Softhard News 2005

12 November 2005

取代忠仔唔係瓣瓣對 林海峰怕做偷食男

人氣急升的林海峰（阿Jan）獲電訊盈科垂青，以百萬酬勞邀請拍攝廣告，適逢曾拍過該公司廣告的梁榮忠被踢爆在車中「偷食」，因此惹人揣測他取代了忠仔的地位，但阿Jan說：「唔好取代佢系架車個位就得！」

　　何韻詩和林海峰昨日在銅鑼灣出席活動，記者向阿Jan求證是否將要接拍盈科廣告，他說：「系機密，總之時間可以證明一切，遲0的大家就知。」不過適逢梁榮忠被踢爆和朱慧敏在車中「偷食」，因此令人聯想到阿Jan會踢走忠仔，阿Jan聞言即鬼馬地說：「唔好取代佢系架車個位就得，唔系取代，如果唔系我就飛0左去泰國啦！」Jan透露所拍的廣告，與忠仔及李克勤之前所拍的是不同性質，因此絕非取代對方。

　　阿詩催運整下巴

　　阿Jan還透露，有人斟洽他明年再舉行棟篤笑，但他不想「炒冷飯」，希望以全新形式演出，因此仍在考慮當中，但他說：「我希望可以系09年9月1日至9日，開9場棟篤笑！」

　　至於昨日的活動上，阿Jan和阿詩即場和兩位婆婆玩「夾豆」遊戲，阿Jan笑指二人是Twins：「阿Sa應該同鄭中基一組，而唔系同何韻詩喎！」

　　另外，阿詩表示發現自己出現「魚尾紋」，但對於會否拉面皮則擰頭說：「唔使住呀！好似有0的針可以打，我做0左調查先，暫時搽0的眼霜。」

　　阿詩坦言不能接受整容：「因為我覺得整0左將來要受番！」至於會否勸身邊好友不要整容，她笑說：「人0地0既0野我管唔到，如果真系要整，我會整下巴，因為有0的歪歪0地，同埋如果運程唔好0既話咁就去整嚇囉！」

8 November 2005

吊滯語無倫次搞寸Party  陳奕迅迷了辣興林海峰

【太陽報訊】繼早前《拉闊》High爆演唱會，陳奕迅（Eason）昨日出席《叱吒樂壇流行榜頒獎典禮》記者會時繼續表現迷惘、語無倫次，就連主持林海峰亦忍不住寸他好「迷」，說話慢半拍！

　　身穿英文字句T恤、以諧音寫上「你幫我×」的陳奕迅，昨日與Twins、楊千嬅、古巨基、何韻詩及Soler等共五十位歌手出席頒獎禮記者會，大會安排歌手即場選出心目中「我最喜愛的男、女歌手、組合」。

　　說話慢半拍

　　當主持林海峰（Jan）問到Eason心目中「我最喜愛的男歌手」時，睡眼惺忪的他表現迷惘，更不時問非所答，他說：「我心目中都有好多個人選，我都幾鍾意你！不過我又想投常石磊（內地監製），因為我想投0的偏0的0既人，我估呢個人都幾硬，我好想見到佢！」接著，他又表示要投好友Eric Kwok一票，但當Jan問他喜歡對方哪一首歌時，Eason想了好久也答不出來：「總之有『生日快樂』0個首啦！」組合方面，Eason則投毫無人氣的「咖啡因公園」，至於女歌手，Eason想了很久才選薛凱琪，站在他身邊不斷等答案的Jan終於忍不住寸他：「你個《拉闊》演唱會已經好悶，你唔好咁啦！你系咪『迷』0左？唔好咁『迷』得唔得？」Jan又寸Eason最好找朋友做多一次演唱會！

　　提攜新歌手

　　此外，林憶蓮被一眾歌手選為「我最喜愛的女歌手」，Soler及草蜢則獲選「我最喜愛的組合」，Eason亦成為「我最喜愛的男歌手」，他笑笑口說：「都系大家畀面0者，我系台灣、香港都0羅過好多獎，冇乜特別獎想0羅，我依家最關心0既系提攜新歌手，有人認同自己，已經好開心。（Jan頭先勁踩你喎！）佢講笑0者，我唔介意。我知演唱會做得唔夠好，朋友都有畀意見我，如果觀眾真系唔夠喉，我會補償嚇。」不過Eason隨即又前言不對後語說：「其實0個晚0既反應都幾好！」

　　另外，同場的何韻詩所穿的恤衫突然爆鈕，幸好阿詩眼捷手快將之扣好，未有走光。

5 November 2005

發花癲都有廣告拍 林海峰是但吸百萬

【太陽報訊】由於在棟篤騷上寸盡娛樂圈，令林海峰人氣急升，實時獲電訊商垂青，以近百萬元重金邀請拍廣告，他今次可謂是但吸便發大財！

　　轉戰幕後的林海峰（阿Jan），近年除了早上的電台節目及間中推出個人大碟外，甚少在幕前演出，更沒有接拍廣告，但由於他早前在伊館舉行的個人棟篤騷《林海峰是但吸發花癲》反應熱烈，得到逾百圈中好友捧場，人氣爆燈。

　　阿Jan亦沒有欺場而令支持者失望，連平日絕口不提的家事都擺上舞台，公開示範與老婆彭羚（Cass）在家中扮性器官的模樣，令坐在觀眾席欣賞的Cass哭笑不得，阿Jan這條橋的確絕，不但博得哄堂大笑，而且更吸引到電訊盈科的垂青，以近百萬酬金力邀他拍攝新一輯電訊產品廣告。

　　酬金撼低克勤忠仔

　　據知，對上一個廣告，李克勤及梁榮忠二人加起來的酬金只有七十萬，阿Jan以一敵二，一個人已收近百萬元酬金，足可媲美多場棟篤笑酬勞。別以為阿Jan在舞台上真的是但吸，其實為了演出成功，他已花了多年時間來籌備，最終才得到成功，今次他可謂「吸」出個未來了！

24 October 2005

林海峰亂講踩草蜢跳得屎

【太陽報訊】草蜢與林海峰（Jan）Crossover的演唱會前晚結束，Jan不忘取笑草蜢舞技只得幾道板斧；而Jan的五歲半女兒林泳則與媽咪彭羚捧場，還與爹0地握手，場面極度溫馨！

　　前晚在紅館舉行的《草蜢林狗我們一起發花癲》Crossover演出成功，全場座無虛席。葛民輝、周麗淇、鄭伊健及趙學而等均到場打氣，Jan的老婆彭羚帶同身穿藍裙子的林泳捧場，表現雀躍！

　　囡囡睇三級騷雀躍

　　蔡一傑與蘇志威（阿細）在台上激吻，蔡一智與半裸女舞蹈員跳辣身舞，但人仔細細的林泳及身邊的表姐竟睇到眼都唔眨，聞歌起舞。當Jan與歌迷握手時，林泳伸手與爹0地握手，令Jan甜入心：「佢之前七場都冇到，今晚當繫個交代。（睇到三級騷？）唔繫好特別0者！」

　　Jan發揮搞笑本色，取笑草蜢發花癲：「『是但吸』系我，『發花癲』系草蜢，連佢0地屋企人都發花癲，阿細向老婆（劉小慧）唱《永遠愛著你》，但佢（指阿細）又錫傑仔喎！最奇怪系小慧笑曬，你話佢0地系咪發花癲？」其後Jan以米高積遜Look示人，並表演單手倒立，更不忘揶揄草蜢舞姿：「我識曬佢0地0既舞，傑仔只識踢腿、阿細得番幾下Step、阿智年近五十，只腳提起0既幅度愈來愈細。」尾聲時，傑仔撩Jan跳辣身舞，Jan用屁股頂到傑仔險跌落台。而慶功宴上，張耀榮開香檳時，射爆天花板燈膽，碎片射中Jan的手，幸無受傷。

22 October 2005

懶理楊受成Paco握手 林海峰照寸申嬌戀

【太陽報訊「申嬌戀」告終後，掀起英皇及金牌兩間公司不和。但前晚於林海峰的棟篤Show，楊受成與黃柏高（Paco）握手，完騷後兩人亦有交談。但林海峰在台上照寸申嬌戀，毫不留情。

　　林海峰（Jan）前晚舉行最後一場《是但吸發花癲》，吸引不少圈中好友捧場，包括方力申（Alex）、余文樂、鄭裕玲、杜汶澤、田蕊妮、許志安、何韻詩、何超儀和陳子聰等，身為太太的彭羚當然到場支持。英皇老闆楊受成和Paco亦有到場，二人同坐一行但相隔數個座位，期間楊受成主動和Paco握手，亦曾寒暄。

　　鬼馬的Jan甫上台即取笑台下的嘉賓，他先望著安仔說：「安仔，你今晚一個人呀？韓紅呢？」Jan連好友阿澤都不放過，他說：「阿澤你將來唔好生女，唔系你個女一定扮白雪公主。」Jan還取笑陳子聰：「超儀老公你要收嚇身。」近日是非纏身的Alex，亦慘遭阿Jan重提「申嬌戀」，他說：「我真系分唔到系撇阿嬌追Stephy，定系撇Stephy追阿嬌。」此外，梁漢文、古巨基和鄭中基與Jan合唱《男子組》，令現場氣氛高漲。

　　台上多謝葛民輝

　　當Jan在台上答謝所有人時，感動得淚流滿面，他大方多謝曾傳不和的阿葛（葛民輝），而阿葛在完場時與達明一派現身台上，並宣佈為慶祝香港回歸十週年，於07年和達明一派搞騷。事後Jan坦言因觀眾的熱情而令他落淚，他說：「最感動系許冠文同小鳳姐都買飛睇我，小鳳姐睇完仲去後台問我系咪同Cass（彭羚）真系有0野，我都唔知小鳳姐系講真定講笑。」而Cass被問到是否以身體語言教囡囡性知識，她說：「唔繫好認真咁0既。」

13 October 2005

處男騷發花癲自揭私隱 林海峰戴套偷食搞喊彭羚 【太陽報訊】林海峰前晚在新伊館舉行Talk Show《是但吸發花癲》，吸引逾百圈中人「朝聖」！他以三寸不爛之舌寸盡Rain、傑青及香港迪斯尼樂園等，連老婆彭羚也擺上台，自爆兩公婆在家扮性器官！ 　　等了十八年，林海峰（Jan）的處男Talk Show終於開鑼，全家捧場，卻不見兩位寶貝女。獻出第一次的Jan有咁盡去咁盡，不但自摸下體，還大玩不文與爆粗，X家拎、Fxxk、妖、頂與收皮等滿天飛！最抵死的是，他自爆向大女林泳灌輸性教育的過程：「彭羚負責扮卵巢、子宮同陰道，我就扮陽具，仲逼菲傭扮另一個女人0既生殖器官勾引我，於是我就要戴安全套以策安全！」全場觀眾笑到碌地，喪拍手掌！ 　　為愛女呷醋 　　已退出樂壇的彭羚，前晚為支持老公而再度公開露面，Jan情深款款地說：「彭羚為我犧牲如日方中0既歌唱事業，好偉大！婚後我冇再花心思教佢，我覺得好內疚，有時提起其它女歌手，佢會黑面，呢樣我會體諒，不過兩個女錫老婆多過錫我，搞到我好冇癮！雖然林泳只有五歲，但我已為佢將來嫁人而憂心。」台下的彭羚為老公一席話感動落淚。 　　寸安仔吹水 　　至於城中熱話「傑青」，Jan把焦點放在沒有捧場的許志安身上，安仔日前表示「就算得番一個觀眾，我都會唱下去。」Jan抵死地揄揶他：「佢咁講純屬吹水，不切實際！」令同為「傑青」的基仔與千嬅拍爛手掌。前晚捧場的圈中人還有汪明荃、李克勤與盧淑儀、周慧敏、黃子華、張達明夫婦、梁榮忠與鐘麗淇、吳君如及曾華倩等，可謂星光熠熠 。 Click Here to see Jan's Talk Show Photos

26 September 2005

林海峰草蜢Crossover開騷

【太陽報訊】林海峰（Jan）一連七場首個Talk Show《是但吸發花癲》，將於下月十一日在伊館開鑼，據知，Jan的Talk Show將「加料添飽v，聯同草蜢合作開紅館演唱會棟篤笑騷。一心想將Talk Show加場的Jan，因伊館檔期爆滿，只有轉打紅館主意。

　　雖然Jan當年是「軟硬天師」成員時，曾傳出與草蜢爭組合獎，早前又傳Jan的Talk Show與草蜢的紅館騷撞期一日，雙方為爭歌迷而各出奇謀，但事實上他們分屬好友，難得張耀榮有紅館檔期，所以四人密謀合作Crossover開騷一齊見歌迷，草蜢演唱會主辦機構BMA高層林珊珊也直認他們有計劃合作。

23 September 2005

化身外賣仔搵辛苦錢 林海峰上門發花癲遭驅趕 【太陽報訊】林海峰日前化身「外賣仔」，為《是但發花癲》訓身宣傳，由朝到晚走遍港九新界，親自運送門票給幸運聽眾，惟期間被人驅趕，難怪他大呻辛苦錢絕不易賺。 　　林海峰（Jan）首個Talk Show《是但發花癲》反應熱烈，第二度加場的門票亦火速售罄。早前Jan透過電台呼籲聽眾，發電郵向他網上訂飛，所以「手快有、手慢冇」，出手最快的五位聽眾，Jan會不辭勞苦，親手將門票送到他們手中。 　　為答謝聽眾支持，Jan由早上九點開始，走遍港九新界的學校、住宅和辦公室，與聽眾「一手交錢、一手交貨（門票）」。首站為香港城市大學內的實驗室，而幸運兒則是一名中藥研究員，交收期間Jan被警告不准拍攝，兼且遭人驅趕，搞到他只好立即收錢，兼極速疏散。 　　由朝送到晚表誠意 　　之後Jan又到一個寓所送門票，屋內有六位靚女、一隻狗和一隻貓恭候多時，令他既驚且喜，雖然屋主想挽留Jan作客吃飯，但由於他要繼續「送貨」，只好婉拒對方好意。已是兩女之父的Jan，見到屋主女兒便猴擒地捉住對方玉手，並笑說：「我學嚇領導捉住人0地只手十分鐘以表誠意嘛！」 　　Jan其後再到辦公室送門票，差點發生摸門釘事件，經瞭解後，才得知該聽眾去了買下午茶，令他虛驚一場，以為白走一趟。整個送門票行動至晚上八時才完成，雖然辛苦錢確實不易賺，但Jan坦言親自送上門，真金白銀交收，才會真正感受到聽眾幫襯。Jan還自言希望再度加場，並加入音樂會和舞會元素。 Click here to see Jan's Talk Show Ticket Delivery Photos

14 September 2005

林海峰備戰楝篤笑失調

【太陽報訊】林海峰（Jan）尋日接受細佬林曉峰、查小欣主持0既《茶煲裡的查篤撐》訪問，阿Jan為0左舉行下個月0既棟篤笑，最近暫停工作休息度橋。點知佢發覺原來唔返工個人仲累，又冇靈感，好似漂浮系大海中搵緊個浮台咁！諸事姐知道0的飛賣得好好，但阿Jan話0的飛賣得好又驚，賣得唔好又驚，仲話依家情緒波動好大，搞到個人「失調」！至於酬勞方面，阿Jan話冇諗過錢，因為呢0的實在太煩，更加冇諗過加場。但系有咁多歌手撐場，又點算呢？阿Jan以一貫搞笑作風咁同諸事姐講：「搵食0者！」

10 September 2005

林海峰楝篤笑騷滿瀉

【東方日報訊】林海峰昨日可謂「雙喜臨門」，新碟《三字頭》和《是但吸發花癲》棟篤笑昨日同步推出及公開發售門票，五場棟篤笑的門票昨晚全部售罄。林海峰還自爆昨日早上往沙田大會堂巡視售票情況，目睹二十多名觀眾排隊賣飛，他說：「我又唔系Rain、又唔系孫燕姿，有咁多人支持自己，梗系要做番0的0野畀人睇。」他又前往唱片舖巡視銷售情況，他說：「定單出0左一萬張，我今日去過幾間唱片舖，佢0地都話賣曬，我仲學人大叫『埋0黎睇埋0黎揀』。」

6 September 2005

林海峰楝篤笑派平安飛娛賓

【太陽報訊】林海峰（Jan）昨日出席下月舉行的棟篤笑記者會，以踩高蹻出場，並即場預演棟篤笑：「打算畀飛Kelly（陳慧琳）同華仔（劉德華），如果華仔唔0黎Kelly0黎，Kelly唔著佢件背心0既啦！我為做慈善唔會派平安米，改派平安飛。」令在場人士捧腹大笑，問他是否真的派平安飛？他說：「系呀！去城市計算機售票網有售。」當問到他的太太彭羚屆時會否捧場？Jan說：「太太去唔去唔系問題，我只系關心觀眾0黎唔0黎！」至於會否邀請嘉賓？Jan說：「我會請千嬅同鄭中基0黎睇，仲會分開兩邊坐，中間就安排吳君如坐，到時冇觀眾笑都有佢0地三個笑聲打底。」

29 August 2005

林海峰化身黑人唱到甩色 【東方日報訊】林海峰（Jan）前晚假白石俱樂部的露天場地舉行《向海峰狂呼音樂會》，由黃昏唱至天黑，吸引過千歌迷到場，阿Jan久別兩年的音樂會，單是造型已叫一絕，竟變身做「林黑人」，又有Cookies四餅女伴唱爆發水槍戰，鄭中基則大唱《無賴》，而林太彭羚則秘密在後台為老公打氣。阿Jan以「黑人look」穿上夏老威恤衫出場，笑言是「曬黑0左！」更言沒有K歌，竟有千人為他唱K換飛。阿Jan表示有歌迷入場時仆倒，要送簽名結他感謝對方「仆倒0黎睇！」 　　阿Jan並唱出新歌《搞出0野》，唱畢後更以有味笑話向男歌迷問：「系咪出0左0野！」此外，又唱到大汗淋漓搞到甩色，底褲圍上「黑邊」。演唱途中阿Jan見到後排有歌迷暈倒，之後有所感觸說：「希望搞賢仔0既兇手快0的搵到，佢0地唔系人0黎！」 Click here to see NCM Live Concert Photos

22 August 2005

林海峰潤新城小器 【東方日報訊】林海峰（Jan）昨日相約一班好友鄭中基、古巨基和梁漢文，聯同歌迷到卡拉OK重溫早前舉行的「林狗杯三打三四角賽」片段，鄭中基被梁漢文傳染患了扁桃腺發炎，兩人都戴了口罩，而阿Jan新歌《男子組》便搵了三人加上蘇永康合唱，早前更在基仔生日當天拍攝MTV。 　　阿Jan得知新城銳哥不滿草蜢新歌首播權給了商台，但阿Jan亦抵死地回應，他的新歌也有給商台首播，但銳哥卻沒有不滿，所以阿Jan對此亦感不滿。至於球賽片段，阿Jan專程找來林尚義旁述，他知阿叔近來有很多事不開心，但他仍答應幫忙，阿Jan感謝之餘還會送新碟給阿叔作答謝。 Click here to see Lamdog Cup Premiere Photos

Click Below for Other Softhard News

2009 │2008(Part 2)│2008(Part 1) │2007(Part 2) │2007(Part 1)│Jan's Interview Special│2006(Part 3)│2006(Part 2)│2006(Part 1)

2005│2003~2004│2002~2001│2001~2000│1999│1998│1997