- Nytt frå folkedans-fronten
- Her vil vi presentere forskjellige nyheiter på folkedans- og
folkemusikk-fronten. det vil vere ting vi les i aviser og blad eller som vi høyrer
"på gata" og som vi trur at lesarar av denne sida kan vere interessert i. Det
vil ikkje vere noko systematisk oversikt. Berre korte meldingar om kurs, kappleikar,
stemne, plater, bøker etc.
- Mange nye plater vår/sumar 1999 med folkemusikk
- Vi kan nemne desse: Øyvind Brabant: Vrengja, Rallarlaget: På ville veier,
Utla (med Håkon Høgemo): Dans, Spelemannsskulen: I boks, Tone
Hulbekmo: Kyrkja, Nye Ringnesin: Leik, Småviltlaget: Lader om,
Bjøyinn og bjøynnongein: Kvarts, Sven Nyhuskvartett: Bergrosa og smeden,
Oslo Kammerkor: Bergtatt, Hallgrim Berg og Erik Røine: Munnharpa.
Landskappleiken år 2000
- blir på Voss, med Leif Rygg som stemnegeneral.
Den norske folkemusikkscena/ folkemusikkpøppen
- er i gang annan kvar måndag på ny stad: Josefine Vertshus (Josefinegt. 16) i
Oslo. Det er LfS og NFD som står bak. Dei har info på Internett: www.folkemusikk.no. Neste gong er Torsdag 14.
oktober, med Unni Løvlid som har plateslepp og workshop.
Nye heiderlagsmedler i LfS
- På landskappleiken i Oppdal vart det to nye heidersmedlemer: Knut Myrann og Inge
Gotland.
Folkemusikkprisar i Norsk Folkemusikkfond 1999
- Prisane som LfS og NRK står bak, på 15000 kvar, gjekk til Leif Rygg (49) kjend
spelemann frå Voss, Hilde Bjørkum (41) fylkesmusikar og dansar i Sogn og Fjordane og
liear i RFF og Øystein Ovrum Rudi (30) lovande spelemann på fele og liear i Sør-Fron
Spelemannslag.
På Landskappleiken i Oppdal 1999
- var det Trond Steffen Westberg frå Brekken som vann Finalespelet - nyskapinga av året
på Landskappleiken. Han vart også best i spel klasse A vanleg fele. Leif Rygg vann
klasse A hardingfele. I dans vanleg fele klasse A vann Eva Rusten og Håkon Sandum frå
Vågå, og i hardignfeleklassen Anne Røine og Håkon Dregelid I vokal folkemusikk klasse
A vann Ingvild Marit Granås og Anne Gravir vann klasse B. I lagspel fele senior vann Lom
spel- og dansarlag, medan Indre Sunnfjord Spelemannslag vann haradingfele senior.
To kjende tradisjonsberarar på fele er gått bort.
- Begge frå Gudbrandsdalen: Hans W. Brimi og Erling Kjøk har gått bort i år. Dei var
begge dugande spelemenn og tradisjonsberarar. Brimi vann landskappleiken ei rad gonger, og
spela inn mange plater.
Førdefestivalen 8.-11. juli
- I år er det 10-års jubileum for denne populære festivalen med internasjonal og norsk
folkemusikk.
Telemark-festivalen i Bø er om musikk som vandrar
- Også i år er det eit variert program på festivalen med mange kurs (også som vanleg).
Jørn Hilmestemnet på Fagernes er 22-25. juli
- Ein fin og intim kappleik blir det nok som vanleg. Konsertar og kappspel. Og ny CD av
Ola Bøe.
Minneord om Jon Tryti i Spelemannsbladet
- I mai-nummeret av Spelemannsbladet står det minneord om spelemannen vår som døydde i
februar.
Årsmøte i Landslaget for spelemenn
- På årsmøtet vart Trond-Ole Haug attvald som leiar.
Ugreiing om norsk folkemusikk og folkedans
- Begge dei store folkemusikkorganisasjonane (NFF og LfS) har saman søkt
Kulturrådet om pengar til ei utgreiing. Dei fekk 400000 kr. Utgreiinga skal
baserast på Handlingsplanen frå 1994.
NFD- Norsk Folkemusikk- og Danselag har hatt årsmøte i mars
- På årsmøtet vart Hauk Buen utnemnd som æresmedlem. Halvard Kaasa vart attvald som
leiar, og med i styret kom nye Harald B. Knutsen og Maria Høgetveit Berg. Til årsmøtet
vart den åttand årboka ferdig - sikkert med same gode innhaldet som før om åra. Laget
har fått ansvaret for å lage ein internettbasert katalog: Norsk Folkemusikkkatalog. Gro
Bøe Eriksen skal utføre arbeidet.
Knut Buen riddar av St. Olavs Orden
- Som den fjerde innan "rørsla" har Knut Buen fått denne utmerkinga. Sidan
denne ordenen vart oppretta i 1947 har desse også fått heideren: Arne Bjørndal (1953),
Klara Semb (1954), og Sigbjørn Bernhoft Osa (1973).
Ny plate frå Setesdal
- Kirsten Bråthen Berg og Hallvard T. Bjørgum har kome med ny spennande plate:
Runarstreng.
Ny plate også frå Ånon Egeland
- Den allsidige musikaren har kome med soloplate med Agdermusikk. Plata er på
Heilo/Grappa. Plata har fått fin omtale som venta.
Innbyding til leikfest på Dombås med Nye Ringnesin
- Igjen har det kome innbyding til leikfest på Dombås laurdag 17. april kl 19-02. Det er
framifrå musikk: Nye Ringnesin spelar. Mat og kaffi og kaker, inngangspengar kr
175, og påmelding til Ragnhild Utgaard Smette 61241511 innan 10. april. Dette brukar å
vere ein svært gild leikfest med mykje folk og god stemning. Det er 10. gongen leikfesten
blir skipa til. Meld deg på!
Årsmøtet i BLS var 16. mars
- På årsmøtet vart Arne Magne Håvardstun (BUL) vald til ny leiar etter Eirik Skogen.
Økonomiansvarleg vart Tom Johnsen (Rundsnuen), bygningsansvarleg Werner Dyås (Symra),
folkedansansvarleg Victoria Carlsen (Sogn og Fj), teateransvarleg Einar Ewald (BUL) og
samfunnsansvarleg Bjørn Harald Flobekk (Symra). Nestleiar blir valt seinare.
Medlemspengane vart auka frå kr 30 til kr 40. Ved utgangen av 1998 var det 22 hovudlag og
1 særlag i BLS, med i alt 1567 medlemer. Av dei var 298 under 26 år (43stk 15-19 år og
154 under 14 år).
Fagseminara i NU er 16.-18. april på
- Tema i år er mellom anna "Hundre år med folkekultur" og "Hundreåret
dansar". I forkant av seminaret vert det folkedanskurs retta mot den nye læreplanen
for grunnskulen
Sommarkursa i NU 1999 på Møre folkehøgskule 1.-8. august
- Det er mange tilbod under kurset, i folkedansrettleiing, i spel, i bunader, i
leiartrening etc. Påmelding til NU-kontoret innan 10. juni.
Festskrift for Knut Buen
- Knut Buen er 50 år, og har fått sitt festskrift. Eivind blikstad er redaktør og boka
er på 240 sider. Boka er ei samling artiklar skrivne av folk som kjenner Knut og
folkemusikken godt.
Vokal folkemusikk frå Sogn og Fjordane på CDar
- Skumringstimen heiter heftet med vokal folkemusikk frå Sogn og Fjordane. Ho inneheld
111 songar med tekst og notar og 2 stk CDar. Boka kostar kr 248.
Sven Nyhus med 5 nye CD'ar med Rørosmusikk
- Dei fem CD'ane med musikk frå Røros-taktom er ei vidareføring av boka "Pols i
Røros-traktom" som kom på 70-talet. Det er i alt 132 polsar.
Minnekonsert for Harald Røine 20. mars
- Det vart ein gild konsert til minne om Harald Røine. Mange spelemenn og kvedarar
deltok, og det var mange som høyrde på, både frå Oslo-området, frå Valdres og mange
andre stader.
Landsfestivalen i gamaldansmusikk 1999 er på Geilo 14.-18. juli
- Igjen er det Geilo som er stemnestad. Det var Landskappleik der i 1969, i 1986 og
Landsfestival i Gamaldansmusikk i 1992. Landsfestivalen vart første gong skipa til i
1986. Leiar i hovudnemnda er Øyvind Kvile.
Herrefoss, Bjørgum og Hamre fekk spelemannsprisen
- Som venta fekk dei tre spelelmannsprisen for CD'en Toneflaum som kom i 1998.
Folkemusikkscena i Oslo
- I vår blir det folkemusikkpøbb på Gamla i Oslo desse månadagane: 11. og 25. januar,
8. og 22. februar, 8. og 22. mars, 12. og 26. april, 10. og 31. mai og 7. juni. Framover
er programmet slik: 22/3: Sven Nyhus og Sogn-og-Fjordaneringen. 12/4: Ånond Egelend og
Østerdølenes Folkedanslag. 26/4: Hallgrim Berg og Erik Røine og Valdreslaget. 10/5:
Roger Slåstuen og Terje Rusten og Telelaget. 31/5: ?? 7/6: Frode Nyvold og Hallinglaget.
Folkesongar i Hordaland
- heiter ei ny fin bok som kom hausten 98. Ho er skriven av Reidun Horvei, og inneheld
også to CD'ar. Boka har fått svært fin omtale.
Færøy-kvar i 40 bind
- På Færøyane har dei planlagt ei folkeutgåve av færøyiske kvad. Dei første 5 binda
kom i 1998.
Landskappleiken på Oppdal
- Landskappleiken på Oppdal blir 24-27 juni. For første gong blir det pengepremiar til
dei beste kr 5000 til saman.
Ny Bukkene Bruse CD
- Steinstolen heiter den nye plata til denne gruppa. Dei tre "gamle" i gruppa
har fått med seg Bjørn Ole Rasch. Plata har eit variert innhald og har fått svært fin
omtale i aviser og blad.
Brit Håland ny leiar
- Brit Håland, Oslo, er vald til ny leiar i Rådet for folkemusikk og folkedans i
Trondheim.
750000 kr til Annbjørg Lien
- Hausten 1998 fekk Annbjørg Lien landets største musikkstipend frå Norsk
kasettavgiftsfond - eit lanseringsstipend. Det er første gongen det er utdelt til ein
folkemusikar.
Norsk Folkemusikklag
- Dette laget, som er ei avdeling av ICTM, har årsmøte og seminar på Gol 13.-14.
februar 1999.
Lat fela låte og dansen gå
- er namnet på ei ny biletbok i høve LfS ditt 75-års jubileum. Redaktørar har vore
Jans Myro og Bjørn Lien. Boka er på 160 sider. Boka kostar kr 269.
til toppen av sida