B仔馬經孖T篇

今次孖T頭關四班千四米出馬滿額，形勢十分緊湊。大勢初評如下：

今季經熱身後再跑馬表現突出，「回頭一笑」「大黃蜂」「妙手仁心」相繼

勝出，「朗風」「小燕子」「有盈」等亦有位置交待，所以同類熱身馬必有

留意價值。今場有.「天龍」「喜駿」「天賜寶」「永霸龍」「大家旺」再出，

「天龍」一向準繩，有位置機會，但馬主唐議員運仔認真麻麻，早前同主

「大殺手」受傷，所以今次博佢吾得好過得。「喜駿」質素尚新，四班亦

夠，經熱身後即回配主帥或有不同演出，拖腳冇妨。「天賜寶」上仗突然

有飛跑包尾，今次跑出打死都吾信。「永霸龍」四班草地一千和泥地才諗。

「大家旺」上季亦是熱身後入位，情況有點似「大黃蜂」，簡蛇馬熱身後

威力大，本人命中「大黃蜂」，今次一於博冷搵佢做膽。「特區駿馬」上季

尾由姚轉苗後，成績優異，得1W2P，此駒特擅沙田千四同谷草一六五O

首本（係我角度此兩程其實一樣）今次出爭首本路程，四班又有利，騎練

近排又當老行，獨忌磅重同票數熱，不過曾130磅上名，拖腳。「贏得」

質素何止四班，耐何曾流鼻血，健康成疑，可以話跑番幾多都吾知，用滇

仔減磅出擊，亦為一路奇兵。凈番「千禧之光」「的確近」「太平盛世」「電

訊孖寶」等初插班馬，尤要看票數之取捨，較看好「太平盛世」插班評44

分，評分上應十分著數，「千禧之光」有飛亦要防。「神威名駒」會有飛，

「八寶」草地廢既。最頭痛「星運飛龍」，次次都係熱門獎金馬，投注往

往付諸流水，老方仲話生日添，想吾熱都幾難，大膽捨棄，希望條孖T吾

好俾佢衝上黎頂爆！

頭關心水提供:

14號「大家旺」腳拖 1號「特區駿馬」

4號「千禧之光」

5號「神威名駒」

7號「太平盛世」

9號「喜駿」

驚8號「星運飛龍」

孖T尾關泥地1150米，今馬季第一次泥地賽，數據欠憑，但上季泥地賽

一係爆大冷W，一係熱門排到番黎。大勢初評如下：

今場有泥地賽績馬有「更要當先」「紅綠金剛」「更收得」「收銀」「寶根

霸」，「更要當先」泥地短途W難P易，穩膽。「紅綠金剛」又係簡蛇熱身

馬，今次應該都「泥」料，論穩健「更要當先」穩，但「紅綠金剛」機會

尤高。「更收得」雖亦泥料，但表現一路走下坡。「收銀」泥地實力高，一

郁手就掃。「寶根霸」放出就掂，易根得吾得呀? 末跑過泥地有「首都之

星」「潮洲大兄」「無與倫比」「有運行」，前駒年稚試跑泥地無可厚非，後

三駒臨老入泥地，熱身居多。淨下質新馬「翡翠金將」「勇霸一方」「名聲」

「活力威龍」，「勇霸一方」希斯馬，希斯上年從末勝泥地賽，今次毅然棄

草上泥，加上希馬初出理論，當要留意。「翡翠金將」亦應壇跑泥地，一

博。

尾關心水提供:

2號「更要當先」腳拖 1號「翡翠金將」

5號「勇霸一方」

6號「紅綠金剛」

8號「收銀」

9號「首都之星」