嘩...好驚呀~
岩岩諗住o係書架搵書...
搵下"媽祖佛"英文點寫...
點知...有隻蜘蛛爬出黎~
好恐怖呀~
立即大叫~掉頭走...
跟住冷靜返少少...
再去搵下隻蜘蛛爬o左o係邊...
竟然搵唔返...
後尾...原來佢爬o左去d啡色o既書度~
有保護色...
唔怪得之唔覺眼啦~~
不過我都唔敢望...
一望我就會大叫~
毛管都"楝"埋~
發現佢冇再想郁...
我就立即過去搵老豆~
點知我屋企大廈o個其中一個管理員...
o係老豆舖頭傾計~
老豆唔方便行開~
咁我唯有叫佢盡快過黎啦...
打電話比程程~
佢叫我用報紙打死佢...
但係我點敢落手丫~
一陣打唔中...比佢爬走埋咪仲大穫~
我o係電話度猛咁大叫~
每望隻蜘蛛一眼...
我都大叫一聲~
嚇鬼死程程~
等o左都有幾個字~
老豆先過黎~
好彩隻蜘蛛冇走到o者~
最終~緊係消滅o左隻蜘蛛啦...
安心哂...
我老闆娘張恆生理財卡~
每個月都會寄張coupon黎...
可以免費拎本jessica雜誌睇~
我o係度做咁耐...
個個月都諗住去拎~
但次次都冇去~
今日~終於都叫o左阿媽去拎~
哈哈~ so happy~
阿德今日又拎o左四件貨黎~
開價要成一百八十萬o架~
佢放低o左比我影相~
睇下有冇d客有興趣~
等我可以影o左相send比佢o地睇~
本來我都覺得冇咩問題~
點知比老豆講一講~
先知驚~
話哂件貨咁貴~
我老豆先頭話等埋我收工~
將件貨放o係佢舖頭度~
因為我老豆間舖頭有鐵閘~
我間舖得玻璃門~ 乜都冇~好唔安全~
後尾~我拿拿臨影完相~
就打電話比阿德~
叫佢黎拎返件貨返去先~
點知等到收工佢都未黎~
咁我就唯有拎埋返屋企啦~
費事放o係舖頭...
因為防人之心不可無...
點知阿德會唔會搵人黎打劫間舖~
比人偷o左要我賠o架~
平時行返屋企都唔會咁索氣~
拎住呢件貨~
極為索氣~好鬼死重呢~~
件貨成百幾萬~
都夠人o地買層樓...
即係...我拎住層樓返屋企~
幾利害~~
始終~都搵唔到"媽祖佛"o既英文~
算啦...放棄啦..
就咁寫佛像就算...
咁阿德件貨d名又係古靈精怪~
又要搵書砌個名出黎~
不過...呢件貨o既名比較易砌~
好快就搵齊所需用字啦~~
下午~ d紙箱送到黎~
於是就我呢幾日辛辛苦苦包好o既貨入箱~
老豆又過黎幫埋手~
所以好快就搞掂...
宜家有兩大箱貨o係舖頭~
都幾阻"訂"下...
希望個客快d搵人黎收貨啦~~
裝箱...實會搞到舖頭七國咁亂~
d發泡膠粒周圍飛~
所以唔吸塵都唔得~
本來咪話今日要做清潔大行動o既~
最後都冇...
係咁二周圍抹下就算...
累丫嘛~~
唉...今日個客打黎~
話對包金玻璃樽係現代野~
唔係屬於晚唐遼o既時候...
(佢都算好o架啦~ 咁客氣
話係"現代野"~ 唔係假野~)
要退貨喎~~
咁我緊係退啦...
於是~過o左陣~
佢就搵o左個酒店o既男仔送返對樽過黎~
我驗o左好耐先肯簽收...
因為如果件貨有咩損傷~
我真係擔當唔起~
雖然...件貨本身唔知係咪比我整爛~
但...我驗咁耐...都係保障返我自己o者...
今日下午lunch食"種"~
基本上...
成隻"種"都係得咸蛋黃同埋一舊肥糕o係入面~
都唔可以話好食~食完仲好滯tim~
反而d湯幾好飲...唔錯唔錯...
今日都幾多行家入黎睇~
d人可能唔知d貨係阿德放o係度寄賣~
以為我老闆娘冇事...出返黎...
所以先有新貨...
咁都好o既~ 錯有錯著...
d行家問...你老闆娘冇事啦...
我就答...係呀係呀...
哈哈~
周圍都噴殺蟲水...
搞到d烏蠅飛哂黎我舖頭~
(我冇噴幾日...d藥力冇哂~
其他人成日噴~所以谷哂d烏蠅黎我度~)
隻隻都好鬼死大隻o架~
有我隻手指公o既拍甲咁大隻~
嚇鬼死人~
不過佢o地d反應好慢~
有幾隻o係我舖頭~我全部都捉哂~
最搞笑...有隻飛o左o係陶馬o既耳仔入面~
我用張紙巾塞住隻耳仔...
咁就比我捉到佢啦...
阿哥話...呢輪都冇乜生意~
岩哂啦~ 拍下烏蠅咪岩囉~
哈哈~ 夠哂應境~
今朝去銀行入錢比sisi~
手續費成160蚊~
都幾貴下...
匯o左100蚊英鎊過去~
希望佢慳d洗啦...
昨晚訓得唔好...
我同程程都一樣~
唉...唔提咪好囉~
一提就搞到訓唔著...
最衰都係我~
程程話o左唔好再講~
我都死要繼續講~
程程今晚去踢波~
但係放工放五點幾...
搞到佢要返o左屋企先再出去踢~
返到屋企附近~
拎o左阿德d相去哂~
效果我都唔知點~
所以只係哂o左一部分~
睇下出黎咩效果先再哂埋其他o個d~
老豆同阿哥話有人帶隻狗入去舖頭~
隻狗好乖咁...趴o左o係地下...有周圍聞~
大家知唔知點解丫~
因為我老豆舖頭o既地下好涼...
出面天氣又熱到死~
所以一入黎...就好舒服咁趴o係度~
我諗個情形會幾得意~
而且隻狗仲係金毛尋回犬黎o架~~
我口痕...又食o左兩包餅...
真係唔肥就有鬼lu~
哈哈~~
今晚食食下飯~
姑媽打比老豆...
講o左d唔應該講o既野~
真係好激氣~
而且我都覺得...呢個姑媽~
真係冇血性o架~
講好o左每個月一人比千五蚊比阿爺阿麻~
都成兩年幾o既事~
竟然原來姑媽一直都冇比~
仲從中落格~
搞到阿爺上次入醫院...
嘿~ 咩病入院? 係"營養不良"呀~
試問一個老人家...搞到"營養不良"~
係一件幾嚴重o既事~
先頭以為姑媽信得過~
每個月老豆入錢落去姑媽戶口~
阿爺同姑媽住得近~
諗住由姑媽照顧下佢o地~
應該冇問題啦...
唉....
自從上次阿爺入o左醫院~
老豆就將d錢入返比阿麻~
唔入比姑媽~
咁阿爺需要輪椅~
要買一架比佢~
老豆叫姑媽比錢買~
因為一直姑媽都冇出錢...
佢買返架二千幾蚊o既輪椅比阿爺...
都唔係好過份o者~
就係因為咁...
姑媽可能條氣唔順啦...
加上老豆提議每個月一人比一次3000蚊~
唔係每人每個月比1500~
於是~昨晚就打黎比老豆囉~~
最搞笑~姑媽話自己冇錢~
但係就有錢周圍去旅行囉...
講真~老豆唔係比唔起3000~
只不過做人要公平囉~
老豆話...如果姑媽唔比~
佢都唔比~等阿爺阿麻冇飯開~
打電話報警~搞大件事~
阿爺同阿麻都咁老~
唔食得幾多~
比餐安落茶飯比老豆阿媽食~
一d都唔過份丫~
都唔知點解呢個世界會有姑媽呢一種人~
佢d衰野實在太多~
都唔講得咁多~
總之一句講哂...佢變態o架啦~
夜晚九點左右~
冇啦啦老豆o係度抹抽油煙機~
將入面d千年油積...整哂落黎~
都搞o左成兩個鐘...
期間要幫手用電筒照住...
等老豆"刮"甩d油積...
好累呢~~
不過...又唔係全部都抹到出黎~
我最驚阿媽煮煮下飯~
飛o左d落黎就搞笑囉~
