今日...心情有點沉重...
因為今天我銀行又要"冇緊一d錢"...
原因...都係為o左sisi同公司...
本來昨晚sisi打黎...
話要去睇醫生...
星期五o個一千蚊已經用完啦喎...
咁即係...又要再拎錢出黎比佢啦...
心諗...拎五百出黎都應該夠o架啦...
所以返工之前...都特登走o左去銀行拎錢...
到十一點幾...sisi落到黎...
咁我打電話比tony~
睇下佢係咪返落黎...
點知...佢話最主要落黎o既目的...
都係為o左送錢落黎...
而佢本"証"因為得返一頁...
怕過關o個時唔比佢落...
一定要佢換過本新...
於是...我就懶係"唔緊要"o既心態...
話..."咁你遲d叫人有錢落黎咪得囉~
唔洗自己特登落黎啦..."
就係咁...tony就叫我拎住三千蚊出黎...
或者諗下其他方法...
因為sisi老豆o個度...點都要表示下...
sisi今日就開始佢老豆安葬o既事宜...
小小心意...tony話拎兩千蚊做帛金...
另外o個一千比sisi臨返英國買d"立雜"野...
結果...我拎埋公司支票簿剩返o既千四蚊~
同拎我自己銀行千六蚊出黎...
夾埋三千蚊比sisi啦...
拎o左千六蚊出黎...
我o既財政...進入o左我做野以黎...
最低o既存款紀錄...
咁都不單只...
搞到唔夠5千蚊...仲要收手續費...
唉.........
平時...阿媽朝早會幫我帶枝水落老豆舖頭~
等我返工o個時唔洗拎咁多野...
當我返到舖頭...先過去老豆度拎返枝水...
順便飲埋杯"石合水"...
今朝我先頭要去郵局寄野...
但由於昨晚o既事...
我仲未啋返我老豆...
於是我唔去郵局住...
先返舖頭開門...
湊阿媽仲o係老豆間舖...
過去拎野o個陣都冇咁"唔知點咁"...
咁我去拎枝水啦...
阿媽以為阿爸沖好o左杯"石合水"...
叫阿爸拎過黎...
點知我老豆幾串呀~...
話"冇沖喎!"~
跟住我冇出聲...轉頭就走...
佢擺明玩野...
唔沖咪唔沖囉...
好包閉咩...
佢冇非都係想我認錯o者~
我總之覺得我冇錯...
我今次點都會企硬...
跟住我返舖頭...
拎埋d野...就鎖門去郵局...
返到黎...
上網check下mail...
sisi十一點幾就落黎...
陪佢再睇醫生...
(佢d咳仲未好返...
佢星期五就要返英國啦~
如果佢o係走之前未好返...仲係咳o既話...
要去照肺...証明冇sars先返得英國~)
之後去o左間燒味舖食野...
點知...我食食下...
發現有隻好大o既螞蟻o係碟飯度...
跟住同o個度d人講...
佢換過碗飯比我就算...
咁我原本係一碟飯...連埋d"食送"~
佢只係換過d飯比我...
真係有d奇...
d飯有問題...你又放d"食送"o係面...
咁係咪即係d"食送"都應該有問題呢...
不過算啦...
都唔係咁好食...
食多兩啖飯就冇再食lu~~
d"食送"我更加唔敢食啦...
sisi食完飯...就去處理佢daddy d身後事...
我就返舖lu~...
程程今朝返早...要五點鐘起身~
本來九點幾就可以收工...
到五點幾仲未收得...
可憐呢...
昨晚o係度諗...
如果中o左六合彩就好啦...
可以搬出黎住...
可以結婚...
可以買樓...買車...
可以生bb...
真係乜都得....
仲有...如果買樓o既話...
一定要搬遠d...
哼...
