|
|
Didto
Ha Pag-Ultan
Tuno: 'En el Rancho Grande'
I
Didto ha pag-ultan,
Han Pawing-Gindapunan;
Aadto in sanggutan,
Hin damo nga bagang.
Inin bagang kon na lagok,
Daug pa an salimbugok;
Mga linta ug limatok,
Di'
na litas kon di' hultok.
Maamihan, magmahuraw
An linta manta madaraw;
Magmagab-i han hinadlaw.
II
Didto ha pag-ultan,
Han Pawing-Gindapunan;
Aadto in sanggutan,
Butnga han kalanyugan,
Nira Ingko Teban.
Iya anak nga krokinol,
An tindog baga in da-ol;
Ha adlaw an baho barol,
Kon gab-i maromana-ol.
An bayhon de
coloretes
Ginagamit an tiyotes;
An kiray usa ka bagis,
Bagis nga baga na kiwis.
III
Didto ha pag-ultan,
Han Pawing-Gindapunan;
Aadto in sanggutan,
Ha butnga han bakwitan,
Nira Ingko Teban.
Paglalabay hin pusilan,
Na lu-uk hi Ingko Teban;
An lakub hinuhuwaran,
Ngan iya pagkaratungan.
Hi Ingko Teban gintungdan,
Kapitan ha may' pag-ultan;
Sarahento ha bakwitan,
Kabo Teban ha ignuman.
*****
Palanat:
Hi Inkgo nga manaranggot,
igbusay gud la mabuktot;
kay an sanggutan napunggot,
han paghapon han kuligot.
balik
ha igbaw
Kanamit hin'
nga Tagay
Ilabaw ta anay,
Ha ngaran han tagbalay
In' mata
bas' tibway,
Kumanap ngan umagay.
Ay, hin kanamit hin' nga tagay, ahay!
Ay, hin kanamit hin' nga tagay, ahay!
balik
ha igbaw
Mga
Linta
Tuno: 'La Cocaracha'
An mga linta, an mga linta,
diri
manta malutas;
supsop nga supsop,
supsop nga supsop,
ngada gud hit' ka utas.
(Tag-usaay)
Irignom kita irignom,
irignom kita surumsom;
mga linta magkalipay,
magkalipay hin maupay.
Kaon bas' kita mabuhi,
humalawig kinabuhi;
mabuhi basi kumaon,
kinahanglan patakason.
Linta ako ha Kabite,
parakadto hin kumbite;
labot hit ak' kinakaon,
pag-uli
mayada balon.
Linta ako nga napingkit,
han pagkaon han karingkit;
pirmi
la aruaringit,
harayo ha ak' an langit.
Linta ako nga sawangnon,
sawangnon ha amon huron;
usahay baga awdanon,
awdanon nga murusakon.
Linta ako nga matukob,
nasupsop gud ngan umukob;
may' daradara nga lakob,
an sulod nagsisinukob.
Inin linta ha Arado,
an iniinom dubado;
an sumsuman istupado,
danaypa sinampurado.
Linta ako nga nalawa,
buhat
na la pagtinawa;
kay inin akon ginhawa,
napuno hin mga yawa.
Kon nasayaw inin linta,
baga in nakakabinta.-
nahiyak
ngan maginunat,
pagkuro baga in dunat...
Ibayawta inin tagayan,
punu hin palabuyuan;
sundi ta tag us' ka gu-um,
pagpadayon han surumsum.
Waray ko la
pilipili,
ma
turubay ma kasili;
ma pantal, gutan, aguk-ok;
sahid ko la magunatok.
Maupay ko an ha tab-ang,
kay baga marumalad-ang;
akon
man la hihirisan,
ngan han bahal papadisan.
Tagipa ako hin tagay,
adin lawas ko malubay;
baman an una nga tagay,
waray ha tiyan ko agay.
Away la kamo hin uba,
kon
maubos ini tuba;
kay an linta daw limatok,
nalilipay kon buragtok.
Diri sadang pagkaragan,
an tuba pagtarugbayaan;
kon
ma-aslom hihirisan,
kon matam-is paghahadngan.
Karasa hinin sumsuman,
isda nga pinaguyuran;
diri
la maubus-ubos,
diri la matapustapos.
Kon kumadto ka ha Luntad,
paghinay nga di' mabuntad;
sub'da an mga manatad,
sulirap an pagkalupad.
Kon kita mag-iirignom,
maupay an takuntakon;
kanugon an at' kinaon,
kon
maluwa ta la dayon.
Tagi la ako hin tampil,
amo la an akon supil;
ayaw la anay han takmag,
kay bangin ako mamurag.
Inin am' inaatubang,
diri
manta tatalikdan;
ngada ka waray sumsuman,
ug pagmara han tagayan.
An hagudila nga paksiw,
kanina pa iniiliw;
dad-a gad ngadi ha piliw,
an tiyan ko binabaliw.
Ka bulahan han Pawingnon,
di' inaabot hin gutom;
bisan diin nga kalagyan,
hindadakpan an ha tab-ang.
An Pawing maupay puy'an,
hin ilo kabubuhi-an;
an mga lakob suluran,
an mga danaw isdaan.
Inin akon kinakaptan,
marasa pagkinilkilan;
say daw! Ayon ko an pakdol,
saypa an sabaw han da-ol.
Kaupay paglinam-uyon,
angay pagasay-asayon;
inin
tinadtad nga letson,
de leche nga sikapaton.
Kon ako pinamumutngan,
baga ako in nasupang;
bis' tuba inaatuhan,
saypa an mga sumsuman.
Iini an imo tagay,
karaw'ta kon may' ka angay;
pagpili hinin sumsuman,
kon sinugba kon sinab'wan.
Karasa hinin kinilaw,
baga luto baga hilaw;
igo
la an ka maharang,
marasa madugangdugang.
Este este este keredol,
kerokeredol parakol;
i-ini na daw an pakdol,
nagkakita ngan han da-ol.
Nyan kay kita mga ra-os,
maupay mag-alusa-os;
aton pagpasalamatan
an tagbalay nga buutan.
Mabuhay an Luntaranon,
mabuhay an dinhianon,
dayawon hira dayawon,
han ka maabi-abihon.
An tuba ni ingko Teban,
maaslom palatingyayan;
an lakob ginlulumutan,
hin larog ginkikiputan.
An kan ingko Teban hiwat,
kan tata Kulas kinawat;
ininom
ni dudoy Pikrat,
na hubog hi manding Saprat.
balik
ha igbaw
Igawas an Takmag*
Tuno: 'Don't
Give Up the Ship'
Igawas an takmag
Ikadi
na gad,
Waray
na baribad,
Tibway paniplat mag-araramag.
Gawsan
na an buktot,
Sapyawa
an pugtot,
Alagyama, paghiruti ngan pag-ikmat,
Kay waray na iba kon mahapwat.
Kapti na an takmag,
Ayaw
pagtalaw,
Igbaw
an pangulaw,
Kay di' ka gad, hudo, mamumurag;
Pagbulnga
an hiblon,
Dagku-a
an tulon.
Latunlaton tungkasa na basi tibway
Andamon dayon sunod nga tagay!
Kon ikaw mahultok
Ayaw
pasabot,
Bisan
ka na abot,
Agang-agang ngada han ka latok;
Hit'
imo paghakbang,
Upaya
panimbang,
Pamuhaypuhay ayaw gud pag-ekis-ekis,
Tadong ngan sumulsog hiton bagis.
*Tagmak amo adton dako nga tagayan hin tuba, an
guruguti gingaranan hin tampil.
balik ha igbaw
Manugbong
Tuno: Balitaw
ha Leyte
Tikang mahasamwak tikang mahasangyaw,
makarit nga sumat hinin radyo yawyaw;
an mga Palun-on wara kamurayaw,
an tawo ha sawang baga in yagawyaw.
Kuno susunugon an bungto ha Palo,
amo an panarhog han mga mabato;
damo la an tamsak mga pakaalo,
bis' kuno an miyor tighuram hin kalo.
Ginpuu an tubig tikang ha Dagami,
bas' kuno uhawon sundalo ni Kami;
umabat hin hiblon an mga Palami,
Sevilla, Pacheco, Petilla ug Mari.
Bas' la an sawangnon ira gud makabig,
ira pinanarhog nga waray na tubig;
nagmara an gripo waray nadali-ig,
sanglit an sawangnon kadam'an nanlis-ig.
Labot la han tubig, ini pa in tarhog,
nga hira makidnap nga hira masunog;
an ira nakabig hinin tuhugtuhog,
diin man panlis-ig, ngadto ha Kandahog.
Ini nga panunog ginsated an lunis,
kon diri ma lunis, aadto han birnis,
kuno an kalayo dayon an hagihis,
ngada hit' ka ugtang kan Osoy batunis.
Naliwas an Pasko, na ubos an birnis,
natapos an tu-ig, na imod an lunis;
maupay na man la waray pakagbag-is,
tingali waray na malirang han tal-is.
Hinaot pa unta kita na manugbong,
manmalik ha sawang manhawan han libong;
kay kon maglalarab HIY an maparong,
aadto in andam tubig han Malirong.
*****
Palanat:
Ano nga malis-ig?
Ano in pagbakwit?
Kon an' ira buhat ha aton pagbuysit?
Pagtan-aw hin Hapon patakyab an ritrit,
pagtan-aw hin kawit na adbans hin dagmit.
balik ha igbaw
Mga Linta Pag-andam
Mga
linta pag-andam,
hirani na an tag-uran;
kinahanglan,
magpili na hin lunayan.
Mga
linta pagtagam,
ti-abot na an amihan,
bis' la mag-inuran,
basta andam na an mga supsupan.
balik
ha igbaw
Malipayon nga Kaadlawon
Tuno: 'Happy
Birthday'
Maginmalipayon
an im' kaadlawon;
hinaot halawigon,
imo panuigon.
Magmainuswagon,
magmahimayaon;
imo unta dangaton,
damo pa nga kaadlawon.
balik
ha igbaw
Pagbulnga Gad
Tuno: 'Don't Fence Me In'
Ano daw la in tambal hini nga akon sakit?
Pagbulnga
gad;
Naguup an kahulop ngan an pagpinangarit
Pagbulnga
gad;
Baman magpinungkuun ha balay baga malangkag.
Nadugang inin kagupong hinin kalag,
Kon matipa langit o kon tipa kawit;
Pagbulnga
gad.
Tagi niyo hin tambal
Bisan
ano nga tambal bisan arig-arig.
Bangin pa inin tiyan
Baga
pasu-an ngan baga sumarigsarig;
Pain'ma gad han bulong nga Arig-bangon,
Hatagi hin pamughat nga Arig-buhat,
Ngan hadton sinarab nga Arig-patakyab,
Pagbulnga
gad.
balik
ha igbaw
Ito gud nga Tagay
Tuno: 'La
Mancornadora'
Ito
gud nga tagy,
Ibalik la anay;
Ayaw paglalaway,
Di' ka man busay.
Ayaw gud paginma kon di' mo tagay,
(Ayaw
udog ha iya pagungay,)
Ayaw gud pagtubsa bisan mo sangkay
(Diri
gud putli nga pakigangay,)
Ito gud nga tagay, ibalik la anay,
Ayaw paglalaway, di' ka man busay.
(Di'
ka gad mawawarayan tagay.)
balik
ha igbaw
Tagam na Boluntaryo
Tuno: 'Semper Fidelis'
Tagam na Boluntaryo,
Igtaklos
an sundang,
Sudlon ngani an baryo
Andam
pakig-asdang.
Dad-a an palaypakay,
Kadaygan
igbutang;
Pabay-I dit' ha pungkay,
Humayaw
hin himyang.
Pilipinas di' nam' pagpapabay-an,
Bis'
diin nga baryo may' Boluntaryo;
Inin sundang kon kanan Diyos pagbut-an,
An
lara maabot ngat' ha Tokyo.
Hibaru-an nira Tojo, Kurusu,
An
Pilipino, sa-ot, kon umundang;
Makangingirhat kami kon hatuksum
Kay
an Japon amon itutugdang.
balik
ha igbaw
Supatsupat
Huy, mga Linta kabuhat,
Rampot hadlin supatsupat,
Basi an lawas ma-unat
Nga di' duktan hin hiranat.
Huy, ayaw pagmumurusot
Ayaw pagkukuri-ot,
Bulig hini karapyot,
Hini libotlibot...
Tawa pa, ngisi pa,
Bas' an iba ma-ipa;
Butangi, pikahi,
Bas' an lawas lumaksi.
balik ha igbaw
Ito gud nga Tagay
Tuno: 'La
Mancornadora'
Ito
gud nga tagy,
Ibalik la anay;
Ayaw paglalaway,
Di' ka man busay.
Ayaw gud paginma kon di' mo tagay,
(Ayaw
udog ha iya pagungay,)
Ayaw gud pagtubsa bisan mo sangkay
(Diri
gud putli nga pakigangay,)
Ito gud nga tagay, ibalik la anay,
Ayaw paglalaway, di' ka man busay.
(Di'
ka gad mawawarayan tagay.)
balik
ha igbaw
Tagam na Boluntaryo
Tuno: 'Semper Fidelis'
Tagam na Boluntaryo,
Igtaklos
an sundang,
Sudlon ngani an baryo
Andam
pakig-asdang.
Dad-a an palaypakay,
Kadaygan
igbutang;
Pabay-I dit' ha pungkay,
Humayaw
hin himyang.
Pilipinas di' nam' pagpapabay-an,
Bis'
diin nga baryo may' Boluntaryo;
Inin sundang kon kanan Diyos pagbut-an,
An
lara maabot ngat' ha Tokyo.
Hibaru-an nira Tojo, Kurusu,
An
Pilipino, sa-ot, kon umundang;
Makangingirhat kami kon hatuksum
Kay
an Japon amon itutugdang.
balik
ha igbaw
Supatsupat
Huy, mga Linta kabuhat,
Rampot hadlin supatsupat,
Basi an lawas ma-unat
Nga di' duktan hin hiranat.
Huy, ayaw pagmumurusot
Ayaw pagkukuri-ot,
Bulig hini karapyot,
Hini libotlibot...
Tawa pa, ngisi pa,
Bas' an iba ma-ipa;
Butangi, pikahi,
Bas' an lawas lumaksi.
balik
ha igbaw
An Magsangkay
Tuno: ‘Ojos
Negros’
An
magsangkay,
Nga maglus-ay,
Nararaptay,
Pakig-angay;
Magka-ubay,
Ha panhayhay,
Magka agbay,
Ha kalipay.
An
magsangkay,
Nga hangaray,
Masayunay,
Magka-suhay
Magka-damay,
Kon may’ las-ay,
Pagka-waray,
Di’ na ungay.
An
kan Intoy,
Pakig-sangkay,
Diri la kay,
Harumamay;
Bisan su-oy,
An itagay,
Iin’mom kay,
Pakig-angay.
balik
ha igbaw
Mag-upay nga Kasingkasing
Tuno: ‘Cielito Lindo’
Turo han akon,
Turo han imo,
Turo han aton tagay;
In’ma ta hin tungkasay,
Kay kanugon hinin na agay.
Ay, ay, ay, ay,
Dungga inin tagingting; (Irintok han tagayan)
Nga daw mga panhayhay,
Han aton mga kasingkasing.
Dako an akon,
Dako an imo
Dako an aton gugma;
Ha sawang ug ha uma,
Hi kita gihapon magsama.
Ay, ay, ay, ay,
Hain ito nga singsingla
Balon han ka mag-upay,
Han aton mga kasingkasing.
balik ha igbaw
|
Ta, Balik Ngahaw
Tuno: ‘Hail! Hail! The Gang’s All Here’
Ta,
Ta, balik ngahaw,
ayaw la himaan
sugad han kadaan;
ta, ta, uli layon,
bas’ an risaw madayon.
balik
ha igbaw
Troopers Mabuhay
Tuno: ‘Mabuhay’
Ha akon Kasangkayan ha
“Friday Night Troopers”
Dara han paghingyap
Dara han tinguha,
Nga magka-kirita,
Ngan magkasasaro;
Natukod an TROOPERS
Mga magbibyernes,
Pagkaon patakas,
Paginom turungkas.
Troopers mabuhay,
Troopers maglipay,
Sige an tagay,
Waray pahuway;
Inom la anay,
Sumsom han atay
Sabat han laylay;
“Troopers Mabuhay.”
balik
ha igbaw
I-ma
inay-inay
Tuno: Auf
Wiederseh’n
I-ma
inay-inay
ini inay-inay,
a-ay inay-inay
ada hiyay—
Pagka
binisaya,
nagsiring an tuba:
“hinayhinaya la,
magsasangkay kita.”
Ano
ini ano,
ini Donino,
i-ma ada o-o,
patay ayro!
“An
buhi pakawit,
an patay palangit;
ayaw la ka urit,
hini awit..”
balik
ha igbaw
Lirulinta
Tuno: ‘Farolitos’
Pagsarayaw
kita han ginngangaranan
nga
lirulinta,
Ngan mamalod sugad han kasayaw han mga
Kainta:
Nabalod an tu-u nga kamot,
Nakingking an wala nga tiil,
Nga pumiktaw,
Baga in pitpitaw
Mahinay, malubay, malipay, maugday
Sumayaw,
ay!
Pagsarayaw
kita han ginngangaranan
Nga
lirulinta,
Ngan mamalod sugad han kasayaw han mga
Kainta:
Nabaod an tu-u nga kamot,
Nakingking an wala nga tiil,
Ngan pumiktaw,
Baga in pitpitaw,
Diri la kay ti-aw,
Nakaka hawhaw...
balik
ha igbaw
Laylay sin Palun-on
(Inalidagid)
Makuri
ko manta an Palo limuton,
bungto ko nga lus-ay kay ako palun-on,
tubtob nga an Bangon sin tubig awasan,
tubtob an Ginhangdan pa manawantawan,
sa kasingkasing ko ak’ pagtitipigan.
Palo nga ak’ bungto di’ ko babayaan,
kay
damo nga duma an ak’ na nautang,
kon
pagiisipon adton katuigan,
nga
paginukoy ko iya kapatagan.
Makuri
ko manta nga ak’ hikalimtan,
didto ko kilal’a an ak’ ginikanan,
didto ako tudke syahan ko nga gugma,
didto hibisibes syahan ko nga luga,
‘adto an kadam’an ak mga hinasa...
Palo nga ak' bungto etc...
Kon
daw sa pananglit ako na tawagon,
umabot an adlaw ak’ na kamatayon,
ito ak’ gud hingyap dit’ ako iglubong,
sa usa nga kutkot tuna nga palun-on,
matam-is nga tuna napukratan nakon.
Palo nga ak' bungto etc...
Pabay’e
nga ak’ sya sin laylay halaran,
bungto ko nga lus-ay, Palo nga palaran,
bisan pumakain inin ak’ sarak’yan,
mauli sa Palo nga syahan ginik’nan,
ngan sinin ak’ siday sya paglinaylayan.
Palo nga ak' bungto etc...
balik
ha igbaw
Paghawani
Paghawani,
paghimulsi,
An haligot nga bungsaran ug an libong;
Paghabuki ngan pagtan’mi,
Hin panhaysod
ug mga utanon;
Ayaw tapod ha im’ kaamyaw,
Kuhitan ka hin utan matag’ adlaw;
Kinahanglan bis’ dagmay,
Kinahanglan bis’ tanglad,
Didto kuhaa ha im’ alad.
Paglaumi,
pagtapuri,
An kabudlayan mo diri makakarag;
An pugas mo ug mga binhi,
Maturok, matubo ngan malurab;
Pabaya-I ngan pasagdi,
An balhas mo manaligdig ug umagay;
Himu-a nga dayhuan
Hinin at’ kinabuhi:
An
may’ kabudlay may’ himudlay.
balik
ha igbaw
Inarigamon
Tuno: ‘Innamorata’
Ha akon kabugtuan ha “Giants Club.”
Bis’
kon an andam inarigamon,
Coca-Cola
Rum inarigamon,
An
amon hingyap dayon,
Paghingayad
han nayon;
Kon
inin kusog inarigamon,
Bungto nga mahal hinin mga tagipusuon,
Bis’ inarigamon, sasalikamuhoa namon.
Bis’
kon an amot inarigamon,
Ha
hinayhinay inarigamon,
An
guti napupunpon,
Kon
nagkakatiripon;
Ha
kanunay paginarigamon
Ha
dayuday bis’ inarigamon,
Bungto nga mahal hinin mga magtinahuron,
Buhat ha kaluoy, pagburubligan gad naton.
Bis’
kon an kusog inarigamon,
Danay
kon hubog, inarigamon,
An
mga Dyayant
turon,
Han
ira turumanon;
Sumala
hiton inarigamon,
Mga
bul-iw bis’ inarigamon.
Bungto nga mahal, palangga han mga palun-on,
Bis’ inarigamon, may’ street signs na naton.
balik
ha igbaw
An
Kapawa
Dara
han paghingyap—dara han tinguha,
Pakigtabangtabang—pakigkirilala;
Kami an anak han – Dagami, Pastrana,
Nagtukod ha imo – mahal An Kapawa.
Iton
imo ngaran—pinalangga namon,
Kay sulhog nga uray—waray pagkaparon;
Dida hinin dalan—nga ginaagi-an,
Kami ngatanan-mo—binabanawagan.
Inin
imo sulhog—duduha an kulay,
May’ lunhaw may’ darag—magkasi magtibay
An lunhaw tigaman—nga am’ paglauman,
An darag pagtutdo—mga kinaadman.
Amon
inuugday—ngan kami murayaw,
Nga tungod ha imo—agsub mahasangyaw;
Sanglit tuguti nga—am’ pagsarabatan;
Kapawa mabuhi—ha kagihapunan.
balik
ha igbaw
An Mamiritik
Tuno: ‘Tinikling’
Diri
kay durugas diri man paatik,
Nga makaaawil pagkamamiritik;
Kay an mamiritik an lawas maabtik,
Agsob makagsugba matambok nga itik.
An
iya batayan baga in bunuan.
Yano ga kahimo iya hinimuan;
Matagadlaw manta ini susuhutan,
Bis’ ano nga tamsi nabubukatutan.
Waray
gintatahod hadton iya lubid,
Bisan ulalagsing, mga hangag, ma ibid;
Basta makatamak ngan baga lumambid,
Manta magagapos daw nahabilibid.
An
parapamitik baga in nahalhal,
An bitik daw mutya an uya pagmahal;
Malipay an but-ut nahuram kapahal,
Kay nakapuhunan ha pamahalbahal.
Di’
sadang bayaan pagkamamiritik,
Mag aga mag-kulop an pinitikpitik;
Inumon an tuba, karan’on an itik,
Magaan an lawas pirme la maabtik.
Ini
nga batayan, ini nga balatik,
Di’ ko igbabalyo hin mga sputnik;
Kon mahihimo la ako maginkikik,
Ak’ bubukatuton an mga bulsibik.
Diri
kay durugas diri man paatik,
Nga makaaawil pagkamamiritik;
Kay an mamiritik an lawas maabtik,
Agsob makagsugba matambok nga itik.
balik
ha igbaw
Matuman...
*
Hingyap
ko nga madayon
An darayawon nga mga binuhatan
Han mga “GIANTS” HA PALO.
Ini nga siday
ihinahalad
Ko ha ira.
Matuman
ha kadayunan,
An magupay nga panulos;
Kanan
GIANT gin-uyunan,
Nga an bungto magpinulos.
Pagpulsan
han katulinan,
Bis’ ano ira kahimtang;
Ini
bungto mabilinan,
Mga dinayaw nga butang.
Magburublig,
magurusa,
Bas’ an buhat gumaan;
Kon
mahinay aya usa,
Ngan ayaw la himaan.
Magburublig,
magurugop,
Bas’ an buhat mahuman;
At’
naman la paghinangop,
Ka Palun-on matuman.
*An musika hini nga siday gintuha ni sangkay
Dading Moron nga taga Station DYVL.
balik
ha igbaw
Tana ha
Kahudluman
Tuno: ‘Adios Muchachos’
Hadton Disyembre han paghangin hin Dumagsa,
Kita
na langan,
Din’
ha Sidlangan;
Mga nasod, mga bungto nanag-aragsa
May’ nagbiringkil; nag-urugop tagsatagsa
Ha Pilipinas may’ nahaw-as mga dagsa,
Mga
maglupog,
Kita
ginkupog,
Bisan pa kon nakabig nira in talagsa,
An kadam’an aadto nag-usa.
Tana
ha Kahudluman,
Didto
kita pagtuman,
Diri
la kay antuman
Aat’
an lauman;
Waray
pagpagutuman,
Dapit
ha gintanuman,
Ngatanan
hiaaguman,
Ngada
han kahuman.
Tana
ha Kahudluman,
Aat’
an kahuraan,
Aat’
an kahimyangan,
Aat’
an tapuran,
Aat’
an katulinan,
Aat’
an kasangkayan,
Aat’
an hinalaran
Aat’
an NGATANAN.
balik
ha igbaw
Ihunong Na
Tuno: ‘An Pagnguyngoy’
Ihunong
na pagnguyngoy,
Ihunong na an kasakit,
Kay diri ko maaantos,
Mga kulba nga magkalit;
Di’ ka gad ilo hin gugma,
Ak’ ta ikaw minayuyo,
Kay waray ko pinalangga,
Nga iba labot ha imo.
Ayaw
pagtahapi,
Nga ak’ ginkakawang,
An aton ngaduha,
Mga ginsaaran;
Kay gugma nga akon,
Ha imo inutang,
Hin gugma ko manta,
Ikaw babayaran.
Ihunong
na an pagnguyngoy,
Ihunong na an kasakit,
Say na la isaliwan,
Adton paglaom nga hingpit;
Kay di’ ko pasu’ labian,
Inin imo kamahusay,
Ak’ ka man hikakalim’tan,
Kon an lawas ko mamatay.
Ayaw
pagtahapi,
Nga ak’ ginkakawang,
An aton ngaduha,
Mga ginsabutan;
Kay an natabigis,
Nga mga luha mo,
Nahunob nakanap,
Ha kasingkasing ko.
balik
ha igbaw
Mga Pamaskuhan
Kamakaruruyag
ha mata pagkit’on,
Han mga putyukan nga mag-inuyatom;
Han kabubukaran nga mag-inamyunon,
Ngan han kakahuyan nga mag-binungaon.
An
nangungunahan, an mga putyukan,
Ngatanan sagipo pagdinudugusan;
Dapit paghingandam mga pamaskuhan,
Ira kasangkayan mga katamsihan.
An
mga bukad man bis’ pa la biyuus,
Matam-is nga lagdo ira hinihimus;
Ira iparasko ngan paglibanglibang,
Han magtungbalayon mga alibangbang.
Inin
sagindahon mga kakahuyan,
Nanagkapurapong ira kabungaan;
Igpapahalipay mga kabataan,
Baraan nga adlaw Iya natawuhan.
Bulahan
hi tamsi nga hi alibangbang,
May’ nagtitimangno may’ naglilinibang;
May’ pamumulaton may’ hiaaguman,
Mga pasalubong, mga pamaskuhan.
Labi
kabaraan an mahinatagon,
Mga ginawian sadang paghabluson;
Kon an pagkarawat sadang ikalipay,
Labi an paghatag sadang ikaugday.
balik
ha igbaw
Angay ba Saruan
an mga Quintuplet? *
Tuno: ‘Mama Yo Quiero’
Angay
ba saruan
An mga quintuplet?
An
ira tuunan
Ayaay nga anglet,
An
ira sumsuman,
Kon hira napalet,
Takon
la, takon la,
Kanan lima. Sanglet...
Ayaw
kauret,
Ayaw pagpiret;
Hulat
han agda han quintuplet;
Bangin an anglet,
Imo
mawaklet,
Mawaklet pati an kawet.
Adin
ira andam
Pulong han quintuplet,
Bahaw
nga palawan
Katunga han anglet;
Pinapadisan
pa
Pudpud nga tagpinet,
Ira
gintutuman
Austerity, sanglet...
Ayaw
kauret,
Ayaw pagpiret;
Hulat
han agda han quintuplet;
Bangin an anglet,
Imo
mawaklet,
Mawaklet pati an kawet.
* An mga Quintuplet:
Tomy Corregidor, Pabs Malquisto, Doming Turalba, Nick Acebedo ug
Vicentico de Veyra.
balik ha igbaw
MGA KANTALITA
I. Huy,
Kandidato...
Madali
kilal-on inin kandidato,
kay ira panhayon daw usa nga Dato;
ha ira pamulong nga danay barato,
bisan ilarom na, gihapon na ato.
An
ka kandidato sakit nga matapon,
ma huron, ma sawang, mayada gihapon;
kay bisan diin man nga pagkatiripon,
mayada mamugo: Ako an pilion.
Buwa?
Diri buwa bis’ kita magpusta,
dida hit’ nga hungko may’ Nasyunalista,
pati Demokrata, mga Progresista,
mga kandidato nga waray ha lista.
Iito
in usa tidaop ha aton,
naghihinayhinay basi ta sugaton;
tikang daw la diin hin pagpanhalpaton,
pangawil hin butos nga pamumulaton?
Hirayo
pa hiya tan-aw na an ngipon,
nagngingingirisi tidaop ha aton;
an kamot na kuyaw basi lamanuhon,
basi kita niya agaruagbayon.
Nganak:
Huy, Kandidato diin ka tikany?
Kumusta an lakat? Tikang ka ha bulang?
Ginpapamamalhas mahulos an agtang,
Balhas natabiyog naturo ha sulang.
Kasahid
la niya ha am’ panlamano,
pinanagan kami hin mga abano;
an pagka elektor, agi ka libyano,
libre an sidula librea an bis’ ano.
Ngan
panagan kami hin iya pasangyaw,
may' iya retrato baga naparayaw,
ngan hin mga pulong nga mga pagdayaw,
basi ta tuuron nga hiya gud hayaw...
Han
am’ pagburublag ha unhan kinadto,
iya ginpanuman kami iya tawo;
an young generation, mga ulitawo,
nganiya: Ako an ira kandidato.
Inin
kandidato ha luyo nga bahin,
danay pagtahapan may’ sulod nga hangin’
Huy, huy, kandidato, pasagdon kay bangin,
Maubos ka gasto, kairo han bilin.
balik
ha igbaw
II.
Huy Lider...
Huy, Lider, lider ni kandidato Dingal,
mailob hin baktas waray gud paghingal;
an imo ngaran nagaaruaningal,
kay tinapuran ka panhatag hin tingal.
Baga
ka in linta, baga in limatok,
diri mabul-iw kon diri manta latok;
kay nakakasupsop
hin baga in hatok,
kanan kandidato dugo nga manatok.
Manatok
daw pili adton pinuyusan
baga in lugit hin lubi nga tumusan;
tambal hin may’ gutom, han ginrurunusan,
ug makalilipay waray katapusan.
Waray
katapusan kalipay nga damo,
bis' igpanmamalhas bis’ magkagaramo;
hin dinuhulduhol nga waray katamo,
han mga pasangyaw hadton imo amo.
Kon
hain an amo, aadto ka linta,
nga nakakakupkop nga nakakapinta;
aada ha imo an papel an tinta,
an mga resibos nga han mga kwenta.
Diri
mga kwenta hin mga utangan,
mga naguutan ha mga bublangan;
kundi listahan hin mga pinalungan,
mga elektores nga naginarungan.
Ginarungan
na kay napalit an butos,
pinalungan kuno bas’ diri makutos;
aada an siste adlaw han pamutos,
iyo mga tawo diri na manmutos.
Pastilan,
pamati sangkay ko nga sudlot,
ayaw uraura hin mga bulurot;
pabay-I an bungto amo an magbuot,
han padadaugon nga mga nahulbot.
Huy,
lider, lider ni kandidato Dingal,
mailob hin yangbat waray gud paghingal;
ha baryo ha sawang nagaaruaningal,
tinapuran ka ba panhatag hin tingal?
Ha mga
Elektores:
Sanglit
kon gusto mo kamalunmalunan,
basi ha bulang ma may’ ikaw puhunan;
magpakilala ka, elektor nga human,
tatagan ka manta mabura nga kunan.
balik ha igbaw
III.
Huy, Elektor...
Huy, elektro, huy, huy, tabi madaliay,
asuye daw ako kon sinalapiay;
kon kinasingkasing, kon tiniyupiay,
an aton panmutos hinin piniliay.
Dida
hit’ napulo nga mga elektor,
sugad man ha imo, kanda Carlos, Pastor,
maupay na kon us’ la an magin traidor,
makuri ignuud, purl la lampustor...
Kay
hain ka na, kulaus ka na saad,
kulaus na sumpa; “butos ko imo gad,”
ngan pagdadaupa hin iba nga palad,
hinkakalimtan mo, ginmiruminanggad.
An
usa nga butos damo an tagiya,
iginpapakwarta nimo, niyo, niya;
ginaalmunida, igbarubaligya,
maka tulo, upat, hinin nga gadya.
Kairo
intawon inin kandidato,
natapod nalaom nga may’ iaato;
baga in daugan kon nanmamarato,
kay nagdidisir man han saad nga voto.
Aada
an siste kon piniliay na,
an mga tigsiring nagpapasiguna;
kamo an elektor na luuk ha tuna,
magmarumasakit basi ig perdona.
Pira
na ba adto an ginmalatumat,
mga kandidato na tuud han sumat.
Han panlalaparag na nganamon: “salamat,
Aw, hiyukat hudo, kay waray pagikmat.”
Huy,
Elektor, huy, huy, agi hin ka labyaw,
Bakay kay de awto diri na nakulaw;
Ginano ba niyo han una nga adlaw,
Hira Liyo Pando, K. Berto nanmihaw?
balik ha igbaw
|
