Ek Ajeeb Sa Rishta Hai...

Mera meri kavita ke saath ek
ajeeb sa rishta hai,
ek aisa rishta jo iss,
puri duniya ke liye naya hai, kyonki,
mera meri kavita ke saath duniya jaisa rishta nahi hai,
yeh rishta swarth se bhara nahi hai,
isiliye to naya hai.

yeh rishta sirf prem ki bhasha samjhta,
is rishte mein aapko yeh pata nahi hota ki,
aap kiske saath hain, aapko sirf itna pata hota hai ki,
aapka karya hi prem hai,
aapko sirf itna pata hota hai ki ,
aapko apna sahyoga dena hai bina yeh jane ki,
aap woh sahyoga kise de rahe hain,
isiliye to yeh rishta ajeeb hai.

kabhi kabhi sochta hoon ki,
main na hota to meri kavita na hoti aur,
meri kavita na hoti to main na hota,
kya yeh sachh hai, haan bilkul sachha hai tabhi to,
yeh rishta duniya ke rishton se alag hai,
mera meri kavita ke saath ek ajeeb sa rishta.

duniya ke rishton mein log aapki,
madad karne ka vaada karte hain,
lekin mere iss rishtey mein to vaade ki koi jarurat hi nahi,
kyonki mere iss rishtey mein,
meri kavita ko khud pata chal jata hai ki,
kab mujhe jaroorat hai uski,
woh mere paas daudi chali aati hai,
bina kuch soche samjhe tabhi to,
yeh rishta duniya ke liye naya hai.

Mera meri kavita ke saath ek ajeeb sa rishta hai....

-- VICKY