昨晚等埋程程踢完波~ 沖埋涼...
都成十一點五~
佢話佢o地同d阿叉踢~
咁我問程程佢有冇入波啦...
佢話差d入...(咁即係冇入啦)~
d阿叉走一步~等於佢o地走兩三步~
so~ 好蝕底...
自然會輸波啦...
傾o左陣~就訓覺lu~
今朝遲o左出門口~
因為條眉畫極都唔滿意~
麻煩到死~
返到舖頭~見到雪櫃上面有d恐怖野~
我明明記得收工o個陣~
雪櫃面係好乾淨o架喎~
點會有d野o係上面呢...
咁好明顯...係一d屎黎~
我好搞笑地...o係度諗...唔會係雀仔屎o掛~~
我仲周圍望~搵下有冇雀仔飛o左入黎tim~
哈哈~
跟住我過去老豆度~
飲茶拎埋d水同埋茶o個陣~
同佢講啦...
佢話...係蟑螂屎...
我話...唔係o掛~咁大"pat"~
佢話...咁呀~可能係蜘蛛屎~
嘩~ 一諗...心都寒埋...
咁緊係唔方細隻啦~
咁大"pat"~
雖然明知公司有大蜘蛛同蟑螂~
但眼不見為乾淨嘛~
咁今日杯茶好熱...
我拎唔到...
老豆就幫我拎過黎啦~
佢見到o個"pat"屎...
佢就話...車~咁細"pat"~係蟑螂屎黎o者~
唉~咁都安心d~~
因為如果蟑螂同蜘蛛比~
蟑螂冇蜘蛛咁恐怖嘛...
昨日收到新世界send黎o既sms~
佢話電話個plan upgrade o左~
真係好啦~~
阿媽o係股票行打黎~
問我睇唔睇"凝聚每分光感謝大會"喎~
佢有兩張飛~
係股票行朋友個女o係醫管局度做...
上頭比佢o架喎...
原本...都諗住唔睇o架~
7點15分就開show~
好似好趕咁...
跟住我就上網check下個show有咩人做啦~
都幾吸引下...
問埋程程佢去唔去...
佢話去喎...
咁就去囉...
既然又唔洗錢...
之後~ 阿媽又打黎~
話報紙旅行團廣告~
去上海o個d團都係999蚊~
聽日開始報名...只係限三日...
額滿即止o個隻~
咁佢就問我...可唔可以叫程程家姐幫佢搞掂...
唔洗佢自己去排隊啦...
我打比程程~
同佢講...跟住佢打比佢家姐~
佢家姐話唔洗得橫手...
聽朝七點打電話去報都得喎~
後尾...佢家姐又話睇下聽日佢返唔返得七點~
如果返到...就可以幫我阿媽搞掂~
希望得啦~~
食飯o個陣~
我就緊係同阿媽講程程家姐未必搞得掂...
因為佢要出團...
阿媽問佢去邊啦~
我話去日本~
佢就話...咁搭阿程家姐買burberry啦嘛~
我話...哦~咁好啦...
佢話...咁你揀好款...叫佢家姐買啦...
哈哈~~ 咁既然有人認頭...
唔洗自己比錢~咁緊係買啦~
哈哈~~~~so happy~
睇中o左個粉紅色小餃子款~
細o既好似七百幾~
中o既要成千蚊...
等我今晚再問下阿媽先...
唉...舖頭有生意~
反而幫我o地代銷o個度...
就賣o左d野...
不過...d價錢好低...
o係代銷o個度賣就冇問題~
如果我o地舖頭賣出去...
就會搞亂哂d價...
d錢最快聽日先有得收...
比埋500佣金...
真係賺好少呢...
今日著o左對好耐冇著過o既鞋...
之前都只不過係著過一次咁大把~
o個次仲著到我整損哂對腳...
痛到我死tim~~
今日再著返...
已經冇"刮"腳...
但係仲係好緊...
先頭我著o左襪o架~
後尾...都因為太緊...所以除o左~
睇黎我聽日都係唔會再著住...
因為要去睇show o既話...
緊係著對舒服d o既鞋穩陣啦...
最後...希望棠棠豬唔好唔開心啦~
我都費事講咩事~ 大家唔好咁八卦~
總之...唔開心...都係一陣好啦...
知唔知...?!
^_^
