今日十分之忙...
因為一個月前...稅局寄o左份野黎...
要填公司d僱員入息o既資料~
一睇就知係麻煩野啦...
所以...我拖下拖下...拖到今日到期...
先拿拿臨拎出黎填...
填完仲要拎去灣仔稅務大樓度交...
麻煩到死...-_-"
食完飯...我就即刻搭車去灣仔啦...
咁d卡數就黎到期...
我就比錢叫阿媽幫我去aeon交~
點知話要收廿蚊手續費~
有冇搞錯呀~
收現金要收手續費...咩世界黎...
咁緊係唔會蝕比佢啦~
最後叫老豆寫支票...
放入aeon入面個支票收集箱度啦...
今朝打電話比tony~
佢話老闆娘最遲今日或者聽日返黎...
叫我執好舖頭d野...
咁我行落去搭地鐵o個陣...
經過豐澤...
諗起老闆娘話要換o左舖頭部電話...
因為公司部無線電話o既size~
同老闆娘部手機好似...
搞到佢成日都拎埋公司部無線電話出去...
哈哈~~
佢都講過幾次要換.....tony話佢會搞掂...
點知佢都冇買返黎...
咁我就順便買o左個...差唔多二百蚊...
仲幾方便咁...可以好輕易就轉線~
去到灣仔...交低d野就走得...
最煩係行o個條天橋...
都唔明點解會有咁多人行...
而且d人係三五成群咁行...
阻住哂d路...
搭van仔返舖頭...
坐我前面個阿伯...
係咁用手整條頸...
整到條頸都紅哂...
我又唔知佢條頸有冇d咩野皮膚病...
都幾驚下...
落o左車...就去o左百佳買返d野飲...
因為個雪櫃只剩返d啤酒~
費事老闆娘返到黎想飲野都冇啦...
樣樣野...都希望佢返到黎稱心滿意...
返到舖頭就忙囉...
開始我o既清潔行動...
呢一次...算係第一次最徹底o既清潔行動~
全程一手一腳包辦~
將d貨架抹返乾淨~
吸塵抹地...抹櫥窗玻璃...
同拖埋出面雲石地磚..
執返好d書...櫃筒等...
就連廁所都洗埋~哈哈~~
仲有...寫返好d數...
將d錢洗o左o係邊度...一一mark返清楚~
等佢返黎睇就一目了然~
由三點左右...做到六點幾...
臨走之前...
打電話比tony...
問下佢係老闆娘係咪肯定返到黎...
跟住佢話...宜家又未得住...
下....早講丫~
等我唔洗一次過做咁多野啦....v_v
累死我啦...
吸塵o個陣...發現後門附近有個蟻"豆"~
好恐怖o架...
因為...堆蟻"豆""嬲"o係d蟑螂藥度..
蟑螂食o左都死啦...
d蟻竟然唔死...仲"嬲"o係o個度...唔知做乜~
而且...仲發現有蜘蛛~
我當然都冇諗咁多...
用吸塵機吸o左兩隻細蜘蛛...
我公司部吸塵機係每隔一排先拎出黎倒入面d垃圾~
咁我既然吸o左兩隻蜘蛛仔入去...
我怕佢o地會o係入面整出更多o既蜘蛛出黎...
所以...冒險將d垃圾倒d垃圾出黎...
(我真係好驚...蜘蛛~蟑螂...
螞蟻幾隻就唔驚...一堆我就會好驚...)
好小心咁...倒o左出黎...
不過我見唔到有蜘蛛~
總之...垃圾就倒o左...
如果咁唔好彩...蜘蛛仲留o係入面...
我真係冇野好講......
跟住我抹地o個時...
後門附近o個堆螞蟻"豆"連埋d蟑螂藥...
我同佢o地對峙o左好耐...
終於抱住...死就死o既心態...
用幾張濕o左水o既紙巾...
一手抹落去個蟻"豆"~
順手拎起埋蟑螂藥...掉入膠袋...
再紮實個膠袋掉出去...
我諗咁大個女...
都係第一次咁樣做...
屋企平時點會做d咁o既野...
夜晚...程程睇埋智勇新警界先黎...
十點幾就黎到lu~
佢帶埋同事o係深圳買落黎o既f4演唱會dvd~
同埋張國榮告別演唱會dvd黎...
我部電腦可以睇dvd...
不過我一直都未試過...
結果...阿哥話部機差d野未裝...
所以先睇唔到...
唉...
最後...我o地就決定睇"the mummy"啦~...
