昨日同apple傾傾下icq~
我都係覺得打電話直接對話會好d~
所以我就打比佢啦~~
之後~ 我就o係櫥窗度貼米字型o既封箱膠紙~
貼完...見仲有時間~
我就無聊搵通訊錄d好耐冇搵過o既人傾電話~
點知打比阿玲...兩個電話都唔通~
可能太耐冇打~ 已經轉o左都未定~
再打比阿jan~~ 不過我響o左一下就收o左線~
因為怕人o地返緊工嘛~~
轉個頭~佢竟然打返比我~
我o地就無無聊聊咁傾起上黎~~
完成係無厘頭~~
o係我僅餘o既記憶入面~~
只係記得佢同謝霆鋒同一日生日~
住大埔等...
已經唔記得o左佢做咩職業~~
佢又死都唔肯講~~
到收線都未開估~~~
咁我昨日見某人o既日記成日都冇update~
我就八卦~去search下佢有冇開第二個啦~~
點知咁都比我搵到~~
哈哈~~
我緊係send埋比人睇啦~~
得啖笑都好嘛~~
到夜晚~~ 同程程傾電話o個陣~
又因為d野而鬧交~
搞到我"蚊"哂~
本來都好好o地o既~~
唔提由自可~~ 提起就把幾火~~
次次講親呢個話題~ 我都會好"火滾"~
唉...可唔可以唔好提起有關o既野呀?
咁樣我o地o既感情會好好多...
昨晚訓到兩點幾三點醒o左~
我想知道掛八號風球未...
於是就o係枕頭底拎部電話出黎...
諗住打去天文台聽天氣報告啦...
點知...我腦入面...
一d都諗唔起天文台個電話~
只係諗到好多"電台"o既電話號碼...
真係激死~~
最邪o既係...
我竟然連新世界電話熱線都比我誤打誤撞到~
自從我轉o左台~~ 我都未試過打去新世界~
哈哈~~ 真邪~~
不過~~ 我因為打唔到去天文台~~
死心不息...
猛o係度諗...一定要自己諗到為止~
另外~~ 背脊同手臂唔知做乜鬼~
無啦啦又好痕咁...
咁我就"r"啦~ 但係痕o個d位~
"r"落去~ 又唔係痕咁...
總之唔知點...好辛苦~~
最終~~ 我緊係一邊諗天文台電話~
一邊"痕"住咁訓著o左啦~~
哈哈~~
可能打風啦~
d蟑螂呀~ 昆蟲o既野~
都走哂出黎~~
昨日我已經好叻咁..自己搞掂o左隻蟑螂~
到今朝返黎舖頭~
我又發現兩隻有透明翼...
似係蚊~但又大隻過蚊o既物體~
呢兩隻野已經就黎死o架啦..o係地下掙扎緊~
咁我就咁用張紙巾執起佢掉落廁所就算~~
跟住...就到蜘蛛~~
呢樣野~我真係唔敢自己黎~
雖然唔係好大隻...
但真係太恐怖~
拿拿臨過去搵老豆~~
不過呢隻蜘蛛好醒~
轉個頭已經唔見o左~
唔似得上次隻蜘蛛咁...
停o係度等死~~
雖然八點幾取消o左八號風球~
不過對我黎講~同平都都冇咩分別~
我都預o左要返工o架啦~
照樣都係九點左右起身~
十點前返到舖頭~~
我的確好慶幸我唔洗搭車返工~
如果唔係~~ 有排等~又有排逼...
程程本身係返八點半o既~
佢唔同我~ 冇我咁彈性~
一落波佢就搭車返工lu~~
當我"meet"返櫥窗d膠紙落黎o個陣~
唉~~ 有d膠殘餘痴o係玻璃度~
咁都係好少事o者~~
搵d藍戚寶抹下就甩~
"戲肉"之後先出現....
就係...我將d"meet"o左落黎o既膠紙...
放o係櫥窗張檯上面~
咁張檯上面鋪o左塊膠用黎防花o既~
點知...當我"meet"好哂~
諗住將d膠紙掉o左去...
結果~~ d膠紙痴哂o係塊膠片度~~
(如果大家有用過封箱膠紙~就知點解會咁"~)
因為膠片唔同玻璃~
用藍威寶黎抹...根本冇咩用~
最後...我用"潔而亮"~慢慢抹....
激死...唉...
昨晚洗面o個陣~
面上有d泡泡~
咁我就合埋眼低頭洗面啦~
唉...點知額頭上d撞o左埋個水龍頭度~
痛到我死...
宜家都仲痛哂...
仲好似腫起o左咁~~
咁阿媽前幾日咪"咬柴"o既~
個醫師敷藥o個陣~
可能d藥太熱...
搞到阿媽隻腳起o左個水"pop"~
咁老豆就話...其實可以去告個醫師~
我就覺得唔好搞d咁o既野~
始終人o地都醫好o左阿媽隻腳~
只係起o左個水pop~唔係好大件事o者~
算啦...
食o左幾日麵~ 今日lunch終於都食飯~
不過會好肥囉~~ v_v
下午tony打黎~
話老闆娘吩咐我多d聯絡d客~
欠我o地錢o個d...就去追...
又睇下有冇人租間舖咁...
話諗住租2/3比人喎~
哈哈~~邊有可能o架~~~
仲有...睇下張牧師o個邊點咁...
麻煩~~ 張牧師講黎講去~
咪又係要錢~~
之後我都好忙咁搵返d資料出黎~~
諗住聽日打電話比d客傾下...
四點幾~打電話比阿聰~
傾o左半個鐘左右~~
見冇咩做...咪打長途過去比佢囉~~
佢把聲開心o左~係好事黎~~
apple今日問我點解"friend"o個陣睇唔到~
哈哈~~ 真係唔好意思~
我仲未寫...
我會努力o架啦....
今日d時間過得好慢...
聽日應該會好d~
要pack貨嘛~~
哈哈~
