50件女仔心事50件女仔心事
1) 我「喊」，無論係唔係你o既錯，你都一定要哄我。
2) 我都唔會每秒鐘都掛住你，大家咁話。
3) 我見到靚仔都會望，呢個都係天生o既。
4) 我「哦」你都係因為我關心你同緊張你。
5) 你唔使係有錢仔，但最好都有比較遠大的目標同理想，在未來有成為一個有錢佬o既可能。
6) 同我出街o個時，可唔可以梳番個頭同剃鬚？
7) 我知我唔係全世界最靚，但我希望你覺得我係，時不時要讚我人靚歌甜樣靚身材正可愛溫柔同得意。
8) 當我剪了兩吋頭髮打o左少少眼影著o左對新鞋時希望你會留意到。
9) 所有大時大節紀念日同生日，你必須全部都記得。
10) 我所有濕濕碎碎o野都好想同你分享，例如我用咩化妝品同護膚品，雖然你未必會明，但希望你會扮聽。
11) 當你滔滔不絕地發表你對工作細節電腦軟件NBA英國足球聯賽等等的意見時，我其實也是在唯唯諾諾地扮聽。
12) 得閒做下磨砂同黑頭鼻貼，如果唔係我會o係凝望你時不自覺地望住你鼻上的黑頭同粗大o既毛孔。
13) 你臨訓前可唔可以刷牙？
14) 你唔需要好靚仔，但一定要乾淨。
15) 我 M 時係大哂，可以大條道理發脾氣，你最好忍我幾日就哂我。
16) 我會假設你識得操控及修理任何電器，包括電腦相機電視機錄影機及Hi-Fi等等。
17) 有很多事我並唔係唔懂得做，只係唔想做就扮唔識。
18) 每日去任何地方時都要 Call 話比我知你位置及同邊個一齊，比我清楚哂你的行蹤。
19) 同一個笑話同話題，可唔可以盡量唔講得多過廿次？
20) 我發脾氣Cut你線，其實係想你即刻打番電話來再哄我。
21) 如果迷路時，可唔可以快快趣趣向途人問路，唔好逞強拉住我走來走去行好多冤枉路？
22) 我唔介意你有少少肚腩，但盡量唔好太肥，亦唔好比我瘦。
23) 太大隻既肌肉型男人一D都唔Man，係好驚。
24) 我會好介意你有一D有不良嗜好的「兄弟老友」，認為佢地一定會帶壞你。
25) 在我o既朋友面前，我希望你可以表現得比平時更錫我同緊張我。
26) 我煮飯比你食時，你唔可以覺得係奉旨，一定要「話」好食。
27) 琴棋書畫各類運動唱歌寫文章當中，希望你最少會有一樣好叻(打機唔算)，其他最好樣樣都識少少。
28) 你要欣賞我o既工作。
29) 大男人唔等於霸道。
30) 溫柔唔等於無主見。
31) 瀟洒唔等於無交帶。
32) 不羈唔等於"烏where"。
33) 我鍾意你努力工作，但都要盡量抽時間陪我。
34) 唔好成日問你約會去邊度好都話「是旦」，咁唔叫就哂我只係表示你無心思。
35) 如果我有朱茵o既身型，我唔介意著得似個性感尤物。
36) 如果我同你講話要減肥，其實最想聽到你同我講：「你一D都唔肥，唔駛減啦，我鍾意咪得囉。」
37) 我同你說話o既時候，唔知點解聲音會比平時嬌嗲同低B。
38) Check你電話o既來電顯示是我的嗜好之一。
39) 你最好唔好有任何女性朋友、紅顏知己或契姐契妹之類o既物體。
40) 我有男性朋友係好正常。
41) 我希望你o既女同事全部都是師奶阿嬸醜女或肥婆。
42) 我好有興趣去知道你同你舊女友o既事，愈詳盡愈好。
43) 我有時都會掛住舊男朋友、以前暗戀過的男生、華dee梁朝偉同木村。
44) 無論拍o左拖幾耐，我都渴望你時不時比D驚喜我。
45) 你要時不時對我講「我愛你」，否則我會假設你唔愛我。
46) 購物是女人的天性，請唔好阻止或對我的購物行動有乜意見，最好間唔中資助下我。
47) 我唔介意做你的dup骨妹，但我也有疲累的時候，我都想你做我的dup骨仔。
48) 在你的父母面前唔好話我唔識做家務。
49) 我煮完飯唔該你去洗碗，我掃完地就到你拖地 。
50) 我說有一首歌很動聽的時候，希望你會留意歌詞，因為其實我是想憑歌寄意。
睇埋50件男仔心事