如常咁做... 個阿婆講o左句... "小姐...你真係有心啦..." 嘻嘻~^_^ 上第一堂...插圖~ 不過冇人畫野... 我就將d野寫好... 分配o左d工作比大家做... 希望夾手夾腳... 一人做d...慢慢切掂佢... 第二堂...又係上fashion~ 都係姓尤o既警員教... 今堂講結構同解構主義~ 而堂課呢... 就係畫小黑裙...同埋一隻熊仔... 唉...上親佢堂... 都畫埋一d好令人苦惱o既野... 始終~都唔係讀fashion o既材料~ 就連人形比例都畫得唔岩~ 唉... 昨晚上網o個時~ 見到阿輝~叫佢睇下有冇easy cd creator隻碟... 過o左一陣~佢搵到...話聽日帶比我~ 點知...今朝返學.. 佢唔記得o左帶~激氣人呢... 放學...同埋apple咖哩去買紙~ 買埋隻easy cd creator... 仲有cdr~... 之後~講好o左今日去程程屋企~ 咁我咪諗住搭車囉~ 不過...人o地話要成兩點先收得工~ 但昨晚就明明同我講... 話點幾可以返到屋企tim啦... 跟住...佢話冇咁講過... o係度同我爭辯... 結果~嬲得滯... 我返o左屋企... 佢最後...仲要係收成兩點半... 死死氣...返屋企放低d野~ 換埋衫過黎我度... 佢去到中環... 我落去join佢買野... 買完就返屋企~ 我本身真係好累...好冇精神~ 又唔多舒服~ 所以佢講d乜...做錯o左d乜... 都比我勁話佢... 返到屋企...開住冷氣訓到成七點先起身~ 都訓o左兩個鐘左右o架~ 訓完...精神o左d啦~ ^-^ 落o左去食九記牛腩~ 嘩...都好耐冇去食過啦... 好味道呢... 食o左碗半... 即係叫o左三碗~ 一人食一半... 食完...去o左行街...同埋睇野... 又去打o左陣機... 夜晚...十點幾就返屋企lu~ 下午返屋企o個陣~ 裝好o左個cd creator... 搞o左好耐...燒壞o左一隻碟... 先成功燒出第一隻碟出黎~ 宜家...部電腦有成13gb~ 好利害呢~ ^-^ 今晚~點都要訓餐好o既先得... |
今朝...九點幾醒o左... 十點幾先起身~ 程程十一點左右先過到黎~ 佢仲話比佢媽咪炸型~ 因為要拜神...而佢又出街... 事實上...我覺得咁樣又真係唔係幾好o既~ 話哂拜長輩... 係我o地d輩應該做o既野... 不過...佢唔走都走o左... 唔係可以點... 食完早餐... 就開始裝部外置燒碟機... 部燒碟機係程程o既家姐o既~ 咁佢唔識用...放o左o係度好耐... 於是~我就借黎用啦... 但係...唔見o左隻drives碟... 於是...上網搵下睇下有冇得download啦... 最後...都係要搵阿哥幫手... 因為我對呢d野真係完全唔識... 搞完一輪~都唔係好掂... 咁阿哥就話今晚先幫我整啦... 下午兩點左右~ 我就同程程落o左去中環行街... 本來話唔食野o既~~ 點知...行行下... 食完呢間...又食另一間... 食到好飽呢... o係街度...見到程程個家姐... 不過佢見唔到我o地... 同緊個朋友傾緊計... 之後~我o地去o左永安旅行社~ (哈哈~程程家姐都係o係永安做o架~) 睇定...做完畢業作...去邊度旅行好... 睇到一個日本團~好似幾正咁... 同韓國比~都係差一千蚊左右~ 咁緊係去日本啦...(如果可以o既話...) 四點幾...返到屋企~ 我o地兩個...都因為屋企夜晚開冷氣訓... 搞到有傷風o既跡象~ 所以~兩個人都好累... 終於...訓o左陣覺... 唉~呢幾日... 我打完日記...UPLOAD整都upload唔到~ 唔知yahoo有咩問題~?! 冇理由係個ftp o既問題o架喎~v_v 後尾...用返佢本身yahoo個網黎upload~ 先upload到... 部printer終於都裝o左... 試下print張a3出黎~ 發現o左一個好大o既問題~ 就係...我o地大部分都係用黑地... 印o左出黎~d字好化... 後尾...我試下用a4 photo paper print~ 效果好o左好多~ 我諗...都係要用photo紙先得啦... 夜晚...一邊做野... 一邊行出行入~ 睇下電視...理下程程咁... 費事比人話我掛住做野唔理佢啦... 阿哥去完街返黎~ 幫我裝好o左燒碟機... 哈哈~真係好啦~ 宜家萬事俱備....只欠東風... 丫...昨日下午再搭van仔落銅鑼灣o個時~ 唔記得o左提一件事~ 就係呢...架van比人撞爛o左後面~ o個架車~仲走得好快tim~ 好出奇地...個van仔司機... 竟然冇爆粗...好好脾氣~ 好似冇咩野發生過咁... 好鬼平靜... 只係等客上車o個時~ 順便停低架車...落車去後面睇o左一睇~ 聽日呢...要去買photo紙~ 仲要買easy cd creator隻碟... 另外~仲要買d cdw返黎... d功課...聽日都係交唔到比阿sir 睇o架啦... 可以o既話... 我最多星期一拎返學校比阿sir睇... |
今日係兒童節... 心情都唔係好得去邊... 阿sir都話我o地少野睇... 唉...都冇咩人做野... 點會有多野比你睇丫... 放學...同阿朱兩個去o左中環買紙~ emily今日去o左買aaron d二手衫... 買o左成八千蚊... 佢係幫個加拿大fan買o既~ d人...真係唔知買黎做乜... 睇下會長命d o架咩... 買完紙... 我返o左屋企~ 做o左陣野~ 跟住...幫程程去銅鑼灣拎野... 於是~又搭van仔落返去銅鑼灣... 拎完~我又返番屋企... 沖埋涼~就繼續做野lu~ 收到公司寄黎強積金o個封信... 要好好keep住先得啦... 做到咁上下... 我就去搬阿哥部printer過黎~ 嘩...真係佔o左好多位呀... d mp3 file~ 終於都send哂比楠楠~ 宜家部電腦有將近十gb位~ 不過做完畢業作...我諗...都唔方剩得多位囉... photoshop有時真係好討厭~ 成日冇啦啦有error~ 我又未save d file~ 要格硬關閉o左佢... 激到我死~ 咁當然...今日做poster都發生o左幾次~ 如果唔係~我都冇咁嬲啦... 丫~係喎~ 今日o係學校買o左本校刊~ 買o左上一屆o個本... 睇完之後~覺得自己係幾多野未做好... 都唔知點死~ 好鬼大壓力呢... 阿sir話星期六最好印哂d poster.... 比佢睇~睇完再改喎... 唉~阿朱今日又唔記得o左帶隻碟返黎~ 佢改o左d色... 同之前佢燒o個隻碟o既file唔同~ 宜家都唔知點好... 星期六...睇怕都未必趕得起比阿sir lu~ v_v |
今日天氣好熱... 心情唔係幾好... 做畢業作做到好激氣... 有時...究竟大家係咪唔明... 做唔起一樣野~又會拖慢o左個進度囉... 咁懶懶行... 宜家都四月三號... 阿sir廿五號比分~ 即係話...最少一日出一至兩張正稿... 先至會做得起... 大事已經做唔黎~ 小事...又唔細心... 搞到又要check黎check去... 叫我點放心... 一個人兼顧咁多野... 其他人有冇好好咁反省... 問心...問下自己... o係30張cardboard入面... 真係做到出黎...見得人o既... 佔o左幾多張...? 我都唔想鬧...鬧...傷感情... 我沉默...係想大家意識到我o既不滿... 希望會自動自覺去做返一d野... 或者...以上我講o既野... 有d唔係咁好... 我想講聲sorry... 放o左學... 一路行....都冇咩出聲... 行o左一陣~心情先好返d... 因為我真係擔心個進度囉.... 自己走o左去銅鑼灣廣場上面買野~ 買o左d護膚品... 之後...去o左time square換qoo d野~ 當我排隊o個時... 冇啦啦...比前面個人踩o左一腳~ 痛到我死~ 換o左個印仔~印台~同埋一個幸運符~ 真係好啦~竟然仲有得換~ ^-^ 跟住...落o左去page one睇o左陣書... 見到書上面o既野~ 真係...慨嘆... 覺得自己做d野好唔掂呢... 臨走... 諗住睇下city super有冇新o既韓版膠樽o既味道~ 點知...乜都冇哂... 好彩昨日去o左咋... 如果唔係...就錯過哂啦... 返到屋企... 的起心肝...執空o左個檯面... 因為係時候騰出一個空間去放部a3 printer啦... 其實...都相當大o既工程~ 要o係阿哥o個邊搬過黎喎... 宜家執好o左~ 聽日先搬過黎... 咁橫掂都執開野~ 於是執埋電腦檯啦... 拉開張電腦台... 走去後面...執返好d電線... 竟然見到有幾條...插o左o係主機... 但係又接駁去其他地方o既線~ 又發現o左條電話線...係冇插...即係多o左出黎~ 真搞笑... 當我推返張電腦檯返入去o既時候... 個喇叭跌o左落黎... 仲整到塊牆d牆皮都甩埋... 受到嚴重o既重擊~ 連個喇叭...亦都撞甩o左少少外皮... 見到入面d木... 真係慘囉... v_v 執得整整齊齊~ 空間都好似大d咁... 程程衰到叫我影低相... 話....過幾日...可能又會亂返哂... 我又真係傻傻o地...走去影低佢... 哈哈~ 今晚...好忙咁整返張poster同埋d postcard... 部printer都唔多聽話... 等o左成廿幾分鐘先print到~ 又不時hang機... 真係麻煩~ 電腦宜家多返d位... 因為比我剷o左好多file~ 最主要...仲剷o左好多tmp file tim~ 另外~我send o左mp3個file比楠楠~ 叫佢幫我燒碟... 真係麻煩哂佢啦...^_^ 今晚就send o左一半... 其餘o個d就遲d send埋~ mp3個file~都有成差唔多700mb o架~ 如果洗哂~燒o左落碟... 真係慳返好多位o架~ 下午o個陣~ 舊公司o既同事~mavis打黎~ 問我屋企地址... 因為強積金有信寄o左去公司~ 要寄返比我~ 哈~估唔到我舊老闆真係有幫我買強積金~ 我真係跌哂眼鏡... 唉...好累呀~ 成日夜"麻麻"同部電腦搏鬥~ 真係好用神呢... |
今日係程程生日~ 廿二歲啦~ 大個仔... 要比d心機... 快d搞掂好哂d野~ 咁我o地咪可以開開心心咁生活囉~ ^-^ 我會o係你身邊支持你o架~ 知唔知~? 突然諗起~我有兩個星期都唔記得o左錄ally mcbeal~ 唉~好唔開心tim~ 咁都會唔記得o既~ 下午...o係度做o左好耐野... 差唔多做到我出街為止... 六點門出門口~ 行落去中環搭地鐵... 程程要成七點半先收工~ 所以我都以好慢o既速度搭地鐵~ 咁我諗住o係地利店買雜誌睇啦~ 點知咁邪惡~ 搵唔到地利店... 搞到我去到長沙灣先買... 買完...坐o左o係月台d椅子"度睇... 等到七點幾... 程程先黎到... 搭地鐵o個時~見到有個男人... 用個眉"kim"o既物體o係度"kim"d鬚根~ 我即時打o左個突~ 下~唔係o掛~ 咁恐怖... 之後...我o地去o左間好cheap o既酒樓食野... 咁都話到明cheap~ 咁點解會去呢~? 係因為...我費事咁哂錢.... 去d貴o既酒樓食片皮鴨... 咁我上網search下邊度有片皮鴨食啦... 見到幾抵食~ 於是咪去試下囉... 入到去...企o左好耐... 都冇人招呼我o地坐低... 唔係o個度多客... 而係...d伙計唔係路就真.... 睇o左一陣餐版... 見唔到有片皮鴨食~ 於是就問伙計啦... 佢話...冇啦... 幾個星期之前已經做完... 冇片皮鴨食o架啦... 下.... 我黎呢度食野~ 都係特登想食片皮鴨... 宜家冇得食... 好掃興呢... 即時有d好想走o既衝動... 不過...既然都坐低o左~ d伙計又o係咁o係側邊介紹d咩食送好食~ 於是...算啦...照食!~ 先頭叫三食送一湯... 後尾...個湯買哂... 得番三個食送... d食送黎到...比想像中好食... 食飽飽之後~ 就搭返地鐘去銅鑼灣唱k~ 以為皇室堡都有neway~ 去到...竟然冇喎... 又要行返去銅鑼灣廣場~ 咁宜家neway下面開o左間麥記~ 我見等緊位... 於是我自己落o左去買o左包大薯條黎食啦... 兩個人...比o左26號房我o地... 對於兩個人黎講~ 間房都算係好大o架啦... 起碼都可以容納十個人... 今晚d nuts...得花生咋... 冇青豆...v_v 好唔開"dum"呀~~~~ 唱到十二點左右~ 就走lu~ 臨尾...唱o左首"愛比我重要"~ 嘻嘻~ 我出街o個陣~ 特登冇offline~ 照on住line~等阿朱做完野~ 可以send file比我~ 阿朱十一點幾做完~ send完比我~見我冇反應~ 就打電話比我叫我睇... 哈哈~緊係冇反應啦... 都出o左街... 成十二點幾... 仲邊有巴士搭... 唯有去搭van仔啦... 上o左架亡命小巴... 好快...十二點半左右就返到屋企lu~ 程程送o左我入屋跟住就走lu~ 點知過o左一陣~ 電話響... 程程叫我開返門比佢... 因為佢漏o左封信未比我~ 呢一封信...有成12頁咁多o架~ 雖然...係好細張o既紙... 而且仲係我逼佢...佢先寫到出黎~ 但係...都算佢啦... 都叫做寫好... 抵鍚~o妹o妹~~^3^ 程程聽日放假~ 真係開心啦~ 有得休息~ 今日程程公司好多野做... 因為係假期後丫嘛~ 所以d野積埋哂一大堆... 做到程程頭都暈埋~~@_@ 我搞掂好自己~ 就繼續做埋d手尾... 唉...好累呢~~~ 夜"麻麻"~仲要做野~ 真係慘慘o既呢... 最後...都同程程講多句生日快樂... 呢一年係第二年同你渡過生日~ i love u~~~ ^-^ |
今朝起o左身~ 睇o左陣報紙~ 媽咪煮o左晏晝飯~ 咁我就慢慢o係度食啦... 而佢就拎落舖頭同老豆一齊食~ 之後~佢就去打麻雀lu~ 今日程程要返工~ 但係佢四點半就可以放工~ 於是~我o地就約o左o係銅鑼灣等啦... 首先~ 我自己去o左阿yam度先~ 因為做起o左d野~ 咁耐都唔拎落去~ 搞到好唔好意思咁... 加上前幾日經過佢舖頭~ 見到佢換o左d display~ 我諗...佢係等唔切...趕住換所致... 去到...好多人~ 多o左d人幫手... 我費事阻住佢... 咁我放低o左d野~ 傾o左幾句就走人lu~ 自己走o左去city super~ 買o左塊芝士蘇皮包食~ 岩岩熱辣辣...新鮮出爐o既呢~ ^-^ 不過我冇即刻食~ 諗住等埋程程食丫嘛~ 之後~o係city super兜o左個圈... 比我發現到...qoo o既新野~ 係d乜野~? 哈哈哈~就係韓國版o既qoo~ 有桃味同埋黑加倫子味~ 先頭呢~ 以為係比平時d膠樽細個d~ 點知返到屋企~ 擺埋o係d香港版o既qoo側邊... 原來...係一樣大細o架~ 呢一個...係錯覺o既問題~ 因為韓版o個個...個label係做o係上半"節"度... 而香港版就做o係下半"節"度~ 所以望落去~ 會以為香港版o個個大個d~^-^ 另外~ 仲發現到日本版o既罐裝~ 個罐係好似飛機o個d可樂咁細罐o架咋... 有桃味~白提子~橙同埋蘋果~ 橙味...剩低一罐... 都比我買埋... 真係好彩...真係慢一步都冇o左... 各樣都買o左一罐... 我諗...我暫時唔會捨得飲住囉... 黑加倫子味...試過之後~ 覺得甜o左d~ 桃味...當然係正啦~ ^-^ 儲qoo fun去換野... 聽日就開始有得換... 不過冇理由無啦啦特登落去銅鑼灣換o架~ 所以...我都係隨緣... 經過就換...換唔到... 都算啦... 程程個舊同學o係city super度做~ 我走o左去睇... 嘩...咁老o既個樣~~ 哈哈~相比起程程~ 程程實在太young啦... 今日...送o左塊玻璃比程程~ 玻璃上面~ 貼o左塊膠紙上去... 再挑o左d字~ 再做磨砂效果~ 上一年...我都整o左一塊比佢... 今年都唔例外~ 我話過每一年佢生日都要送比佢... 嘻嘻~ 不過今年冇上年咁靚... 因為冇買"腐食劑"~ 冇o左"粒特"o既效果~ -_-" 行o左陣...去o左食味千拉麵... 試下個"戀之麵"~ 哈哈~果然係唔錯... 咁另外叫o左d小食~ 個蟹柳卷... 估唔到...一粒飯都冇~ 用青瓜絲黎代替o左d飯~ 實在太難食啦~ 個金菇牛肉卷... 到我o地食哂d麵...先黎~ d效率有d慢呢... 唉~發生o左件事~ 就係...開始食麵o個時~ 我媽媽冇啦啦打電話比我~ 問我做咩咁耐都唔返屋企~ 原來...我媽媽唔知我唔返屋企食飯~ 已經煮埋我飯... 激到佢死~ 食完野...就返屋企lu~ 等23號o個陣~ 我全完明白到... 咩野係叫"世風日下"囉... 有個"o靚仔"~同埋3個女仔~ 佢o地頂多都係中二、三~ d行為...實在令人側目同埋咋舌~ 大聲講野不單只... 仲要係講埋d三級野... 跟住...個男仔又"拿"起件衫... 比其他兩個~(唔係佢條女o既女仔)睇...同埋摸... 之後~仲癲~ 個男仔冇啦啦攬實條女o係度玩濕吻... 一黎就咀... 簡直唔當其他人係人... 我諗...大部分等緊車o既人~ 都暗罵佢o地... 就連排o係我o地後面o既外籍人士~ 都投以奇異o既眼光望住佢o地... 唉~~~真係失禮哂我o地香港人... 八點左右返到屋企~ 到九點幾... 程程先走... 基本上...係想陪程程倒數生日o架~ 但係佢聽日又要返工~ 所以先叫佢早d返屋企... 今晚...心好煩... 咖哩...冇野好講... 實在搞亂哂d陣腳... 阿朱...冇啦啦又改哂形式黎做poster... 我又未見到佢做出黎o既效果~ 又令我再擔心多層... 跟住... 十點幾....我老豆返黎~ 冇啦啦... 又話我去街有時間~ 落舖頭冇時間... 我阿媽就話...人o地做畢業功課丫嘛~ (帶諷刺o既口吻"~) 即係唔信我o既o者~ 有好多時~ 我係做功課~唔係o係屋企玩~ 你o係舖頭做野o個d~就係叫做"做野"~ 我o係屋企做野o個d~就係叫做"玩"~ 根本對我一d都唔公平... 落舖頭?! 我唔鐘意呀~既然你都當我係o係屋企玩~ 咪當我真係o係屋企玩囉~我真係寧願玩都唔落黎舖頭呀~ 我多野做o個陣~ 佢o地都唔識得體諒... 以為我只係識玩~ 咁我辛苦做完野~ 去玩下...都唔係過份丫~ 你o地自己唔鐘意去街~唔鐘意玩~ 唔識得娛樂~ 唔代表我都唔識... 佢o地自己都曾經後生過... 有邊個後生o個時~唔鐘意玩丫~ 我就唔信佢o地後生o個時冇去玩呀!!! 夜晚~我湊程程返屋企o個段時間~ 拎o左本nokia說明書出黎~ 打message比程程~ 十二點o個陣~ 雖然我都同緊佢傾電話~ 但係都send o左個message比佢~ 比個驚喜佢... ^-^ 大家都累啦...要休息~ 聽日夜晚...程程放o左工~ 已經諗定去食d乜~ so happy呢~ |