昨日臨收工...
打電話比tony~
叫佢點都好...入住一萬蚊比我先~
因為供樓o個度早晚都打黎催~
而且...就黎供第二期啦...
唉...
tony話叫聖子落黎撳機入d錢落我戶口...
不過就冇講幾時...
於是~ 昨晚我o係度等電話...
等聖子打黎問我銀行戶口號碼...
到我訓覺...都未打黎~...-_-"
今朝...如我所料...
十點左右...供樓o個度就打黎~
跟住我同佢講業主個姪女...
最快星期五先落到黎~
到時先有錢...
咁佢就叫我盡快入...
唉~望都係咁望啦...
返工前~ 去o左老闆娘屋企度拎信~
信就冇啦...
心血來潮...上樓睇下有冇信啦...
因為d律師信通常都係放o係屋企門口~
唔會放o係信箱嘛~
上到去... 乜都冇...
咁都好d...
落到舖頭~未開舖~
過o左去老豆舖頭...
哈哈~ 影o左張相~~
之後我亦都影o左張數碼相...
send o左比程程睇~
昨晚...程程見我放工冇打比佢~
佢後尾就打比我啦~
之後佢落街買飯比細佬食...
又打電話比我~
買完行返屋企...又打比我~
哼! 所謂無事不登三寶殿"~
佢有咩我係唔知o架...
佢話大隻打比佢~話唔夠人踢波喎~
問我比唔比佢去...
唉...唔知邊個晏晝先講完...
話我好乖o架...
應承o左你真係冇去踢波呢!
其實...下午o個陣都問過程程有冇波踢~
(我都諗住比佢去踢o既..)
佢話有...不過o係深水"土步"踢...
講到自願唔想去踢咁...
我咪由得佢囉...
咁當然...最後都比o左佢去踢...
昨晚...阿媽熨o左成晚衫~
直到佢熨完訓覺...
我先記得星期五去飲o個件新衫未熨...
咁就拿拿臨問阿媽星期四係咪會熨衫啦~
點知佢話未必...
仲話頭先熨衫o個陣~
都諗過洗唔洗熨埋o個件衫~
不過見我冇出聲...就冇問到我...
唉...
於是同程程傾電話傾到十一點三左右~
就比佢訓覺~
我就出去廳開返個熨斗熨埋件衫啦...
昨晚食通粉~
原來阿媽係用"梳羅魚"整湯底...
之後d魚會就咁掉哂落垃圾筒o架喎~~
食都唔食就掉... 好似好哂咁...
但係阿媽話d魚好細條~冇肉食喎~~
不過食通粉食到咁上下...
d湯凍o左...
開始有d"腥"味....
哈哈~ 不過阿媽都用心良苦o既~
因為阿哥唔鐘意食魚...
煲d魚湯...等佢飲下都好~~ ^_^
唉...呢個世界...
真係有惡性循環呢樣野...
好似呢個星期咁...
人o地個個都追我公司數~
到今日...我打電話比"細哥"~
佢o係四個月前...
幫我o地代銷o左兩隻飛馬...
夾埋8000蚊~
我時不時都會打電話比佢~
次次都話過幾日...
頭先我岩岩再打比佢...
佢竟然話未有...
好似"闊佬懶理"咁...
真係好想鬧佢囉~
唉...不過佢呢d咁o既人~
無謂得罪佢...
我只有好無奈咁收線囉...
但係...我諗...
你o地d人明知我老闆娘出o左事~
咁樣即係明恰我o者~
知我惡唔出樣...!
8000蚊o者...
對你黎講點都拎得出呀嘛~?!
我唔係惡唔出樣~
只係我費事搞到咁薑~
我只係一個後輩...
費事第時老闆娘返黎怪我得罪人啦...
四點幾...阿沈(老闆娘個朋友)黎舖頭傾計~
佢見到件貨幾靚...
叫我影相比佢...睇下佢d客有冇興趣喎~
等佢走o左之後~
我就拎部相機出黎影相啦...
發現部相機冇電~
咁我就鎖門出去買電...
影o左幾張相...跟住打電話比tony~
問下佢...聖子個客要買d咩貨...
因為舖頭d貨冇乜影相...
如果係o既話...我就順便影埋...
tony就話唔洗影住...等佢聽日返黎先算...
仲話已經拎到證~
聽日會落黎啦喎~~
我就搵o左張紙列哂要找o既數出黎~
方便聽日tony拎到錢之後~
我拎住張紙去銀行入哂d數啦...
保持估計...都要找八萬幾蚊數~
唉~ 知道tony真係會落黎~
真係一天都光哂...
