昨晚臨訓前~
終於都出現正常o既情況~
唉...點解次次都係咁~~
真係好邪o架喎~
總之點都好啦~
正常返~我就安樂哂~~
今朝返工前~
去o左老闆娘屋企拎信~
又有封律師信同電費單~
返到舖頭~就打電話比張牧師~
又長篇大論一番...
唉...無奈真係做唔到d乜~
因為始終未得到老闆娘同意...
真係決定唔到嘛...
猛催我o地都冇用o架~~~
終於收到另一本書~
so happy~
我即刻拆開黎睇~~
呢本書一日睇唔哂~
我諗要花多幾日時間先得~~
昨日收到aeon張月結單~
無啦啦收到10蚊~
雖然10蚊唔係多~
不過我都覺得要比得合理先得o架~
於是我就打電話去問~
點知由十點三~打到十點七~
不停咁打都打唔通~
甚至其中幾次我係接駁去"報失"o個度~
佢都冇人接聽...仲即刻cut我線tim~
哼~
到今朝~ 我再打去~
佢話係因為上次我去7-11交錢~
所以要收10蚊手續費~
ok~ 冇問題...
咁好心佢列明清楚啦...
哂我d時間打電話去問...
不過...我都係決定cuto左張卡~
唉~~
都係正正經經...
申請張銀行出o既信用卡穩陣~
有時貪小便宜...真係自己"囉"黎衰~
宜家最多咪冇得訂位~冇折囉~
好過哂哂自己d時間~
如果我真係唔見o左張卡~
要急住報失...
而佢o地又冇人聽電話~
張卡又比人盜用緊...
咁我咪死~~
今日...狀態唔係咁好...
眼皮係咁想合埋...
好累...
下午食完飯~諗住去數碼通幫sisi交台費...
順便又交埋call台費~
咁橫掂都係要落去~
咁我就打電話比張牧師~
睇下佢o係唔o係公司...拎埋封信比佢啦~
我拎完信比張牧師...
佢即時打比tony~
我就聽埋佢o地傾成點先走...
之後就o係樓下間數碼通交錢啦~
順道又幫老闆娘開返台~
點知...佢話我過o左3個月~
下~~~唔係o掛~~?! v_v
我明明mark低o係簿度...
寫住29號去開台~
我今日去...已經早o左兩日o架啦喎~~
跟住...個女仔幫我check到...
我係22號cut台~
應該要o係22號前開返先得~
宜家過o左5日...
佢要打上去問下開唔開得返...
叫我返去等電話回覆...
唉~~咁即係話...
我聽日又要山長水遠行落去搞手續...
跟住...我再行去置地o個邊交call台費~
其間...見到架5B巴士...
好恐怖地...後面出哂白煙...
又臭喎~~
個個都望住架巴士~
終於...o係冇幾遠o既地方停低o左...
d人跟住落哂車~~ ...
我諗如果架車繼續行~
實會著火都似...
之後返到公司~
check下本簿...
原來真係22號cut...
oh~~~~
點解我會搞錯o架~~?@
激死我啦...
嘩! 今日個太陽好曬...
熱死我囉!!!
所以今日真係岩哂曬太陽~~
我打電話比程程~
佢話佢捉緊棋...夠哂益智~
佢o地差唔多十點先去~
三點左右先走~~
程程話佢冇黑到...
冇變到燒豬...
哈哈~~
今晚仲要去踢波~
睇下佢聽日點死~
實會累死佢...
昨晚好搞笑~
程程o係度讀日記...
咁我日記寫"dpi"~
佢竟然讀o左dqi~
佢仲要諗o左一陣先知道自己錯~
佢話唔記得p字同q字掉轉o左...
哈哈~ 我咪叫佢罰抄a-z~100次~
但係...都係講下笑o者~~
