今日打風呀~
宜家就黎四點...仲係掛緊三號風球o者...
不過出面已經黑哂...落緊大雨...
遲d應該會掛八號風球...
咁當然...聽日先掛八號風球o既話~
唔洗返工就好lu~~
但係...搬o左黎呢間舖...
都係第一次遇到打大風...
真係有d擔心....
因為呢間舖冇鐵閘...得玻璃...
都幾危險下...
我諗我今日臨收工...
都係貼定膠紙o係櫥窗玻璃穩陣...
今朝我返工前去o左百佳買野~
買o左兩卷保鮮紙黎包貨...
另外我自己又買o左一包手指餅...
同埋一包朱古力手指餅...
等我平時肚餓有d野食下...
昨晚程程本來去踢波o架~
點知後尾取消o左~
今晚又話去踢喎~~
不過宜家咁o既天氣~
睇黎都係取消多o架啦...
昨日收工o個陣~
會計打黎...話有幾張支票唔知係咩數~
叫我搵下有冇資料咁...
跟住又check到個客覆e-mail~
我就應佢e-mail入o既要求~
影o左d貨相比佢睇~
同埋覆埋價錢size等....
仲有呀...幫德國佬搵運輸公司~
有間就萬二蚊~ 另一間就未覆我...
要過一兩日先覆到喎~
咁我就寫o左封信比德國佬~
叫佢耐心等下...
fax埋比佢就走人lu~~
今朝有d文具公司打黎~
佢話寄d catalog比我~
我就話...我已經聽過好多次啦~
次次都冇寄黎...
跟住個女仔幾差呀...cut我線...
最衰我聽唔清楚佢間公司叫咩名~
如果唔係~我實去投訴佢...
昨日收工之後~ 我就諗住再去交台費~
我今次已經好醒目~
去之前打電話去間舖頭度~
問下佢o地部機有冇問題~
佢o地話冇~ 我咪落去囉~~
途中feel到自己好肚餓...
就買o左個砵仔糕食啦~
哈哈~~
經過"馬會"~
嘩~~勁多人...排哂出黎~~
本來我都諗住買多張六合彩...
但係咁多人...算啦...
要中o既話...一張都中...
唔洗買咁多o既~~
結果~~ 張六合彩中o左一個字咁大把~~
唉...
老豆可能真係講得岩~
下次發o左夢...應該唔會講出黎比人聽~
自己去買六合彩就算...
講o左出黎會唔靈喎~~
跟住去交台費啦...
真係吹脹...
入到去...佢話部機入緊其他資料~
又要等陣喎~~
激死我...
今日我o既工作~都係繼續包貨...
到食lunch o個陣~
就差唔多包好lu~~
我後尾搵o左個箱....
諗住將d貨放入去~~
不過我未正式整好...
因為我都唔知放o係箱入面好丫~
定係等錢生包埋o個兩個大公仔...
睇下d位點先決定...
