今朝阿媽掛住清潔地方...
見我起身~就拿拿臨放塊麵包入微波爐~
點知...佢撳錯o左...
整o左好耐~
搞到塊麵包變o左石頭~
塊火腿又乾又硬...仲"lone lone"o地tim~
唉...唔理得咁多~都要照食...
不過當然...阿媽又比我"哦"o左幾句啦...
昨晚apple send sms比我~
我一收到...就即刻打返比佢...
第一次聽到佢用d咁o既聲同我傾計...
完全feel到佢係好down咁...
傾o左一陣...
所有我識講o既安慰說話都講哂...
唉...我真係冇用啦...
都唔識安慰人...
不過知道佢都諗通o左...
都安樂d...
我亦都相信~佢會好快冇事~
經得起風浪o架嘛!!~
係咪?
之後同程程傾o左陣電話~
傾起碧咸轉會...又講下其他球星d野~
佢條友"恰"我唔識...
想考我~冇咁易~~~
問我邊個邊個係咩野人~ 邊隊球隊咁~
結果有d我都識答~
唔係一d都唔識o既~~
另外~ 程程今晚去踢波喎...
咁我又要等埋佢先訓覺~
麻煩~~
昨晚佢明明講好寫封澄清聲名比我先訓~
點知今朝返到公司收唔到...
就找佢"悔氣"~
佢話好累喎~
所以冇寫到就訓...
哼! 咁即係呃我啦...
我講過再呃我就分手~
我咪係咁話分手囉...
(咁我只係講下o者...)
佢又冇袋住我張卡片~
唔知我公司fax機號碼~
猛叫我講比佢聽...
佢即刻寫返封澄清聲名fax比我喎~
到下午~ 食lunch~
我先肯講個號碼比佢聽...
佢即刻fax o左黎~
個簽名懶係型咁...
簽到咁得死大個...
無聊...
不過可能大家覺得無聊o個個係我先岩~
寫埋d澄清聲名...白痴o架咩~~
咁我就阻止唔到大家咁諗...
我只係想比多d機會佢為我做d野~
第時老o左...拎返呢d無聊野出黎睇~
起碼都有餐笑下嘛~~
哈哈~~
今朝噴返枝好耐冇用過o既海洋味香水~
當時買...係因為海洋味~
都冇理佢係咩牌子...
到後來...先開始著重埋香味o既持久性...
呢d特質...通常亦只係得d名牌先有...
所以...名牌香水...係物有所值o既~~
我宜家o既感覺...
唔係咁好...
原來...我已經慢慢轉o左口味...
海洋o既味道~
冇o左以前比我o個種感覺lu....
昨晚...
阿媽終於都講返介紹表姐去做野o個單野出黎~~
原來...返o左一日工...就覺得唔岩佢...
話唔做啦喎~
哈哈~ 真係好笑~
佢話份工好似好"拋頭露面"咁...
喂~聽講你乜野學歷呀?
想做寫字樓工...排隊都未到你啦~
唔係我老豆~人o地根本唔會請你...
見工o個時...
人o地應該講得好清楚要做乜o架啦~
接受唔到...就唔會做啦...
既然應承o左人...
就點都做落去...
宜家咁o既時勢...有份工都偷笑啦...
仲想點呀~~
點都做住先啦...
唉...咁大個都唔識諗...
真係無腦o架~
程程話佢公司又有風吹草動...
年底可能會炒哂d人....
重新簽過新約~
而人工方面...仲洗問o既~
緊係會比宜家低啦...
唉...希望呢個消息唔係真o架啦~
車~頭先問清楚程程~
佢話原來係後勤o個d~
咁佢o地係屬於地勤~
咁應該唔關佢o地事喎~
唉~早講丫~~麻煩~~
今日睇o左暗戰2~
都幾好睇~
不過就冇令人好緊張o既感覺~
我諗...呢d就係港產片同西片o既分別...
其實~我發現張"基"下面有隻死蟑螂好耐o架啦~
但我又唔耐掃佢出黎~
終於~我今日吸塵o個陣~
吸o左佢...
之後~我又冒住生命危險去倒哂入面d垃圾出黎~
(因為我o地吸塵~
通常都係吸好多次先倒入面d野出黎~
並唔係次次清~
so~ 入面好多垃圾~ 好dirty o架~)
倒完...我就拆哂入面d野出黎洗~
洗o左好耐~
宜家好乾淨呢~~ ^_^
