昨晚程程過到黎...
等我睇完電視...再一齊睇vcd~
睇到十二點幾先訓...
今朝又係十點幾起身~
食完野再訓...
哈哈~
到十二點幾先再起身...
兩點o係地鐵將d野比o左人之後...
我o地o係中環再o係置地行多陣~
先搭地鐵去尖咀~
去到...首先去元綠醫肚...
跟住先行街...
連卡佛搬o左...
本身o個度...可能唔想搬咁多野過去...
所以就大減價啦...
程程揀到條牛仔褲~
減o左價~ 二百幾蚊咋~
超抵~
有件大褸都好正~
六百幾...真係去邊度搵~
不過諗起自己都有褸...
買o左返去實比阿媽鬧~
結果都係冇買到...
夜晚去o左食蕉葉咖喱屋...
幾衰呀~ 我記得有d卡會有優惠...~
問佢o個陣...佢都有答我...
點知埋單o個陣...佢話部機壞o左...
唔想碌就唔好話壞啦~
下次都唔洗我再幫親呢一間...
丫~唔記得講返樣搞笑野...
有一日~我同程程行灣仔...
經過一個街市...有個乞丐o係度...
有個男人...可能行得快得滯~
睇唔到...踢走o左個乞丐兜~
跟住個乞丐用好卑視o既眼神望住個男人...
個男人拿拿臨幫佢拎返個兜去原位...
我o地行過o左之後...先至發笑...
死都忍住...
費事咁衰啦...
聽日仲係放假...
做d乜好呢...
