LAYUNIN
Ang pagbubuklod na ito ng mga Pilipinong manggagawa sa Baladiya- Majari ay
nahahati sa tatlong mga pangunahing layunin:
- PAG-IIMPOK
Naniniwala ang lahat na ang pakikibaka natin dito sa abroad ay pawang
pansamantala
lamang, likas na tayo'y dapat mag-impok sa pamamagitan ng buwanang
kontribusyon upang
pahalagahan ang ating kinikita, sapat upang palaguin sa pamamagitan ng mga
mapapakinabangang
proyekto.
- PALAKASAN
"Malakas na pangangatawan, malinaw na isipan." Sports bilang
sandata ng pagkakaisa at
kapatiran. Ang kahalagahan ng "sports" ay isinasaalang-alang ng
samahan.
- PAGTULONG
May mga panahon na dumarating ang pangangailangan ng suporta at
pagtulong ng ating
kapwa partikular ang mga kasapi ng samahan. Sa pamamagitan ng sapat na
pondong nakalaan
para sa bagay na ito, ang mga pangangailangan ng panandaliang pagkukunan ay
pawang magkaka-
roon ng kasagutan.
MGA ALITUNTUNIN
- 1. KONTRIBUSYON
- 1.1. Ang mga nais lumahok sa Samahan ay magkakaloob ng DHS 25 (one
share) kontribusyon kada buwan.
- 1.2. Ang bawa't kasapi ay lilimitahan sa dalawang (2) shares.
- 1.3. Kinakailangan na maisakatuparan ang paghuhulog ng kontribusyon
(monthly due) sa loob lamang ng limang araw pagkatapos ng itinakdang
suweldo.
- 1.4. Ang pagbibigay ng hulog ay maaaring ibigay sa mga itinalagang
kolektor kapalit ng resibong itatakda ng Samahan.
- 1.5. Sa mga kasapi na magbabakasyon (annual leave) kinakailangan na
ibigay ang kabuuan ng kanyang
hulog sa kaukulang bilang ng buwan ng kanyang bakasyon. Kinakailangang
ipaalam ang bilang ng buwan ng kanyang bakasyon sa Pamunuan ng Samahan.
- 1.6. Sa mga kasapi na dahil sa di inaasahang pagkakataon ay nagbakasyon
(emergency leave), binibigyan ng apat na buwang palugit upang ibigay ang
kaukulang halaga ng monthly dues sakaling ito'y hindi mabayaran sa takdang
oras.
- 1.7. Ang sinumang kasapi na hindi makatupad sa Alituntunin 1.3 sa loob
ng tatlong buwan (three consecutive months) ay padadalhan ng BABALA. Sa
pagkakataon ng muling pagsaway o hindi pagtupad sa nasabing alituntunin
pagkatapos na padalhan ng babala, ang naturang kasapi ay awtomatikong
tatanggalin mula sa Samahan.
- 1.8. Hindi tututulan ang sinumang kasapi na nais kumalas mula sa Samahan.
Ang kaukulang halagang
naimpok ay ibibigay isang buwan pagkatapos maabisuhan ang Pamunuan.
- 1.8.1 Ang pagre-resign sa trabaho ay nangangahulugan ng pagkalas sa
pagiging kasapi ng
Samahan. Ipagkakaloob ng samahan ang kabuuan ng kanyang naimpok at
bahagi ng
tinubo (interest) ng samahan sa mga proyekto nito (total interest / # of
members).
- 1.8.2.1 Kabuuang halaga lamang ng buwanang kontribusyon - ipagkakaloob
kung wala pang isang taon ang paghuhulog ng kontribusyon.
- 1.8.2.2 Kabuuang halaga ng buwanang kontribusyon + kaukulang interest-
ipagkakaloob kung mahigit nang isang taon ang paghuhulog ng kontribusyon.
- 1.9. Limitasyon: Ang lahat ng kasaping may 2 'shares' ay
pinahihintulutang mag-'reduce' ng share mula sa anumang kadahilanan
subalit ang kasaping may isang 'share ay hindi maaaring magdagdag ng
'share,'
kapag nakalipas ang unang buwan ng pagbabayad ng kontribusyon.
Pahihintulutan ang pagbili ng share mula sa sinumang Pilipinong manggagawa
ng Baladiya-Majari nguni't ito'y naayon sa mga sumusunod:
- 1.9.1 Hindi pa naging kasapi ni minsan o mula nang ipatupad ang pagbuo
muli ng bagong kasapian (Disyembre 2000). Siya'y ituturing na kasapi ng
samahan at ibibigay ang lahat ng probisyong nauukol sa kanya.
- 1.9.2 Ang lahat ng probisyong matatanggap ng bagong sapi ay
magkakaroon ng katuparan ayon sa alituntuntuning ipinatutupad ukol dito.
- 2. PAGTULONG
Bilang isa sa pangunahing layunin, dapat isaalang-alang ang pagdating ng
oras ng
kagipitan sa sinumang kasapi ng samahan. Subali't dapat itoy nasasakupan ng
mga balidong
kadahilanan tulad ng mga sumusunod:
- 2.1. Namatayan- Ang samahan ay nakahandandang magbigay ng
halagang $200 para sa mga miyembrong namatayan ng kamag-anak naayon sa
patakaran ng samahan.
Para sa mga kasaping namatayan, ang nasasakupan lamang ng bibigyan ng
natakdang
halaga ay ang mga sumusunod:
- 2.1.1. kasaping may asawa o pamilya (married status)- mga magulang,
anak at asawa
- 2.1.2. kasaping "single status"- mga magulang at kapatid
Hindi nangangahulugan na ang pagtulong na isasagawa ng samahan ay para sa
mga kasapi lamang,
sa pamamagitan ng pangangalap ng boluntaryong abuloy mula sa miyembro o
hindi miyembro para
sa mga namatayan na hindi naayon sa alituntuning itinakda ng samahan ay
isasakatuparan din ng Samahan.
Ang lahat ng miyembro ay bukas pa rin sa pagbibigay ng boluntaryong abuloy.
Ang programang ito ng samahan ukol sa pagtulong ay isasakatuparan pagkaraan
ng apat(4) na
buwan mula ng simulan ang unang paghuhulog ng kontribusyon.
- 2.2. Sa mga kasaping naaksidente o sinapit ng sakuna at nagkaroon ng
mabigat na karamdaman (permanent or temporary disability)
- Ang samahan ay nakahandang tumulong, moral at pinansyal o anumang bagay
na makabubuti. Ang halagang igagawad ng samahan ay $ 400.
- 2.3. "Emergency Leave"
May mga pagkakataon na ang kasapi ay uuwi (Pilipinas) ng hindi
inaasahan dahil sa mga hindi
maiwasang sitwasyon tulad ng namatayan o may malubhang karamdaman na
kamag-anak.
Magpapahiram ang samahan ng isang "one-way ticket" (pabalik) ng
walang tubo subali't kinakailangan ang kanyang ATM card bilang garantiya.
Pinaluluwagan ang kasapi na bayaran ang nasabing airline ticket sa loob ng
anim buwan mula sa pagtanggap ng una niyang buong suweldo pagkatapos na
siya'y makabalik mula sa kanyang "emergency vacation."
Ang pagsasakatuparan ng bagay na ito ay sisimulan pagkaraan ng apat na
buwan.
- 2.4. Pag-uukala
Ang programang pag-uukala ay ay ang paglalaan ng kaukulang halaga ng
benepisyong matatanggap ng sinumang kasapi mula sa kanyang pagre-'resign
sa trabaho. Ang programang ito ay opsyonal at limitado para sa mga kasapi
lamang.
Para sa mga kasaping nais magpa-ukala sakaling sila'y mag-resign. Ang
samahan ay
nagpapaubayang tumulong upang mag-asikaso ng kanilang mga papeles.
Sakaling nais na ng nabanggit na kasapi na madala na agad ang kabuuan ng
kanyang "gratuity" o "benefits" ang mga sumusunod ang
maaaring igawad ng samahan:
- 2.4.1 Ang sinumang kasapi na nagpaplanong mag-'resign' sa trabaho at
nais magpaukala sa Samahan, kinakailangan tuwirang ipaalam sa Pamunuan
dalawang buwan bago sumapit ang nakatakdang 'resignation.'
- 2.4.2 Para sa mga kasapi na hindi inaasahan ang pare-resign mula sa di
maiiwasang kadahilanan, ang kalahati ng kabuuan ng kanyang 'gratuity'
ang ipagkakaloob lamang ng Samahan at ang natirang kalahati ay ipadadala
na lamang sa oras na makuha ang kabuuang halaga ng benepisyo.
- 2.4.3 Ang programa ukol dito ay limitado lamang sa isang kasapi kada
dalawang buwan (first come first serve basis).
- 2.4.4 Mag-iiwan ng halagang Dhs 1000 mula sa kabuuan ng kanyang
gratuity. Anumang halaga na maiiwan kasama ang nabanggit na halaga (maaaring
mabawasan o madagdagan) ay ipadadala agad sa kinauukulan sa oras na
matanggap ang kabuuang halaga ng kanyang 'gratuity.' Ang lahat ang
gastusin kasama ang 'court fee' at pamasahe ay sasagutin ng kasaping
magre-resign.
- 2.4.5 Dapat isaalang-alang ang pagkakaroon ng 'Clearance' mula sa
Bangko, Etisalat at Central Store.
- 2.4.6 Ipatutupad ang bagay na ito pagkaraan ng dalawang taon simula ng
unang kontri-
busyon upang makalikom ng sapat na halaga.
- 2.5. Loan
Ang samahan ay magpapahiram ng pera mula sa buwanang kontribusyon. Ang mga
sumusunod ang patakaran.
- 2.5.1. " First come, first serve basis".
- 2.5.2 DHS 500 bilang " maximum loan".
- 2.5.3. 3% ang interest
- 2.5.4. kailangang bayaran sa loob lamang ng tatlong buwan (depende sa
'availability' ng pondo').
- 2.5.5. ATM card bilang pinaka- colateral.
- 2.5.6. Lahat ng 'loan' mula sa araw ng suwedo hanggang ika-10 ng
susunod na buwan ay lalapatan ng kaukulang 3% tubo.
- 2.5.7. Ang lahat ng kasaping may dating loan (na ang petsa ng unang
loan ay sumasakop sa araw ng suweldo hanggang ika-10 ng susunod na buwan),
ay hindi lalapatan ng interest sakaling maibalik niya ang kabuuang
halaga ng loan bago matapos ang nasasakupang buwan.
Halimbawa:
Halaga ng dating loan = Dhs. 1000
Petsa ng loan = Jan 19 (araw ng suweldo)
Halaga ng tubo= Dhs 30 (para sa buwan ng Feb.)
Petsa ng kabayaran= Feb 28
Halaga ng tubo= wala para sa susunod na buwan
Upang mapanatili ang pagkakapantay-pantay ng bawa't kasapi sa
pagpapahiram, minabuti ng Samahan na bigyan ng pagkakataon o prayoridad
ang mga kasapi na hindi pa nakakahiram
- 2.6 Pamununuan
Ang Pamunuan ng Samahan ay binubuo ng mga sumusunod na opisyales:
- 2.6.1 Pangulo
Ang pangulo ng Samahan ang mamumuno ng pangkalahatang kasapian (bago at
luma).
- 2.6.1.1 Lehislatibo at Eksekutibong Pamumuno (Legislative &
Executive Power)
Ang pangulo ang siyang mamumuno sa pagpapatupad ng lahat ng
alituntuning isinagawa at binuo ng buong kasapian. Anumang bagay na
wala sa alituntunin na humihingi ng madaliang pagdedesisyon ay maaring
gampanan ng Pangulo. Subali't sa mga pagkakataon na humihingi ng
tuwirang konsultalsyon mula sa Pamumuan o maging sa buong kasapian,
marapat na magpatawag siya ng emergency meeting o general membership
meeting.
- 2.6.2 Pangalawang Pangulo
- 2.6.2.1 Unang Pangalawang Pangulo (Old member)- Tagapangasiwa ng
Programang Pang-Sports
- 2.6.2.1.1 Pansamantalang tutupad ng lahat ng tungkulin nakaatas sa
pangulo sa pagkakataon na ang Pangulo ay nasa bakasyon o hindi
kayang gumanap sa kanyang tunkulin.
- 2.6.2.2 Ikalawang Pangalawang Pangulo(Old member)- Tagapangasiwa
ng Programa sa Pagtulong
- 2.6.2.2.1 Hahalili sa unang Pangalawang Pangulo sakaling wala
ito o hindi kayang gampanan pansamantala sa iniatas na tungkulin
para sa kanya.
- 2.6.2.3 Ikatlong Pangalawang pangulo (New Member)- Tagapangasiwa
ng lahat ng mga aktibidades ng lahat ng mga bagong miyembro.
- 2.6.3 Kalihim (Dalawa) - (one Old member & one new member)-
Taga tala ng lahat ng minuto ng pagpupulong. Tagatawag ng pagpupulong (kahit
naanong uri -regular man o emergency).
- 2.6.4 Ingat Yaman (Apat) -3 from old members and one new member
- 2.6.5 Auditor (Dalawa) - 1 old & 1 new member
- 2.6.6 Business Managers (Walo) 4 old members and 4 new members
- 2.7 Pagpupulong- Ang regular na pagpupulong para sa buong
Pamunuan ay gaganapin sa tuwing pagsapit ng ika-10 ng bawa't buwan.
Anumang pagbabago ay kinakailangan ipaalam sa lahat ng bumubuo nito
dalawang araw bago sumapit ng itinakdang araw ng pagpupulong.
- 2.8 Eleksyon- Isasakatuparan ang eleksyon pagkatapos ng dalawang
taon ng pamumuno. Gaganapin ito sa buwan ng Hunyo.
back to top
|
  |