<EnJoY LiFe 75> - Kenting Day 2 (II)
由於落雨嘅關係,我哋調左行程,改左先去國立海洋生物博物館。
首先入去個珊瑚館,好多好大嘅珊瑚,好靚呀!
仲見到啲圓姑碌毛茸茸嘅海膽,原來海膽啲刺係軟身架。
之後,見到幾條白鯨,佢地無背鰭,胸鰭又好細,
肥肥地圓碌碌咁,成身扭動,好得意呀!
原本諗住會見到大海龜架,點知行晒所有地方都只係見到呢隻龜仔,
好彩仲見到好多香港海洋公園無嘅海洋生物。
呢條鯨鯊係全館最值得睇嘅,我地好好彩撞啱喂飼時間,聽到講解。
呢條鯨鯊有成四五米長,海裡面既最長可以有成二十米長,
佢哋係食浮游生物嘅,個鰓可以過濾啲海水,
試過有一次有條魚誤入左鯨鯊個口,但係條鯨鯊都吐番佢出黎,
而且條魚宜家仲生存係個池度。
另外,發現左原來鯨魚係由陸地哺乳動物現化成架,真係唔睇都唔知道。
個度仲有啲好長嘅大水草,足足有成三層樓咁高,好壯觀呀!
全館最可愛嘅,當然係呢一班小企鵝啦,有一隻傻企鵝仲係咁追住阿芝隻史迪仔!=D
夜晚去左後壁湖食刺身同海鮮,刺身味道同香港嘅有啲唔同,依然係至愛食椒鹽鮮魷。
食完野,去左睇出火,又大風又大雨,條路又黑,係樓扇親,好彩我身手好,無整親。
最後,我地仲去睇埋恆春鎮四個城門,同埋阿嘉之家,
可惜天太黑,相機唔夠 Pro,啲相影得唔清...
因為時間尚早,我哋叫司機再車我哋去墾丁大街,
落左車先發現出面好似打緊十號風球咁,行唔到咁制,
我地好辛苦先由街頭行到街尾嘅間 Starbucks。
That's my life! =D VienneTTa 24-November-2008 |
-------------------------------------------------------------------------------
~ 愛護大自然,享受新世紀 ~