<<Index>> <<Who is Yan>> <<所思所想>> <<我的歌、我的書>> <<My Gallery>> <<My Online Diary>> <<你的留言>>

所思所想

回憶...... 對於你來說是怎麼樣的?

20030810

想......

每天乘車的時候, 你最愛做什麼?

中學回校的時候, 我總愛在車上睡覺. 因為真的很累. 大學時我不用乘車上學的.

現在的我, 每天乘車上班的時候, 都會思想一番.

有很多人會爭取時間去做事, 連乘車也不例外. 有人會在車上看書, 睡覺.

我卻喜歡什麼也不做. 我只愛想.

想想要做的事情. 想想要解決的問題. 想想他人的看法. 想想做人的態度. 想想朋友.  看看車上的人, 聽聽他們的談話, 看看街上的人, 再想想這, 想想那...

我是一個很喜歡思想的人. 有用無用的事我都會去想.

一天的時間有限. 私人空間更少. 利用乘車的時間去整理自己的思想是有益處的.  這亦是一個讓大腦運作得到平衡的好時機.

20030810

看書

以前很少看書. 看的大多是學校強迫我們看的書, 很少因為想看而看. 有時間都寧願去街, 搞活動, 做義工.

近來卻想看多一點, 甚至有點想將之培養成興趣. 買了不少書. 不過看完的真的不多. 都是自己有點躲懶哩. 加上我看書和看哪一本都是要看心情而定的. 如果星期天在家, 我總會用一些時間去看書.

我喜歡看一些有得著的書. 一些好feel, 看完覺得舒服的散文我亦會看. 其他的我就沒有什麼興趣了.

看多了, 想的東西亦更多, 給了我機會去反省, 得到很多體會. 看書對我的最大益處是確定自己做人處事的態度.

希望可以keep住看書呢個習慣.

20030810

氣質 (topic suggested by winnie =p)

呢樣野, 其實真係好主觀. 人地話女仔唔靚唔可愛就可以讚佢有氣質. 我卻覺得咁樣係貶低�魕O個字既價值. 因為氣質唔係個個人都有. 而且男人都可以有氣質的.

對我來說, 靚跟可愛都比不上有氣質. 靚跟可愛只是外表, 有的只是靠人工修飾. 氣質卻不可以扮或修飾出來的. 氣質有一種獨特性(uniqueness), 是一種特別的吸引力. 這是一種由內心發出來的魅力, 而且是持久的.

氣質是可以累積的. 有能耐經歷風浪的人很有氣質. 有內涵有自信但又內斂的人就很能表現一種氣質.

真正的美是有氣質啊. 我有的是奇怪的審美觀.  =p

你和我, 會是有氣質的人嗎?

~thanks to winnie~    20030810

緣...

人們說女孩子總喜歡把沒法解釋的相遇歸咎於緣份.

我也很相信緣份和命運. 我更認為所有和我們有關的人和事都是命運的安排. 我們的家人就是一個好例子. 至於生命中跟自己有接觸的人, 亦是有它們的定理的.

每個人有一個個人的人際網. 而自己是中央一點. 網上的每一點就是你一生中有機會遇到的人. 這是已固定的. 一生中我們有機會接觸自己網中的所有人, 但這視乎自己有沒有去把握機會.

我認識了你們, 就是由我們之間的緣份所牽引.

20030811

電腦

依家既生活真係唔可以同電腦分割開. 工作無左電就無法繼續. 肯定死硬. 平時無左電腦都會好幣. 我要同我d朋友保持聯絡��.

我大學時讀電腦, 對其他人來說係一個電腦人, IT人. 不過我幾抗拒呢個稱呼. 自問無資格做, 因為我既電腦知識真係好屎. 而且我好怕寫programs, 又唔留意IT新資訊. 我做過aptitude test, 我既logic高分, 不過唔知點解用唔到落去寫programs, 而且咁抗拒喎.

原本想做d同電腦無乜關係既工作. 不過最後都要理埋IT. 電腦對每一行都好重要既.

一直同電腦都有好大關係. 或者呢個係我既宿命啦.

不過電腦真係好惱人. 真係又愛又恨呀~

請記住我唔係一個IT人哩, 拜托~

20030823

比較

有d人好鍾意同其他人比較哩. 乜都可以比較一餐. 比人好既時候得到滿足感. 人地比自己好既時候就唔憤氣唔抵得. 我真係好唔明白點解哩.

不斷去比較只會令自己唔開心哩. 要比較既話, 同自己去比較更加客觀吧. 可以好準確咁見到自己既進步或者退步. 以其他人做榜樣或者目標都係一個好做法. 但唔等於麻木去比較呀.

用比較去得到滿足感. 真係好愚蠢既行為哩.

20030823

人生問題

生老病死, 生離死別係必須面對既事. 人越大就越面對得多, 呢d問題都係要去稔既. 我係一個開朗既人, 但係我都好多野稔. 尤其係獨生女, 擔心既野比其他人真係多好多, 人地係永遠無法明白既. "把所有問題都自己扛" 係事實, 亦係現實必須既.

好多野都要做好準備, 準備係為左到真正發生既時候唔會不知所措. 感覺係無得做預備既, 但係可預備既係去計劃當時所要做既事. 雖然已經長大, 但係好多野我地都係未識既. 要去學要去知要去承受.

人生真係好脆弱. 珍惜依家擁有既一切, 尤其係身邊既人.

20030824

我是開心的人....真的嗎?

你會懂我嗎? 即使依家未懂, 我都希望將來會哩~

20030824

INVISIBLE <==> VISIBLE

係我既ICQ list入面, 原來有幾多人都係visible list入面. 我會將我既好朋友同重視既人放入visible list 入面. 係好忙同埋唔開心既時候我都會invisible自己. 只有係visible list 既人會見到我.

我想visible list入面既人知道我對佢地既重視. 不過其實呢個只係形式上既劃分.

依家我唔再點invisible自己啦. 所以決定將所有人remove from visible list, 因為visible list已經無左意義啦. 如果我真係好耐無online, 可能真係好唔開心或者發生左大事哩 (人間蒸發?!). 關心我既朋友記住留個message, email甚至打個電話比我啦. =)

係現實世界入面, 原來我好怕被人invisible哩. 呢個感覺真係好難受. 所以要人地唔invisible自己, 首先自己要visible自己先囉~ 我係visible to 所有朋友既. 亦唔會invisible我既朋友架. Open to All~ =)

Seek And You'll Find ....... ME~~ I'll Seek You Guys Too~~

20030829

BONUS

我會treat好多野as bonus in life.

人本來就係乜都無�赯�. 所有野都係靠自己既努力得來既. 至於一d expect 唔到或者一d唔係必須既野(無左都唔會死既野)就係bonus啦, 例如一個unexpected既半天假, 一d偶遇... 當呢d野係bonus, 會令自己更興奮去迎接佢地, 有喜出望外既感覺.

好多野都唔係屬於我地既. 如果我地有機會去擁有, 就係我地既bonus. 我地要去珍惜佢地, 因為係好難得既. 不過即使失去左都唔使太過介懷, 因為佢地原本就唔係我地既.

當我地咁樣睇既話, 就會發現世界其實係好美好哩.

Life is Full of Bonus. Appreciate and Enjoy It~

20030902

理智與感情

好多人都話感情係控制唔到既. 我都認同. 但係我係一個經常用理智去控制自己感情既人.

咁樣做有好有唔好. 好既係可以避免自己同人地受傷. 太感情用事係唔好既. 但係我係理智得有點冷吧...

如果可以既話我真係好想隨自己既感情去做事. 雖然咁樣可能最後受傷既會係自己, 但係我都甘心去試. 我想要深刻既感受多過純粹開心既感覺.

理智...感情...如果取捨?

其實我係一個感情幾豐富既人, 只係好少將感情表現出來.  或者可以話我係一個唔識表達感情既人.

要表達自己... 對於我來說係要學既野. 我一直都好希望有人可以激發我去做到. 可能我未遇到, 亦可能係我錯過左呢個人或者呢個機會. 不過唔緊要, 我有信心將來一定會做到既.

呢個人會是誰呢? 會是我認識的你們嗎? 幾時會遇到呢個機會哩?

20030909

愛情

對於呢樣野我就係最看不透. 自問唔識做人女朋友, 亦唔識同親密既人相處同溝通. 因為咁而試過愛情受傷. 不過回頭再看, 我感激有呢d經歷. 經驗令我成長. 我係好需要親身經歷去學習既人, 愛情尤甚.

我一直都覺得所有問題都可以解決. 但係依家我知道唔係既. 只係相方都願意先可以做到.  但係對於我來講有d野未想通, 我始終會有d心結. 我相信始終一日我會明白. 唔一定要解決, 但係我會自己去領悟, 去明白.

今日, 我�埥竷炊妨�, 就突然有d啟示. 對於我來說, 原來一開始既相處方式錯誤而唔去講只去忍, 一段戀愛就唔會成功哩. 我係一個連自己都未能完全了解自己既人哩.

依家我已經比較清楚自己想要d乜啦. 對愛情唔會太著緊. 亦明白多D應該要點相處哩.

有人問過我, 點對待舊情人. 我唔會刻意忘記. 我會想同舊情人做好朋友, 當舊情人係可以傾計同分享既知心友. 因為舊情人對自己既了解頑多. 做唔到情人但仍關心對方. 呢個條件已經係做好朋友既重要原素哩.

愛情既睇法.....已經化左好多, 但係依然未完全看透吧. 有待慢慢摸索...

不過我依然相信一切隨緣哩~ 緣份唔會作弄人的...

20030914

朋友

朋友有好多種. 有d傾到計既, 有d一齊玩既. 有d兩樣都做到. 有d係不為什麼, 好自然咁走埋一齊去做一d野. 或者有一d共同目標同理想將大家拉在一起.

我係一個唔識keep關係既人. 讀書�鶖玊皕|為左做野無時間而唔去同朋友聯絡. 所以keep到既朋友其實真係唔多. 返左工之後, 反而無太多瑣事纏身, 有更多時間去同朋友聯絡. 同朋友既關係又再緊密番哩.

我好珍惜自己既朋友. 雖然唔會成日見, 但係大家都仍然係彼此關心既. 呢種感覺真係好美妙.

交朋友我係貴精不貴多既. 時間有限, 遇其要自己好刻意去keep咁多朋友, 不如做點選擇哩. 感覺舒服既就會keep啦.

維持關係係要靠彼此既努力的. 只係做多少少已經可以將感情提升啦. 我會主動去做. 希望大家都會啦. 雖然我未必做得好, 但係我有決心會做得更好.

友共情長存哩.

20030914

WORKAHOLIC

我係一個典型既工作狂. 熱愛自己既工作, 好搏盡去做, 有ambition. 只要仲有野學, 我都會繼續我既熱誠.

一份無目標既工作, 我寧願放棄哩. 咁既工作好易令人覺得厭倦同寂寞. 人唔可以長期處於無目標既狀態. 咁樣既生活好枯燥好無意義.

唔使返工既時候�Md野學下做下, 同埋同朋友聚一聚, 再留一d時間比自己. 咁既生活係最充實最有意義既.

雖然我好鍾意工作, 但係我當然唔希望我既生活只有工作啦. 要享受生活呀~

20030920

LOOPING

呢一個term, 其實係呢排先成日講既. 佢有d"旁觀者清, 當局者迷"既意思. 係 loop入面既人係好唔 sensible既. 或者佢係 sensible咁知道自己做緊d唔 sensible既野但係都繼續去做. 我都曾經 looping過, 而係後者哩.

無親身體驗過係唔會知道�齛堣ㄞ鄏菮瑀P覺既. 威力真係好大. 親身經歷過之後下次就會更加小心哩.

不過當局者迷唔係唔好既, 唔好 loop死就無問題啦.

20030924

笑

我係一個好鍾意既人. 微笑啦, 哈哈大笑啦, 都有我份. 但係我天生嘴角向上, 所以即使我唔係笑緊d人都覺得我笑緊喎. 而且我對眼又細, 笑既時候似腰果喎, 連眼都識笑哩.

笑係一種禮貌, 笑亦可以令人地開心d, 令自己寬容d. 見到好既人我都會好自然咁流露出笑容喎.  不過我又會苦笑喎. 但係全部笑容都係出自真心�鍐{. 有時無端端笑, 可能係稔起開心野啦. 而苦笑, 係唔想人地擔心自己哩.

呢排少笑�鱁�. 人大�鬫n多野稔. 或者原本既我就係咁正經啦. 但我又唔係唔會開心既, 只係以前稔多d開心野, 依家稔多d責任同煩惱吧.

畢竟我都係一個好認真既人哩. 可能又係獨生女, 始終有d孤辟吧.

20030924

地鐵

其實我係好唔鍾意撘地鐵既, 因為無風景睇, 而且繁忙時間又迫, 感覺好唔舒服. 依家一至五要撘地鐵返工, 要上堂既日子因為時間趕迫放工都要迫地鐵.

唯一星期六我可以撘巴士, 一程車到又有景睇... 正~ 所以有時間我都會遊巴士河哩. 郊區既巴士係最好坐既, 因為夠長途, 而且無乜高樓大廈,又多草木同河/海, 風景一流. 當然一路行一路睇更加好哩.

地鐵係方便同穩定, 但係我想忙裡偷閒, 盡量爭取時間去享受嘛. 大自然啊~

20030928

Plan Ahead

自問係一個幾有planning既人, 我會稔得好遠好遠, plan自己既將來, set長遠目標. 我好想早d退休, 之後就可以無憂無慮甘去做自己想做既事. 依家所做既野好多時都係為左自己既長遠目標去做既. 其實有時我會稔得太過遙遠. 唔識得去活在當下, 享受現在, 享受生活.

我成日都覺得依家咁後生, 有好多機會比自己去摶, 所以做野我會好訓身, 希望學到同得到最多. 第二時老左想做都做唔到啦. 所以熱愛工作都係希望老左�鶖伬屭炱滬�. 享受生活既機會係要捱過先至更加可貴, 難忘同識珍惜既. 況且我好鍾意做野, 我覺得真係學到好多野. 除左工作上既知識, 人生哲理都學唔少哩.

由於係咁, 我好易滿足於現狀. 有朋友, 有野學, 有自己既時間, 做到自己鍾意做既野就滿足. 因為我有自己既生活目標同工作目標. 我依然認為後生仔應該要捱多d既. 我唔係一個享樂主義者. 或者退左休之後我會係既.

活在當下係o岩既. 因為人生難料. 就讓我用自己既方法去學會活在當下啦~ 我有自己一套去做, 而又唔會影響我既人生目標既.

或者呢個就係所謂既價值觀其中之一啦~ 價值觀....一個重要既提醒... 哈哈

20031012

Independence. Interdependence.

Recent realization...

A person who is independent is mature. However, the real maturity and success lies in the fact that he/she is capable to be interdependent.

We cannot isolate ourselves from others. We have to interact with other people. A strong bond with others is essential to our life. We let others to rely on us and should know how to rely on others as well.

I should learn to be interdependent~

20031012

Stages in Life

人生既階段個個都唔同. 不過大致上都係有d sequence既.

讀書-->做野-->退休. 做個好孩子-->追尋自己既理想-->照顧家庭-->留低一d價值係世界, 俾自己既下一代. 仲要既係一直享受生活.

我既最ideal既稔法就係咁. 依家哩, 我係係一個做緊野, 追尋理想, 同時間享受生活既階段.

對於家庭, 我就已經無咁憧憬啦. 連感情同埋點樣相處都未能夠handle得好既時候, 好難話要有更進一步既稔法既. 我又唔係灰,  或者可以話無家庭係一個小遺憾啦.

大家尋尋覓覓, 都係希望會搵到一個可以一齊生活既人. 我都希望會遇到. 只不過有d野無得強求既. 就算無家庭都可以有意義同充實既人生呀. 有得必有失, 而有失亦必有得嘛~

20031012

回顧

雖然未到十二月, 但係都好想係度寫下一年既回顧同埋自己既感受. 今年對我來講係影響好深既一年.

由讀書到做野, 由住hall到返屋企住, 由拍拖到分手到再拍拖到再分手... 仲有一d事...

呢d轉變對我有好大影響. 加速左我既成長. 好多野既睇法都唔同左. 失去左一d野但係同時都得到一d野. 一d人一d睇法.

總括來講, 我對於轉變係接受, 而且係積極既, 不過感情方面我覺得有d累. 或者要一段時間去歇一歇, 思索一下. 不過我仍然好清楚自己係一個敢愛既人. 對於我愛既人我既愛係毫無保留既.

20031110

巧克力

我一向唔係太好甜野, 不過住左hall之後食多左, 尤其係雪糕, 糖水同蛋糕, 真係幾好食. 糖方面始終係朱古力比較好食, 食左之後有d興奮既感覺. 黑朱古力係最好食既, 放左入口之後有d苦澀既感覺. 溶左之後就有d甘甘地既味道. 我鍾意甘香既味道.

唔開心既時候食粒朱古力或者係朱古力做既食物, 成個人都開心d. 當係暫時麻醉自己都好嘛~ 食黑朱古力會有苦盡甘來既感覺, 會舒服d.

開心既時候食朱古力感覺又會唔同架喎. 食乜朱古力都會覺得好甜, 甜到漏哩~

覺得生活枯燥既時候食d甜點調劑下, 可以為生活加添一d色彩. 識得享受食既人係幸福既~

今日... 我食左一粒朱古力, 感覺如果哩?

20031203

"愛不是要求對方, 而是要求自身的付出."... 愛, 你懂嗎?

20040121

甜點

以前唔鍾意食甜野. 大學既時候就鍾意左食雪糕同cake.

返左工之後就鍾意食甜點啦, 可能返工生活枯燥, 又有壓力, 所以有d甜品調劑一下係開心好多哩.

20040128

工作

很久沒更新我的網頁了. 主要是沒太多空閒時間在家哩. 有的話都用了來做其他東西啊.

不知不覺間已經工作了八個月. 發覺自己對工作沒太高要求, 只要有滿足感,有發揮的就是我渴望的工作了. 或許我是一個很易滿足的人吧.

不過現在的工作似乎欠缺了點什麼....  我感到自己的魄力比以前少了...

很羨慕找到及能實現理想的人啊.  我的路該怎樣走哩? 讓我想一想.

20040511

感動

大雄 -- 近期最令我感動的歌.

一句說話 -- 令我的眼淚一湧而下 .

一個我最愛的人 -- 帶給我深刻的體會. 真的很愛很愛. 每天愛多一點.

懂得珍惜~

20040516

忘記憎恨

自己很少憎恨別人, 原因是自己會去避免接觸我不喜愛的人. 我不想對任何人有恨.

況且每個人都有好的一面, 不應以偏概全去衡量一個人是好是壞.

越要去恨一個人只會越令自己越受他/她困擾. 何不忘記憎恨哩?

現在工作, 難免要接觸一些不好的人. 但我亦希望能保持善良的心. 這亦是做人處世之道.

20040517

搣橙的幸福

很多東西變成習慣之後, 如果你不去察覺(realize), 你便不會意會到當中的意義. 就連自己都不為意啊.

從少到大爸爸每天都會搣一個橙給我作飯後果. 由這是開始我就愛上吃搣的橙. 大學時住宿舍, 一切得靠自己. 我亦習慣地每天搣一個橙給自己吃.

見到同事午飯有一個媽媽搣的橙作飯後果, 亦羨慕起來. 回想自己其實亦很幸福. 每晚總要吃爸爸搣的橙.

因為這樣, 我亦醒覺到, 自己覺得為心愛的人搣橙亦是幸福的事. (雖然他不甚愛吃橙哩)

不止是搣橙, 很多小事亦是能體驗幸福.

你感受到當中的幸福嘛?

20040517

<back>