<EnJoY LiFe 73> - Kenting Day 1 (II)
玩完水之後，司機車左我哋去社頂自然公園遊山。
沿著綠色嘅小徑一路走左二十分鐘左右，我哋到在眺望台。
眺望台旁有一啲風化了嘅礁石，形狀十分古怪。
在眺望台上，吹著山風/海風，遠望多過 180º 嘅海景，多麼舒服。
之後，司機再車左我哋上山頂，個度有一小片嘅綠色大草地，
我地就不斷係度亂咁影相，哈哈有兩個靚仔仲成日昅過黎。
落番山，我哋去左一個牧場，周圍有好多牛牛同馬，
佢哋都係好努力咁係度食緊草。
牛欄嘅小公牛全都俾我哋嘅鮮草吸引過來，有幾隻仲打交爭位呢。
啲牛牛食草個陣仲好得意架，仲哋條脷會旋轉咁捲啲草入個口度。
啲牛牛食飽飽，我哋都要食番啲野先，司機介紹我地去呢間<阿香姨麵店>食野，
我哋要少一個乾麵，一個濕麵同一個豬耳，都幾好味。
食完野，準備搭車去浸溫泉，剛巧日落，啲晚霞好靚呀！
坐左半個鐘車，我哋到左四重溪嘅茴香戀戀溫泉會館。
一生人第一次浸溫泉，感覺十分舒服！
個度有好多個池：
一個好大嘅按摩池，沖力太大，受不了；
一個熱水池及凍水池，浸完個熱水池即刻跳落個凍水池度，
感覺好正，上水個下好舒服；
多個養生池，喜歡人參池及玫瑰花池，味道很香；
還有一個小魚池，啲魚仔會游埋隻腳度食死皮，好驚好痕，
四個傻婆忍不住，尖叫狂笑，哈哈哈！
最後到左墾丁大街逛夜市，呢度嘅烤魷魚同雞脾菇係超正呀！
我哋仲食咗鹵水野，同埋買咗一大袋手信，夜左好多先返番民宿，
我呢個胃食妹仲落七仔買咗個叮叮飯同茶葉蛋做宵夜呀，哈哈！
 |
That's my life! =D VienneTTa 23-November-2008 |
-------------------------------------------------------------------------------
~ 仁者樂山，智者樂水 ~