<EnJoY LiFe 74> - Kenting Day 2 (I)
在墾丁的第二天,我們準備了環島遊的行程。
早上在樓下 7 仔食左個輕便的早餐,就出發去砂島。
砂島係一個被保護的沙灘,遊人不能進入只能遠觀,
佢咁特別係因為佢嘅貝殼砂含量高達 97%,係墾丁所有沙灘之冠。
砂島旁嘅貝殼砂展示館,擺放左一些砂俾遊客觀賞,
呢啲砂真係好特別,好靚,第一次見有顏色花紋嘅沙。
雖然無得帶啲沙番屋企,我都係附近執左啲好靚嘅白化珊瑚走。
之後,我哋搭車去鵝鸞鼻公園睇燈塔,剛買完飛準備入去個陣,
竟然落大雨喎,我哋唯有買左幾件輕便雨褸繼續行。
雨愈落愈大,走到海邊時,風亦很大,真係有啲凍呀.....
唔知點解咁大風大雨大浪都仲有人係岸邊釣魚?
由於我地掛住影相,係我哋前面嘅旅行團已經不知所踪,
轉入樹林的小徑有好多分叉路,我地係又濕又凍又無助嘅情況下,
靠估咁行左好耐,終於到左呢個親吻石。
行左咁耐,終於搵到個眺望台避下雨,休息下。
如果天氣好啲應該靚好多,可以清晰咁見到砂島同大尖山。
花了一個多小時,我哋終於出番去喇!
即刻要去食番個暖暖午餐先,我哋係東港餃子買左啲餃子同酸辣湯,
我差不多食左成盒餃子,好飽呀!個酸辣湯唔係好辣,都好好味呀!
That's my life! =D VienneTTa 24-November-2008 |
-------------------------------------------------------------------------------
~ 天有不測之風雲 ~