Well i look lacka election a draw nare, when yu look pan di tv all yu can si is FODDER, dat is all.. Mi nuh know why wi cawn jus get alang.

P.J. Seh im a go use eddy money prablem as part a im election cam-pain but sum tim mus wrang wid mi, cause mi si raod fi fix, no teacha ina di school dem, Polica a kill peeople, peeopla a kill police a a eddy money prablem im want fi use. Sombady need fi get a life.

Well mi shatta fren audly sey if yu call mi bass name mi a go call back fi unu name. When it cum to peeople money prablem Shaw knoe how fi get di dut pan it. Mi hood a lub fi hab fi him links, so P.J. betta mine him nuh buss fi him an some a him bwoy dem biness pon tv.

Well Paul Burk aka Tap Shatta from outa east. Mi a chat to a likle lady fram outa east di ada day. An shi a mek mi know sey if one a di likle gun bag dem eva try a ting out a da side de a mek him hear dem haffi run wey case a six foot six fi dem. Im a keep di peace but how.

What mi wood luv fi know is how a area don can lak up a man ina a chicken coob an di man haffi tan deh ,an every day man a bruk out a prison. Look laka wi need 2 area don fi run prison. Dem sey getto hab dem owna set a law an it look like a tru.

Back to scool time now. Wha mi a try figa out how mi cawn get likle a di bak to scool money what di MP dem a gi out. It nuh fair if man dung town can get man up town fi get it to. but dem nuh si it so dem sey man uptown nuh need it. if unu eva look pon di man dem dung town foot mi cant afford dem boot deh but den cant sen di pickney back a school.