<EnJoY LiFe 76> - Last Day @ TaiWan
到左最後一日喇，今日天氣好番少少，無再落雨，個天清番啲。
我地首先到左台灣嘅最南端，都是一望無際嘅大海，
原先仲以為地形上會見到有一個尖端。
之後，我地沿住東岸一路觀賞風吹砂，
個度嘅地形俾啲風吹到好特別，沿岸好多鋪滿沙嘅沿崖斜坡。
加上整個大海都好多白頭浪，個view真係好靚！
不過個度真係好大風呀，好似十號風球咁，企都企唔穩呀。
呢舊石好特別呀，影完番黎先覺得好似兩個人頭。
車子沿著東岸一路走，終於到左茶山吊橋，巧遇一班幼稚園學生，
佢地都好得意呀，我地仲到佢地影左張大合照添！^_^
最後，我們來到一個只是停泊了幾首漁船的小漁港。
臨離開墾丁前，我地仲食左個豐富嘅午餐：先去買左小杜包子，
啲大肉飽好好味呀，仲有一款好特別嘅奶黃麻糬大包；
再去東港餃子Encore左個酸辣湯，真係好正！
回到高雄，我地去左鮮芋仙食野，我揀左個芋泥芋圓，啲芋圓好正，
唔知香港有冇得食架呢？
由於個司機車錯左我地去另一個商場，個間商場完全無手信，
我地要搭地鐵去另一區，去左一個商場地庫間Wellcome先買到手信，
衝衝忙忙，最後都唔係買左好多野食.....
今次旅行好開心呀，墾丁好靚呀，可惜天氣不太好，
下次黎嘅話，好想玩浮潛，好想係沙灘玩耐啲！
期待下兩個星期嘅韓國之旅，哈哈！
 |
That's my life! =D VienneTTa 25-November-2008 |
-------------------------------------------------------------------------------
~ 愛上了自由行 ~