昨晚訓得超唔好...
聽絕情谷聽到十二點半...
跟住熄機諗住訓覺啦...
因為feel到自己有d睡意~
點知"碌黎碌去"...都訓唔著...
到阿哥熄燈返房訓...我之後先訓得著...
佢最少都點幾兩點先訓覺o架嘛..
可想而知...我係幾夜先訓得著...
昨日臨收工...阿玲打黎~
同佢傾o左一陣~
唉...真係比佢激死~
總之一句講哂...
佢唔安於現狀囉~
真係冇佢咁好氣~~~
宜家先諗自己有冇揀錯~已經太遲啦~
終於o係csl度check到老闆娘電話o既資料~
不過...原來佢由csl帶號碼過去數碼通之前~
佢仲有條數未找...
都成千幾蚊o架~
個客戶服務主任叫我交o左錢先再講...
如果未清條數~ 就開唔返個電話號碼比我喎~
哈哈~不過公司邊度大拿拿有千幾蚊拎去交錢丫~
唯有等tony星期二返黎先去交啦...
唉~ 昨日臨收工...
終於都打得通...搵到tony~
先頭以為佢熄電話...玩失蹤tim~~
原來佢未交錢o者...
當時佢話仲未拎到證~
咁我話夜d再打電話比佢...
因為費事今日蔣小姐打黎o個陣~
唔知點答佢好...
於是~ 八點幾...我再打比佢~
tony話未拎到~ 最遲星期一喎~
佢叫我預佢星期二落到黎~
咁蔣小姐問起...
我都叫做可以肯定d答到佢啦...
昨晚...程程都係冇講到我要佢講o既野~
因為佢返到去...
佢媽咪已經先開口同佢講o左d野~
唉...睇黎~ 都冇行o架啦...
算啦...
我o地唯有辛苦d慢慢黎啦...
不過...我同程程都傾得好唔開心~
我o係度逼佢揀...
而佢根本揀唔到...
所以...我唯有作出妥協啦...唉~
唔知係咪就係因為咁...
所以昨晚心情唔係幾好...
搞到訓唔著呢...?!
昨晚日記就搵唔到...
算啦...冇o左就冇o左...
forget it la~~
另外...我又睇返一d舊o既back-up~
哈哈~ 勁搞笑...
我咪踩爛o左個膠架o既~
終於都整好啦~
大家估下幾多錢?!
係...45蚊咋~~...
有冇搞錯呀~
上次阿偉幫我o地整呢個膠架o個陣~
收成一百八十蚊~
宜家佢師父只係收我老豆四十五蚊~
嘩~賺死阿偉囉~~~!!
我唔知師父同老豆熟先收佢咁平丫~
定係真係咁平...
但都冇理由差咁遠呀嘛~~
先頭我諗住自己比錢~
始終係我自己踩爛嘛~
不過...老豆話唔洗收返我錢喎~
哈哈~我又賺o左lu~~
今日...基本上都冇咩野做...
悶o左都好耐...
唯有上網聽下收音機...
同埋玩下game咁...
下午老豆買飯比我食~
因為阿媽同elaine去o左一個婦女講座...
到四點幾五點...
阿媽同埋elaine一齊返o左舖頭~
仲買o左九記牛腩麵食tim~~
今晚做神鵰...
明明提過自己要較錄影機錄...
點知都係唔記得~
於是就叫阿哥幫我錄啦...
五點左右~
程程就過到黎lu~
無聊等到六點半...就收工走人~
去o左麥記食野...
食完..我o地再去百佳買定d零食同水...
準備睇演唱會食...哈哈~~
買完~就搭車去紅磡lu~~
去到時間岩岩好開閘入得場...
一人派o左一枝紅色心心電筒o既物體~
唔怪得之睇雜誌o個陣~
話joey見到全場o既燈仔...好感動啦...
亦都好彩我冇買到螢光棒or閃燈o者...
哈哈~
我o地坐第十九行~
呢一行o既位~係岩岩o係個欄度~
所以前面有好多位可以伸腳...
好鬼舒服o架~~ ^_^
今次已經係第二次坐第十九行~
兩次都係用信用卡訂飛o既~~
哈哈~睇黎~ 用信用卡訂飛都幾好丫~~
一開場...
joey唱我的驕傲...
把聲好響亮~
佢坐住隻飛馬出場~
隻馬都幾靚~
佢仲戴住個鑽石面罩~
um...我覺得件衫唔係咁襯...
但整體黎講~ d衫都幾好睇~
joey變得好有女人味咁...
有兩個喜賓...
一個係郭晉安..一個係yumiko~
兩個出位o既反應好唔同~
郭晉安一出位~反應幾咁熱烈呀~
反而...yumiko坐o係觀眾席~
扮到懶係驚喜咁... 話好突然咁...
慳d啦...
睇哂雜誌話有你份做喜賓...
加上佢上到台~又o係度hard-sell佢就黎出碟..
全場d人都渴倒采...
幾無癮呀~
不過佢冇理到...
反而仲話...呢d係咪支持o既聲音tim!?
今次個演唱會...
所有野都處理得幾好...
例如d換衫時間咁...
電視機播o左有一條片段...
係講廁所發生o既鬼怪事~
雖然係twins合作一齊拍o既...
而且仲係搞笑o既野黎tim~~
哈哈~好彩開場前已經去o左廁所o者~
如果唔係..我諗我都會有d驚...
另外~都出返一d joey舊事勁"娘"a既相...
嘩~ 真係嚇一嚇...
好恐怖呀~~ !!
抽o左兩次獎~
另外有一個仲有機會同joey上台唱歌同玩~
抽中o左個15歲o既男仔~
哈哈~後尾~佢得到十箱公仔麵...
足足encore o左兩次~
成十一點二三先完場...
十二點左右就返到屋企lu~
沖完涼~十二點半左右就訓覺lu~~~
