昨日五點左右~
程程打電話比我~
佢話唔見o左身份証...
我仲以為佢會係我身邊第一個人...
換智能身份証tim~
佢去睇牙醫o個陣~
拎過張身份証出黎~
之後都唔記得自己有冇收埋...
咁我就話...九成留o左o係牙醫度...
但照計如果真係留低o左...
牙醫o個度實打電話比佢啦...
跟住佢猛咁搵...
我話...洗乜搵咁多地方...
如果你衫褲袋...醫生個藥袋...
同埋銀包都冇o既話...
根本唔洗搵其他地方...
跌o左o係街就更加唔洗搵啦...
之後...佢仲傻到諗住搵本護照頂住先...
點知...原來根本就o係銀包度...
只係"zip"埋o左o係另一邊...
唔係佢平時放開身份証o個度~
麻煩~~
差唔多六點...佢先黎到舖頭~
佢帶埋"唱談普通話"同埋burberry袋比我~
哈哈~...
個袋比我想像中大...
今日我就即刻帶出街用~
咩住好似師奶咁...
點知...原來個袋真係買錯o左~
我用緊呢個...係最大o既size~
唉...點解我會發現?
係因為今日出街....好多人都有用...
人o地個size好明顯係細過我o個個...
我已經一早講到明~
呢個袋係分大中細~
細o個個手挽位係好粗~
跟住中size係幼帶~可手挽~可以岩岩上到博~
而最大o個個條帶係好長...
唉....咁都買錯...
激死我啦...
我雖然話唔過一千蚊o者~
但係亦都冇話係九百幾...
真係蠢...
程程就緊係比我"哦"啦...
我亦都唔係咁開心~
因為個袋真係太大嘛~
搞到程程話即刻去買過個比我~
唉...算啦...到最後...緊係冇買到啦~
今朝十點幾起o左身~
食完野...
十一點幾已經出o左街`
首先搭車去旺角...
部7250唔多掂....
湊佢未有咁大問題賣o左佢...
不過就未賣住...去格下價先~
而且其他d盒呀~配件o係哂程程屋企...
聽日程程放工先拎去賣...
咁我宜家就用埋t610~
同程程一樣~
不過我就係用程程o個部`
係銀黑~
新買o個部係藍黑...
程程就用新o個部~
先頭我諗住買飛利浦好薄o個部...
千幾蚊...機邊都會有閃燈...
不過就唔係彩色~
結果...都係決定買t610...
兩點左右~就去食d野~
坐低入返電話d資料...
之後行多一陣~
就搭車去尖咀lu~...
有張city super o既coupon85折...
我o地平時冇coupon就有好多野想買...
今日有coupon...反而諗o左好耐...
都諗唔到買乜...
結果只係買o左一盒新出o既蝦條味百力滋...
同埋兩枝野飲...
盒蝦條味百力滋...
其實只係條狀o既薯條...
完全冇餅o既成份...
不過都幾好味...
我o地夜晚去o左上次父親節...
隔離o個間上海舖度食野~
地方又大...
服務都唔錯...
而且都幾抵食~
真係知道父親節o個日黎呢間食啦...
o個日父親節全部人都係咁覺得...
黎呢度食...起碼都飽丫~
o個間"無間道"~ 真係唔掂...
食完野...我o地就行去紅磡搭巴士...
返到屋企...坐o左陣~
程程就走lu~~
今晚唔知點解又好頭痛...唉...
程程拎o左handfree~
但冇拎火牛~
佢一走...我即刻諗起~
我就即刻打電話比佢...
點知佢又聽唔到...
緊係激嬲我啦....哼~
