今日屯門發生o左單車禍~
死o左廿幾人...
好恐怖呢....
搭長途車真係唔好訓覺~
唔係有咩事發生都唔知~~
雖然...今日呢件事...
就算個人保持清醒...都一樣係咁嚴重~
要發生...真係點都避唔到...
希望受傷o既人快d好返~
過o左身o既係...得到安息~
但係從另一角度黎睇~
呢件事可以見到董伯伯o既反應幾快...
我諗都挽救到少少民心o既~~
昨晚程程十點幾先收工~
佢返到屋企...同佢傾o左一陣電話~
不過我好唔開心咁收o左線~
因為我前晚諗返起d野...
我真係好驚囉~~
對我黎講~簡直係惡夢~
我經歷過...呢一世...我都會記得~
我唔想再重覆...
之後我訓覺...就黎訓著o左陣~
阿媽走入黎諗住幫我開冷氣~
我比佢嘈醒o左...
我就話佢...唔洗開啦...就黎訓著先嘈醒人...
到o左今朝阿媽就去o左旅行lu~
冇人叫我...不過我都知醒~
仲早過平時起身tim~
食完早餐~我就自己洗埋d野~
好快搞掂出門口...
首先就去拎返d相~
再去銀行入票~
返到舖頭放低d野~
就去郵局寄野~
再返舖頭~ 過o左一陣~
我就拎d相同埋張影印o既証書拎去對面比陳老闆~
到五點幾...
陳老闆叫人拎返d相同影印証書比我~
o個個應該係佢個女黎~
不過我當時同緊死人德國佬傾電話~
冇咩理到佢...
好似冇咩禮貌咁tim~~
個死人德國佬...
佢上年o係我o地度買o左八萬蚊野~
一直都未比錢~
d貨就幫佢包好哂~
裝o左3個大木箱...
宜家一直放o左o係運輸公司o既倉度...
每個月要收300蚊倉租...~
小數怕長計...
都拖o左成七個月有多~
成二千幾蚊啦...
仲有裝箱費又要千幾蚊....
呢d都算啦...唔同佢計咁多~
佢宜家仲話...經濟唔好...
6萬就會盡快比錢...
8萬蚊就考慮唔要喎~
邊有d咁o既人o架~
當時講好哂o架嘛~
宜家反口...
跟住我打比tony~
佢話等過幾日...當律師見到老闆娘...
託佢問下老闆娘點喎...
今日原本有貨落...
點知打去問...又話冇~
等我仲特登著得方便d拆箱tim~~
我都係睇下書~ 玩下word finder過日子~
send o左封e-mail比昨日黎o個個助理教授~
我特登影o左d相 send 比佢睇~
希望佢真係會返黎買啦~~
過o左陣~佢就回覆我~
佢好多謝我昨日幫佢影印~
宜家又send埋相比佢睇...
哈哈~~ 好開心~~
另外亦都send o左封e-mail比nathan~
話比佢聽昨日收到張小姐d錢啦~
始終之前未收到錢o個陣~
我e-mail問過佢d錢o既事~
宜家收到...點都要多謝下佢~
做下d門面功夫o既~~
d行家入黎~話呢幾日有客~
因為有大拍賣嘛~ 佢o地所以黎香港睇拍賣~
都有d生意咁~~
我就諗...係咪我有問題呢~?
點解我呢度冇生意o既~~?
定係佢o地唔誠實...
冇生意...都要話比人o地聽有生意~
好似老闆娘之前教我咁...
"人o地問你有冇生意...緊係要話有啦~~
唔通話比人聽你冇生意咩~"
唉...
定係比隔離死敵打我o地毒針...
講衰我o地...搞到冇生意~~ v_v
而我發覺冇生意o既原因~
最大機會係冇咩靚貨囉...
唉~
下午老豆買飯比我食~
今晚由老豆煮通心粉~
哈哈~唔知好唔好食呢~~?
阿德件貨比較麻煩~
不過都叫做有d進展~
但係幫我跟開o既王小姐...
完全冇話比我聽有進展~
只係我岩岩六點左右~
阿德打黎問我件貨點...
我先再打去fedex問~
點知王小姐收o左工~
我就問o左另一個人...
佢話海關check過件貨~
係屬於好古董o既野~
要收件人寫信証明唔會再出口呢件貨...
我聽日要再打去問清楚~
十分之煩...唉~
唉...其實仲有幾日...
我都唔擔心得咁多~
希望冇事啦~~~~~
