今日係輝輝老爺o既大喜日子~
希望老爺同kinki白頭到老~
生個肥肥白白o既bb~~
一家四口開開心心啦~~ ^_^
今朝九點...管理署派人上黎~
撳鐘...嘈到死...
因為我隔離屋比落下o個層投訴滴水...
所以上黎睇下...
臨走o個陣...個管理員已經問定阿媽...
一陣可唔可以上黎影相~?!
但阿媽準備要出門口~
我又就黎返工...費事嘈住阿哥~
就叫佢聽日呢個時間黎影~
又或者五點幾o個陣黎影...
點知...阿媽走o左之後~
管理署打電話上黎~
我聽電話...佢問我可唔可以宜家上黎影喎~
咁我都無奈地應承比佢上黎影啦~
唉~ 阻住哂我化妝換衫返工o既時間~~...
返到舖頭~
打電話比程程~
講講下...佢比o左輝輝老爺聽...
我竟然唔發覺...
後尾講到唔對路~
話昨晚飲o左酒...宜家個頭好痛...
我就諗...程程昨晚同我傾完電話...
明明話訓覺o架喎~
無理由之後出o左去飲酒o架?!
原來係輝輝老爺黎...
後尾...緊係比程程話我啦...
連佢把聲都唔認得~
佢仲話...比輝輝聽o個陣~
已經講o左句"等陣"~
只係我聽唔到o者...
輝輝叫我早d黎~影多d相喎~
哈哈~ 我話緊係要影盡佢啦~
因為輝輝從來都唔影相o架嘛~~
又原本...輝輝話一早黎車程程去佢屋企~
點知...輝輝昨晚去完飲酒..唔知醒~
另一個同事又唔知醒~
搞到程程要自己搭車去坪石...
而另一個同事就直接o係沙田等...
佢o地最後都遲o左少少去接新娘~
不過冇誤到吉時...
而玩新郎o既環節都極為少...
只係發表愛的宣言~做掌上壓...
本來唱埋情歌o既~
但係一時諗唔到唱乜~
輝輝就話夜晚先補返...
哈哈~ 結果~ 咪又係冇唱到...
今日輝輝有d火...
以輝輝o既性格~有咩唔滿就講出黎~
但係女家o個邊d人乜都以錢行頭~
輝輝點都要比面佢老婆...
唯有吞聲忍氣啦...
下午o係舖頭~
o係不知不覺o既情況下...
我竟然踩死o左隻4腳蛇...
當我發現之後~
竟然淨係得個身同四隻腳比我踩扁~
個頭就唔知去o左邊~
睇個鞋底...又唔到有個頭~
又會咁奇怪o既...
六點左右~ 我就收工走人lu~
今日都幾多人入黎~
可能拍賣啦...
我搭地鐵去北角...
大約六點八先去到...
程程同埋佢個同事o係地鐵站度等我~
佢o地兩個之前去o左太古...
程程個同事要買野比佢個仔做萬聖節禮物...
去到...嘩~ 輝輝好英喎~
通常人o地話個新娘結婚o個日會特別靚...
kinki我之前未見過~
佢有冇特別靚到我就唔知~
但係輝輝就型o左好多~
哈哈~ 完全擺脫o左佢個浪子樣~~
今日o既兄弟團就只係得...
程程~同事~同埋輝輝個姪仔~
連伴郎都欠奉...
真有有d怪...
主角同埋程程佢o地都好累...
輝輝仲要挨多一日呢...
因為女家o個邊30號再擺酒丫嘛~~
至於女家o個邊...
姐妹團都係得4個~
開門利是係999.9~
程程幫輝輝頂o左十七下掌上壓~
而輝輝就發表o左十個愛的宣言~~
勁搞笑~~
聽講輝輝面都紅哂呢~~
差唔多九點先開席...
悶到我o地死~~
同輝輝影o左幾張相~
唔知點解~
我覺得kinki唔係好開心咁...
我o地o個圍得十個人...
個個都唔志在食野...
碟碟都係食o左少少就唔食~
不過整體黎講~d齋都幾好味...
下年決定去呢度食齋...
上次去灣仔o個間貴夾唔好味~
中環o個間又冷清清~多烏蠅咁...
呢間好好多~~~
到十一點幾就散lu~
輝輝o個邊d屋企人個個都好好~
好開朗...
尤其是五家姐...
又識同人交際~又搞笑咁~
加上上次同過佢一齊唱k~
所以今次見返佢...
都特別有親切感呢~~!
至於kinki o既家人...
就真係古古怪怪咁...
一d都唔喜慶咁...
可能佢o地今日唔係主人家啦~
所以先冇咁開心o掛...
程程先頭話要送埋我返屋企~
後尾我都係自己搭車...
費事啦...佢咁累...
送完我返屋企先再返屋企...
會好夜o架啦...
同埋佢聽朝仲要返工...
等佢可以早d休息嘛~~
搭車返屋企o個陣~
有個阿伯好大聲咁同佢d朋友傾計~
成架車都嘈哂~
嘈到我頭都暈埋咁...
程程今晚又比我發現佢呃我~
哼~同人傾電話丫拿~~~
緊係想死啦...
佢話佢就真知我唔鐘意...
先唔話比我聽~
哼~乜你認為你有野呃到我咩~~
你好自為之啦!!
