自從那晚知道ive第一個round不收我之後, 我的雙眼總是很熱... 那一夜哭過後... 也沒有再掉下淚... 欲哭卻冇淚... 今早返學...表面上依然沒有什麼... 依然可以笑哈哈... 但...我的心情有幾差... 冇人知... 這幾天... 我想是我這一年來... 最不開心的時間吧... 不開心...加上失望... 重重打了我落谷底... 現在...終於都視線模糊了.... |
幾晚冇check guestbook~ 今晚check返~ 見到有個中學同學... anile留o左言比我~ 令我回想起中學時o既生活呢... |
昨晚發夢... 好似夢到d小學同學~ 不過唔多記得個背景係點lu~ 今朝沖完涼~ 特登吹直d頭髮冇紮辮~ 再著埋黑衫黑褲黑皮鞋~ 營造一個好down o既look出黎~ 唉... 出門口o個時~ 好似走難咁~ 拎o左部好重o既衣車借比阿哲~ 又特登拎o左數碼相機張card返公司開~ 睇下開唔開到d相出黎~ 我屋企...係就係有card reader o既~ 但係...個衰哥...成日o係屋企都唔幫我整~ 諗起都激氣~~ 程程屋企部機又壞o左~ 如果唔係要求佢~ 真係鬧佢好耐~~ 基本上除o左電腦d野~ 佢對我黎講~ 根本冇咩作用~ 佢又唔係比錢我洗o既~ 我洗怕佢~~ 反而佢宜家未有工返~ 佢隨時問我借錢~ 哼~佢到時就知味道~ 返到去... 唔知係咪本身心情唔係幾好~ 所以覺得好唔順利~ d相又要出錯o左~ 我覺得自己有發脾氣o係其他人身上囉~ 但係唔係勁o個d~ 只係問我野~我唔出聲應o者~ 又或是過好耐先答~ 不過問心~ 我唔係想發人脾氣~ 而係我嬲我自己~ 點解做唔好d野~ 到下午~ 心情好返d~ 拎相落去出o個陣~ 平時放o係o個間影相舖o既千嬅紙牌唔見o左~ 咁我同個老闆and伙計熟丫嘛~ 就問佢o地係咪掉o左啦~ 咁個伙計話掉o左~ 後尾個老闆聽到~ 就話...唔係~~都未掉~仲o係上面~ 你係咪鐘意丫~ 比o左你啦~~ 我一聽到佢咁講~ 正中下懷啦~ apple平時不嬲都話想要o個個成個人咁高o既紙牌~ 但係冇方法要~ 咁我就即刻打電話比佢~ 問下佢要唔要啦~ 打電話比佢~ 佢話想要... 但係...好重~ 由中環拎返去佢屋企~ 都幾遠下~ TUEN MUN喎~ 拎上巴士... 都幾係怪... 咁所以...佢話聽日先答我喎~ 哈哈~~機會唔係成日都有o架~~ 真係慶幸~ 平時同老闆and伙計打好d關係~ 宜家咪有關照囉~~ ^-^ 有好多人黎影相~ so happy呢~ 有d起色~ o係公司~ 剩低我,阿森and阿哲o係度~ 我就教阿哲用架衣車啦~ 哈哈~~ 仲有~我亦順便開o左部數碼相機張card~ read返apple生日d相出黎~ 再save o係folppy~ 因為我只係搵到一隻folppy~ 所以只係入o左apple d相~ 而其他相...仲未出呀~~v_v 今日六點三十三分就打card走人~ so early呀~~ ^-^ 返到屋企~ 老豆見我著成咁~ 就話我啦~ 話我七月唔好著到成身黑喎~~ 哎呀...聽完佢咁講~ 當然唔敢再咁著啦~ 阿哥有時真係好討厭~ 佢知ive唔收我~ 就叫我直頭唔好讀大一~ 出黎搵野做好過喎~ 話哂時間~ 真係唔知佢有冇幫我諗o架~ 有張大一o既cert~ 都好過冇啦~ 差少少都叫我唔好讀... 話張cert冇用喎~ 哼~ 佢緊係口響啦~ ive又讀完~大學又讀埋~ 實口響o架~ 或者佢唔知我有咩願望~ 我並唔係好似佢睇得咁膚淺~ 哼~~~>_<" 佢呀~成晚都同浩然o係房玩online game~ 又唔比我上網~ 平時已經下午猛上o架啦~ 放工點都要比返d時間我上啦o掛~ 太過份啦~~ |
ive第一個round... o係今晚已經公佈o左結果... 唉... 好唔開心~ 又冇我份... v_v 已經第三年受到呢個打擊啦! 宜家唯有希望第二個round有我份啦~~ 唉... 講返今日做過d咩野吧啦............ 今朝起身~ 阿媽就話比我聽~ 阿哥昨晚成兩點九左右先返屋企~ 仲話佢o係屋企附近個公園撞鬼... 話說...我阿哥昨晚同佢個friend浩然去公園傾計~ 費事o係屋企傾~ 嘈住我o地訓啦~ 咁浩然呢...本身係有陰陽眼o既~ 佢o地傾傾下計... 浩然已經feel到唔妥~ 之後一陣好大o既風吹埋黎~ (我阿哥話係好令人心寒o個隻~) 浩然就知o係o個d野啦~ 阿哥當堂嚇到好驚... 返到屋企都訓唔o係幾度~ 之後起o左身~ 到朝早先訓返... 昨晚浩然都o係我o地屋企訓~ 訓o係阿哥間房o既地下~ 成兩點幾先起身~ 我聽完媽咪咁講~~ 即刻砰砰聲戴返個佛版~ 真係咪講笑~~~ 而程程十二點幾就過到黎~ 媽媽煮o左麵比我o地食~ 之後...到三點幾先出去~ o係屋企附近間舊式茶餐廳買o左買即炸薯條食~ 行o左陣萬宜大廈~ 咁諗住行去先施and永安行啦~ 點知...突然比個婆婆叫停我o地~ 問我o地o個個位可唔可以"節"的士喎~ 程程就答佢話唔得啦~ 咁佢就問我o地點去地鐵站~ 於是~我o地就幫佢手拎野~ 帶埋佢去啦~ 個婆婆話自己九十四歲... 但個樣一d都唔似~ 佢仲有化妝tim o架~~ ^-^ 一路行~ 佢一邊"蚊"住我手臂~ 我另一隻手拖住程程~~ 去到地鐵站~ 婆婆o係銀包拎o左一疊戲飛o既贈卷出黎~ 比o左兩張我o地~ 話多謝我o地兩個咁好心喎~ ^-^ 之後...我o地行街睇中o左個袋比程程媽媽生日~ 雖然...離佢媽咪生日仲有好耐~ 但既然睇岩o左~ 就買定先啦~~ ^-^ 再行行行...一直行到去金鐘... 到六點左右~ 就返程程屋企lu~ 因為佢daddy下午o個陣打電話黎~ 叫我o地今晚一齊出去食飯喎~~ 咁行到累...就返佢屋企休息o左陣啦~ 唉...搵到程程一d不可告人o既野~ so unhappy呢~v_v 衰人~~ 到八點幾... 去到漁人碼頭o個度食野~ 差唔多食哂~ 佢家姐先黎到~ 今晚...食到好飽好飽呀~~ 真係食唔落... 食到十點幾... 阿哲打電話黎~ 話比我聽...ive已經放o左啦喎~ 咁...我同程程就即刻返去~ 上網check啦~ 點知...check o左幾次~ 都冇我份~~ 好唔開心~~>_<" 喊o左一陣~ 覺得好失望囉...... 十一點二.... 其實已經o係搭車途中~ 媽咪打電話黎~ 叫我早d返去~~ 十一點幾咁早~ 都打電話黎~ 煩到死~ 佢再問多兩句~ 真係鬧佢都似~ 返到去~ 叫佢o地聽日唔洗買報紙~ 話我已經知道結果~唔得... 佢o地見我偶哂咁o既樣~ 都唔敢問咁多lu~ 唉... 真係唔開心~ 唔開心~~ 第二個round... 一定要有我份呀~ 大家祝福我...好唔好~?! v_v |
今朝起身返學~ o~我又...遲o左起身lu~ 程程已經七點鐘叫過我o架啦~ 但係...我個心諗... 遲多三個字起身都仲可以~ 咁就再訓啦~ 點知...就中計啦~~v_v 成七點八先起身~~ so hurry呀~~ 去到灣仔... 買o左兩個包~ 兩個包入面其實包含o左六個包仔~ 諗住買返去同apple呀~阿mon佢o地一齊食~ 結果~apple食o左一個仔~ 阿mon就本身食o左早餐~ 所以冇食到~~ 我自己食o左5個仔... o~~so 飽飽呢~~!! 哈哈~ 今日其實都幾係邪惡下~ 因為第一堂... 圍內只有我同apple返~ gary, andy, mon, yan同wing都冇返~ 悶到我o地兩個死~ 黃師父d堂...亦o係下一堂結束lu~ 到第二堂~上海報... andy同阿mon臨第一堂尾返o左黎~ 但係到我同apple走lu~ 哈哈~~交低o左d功課比佢o地幫我o地交~ 之後就返屋企~~ ^-^ 嘻嘻~~^0^ 返o左陣覺~ 媽媽過o左冇幾耐~ 買o左個整豆漿o既機返黎~ 唉~又要買~ 又要唔識用~ 真係比佢激死呀~~ 訓醒之後~ 就的起心肝諗住掉緊d雜誌~ 費事儲埋咁多啦~ 咁我就搵哂我要o既資料出黎~ 之後scan入電腦~ 不過仲未scan哂呀~ 太多啦嘛~ 四點幾~ 程程黎到... 坐o左一陣~ 就出去中上環食麵麵... 再o係上環搭地鐵去鑽石山~ 哎呀~~ 我o地咁岩落o左傳說中鬧鬼o既月台~ o係個月台係封o左o架~ v_v 驚驚~~ 去到鑽石山~ 買飛睇a.i.~ 再食kfc~~ 之後就夠鐘入場睇戲lu~ 我o地住"D"o個行~ 即係前面第四行~ 超近~ 不過唔係睇得辛苦~ 而係坐得辛苦~ 因為套謝成兩個半鐘嘛~ 最衰之前唔知咁耐啦~ 如果唔係~ 一定會去海運, ua金鐘又或許又一城睇~ 套戲如果短返少少~ 可能會仲好睇~ 有一個位... 真係睇到喊~ 的確係幾感人o既~ 就係講david比佢媽咪遺棄o係荒郊野外o個段~ 令到我滴o左幾滴眼淚~ (連程程都睇唔到我喊o架~!!) 另外~ 入面隻熊仔~teddy~ 真係好得意~ 自己補返個身o個度好得意~ 令人會心微笑~~~ 睇完出黎九點幾十點~ 去程程屋企~ 大約十一點幾先走~ 十二點幾返到去~ 而程程都太累~ 所以搭的士返屋企lu~ |
今朝訓到成八點半先起身~ 返工之前...o係屋企已經食o左一個包~ 咁出門口o個時~ 見到仲有一個豬仔包~ 所以就"界"開佢~放塊芝士入去~ 再擺入微波爐度整一分鐘~ 哈哈~~放入保鮮袋~ 諗住返到公司肚餓o個時先食~ 點知...一路行返公司o個陣~ 我見咁香... 就一路行一路食啦~ 跟住就行到返公司~ 見到有燒賣食~ 就買o左黎食啦~ 返到去打開個袋仔~ 先知入面o個d燒賣... 並唔係我平時食開o個d有蝦肉o係入面o既燒賣~ 而係得麵粉o係入面o既燒賣咋~ so難食呢~ and also~ 超大食~ 都唔知做咩咁好胃口~~嘻嘻~~ 食完燒賣..成個朝早都"益"住o個陣味~~v_v 噫~~~ 今日o既工作幾適量~ 阿森又教多我一樣flash入面o既野~ so happy~ 不過真係好怕自己冇記性... 下次就唔記得o左點做lu~ 臨收工o個陣~ 有個鬼佬黎影相~ 點知kenny影慣普遍証件相~ 冇將個鏡頭拉遠d先影~ 搞到crop張相o個陣時~ d尺寸高度唔同o左... 最慘係~個鬼佬已經走o左~ v_v 搞到要我寫封英文e-mail叫佢聽日再黎~ oh~~~ 都唔知幾耐冇寫過英文e-mail啦~~ 若非迫不得已~ 我係絕對唔會寫o架~~ 七點幾...放工~ 約o左程程~ 搭地鐵去到長沙灣... 出地鐵...但係冇出閘... 等埋佢先一齊再搭去荃灣... 行o左陣~ 去食蕉葉咖哩屋~~ 好味呀~~ 二百幾蚊~ 飽到我o地兩個死下死下~ 不過發生o左樣野~ 就係我叫o個杯芒果特飲~ 竟然有隻蚊仔o係個面度浮下浮下~ so恐怖呢~~!! 食完~ 行o左陣~ 就返屋企lu~ 返到去都成十一點~ 沖好涼~ 打電話比阿wing~ 叫佢可以send功課比我幫佢print~ 點知... 不幸o既事就發生啦~ 我printer上面放o左d野o係度~ 咁我開printer拎開d野啦~ 咁岩...就跌o左張好細o既招紙牌落去入紙o個度~ 搞到print野o個時~ 想食d紙o個陣~就食o左個招紙牌入去~ "click"實o左o係部機度~~ v_v 最慘o既係... 張招紙牌有個膠圈o架~~>_<" 要我格硬"且"佢出黎先得~ 成手都係墨... 嗚... 咁我成晚都流鼻水o架啦~ 我抹完手~就順便搵紙巾抹鼻水啦~ 結果...出現o左d血水o既物體~ 都唔知做咩事~~~?_? apple話...聽日可能得我同佢啦~ 仲有andy and mon返學咋~ 咁少人~ 真係有d唔想返~ 不過身負重任... 要幫人交功課~ 所以點都要返o既~~^_^ 背脊好鬼痕... 隻衰蚊好咬唔咬~ 咬背脊~ 都變態o架~~v_v |
昨晚終於都係忍唔到... 十二點幾o個陣打電話比佢~ 諗住佢應該會訓唔著啦~ 點知...佢已經訓o左~ 唉... 不過比我嘈醒~ 咁我o地就傾啦~ 講o左問題o既所在... 希望不久o既將來真係可以解決到... 傾傾下~ 都傾到成兩點... 很累呢... 今朝起身o個陣~ 真係有諗過~不如唔好返學囉~ 但係...見上李sir堂學到野~ 所以就頂硬上啦~~ 放o左學... 搭巴士~ 哈哈~23號原本o個個站~ 終於都開返啦~ 等我唔洗行咁遠~ 同埋...唔洗成日走車咁黑仔嘛~~ 返到屋企~ 放低d野~ 就去睇中醫... 意料中事...話我內分秘失調~ 可能返工緊張o掛~ 又就黎ive放榜... 同埋同程程有d問題煩o掛~~ 搞到我咁... 唉... 食lunch~ 一個人~諗唔到食乜~ 於是就買o左杯豆漿同豆腐花食~ 哈哈~~ 四點幾o個時就知衰囉~ 肚餓到死~ 今日又再帶d棉花糖返去食~ 比阿哲食哂lu~~~ 嘻嘻~~ 放工之前~阿森都我做flash~~ 試o左兩次~ 希望我聽朝返去仲記得啦~ 七點左右~ 返到屋企~ daddy mummy勁緊張~ 見我拎d涼茶返去~~ 問題係~我唔會咁主動去睇醫生~ 更何況係睇中醫~ 唔奇就假啦~~ 當然~我諗到佢o地諗o既野~~ 雖然...o個個係事實~ 但我絕對唔會咁答佢o地啦~ 未死過咩~~ 阿yan今日比o左佢星期六要交o既功課比我~ 因為佢星期六要去睇人passing out~ so~~就交低比我幫佢交啦~ 今晚一筆out消勁cheap~ d人好似成班飯桶咁... 唔識都上去玩~ 真係未比do do窒過咩~身痕呀!! 睇完先沖涼~ 沖完涼再做功課~~ 我諗住聽晚出街~ 所以...今晚要做好d功課啦~~ ^-^ 丫~唔知點解...d天氣點解仲會咁熱~ 真係想熱死人咩~~v_v 明明立o左秋o架啦~ 仲咁熱... 咁叫咩立秋喎~~~ 昨晚同程程傾... 我成日發佢脾氣~ 係因為我想挑戰佢~ 我想証明自己係一個唔值得人愛o既人~ 如果我發佢脾氣~ 直到佢有一日忍唔到我~ 就真係証明o左我所諗o既野~ 一個一直咁愛自己o既人~ 佢都可以唔愛我o既話... 我係有幾討厭呢...?!? 我鐘意痛苦... 呢個係隱藏o係我心入面o既心魔~ 痛苦...係阿match帶比我~ 太深太深... 程程話佢會幫我去消除... 會令我相信愛係可以last forever~ 但願如此吧... |
昨晚諗o左晚... 覺得自己應該去睇醫生~ 原來諗住係今日去o既~ 但因為冇時間~ 於是就冇去到~ 聽日先去啦...v_v 今日成五點半先食所謂o既lunch~ 昨日買o既棉花糖~ 今朝搵個袋仔~ 入o左d落去拎返公司食~ 都因為餓得滯~ 同阿哲兩個猛o係度食~ 已經食哂lu~~ 咁晏先食野~ 我只係敢食好少野咋~ 費事放工返屋企食晚飯~ 食唔落野啦~ 下午o個陣~ 有個外國人黎搵我o地幫佢scan幻燈片~ 再燒落cd度~ 講英文... um...好似好耐都冇講過lu~ 哈哈~~ 外國人o既眼真係好靚... 好易比佢對眼吸引住~ d眼睫毛散得好靚呀~~ ^-^ 食完所謂o既lunch~ 拎埋d相去哂~ 再返公司做埋少少手尾... 就拿拿臨閃lu~ 因為趕住返屋企做功課嘛~~v_v 又諗起屋企冇紙~ 咁就去買啦... 通常...放工都打電話比程程~ 本來心情都冇乜野o既~ 但係打極佢個電話都唔通~ 飛o左去留言我就"蚊"lu~ 我記得聽過一句說話... "我留低我的call機號碼, 手提電話號碼, 屋企電話號碼, icq號碼, e-mail...... 留下所有的聯絡方法... 是因為想我喜歡的人...無時無刻都可以找到我!" 但我搵唔到佢... 心情有幾著急... 佢唔知... 咁唯有算啦~ 電話收唔到~ 係關個台事~ 我唔應該發你脾氣~ 係我唔岩~ 我應該去燒o左orange個收發站先岩~ 你說...我不懂得去體諒你累~ 你工作辛苦... 但你有冇諗過... 我的心情又如何~? 我所受的...不是工作辛苦... 是精神上的困擾~ 心入面有幾咁驚... 你呢d...全部都唔知... 令我覺得...我o地係咪o係埋o左八個月o既時間~ 開始有d討厭跟對方一起...? 又或是...你對我的愛... 開始麻木~ 算啦...都係唔諗... 唔想諗d咁複雜o既問題... 由得大家冷靜下先啦... 食完晚飯...做聽日o既功課... 冇心機做... 畫o左d就算... 唉...總好過一d都唔畫o掛~ 咩心情都冇... 由得我~ |
今朝...起身~ 屋企已經冇哂人~ 老豆同阿哥去o左深圳~ 阿媽去睇醫生... 唔知check咩骨質疏鬆o個d野喎~ 星期二...食早餐o既地方本來係大家樂o既~ 但見東東開返... 而且好耐冇食過~ 就轉o左去東東食啦~ 上最後一堂flash~ 阿sir叫我o地做個test~ 唉~~做到亂哂龍~ 不過後尾先知道~ 阿sir都唔睇我o地做過咩就比分o既~~v_v 放學o個陣~ apple比o左隻gigi o既md比我~ 哈哈~~開心開心~~ 丫~仲有呀~ 問阿wing借o左隻心動黎睇~ 嘻嘻~~ 返到屋企~ 我猛搵返上個月張量單~ 唔知搞咩~ 昨日明明搵返出黎~ 竟然搵唔到...唔知放o左o係邊~~ 激死~ 咁我出門口返工啦~ 打電話比程程~ 佢唔好彩... 咁岩有d野令我唔滿意~ 我就借d二發佢脾氣lu~ 今日做o左個自己幾鐘意o既homepage bg~ 我下個月得閒返~ 會做返好個hp~ 唔洗搞到好似宜家咁失禮啦~ lunch都冇食~ 所以到四點左右~ 偷懶同阿哲一齊落去食野~ 傾o左陣計... 幾好~唔錯~~ 放工~比o左隻gigi md阿哲~ 幫我再錄多首karen o既忽然之間落去~ 正呀~~ 我o地一齊搭mtr~ 一路行一路玩~ 追追逐逐咁...哈哈~~ 佢就返大一~ 我就約o左程程o係銅鑼灣~ 原本諗住睇戲戲~ 不過我想睇o個套~ 都冇得做~~v_v 終於都比我o係皇室度~ 發現到cats and dogs o既poster啦~ 9月尾先做~ 蚊都訓囉~ 咁冇戲睇~ 就行街~同埋食野啦~ 行行下~ 見到翡翠明珠廣場有個大電視~ 做緊一筆out消~ 勁多人企o係度睇~ 咁我o地都企埋o係度睇埋一份啦~ 哈哈~~ 今晚~買o左樽好大樽o既hello kitty棉花糖~ 嘻嘻~~ 好味道呀~~ ^-^ 今朝呢~ 我搭van仔o個時經過屋企附近間洗衣店~ 見到有3隻唔同大細o既囡囡呀~~ so happy~ 程程叫我拎埋細隻囡囡一齊去洗~ 湊下熱鬧喎~ 咁我就話啦... 唔係咁好o既~ 一陣佢識o左d新朋友~ 就唔肯返屋企o架啦~~~ 公司d電腦唔知做咩~ 裝唔到corel draw~~v_v 搞到我唔可以以快d o既速度做d野出黎tim~ 激死~~ 臨近月尾... 唉~要慳d洗lu~~~ |
昨晚等程程訓o左覺~ 我就睇o左陣雜誌先訓... 今朝程程雖然八點叫醒我~ 但係我冇即刻起身~ 到八點半先起身咁滯~ 嘻嘻~~ ^-^ 返工~ 都叫做有d野做... 不過唔理佢... 照六點幾放工~ 車~洗乜咁"博"o者~~!! 今日阿哲就慘囉~ 佢出去走o左幾暈~ 咁熱o既天氣~ 又哂又累~ 真慘慘~ 食lunch o既時候~ 好似係三點幾... 我o地三個阿森and阿哲一齊去食kfc~ 新出o左o個個燒汁雞扒餐~~ 好好味呀~ 又有d脆薯圈o既物體咁... 真係好正呀~~ ^-^ 今日老闆有d燥... 佢冇啦啦o係房好似"掟"野咁... (雖然係懷疑...但機會都相當高呀~~!!) 好恐怖呢~!! 我決定o左~ 佢今個月出量比我o個陣~ 我會順手遞埋辭職信~ 哈哈~~ 返到屋企~ 好忙碌咁睇電視~ 選擇o左睇一筆out消~ 錄百萬富翁~ ^-^ 一筆out消好緊張呀~~ do do講野超刻薄~ 都幾好睇o既~ 今晚...我打電話比咖哩~ 提佢帶隻corel draw比我~ 點知...我去搵flash比阿wing~ 又比我搵返隻corel draw~ 仲等我以為唔見o左~ 原來o係阿哥度~~v_v 但係到隻flash搵唔到啦~~ 激死我~ 阿哥又未返喎~v_v 搵黎搵去都搵唔到~ 我明明記得flash4同5都有o架嘛~ 兩隻都唔知去o左邊~ 唉... |
今日...朝早比阿姨打電話黎嘈醒o左~v_v 十二點左右起o左身~ 睇下電視~ 食下野... 執下野... 到三點幾~ 睇哂er同埋ally mcbeal~ 就再去訓覺lu~ 嘻嘻~~~ 訓到四點幾起身~ 再睇多陣報紙~ 就準備去接程程放工啦~ 七點左右~ 去到長沙灣mtr station接佢~ 之後去旺角食打冷~ 兩個人...竟然食o左四個食送... 飽到死~~ 但係...我o地見到有雪糕車~ 都仲可以食得落... 本來我都話唔食o架啦~ 程程話...食雪糕可以消滯喎~ 真係比佢激死~~ o係地鐵站出面~ 買o左隻老翻... 係"cats and dogs"~ 香港未見有得做~ 但係就有老翻... 真搞笑... 不過呢... 唔知點解~ 先頭d戲院~有show張poster出黎話下期會做o架~ 宜家...poster都冇埋~ 唔知係咪衰收尾... 冇限期壓後呢~? 好唔開心呀~~v_v 食完野~ 返去程程屋企~ 諗住睇下"cats and dogs"啦~ 唉...第一隻睇唔到~ 第二隻先睇到~~ 嗚....>_<" 十一點左右返屋企~ 差唔多十一點十左右就返到去lu~ 今日大頭蝦... 唔記得o左帶鎖匙~ 所以返到門口~ 就打電話比阿哥~ 叫佢開門比我~ 費事"禁"鐘嘈醒埋我daddy mummy啦~ 程程搭的士返去~ 我沖o左兩個字涼~ 沖完出黎~ 佢就打電話比我lu~ 兩個字就返到去~ 幾快~~ ^-^ 農曆七月lu~ 老豆特別提我叫我戴佛牌... 比佢咁樣提一提~ 真係有d驚... 電視聽晚做少林足球版o既百萬富翁~ tvb又做一筆out消~ 都唔知睇邊台好~ 丫~~今晚再睇o左一陣"少林足球"老翻... 六師弟飛樸埋去二師兄度食雞蛋o個幕... 依然好笑... 不過因為要返屋企~ 所以冇睇哂就走lu~~v_v 程程聽朝又要返六點... 慘慘呀~ 我亦都要返工~ 快d到月尾就好啦~~ |
我同屋企人講我唔想做... 換來o既結果係... 老豆猛同我講道理... 超級煩~~~v_v 昨晚好似十二點幾就訓o左~ 今朝比程程叫醒~ 都冇再貪睡多一陣~ 即刻起身lu~ 早o左少少出門口~ 因為要去"禁"機轉帳嘛~~ 搭車去到灣仔~ 買o左兩個包... 本來係諗住買一個心apple試下o既~ 但係返到去~ 佢已經買o左包包... 咁我就一個人食哂兩個包啦~ 所以lunch都唔洗食~ 都唔覺肚餓... 上黃伯堂~ 都尚算精神~ 但上盧sir堂就即刻死哂lu~ 我啦~apple啦~and gary排排坐... 坐哂o係最後o個一行~ 勁呀~全部都趴低哂訓覺~ 我就冇咩真正"恰"著... 因為我唔多慣趴o個度訓~ 閉目養神就算lu~ 今堂~阿sir出奇地好早講功課~ 唔似平時咁...打o左鐘先講~ 所以有得準時放學... ^-^ 放學...返屋企~ 坐o左一陣~ 就沖涼... 哈哈~今朝趕住趕住咁沖~ 沖得唔暢快嘛~~~ 之後就煮薯仔o既物體比程程食~ 煮好哂~放o左入盒度~ 等佢放工o個時拎比佢食~ 三點半左右~ 我就開始去佢屋企lu~ 四點幾就到~ 但佢沖緊涼~ 係佢daddy開門比我o既~ 我今日帶o左大隻囡囡去佢屋企~ 大隻囡囡第一次去daddy屋企o架咋~ 仲帶埋佢個奶樽比佢~ 嘻嘻~~~ 我可能冇食lunch~ 所以o係呢個時候勁肚餓... 咁就o係屋企食o左少少野~ 醫下肚先啦~ 大約六點就出去旺角... 再食~~ ^-^ 跟住去買魚缸~ 程程屋企個魚缸太細啦嘛~ 所以就買過另一個~ 再買埋氣泵~ 仲有裝飾o既石仔~ 嘻嘻~~好靚呀~~ 周圍行多一陣~ 買o左個粉紅色o既袋.... 就趕住返屋企lu~ 哈哈~~~陀槍師姐大結局嘛~~ ^-^ 返到去... 程程daddy幫我o地手搞魚缸d野~ d魚魚搬o左新屋~ 生猛o左好多~ 囡囡話...睇魚魚都清楚d喎~~ ^0^ 原來d魚呢~ 會怕曬o架~ 咁d魚魚放o係窗台o架嘛~ so~就要拎d野黎遮住d光啦~ 睇陀槍師姐~ 車~~~個結局咁簡單o架~ 仲以為佢o地會火拚對戰~ 點知竟然係...令到佢o地綑lift~ 捉哂佢o地~ so cheap~~ 而捉o左莎莎o個度~~ 先叫做緊張d.... 丫~~o個個莎莎都幾識做戲... 比人捉o左... 想喊與唔敢喊之間o個刻~ 做得好好呀~~ 睇完... 知道明珠台做寶貝小豬嘜~ 就睇埋先走啦~~ ^-^ 十二點返到屋企~ 哈哈~~我有新唔要舊~ 買o左個袋... 即刻用...仲放個舊袋o個程程屋企tim~ 下次先拎返~ 費事拎咁多野啦~ 加上我又要帶返細隻囡囡同肥仔返屋企~ 很累呢~~!! 唔知係咪對得大隻囡囡多~ 細隻囡囡同肥仔返到黎~ 覺得佢o地好細隻呀~~ 程程錄比我o既特別md~ 加上一篇有意思o既文章~ 正呀~~ ^-^ 我昨日咪話前晚整o左d野比程程o既~ 其實係將我同佢影o既貼紙相~ scan哂佢~ 再將佢o地整成一張放得落銀包o既相咁~ 即係呢張野...包含o左好多貼切相o係度~ and~加埋一行字... 過o左膠... 一人一張~so happy~~ 哎呀~~昨晚冇啦啦比我搵到一隻豬... 可以o係電腦跟住mouse行黎行去o架~ 哈哈~勁搞笑~ 仲有o係神智不清o既情況下~ 我老作o左一個噴豬紅o既故事~ 我記得~當時我係作得好好笑o架~ 但宜家唔記得o左實質內容有d咩~ 真係唔抵... v_v 今日熱到死呀~ 女仔點都方便d~ 著裙爽幾多呀~~ ^-^ 著o左白色裙... d星座話會good luck喎~ 但我又唔多覺啦~ 哈哈~~ |
難過 是因為悶了很久 是因為想了太多 是心理起了作用 你說 苦笑常常陪著你 在一起有點勉強 該不該現在休了我 不想太多 我想一定是我聽錯弄錯搞錯 拜託 我想是你的腦袋有問題 隨便說說 其實我早已經猜透看透不想多說 只是我怕眼淚撐不住 不懂 你的黑色幽默 想通 卻又再考倒我 說散 你想很久了吧? 我不想拆穿你 當作 是你開的玩笑 想通 卻又再考倒我 說散 你想很久了吧? 敗給你的黑色幽默 我的認真敗給黑色幽默 |
昨晚成點先訓... 為o左整一d野出黎~ 但係print出黎o既效果不太好~ 不過都尚可接受o既~~ 咁係咩黎~? 唔講得~ 因為係整比程程~ 暫時要保持神秘先~~ ^-^ 今晚...準時起身~ 返到公司附近~ 見仲未夠鐘~ 就無無聊聊咁去o左報紙檔..... 買o左本"號外"黎睇~ 章子怡做封面~ 雖然我唔係咁鐘意佢~ 但係張相o既contrast好大~ 我諗用黎畫粉彩素描會幾靚~ o~突然想擺多d心機做功課... 又或者做自己鐘意o既野tim~ 而時間...未分配到... 唯有遲d先啦~ 星期四o個日~ 李sir上上下堂~ 拎o左張相比我o地睇~ 勁好笑~ 係一班阿sir o係杜拜影o架~ 扮耶穌o係馬槽出世o個幕~ 真係好得抵死~~ ^o^ 做野做到十一點左右~ 落去哂相... d相冇咁快出到~ 所以叫我出去行一行~ 轉頭返去拎~ 咁我就拎o左昨晚o既野... 即係為程程做o既野去做手腳啦~ 轉頭拎埋d相~ 就返上公司... 過o左一陣~ 就出去派傳單lu~ 三點幾左右... 去食lunch~ 食完之後返公司~~ 諗住呢排都冇咩野要特別跟啦~ 點知... 比stephen激死~ 早唔講遲唔講~ 等我print好哂d野出黎~ 先話有問題~ 搞到要做過...v_v 而我亦因為覺得唔係我o既問題令我差d揹鍋~ 覺得好唔抵... 仲有呀~差d denny發火鬧人~ 幾恐怖下... 都話o左~我係一個唔多受得氣o既人~ 如果佢真係鬧... 我諗我一定即走都似~ 加上個stephen佢仲推卸埋d責任比阿森先唔抵~ so~我決定唔做~ 本來都諗住有一線機會會做~ 但係...宜家死都唔會再做~ 頂多做埋今個月~ 等佢出埋量先唔做~ 哼!! 六點幾七點走人~ 返到屋企~媽咪仲話...乜今日咁早呀? 當然啦~仲同佢O 咁耐 T 咩~ 有得分就話咩~ 啋佢都傻~~ 食完飯~ "拿拿聲"做功課... 唉...呢期d功課全部都o係好趕o既情況下做~ 好冇水準~ 再咁落去係唔得o架~ 所以...係時候從新開始lu~~ |
今朝...好搞笑咁... 七點幾o個時~ 我阿哥冇啦啦訓訓下覺起身~ 話肚餓...就換衫落街買麥當勞食~ 真係夠哂奇~~~ 搞到我醒哂~ 八點左右就不斷咁醒下訓下~ 唉...想訓好d都唔得~~v_v 返學上堂畫野~ 好比心機咁畫~ 有48分~ 算係咁啦~ 比我想像中高分~~ ^-^ 阿輝幫我買o左演唱會飛~ 今日拎o左比我~ 原本佢買o左9/12~ 星期三黎o既~~ o個時...唔知我仲洗唔洗返工呢~? 如果仲要返工o既話... 咁放工之後去...就會好趕啦~~v_v 不過呢~宜家我正有唔想撈o既念頭~ 但好多因素影響o既... 再諗下先啦~~ 放o左學...都係如常返工~ 做新一set vcd and rollar~ 唔多順利~ 效果唔係咁好... 失敗~~!! 七點左右放工返屋企~ 以為佢o地會等埋我食飯~ 點知...佢o地已經食完lu~ 因為daddy要入志蓮做d野~ 所以為o左就佢~ 就早d煮飯食lu~ 昨日daddy先同小蔡(佢個friend)返深圳買貨~ 即日來回o個隻~ 到今日~小蔡又拎o左盒餅黎~ o個盒飯...係o係日本買返黎o架~ 用個鐵盒裝住... 好大個o架~~ 嘻嘻~~好靚... 我同我老豆o係度爭... 第時食完d餅... 個盒邊個要~~ 真搞鬼~~~ ^-^ 今日睇milk~ 星座o個度話...我今個星期o既幸運物~ 係白色裙~ 咁岩~我昨晚買o左一條黑裙~ 一條白色o既裙~ 真係"q"啦~~ 我阿哥炒o左佢老闆魷魚~ 所以佢宜家日日o個屋企"做"game~ "做"...即係製作咁解~ 佢諗住轉做game~~ 所以佢就決定做個game~ 之後就去見做game o既公司o個d工啦~ 咁佢咁得閒~ 就提議星期日成家人一齊去深圳~ 話買書同埋買game 喎~~ 問我去唔去~ 咁...我宜家仲未決定去呀~ 雖然程程星期日要返工~ 但係...um....都係唔知呢~ 諗多晚先啦~ @_@ |
放假的日子... 平靜的心情... 沒有想說得話... 就讓我沉默一天吧..... |
昨晚同程程傾電話~ 佢未夠十二點... 已經開始神智不清啦~ 唉... 程程o係仲清醒o個時~ 同我講...話我呢排郁下就發脾氣~ 少少野都嬲... um...之後訓覺o個時~ 反省過下~ 諗深一層~ 近排真係越黎越衰喎~~v_v 不過唔知點改好...!! 今朝個衰電話~ 又因為冇電~ o係度猛咁叫~ 搞到我六點幾特登起身換過另一舊電上去~ 到七點幾...我老豆醒o左~ 嘈到死~ 到八點...程程打黎~ 以為我今日要返工~ 唉... 佢已經夜晚神智不清o架啦~ 朝早都係咁...真係激死我啦~~~~ 把鬼火~咪cut佢線囉~ 到九點...佢又再打黎叫我... 訓得唔好~ 好眼訓呀~~!! 執野出門口返學o個陣~ 我突然諗起有個方法可以洗滌我o既心靈~ 或許可以令我冇咁"蚊陣"~ 呢個方法~就係睇書啦~ 心靈雞湯... 每一次睇完~ 思想都會好似去o左另一個層次咁... 所以就帶o左其中一本心靈雞湯o係車度睇啦~ ^-^ 去到天后... 見到東東好似開返~ 等我仲以為佢執粒tim~~~ 但今日星期二~ 當然係去大家樂食早餐啦~~ 返學上堂... flash~ 今堂教d野~ 又深o左少少~ 我估宜家問返我~ 我都未必記得~~b_b 叫o左阿輝幫我買兩張鄭秀文演唱會飛~ 哈哈~~~阿輝o既daddy因為可以買到好o既位~ 咁緊係叫佢幫我買啦~~ ^-^ 不過呢...比o左三百蚊阿輝... 之後我o既銀包只係剩返廿蚊咋~~v_v 本來我仲諗住今個星期死都唔會再去"禁"錢~ 點知...廿蚊...邊有可能生存到丫~ 所以...返到屋企附近... 點都要"禁"d錢出黎洗o既~ 同埋~聽日要去街街~ 冇錢旁身又點可以呢~~~ 放學落樓o個時~ 見到jovi爸b~ 我就知佢咩樣~ 但係佢唔知我咩樣~ 咁行o左出學校冇幾耐~ 我就打電話比佢啦~ 哈哈~~第一次打比佢~ 同佢傾o左一陣就收線lu~~~ 返到屋企~ 食下野~ 休息o左陣~ 就返工lu~ 今日超眼訓啦~ 做做下野~都頂唔順~ 完全feel到自己隻眼有合埋o既跡象~ so...做其他有得活動o既野~ 費事對住部電腦啦~ 有新o既野要做~ 要跟一間幼稚園畢業典禮o既套餐~ 唉...又要諗d新野出黎lu~~~v_v 放工之前~ 同阿哲一邊入cd封套~ 一邊o係度玩~ 我將d貼紙貼o係佢個身度~ 跟住話o個d係穴道~ 搵咁"蕊"佢d穴位~ 好搞笑... 之後仲將d貼紙貼o左o係佢個袋度~ 唔知佢放工o個時見到個袋咁... 會點呢~~?! 到我走...諗住搭lift啦~ 點知比阿哲猛o係度彈水~ (佢岩岩去完廁所...洗完手d水~~) 我想關lift門~ 佢又"禁"番開~ 真係比佢激死~~ 今日好肚餓呢.... 拿拿臨返屋企食飯~~ 食完... 本來諗住做功課o既~ 但係睇睇下電視~ 覺得幾好睇~ 於是又坐o左o係度睇lu~~~ 嘻嘻~~ d功課都唔知點死~ 聽日又要出街... v_v 昨晚...阿聰send o左佢同佢女朋友張相我睇~ 嘩...我覺得唔多似佢以前d style~ 又或者應該係話.... 唔似我想像中o既咁... 所以覺得有d怪... also~~阿聰~你個頭好唔掂呀~ 唔怪得之你要戴帽啦~ 哈哈~~ (唔好嬲喎~!!) |
今朝八點三先起身~ 雖然程程八點叫o左我一次~ 但係我死都要訓多十五分鐘~ 因為我計過啦~ 訓多十五分鐘呢~d時間岩岩好~ 哈哈~~ 返工~ 今日可以話係冇咩野做~ 只係做d手板眼見功夫~ 非常經鬆~ ^_^ 六點幾就放工lu~ so happy~~ 阿哲話比我聽~ 你唔做lu~ 第時冇o左佢o係度~ 一定會好悶o者~~v_v 食lunch o個時~ 同阿哲去三聯睇書~ 我o地兩個傻傻o地咁... 拎起本普通話書o係度讀~ 佢做老師~我做學生咁對答~ 超搞笑...^_^ 同老闆講o左... 話星期三請假~ 哈哈~~ 好耐未試過平日放假lu~~~~^-^ 今晚...聽返昨晚dl o既歌~ 有"燒雞翼"聽~ 真係好好笑呢!! |
今朝十點幾起身~ 因為我有一樣好重要o既野做~ 就係...我要上網交ive張form~ deadline係今日十二點十五分~ 所以砰砰聲上網填好佢啦~ ^-^ 今次專攻設計~ 其他咩野都冇報~ 真係十分~極之希望佢今次會收我~~~ 搞掂好~ 食埋早餐~ 執下野~ 睇下錄影帶~ 程程大約一點幾先過到黎lu~ 佢就happy囉~ 訓咁多~ 我就...v_v 佢黎到~食完野~ 坐o係度睇雜誌~ 一邊陪我睇錄影帶~ 到咁上下~ 我o地就落中環行街lu~~ 突然之間~ 好想食肯德基d巴辣香雞翼~ 咁就去食啦~ 不過去到...好多菲律賓人~ v_v 佢o地好嘈o既~~~~>_<" 跟住...去馬莎... 嘻嘻~點解又去呢~?! 因為...始終都係想埋樽指甲油~ 不過呢~最後~都係冇買原本想買o個樽~ 而買o左另外一套指甲油~ d色都係好靚o架~ ^-^ 程程又買o左另一枝香水~~ 比我笑佢發姣~~^-^ 去置地廣場行~ 睇lv~ 因為一d事~ 令到之後o既下半場~ 我同程程極之唔開心~~ 唉... 行kalm's~ 見到hello kitty babies o既奶樽~ 於是就買o左個比大隻囡囡啦~ ^-^ 岩岩頭先返到屋企~ 即刻拆o左比大隻囡囡~ 佢好開心咁抱住o左啦~~ ^-^ 行到咁上下~搭船去尖咀~ 本來都好好o地o架~ 約o左佢daddy 食飯~ 點知...因為之前o係lv發生o既事~ 搞到好薑~ 走o左幾次~ 有一次仲差d搭地鐵上埋車tim~ 後尾...格硬比佢"蚊"o左去食飯~ 佢daddy未黎之前~ 我都仲嬲緊~ 佢daddy黎到之後~ 我就即刻變樣~ 笑笑口咁~~ 有時真係好佩服自己變樣變得咁快~ 我咁樣~ 其實我係識o係唔同o既場合做適當o既野o者~ 冇理由因為我o地兩個鬧交~ 要d大人擔心我o地o架~~~v_v 食完飯~ 好飽~ 行去搭船返屋企~ o係呢個時候~ 落好大雨~ 我o係架船度...覺得好唔安全~好危險o既感覺~ o係個腦入面~ 已經想像緊...如果沉船會點... 雖然我咁諗有d傻~~ 但係...o係時o既能見度真係好低~ 又大風~又大雨~ 驚驚~~~v_v 程程o係度...本來都唔係咁驚~ 不過...個point係...佢唔識游水~ so~~~唔驚就有鬼lu~~ 五分鐘左右o既船程... 一下子...好似好耐咁... 終於...都挨到落船~ d雨依然係咁落... 周圍都水浸咁... 咁我o地就兜o左好大個圈... 先行到有車搭o既地方~ 好衰唔衰~ 差唔多行到去搭車o個度~ 佢就停雨lu~ 真係邪~~~ 返到屋企附近~ 覺得今晚唔食雪糕~ 都係差緊d~ 所以就去七仔食o左杯雪糕啦~ 宜家呢~ d手指搽o左唔同色o既指甲油~ 嘻嘻~~ 隻隻顏色都咁鐘意~ 諗唔到搽邊種先~ 所以決定...全部搽哂~ ^-^ 岩岩download o左d歌~ 其中有首係"少林足球"tim呀~ 不過好眼訓lu~ 都係聽日先聽啦~~~~z_z |
今朝...唔知醒~ 唉...我教o左電話七點叫我起身~ 咁佢響o個時~ 我就熄o左佢啦~ 諗住程程過多一陣會打比我~ 咁我咪訓多一陣囉~ 點知...程程竟然唔記得叫我~~v_v 激死~ 成七點八先打黎~ 佢個衰人~ 仲叫我唔好返第一堂~~~ 哼~~我先頭話唔返~ 佢又話唔好~ 宜家佢遲o左叫我~就叫我唔好返~ so cheap呀~~~ 佢打完黎~ 我o係床度掙扎o左一陣~ 諗下究竟返唔返好~ 後尾~都係決定返... 因為唔上黃伯堂~ 好難明佢要畫咩~ 問都問唔返人~ 所以...都係返安全d~~ 我出街~都要沖涼~ 呢個係我o既習慣~ 雖知沖埋涼~返學可能會遲~ 不過都唔理得咁多~ 照沖~ 到八點三就出到門口lu~~ 快平時三個字~ 搭van仔落到灣仔~ 去買包and薯茸杯比apple食~ 再拿拿臨搭mtr返學~ 哈哈~~冇遲到~ 八點七八左右返到學校~~ ^-^ 黃伯堂~真係畫d好難畫o既野~ 好彩有返咋~~~!! 上海報~ 唉... 唔掂...都一早知o架啦~ 38分~ 又係低點...v_v 成堂都係傾計... 阿mon同andy就好醒咁... 上完黃伯堂就走~~ 嘻嘻~~走堂?!? ^-^ 放學...都係閃~ 返到屋企... 覺得今朝個涼沖得唔暢快~ 所以又沖多次啦~ 哈哈~~~ 今朝~媽咪去o左阿姨度拎魚~ 一早預o左兩條比程程~ 咁於是...我就拎比佢啦~ 先頭呢~我三點二出門口~ 諗住去長沙灣等佢放工o既~ 點知...我屋企o個度~ 勁塞車~ 又冇車~ 咁最後...都係o係直接去佢屋企算lu~ 跟住...不幸o既事又發生啦~ 咁程程話o係車站等我~ 結果~我到o左... 佢都未到~ 原來佢又塞車~ 彌敦道塞到阿媽都唔認得~~~v_v 咁佢就落車~再搭的士返黎啦~ 唉...基本上~ 我係可以上去佢屋企先o既~ 不過...費事啦~ 程程唔o係屋企~ 我上到去~好似怪怪o地咁o既~~~ 咁我就買o左本便利~ 一邊睇~一邊等佢返黎~ 四點幾...佢先返到~ o係佢屋企坐o左一陣~ 玩便利d game~ 之後...六點幾~ 出去尖咀... o係馬莎買衫衫比佢daddy~ 但係呢...我o地去到~ 結果...我o地自己都買o左野~ 嘻嘻~出o左d新味道o既香水~ 咁就不停o係度噴黎試味~ 又有好靚顏色o既指甲油~ 不過呢~最後都係買o左枝香水o者~~ 而程程呢~ 佢就買o左條黑色衫~ 嘩~~好型呀!!! ^-^ 著o左出黎~真係正好多o架~~~ 咁返學o個陣~ gary就提起百佳cafe~ 咁我就提議去食啦~~ 嗯~~試o左新o既薯茸~ 好味呀~ 好香好滑~~~ 丫~~咁岩~~o係o個度見到奀妹呀~ 佢真係好高~ 同埋~都幾靚~ 隻眼真係幾大~~~@_@ 食完野~ 去唱k~~~ 唔知點解~~次次去加拿芬道o個間energy~ 都等唔到玉蝴蝶呢首歌~ 真係好邪o架~~v_v 其間~發生o左d事~ 搞到我o地極之唔開心~ 唉... 通常唔係諗住認真o既野~ 人o地就會認為係黎真~ 真係好鬼激氣o架~~ 唱"愛比我 搭mtr返屋企~ 諗住仲有巴士搭o掛~ 點知...係冇o架~ 於是就搭的士返屋企lu~~ 很累呢~ 返到屋企~ 程程打埋電話黎傾o左幾句~ 就訓覺覺lu~~ |
今朝個手提電話唔知發咩神經~ 六點幾七點o個時~ o係度叫... 叫o左一聲...即刻嚇醒o左我~ 原來佢冇電~~~v_v 於是我就起身~拎舊電去叉啦~~ 順便換埋另一舊電落電話~ 費事程程叫唔到我起身啦~~ 返工~ 做o左個幾leung o既cd cover~! 發現自己d水準不斷咁下降~ 唉... 最搞笑o既係...個客buy喎~~ 個客o既taste真係.............. 阿哲上午請假去交ive 張form~ 冇佢o係度同我串黎串去~ 有d悶tim~~~ 丫~我覺得朋友之間冇秘密~ 呢d先係真正o既朋友~ 我唔介意佢o既背景~ 總之...朋友肯比我分擔佢o既野~ 我會好開心囉~~ ^-^ 三點幾去食lunch~ 食o左唔知咩咩鮮魷炒烏冬o既物體~ 嘩~~勁多油~~ 食完之後~覺得成身都係油煙味咁... 噫~~~~~~>_<" 昨晚...我咁辛苦咁快做好poster o既功課~ 係為o左今晚同程程去街~ 佢今晚成八點先收工~ 佢仲話淋o左雨~想返屋企沖涼先~ 咁我就發佢脾氣啦~ 因為沖得涼黎~都成九點先出到黎啦~ 結果...佢唔想我嬲~ 就冇返屋企~ 去銅鑼灣搵我啦~ 七點幾...我送埋阿哲and阿森搭車~ 先慢慢搭mtr去銅鑼灣~ 去到...就行o左去page one睇書~ 嘻嘻~~睇o左d好正o既design書... 仲有麥嗲同麥兜o既書~ ^_^ 程程黎到...個樣好似就死就死咁...v_v 隻手手又凍喎~~ 唉...佢淋o左幾次雨~ 一定好辛苦o架啦~ 有d作病咁... 等我仲發佢脾氣... 覺得自己好衰tim~~~ 之後o係city super食野~ 食完~行o左陣city super~ 買o左盒咖啡糖~ 個包裝盒仔好靚o架~~ 好professional o架~~!! 出到黎~個天又落雨~ 於是入o左去sogo避啦~ 行完sogo~都成十點幾lu~ 咁就返屋企~ 點知...d雨都未停~ 好彩一行去搭車~ 就有車o者~ ^-^ 返到屋企~沖好涼~ 打電話比程程~ 果然不出所料~佢o係架車訓o左~ 打o左3次~ 佢先醒~ 岩岩好叫得醒佢~趕得切落車~ 如果唔係~~佢就會搭過龍~ 一陣就好笑lu~~ 有d口渴~o係雪櫃見到有"布霖"食~ 拎o左個黎食~ 嗯~~好味道~~~好甜呀~~!! 丫~~講起布霖~我諗起一個人~ 以前...我叫佢做布霖o架... 送阿森阿哲去搭車o個時~ michelle打黎~ 話改做星期三出黎喎~ 而程程星期三又放假~ 我諗住o個日請假~~ 不過呢~~未返夠三個月就請假~ 會唔會好衰呢~~? 由我買md機o個日開始~ 我都只係買sony o既md用~ 前排...第一次買o左兩隻tdk o既md~ 見佢隻碟好得意~ 有d火o既圖案~ 就諗住試下新野冇壞啦~ 今日程程錄好o左隻md比我~ 發現~~原來隻md唔只靚~ 個盒都幾特別~ 唔似sony o個d咁~ 只係就咁插入去~ 而係好似錄音帶咁...打開先得o架~ 但當然...亦都可以就咁"蚊"出黎~ 只要用好大力o既話... 丫~~差d唔記得講件大頭蝦o既事tim~ 就係搭mtr 之前~ 走去"禁"錢~ 咁我係要通知書o既~ 當我拎o左張card~拎o左張通知書~ 就收埋入銀包走人啦~ 行o左幾步...轉頭諗下~ 好似有d野未拎~ 於是拿拿臨行返轉頭~~ 成六百蚊o架~ 冇o左就唔抵啦~~v_v 好彩o個度咁岩冇人咋~ 如果多人o既話...就實冇硬... 以前~ 我冇咁大頭蝦o架~ 我諗...大頭蝦o左~ 係因為有o左依賴o掛... 以前冇人理~ 所以咩都要自己搞掂~ 宜家唔同啦嘛~~ ^-^ |
今朝比姑姐打電話嘈醒~ 條友都痴線o架~ 晨咁早七點幾打黎~~ 一聽電話~佢就話... "幸妍呀~我係姑姐呀!" 我個心諗...你係邊個關我鬼事咩~~!! 真係好想同佢講~"你答錯線!"~ 之後一直訓下醒下~ 到九點先比程程叫醒我起身~ 今日開放日~ 唉...最精彩o既環節~ 並唔係睇d作品展覽~ 而係國寶介紹紙o既部分~ ^-^ 另外佳sir都幾搞笑~~ 哈哈~~~ 我o地班人o係度話... 學校特登o係會考放榜呢幾日搞open day~ 九成想呃多d人入去讀啦~ 李sir十二點三左右點o左名~ 就比我走lu~~ 依然係閃返屋企~ 不過d時間就鬆動好多~~ ^-^ 返到屋企仲可以慢慢食野返工~ 平時會好趕o架~~v_v 返工之前~幫公司拎d傳單去相舖~ 今日一下子~ 覺得好多野做咁... 寫低o左好多野o係薄度~ 唉...唔知幾時先會完成哂呢~~~?! 七點左右放工~ o係公司樓下間麵包舖買o左個沙翁食~ 嗯~~ 好食~ 但好肥~~ 死啦~體重直線上升~ 肥扒囉~~~v_v 雖然一直都係~~~~ 算啦~~食埋先算啦~~~ 返到去屋企附近~...買o左本milk睇~ 食完飯~沖完個芒果涼~ 就做功課lu~~ 唉~~~超冇意念~ 做chair o既海報~ 搵o左張好唔掂o既chair o既圖~ 有d好唔襯o既感覺~~ 不過算啦~ 鬼叫我聽晚要去街咩~ 所以做o左就算!! 丫~~今日o係太陽底下~ 見到自己隻腳...反哂光咁~~ 係起鏡面o個隻~ 有d恐怖~ 唔知有冇辦法可以整到佢唔"令"~ 但係又唔會黑呢~~?! 話咁快~聽日就星期五~ so happy 呢!! |
昨晚程程話o左樣好笑野比我知~ 我都唔記得寫低tim~~ 哈哈~~不過我唔會公開o係度寫o既~ 費事佢嬲啦~ 不過比我笑o左佢好耐~~ 嘻嘻~~~ 今日返工...阿哲同阿森都冇返呀~ 昨晚佢o地成點幾兩點先走~ ot丫嘛~~ 而我就七點幾就走~~ 返到公司o個陣~ 幾鬼唔好意思呀~~!! v_v 阿哲冇返工~搞到我鬼死咁悶~~ 但係呢...學到幾多野~ 因為denny教我用wacome板~ 好正o架~ 平時不嬲都放o係檯面~ 冇人教...所以就一直冇用過~ 用落~又幾好洗好用喎~!! 仲有~denny教我執相~~ 佢示範o左一樣~~ 嘩...真係好靚~ 果然係唔同d o既~~~ 唉...令我覺得... 有時唔可以唔服佢o既~~~ 原來呢~~今日係台灣o既父親節喎~~ um...香港o既父親節過o左未呢~~?! um...唔係好記得tim~ 嘻嘻~~~ 四點左右~一條友出去食麵~~ 冇人陪...好快就食完拎埋相去哂... 就返公司繼續做野lu~~~ 唔知搞乜鬼~ 幫公司做個招牌~ d字出到一邊~出唔到一邊~ 激鬼死~~ print唔到出黎~ 仲諗住今日搞掂佢~ 聽日做第二樣野tim~~~ 寫低張紙~ 等阿森又或者阿哲幫我跟下眼~ 睇下有咩方法解救到~~ 七點左右放工~ 都唔算太累o既~~~ 唉...聽日學校開放日~ 照常返學~ 不過就唔係上堂~ 而係睇d阿sir畫下畫呀~ 睇下展覽咁... 睇完~仲要寫report~~ 都痴線o架~~~ 而且係強制性咁寫~~ 仲話你當一個學分咁計喎~~~ 咁cheap o架~ 逼人寫~~v_v 真係唔鬼想返~~~~~ 哼~~!! 哎呀~~v_v 昨日同程程去打機o個時~ 唔小心整跌o左個袋落地~ 諗住唔會咁唔好彩整爛野啦~ 點知今朝我行返工~ 拎部md機出黎聽~ 竟然發現個ear phone爛開o左~ 激鬼死~~~ >_<" 又要買... 突然之間~ 好似好多野想買tim~~~ 唉~~~~ 噫~~~今日放榜喎~~~ 依我記得~~應該冇friend要放榜~~ 即係唔係切身問題啦~~ um...今年諗住專攻設計高級文憑~ 其他野乜都唔報~ 如果今年再唔得~ 就試下夜校啦~ 夜校都照殺~~~ 希望會入到啦~ |
今日係楠楠生日~ happy happy happy birthday~~!! ^-^ 昨晚好早就訓lu~ 十二點左右就上o左床~ 睇o左一陣書就頂唔順~ 訓著o左lu~ 今朝...九點o個時~ 我仲問我自己...究竟好唔好返學呢?! 幾經掙扎~咪又係要起身~ 上電腦堂邊有可能唔返先得o架~~ 學校過幾日open day~ 好cheap咁~~特登油過d外牆油~ 同埋白色變o左灰色o既地方~ 上課室o個陣~ 見到jeffney~ 佢過遲d出黎食飯~ 等我可以吐下苦水喎~~v_v 今日堂flash~ 有少少難度~ 舞o左好耐先掂~~v_v" 放學...家下o既例排菜都係即閃o架啦~ 返到屋企~食o左少少野~ 就返工lu~~ 今日冇咩特別野做~ 都係工作量適中~ 基本上...我知公司今晚要趕起批vcd比人~ 但係...我約o左程程~ 所以...我就走先啦~ um...有少少好冇義氣tim~~~ 過到尖咀... 七點幾~ 程程仲未黎~要八點幾先到~ 所以我自己去行o左陣街先啦~~^-^ 見到一隻好靚靚o既低B G~ 全白~仲係有貓貓O既tim呀~ 我下期諗住買~ 嘻嘻~~~五百幾o者~ 都唔係好貴~都仲買得起~~ 同程程去食元綠~ 要等好耐~ 所以打o左陣機~ 先返轉頭~ 去到~岩岩就到我o地~ 不過都成九點幾先有得食呀~ 食完~~再o左陣街~ 睇定佢媽咪生日o既禮物~ 之後再食杯haggen-dazs o既雪糕~ 呢一晚~夠哂圓滿囉~~ ^-^ 哈哈~~~ 今晚o係body shop買o左枝芒果味o既body scrub~ 同埋shower gel~~ 返屋企沖涼o個時o既感覺超爽呀~ 又香喎~~~ 加上芒果係我o既最愛~ 好夏日feel呀~ 正~~~ 搭mtr 過尖咀o個時~ 咁岩見到阿哥返屋企~ 又會咁岩o既~~ 嘻嘻~~~ 程程送我返屋企o個陣~ michelle打電話比我~ 佢o係加拿大返o左黎~ 約我下星期一晚... 咁當然~有athena去~ 我實去啦~~ ^_^ 聽daddy講~ 今日係立秋喎...好似~ 會開始冇咁熱~~ 不過...今日好似好熱囉~ 我就唔多覺佢涼啦~ 哈哈~ |
今朝唔多願起身~ 雖然到最後~ 都係要死死氣落床... 唉... 返工~好邪惡地... 九點三返到去~ 企到成九點九左右先有人返~~~ 我差d仲以為今日有d咩事~ 唔洗返工咁happy tim~~ 下午...都係要去派傳單~ 等我仲以為我唔著裙返工~ 就唔洗去tim~~ 哈哈~~我咁諗...真係白痴啦~~ 今日去到灣仔天橋派~ 見到一個由小學一齊升讀中學~ 以前幾好朋友o既friend~ 余盈~ 仲有另一個...楊天美~ 唉...有d唔自在... 話哂見到熟人~都幾"魚"下o架嘛~~v_v 余盈行o左埋黎同我傾計... a-level唔知幾科e~ 其他o既~就冇提到lu~~ 佢話佢諗住去外國讀書~ 去岩岩諗住去拎澳洲d資料喎~~~ 七點幾放o左工~ 返到屋企~ 又中中o地計... 又收到信~~ 好彩只係銀行o既宣傳單o者~~ 今朝~~程程令我另眼相看~ 因為佢竟然作o左篇好好o既野~ 估唔到佢d中文都幾掂o架喎~~~^-^ 當我行返屋企~ 見有"石本"仔糕賣~ 咁就買o左個黎食啦~ 嗯~~好味~~~ ^-^ 好唔小心地...我又"界"親隻手指尾~ 真係黑~~v_v 輝輝老爺話... 原來四月未來媽媽~ 星期六o個晚佢唔係唔洗返工~ 而係去o左同區o既第二間度返咋~~v_v 講好o左~ 今個星期六再去過~ 嘻嘻~~~ 今晚...終於都有d時間做下自己野~ 唔洗咁趕~ 因為聽日冇功課交丫嘛~~~ 哈哈~~~~ yeah~~yeah~~ |
Apple生日~ 嘻嘻~~生日快樂~~~ ^-^ 昨晚o係河馬bar~~ 去廁所o個時~ 比個門"恤""界"親手~ 真係慘慘啦~~v_v 好彩"界"到右手o者~ "界"到左手就大穫lu~~~ 尋晚沖完涼~ 出到黎諗住等程程返到屋企打電話比我~ 點知~ 未等到佢打黎~ 我已經訓著o左lu~~~~ 哈哈~~ 今朝~十一點幾起身~ 到十二點幾一點~ 程程黎到我屋企~ 我媽咪煮o左d好難食o既拉麵比我o地食~ 噫~~~~~ 都唔好食o既~~~>_<" 當我o地抱大隻囡囡出黎玩o個陣~ 發現囡囡條尾...爆o左線~ 好唔開心呀~~v_v 於是我就拎d針~拎d線黎同佢補返條尾啦~ 嗚~~大隻囡囡好慘呀~~~ 佢實好唔開心o者~~~ 跟住...到五點幾~ 出發去佢屋企~ 之後睇玻璃之城~o既vcd~ 前一排同程程去唱k~ 點o左"今生不再"呢隻歌~ 睇住個mtv~ 突然好想睇"玻璃之城"... 其中一段...都好touch~ 我o個一剎那~ 一滴眼淚o係左邊o既眼流出黎~ o個一段係咁o既....講舒淇同黎明分手~ 黎明: "希望你不會忘記, 我們在一起的每一天, 都是那麼開心, 我都是那樣愛你~" 舒淇: "我也希望你記得, 我們分開的日子, 你不在我身邊, 我才是最愛你." 呢兩句對白~ 真係好正呀~~~~ 食完晚飯~ 睇電視~ 無線做一個狗仔比賽o既節目~ d狗仔好得意呀~~~ 吳家樂隻北京狗混摩天使~ 好可愛呀~~ ^_^ 第時...我要養呢d狗狗~~~ ^0^ 宜家決定o左啦~ 第時唔會養貓貓~ 費事肥仔仔同大細隻囡囡呷醋~ 唔開心啦~~ 返到屋企~十一點幾~ daddy mummy 仲未返~~ 哈哈~~~我竟然早過佢o地喎!! 屋企只係得阿哥o係度~ 佢比o左條電話繩我~ 係bar code人o既電話繩黎o架~ 原來... bar code人係佢個師弟有份幫手構思同做o架~ 哈哈~~~ 估唔到喎~~~ 我都見過佢個師弟~~ 姓田o架嘛~~所以我特別記得佢啦~~~ 不過...我都唔會用住o架啦~ 因為....我上個星期先買o左條新o既大口仔電話繩~ 同埋昨日又買多個大口仔o既電話扣~ 哈哈~~係一對o既tim呀~ 藍色衫同粉紅色衫~ 藍色o個隻大口仔...比o左程程~ 我就當然係用粉紅色o個個啦~~ 丫...突然比我諗到~ 點解我會鐘意大口仔啦~ 除o左佢少出野~較為矜貴之外~ 其次就係大口仔個名叫tabo~ 佢件衫~通常都會印個"T"字o係度~ 嘻嘻~~~~咁我個名又係"T"字頭丫嘛~~ 聽日又要返工lu~~ 宜家d時間真係過得好快呀~~~~~ |
今朝...我冇早o左起身~ 因為昨晚臨訓之前~ 已經搞掂好哂d野~ 包好埋apple份禮物啦~~^-^ 好趕呀今朝~我成八點一先出門口~ 搭車落灣仔~再搭mtr返學~ 返到去~~時間差唔多啦~~ 上海報堂~~ d分數終於都有d起色啦~ 有四十幾分~~ 咁先似樣o架嘛~~~ ^_^ 跟住上黃師父堂~~~ 勁眼訓~~~ 到落堂~~時間岩岩好~ 畫好o左今堂教畫o既技巧~ 哈哈~~唔洗做咁多家課~ happy happy~~ 放o左學~~當然為apple慶祝生日啦~ 去energy唱k~~ 本來...阿聰都話黎o既~ 但最後...黎就係有黎過~ 不過...只係一陣咁大把~ 我同apple o係出面門口等佢咋~ 佢送o左禮物比apple~~ 影o左張相~就走lu~~ 哎呀~~部數碼相機好唔爭氣呀~ o係呢個時間冇電~ 好彩...都仲夠電一人同apple影一張o者~~^-^ 今日都算多人o架啦~ 有成十個人~~ 嘻嘻~~~ 唱完k~~就散lu~~~ 我跟住返屋企放低d野~ 再等程程黎接我~~ 我o地之後o左沙田~~ 先頭諗住搵四月未來媽媽~~ 順便諗住輝輝老爺夜d會過黎搵四月未來媽媽~ 點知...四月未來媽媽冇返工咁o既形勢~ 因為我o地搵唔到佢嘛~~v_v 另外~老爺又唔過黎~ 所以...我o地行o左一陣~ 就出返旺角lu~~ 輝輝老爺九點幾出o左旺角join我o地~ 本來諗住一齊去出電話~ 點知唔收id card~ 所以...下個星期先算~~ 跟住...去o左尖咀打機~ 打到咁上下~ 就去四月未來媽媽做o個間酒吧度飲野啦~ 不過佢竟然今晚冇返工呀~ so unhappy~~~ 我特登去o個間bar見識o架嘛~~ 又會咁岩唔洗返工o既~~~v_v 傾下傾下~ 我飲o左兩枝diamond black~~ 出到黎~有d貓貓o地~~~ 真係唔多掂~ 行得唔多穩~ 不過...今晚幾愉快~ 3個人傾計...都幾開心丫~~ ^_^ 飲完野~出黎食宵夜~ 食飽飽~ 就返屋企lu~~ 有點精智不清... 酒上腦~ 要訓覺覺先lu~~~ |
今朝程程唔記得o左叫我起身~ 唉~~有冇搞錯~ 日日都叫開o架啦~ 又會咁都唔記得~ 激死我啦~~ 好彩我自己識醒o者~~~ 返工~~~ 今日要去派傳單呀~~~v_v 我發現o左一樣野~ 每當我著親裙返工~ 都要出去派傳單~ 真係搞笑~~~ 大約七點...我就趕住收工lu~~ 因為要返屋企做功課嘛~~~ 比阿哲提醒o左~ 張海報做棉花糖~ 特登走去買包棉花糖返屋企~ 諗住影相~ 再scan入電腦~ 點知...我岩岩想搭lift~ 阿哥就o係部lift走出黎~~ 佢竟然o係我最需要佢o既時候出街~~~~~!!! 有冇搞錯~~~ 個card reader未整返~ scan鬼相咩~ 真黑仔~~~v_v 結果~我張包棉花糖直接scan入電腦~ scan出黎個效果都唔係太差o者~~ 基本上~~冇咩idea~~ 個腦好似塞o左咁~~~ 做好...諗住print啦~ 點知...輪到部printer有問題~ print到d顏色變哂~~ 洗o左好耐噴墨o個度先冇事咋~~~ 搞到我一頭煙~~ 超級唔順利~~~ gary下午打黎~ 話比我聽~聽日掉堂~ 唉~~~晨早上盧sir堂~ 實在有d唔想返~ 不過...唔交...下堂就冇得交~ 即係焗住我要返o者~~v_v apple聽日生日~~ 份禮物都未包tim~ 宜家好夜啦~ 都係聽朝起身先包啦... 功課又未"痴"... 已經好累啦... 夜晚程程收工返到屋企~ 知道o左個壞消息~ 佢好唔開心呀~~ 而我咩都做唔到~~v_v 唉... |
今朝唔多願起身~ 程程九點叫醒我之後~ 我再訓多一至兩個字左右先起身~ 搞到我成十點先出門口~~ 幾趕呀~~v_v 先頭我仲以為冇時間食早餐~ 點知... 去到見到阿yan阿wing都係岩岩開始食冇幾耐~ 所以...我就照食早餐啦~ 返學~交學費~ 出奇地冇咩人排隊~ 真係好啦~ 上堂...好善用d時間~ 經過李sir o既指導~ 畫出黎真係好好多~~~ ^-^ 放學...走去幫程程交野~ 先返屋企~~ 諗住返去搵隻corel draw返公司裝~ 好衰唔衰~ 前排成日帶返公司~ 就冇時間裝~ 到帶o左返屋企~ 想帶返公司...隻碟就唔見o左~~ 唉~~~v_v 搵到我身水身汗~都搵唔到~ 都唔知去o左邊~~~~ 搵到一點九~ 再唔返工就會遲到~ 於是就拿拿臨出門口啦~~ 我一趕...就一定有d野唔記得o架啦~ 諗住換另一個袋返工啦~ 出o左門口~ 先發現唔記得o左放張八達通落袋~~ >_<" 趕到我都冇時間食lunch~~ 咁經過star bucks~ 就入去買o左杯凍朱古力and生果沙律返公司食~ 七點幾收工~ 約程程o係旺角等~~ 走o個時~~正當係最大雨o既時候~ 有傘都冇用~~~ 著住對粉藍色o既波鞋~ 又濕哂啦~~v_v 條牛仔裙又濕~ 好唔舒服呀~~~ 程程今日下午考牌... 合格o既話...可以轉做公司o既車手~ so happy~ 聽佢講~~應該合格唔成問題o既~~~ ^-^ 去到旺角~ 就去食韓國燒and火鍋~ 好好味呀~ very good~~ 好飽飽~ 食o左好多蝦蝦~~好味~~ 而最正...就係最後d湯底~ d味道好鮮呀~~~ 食完~都成十點lu~~ 行o左一陣~~ 見到一對白色o既air presto chanjo lea~~ 係皮面o架~~而且o係其他地方好少見到~~ 著落好舒服~ 程程買o左比我~~ 嘻嘻~~~ 皮面~~咁落雨o個時... 隻腳就唔會濕啦~~ 哈哈~~ 之後就返搭bus bus屋企~~ 去到中環再搭自動電梯行返去~~ 食飽飽~~當做運動囉~~~ ^_^ 基本上...買o左對鞋鞋~ 我又唔想咁快比媽咪知住~ 因為費事又比佢話我o地亂咁買野啦~~ 都唔知著唔著好~ 但係如果聽日著o左~ 放工返屋企咪比佢見到囉~~ 唉... 有時...真係有d覺得媽咪好咩咁... 買咪買囉~ 宜家搞到要避黎避去~ 買都買得唔暢快~~ 哎呀~ 部card reader唔知搞咩~ 又突然唔work~~ 見咁夜~都係費事叫阿哥過黎搞啦~ 都係聽日先算啦~~~v_v 死啦~ 仲未做星期六o既功課~ 資料都未搵~ 聽晚都唔知做唔做得切呀~~~ 把麥嗲麥兜傘... 漏o左o係程程度tim~~ 佢要住o係程程度一日~~ 星期六先返... 哈哈~~~~你要乖乖o地啦~~~ ^_^ |
我有時真係好憎我老豆~ 我咁講~ 唔好話我不孝~ 根本係佢o既問題~ 明明係佢自己唔耐煩~ 又話係我唔耐煩~ 佢口話就係同我傾兩句計~ 但佢係鬧我~ 唔係同我傾~ 討厭~ 今日返工~ 做o左張好肉酸o既poster~ 拎o左d工作證去出相~ 做好宣傳廣告~ 七點左右收工~ 放o左工~ o係度矛盾緊~ 究竟聽日返唔返學好~ 我d懶根~又生出黎啦~ 哈哈~~~ 今日我紮o左個新頭飾返工~ 阿哲好好笑咁~ 話我個頭飾似"排九"同埋"色仔"~ 真係比佢激死~~~ v_v 張工作證整好o左~ 效果幾好! 張相影得幾靚... 哈哈~~ 夜晚~做功課~ 好簡單咁畫o左d野~ 聽日...都係決定返學啦~ 費事唔返啦~~~ 大約十點...阿哥返到黎~ 佢終於幫我整返部電腦~ 上得番網啦~ 大家呢一兩日有冇掛住我先~~~?! 等陣~唔洗答我住... 哈哈~我知你o地實話冇o架啦~~~ 宜家用寬頻~ 感覺上~ 真係好似快o左好多~~~ ^-^ 阿哥仲幫我裝埋數碼相機o既reader~ 不過...不幸o既事就發生啦~ 就係...張card入面d相冇哂~ 唔知點解冇啦啦冇o左~ 好唔開心呀~ 因為...入面d相~ 影o左好耐~ 有好多好笑o野o架嘛~~~v_v 唔制呀~~~~ 昨晚掛好條魚魚~ 今朝比老豆話我~ 唔比我掛o係o個度~ 又係因為d風水學說~~ 於是...我掛o左o係床尾~~~ 比阿哥咁入黎整一整部電腦~ 間房立即又變到七國咁亂~ 唉... 呢兩日...d生活都幾亂~ 又冇咩記性~ 聽日~我寫日記唔會再寫得咁亂o架啦~ 信我啦~~~~ |