嘩~ 今日真係咩都唔好講住~
最重要係講o左以下呢一件事先~
就係輝輝老爺應該好快就做老襯...
哈哈~~ 唔怪得之佢呢排咁博命啦...
原來係咁...
咁先頭話年底or年頭先結o既...
咁點解會快o左咁多呢...?!
哈! 緊係出o左事啦...
宜家d人結婚~
好似多數都係奉子成婚咁...
不過...我就覺得因為有o左而結婚~
會好似冇o左結婚o既意義~
可能d人會話...
咁結婚都係為o左生仔o者~
咁但係宜家呢個社會~
唔結婚都可以生仔o架啦...
起碼我自己就唔想"奉子成婚"~
最大o既理由~
就係我屋企人o既思想觀念太傳統~
二來...我自己覺得結婚係件浪漫o既事~
如果因為有o左...而咁"倉促"去結婚~
咁就唔完美啦...
最搞笑輝輝同程程講...
知道唔好慳o個一個幾毫啦~~
哈哈~~ 知道就好啦~~
另外~ 亦都比輝輝估中o左...
我聽到個消息之後~
真係好開心...
因為之前真係好擔心佢做寡佬~~
不過...我宜家都有少少擔心...
kinki就黎先20歲...
同輝輝一年都未夠...
就結婚生仔...
佢o地以後o既生活...
可能會有好多爭拗都未定...
唉...諗起就有d擔心...
仲有...唔知佢o個個係bb仔定係bb女呢?!
好期待啊~~~
今朝...
我以極速o既姿態...
起身食早餐化妝換衫出門口~
比平時快o左成3個字...
真利害~~
九點七左右已經返到公司~
因為我同錢生講o左九點九就有人...
佢可以拎個箱過黎裝箱~
結果~ 錢生成十點先過到黎~
知道我唔洗咁趕啦...
裝好箱...
例牌我都會遞紙巾比錢生~
順道再開罐啤酒佢飲~
點知...雪櫃冇哂啤酒...
咁就唯有問佢飲檸檬茶定係菊花茶啦...
佢揀o左飲檸檬茶...
哈哈~ 感覺有d奇怪~
都係飲啤酒最襯佢....!!
個太陽唔知做乜~
好曬~而且仲要係曬正我舖頭個位~
熱到錢生死....
我企o係側邊幫手遞下野...
都成身出哂汗~
之後...冇幾耐~
fedex就黎收貨~
佢o地收貨架車好鬼大架~
咁岩又有好多車泊o係出面~
要麻煩其他車駛前d或者駛後d先入到位...
咁我又見咁熱咁辛苦~
就o係雪櫃拎o左兩包野飲請佢o地飲~
佢o地做野咁辛苦~
一陣脾氣唔好...隨時唔知點對待我件貨~
咁咪死~~
兩包野飲o者~ 又唔係d乜~
人o地happy時~我又happy~~~
跟住我就忙囉~
首先要吸塵啦...
再抹櫥窗玻璃~
嘩! 夠哂運動量囉....~~
之後~我再將放o左o係櫃頂包好o左o既馬仔~
拎落黎...拆番開d包裝~
擺番o係昨日陳太買o左o個兩隻馬o既位度~~
不過拆完一隻之後~
發現d包裝紙實在太多~
連對面個垃圾筒都就黎裝唔落~
於是我決定星期一先拆埋另一隻...
但係...o係拆野期間~
隻馬腳斷o左~(係舊口黎~之前已經爛過~)
激死我~
我拿拿臨開膠水"痴"返好...
等tony返黎o個時~可以即刻補好佢...
其實本身冇爛過...
如果要"痴"返好...
就咁用"aa膠"就可能痴返~
但係如果本身爛過...痴返再補...
再爛o既話...用aa膠就唔得lu~
要用混合膠自己溝好再痴先得~~
呢d就係痴"泥頭"o既小小tips~
sisi下午成兩點先黎~
佢話要拎錢買野...
咁我就打比tony~ 問下佢先啦~
結果比o左1000蚊比sisi~
tony話星期一應該拎到個證~
如無意外~星期二就落到黎~~
真係好啦~~~
到五點左右~程程就拎住好多野過黎~
包括盒qoo棋~~
嘩~ 原來好大盒o架喎~~
而且...qoo個表情...
全部都係"喎呵"酷兒個樣~
真係夠哂邪...~~
另外~ 程程仲買o左我鐘意食o左沙翁~
好味道~
佢買o左兩個~
我食左一個之後~
佢咬o左一兩啖~覺得太甜~
於是~我就食埋佢o個個~
哈哈~~
程程話星期一同同事去深圳喎~~
我就唔係咁鐘意...
唔去就最好啦...
次次黎到舖頭~
程程都話累~
結果佢又"恰"o左陣~
跟住又話隻腳痛~
我就話唔准佢去踢波~
佢又話唔關踢波事~
哼~咁呢個星期...你做得最劇烈o既野...
仲唔係踢波...?
gym你又冇去做...唔係關踢波事...
我乜都得~~~!!
收o左工...我o地o係附近食野就算lu~
去o左之前叫"北京小館"~
宜家叫"吳越之間" o既食店度食野~
其實...咪係"新樽舊酒"...
我認得d伙計...根本就一模一樣~
連d野食都係差唔多...
不過...d裝修靚o左...
環境舒服d咁...
食飽飽~周圍o係度行~
行到八點幾~
o係卓越買o左d"立雜"野~
就返屋企lu~~~
唉...再一次証明...
o係city super買野係貴好多~
上次買o左個洗面刷...
程程o係卓悅睇到...
問返我之前買幾錢~
我就話...唔記得係三十幾蚊定係五十幾蚊啦~
佢咁問...緊係有d野啦~~
我諗住拎黎睇幾錢...
佢死都唔比我睇~~
仲話...錢銀o既野~係過眼雲煙黎o既o者~
最後~ 我緊係睇到啦~~
下!!! 十八蚊~
唔係o掛~~~~
平咁多~~~
如果係三十幾蚊o既話...
最少平一半~
如果係五十幾蚊o既話...
貴成兩倍~有冇搞錯~~~!!
平時死慳死抵...都係慳到幾蚊~~
竟然宜家比我知道我買貴o左咁多~
實在好唔甘心~~~~
另外~ 又買o左一盒木酢腳貼~
一盒八張~ 25蚊~
另一個packing~ 一盒20張~48蚊~
咁我緊係買20張o個個啦~~
呢一樣野~
我之前又o係city super買貴o左~
要成八十幾蚊~
唉.... 真係激死...
返到屋企沖完涼...
諗住拆開黎用~
我一睇...下...唔係o掛~
我又比人呃?!
明明寫住20塊~
點睇都唔似有20塊啦~
我仲o係度數下有幾多包~
真係得十包咋喎~~
正當我想話...聽日拎返落去投訴之際..
我先發現...原來一包有兩塊~
即刻比程程o係度笑我~~~
too bad~~~~~~~ (大受打擊中...)
我咁聰明... 都會睇錯!!!
程程沖完涼...就到我沖涼~
我沖涼之前~就吩咐佢幫我換床單~~
(程程:工人咩~~?! 又係我~~~)
張床單係阿媽新買o架~~
基本上~ 我得兩張床單替換...
一張係貓貓... 一張係羊仔o既物體~~
佢話我o個張貓貓太殘喎~~
叫我掉o左佢...
但係...實不相暪...
我呢張床單由我搬黎呢間屋就開始用~
大大話話都成差唔多十年...
對佢唔多唔少都有d感情...
都實在幾唔捨得~~
不過...我都已經物盡其用...
算啦...掉就掉啦...
但係...阿媽新買o既床單...
實在太恐怖...
我真係冇眼睇~~
程程話...冇所謂啦~訓覺咋嘛~~...
唉~~
我沖完涼出黎~
程程已經換好床單...
仲已經訓著o左~ 扯哂鼻鼾tim~~
我當然唔會咁順灘...由得佢訓啦~
我吹完頭~ 搽好哂d cream~
執好埋張檯...
就叫醒佢.....
逼佢同我一齊做sit-up~
再玩o左陣master mind先訓...
哈哈~~
