昨晚發夢...
發夢見到程程識o左第二個女仔~
個女仔仲有名...叫"桐桐"~
跟住唔知點解我又養o左隻狗...
隻狗衝o左出門口...走甩o左...
好奇怪~
亦都有d唔開心~
雖然只係一個夢...
但...我亦領悟到一d野...
終於~今日都出太陽~
太好啦...
不過我全日都騰騰震...
公司個冷氣...真係夠哂冷~
我已經著o左外套...
都仲係咁凍~
較到中級...
都頂唔順...
如果再細d...又滴水...
麻煩到死~~
今朝去o左銀行入錢比sisi~
d英鎊對成13.1...
勁高...
50鎊計埋手續費都成820蚊~
跟住下午又比o左五千幾蚊運費~
三百蚊倉租...
d fax紙又用哂...
買o左一盒12卷...又一百蚊~
唉...今個月都唔洗旨意有糧出~
除非有奇蹟o既出現啦...
程程個家姐20號終於都有得帶團~
而且係去日本tim呀~
好想叫佢幫我買個blue label Burberry袋返黎~
不過...諗諗下...都係唔買lu~
冇...又唔會死...
第時自己再去日本先買啦...
反而~有d零食想叫佢家姐買...
但我又唔知o個d叫咩名...
買錯就唔好啦....
所以...都係乜都唔買...
唔好搞咁多野~
食咩野丫~ 食多d咪肥多d...
問返阿wing去釣墨魚好唔好玩~
佢話都幾好玩~佢釣到六條~
我都想試下呀~
我仲上網搵到d釣墨魚團...
都係百幾蚊位...
不過如果三唔識七...
同其他人一齊釣...
就唔係咁好玩....
唉~真係唔知幾時有機會去釣呢...
今日阿德又諗住叫我幫佢寄野~
仲要係寄返去中國~
用fedex寄...
不過仲未包好裝箱...
叫我問定d價錢~
過幾日先寄喎....
今次真係有d擔心...
始終中國唔同外國...
我唔知d單應該點寫..
直接寫古董得唔得等...
最主要o既問題...
緊係唔想公司會因為佢寄呢d貨...
而惹上任何麻煩~
又諗唔到藉口去拒絕佢...
得罪佢就唔好啦....
唉...希望佢係寄d正正常常o既野啦...
昨日咪有張不知明o既fax~
但係又寫住"煩交陳小姐"~
只fax得一節黎o既fax呢....
今日部fax機終於都肯出張journal出黎~
不過都係冇fax number...
始終都唔知乜水...
維也納個客...
昨日我打電話同佢阿媽傾~
阿媽叫我send o左e-mail比佢個仔先~
咁我咪send囉~
今日收到佢回覆...
竟然話唔可以寫其他名...
因為佢係根據張協議書黎寫...
而張協議書...
係for 2002年11月30號o既拍賣用...
咁件貨根本唔係o係拍賣賣出~
只係後尾我o地另外o既特別協議賣出~
冇理由一定要寫我老闆娘個名~
我咪反駁佢囉~
我話...如果係根據拍賣o既協議書~
咁我o地應該比24%佣金比你~
而唔係15%啦...
我知就算點講都冇用...
佢都實唔會理...
不過...我已經講明我老闆娘o既情況比佢聽~
佢都唔體諒我o地宜家o既情況`
就有點兒那個...
佢o係公司立場...係冇錯...
但張支票佢都係預o左比...
而且係佢間公司開出黎~
又唔係佢個客開...
咁寫張支票比我...
都冇問題o者...
我仲講明~我會寫返張收據比佢公司~
証明我公司已收到筆錢...
唉...佢接唔接受呢個提議...
都要等佢聽日回覆...
是時候...去過另一種生活...
願你祝福別人的同時,
也一樣得到別人的祝福.
我們所有朋友~都會支持你~
