唔記得講返一樣野~
就係...昨日去海洋公園o個陣~
咪有海獅睇o既~
宜家呢...有得比人買d魚...
入去餵海獅...
咁呢~ 程程就買o左魚魚比我...
入去餵啦~
嘩...d海獅好似好耐都冇食野咁...
係咁搶黎食...
哈哈~~佢o地好鬼搞笑呀~~ ^-^
仲有...玩完搭車返黎o個陣~
我lock死o左個電話~
但係都打o左999~
當時, 我都唔知~
係夜晚check返電話~
先見到"已撥電話 - 999"~
嘩...心諗...唔係o掛~
咁大穫...
拿拿臨check返d通話時間~
嘩...成分半鐘o架~~v_v
哎呀~~~點算...?
不過呢...今日都冇事發生~
我諗應該冇事o掛~~~~
今朝...晨咁早返學...
好眼訓...又好累...>_<"
上黃師父堂...好比心機咁畫野~
上物料堂...
做好哂份功課~比埋分~
就冇野做...
打下牙教...睇下雜誌就過o左lu~
其實呢堂係最後一堂物料堂~
阿sir真係好好人...
唔知第時仲有冇機會比佢教呢...
我隻腳實在太累...又痛痛o地~
今日apple教我搽安美露會好d o架喎~
所以放學返o左屋企~
我就搽...搽完之後...
果然係好d喎~~~
本來今日諗住落舖頭看舖...
最後都冇落到...
o係屋企訓o左陣覺先出街~
放學打比程程o個陣~
佢已經買o左飛睇瘦身男女~
而佢細佬打電話比佢~
話比佢知~ 剩返o個三條魚~
又死o左一條...
點知...到四點幾五點...
過到去佢屋企~
d魚...全部都死哂呀~~v_v
好唔開心呀~~
我諗...都係買d金魚養好過啦~
今日, 程程買o左一樣野比我~
呢樣野~~
係送比我返工o既~~
哈哈~
唔話你o地知係乜...^_^
等程程沖好涼~換好衫~
我o地就去鑽石山lu~~
行o左一陣~
就食蕉葉屋...
嘩...飽到死~
完全食唔哂d野~
連程程咁食得...都食唔哂...
埋o左單出黎~~
時間岩岩好...
入去睇戲...
真係好好笑...
而最正...
我覺得係黑川先生同佢個女朋友最尾變肥o個度~
哈哈~~
睇完~就返黎屋企lu~
十點幾就返到...
媽咪知我返黎~就走o左出黎~
(佢已經入o左房訓覺o個隻~)
叫我行埋去佢度講野~
唉...佢講o個d野~
令我覺得佢相當幼稚~
簡直係無聊...
我都咁大個啦~
有分數~~
唔洗佢提我都知點做啦......
聽日...程程要返工~
所以~我都係留o係屋企好好咁休息~
順便o係屋企食晚飯o個時浦下頭~
費事比人話我啦...
突然間...諗起學校平時派d分紙~
有d~我好似冇收好...
應該有d唔知去o左邊~
聽日...要搵返佢o地出黎先得~
今朝晨早起o左身~
教o左個電話七點八響~
再教埋鬧鐘八點響~
再叫埋程程七點十一叫我tim~
哈哈~
結果~ 我七點八就醒啦~
幾叻~ ^_^
正如我昨日所料...
我係花o左好多時間去整個頭...
沖好涼洗好頭...
"立"野整d mousse o係頭...
再噴定型水...
先吹頭...
吹完頭...再用髮夾黎夾直d頭髮~
唉...真大工程~ v_v
如果返工o個時係咁...
我諗...我又要再早d起身lu~~
九點半返工~
我諗...我八點好起身啦~~~>_<"
搞掂好哂所有野~
大約九點鐘度...
程程話佢塞車~
於是~我就落去金鐘~
費事佢上完黎接我又要再落返去啦~
點知...我等o左好耐車...
先上到車~
去到金鐘...程程已經o係度等緊我lu~~
今日個個都好準時~
九點半全部到齊...
我o地總共有九個人去~
我啦~ 程程啦~ apple啦~ gary,
阿wing~ 阿yan, 阿mon,
阿添同埋阿輝...
andy因為隻腳傷o左~
要去睇醫生~
所以佢就冇黎到啦~~v_v
阿恆又因為某d原因~
所以冇黎到...
我今日終於都玩o左我唔敢玩o既過山車啦~
仲玩o左好多我以前唔敢玩o既野~
不過衰在太多人啦~
又大陸團~ 又多學生~
排隊都排到死呀~~
唔似得上次咁...同程程去o個時~
任玩唔嬲...都冇咩人o既~~~~
幾free呀~~
玩o左兩次過山車~
兩次都冇打開眼...
冇咩話好驚o既感覺...
可能因為睇唔到o掛~
宜家~~海洋公園入面o既野~
對我黎講~ 應該再冇難度lu~~
不過我知道~ 七月會有跳樓機玩~
o個個有d睇頭...
當我o地坐o係度睇緊海洋劇場o個陣~
見到d人o係度試緊架機掂唔掂~
見住佢上上落落咁...
我o地都睇到嘩一聲...
"登"佢驚埋一份...
玩o左三次海盜船~~
猛咁叫...
哈哈~~而今日叫得最大聲o既...
女仔代表係阿yan~
男仔代表係阿添...
而最唔掂係gary~~
叫就叫啦~~
學人叫粗口~~~
哎呀~~今日玩o個個轉轉千秋o既物體o個陣~
見到有d大陸人除o左隻鞋黎玩~
幾不雅呀~
好似當o左係自己屋企咁...v_v
我o地大約玩到六點左右~
就走lu~
今日個天有d怪...
出住太陽黎落雨~
又多過雲雨...
我o地仲見到有彩虹tim呀~~^_^
玩到我o地個個都好累啦~ 聽日仲要返早學...
今晚唔早d訓都唔得lu~~~~@_@
丫~~~今日去睇安安佳佳o個陣~
唔記鬼得邊隻...
總之是但一隻啦~
佢好似隻公仔咁坐o左o係度呀~
好鬼死得意~~^-^
最衰冇帶相機啦~
如果唔係~我實會影低佢o者~~
七點半左右~
同程程返到屋企食飯~~
大約九點佢就走lu~~~
佢都好累lu~~~z_z
我沖涼o個陣~
發現~手臂好大對比o既膚色出現~
死啦~~黑o左~
唔制呀~~v_v
我諗...今日尾中不足o既地方~
就係...冇得玩滑浪飛船...
咁岩又要會維修o既~~
不過就算冇得玩~ 冇得濕身~
今日個太陽都曬到我o地出哂汗~
成身濕哂啦~~ !_!
食完晚飯上網~
阿聰有求於我~
叫我買d野食寄比佢~
因為佢女朋友想食喎~~
等我聽日買o左...
過埋個公眾假期寄比佢啦...
岩岩收到程程o既消息~
佢話昨日買o既六條魚魚~
死o左三條呀~v_v
每種顏色都死o左一條~~
點解會咁o架~
氧氣珠都買埋啦~
唔會唔夠氧氣而死o架~~~
希望其他o個d冇事啦~~
今日...大家要恭喜我呀~~
點解?
因為我見成o左份工~
我七月九號...
將會返我人生入面第一份工~
咁樣都唔值得恭喜我~~ ^_^
所以...近排有得玩就玩埋佢~
好似聽日咁...
我又會同成班同學and程程一齊去海洋公園lu~
^_^
今日放o左學...
走鬼o左去剪頭髮...
好唔掂~
好想死~~
d顏色就染得幾好~
但剪得肉酸o個下邪惡呢~~
搞到成個趙薇o個情深深雨濛濛o個個look咁~
唉...唔長唔短~
紮辮又唔係~唔紮又唔係~
煩...
睇怕我聽日要預多d時間黎整個頭先得啦~ v_v
學校今日上上下堂~
有個姐姐仔入o左黎~
話阿sir會補返之前星期二冇上o個d電腦堂比我o地~
時間係8:40分~
邊日已經唔記得o左~
總之兩日補返比我o地o既...都係星期二~
即係話...有兩個星期o既星期二同星期六~
都要晨咁早返學...
我諗...呢個都唔係問題~
問題係...星期二本身都係上開電腦堂...
即係話...連續對住部電腦四個鐘...
冇病呀嘛~~v_v
加上學校d機咁...
唉...好唔掂.........
今日...其實係我同程程o係番埋一齊半年啦~
我o地買o左六條魚魚黎紀念~
代表住半年...6個月~^_^
程程負責養...
嘻嘻~~~
仔仔囡囡實爭住黎睇o者~~ ^-^
終於都冇落雨啦~
聽日都要一樣咁好天~~
yeah~~~
兩點幾三點...
程程話佢就快收工~
問我點...
於是~我就決定去佢屋企lu~
出門口o個時極之大雨~
所以我就拎o左把長傘出去啦~
等車~~等o左好耐先有van仔~
搭到去灣仔再轉車~
嘩...o係紅隧塞o左好耐車~
結果...程程早到過我~
佢o係車站度等我啦~~^-^
前一排, 成日o係佢屋企拎信,
因為係一封幾重要o既信~
所以程程唔希望比佢屋企人拎到~
而且~佢媽咪會成日拆佢d信黎睇~
咁樣...程程唔得閒返去拎o既時候~
就會叫我去拎啦~
一直...封信都冇寄黎~
點知...今日就寄到...
程程又冇返去拎~ 我又冇去拎...
等我o地仲諗住唔怕啦~
唔會咁"Q"o既~
就係咁...中o左招lu~
佢媽咪拎o左...仲拆開埋tim~
唔知係咪因為我黎o左~
所以佢媽咪睇o左都冇咩事~
不過今晚佢送完我返屋企~
我就唔知佢媽咪會唔會發火lu~~v_v
o係佢屋企睇書~
玩電腦...打機...
哈哈~~打到隻手好累...
食完晚飯...
睇完"美味情緣"~~
我就走lu~~~
當我o地o係101落o左車之前~
我就因為程程望住我o個個樣好好笑...
而笑起上黎~~
笑到上埋23號, 落埋車~
都仲o係度笑...
完全係失控狀態~
原來笑...都會好辛苦o架~
o個種你想停, 但又偏偏要笑o個一下~
真係好邪惡...
行o左一陣~ 先回復正常~ ^-^
程程入o左7仔買野飲~
我就食雪條....
好唔好彩地...
當我揀雪條o個陣~
"high"o度d溶o左o既雪條朱古力~~
噫~~~~dirty~~~ v_v
唉...個天落o左咁多日雨...
幾時先停呀~~
最多落埋聽日好啦~
星期五唔准再落o架啦~~~ ^_^
丫~~聽日諗住同程程齊齊去剪頭髮~
實在太熱啦~
真係頂唔順...
宜家頭痛緊...究竟去邊度剪好呢!!
看了飄飄的info~
覺得她很勇於爭取自己想要的東西啊~
為了粟子批...
向本來沒有再買粟子批的老闆說,
叫她再買...
很利害呢...^-^
我想...我不會那樣做吧...v_v
今天的心情,
本來沒有什麼不開心~
也沒有什麼值得開心~
但...因為一個message~
我很不開心~
不開心是因為....
一個我delete了很久的人send message比我~
他的語氣用詞...輕佻得...
令我覺得他可以扮什麼事也沒有發生過...
前幾天, 他的女朋友先問我係咪好嬲佢...
我答唔係嬲佢, 而係嬲佢男朋友...
而最討厭o既係...
佢男朋友send o個個message黎~
係問我有冇掛住佢o地...
(即係佢同佢女朋友~)
唉...
我真係好少嬲人...
係比人玩得好金...
我先會嬲...
你自己之前做過咩~
自己知啦~
曾經有一個天使從天堂下來...
就在落到地面的一刻,
她的翅膀便不見了,
要靠雙腳來走路.
她累到不想再行了,
就在這時候,
上帝出現在好面前,
問她想回天堂, 得到一對翅膀?
還是留在這裡, 要靠雙腳走路?
結果, 天使選擇了回天堂.
其實...天使就是天使,
人就是人,
我們屬於那裡, 就留在那裡才對.
不要做些勉強的事,
令一切都變得不自然...
昨晚阿恆同jeffrey打黎~
傾o左幾句...
知道佢收到我o既e-mail...
咁就冇問題啦...
我係怕佢收唔到個e-mail~
比佢覺得我冇交帶o者...
程程昨晚有d唔舒服~
大約十二點幾~ 我o地就訓lu~
我訓訓下...醒o左...
比一d聲嘈醒o左...
條街有人好大聲咁講野~
似係好近...又似係好遠...
我心有d寒...
覺得好似有人想跳樓咁...
佢o地就好似o係度勸緊個人落返黎咁...
但由於太大聲啦...
我完全聽唔到佢講咩...
總之...我好驚...
郁都唔敢郁...
hold住一個姿勢...
用張被"come陷"自己~
心跳亦都加速...
之後...我又訓著返lu~
今朝...迷迷糊糊之間...
見到出面個天好灰...
又聽到d落雨聲...
望下個鐘...九點鐘~
咁岩係我平時返學o既時間~
唔通...每個人身體入面~
真係有一個鐘o既~
咁上下就會識醒...?!?
到十點幾, 我又醒o左...
起身打電話比程程~~
佢話我咁早起身~
唔訓多陣~?!
跟住我就答佢啦...
起o左身o者...唔代表我唔可以再訓o架~
哈哈~~~
再訓...直到十二點先起身~
食下野~
睇下電視...
先至兩點幾...
唉...宜家都唔知做d咩野好...
成日有排挨...
v_v
昨晚我好努力咁做黃師父份格仔功課~
已經做好哂lu~
咁我星期五就可以玩得開心d啦~ ^-^
仲有...昨日下午睇報紙o個陣~
睇到篇好正o既野~
於是我夜晚就讀比程程聽啦~~
哈哈~~~ 我諗佢覺得好有共鳴o者~~~~~
<食住你> - 深雪
"我的女朋友常常借故因小事責罵我,
我覺得她是在無理取鬧,
我該如何改變這回事?"
我覺得最大原因是她自覺食住你.
她時不時用你做出氣袋,
你以為她好享受這種男朋友另類服務之時,
我懷疑, 她的內心一點也不興奮.
只有一個女人不滿足時,
她才會無理取鬧,
如果她身心滿足,
她不會如此變態.
大概,
她有很多不滿意你的地方,
你又不醒目改好,
因此, 她就"蚊"憎了,
就肆無忌憚責罵你.
如果, 你有控制她的本事,
她就會表現合理些,
奈何, 她自覺食住你,
她知道她再無理取鬧你也只能由得她,
因此, 她就不會理會你心中的苦惱不滿.
首先, 你要反抗.
每逢她不合理,
你就要指正她,
然後不理睬她,
最好不約會她.
當她知驚了,
你就向她講道理.
你要令她明白, 你也是個人,
你有感情與尊嚴的.
另外, 當然改好她不滿你的大小缺點,
你變得高級了,
便可以倒轉頭來罵她,
平衡一下你倆的關係.
--------------------------------------
哈哈~~大家覺得怎樣呢???
我個hp, 已經過o左四千個人黎睇過啦~~ ^_^
而第四千個人黎睇o既人~
咁岩係程程喎~~
嘻嘻~~~ ^-^
老豆今日生日...
都唔記得o左提tim~~
哈哈~~~
生日快樂呀~~
嘻嘻~~
今晚睇情深深雨濛濛睇到好火滾~
真係好唔掂...
分手就分手啦~
講咁多野~
好鬼煩呀~~~
快d做完~ 做過第二套好過啦~
昨晚十二點幾就訓lu~~
今朝...八點幾~
阿wing打電話比我~~
話比我知唔洗返學...
跟住過o左一陣~
gary又打電話黎話我知~
gary都仲未收線...
學校又打黎~~
唔洗返學...so, 繼續訓~~
計起上黎~
好似好耐都未上過星期二o既堂啦~
唉...
有冇搞錯...
其實~~我到宜家都仲唔係好知...
今朝係因為紅色暴雨丫~
定係阿sir o既問題~
所以我o地先唔洗返學...
直到十一點幾~
我醒o左~~~
一路睇電視一路睇報紙...
諗住睇返昨晚錄o既電視啦~
點知...我錄becker o個時~
我教錯台喎~~
激鬼死~~
雖然miss o左一集都唔係問題~
因為becker唔屬於連貫性o既劇集~
不過如果比我揀...
becker同ally mcbeal~
我會揀錄錯becker都千奇唔好錄錯ally mcbeal~~
今集ally mcbeal~~
好感人呀~~
睇到我都喊~~
最估唔到o既係因為...
上一次睇預告...
係講lam 佢好明艷照人~
ling問佢係咪falling in love~
到正式睇...
個劇情簡直係出人意表...
lam 不嬲係一個冷山美人~
但佢今集o係拍賣會度~識o左個醫生~
佢o地相處o既時間...
就只係一日咁多~~
個醫生竟然用真誠令呢個冷山溶化~~
佢同阿lam講~~
intimate is not giving~
is receiving~
um...可能我講到好似好老套咁...
不過d劇情表達得好好o架~~
過o左一晚...
到第二日~
個醫生竟然之前應一個病人o既要求~
同佢做安樂死而令自己判終身監禁~~
阿lam o係阿ling面前扮到好堅強~
好似冇事咁...
之後阿ling問佢...
係咪愛上o左o個個醫生~
佢就話當然唔係啦~~
而且...只係相處o左一日~
又點會愛上佢呢~~~
但阿ling就同佢講...
有時...一日...你就會好快愛上一個人...
..........................
呢一場...真係做得好好呀~~
大家或者冇睇過又或者冇追開...
不過好似我咁...一直都有睇~~
會好明阿lam o既心情...
丫~~今日又唔洗返學~~
所以~~我又冇得去還書lu~
本"小公主"我已經續借過一次~
宜家又續借多次~~
哈哈~~~
真係懶啦~~
又唔想特登落去還~~
前幾日send o左個mail比jeffrey~
佢仲未覆我~
唔知係咪收唔到呢~~~~
v_v
睇news group~~
好多人踩學校~~
本來...我都想踩埋一份~
因為近來對學校的確有d不滿~
不過...
我相信~~踩都無補於事啦...
我諗...學校自己都心中有數~~
自己知自己事啦...
唉~~
昨晚程程玩到成五點先返屋企~
唉...人o地就開心啦~
我就...徹夜難眠囉~~~v_v
程程訓到大約一點醒o左~
之後佢過o左黎我度~~
我o地大約三點幾先出去銅鑼灣...
行街街~~ 睇鞋鞋~~
程程話買比我...
所以叫我揀...
但睇中o左幾對波鞋...
好難揀買邊對...
最後去埋nike專門店睇~
反而冇我著o既碼~~
又費事行返去time square~
所以...我o地去o左銅鑼灣地帶...
結果...都係買o左我本身最鐘意o既presto~
係粉藍色o架~~~
而程程亦都買o左對深藍色~
情侶鞋咁...
哈哈~~
好開心呀~~ ^_^
之後出返黎~~
落大雨喎~~v_v
咁我o個把係縮骨傘黎o架嘛~~
邊夠兩個人遮丫~~
緊有個人會濕~~
咁當然...程程係唔會比我淋濕啦~~
結果~~佢背脊又濕...
手臂又濕...>_<"
返到屋企~~
用風筒吹返乾~~
休息o左一陣~~
就食飯仔lu~~~
今朝媽咪一早起身~
就叫我叫埋程程上黎食飯啦~~
哈哈~~~
仲好齊人tim~~
阿哥都有一齊食~~
嘻嘻~~~
食飽飽...坐o左一陣~
九點鐘左右佢就走lu~~~
今晚...好累呀~~~
聽日要返學...
我諗...要早少少訓先得啦~~~
今朝十一點幾就醒o左~
起身無無聊聊搞完一大輪野~
就等程程醒打電話黎比我~
結果~佢醒o左之後~
決定o左我過去佢度~
大約差唔多四點~
我先去到佢屋企~
我帶o左隻黃子華o既vcd過去睇~
但睇睇下~
都冇睇lu~~~
o係度玩便利估人o既game~~
又係差少少估哂~
o係佢屋企食完晚飯...
坐o左一陣~
我o地就出去尖咀join佢d friend唱k lu~~
阿chris生日~
陣容相當頂盛~
有成十五六個人...
其實都唔止tim呀~
有d坐o左一陣走o左o個d都未計...
不過我有少少悶~
而且o個度除o左三個人...
包括我同程程唔食煙之外~and另外一個女仔~
個個都食煙...
間房煙霧迷漫~
實在好大引誘~
但係我應承o左唔食就唔食~~
牙齒當金洗o架嘛~~ ^_^
所以我不停咁食香口膠~
o趙到我牙較都軟埋~~v_v
唱到十二點幾先走人~~
我本來都諗住落d o既~
不過最後都冇去到~
叫程程同班friend玩得開心d~
我自己搭的士走人~
其實唔係唔想去o既~
一來...係因為我冇癮...
好似同佢o地顯得格格不入咁...
二來...真係費事o係d風頭火勢夜返~
雖然老豆批準o左~
但係老豆可能為阿爺阿麻d事煩緊~
所以...都係唔好啦~
早d返...有著數~
一陣搵我黎出氣咪大件事~~v_v
唔洗三個字~
我就返到屋企lu~~
沖好涼...就上icq~
同爸b jovi傾計傾到兩點幾先訓~
基本上...我真係有d唔慣~
因為平時程程去邊度...
都差唔多帶住我~
宜家佢自己去o左玩~~
我硬係覺得唔知點咁...
今晚唱k o個時~
飲o左少少diamond black~~
有d wing下wing下咁...
真係渣~
都話o左係心情問題o架啦~
開心痛快咁飲~
同冇咩心情飲~
真係兩回事黎o架~~
唉...都係早d訓好d~
今朝程程準時叫我起身~
o係地鐵站撞到阿wing~
於是我o地一齊等埋阿yan先行返學啦~
上黃師父堂~~
佢要我o地畫一條bar~
畫九個唔同o既灰度...漸變咁表現出黎~
表面睇起上黎~
好似好易咁...
但其實~係好考功夫o架~~v_v
畫完之後~ 仲要畫八個3cm x 3cm o既正方形~
入面再分九格~
分別畫上九個灰度~
唉...諗起都頭痛....
真係要搵一日...
坐低...好有心機咁做先得lu~
跟住上物料堂...
係我較為擔心o既一堂~
好彩...今堂風平浪靜~~
嘻嘻哈哈~~開開心心就過o左一堂lu~
我好勤力咁...
不停o係度磨平我倒模做出黎o既o個舊野~
磨都手都軟哂~
隻手又黑哂~
都仲未磨平...v_v
做到臨尾...
決定返去叫阿爸幫我搞掂佢就算lu~
嘻嘻~~ ^-^
放o左學...打比程程~
佢話佢o係海運買o左mummy returns o既飛啦喎~
佢緊係聽我講話海運d位正~
所以先特登佢o個度買啦~~ ^_^
之後~返o左屋企放低d野~
坐o左一陣~就落舖頭看舖lu~~
特登漏d風聲比老豆知~
話我聽晚夜返屋企~
哈哈~~~順利過o左關~
聽晚有得去玩lu~~
如冇意外~會去唱k~~之後再落d~
程程三點半放工~
但成五點先過到黎~~
等到我死~~~
搭順風車仲衰過自己搭車黎~
激鬼死我~~>_<"
跟住...我o地去o左食牛腩麵~
我就食正常版本o既牛腩河~
程程挑戰咖哩牛腩麵~
哈哈~~食到佢"標"哂汗~
最搞笑o既係~~
碗麵成碗撈麵咁...
湯都冇滴咁滯~~~v_v
之後~我o地去o左豐澤睇hi-fi同電視~
因為程程想換o左打機部電視...
同埋房入面o既hi-fi喎~~
其實入去睇~
仲有一個原因~
就係出面d天氣太熱~
所以...入去涼下冷氣囉~~ ^_-
搭地鐵去尖咀~
當然又係行d有冷氣o既地方啦~
我又買o左條魚魚比仔仔玩啦~
都係紅色o既魚仔~
佢識震o架~~ ^-^
仲有~~又買多個同程程一樣o既風扇仔~
佢o個個係橙色~
我o個個係紅色o架~~ ^_^
到咁上下~ 七點幾~
就睇戲lu~~
Mummy returns好好睇呀~
雖然我冇睇過第一集~~
論娛樂性, 視覺享受加音響~
我覺得真係一流...
好似我好耐都冇睇過一套咁有水準o既戲lu~
大家又或者覺得...
珍珠港都會比到同樣o既觀感感受我~
不過...我反而覺得珍珠港唔會咁好睇~
唔知係我先入為主丫~定係d咩問題~
總之冇好大o既動力令我去睇珍珠港~
但唔睇又好似怪怪o地~
始終都係大製作~
好似以前o既鐵達尼咁...
未睇過好似好out咁o既~~~
哈哈~~
睇完出黎~竟然落雨~
好彩程程有放把傘o係個袋度o者~
時間仲早~
於是我o地行o左一陣利時先返屋企~
返到去~
屋企人全部未訓~
坐o左o係廳度傾計...
唉...唔係有大件事~
我o地屋企係唔會坐o係度齋傾計o架~~v_v
原來...我姑姐又同阿爺阿麻鬧交~
姑姐又話要趕佢o地走~
今次...真係黎真o架~~~
所以...老豆知道o左之後~
就非常之煩啦~~ >_<"
仲有呀~~ 原來老豆暗"亞"底...
收埋收埋好多野o係個心度~
冇話我o地知o架~
就係...原本阿爺阿麻佢o地平時冇啖好食o架~~
姑姐o個度d工人~
唔識煮d岩口味o既野比佢o地食~
所以老豆星期日下午~
會偷偷o地關埋舖頭門~
買d野食去比佢o地食...
聽到...真係覺得姑姐有點兒那個...
又要接人o地一齊住~
又要咁對佢o地...
同虐待真係冇咩分別~~~?!?! >_<"
如果第時我o既仔女咁對我~
都咪話唔心"up"囉~~
今日...成三十四度...
熱到我死...
o係條街度...望住d熱空氣上升~
實在有d恐怖...v_v
昨晚...程程好乖咁寫返日記...
佢都唔知幾耐冇掂過本日記lu~~
到十二點幾~佢就已經好累...
所以就齊齊早d訓...
加上我要見工~
更加要早d休息啦~~~
其實...昨晚呢個網頁一度出現危機~
因為我想轉一轉個形式~
點知搞到一穫泡出黎~~v_v
好彩o係十分鐘之內搶救成功o者~
變返好似原本咁...
我諗...
應該冇人會咁岩睇到新o個個版本o掛~
唉...真係一額汗...
新o個個版本d野~
真係唔比得人睇住o架~~
如果睇o左...我簡直係冇面見人lu~~>_<"
今朝...唔知係咪緊張得滯...
未夠九點我就成日醒~~
七點就開始醒下訓下~
尤其係八點九o個段其間~
我見未夠鐘...就諗住訓多陣啦~
點知...八點十又醒~
訓o左兩三分鐘~ 又再醒~
再望下個鐘~ 仲未夠鐘~
又再訓多幾分鐘...
後尾程程打電話黎叫我...
我就正式起身準備去見工lu~~
o係個衣櫃度搵返件好正常o既恤衫出黎著...
哈哈~~~ 見工當然要執正d啦~
不過呢~~比起上兩次見工~
今次算係冇咁誇張o架啦~
因為上幾次我都著哂裙咁去~
今日只係著褲去咋~~ ^_^
我預早o左好多時間出門口~
結果早到o左成半個鐘~
去到...填o左份form~
坐o左一陣~~
葉先生就請我入房坐低interview啦~
um...我都未試過見工見咁耐...
傾o左好多野...
o係o個大約半個鐘至九個字o既見工過程入面~
葉先生講o左好多野...
而從中...都學到唔少野~~
講o左好多關於間公司o既野~
同埋做野要抱d咩野態度先會成功...
宜家..佢請唔請我都未知...
我亦都唔敢抱有太大期望~
平常心對待啦...^-^
見完工, 行出去搭lift~
咁岩入面有個人...
佢見我拎住個portfolio袋...
佢又係...
咁佢就同我傾計啦~~
禮貌上...我當然會應佢啦~
佢問我o係邊度讀...
咁我就話我o係大一讀啦~
點知...
原來佢以前係大一o既阿sir o黎o架~
佢叫趙展庭~~
跟住傾下傾下~~
我o地搵o左個地方坐低...
一邊傾~一邊睇我d作品~
佢比o左card片我~
我又留o左電話比佢~
佢話第時如果有機會o既話...
有free-lance做就會搵我喎~~
哈哈~~~真係好啦~~
佢仲教o左我好多見工o既野~
話我知咩野作品應該放入去~
咩野作品唔應該放入去...
總括黎講~~今日學o左好多好多野~
呢d野~
完全冇可能o係大一度學到o既野...
之後...我去o左程程度拎野~
又係冇...
又白行一倘...v_v
搭返車去灣仔~
起碼塞o左成個鐘車~~
冇位坐...得個企字~~
o係灣仔落車~~去買畫簿...
買o左本幾貴o既畫簿...
成四十幾蚊...一細本...
不過d紙質幾靚...
抵佢咁貴o既...
但係...岩岩諗返起...
黃伯叫我o地買o既簿~
係要d有"lone""lone"o既簿先岩o架喎~~
死火...咁我咪買錯~~>_<"
再搭車返到屋企~~
都已經成差唔多三點lu~
o係樓下特登買o左個西瓜...
唔係我自己食o架~
因為程程下午又係o係中環做野~
佢話冇胃口食野~
所以我就買個西瓜整西瓜汁比佢飲~
等佢可以解下渴...
又可以有d飽飽o地o既感覺~
我唔識點揀西瓜~
於是我就叫人幫我揀啦~~
嘻嘻~~
整好o左西瓜汁...
倒o左落個樽度...放入雪櫃雪o左一陣~
之後我就搭的士落中環搵佢lu~~
哈哈~~好似有少少過份咁...
我本身住得咁近...
但係都要搭的士落去...
好似有d過份咁...
程程知道o左之後~~
佢話...你如果真係返工~
唔好再係咁啦~
如果唔係~賺埋都未夠搭車呀~
跟住我答佢...
咁人o地熱嘛~~~
佢就話...咁又係...
如果唔夠...最多我貼你囉~~
哈哈~~聽到佢咁講~
我係好開心...
問題唔係佢話貼我...
而係呢句說話~
就好似聽到佢話養我一生一世咁~~
佢飲完之後~~
我就跟住佢做野...
呢度去~o個度去...
到四點幾...佢終於可以休息幾個字~
咁我o地就坐低食個tea啦~~
講時講~~
我今日真係好肚餓...
未食tea之前~
我只係飲過幾杯水同飲過一杯鮮奶~
所以...餓到有d暈暈o地o既感覺~
加上天氣又熱...
個人就好似飄下飄下咁...@_@
食完野之後~
陪多程程一陣~
我就搭車返屋企lu~~
沖好涼...
上網check清楚我個網頁o既狀況~
搞返掂...終於完全正常lu~
係時候...又要睇返d軟件o個d書啦~
溫故知新丫嘛~~ ^_^
今朝程程冇叫我起身~
我自己醒o左~~
佢多野做丫嘛~
咪唔記得叫我囉~
之後我打返電話比佢~~
佢態度有d衰...
所以到我返學o個陣~
我都冇再打比佢~~
今日返學...其實有d驚...
因為上星期六o既事嘛~
好彩...風平浪靜~~冇事發生o者~
上堂...講下八卦野~
講下鬼故~ 係咁二畫過下畫~
就冇野做lu~~
阿哥無啦啦打電話黎比我~
話比份good job我做~~
唉~~佢個野~~
次次話有good job比我做都唔方係好野~
佢o既good job~~
就係點我去幫佢買禮物比佢個friend啦...
唉...
咁因為我放o左學~
可能有d野要幫程程做~
所以~我就打電話比程程~~
問下佢點啦~
點知...我重覆講o左兩次我仲上緊堂~
冇野做~~~佢都聽唔到~
把得火~~cut線~~
順便教埋無聲...唔想聽佢電話~
費事佢再打電話比我~ 嘈住哂~
之後~~佢send o左message黎~
叫我唔洗去幫佢拎野~
放o左學...
拿拿臨去幫阿哥買野~
買完...我咪又死死氣去o左幫佢拎野~
不過去到冇咁解咋嘛~~v_v
跟住搭返車返屋企~
起碼搭o左個幾鐘呀~~
又熱~又冇得坐...仲好多人tim~~>_<"
又或者多人都唔係問題~
問題係...有一個婆婆~~
唔知做咩野~不停係咁鬧第二個婆婆...
而o個個婆婆...好似咩都聽唔到咁...
完全冇反應...
個個都係咁望住o個個鬧人o既婆婆~
而我咁岩企o係佢前面~
佢好似望住我咁...
so~~~我扮睇佢唔到~~
開到架md好大聲...望o左去第二度...
哈哈~~~
呢個婆婆真係有少少問題~~~v_v
丫~~~
昨晚阿yan無啦啦問我有冇update阿熙o既info~
佢提一提...於是我就update啦~
睇完...的確覺得阿熙有d慘...
屋企人對自己一d都唔支持~
又真係幾唔開心o既~~~
而我都感受過屋企人唔支持自己o既o個種痛苦~
唉...
阿yan個傻妹...
今日o係度講~~
佢星期二同阿輝走o左去行山~~
累到佢死死下~~
哈哈~~~希望佢真係操fit d~~
可以考到警察啦~~ ^_^
返到屋企~~沖完涼...
打電話比程程~~
佢o係中環做野喎~~~
本來話可以出黎見一陣~
但最後都因為多野做~
同埋費事為o左見一陣而熱...
所以就冇出到lu~~
算啦~~昨日都見o左咯~
星期六又見~~~ 嘻嘻~~~^-^
正常我休息緊o既時候~
突然電話響~~~
係jeffney打黎o架~~
佢介紹o左份工比我見~~~
地點仲係中環o既tim~~~ ^_^
如果真係見得成o既話~~
返工就方便lu~~~
呢一刻~~~深深感受到出外靠朋友o既重要~
前排同阿恆o係icq傾計~
問佢有冇工介紹下比我~~
跟住佢同jeffney講起~~
咁就造就o左呢次o既見工機會比我啦~~~
已經約好o左聽日見工~~~
希望...會見得成啦~~~
不過...有少少野擔心~~~
但係...一切都係見得成先算啦~~~....
呢幾晚...都冇咩玩icq~~~
幾日冇同過jovi爸b傾計...~
昨晚見到佢...講唔夠幾句我就offline~~
我真係曳曳啦~~~v_v
至於棠棠~~~
佢呀~~~~去韓國旅行都唔話我知~
我見幾日冇見佢online~
又冇update佢info~
我昨晚咪手痕update囉~
點知佢個info寫住~Eric正在韓國~~
都唔當我係friend o既~~~v_v
仲有~~細佬昨晚o係icq度~
問我點解咁耐唔搵佢~~
唉~~乜點解一定要我搵佢o者~
佢夠可以搵我啦~
佢又唔係冇我電話~~~
佢以前呢~~~ 話佢唔會重色輕友~
但係昨晚佢話比我聽~
佢d friend話佢重色輕友喎~~
\ 哈哈~~ 唔到佢唔認啦~
因為佢近排日日都陪住佢女朋友~~
佢女朋友好細o架咋~
得17歲~~(如果我冇記錯o既話~~)
佢仲叫我得閒出黎見下佢~~
話我一定會好鐘意佢tim喎~~
睇見佢咁...我都好開心~~
因為似乎終於有一個人能夠令佢認真啦...
記得上年...我o地都講過唔會再拍拖~
估唔到宜家大家都搵到自己o既幸福~~^_^
今日~~咪好熱o既~~
聽媽咪講~~原來今日食小暑喎~~
唔怪得之啦~
我出完街~~完全有o個陣中暑o既感覺~~
夏天...不是我喜歡的季節~
還是秋天跟冬天好...^_^
搭車返屋企o個陣~
上o左車~~~仲未坐低...
架車轉彎...
程程企唔穩...
結果...一腳踩o左落我d腳指度...v_v
好慘~ 非常痛~~
我諗...如果我著鞋會好d~
起碼冇咁痛先丫~
但係...我係著拖鞋o架~~~~
真係痛到我叫救命...
程程換o左麥兜返黎~
嘻嘻~~佢有狼牙棒o架~~ ^_^
肥仔仔成日都串佢daddy~
宜家終於都有人治到佢啦~~
肥仔仔去o左daddy度住~
麥兜又o係佢daddy度~
所以...只要肥仔仔一串佢daddy~
麥兜就會用狼牙棒打佢~~
死未~~~ !!
等你仲咁得戚丫拿~~肥仔仔~~
今日九點幾就起身lu~
因為程程搞掂佢工傷o個d野~
就會上黎屋企丫嘛~~ ^_^
阿哥依然冇返工~
o係屋企休息~
見佢個勢...好似好返d~
我都安樂d~~~
程程十點幾就上到黎lu~
我近來幾鐘意整野食~
所以~~我又整呢個肉醬意粉比佢食啦~
今次相當成功...
好味好味...
整好哂之後~
再舖d芝士o係面~
放入焗爐焗...
成包碎芝士~~落哂~~
焗o左出黎~
真係好香香呀~~
成盤...好多好多~
但係程程都幫我清哂去~~
即係難食極都有限啦~~~
食完野...程程洗碗...
嘻嘻~~~
到點幾鐘~
我o地就出o左去旺角睇貓仔~狗仔同魚魚啦~
見到隻北京狗好得意o架~
都係980咋嘛~~
又見到條好搞笑o既魚魚~
佢有兩條觸角o既物體o架~~
個身唔係扁...好似個波咁o架~
好鬼死鬼馬...
程程差d都買o左佢返屋企養o架啦~
不過我話唔好...
同埋...得意係得意~
但係拎佢上黎洗魚缸or換水~
都幾係恐怖下o架喎~~
因為條魚咁o既樣~~~~~v_v
睇完...又食o左兩碗豆腐花~
好得死飽...
原本都好好天o既~
無啦啦又落起雨上黎~~~v_v
我今日著拖鞋~~~搞到我隻腳又濕哂~
噫............
跟住搭返地鐵去佐敦打機...
哈哈~~~
極之開心~~
玩"look"豬豬o個陣~
"v"嘩鬼叫咁...
真係好鬼死興奮~~~ ^-^
程程約o左peter三點睇醫生~
岩岩想搭lift上去o個陣~
就見到peter岩岩返...
佢個look真係好搞笑...
成個"妙手仁心"d醫生咁...
睇完醫生~
同程程拎份醫療報告書去灣仔搞工傷d野~
行o左陣電腦中心~
買o左3隻老翻~
哈哈~~
個天唔知做咩...
落車o個時鬼死咁大雨...
結果避o左一陣都照行...
濕哂...v_v
返去佢屋企
先頭諗住玩大富翁o既~
但唔知點樣可以兩個人一齊玩~
所以...冇玩到~
於是拎d新買o既老翻黎玩啦~
點知...又load唔到...
而另外買o左兩隻素材...
一隻係有好多bb仔o既圖~
一隻係有好多貓貓o既圖~
嘻嘻~~遲下得閒整hp o個陣~
等我放d落去先~~
真係好得意o架~~~ ^_^
o係佢屋企~~未食飯之前~
又食o左件馬拉糕...
食埋飯...又食萍果~
真係唔肥就有鬼lu~~~v_v
唔知係咪又因為食o左d牛肉~
我o既身體~又出現o左少少唔尋常o既反應啦~
唉...
十一點左右~ 我就返到屋企lu~
老豆仲話我夜返...
>_<"
十一點幾都叫夜...
咁我星期日落d...
成兩三點先返...
咁o個d叫做咩呀???
死啦...究竟去唔去好呢?
我好想去呀~
但係去o左又會比人鬧...
點算好....v_v
六合彩~
竟然一個字都冇中...
希望今期又冇人中啦~
哈哈~~~
昨晚阿恆send o左d野比我~
係post pet o既食物同埋屋仔黎o架~~ ^_^
我宜家好邪惡地...
幫我隻post pet換o左間hello kitty o既屋~
真係好搞笑~
好得意呀~~
八點幾...
我o地等埋daddy阿哥返黎先食野~
o係等佢o地返黎o個陣~
媽咪煮通心粉...
我就幫佢手燙衫~~
醫生話...阿哥原來患重感冒喎~~~v_v
我食o左碗幾通心粉...
而阿哥食o左大約一碗度啦~
佢都唔係幾食得落...
宜家好飽呀~~~
媽咪仲話一陣要食"雪甲膏"糖水tim~~
>_<"
星期日o係程程屋企拎o左兩隻黃品源返黎聽...
o個隻"你怎樣捨得我難過"~
唔知搞咩...竟然跳跳o地線...
呢首歌...又一次...
令我感受到程程以前所受到o既傷害...
唉...
昨日寫o左條六合彩...
叫媽咪幫我去買~
同程程講返...
佢原來都買o左一條同我差唔多號碼o既六合彩~~
只係差一個數字咋~~
希望好好彩...會中啦~
^_^
昨晚程程上極都上唔到網~
於是我就offline同佢傾o左陣電話就訓lu~
今朝...好多電話打黎~
有daddy啦~ mummy啦~
阿哥o既公司啦...
唉...搞到我十一點左右就醒o左lu~
之後我打比程程~
問下佢洗唔洗我去佢屋企拎野~
佢話唔洗喎~
仲叫我訓多陣tim~
但我冇再訓~
走o左去沖涼...
搞掂好哂d野~
我就再打電話比佢~ 佢話佢頭先返過去~ 仲未派信喎~
於是~~我就堅持要過去~
費事一陣派o左信...真係有o既話...
咁就中招啦~~~
去到...真係冇信...
白行一倘~
今日個太陽真係好曬呀~v_v
熱到我死~~~~
之後~~我搭返車去銅鑼灣...
自己一個人行街買野啦~~ ^_^
買o左d煮意粉o既材料~
諗住聽日整比程程食~~
本來...我係諗住整壽司o架...
但係...好似好大工程咁~
咁就放棄o左啦...
下次先整啦~~~^-^
返到屋企~ 三點幾...
沖好涼...
睇返昨晚錄o既電視同埋上個星期錄o既er~
阿哥病o左...仲未好返...
所以今日冇返工~
昨日o既朝早~ 睇o左一次醫生~
昨晚又去o左聖保祿睇多次~
食o左藥...都冇咩起色~
到六點幾o個陣~~佢話佢好辛苦~~
又發冷又發熱...
v_v
佢對上o個次入醫院~
又係因為發冷發熱...
今次又係咁...
daddy叫佢再去聖保祿睇多次醫生~
如果再唔掂...就留醫喎~~
宜家daddy陪o左佢落去~
希望阿哥會冇事啦...
睇到佢個情況~~
我都知今次好大穫o架啦~
又或者...最衰係我啦~
星期日買d黑椒牛扒返黎煮...
佢唔受得d黑椒...
所以食o左就咳咳o地~~~>_<"
咪搞成咁囉~~~
唉.....我真係衰啦~~~~
食完飯...又好似好d~
但係隻眼...真係好想合埋~
我諗...我真係好累...
昨晚飲完"雪甲膏"湯...
到今晚~我媽咪又煲"雪甲膏"糖水~
唔知搞咩~
"雪甲膏"呢排咁當旺~
呢兩日夾埋...已經食o左好多落肚啦~~
阿哥今日唔舒服~
今朝已經睇o左醫生~
但係睇開o既醫生冇開~
佢就轉o左睇第二個...
睇完之後~佢都仲有返工~
到七點幾八點...阿哥少有咁早返到屋企~
佢食食下飯都覺得好唔妥~
去o左廁所嘔~ v_v
一直到宜家十點幾...
daddy叫佢探熱...
原來佢燒到成104度啦~~
於是~~
宜家媽咪拿拿臨陪佢去聖保祿睇醫生~
阿哥真係渣啦...
呢排佢都成日病...
唉...
昨晚點鬆d就訓lu~~
程程昨晚話如果今日我要幫佢拎野o既話...
就會十一點叫我起身~
但十點半~
我媽咪就已經打電話黎~
問我換o左麥兜未~~
唉...比佢激死~
咁早嘈醒我~
到十一點幾~
我見程程仲未打電話比我~
咁我咪打電話比佢囉~~
佢話唔洗我幫佢喎~~叫我訓多陣~
但係我冇再訓啦~~
於是~~我就o係屋企睇o左陣電視~
沖好涼~
就落o左舖頭看舖lu~~
買o左本東touch落去睇~
聽下歌~~
到四點幾我就返屋企lu~~~
當我行返去o個時~
我o係樓梯度見到有隻好細o既貓貓呀~
個主人o係地下同佢玩緊~
我就問佢隻貓貓幾大啦~~
佢話一個月大呀~~
嘻嘻~~真係好得意o架~
係啡色o既花貓黎~~~
佢訓o左o係度...個肚向天~
係咁比個主人玩~~
喵喵~~='.'=
今日...有d悶悶o地...
好似欠缺o左d野~
但係我又講唔出係咩...
唔通...我今日冇咩食過野~
所以有d肚餓o既空虛感?
哈哈~~
咁希望食完晚飯...
會冇事啦~~ ^_^
今朝十點幾醒o左~
搞掂好哂~
落街買野準備煮野比程程食~
(順便搭單煮埋比阿哥食~)
點知我o係惠康比緊錢o個時~
程程已經到o左我屋企~~
又會咁快o既~~ ^^~
煮野食o既情況~~
實在太恐怖啦...
我整o左煎腸仔蛋, 牛扒~ 仲有焗薯仔~
唉...最恐怖o既一樣~
係煎蛋...
真係好鬼唔掂~
第一隻煎得太恐怖~
所以我自己食o左~
跟住再打蛋煎...
點知打唔中o係個煎pan度~v_v
搞到成個爐頭都係蛋~~
之後再煎比程程食~
今次~我又衰o左唔記得落鹽~
但程程都食o左...慘慘~~>_<"
再煎比阿哥食~
呢次記得落鹽~
不過就重手o左tim~~
睇怕~今日最成功都係腸仔同焗薯~
呢兩樣根本冇可能整到難食o既野~
唉...如果我都整到好難食就死火lu~~>_<"
o係屋企~~玩到六點左右~
就去o左西環食糖水~
再外買兩碗返去程程屋企~
今晚...第一次同佢細佬直接對話...
哈哈~~~ 好開始黎o既~~
因為...
我實在諗唔到我同佢細佬有咩共通話題丫嘛~
食完飯...
程程睇波~我o係房玩電腦~
但佢睇睇下都入o左黎陪我~
費事我咁悶~~
真抵鍚~~^.^
睇完波~都成十一點lu~
拿拿臨返屋企~~
今晚好累呀~~
隻眼好想合埋...
我諗...係因為唔夠訓o掛~~~z_z
um...星期四先返學...
有幾日假...
做d咩野好呢??
我諗...得閒返下舖頭看舖~
都走唔甩o架啦~
v_v
昨晚仔仔串到程程死...
枉程程平時仲咁錫佢tim~~~v_v
今朝返早學...
上新堂...
又係黃伯~ 黃師父教我o地~
呢個科目叫立體素描又或者叫現代素描~
成堂...係咁聽黃師父猛咁講佢d威水史~
真係好鬼死悶~~~>_<"
上一次上毛筆堂又係咁...
今次又係咁...唔係幾頂得佢順~
但以佢七十幾歲人~
仲咁精靈~~又真係"老而彌堅"o既~~
之後...上物料堂...
發生o左件幾唔愉快o既事~
原因都係因為夾班太多人o既問題...
唉...氣氛有d薑...
um...有少少尷尬~~~~v_v
放o左學...返屋企放低d野~
就落o左舖頭做乖女~~
幫手看舖啦~~ ^_^
昨日同媽咪嘈完...
老豆黎個事後檢討~
唉...就係同媽咪鬥~ 係鬥唔過...
就連佢自己~~都要向媽咪低頭~
更何況係我丫~
所以佢就叫我岩聽就聽~
唔岩聽都唔好出聲...由得佢講咁話喎~~
之後...老豆見我未食野~
佢就走o左去買九記牛腩麵比我食啦~
講真丫~~真係好正~~
正在佢d湯...
我次次都會一滴不漏咁飲哂~~~
哈哈~~可想而知有幾好味...
看舖看到大約四點鐘~
程程就放工搭順風車過黎接我~~
聽到佢話未食野~
咁我就帶o左佢去食九記牛腩麵啦~
哈哈~~程程都話好食呀~~ ^_^
食完出黎~~再行行下~
去到另一檔好出名食豬扒包o既蘭芳園~
又係正野黎~~
同程程兩份...食o左一個~~哈哈~~
再行~行~行~~
去o左最多人中六合彩o既投注站...
買六合彩and三T~
其中一張~~係我抽o架~~
希望o個張中o既機會會大d啦~~ ^-^
最後~~~終於都走出中環...
向尖咀進發...
搭船船過去......
首先買o左飛飛睇戲先~~
睇"同居蜜友"~
買o左八點三飛~~仲有大把時間剩...
咁當然係去行下啦~~
程程買o左一隻飲品果汁...
個包裝有個笑臉所出o既風扇仔...
佢雖然係細細個...
但可以教角度...吹唔同o既風向o架~~
加上橙色同綠色o既配搭...
真係幾唔錯o架~~
仲有...買o左個蘿蔔扣比膿包兔囡囡~
等佢唔洗再妒忌哥哥姐姐~
唔洗呷醋話唔開心lu~~
差唔多時間...就入場睇戲...
um...都ok o既~
sammi就唔多見有突破~
我諗佢o既突破~~
會o係瘦身男女至會出現~~
而偉仔...可能睇慣佢做王家衛feel o個d戲~
所以...又唔多慣睇返佢做d咁輕鬆o既戲...
整體黎講~~都幾好o既~~
但相信當我睇埋其他猛片~
呢套可能會變o左係垃圾都未定~~~~~
最期待o既...當然係final fantasy啦~
我已經見到有出poster啦~~
我一定唔會錯過.......
睇完戲...行o左陣~
食埋野~~就返屋企lu~~
哈哈~~十二點左右就返到~
算係叫早啦o掛~~~
不過早d返都好o既~
程程都咁累咯...
返工辛苦丫嘛~~~
要抖多d先得lu~~~
<玉蝴蝶>
如何看你也似樹蔭 如何叫你會有共振
靈魂化作法語日語 同樣也是靈魂
如何叫你最貼切合襯 如何叫你你會更興奮
連名帶姓會更接近你 還是更陌生
要是完全忘了姓氏 也沒有本身的名字
總記得神情和語氣 無字暗語 你也心中有知
我叫你玉蝴蝶 你說這聲音可像你
戀生花也是你 風之紗也是你
怎稱呼也在這個世界尋獲你
你哪裡(說你)是蝴蝶 然而飛不飛一樣美
夫斯基也像你 早優生更像你
這稱呼配合你才迴腸和盪氣
改得多麼入戲
如何拍攝你也入勝 如何叫你會更動聽
長城變作世界名勝 同樣也是長城
如何叫你會引致幻聽 如何叫你你會最有反應
連名帶姓會怪我任性 還是太偽正經
你要養份和露水 在盆內小心灌溉
其實你是盆栽不要緊
是人是物仍然維護你 代號亦是任我改
<男人不愛聽的話> - 梁望峰
男人一定聽過那個死八婆講過以下的話:
1. 你係咪男人黎o架?
2. 你那個朋友不是好人, 你還是少接近為佳!
3. 同你一齊咁耐都未試過有高潮......
4. 你幫你阿媽定幫我?
5. 你真不懂得看人眉頭眼額.
6. 當你變成窮光蛋, 就快賣鹹鴨蛋時,
我會養你的!
7. 你答應過你會戒煙, 戒賭, 減肥, 增高,
買tiffany頸鏈給我的, 你是否想不守承諾?
8. 你以前都不是這樣的!
9. 我以前的男朋友不會像你這樣對待我!
10. 我們何時結婚?
結果...我冇再去訓...
下午點幾媽咪返o左黎...
係咪鬧...
話我呢排成日掛住出街~
唔知佢發咩神經~~
仲話以後唔比我平時出街,
只係准我星期六同日出~
佢都傻o架~~~
跟住我當住佢面打電話比daddy~
同daddy傾~
之後佢發脾氣走o左落舖頭...
佢走o左之後~我仲同daddy繼續傾~
傾完...
我仲好激動o係度喊~
打電話比程程~~
猛咁喊...喊到都講唔到野~
嚇鬼死咁滯...v_v
我真係好唔明白...點解我媽咪會咁...
好煩~~~好煩...
我平伏返之後...
又o係度執房...企圖比d野自己做...
執好o左之後~ 去沖涼...
同程程傾o左陣...
心情又好返o左少少...~
今晚...我一定唔會啋我媽咪...
今次件事上面~ 我冇錯~
佢就算鬧我~ 我都冇出聲...
已經好容忍佢~
佢最好今晚唔好再聊我...
如果唔係~ 我實唔會再比面佢...
昨晚...點幾就訓o左...
訓o既時候...一路聽住md一路訓...
係咁repeat"玉蝴蝶"黎聽...
到今朝醒o個時~
架機已經比我play到冇哂電...
熄o左lu~~~
今朝七點左右~ 我醒o左...
send o左個message比程程~
但係...佢應該用返原本o個張card~
so~~佢應該未收到~~
哈哈~
跟住訓返...
到八點幾...我比daddy mummy嘈醒o左...
佢o地好似鬧交呀...v_v
我都唔知發生咩事~
只係聽到我老豆嘈完之後~
好大力關門就走o左lu~~
哎呀~~好鬼死驚......
o係d咁o既情況...
當然唔好起身睇下發生咩事啦~
於是照訓...
直到十二點先起身~
因為昨日應承o左媽咪幫佢吸塵~
所以拿拿臨...即刻吸塵啦~
仲係咁二執返整齊d鞋~
搞掂o左...
宜家仲有d眼訓tim~
點算好呢??
宜家都係點幾咋喎...
不如.......再去訓囉~
哈哈~~
唔記得講返一樣野~
我今日下午做o左一樣...
我好耐冇做過o既野~
就係聽收音機啦~~
森美同小儀...好鬼死抵死~
而之後亦聽到一個好感人o既廣播劇...
好似叫"乞痴爸爸"~
我仲發現到一個聽收音機o既好處~
就係...原來時間會快d過o架~~ ^_^
今晚大約七點九出門口~~
捧住熱呼呼o既牛扒...
帶住細隻囡囡...
估唔到...我八點鐘就去到長沙灣lu~
程程因為要做野~
結果~~佢成八點半先黎到~
但係我今次冇發脾氣~~
而且~~我一早諗住要等佢~
所以買o左本雜誌睇tim~~~
前幾日...程程撞親個頭~
今日...佢又整到指甲~~
唉...慘慘呀~~v_v
流哂血咁...好恐怖~~
心痛死我lu~~~
咁佢放工~~諗住打電話返屋企啦~
點知佢媽咪仲話佢咁遲都唔返去...
激到程程死~
我o地於是以最快o既速度返去啦~
咁當然要快~
就緊係要搭的士返去啦~
唔洗兩個字~就返到去lu~
程程o係架車車度食哂我整比佢o既牛扒~
好彩佢冇話難食o者~~ ^_^
跟住等佢沖埋涼~
我o地就食飯lu~~
食到我好鬼死飽呀~~
程程個daddy裝o左好多飯比我~>_<"
而佢mummy好明顯知道我上去食飯~
所以特登整o左d我鐘意食o既野比我食tim~~
唉...連我阿媽都未對我咁好呀~~~
食完飯...諗住幫程程裝post pet~
點知setup唔到~~
咁諗住o係hotpop3.com度...
幫佢開個e-mail a/c啦~
好奇怪...
chingching4234呢個login名比人用o左~
真係好冇理由o架喎~~
4234呢幾個數字...
除o左對我同程程有意義之外~
對其他人冇可能有意義o架喎~~~
佢又冇o係hotpop3.com開過a/c~
我之前又冇幫佢開...
點解呢~~點解呢~~諗唔明~~~?!?
你話只係用chingching就話有可能比人用o左o者~
但係chingching4234,
係絕對冇可能o架喎~~
帶o左囡囡過去~~
佢自己親手拆o左條墨魚黎玩~~
佢留o左o係daddy屋企度住~
咁我就帶條龍蝦返屋企比肥仔仔玩啦~~^_^
程程個家姐帶出完團...
帶o左d火柴比我~~
今次有盒火柴好特別o架~~
d火柴頭係好淡好淡...
近乎白色o既淡粉紅色黎o架~~
係韓國出品...
果然係靚d~~^.^
大約十一點~~程程就送到我返屋企lu~~
今晚...好有feel~~
感覺好好...
好似今晚咁...咪幾好囉~
我又冇發脾氣~ 快快樂樂咁...
嘻嘻~~ ^-^
~~~非常邪惡~~~
近來我不太快樂...
有些朋友也跟我一樣吧...
又或是...受到天氣影響呢?
難得今天終於都天晴了~
我的心情是否如天氣一樣呢?
唉...是不一樣的啊...
今早六點便醒來~
之後訓返...
再醒的時候...是六點半左右~
在那半個鐘內~
我發了一個令我很不開心的夢...
夢醒之後, 哭了起來...
夢...不是真的~
但感覺...真的很真...
我想...我越來越害怕失去吧...
最後...令我安心下來的人...
便是程程...
除了他, 還有誰呢?
他除了在電話安慰我之外~
也send了一個mobile message比我~
睇完...的確安心了一點...
跟住...我又再睡多一會~
他到八點九就叫醒我起身返學lu~
今日好早到o左麥記...
所以可以慢慢食埋早餐先返學~
諗住換隻"咕時"~~
點知...換哂lu~~v_v
最衰都係我啦~~
程程一早話換~
但係我為免佢食麥記...
所以我死都話唔洗佢換...
結果~~今日我放o左學去o左幾間~
都冇...
返到屋企~~兩點幾...
我應承o左整牛扒比程程食~
咁我就整啦...
哈哈~~~ 都係一樣雞手鴨腳...
唔多掂...勁驚比d油彈親~~>_<"
講真~~真係冇咩人搬我郁我入廚o架~~
就咁放入微波爐同焗爐整o個d唔計丫~
要開哂穫...煎牛扒真係極為少見~
哈哈~~~
搞掂好哂...放o左入盒...
準備今晚拎比程程食~~~
偷食o左少少...
um...可能我唔係幾食牛肉~
所以...就算好食...我都會覺得冇咩特別~
咁當然...我整比人食~
當然想佢覺得好食啦~~~~~
唔記得講今日上堂d野tim~
今日上堂...阿sir幫我執好d幅"深田恭子"~
阿sir又係畫o左好多大效果上去~~
整體黎講...佢畫o左d野上去之後~
又真係靚o左o既~~~
唔係...佢就唔會係阿sir~
我就係學生啦~~~
上堂冇咩畫過張金城武...
只係畫o左少少條頸咋...
阿sir叫我o地下星期一夜晚有時間~
就返學睇下佢個畫展...
因為有畫冊派tim~~~
um~~有時間咪返囉~
冇就....唔返囉~~哈哈~~
大一...真係一間非"常"牟利機構黎o架~
下個星期二阿sir又請假...
即係又冇得上電腦堂...
今個月~~學校就happy啦~
岩岩o個個星期二紅雨又唔洗上~
下個星期又唔洗上...
呃錢o架...>_<
裝o左post pet...
我隻貓貓"弗羅"真係好得意~~
佢開心幸福o個時~
比隻毛毛熊佢玩~~
佢會好開心o架~~
望到佢咁o既樣~~
連我都開心埋~~~~~ ^_^
如果大家都有興趣玩埋post pet~
等佢可以幫你send郵件o既話...
就話我知啦~
我send d file 比你o地裝呀下~~~~ ^_^
昨晚阿聰唔開心...
唉...
感情...真係有又煩~ 冇又煩~~~~~
昨晚又同程程討論問題~
搞到雙方都好頭痛~
結果...最佳o既方法~
就係轉話題...咁大家就冇咩事lu~~
仲keep住一個好好o既mood訓覺tim~~
程程先頭應承o左仔仔囡囡...
買埋墨魚同埋龍蝦比佢o地玩~
咁昨晚佢放工o個時~
佢又偷偷o地去o左又一城買埋比佢o地~
嘻嘻~~~
佢o地實貪新忘舊...
唔玩魚魚o者~~^.^
今朝九點半~程程打電話比我~
我醒o左一醒...
之後又訓返...
直到十二點左右~我先再醒~
近來好似慣o左咁...
硬係訓到十二點先會醒~~
嘻嘻~~^_^
聽日上粉彩堂...
因為我已經畫好上次o個幅~
咁即係話...我又要畫過另一張~
於是我就o係度搵金城武d相啦~~
搵好...print埋出黎~~
跟住就開始畫稿啦~~
又唔知點解咁好興致~
我又拎o左d粉彩出黎畫~~
畫畫下~~已經畫好o左塊面lu~~ ^^~~
今日阿哥因為唔舒服~
所以冇返工~
四點幾o個陣~佢肚餓~
於是我o地就一齊焗薯仔食啦~~
嗯~~好好味呀~~~
之後又聽下歌仔~~玩下乒乓波機...
佢誇張到...打到成身汗...
d汗仲滴o左落地下tim~~
媽咪返到黎~~
我o地又o係度講笑傾計...
氣氛相當好...
咁緊係啦~~佢o地拎我黎笑嘛~~v_v
今日成日都落雨...
唉...下午o個時...好天o左一陣~
到傍晚~又再落...
程程好多野做呀~~
做到佢成個人都濕哂~~>_<"
本來佢諗住放o左工見我o既~
仲咩都帶齊哂比我tim~~
但係...見佢都咁累...
所以...都係聽日先見啦~~ ^_^
今晚要好好咁休息啊~~~
今日買o左張唔中o既六合彩~
咁當然係冇中啦~
哈哈~~~
昨晚跟程程討論起一個問題~
又係搞到好唔開心~
唔知點解...
近來同佢唔開心o既事多o左~
咁樣似乎唔係一件好事~
但係我又知道~~
好多時d問題都係出o係我身上~
跟住就引發起好多野啦~~
唉...
真係好唔開心~~ >_<"
今朝...天色一樣咁暗...
八點左右比媽咪叫醒~
話又係紅色暴雨...又唔洗返學喎~
過o左冇幾耐~~
apple特登打電話比我~
提我唔洗返學~~
哈哈~~~如果冇人提我~
我分分鐘傻下傻下走o左去返學lu~~~
仲有...竟然又比我如願以償...
比我把烏鴉口講中紅色暴雨唔洗返~~
哈哈~~
跟住"look"o左一陣~~
仲未訓得返...
於是就打電話比程程啦~
同佢傾o左一陣~~~
唉...佢諗o左咁耐...
都仲未諗得通我昨晚o個d野~...
佢真係好鬼死蠢...
但係算啦...冇辦法啦~
鬼叫我鐘意佢咩~~~
傾完...之後我訓返...
一直訓到十二點左右先起身~
再打比程程啦...
點知佢個電話打極都打唔通...
到差唔多一點...佢先開返電話~~
o係其間...我打o左無數之比佢~~
打到我好著急~唔知佢咩事~~~~ x_x
我問佢點解熄o左個電話啦~
佢話佢想自閉下喎~~諗下應該同我講d乜~~
結果...佢一樣都係諗唔到~~
唉...搞到我鬼死咁擔心佢~
因為打唔通佢個電話~~
唔知佢發生o左d咩事o架嘛~~
v_v
沖完涼...我就落銅鑼灣買野啦~
阿哥叫我幫佢搵本書,
不過去o左幾間~都搵唔到~~
我自己諗住o係sogo買d野~
但係又買唔到...
咁冇理由空手而回o架~
所以我就買o左塊牛扒~~
諗住整比程程食~~
可惜丫~~佢今日要返工~~
咁唯有遲d先整比佢食啦~~
跟住落去灣仔幫阿哥買cdr~~
買完~~打電話比佢...話比佢聽我買好~
點知...佢冇啦啦叫我去幫佢買埋香水~
唉...搞到我又要o係灣仔度行返去銅鑼灣~~
咁行返去都唔係問題~
問題係...落住雨o架嘛~~v_v
返到屋企...都成三點幾lu~~
上o左陣網~~同jovi爸b玩o左陣icq~
沖埋涼...
我就睇返昨晚錄o既ally mcbeal同埋becker啦~~ ^_^
媽咪用開焗爐好似用上癮咁...
今晚又焗龍利柳同吉烈豬扒食~~
哈哈~~~
而我呢...都係因為有o左個焗爐...
搞到我勁有興趣整野食~~~
一來...順便可以學下點整野食~
二來...我整比某人食...
佢應該maybe會開心o掛~~
唔知會唔會呢~~?
嘻嘻~~~
昨晚同程程傾電話傾到點幾就訓覺lu~
今朝...個天不停咁落雨...
所以個天好暗...
咁因為我冇睇鐘...望見出面咁...
我仲以為好早~
咪繼續訓囉~~
到o左十二點幾...我先起身~
望下個鐘~~ o~~原來已經咁晏啦~
哈哈~~~
起o左身~食野~
開電腦上網~~
大一d friend話今日又唔洗返學~
又係紅雨喎~~~
跟住打電話比程程~~
傾o左一陣~
我就開始做功課lu~~
做到兩點左右~
就做哂lu~~~ ^_^
之後...我o係度玩便利o既game~
搵錯處~~
總共有88個...
我搵o左84個...
欠4個~~搵極都搵唔到~~v_v
後來~~我諗起我唔見o左一樣野~
我就猛咁搵啦...
順便又執埋房...
搵無可搵...
結果比我o係一個盒仔度搵返~
激鬼死~~>_<"
我上個星期錄o左o既ER仲未睇~
我咪睇埋囉~~
費事積埋咁多未睇~~
同埋~~費事遲d唔得閒睇丫嘛~~
媽咪五點幾返到黎~
叫我幫手整(食送)~
咁我見我冇野做~
咪幫手囉~~ ^_^
放o左o係櫃上面好耐o既焗爐...
終於都拎o左落黎用~
今晚我負責整雞翼~~
嗯~~好好味呀~~
好食過用微波爐整o個d~~~~
食飽飽...
冇野做...上網~~
阿維佢好唔開心呀~~
所以我就o係電話度同佢傾計啦~~
希望佢唔好再唔開心啦~~~~
程程今朝返六點...
七點幾八點放工~
佢終於都可以早d返屋企~
同佢細佬打下機~休息下啦~
聽日...唔知會唔會再落雨呢...
如果落到紅色暴雨~
咁咪又唔洗返學囉~~
哈哈~~~
咁諗~~好似好衰tim~~~ ~_~
昨晚呢~~阿恆send o左post pet比我~~
好開心呢~~~
好得意呀~~~而且宜家好多人都有玩~~
連國寶都有玩~~ ^_^
宜家大家send e-mail比我~
可以send 去 tobey4234@hotpop3.com~~
^.^
在最初的時候...我想尋找"依靠"...
倒頭來...我也找了"幸福"回來~
而在找到"幸福"的同時, 我也遇上了"快樂"...
因此...我可以幸福快樂地生活...
由於今日程程要返工~
所以我o地夜晚先出黎~~
佢開頭話六點半收得工~
我就話去接佢放工啦~
四點幾左右~
我就準備沖涼換衫~
五點幾搞掂好哂就出門口lu~~
跟住...六點幾左右~
我岩岩o係佢屋企樓下等緊車去佢公司~
程程就打黎話要晏d~
咁我搭得車黎~去到都成七點啦~
諗住佢都應該做完野~
點知...我等o左半個鐘~
佢先出現......
o個度又冇乜人喎~~~
企o左o係成半個鐘~
都冇見過女人o既物體出現過~
男人就大把...
全部都係粗獷o既男人~
又或者係阿伯...都幾係恐怖下~
而且...又多蚊...
我d血就成為好多蚊o既晚餐啦~ v_v
咁人之常情...
企o左o係度等成半個鐘~
都會發脾氣o架嘛~
咁程程黎到~~我就係咁鬧...
而佢都發脾氣~~掉o左個電話落地下~~
我叫佢執返之後~
一路行~ 都冇再出咩聲lu~
搭地鐵...都冇咩講野~
進入o左冷戰狀態~~
跟住到金鐘~~我o地就出o左地鐵~
搞到非常之唔開心~~
我都未試過o係街度喊得咁大聲~
仲要係一邊喊一邊走...
最尾...好彩都冇事...
之後去o左食pizza~
食完~~就返屋企lu~~
十點幾就返到~~
哈哈~~咁當然~~冇比人鬧啦~~ ^_^
可能係喊完o既關係~
所以隻眼好累~~v_v
其實...我知我發脾氣係唔岩~
因為佢真係做野~
又唔係"me me摩摩"~特登要我等~
我都知唔岩o既~
但係...我企o係度比蚊係咁咬~
好鬼死"蚊陣"丫嘛~~
反而係估唔到程程今次d態度咁強硬囉~~v_v
唉...覺得原本大好o既一日~
就係咁搞禍哂~好唔抵~
我本來真係好好心情o架嘛~~
希望以後都唔會再發生d咁o既事啦~~~
昨晚返到樓下o個陣~~
終於都再次見到真貓版肥仔仔啦~
佢又伏o左o係上次我見到佢o個個地方~
而且仲合埋眼...訓緊覺tim~
點知個衰程程就撩佢~
搞到佢醒o左~~v_v
跟住我o地行開o左...
o係老遠仲啤實我o地tim~~~~
哎呀~~佢好似又肥o左啦~~
今朝十二點半先起身~
等媽咪走埋我先落床~
費事啦~~
費事比機會佢話我昨晚夜返丫嘛~~
不過我醒o左o係床o個陣~
聽到佢同阿哥講~
話又唔換雪櫃住啦喎~~
唉~~~~
一時一樣~~ 都唔知搞咩鬼~
食埋早餐~~打比程程~
程程又同阿水拍擋做野~
佢提起24號chris生日~
話一齊出黎狂歡落d喎~~~
但係呢~~諗起昨晚o既情形~
真係有d驚...
我唔想成日比機會我老豆鬧我~
所以...一係我呢排要乖d~
一係希望佢心情靚d~
咁樣...我都或者有機會一齊去玩o既~
昨晚太累~
冇拎到條魚魚同"大鼻lone"仔仔出黎~
頭先拎o左出黎比大隻囡囡玩~~
嘻嘻~~佢宜家抱實條魚魚~
個樣好滿足呀~~ ^_^
咁我就拎o左部相機出黎同佢影相啦~~
今晚我出街~
睇怕...都要早d返黎先得啦~~
真係怕鬼o左我老豆啦~~~
今朝晨咁早起身返學...
諗住唔會落好大雨...
咁我咪著拖鞋囉~
點知就中佢計啦~~
d雨落到咁死咁大~
成腳濕哂~~
o係地鐵站見到阿wing~
於是等埋阿yan先一齊行返學啦~
今日係最後一當現代藝術堂~
miss出o左幾條問題問我o地~
但係我o地冇人識答...
唉...完全係靠老作~
最搞笑o既係...miss都唔識睇中文~
我o地答成點...佢都唔知o架啦~
跟住後尾問佢點睇...
佢話佢會叫人幫佢睇o架喎~~
仲有~~我o地又問佢點解講中文講得咁好~?
佢話佢睇得電視多喎~~
miss真得意~~
咁我昨日咪畫o左兩幅畫o既~
我交比miss啦~
竟然我比多dd心機o個張低分d喎~
反而冇咩心機...
只係畫o左半個鐘o個張就41~
真係奇...
成堂都唔洗畫畫~
唉~~~等我仲帶哂顏色返去tim~~x_x
上完miss堂~
諗住落地下o個個課室上物料堂~
但一落到寫o係邊度上堂o個塊board o個層~
就見到話紅色暴雨...唔洗上堂~
我o地諗住上埋堂先~費事第時補堂啦嘛~
加上阿sir橫掂都未走~
問埋主任比唔比我o地上埋~
結果我o地等o左一陣~
到最後~ 主任都係決定唔比我o地上~
叫我o地走喎~~
派o左個人落黎~~叫我o地路上小心tim~ ＞＿＜”
咁大雨．．．都唔會去玩o架啦∼
咪返屋企囉~~
返到去...上o左陣網~
同jovi爸b傾o左陣計...
到十二點幾...覺得好眼訓...
我就去o左訓覺lu~
一訓~ 訓到點幾~
拿拿臨起身去程程度~
諗住去接佢放工~
但係我一落到樓下~
佢就打黎~~話佢提早o左收工喎~
叫我唔洗去佢公司~ 去佢屋企就得~
差唔多三點先去到...
等佢休息o左一陣~沖埋涼~
我o地就去又一城lu~~
本來想睇同居密友o既~
但full哂~~
於是我o地就睇醫盡女人心~
買o左飛~~
未夠鐘...就去食o左少少野~
之後行o左一陣~~~
嘻嘻~~~程程買o左個袋~
買o左條可以釣o既魚比大隻囡囡玩~
哈哈~~佢終於有條大魚魚啦~
條魚魚仲係紅色~~好sharp o架~~ ^_^
遲d買埋龍蝦and墨魚比細隻囡囡同肥仔仔釣~
等佢o地可以輪流黎玩~~ ^_^
又買o左個豬仔錢罌 - 大鼻"lone"仔仔~~
點解叫佢做"大鼻"lone"呢??
因為佢入錢o個個位係o係個鼻"lone"度o架~
而且...佢係我同程程特登買黎草錢o既~
仲係強制性o個隻~
so~~程程就話佢係大耳"lone"咁~~
於是就叫佢做"大鼻lone"啦~
哈哈~~~
去"住好d"睇~~
嘩~~入面d野好正呀~~ ^_^
d野好靚...同宜家傢俬比~
佢high好多~~~
我買o左隻木"羹"黎食雪糕~~
如果唔係因為趕住睇戲~
我o地會仲睇耐d tim o架~~~
套戲...一個字黎形容~ "嘈"~
真係好鬼嘈...同埋d關係仲好複雜tim~
果然係三個女人一個墟~
何況套戲入面唔止三個女人...v_v
睇完戲出黎~
兩個人去o左酒樓o既物體食中餐~~
不過兩個咁後生o既人去食~
就怪o左少少~
但係d野食好好味呀~~ ^^~
食完之後~去o左灣仔...
大約點九~ 程程就送到我返屋企~
當我正想搭lift返上去o既時候~
屋企打黎...
唉~~我心知不妙啦~
於是叫程程唔好行出lift門睇我入屋~
因為我實知我老豆企o係度等我~~>_<"
入到去~果然不出所料~
feel到唔對路啦~
佢好惡咁問我宜家幾點...
咁我望下個鐘~~好口爽咁答佢一點九~
跟住佢就話...你想打呀嘛~係咪呀?
一點九~~洗唔洗四點九先返黎呀~?
你去邊黎~~?!
咁我就答...同一班friend去o左玩~
邊有可能四點九先返~
我知時間o架嘛~
講完~鬧完~ 於是佢就返番入房~費事理我~ v_v
講真~~平時我夜返佢都唔會咁嬲~
因為佢知我同阿程一齊~
唔知點解~~佢會咁...
佢九成唔知之前比d咩刺激過...
跟住就搵我黎鬧啦~~v_v
拿拿臨...沖埋涼~就訓覺lu~~~~
你說 感情好像美麗的手鐲
留在身邊還不錯~
失去也不用難過
我說 我也沒你想像中脆弱
沒有你的生活 愛情的快活
留給螢光幕閃爍
我 跟你犯一樣的錯
總在追尋中閃躲
給的比要的多
你不愛我 你還愛我
請吻著我來說
我只是怕我
不能一個人去面對
這最後的結果/兩個人沒有結果
你不愛我 你還會愛我
其實算不上什麼
我一個人
或者是陪你沉默
我們都一樣寂寞
我還以為 明天你才 離開我
昨晚程程同我玩icq~
玩玩下又訓o左~ v_v
跟住我打電話叫醒佢~
叫佢熄o左電腦先訓覺...
之後我繼續玩~
同jovi爸b傾到點幾先訓~
今朝九點幾醒o左...
臨醒之前~我記得自己發緊夢...
於是醒o左就即刻打電話比程程~
講佢知我發o左個咩夢啦~
但係個夢唔係好野黎o架~
最後我係意氣用事...特登自己"look"落樓梯~
就係咁...我就"look"醒o左lu~
話完比程程聽~
我就再訓過...
到差唔多十一點...
我先正式起身~
開電視睇下~~
噫~~原來紅色暴雨...
教育處宣佈唔洗返學tim~
不過都唔關我事啦~
我今日根本唔洗返~
沖完涼...去程程屋企拎野~
唉...又係冇...
我聽日又要去...
天氣好...去都冇咩問題~
但係成日落雨...真係好鬼煩~
又或者...煩唔係一個問題~
而係白行一倘係一個好大o既問題~ v_v
跟住自己一條友去食餃子~
之後返番屋企就開始做功課lu~
好明顯...我係冇靈感~
而且...我又冇o左前兩日o既輕鬆愉快o既心情~
so~ 冇心機畫~
求其到唔可以再求其咁畫~
四點左右~終於都畫好兩張畫~
諗住拎d碟去洗啦~
一唔小心~我就打爛o左一隻碟...
真係黑...
日日硬係要有d黑仔野發生先得o既~~>_<"
上星期monday o既遊戲~
今個星期揭曉o左答案~
除o左陳寶珠係錯o左之外~
其他都岩哂~~^_^
而今期o既遊戲都幾難玩~
如果聽日唔落雨...
同埋我又帶大袋返學o既話...
帶返學一齊玩下先~
今日可能受天氣影響~
我覺得好累好累...~~
好眼訓呀~~z_z...
<愛你, 踩低你>
他更愛我.
我愛發脾氣,
但他愛包容我.
我愛做"大頭蝦",
但他愛服侍我.
天啊! 感謝你賜給我一個這麼好的男人!
-------------------------------------
呢幾句野~
好似我同我男朋友o既寫照咁...
好鬼死有共鳴~
今日下雨天~仍然都要返學~
昨晚一早執好哂今日要用O既野~
所以今朝起身唔洗咁趕...
但臨出門口見個天咁...
於是拎返張畫出黎~
之後一再入落膠袋...以防萬一~
費事整濕o左就哂昨日d心機lu~
去到食早餐o個度~
時間尚早~
咁當然要食返個靚早餐啦~
上堂...繼續好努力咁畫畫...
經阿sir指點...張畫改靚o左~~
但係呢...實在唔敢比阿sir掂張畫~
因為阿sir成日話要畫大效果~
次次比佢畫完...
張畫就會變o左樣...
雖然唔係肉酸...
但係...可能阿sir鐘意有筆足o既畫法啦~
會畫到好花~
所以...我都係叫阿sir講我邊d地方唔好...
自己改就算~~
一直畫到落堂...
真係好少可會咁勤力~~
哈哈~~
放o左學...又去o左程程屋企拎少少野~
但係...又冇我想拎o既野~
so~我聽日又要去...
跟住返番屋企...
唔知點解...心情幾好...
湊住自己仲有雅興...
於是又拎返張畫出黎畫~
哈哈~~~~
平時唔到趕住交都唔會拎出黎畫~
反而今日就咁快畫起~
對於我黎講~
係一張叫幾好o既畫黎o架啦~
始終我唔係精於畫畫o既人~
design就得o者~
但講到落手落腳(唔係用電腦)~
我就即刻死哂~ v_v
(特別鳴謝楠楠幫我執過張野~
因為我部scanner scan唔到咁大張畫~
所以要分開黎scan~
之後再拚返埋~
但係我唔識用photoshop黎執返靚d拚合位~
so~ 佢就幫我搞掂佢~~
嘻嘻~~唔該哂~~ ^_^)
大家覺得點呢?
有人話似趙薇喎~~~>_<"
不過係深田恭子先岩...
唉.........
實質有待改進囉~~
一步登天? ...我邊得丫~
畫完畫~玩o左陣電腦~
我就叫我媽咪早d煮飯~
我約o左程程八點丫嘛~~~ ^_^
老豆話換雪櫃喎~
佢都服務o左我o地有十年啦~
哈哈~~又係古董黎咁滯...
係時候要摺埋~
而且佢又細呢...
個雪櫃大d~~咪盞我阿媽買多d野返黎~
唉...
個雪櫃除o左岩岩買返黎係見佢空洞d之外~
我都未見過個雪櫃係有好多多餘位o既~
大約八點...約o左程程o係旺角等~
我本身已經食o左野o架啦~
點知佢又帶我去食壽司~~
哎呀~~搞到我飽上飽~~
不過呢...炸蟹仔好好食呀~
仲有炸龍蝦丸都唔錯~正呀~~
食完野~~
去o左one2free~~
程程出多o左張card~
個電話最尾o個幾個號碼~~
係我o地o既生日日期黎o架~~ ^_^
以後大家都係one2free~
好野~~~佢唔洗成日都潛水lu~
跟住呢...去行潮流特區~
程程上次買o既電話扣甩o左呀~
諗住買返隻雞蛋野郎~
結果...雞蛋野郎就冇買...
反而買o左Sony貓o既電話繩比我~
好得意o架~~
佢唔係一般o既電話繩~
而係仲釣住一個好細o既口風琴~~
好靚o架~~~ ^-^
死啦...我又變心囉...
點算好呢...n_n
九點幾十點~
見時間差唔多~
就返屋企lu~~
程程送到我上去~
我叫佢唔好走住...
入房拎o左膿包兔囡囡同埋麥嗲比佢帶返屋企~~
嘻嘻~~~
一來我冇咩位放佢o地~
二來...全部都放哂o係我度~唔係幾好o既~
咁佢o地都要陪下程程o架嘛~~
聽日呢...
我要畫兩張畫~
唔知有冇靈感呢~~
點都要嘔到出黎~
有冇靈感都要畫o架啦~
問題係在於...有靈感就畫好d~
冇靈感就畫得差d咁解o者~
哈哈~~~
從未為了一個人這麼慌
怕在最後我沒你在徬徨
然後結果跟我回憶分享
這刻最美麗最浪漫時光
................................................
無時無刻都想你繼續去呵護
................................................
願我是你最在乎
今晚食飯...
媽咪炒豆食...
佢貪得意...落o左d辣椒醬一齊炒...
我就覺得都幾辣...
不過我照樣猛咁食...
因為幾"野"味~~幾好食~
但我老豆就誇囉~
食o左少少...
已經話個口好似生o左d"飛滋"o既物體~
之後媽咪就話用d滾水黎沖走d辣味~
沖完之後~果然係冇咁辣...
但最後...daddy都係頂唔順...
最終都要倒哂佢...v_v
我今晚畫粉彩o個時~
程程打電話黎~
咁我daddy mummy好鬼死大聲講野~
我咪諗住關埋房門囉~
點知唔記得o左門後面掛o左新買返黎d褲o係度~
一野就拍o左落度門度~~
搞到整o左個粉彩手掌印上去~
真黑仔...v_v
仲倒瀉埋d粉彩...
倒瀉籮蟹咁...
唉...
呢排真係幾黑...
唔知點樣可以先轉到運呢?!?
昨晚十二點幾就訓覺lu~
咁因為今日要去完成一個任務~
所以我要十一點起身啦~~
自己醒o左~打比程程~
傾o左一陣~
我就沖涼著衫出門口啦~
好快就去到lu~
不過又係冇我要等o既野~
所以聽日又要去過啦~
諗住搭返車返屋企~
見時間仲早~
都係點幾咋嘛~~
咁於是我o係金鐘落o左車~
自己一條友仔行街...
嘻嘻~~買到連肚餓都唔記得...
不過收穫幾豐富~
買o左兩條褲...同一對拖鞋~
就係咁...洗o左差唔多八百蚊...v_v
瘋狂購物o既後果就係...
我黎緊呢幾日...甚至下個星期~
都會冇咩錢洗...
有冇得食都成問題~~>_<"
但係都好o既...當減肥囉~
唉...我好少會咁...
冇哂預算~~
我行完街~打比程程~
哈哈~~佢知我冇食野~
又o係度"哦"我...
我講笑話我買野買到連食飯錢都冇埋~
哈哈~~^-^
返到屋企...幫媽咪吸塵...
之後我就上網啦~
阿哥send o左url 比我~
話佢今晚返黎要print o個d野~
叫我keep 住個url 先喎~
咁我就懶醒咁...幫佢print o左出黎~
我print 好哂出黎~
就打電話比阿哥啦~
點知佢話...唔洗我print~
因為佢要執下先再print喎~
唉...
但佢見我print o左...就算啦~~
以後我都係唔好懶醒lu~
今日心情幾好...
所以就算聽日份粉彩唔洗做住...
(上堂先做都未遲o個隻~)
我都照做...
今次畫o既係深田恭子...
畫好o左塊面同條頸...仲有畫o左少少衫...
um...普通似o者~
不過我估畫埋頭髮就會似d o架啦~^_^
原本...今日程程應該可以收早o既~
但係最尾都唔係...
仲要ot tim~~v_v
慘慘呀~~
無得見佢...
唔知聽日見唔見到佢呢~~???
我隻手好酸痛呀~~
冇運動即係冇運動~~
玩o個架乒乓波機咋嘛~
就搞成咁...
不過呢...玩呢架機都幾好~
真係好似運動咁...
又唔洗出街...
o係屋企入面就搞掂~~ ^_^
昨晚...程程同我玩icq又玩到訓o左~
不過由得佢啦~
我知佢比我折磨o左幾晚...
一定好累...
所以佢訓著o左之後~
我玩多陣~我都offline lu~~
原本諗住去訓覺o既~
但結果我決定寫一封信比佢~
檢討下我自己啦~
其實我極之眼訓~又頭痛~
不過冇計...鬼叫自己衰先咩~~
今朝...個新鐘終於完成第一次o既任務~
叫醒我起身返學~
而人肉鬧鐘亦準時打黎~
仲好好咁...有得比我講數~~
可以比我訓多陣~~真搞鬼~~ ^_^
返學...搭van仔~
諗住o係灣仔地鐵站落車~
我先前都已經叫o左話落車o架啦~
點知個司機聽唔到...
搞到我冇得落...
咁我咪o係銅鑼灣落車~
跟住行返去天后囉~~
唉~~真係激死我啦~~
上堂...今日我o地自己R班上堂...
果然係唔同d~~
教得清楚d~~冇上次夾班o個時o既混亂~
Q班有一個同學仔...
因為星期四冇返...
所以唔知佢o地改左星期一上~
搞到佢今日返o左學~~
唉...真係慘啦~v_v
放o左學...我去o左程程度...
跟住拎完d野~
又返番屋企~~
咁我o係金鐘轉車~
咁岩o個時落雨...
有好多人搭我搭返屋企o個架車~
於是我咪走入去食麥記囉~~
因為我想換麥嘜公仔丫嘛~~m_m
我諗住食埋先走~
咁我買完野食~~
就行o左去一個冇人坐o既位放低d野啦~
點知隔離睇緊報紙...
好明顯係一個人o既鬼婆同我講話個位有人~
ok~~咁我拎走d 野啦~
好衰唔衰...我一隻手拎住本雜誌~
一隻手又拎住隻麥嘜公仔~~
再拎埋d野食...
唉...結果我食都未食過...
就倒瀉哂d野~
唔係倒瀉一d...而係倒瀉哂全部~
連杯汽水都倒埋...
真係黑得好緊要~
把鬼火...冇再買過黎食~
肚餓都唔鬼理lu~
出返去搭車~~依然係多人~~
d人有傘都迫埋黎避雨~
真係討厭~~
返到屋企...
睇返昨晚錄d電視~
以為我今日已經黑夠啦~
唔會再有黑仔事件發生~
點知......
我睇完becker...跟住睇ally o個時~
發現我教錯時間...
錄少o左半個鐘...冇o左前面o個d~
唉...真係好鬼死想死呀~~~
昨晚楠楠send o左d野比我~
話黑女o個時~~呢隻野就會幫到我~
點解我睇o左...反而會仲黑o既~~v_v
不過算啦...
楠楠昨晚佢都唔開心~
問極佢~佢都唔肯講...
真係令人擔心呢~~>_<"
阿哥終於都o係我部機裝o左3d studio max r2.5~
我拎o左本書睇一邊學~一邊做...
但係...都係唔明...
要再研究下先得~~^_^
昨晚...極之唔開心~
差d同程程分手...
罪狀係我前排又食返煙...
佢跟住唔開心~
咁我就拎把"界"刀出黎~
好輕力咁...
所謂"界"o係手上o左"以後不吃煙"呢幾個字~
我做呢兩樣野...都係佢最憎我做o既~
無錯...我係食言...
明明應承佢唔會再食~
我又食...
但係...我都係貪得意o者...v_v
之後...佢講o左句野~
搞到我好hurt~
心入面鐘意佢o既感覺~
好似突然之間冇o左咁...
唉...
結果搞到成兩點幾~ 先收線...
而佢...其實今日係要四點幾起身o架囉~
所以只係剩返好少時間訓...
慘慘呀~
今朝...起o左身~打比佢~
tum o左好耐好耐...我先冇咩事~
一邊同佢傾~
一邊睇wallpaper d網頁...
諗住搵d相黎做功課~
唔知係咪可能我心入面太煩~
所以睇極都搵唔岩心水~~
於是到o左兩點幾~~
把鬼火...決定唔做住...
拎返個鐘鐘去尖沙咀換...
因為呢...佢一時響~一時唔響~
所以我就要去換過個新o既返黎啦~
用o左一個鐘多d o既時間~
來回返到黎...
仲行o左陣街tim~~︿＿︿
返到黎∼∼心情可能好返ｄ∼
咁我好快就搵到料做功課啦∼∼
到o左夜晚...食完飯...
約o左程程出黎~
見到程程...佢個樣真係好殘呀~
經過o左昨晚...
唔殘就有鬼lu~~~
差d有五對眼袋tim呀~
我o地去o左西環正街食糖水~
o個度有間叫"源記"~~
好出名o架~~ ^_^
紅豆沙...好味呀~~~~
仲買o左兩碗蓮子杏仁露比daddy mummy食~
丫~~唔記得講一樣咁變態o既野tim~~
今日搭地鐵去尖咀o個時~
架車好多人...我遇到個變態佬呀~
點變態??
um...我都唔知點講好...
總之我超驚啦~~ v_v
昨日行街o個時...
o係馬沙買o左兩包糖食...
一包係豬豬樣o架~~哈哈~~~~~~~~~~~
仲有一包魚魚樣o既糖~
嘻嘻~~~ 仔仔囡囡見到實好開心o者~
不過呢...佢o地有得睇~
冇得食~~ ^_^
仲有呀~~星期六o個時...
程程買o左三對魚魚匙扣比仔仔囡囡...
宜家佢o地三個...
一人掛住一對o係手度...
佢o地終於都有魚魚啦~~
開心死佢o地~~~~~
之但係...點解大隻囡囡...
同細隻囡囡條魚魚一樣大o既???
大隻囡囡咁大隻又係得咁細條魚...
細隻囡囡咁細隻...又係同一樣大o既魚...
佢咪好慘...唔夠食~
不過點慘都唔夠膿包白兔囡囡慘~~
因為佢咩都冇...
所以...佢又講...daddy~我好唔開心呀~
哈哈~~~
要快d去搵舊蘿蔔比佢先得啦~
昨晚程程返到屋企~
累得滯...訓著o左~
所以本來應承o左返到去上網o既佢~
結果都係冇上到...
搞到我o係度等o左佢好耐...
見唔對路~ 先打電話比佢~
唉...
今朝~佢十一點左右就上到黎我屋企lu~
佢帶o左乒乓波機上黎玩~
哈哈~~~好好玩呀~~ ^_^
玩o左半個鐘多d~
就出哂汗~~覺得好累啦~~ v_v
之後...我媽咪叫o左朋友返黎打麻雀~
咁我o地就入o左房玩lu~
咁上下~ 去返程程屋企~
因為佢唔記得帶張card去啟德玩丫嘛~~
個衰人輝輝老爺...
打極電話搵佢都搵唔到~~
搞到我冇咩mood~~
成鬼日放人o地飛機o既~~~>_<
我o地自己兩個去o左啟德玩~
玩到咁上下~~輝輝老爺先打電話黎~
叫o左我o地去飲野~~
傾o左陣計...
佢皮光肉滑o左...
頭髮又再長o左...
佢真係成個馬騮樣咁...
好搞笑...
我o地之後去o左銅鑼灣...
行o左一陣~ 就返屋企lu~~~
程程話我知...
原來我o地未一齊之前~
有次佢唔開心...
佢走黎我daddy舖頭o個條街搵我~~
雖然...當時佢係未見過我...
聽完...真係覺得佢好傻呀...
聽日程程就要去新公司o個邊返工啦~
希望佢會快d習慣啦~~
今日係Andy生日呀~
生日快樂...^_^
昨晚好唔開心咁訓覺~
唉...
今朝~~自己起身~ 冇人叫~
沿途返學o個時~ 成條喪屍咁...
買完飽飽行返學校~
我竟然係第一個返到...
成個課室都冇人~
o係呢個時候...
我又諗起學校鬧鬼o個d故事~
心真係有d寒寒o地~
好彩過o左一陣~~達達就返o左黎~
咁先冇咁驚咋~
上現代藝術...miss又比o左d抽象畫我o地睇~
要我o地畫d類似o既野~
真係好難o架喎~~
不過...下堂係最後一堂~
我點都要嘔三張畫出黎交比佢~
次次做佢d功課...都好得頭痕...v_v
唉...
之後上物料...
阿sir搵唔到煲比我o地煲熔d蠟燭~
所以...
我o地又無聊o左一堂~
咩都冇做過~~
放o左學...成班去o左唱k賀andy生日~
玩玩玩...
唱完之後...唔知andy做咩~
行o左出黎皇室堡...
行行下~ 唔見o左佢...v_v
咁因為佢宜家冇電話用~
所以...唔見o左佢~
我o地根本唔可以打電話比佢搵佢~
後尾咖哩行o左去搵佢~
都搵唔到...
成班人企o左o係度...
等佢打黎~~
結果~~佢打o左比阿mon~
佢話...佢想自己一個人行下喎......
丫...唔通大個o左~
踏入o左廿歲...就會奇怪d o既??
希望佢冇咩野啦~~ ^_^
之後~~ 各人都著落~
我都閃lu~
去到程程屋企~
四點幾...
之後我o地去o左大埔行街~
行o左一陣~
又出返去尖咀...
程程買o左個好鬧o既鬧鐘比我~
咁有o左佢~
我就唔洗程程叫我起身lu~~~
但係...佢話唔得~
一樣要照叫...
嘻嘻~~~傻瓜~~~ =)
去買飛睇戲...醫盡女人心~
但係剩返d好唔掂o既位~
於是...睇幽靈人間啦~
由於上堂o個時~~ 聽阿yan講過入面d野~
所以再睇返...已經唔係好驚lu~~
套戲cut o左谷袓琳o個段~
真係差好遠~~
似係笑片多過係恐怖片囉~
睇完戲返屋企~
daddy mummy d朋友都仲未走~
屋企...好少咁熱鬧lu~~ ^_^
食晚飯o個陣~
打電話比輝輝老爺~
我好耐都冇見過佢啦~~
約好o左聽日一齊去舊機場玩~
希望佢唔好甩我o地底啦~
今晚悶到嘔~
冇人online~
於是我去game east玩~
但係成日輸~
玩到我冇心機~
之後~去o左newsgroup睇~
d相load得太耐~
搞到我又冇耐性睇~
程程成十一點幾...
都仲未打電話比我~
即係佢仲未放工~
媽咪同daddy又未訓~
媽咪o係度抹屋~
daddy o係度睇電視~
阿哥o係電腦房打機...
我o係度無聊...
星期五...點解會咁悶~?!?
上年差不多這個時候,
我在玩火...
回想起...時間真的過得很快~
要做傷害朋友o既事~
我諗~我做唔出~
而且~ 呢個人唔出現~
對我o地都冇影響~
出o左現~ 仲反而有影響tim~
所以...我都係無謂搞咁多野~
玩...要開開心心o架嘛~~ ^_^
昨晚傾電話傾到十二點九~
之後...仲未眼訓...
所以諗住睇埋本"小公主"先訓~~
睇到大約一點三...
有d睡意...於是就上床訓覺~
但係一路咳...
咳o左好耐...先訓到~
唉...
今朝起身~~
諗住去睇醫生~
點知落到去....
我睇開o個個醫生休息~~
天意黎o既~~~
冇得睇~~咪算囉~~~
買o左Monday黎睇~
上次講惡女~~今次講惡男...
講程程講到超準~
(不過佢自己話有d唔準喎~~~~)
睇完雜誌~見冇咩野做~
我又執野啦~~
聽日有貴客黎屋企~
媽咪由上個星期開始~
已經不斷咁提我~
叫我執野~
所以點都要執得整齊d~~
執好野~
悶到我死~
於是o係度玩monday入面d 遊戲黎消磨時間~
個game係要睇返d藝人細個d相~
估返佢o地係邊個...
有50個人~
宜家我搵剩8個咋...
聽日問下apple~
睇下佢搵哂未先~~ ^_^
聽日andy生日...
如無意外~我o地會去唱k~~
不過呢...我都唔會玩好耐...
因為程程放下午~
我點都要陪佢o既~~~