01.07.05
Jenny&Ping婚宴
21.06.05
Cherry's B Day
14.06.05
Siu Mei Camp
07.06.05
Kay's B Day
05.06.05
世界環保日頒獎禮
21.05.05
Trip of Taiwan
Free Web Counter
台灣的四日三夜 離開機場,上左S1巴士之後,忽然有一種好失落的感受,cherry話開心之後會特別失落,呢句說話o係半個鐘頭之耐得到完全既兌現,而我地既台灣之旅亦正正式式畫上休止符!o係台灣既四日三夜,雖然過得好快,眨眼之間,我已經再次返到香港機場,又再次對住呢一部電腦打字,但係,我已經留低左最美好既回憶! 憂慮,傷心為我地既台灣之旅打開左序幕,上一個星期,台灣日日落雨,某d地方仲嚴重水浸,我好擔心今次既台灣之旅會被天雨影響,同時,o係出發前一晚,當我執緊行李既時候,我先發現自己留左張MMC Card o係學校既電腦室,十萬個無奈,冇左張card,我去旅行點影相?之後第二日早上,我o係出發前返左學校搵,都係搵唔到,傷心,無奈! 第一次搭飛機既感覺好爽,上機前充滿緊張,起飛時充滿興奮,然後,好快我地就到左台灣喇...台北既機場比香港簡陋得多,充滿一種舊式的感覺.之前一直擔心既天氣問題亦都隨著當地既大好晴天而一掃而空.登上左當地導遊為我地準備既旅遊巴之後,我地正式開始我地台灣之旅,而第一站就係全世界最高既101大樓. 其實101都冇乜特別,得個高字!入面既商店亦都唔o岩我行,之後我地就返左飯店──碧瑤飯店,我地跟住果四日都會住o係呢度,雖然領隊jason o係黎之前o係咁踩間飯店cheap,我覺得佢係想我地有subprise,因為其間飯店都唔係太差,雖然冇五星級,但係住得都幾舒服,而且好近捷運站,好方便我地去玩!到目前為止,都係覺得台灣冇乜特別,而且有點悶,不過,由去浸溫泉一刻開始,我地真正既台灣之旅先開始. 我地去左北投伊豆浸溫泉,導遊冰冰建議我地去露天池浸,因為果度正過室內好多,事無顧忌既我地當然係去露天池喇,十個正呀,超舒服,果度既環境依照日本溫泉而建,所以好靚,我地終於都感覺我正渡緊假,果個按摩池超正呀,我地浸完溫泉之後又去過冷河,重覆又重霞咁浸左幾次,爽,終於最大隻既cooby浸到暈左=.=cooby….. 浸完暖暖既溫泉之後,我地向我地既下一站進發──士林夜市,不得了,我地o係呢度食到不得了,食左起碼有十幾種美食,大雞排,唔知咩腸(最好食),七里香,甜不辣,大腸包小腸,仲有好多,不過我唔記得d名喇,我地八條友一人搾住一對筷子周圍走,間間都食d,間間都好好味,令人回味無窮!食到超飽! 食飽之後,當然係要plan下我地半夜既活動喇,o係jason既提議下,我地決定左要去全亞洲最大既disco睇台灣雷老虎,阿剛因為阿thy唔舒服,冇得去!撞o岩果日係比堅尼秀,有眼福了@.@hoho果然有好多女都係著住比堅尼跳舞,果鬼婆DJ仲要high到除左上半身,然後...兒童不宜,阿k照舊o係呢度出動,亦都成功界傷左一名女子!^^之後我地d女仔都比台灣雄性動物看上了,見時機不對,大家都累了,就返飯店去!可憐我冇問cooby拎key,結果要o係女仔房借宿一宵! 然後,台灣既第一日就結束喇! 第二日既行程依然緊密,呢日係我地既自由行,旅行團冇安排活,所以o係冰冰既建議下,我地決定去淡水,我地首先去左上閣屋食自助午餐,十個好味,繼尋晚o係士林夜市瘋狂大食之後,今日又o係上閤屋大食一餐,我食左幾十件三交魚刺身lo,差d食死左^^然後大伙人就倍我去尋找周杰倫-古董店,辛苦大家了,因為我帶錯左路,不過錯有錯著,我地行左去鼎泰豐食小籠包,大家唸下我地係o岩o岩食完自助冇幾耐之後再去食小籠包lo,不過都幾好食!搵左好耐之後,終於都搵到周董既店子,不過有點失望,因為冇咩睇,辛苦大家喇! 之後我地搭捷運去淡水,果度既港口超靚呀,而且我地到既時候o岩o岩趕得切睇日落,好浪漫,我指阿剛同阿thy,哈!o係情人橋,我負責做攝影師,幫大家影左d靚相,唔^^影左好多相之後,大家都累了,離開淡水港口之後,我地就落左淡水夜市掃街食野,今輪到cherry唔舒服,加上大家今日都行左成日,所有o係果度都未行哂就打退返台北,返去沖完涼之後就去左一間bar飲酒,飲飲下變左o係果度食晚餐,超好笑^^因為大家都餓喇^^o係淡水又未食飽!然後,台灣既第二日都結束喇! 第三日所安排既活動都偏向悶果邊既,第一站係中正紀念堂,不過我地因為遲左起身,所以我地搭唔到順風車,要自己搭捷運,好彩,去到d團友聽完耶穌,岩岩開始影相,中正紀念堂都幾宏偉,唔錯唔錯!跟住我地就去左食石頭鍋午餐,唔使錢,都唔錯^^ 食完飯,我地又起行喇,目的係地故宮博物館,十個悶,不過阿thy對呢d野好有興趣,之後既書店街就係阿剛既最愛,對我來說,都係冇興趣,而且物價同香港差唔多,更加減低我買書既意慾!最後一場黎到,買左一本<<別想一直當好人>>哈!岩睇! 終於晚上八點幾到左傳說中既西門町,我地又掃街食野,老董,臭臭鍋,鴨舌等等台灣特產,然後,我地撞到十個活潑既團友靜妍同靜妍爸爸媽媽,佢介紹左我地入一間糖果店買手信,結果我地個個都大出血,0蚊返飯店,哈哈!清盤! 我地呢一晚冇出去玩,因為大家都破左產,乖乖地留左o係飯店玩,不過我覺呢一晚雖冇見聞,但就係最開心,最快樂既一晚,同cherry玩鬥智鬥力既排七,結果係我地男仔嬴哂,哈,仲有玩好多次都係好好笑既心臟病!我地超嘈,希望冇嘈親其他人喇,因為我地前一晚已經比人投訴喇!哈 第四日,我地好遲時就起左身呀,因為呢一日要上好遠既九份,又要去機場,所以一定要全日跟團.首先我地去左忠烈飼,我覺得d士兵好慘,大熱天時要企o係度唔陏 仲要比人影相,好慘,之後入左去影左一陣相之後又走喇!導遊帶左我地去聽talk,一時珍珠,一時靈芝,一時又烏龍茶,聽靈芝果度就係有d衝動想買,不過大家要記住我地係清左袋架! 終於,都落雨喇,不過已經唔緊要喇,因為我地既行程已經剩餘九份,唔講唔信,其實九份最主要都係睇風景,我地勁好彩,一上到九份冇幾耐,d雨就停左一陣,而且我地仲睇雨過天晴既九份,最靚既九份.嘩,唔講喇,再講MICKEY會嬲架喇^^佢地早我地一個星期去台灣,但就全程落雨,真係慘!九份既果凍好好食呀,買左d好得意既野之後,我地就起行去機場喇!十個唔捨得台灣呀!o係機場等緊既時,我地係咁同小活潑影相,哈哈,好好笑! 人地話o係飛機上睇香港既夜景係最靚,果然,好靚!台灣之旅,開心,正,好玩!遺憾既就係呢個trip,冇最易蝦既kandi,同最白痴既ivy...希望下年畢業旅行,我地可以一齊再去開心過喇!多謝屎忽團帶比我最開心,難忘既半年,無論做project,玩,我地都係最好既!