Hasta los años 40, del siglo XX, Zamboanga conservó en castellano la denominación de sus vías ("calles"). La II Guerra Mundial, al igual que en el resto del Archipiélago, permitió a los norteamericanos culminar su política de erradicación del español:
    Véase un plano de Zamboanga en 1940 y otro más reciente.

*******************************************************************

           Para quien quiera leer algo en chabacano, ofrezco a continuación el discurso pronunciado por la alcaldesa de Zamboanga, doña Clara Lobregat (1921-2004), con motivo de las Fiestas del Pilar de 1999:

           "Cay este un celebracion del cultura de zamboanga, pabor permiti conmigo conversa con ustedes en Chabacano, el lenguaje nativo del pueblo
           Alegre yo que taqui ya tamen el tiempo del Fiesta de Zamboanga Hermosa y el Fiesta Pilar cay este un ocasion para acorda y dale mira el diaton maga bonito tradicion como el maga baile que ay presenta este tarde maga diferente escuela del pueblo
           Sabe man ustedes que el Zamboanga amo el uno del mas viejo pueblo na Filipinas. El diaton lugar el primer comunidad que ya planta el maga Español en Mindanao. Y antes pa del venida del Español el Samboangan ya el jardin de flores del maga Subano, el mapa verdadero nativo del pueblo.
           Diaton comunidad un gran mescla de cuantos tribos -tribos de Mindanao y tribos de Visayas y Luzon-. Mucho del dila maga tradicion y costumbre ya queda canaton. Tiene tamen kita el influencia del maga estranjeros quien ya visita na diaton lugar como el Español, el Americano y el Chino. Fuerte canaton el influencia del Español que bien claro na diaton lenguaje, na diaton costumbre, na diaton maga celebracion y maskin na diaton comida.
           Puede kita habla que el Zamboanga es un comunidad unico na pais. No hay igual canaton na otro partes del Filipinas. Alli ta saca kita orgullo. Poreso debe kita protehe y conserva el diaton cultura cay si perde ese, dificil ya levanta otro igual. Preserva kita el Chabacano, el maga baile Zamboangueño y el diferente modo de cocida del diaton maga vianda. Preserva tamen kita el maga lugar y edificio que tiene valor de cultura o historia como el City Hall, el Fort Pilar, el Pasonanca Park y el campo de golf na Calarian. Estos maga parte del cosa que ta hace con el Zamboanga y ta hace canaton Zamboangueño.
           Por parte del gobierno local, ta dala yo gracias con mi ciudadanos quien ya abuya este tarde para aprecia estos maga baile na camino, que es un parte del entero fiesta del Zamboanga Hermosa. Gracias tamen con el maga jovencitas y jovencitos que ta participa na maga baile y con el dila maga maestras y mayores.
           Man alegre kita cay este el tiempo de celebración diaton.
           Bienvenidos".

    El Saludo de René Fernández desde Zamboanga (30/12/99)