<<Index>> <<Who is Yan>> <<所思所想>> <<我的歌、我的書>> <<My Gallery>> <<My Online Diary>> <<你的留言>>

WHO AM I?

名字的由來:

我既中文名 -- 朋友都知啦. 係一個幾特別既名. 有d人覺得好聽, 但係有d人覺得好'q'口哩. 無所謂啦. 我自己就好鍾意呢個名哩. 好特別. 我覺得幾襯我架~

Yvonne -- 呢個名左用左好耐. 由中文名演變出來既. 無咁特別哩, 不過我都鍾意.

Yan -- 呢個名係Form 1 既時候同學改既. 中學朋友都會咁樣叫我. 聽到朋友嗌"阿Yan"既時候就會覺得好親切.

大頭妹 -- Year 1 既時候d affay改既. 我個頭真係幾大既. 頭大無乜唔好呀. 亦唔代表無腦哩~ 大頭係我既特徵.

大面 -- 都係住hall既時候被人改既. 其實我塊面真係唔係好好好大咋. Year 1肥�鶖伎}大d lor. 依家都係normal size��.

我無刻意將自己既花名帶埋去一個新既地方. 因為我希望對住新既人有新既野. 反正大家都會再幫我改花名架啦~

叫我乜都好啦. 都係一個稱呼��. 最重要既係大家認識我呢個人哩.

我的最愛:

顏色 -- 天藍色. 藍色有一種好安詳既感覺. 好舒服. 天空啦, 大海啦. 一望無際.

數字 -- 0. 0有無限既意思. 係原動力.

藝人-- 劉德華, 陳慧琳. 我鍾意佢地係因為佢地夠全面. 講唱歌做戲, 佢地未必係最好. 但係我欣賞佢地既勤奮同埋佢地既人格.

花 -- 橙色鬱金香. 其實對花無乜研究. 不過鍾意左呢隻花好耐啦. 開放但係帶點含蓄. 好獨特.

食物 -- 水果. 勁鍾意食生果. 乜生果都食, 最鍾意食西瓜.

飲品 -- 老火湯同埋凍檸茶. 住左三年hall, 就好想有啖湯水潤下, 尤其屋企無煮飯啦. 好恨哩. 而我對凍檸茶依然情有獨鍾.

歌曲 -- 誰願放手. 聽過好多歌, 但係到目前為止都係最愛陳慧琳既呢首歌.

做的事 -- 用我自己既方法去體驗生活, 享受人生. 其實無乜特定既方式, 鍾意既想做既就係啦.

先生  --  ms auokar, mrs sum, mr li, dr. kao, dr. pun, dr. chu... 好既先生係教書好同肯放心機去教好學生, 係我記憶入面唔多哩. 我唔會同先生keep得好close. 對ms auokar, mrs sum, dr chu比較有印象可能因為同佢地接觸比較多啦. 至於dr. kao同dr. pun, 我覺得佢地係有魅力既professors哩~ 今日腦裡面突然閃出了mr. li既映象. 佢係我差點遺忙�鬫�係依然專敬既老師哩...

我是...

廿幾歲女啦. 我係一個點既人?

單純. 學校, 環境同朋友既影響吧. 我好多野稔, 但係始終都係好單純. 或者係我自己揀既. 好多野無得分得咁清楚同無得避免, 我明架. 不過我有自己既待人處事方式. 你好既我會對你好, 你唔好既我會避你, 就係咁簡單.

我行我素. 我對人對事都有自己既一套稔法.  我有自己既原則, 唔會點受人影響. 我唔知點解會有咁既稔法. 可以話係自己靠experience 去 develop出來既. 我又鍾意用一d另類既方法去解決問題. 想做事做得開心好簡單, 改變下自己既睇法同態度啦~ 要投入同喜愛自己做既事.

老練. 呢個形容詞係一個同學形容我既. 我唔係一個圓滑既人. 不過我唔會因為人際關係或者人事既問題而煩惱. 又唔會點得罪人. 或者係呢個意思? 呢d野我都會睇得幾化哩.

執著. 人際關係我無咁執著. 但係有d野我係好執著既. 對是非黑白, 對愛情... 如果無咁執著我可能會開心d哩.

有責任感. 由細到大既培養吧. 好多野我都會睇成係自己既責任, 變相比左好大同好多壓力自己. 好難放鬆哩.

正直. 都係由細到大既. 我都有反叛既時候, 但係大是大非我唔會有任何猶豫.

內歛. 我好怕高調. 即使我做得好, 我都好怕人讚哩. 你欣賞我我會好感激. 但係唔使人讚哩.

三分鐘熱度. 學野學唔好既原因吧. 做事我好有耐性同埋衝勁. 但係一技之長欠俸. 我係一個可以培養soft skills但唔係hard skills 既人哩. 失敗~

缺乏信心. 好記得year 1樓MO我自己講既缺點. 咁多年呢樣野已經improve左好多架啦. 信心係要慢慢培養既. 要試過先可以增加既. 不斷試不斷改信心就會增加啦.

不擅表達. 習慣左吧, 不過我會改的! 改緊啦~

硬頸. 由細到大都係咁硬頸哩. 亦即係固執. 但係我有d情況又會心軟�鍐{.

My Motto:

"Work hard and work well in every aspect." --  一係唔做, 一做就要做好佢哩.

"Life is full of bonus, appreciate and enjoy it." -- 生命既意義在於懂得享受一切.

"Treasure all that u have." -- 珍惜所有, 因為好多野唔係必然既.

"Life with no regret." -- 或者係唔想令人同自己失望, 傷心同擔心啦. 所以做決定會有好多顧慮, 要稔得好清楚. 係好多野中取個平衡, 做左之後唔會後悔既.

"了解一切，就會寬容一切。" -- a quote from a book. 寬恕別人係好緊要既, 因為每個人做每件事都有佢地既原因, 甚至係苦衷. 所以未了解所有真相唔好胡亂批評或者責怪人哩.

我渴望:

去希臘, 去有陽光與海的地方.

體驗農場生活.

買到一間係海邊既白色小屋, 好似'捉不到的戀人'入面�黧﹌�.

照顧人. 如果結到婚, 先過二人世界. 之後希望有bb, 一男一女最好啦.

被人照顧. 咁樣我就可以做份無咁大壓力既工, 去做多d自己想做既事, 例如社會活動, 學多d野.

退休之後開一間cafe. 如果係外國, 我就想開個農場.

有車. 可以周圍去d我想去既地方, 一d遙遠既地方, 吹下海風. 當然呢個唔係必須既. 有腳既就好多地方都去到, 只要有決心的話.

to be continued......

<back>