今朝返到公司~
搞掂好哂一般o既野...
就開始包野啦...
雖然個客仲未比哂錢~
又未落order叫我包~
不過...我做野比較心急...
個心諗: 包住幾個o者...唔怕o既...
於是~就係咁包...係咁包...
不經不覺...
包到下午~已經包o左六個...
lunch...阿媽買o左個飯比我...
嘩~超級難食~~
食o左少少"食送"~ 食o左半盒飯...
就諗住掉o左佢...
阿媽拎個橙比我~
見我咁哂野~
就拎埋過去比老豆食~
夜晚老豆都講...唔好食~
包包下野~
聞到d味好熟...
跟住老豆走入黎~
問係咪我噴殺蟲水~
...車~唔怪得之咁熟啦~
我前幾日先噴過黎~
之後...d味開始越黎越勁...
好似毒氣咁...臭到死~
真係頂唔順...
開o左一陣門...先好少少...
原來...係附近後巷噴殺蟲水...
可能驚死d蟑螂唔死咁...
所以先會噴咁鬼死多...
又自從我噴過殺蟲水之後~
我老豆舖頭就做o左d蟑螂o既避難所...
搬"豆"~搬o左過去...
勁搞笑...
落過雨...門口d玻璃好dirty~
我就抹o左一陣玻璃~
都係好求其咁抹咋....
費事d客唔敢入黎啦...
丫~有樣野~
差d唔記得提~
就係梁錦松去蘭桂坊浦~
攬住d洋妞...
真係破壞哂高官o既形象~
好似變o左"咸蟲"咁...
失禮死~
個客咪落o左訂o既~
我真係怕佢唔黎~
於是就去請教一個我比較熟o既行家~
佢係對面美寶軒個老闆~
我諗住問下佢呢個客有冇o係佢度買野~
如果有o既話...我就唔洗擔心啦~
我過得去美寶軒~
都預o左要留o係度傾一陣先走得~
因為個老闆都幾長氣下~
次次都好客氣叫我坐下傾下計...
佢話落o左訂唔怕佢唔黎~
今次個客冇幫佢買野~
但之前有做過生意...
跟住又傾o左一大輪關於宜家市道同埋我老闆娘d野~
我老闆娘件事岩岩發生o個陣~
佢都有走過黎問~
當時緊係話冇事啦~
我今日一入去坐底...
佢就話...你咩都唔洗講~
知o架啦...我o地個個心入面都清楚~
係d八卦o既人先會問你難為你o既o者~
得o架啦~我咩都明o架啦...
聽完佢咁講~
我都放心d...
因為...我始終之前係對佢講大話嘛~
得到佢o既體諒...真係開心~
如果個個都好似佢咁...就好lu~~~
終於~四點幾...
個客帶埋d尾數黎~
令到我放下心頭大石~
另外~ 佢仲買o左件貨...
o個件貨就係話我上次抹野o個陣~
唔知係原本爛o左定係我整爛o個對玻璃包金樽~
咁因為件貨唔係屬於我舖頭~
而係阿德放o係度寄賣...
老闆娘唔o係度~
我又唔知價~
最直接~緊係問貨主阿德啦...
佢開廿萬...個客還八萬~
最終都成交o左...
不過...唔係即時比錢~
要返到瑞士先再匯錢過黎~
咁如果匯去公司戶口...就拎唔到d錢出黎~
於是就叫佢匯落我戶口啦...
後尾我同阿德講好哂所有野...
我先打比tony~
佢即刻提醒o左我"收佣"呢家野~
激死我啦...
tony話我太老實...話比阿德聽賣o左八萬~
應該話比佢聽賣o左六萬~
而且~我又口快快~話比佢聽十日後會匯錢過黎~
tony話唔應該話比佢知...
到時遲d先再比返錢佢...
跟住再打去同阿德講收佣d野~
佢話等老闆娘返黎會同佢計...
我老豆又話...行規係收10%佣~
都係同tony一樣...叫我遲d先比返錢阿德~
不過最大o既問題~
似乎係件貨係咪真至係最重要~
因為件貨阿德話係真...
但之前有人睇過...
話係假~
我拎張單出黎~
個客就自己寫...
寫清楚哂d年份~ 邊度有爛~
冇修補等資料上去...
我自己就覺得阿德d野唔係咁信得過...
都幾驚要負住何責任~
因為個客話件貨係經我手買~
佢話要我向佢保証~唔係由個貨主向佢保証...
咁我再三問阿德...佢話件貨冇問題~
咁我咪同個客保証囉...
而阿德比件貨佢拎走先...(未收錢就拎走件貨先~)
第時收唔到錢~又要我保証...
唉...真係麻煩~
宜家岩岩沖完涼...食完飲阿華田味o既雪糕~
再吹埋頭...
終於都可以靜落黎...
而且...我開始feel到雙臂好累呢...
今日我包野...
其實都包得幾輕鬆~
因為個客講到明唔趕...
估唔到...輕輕鬆鬆咁包...
都可以累成咁...
未沖涼之前完全都feel唔到~
一沖完涼就黎料...
昨晚好早就訓覺~
十點幾就訓~
對於程程黎講~緊係好啦~
因為我好少比佢十點幾訓~
平時最遲都要十一點幾...
哈哈~~
今晚阿哥食飯o個陣粒聲唔出~
原來係因為阿媽...
佢o地又唔算叫"咬嬌"o既~
不過...阿媽之後就個心"蟻住蟻住"咁囉...
(即係唔開心啦...)
希望佢o地冇事啦~
而我都覺得~ 阿哥應該冇咩野o既~
最搞笑...都莫過於阿哥出o左街之後~
阿媽講o左句...
"大個o左之後~我都冇鬧佢啦..."
跟住我就話..."你點會鬧佢丫~
你鬧我...都唔會鬧阿哥啦..."
哈哈~ 阿媽都o係度笑...
不過我一d都唔介意~
我知道我再大個d~ 阿媽都唔會鬧我~
又或者鬧我...會變成我o地相處o既方式~
哈哈~~
