Hong Kong ah Paite Inn kichi zanhal nitak lam in kihong khia hi. Hiai pen Zomi a zin suk zin tou te a ding a kingakna mun leh kimuh khawmna mun ding a geel ahi. Hiai project pen Govt. of Zogam in a funding ahi. "Hong Kong a hong zin tung te a ding biik in a phatuam mahmah ding hi" chi in Tung Chee Hwa, Chief Executor, Hong Kong SAR, in gen hi.
A lopna chih dan in Tung Chee Hwa zong a hon ni zan va giak hi. Hiai inn ah giahna room 300 geih om hi. A omna mun ahih leh, 22/F Tai Touh-Tai Suk Road, Sim Lim Residential Area, Kowloon Tong, Hong Kong ahiPhone no: (825) 21612288
LENG TONG HOIH UNIVERSITY AH NAP KHEM KHEUHNA
Leng Tong Hoih University, Lamka in Napkhem Kheuhna Department hong khia hi. University Chancellor Yen Liak Luak in a gen dan in "LTHU motto pen Melhoihna Tung Tawn a Khantouhna chih ahih mah bang a, mel hoih na ding a poimoh mahmah khat bel, nap khem hah siang gige ding hi"chi hi. A lam tom in NK Deptt. chih in om a, building zong hiai deptt. a ding mawngmawng thum tak lam khia uhi. "Napkhem Leh Khantouh Vaii" kichi seminar kalnawn chiang in LTHU main auditorium ah om ding hi. Huai hun ah USA leh Cameroon apan doctor siam taktak te'n seminar hong pe ding uhi.
University President Din Mun Sang apan kiza dan in Seminar ban ah Napkhem hah dan style tuamtuam zong lahna om ding hi. Huai ding in napkhem hah ding volunteer ( kivontawi ) France nungak 10 hong kuan ding uhi.
US PRESIDENT GEORGE BUSH RESIGNED
USA President George W. Bush in zanlam deuh in president hihna apan kitawpna lai a innsak pa kiang ah va pia hi. A innsak pan zong lamdang sa sim mahleh, kitawpna pen pomsak hi. George Bush bel tu in Texas lam mah ah kikta hi.
News saite kiang a a gen dan in, aman ( George Bush ) US President hih sang in vok kikhoi ut zaw hi . A neu apan a lunglutna penpen ahih leh bang dang hilou in, cycle a tai a vok-ann lak, leh vok te kholai fan pih chih ahi. Voktal bangzah hiam cycle a pua in, Vok Til Nei chih a cycle nung ah gelh a, America dung leh vai ah, vok bah ding zong in hun zang hi. Vok chil get zong zei mahmah a, vok khat chil get man in $. 1/- la geih geih hi. Vok bahsak ding hiam, vok chil get ding hiam na neih leh, ngaihven in - George Bush the Pig Khoier om ahi.
THUTAK OMLOUHNA AH ZUAU OM A; ZUAU OMLOUHNA AH THUTAK OM HI. THUTAK OMNA AH ZUAU OMLOU CHIHNA HITUAN LOU A; ZUAU OMNA AH THUTAK OMLOU CHIHNA ZONG HITUAN SAM LOU HI.
|