Kaise Nikaloon Dil Se Tumhe...

kaise nikaloon dil se tumhe,
jab dil hi tumse bana hai,
kaise nikaloon dil se woh yaadein,
jab yaadon ke siway aur kuch na bacha hai,
kaise karoon tyaga tumhara,
jab khud ko tumhe saunp diya hai.

kaise kaha tumne mujh se,
mera naam lena chod do,
saanson mein base ho tum,
kaise keh diya jeevan se nikalo mujhe,
aaj bhi yaad hai mujhe jab tumne kaha tha mujhse,
mujhe tumhari jaroorat hai,
vaada kiya tha tumne shayad,
umar bhar saath rahenge hum,
phir aaj achanak kya ho gaya tumhe,
kaise keh diya nahi chahiye saath tumhara ab.

tum to shayad bhool bhi gaye hoge mujhe lekin,
mere dil mein tumhare yaadon ki shama aaj bhi jalti hai,
lekin aaj ek aur kathor kadam uthata hoon main,
jaao purna roop se mukta karta hoon tumhe,
vaada karta hoon aaj,
jeevan se to kab ka nikal chuka tumhe,
dil se bhi nikalta hoom tumhe aaj,
tumhare yaadon ki chitta jalata hoon aaj,
har ghadi har pal saath jo tumhare bitaya,
sab kuch bhoolata hoon main aaj,
agar wapas aaoge bhi to,
band milenge iss dil ke darwaje,
phir se dhoondhna mere jaise,
dil lutane wale,
phir koi vaada karke, phir koi kasam khakar,
phir kuch kshan uske saath bitakar,
chale jaana uske dil se bhi lekin,
kam se kam iss baar thoda jaldi jaana,
main to wapas sambhal na saka lekin,
usse sambhalne ka ek mauka dena,
usse sambhalne ka ek mauka dena...

-- VICKY