今朝雖然阿媽未去旅行~
但係都冇人叫我...
佢出o左去買旅行用d野嘛~~
我食完早餐佢先返黎~~
d杯呀~碟呀~ 本來諗住自己食完洗埋~
我一見佢返黎...
就緊係留返比佢搞啦~
哈哈~~~
今日我特登拎o左本睇完再睇o既心靈雞湯落去~
諗住好得閒啦...
實有時間睇~
點知...今日冇啦啦好多野做...
到兩點幾先食飯~
今朝侯叔叔打黎~
話d貨冇人問...包好寄過去比佢喎~
咁有兩隻馬好難包...
我就叫救星...阿劉黎幫手包啦...
之後我就負責我識包o既野~
d難度高o既...就比阿劉包~
昨日阿偉先拎o左隻跳舞俑去做架~
侯叔叔話要寄埋過去比佢~
於是我就留阿劉o係舖頭~
我自己行去阿偉度拎返隻公仔~
(阿劉o係我心目中, 佢好老實~
所以留佢一個人o係舖頭~
都唔怕o既~
而且佢以前都做過我老闆娘o既伙計~
絕對信得過佢...")
臨走之前~ 我醒起屈臣氏話今日送水黎~
我就放低d錢...
話如果送水黎~就幫我比錢~~
我去拎隻公仔...阿偉都唔o係度...
我o係工場搵返隻公仔...
講低邊間公司~
就走人lu~
諗住出面有巴士....搭兩個站返舖頭~
不過太曬...太熱...
我等o左一陣~都係決定搭的士~
雖然我信阿劉...但係以公司立場黎講~
都係盡快返去會好d~~
同埋侯叔叔想星期五收到d貨~
越快包好就緊係越好啦~~
返到去~果然送o左水黎~
好彩我醒目o者~~
到差唔多三點...包好哂d野~
阿劉只係收o左我二百蚊咋~~
我都覺得好少咁...
但係我知佢係體諒宜家我老闆娘o既情況~
都係"係咁二"收~
接住...就叫錢生黎訂箱...
四點半已經整好哂...
fedex五點就黎o左收件貨lu~~
今日張小姐終於都拎o左張支票黎~
係佢上次帶nathan黎買貨d錢黎o既~~
太好啦~
公司o既可動資產又多幾千蚊啦~~
對面美寶軒陳老闆入黎坐...
我老豆又走過黎~
傾o左陣計...
佢有個客想買隻馬~最好有埋証書~
咁我o地有一隻...
佢話想要相~
點知搵唔到出黎~
咁我就唯有影過...
聽日哂好相先連埋証書o既影印本比佢啦~~
張小姐同陳老闆都話呢幾日有客黎~
d生意應該會好返d~~
哎呀~~ 知道叫侯叔叔等o左幾日先啦...
宜家冇咩貨比人睇~
too bad~
雖然聽日有箱貨落~
但係都係d普普通通o既野~
仲有呀~聽日有排忙...
最好d貨早d送黎~
咁我就可以早d拆哂...
唔洗咁遲先走啦~~
程程今日都好忙呀~
佢最憎o個個王爺射波...
搞到佢要做到10點先有得走~
唉~程程仲要病緊...
個死人王爺...鬼唔望佢嫖妓嫖到染性病~~
哼!!
今日有個鬼婆入黎~
佢係香港人黎o架~
仲係o係理工大學度做英文教育o既助理教授~
佢個樣好慈祥~
覺得佢好nice~
所以佢就算知道佢係睇下...未必會冇買野~
我都好好咁招呼佢...
另外~我比o左本書佢睇~
我見佢對d資料咁有興趣~
我就主動提議話去影印比佢~
兩頁o者~~
叫佢六點半前返黎拎...
阿德件貨仲未掂呀...
佢日日都打黎問我~
我就日日打去問fedex o既王小姐...
而王小姐日日都係答我...
"大陸o個邊未清好關...有消息會即刻通知你"~
咁我之後覆返阿德~
又係講返同一樣o既說話~
我自己都覺得煩~~
聽朝阿媽就去旅行~
希望佢玩得開開心心啦~~
當然~仲要記得買d好味o既食物返黎~
哈哈~~~
