昨晚同apple傾o左陣電話~
到o左今朝~ 見到手提電話有message~
係apple send 黎o既...
不過呢個message得個開頭...
但就冇講個結果...
唔知事情發展如何呢....
昨晚敷o左張mask~
好正...
嘻嘻~~
今朝返工之前... 執o左隻vcd落舖頭睇...
經過報紙檔...買o左本"新monday"睇~
唉...唔知挨得幾耐呢...
下午...老豆去買牛腩麵食~
好好味~
仲要係老豆請...唔洗比錢~
哈哈~
因為平時數還數~路還路~
阿媽幫我買lunch~
我會比返錢佢o架...
舖頭d錢真係用得七七八八~
如果比著係第二個...我諗走o左好耐啦...
冇糧出不單只...仲要貼錢出黎交住d雜費..
regene今日送o左d貨黎~
有成兩大袋野~
一袋係真金白銀找錢出黎買o既野~
一袋係送o既野...
其中一樣產品...之前未用過...
即刻開黎試下...
係"水療嫩紅唇用o者喱"~
如果比錢買o既話...要二百幾蚊一枝o架~
宜家我買o左成千蚊野...優惠送o既...
所以好抵~~
而且真係幾好用...
因為我o既咀唇成日都"爆擦"~
好潤~又唔"立"~
程程今日車輝輝老爺去旺角搭車返屋企~
輝輝話佢女朋友"林"得佢好掂...
年尾仲可能做老襯tim~
哈哈~ so happy~
但係...真係估唔到咁快....
先頭我仲以為佢係奉子成婚tim~~
哈哈~
四點左右~
程程就放工...仲有人車佢黎舖頭tim~
哼...
佢真係呃我唔到o架...
佢o係度執個袋...
睇住佢將d野放入褲袋度...
死都話冇...
跟住...咪又係比我拆穿...
而且...仲比我估中係部電話黎...
佢昨日已經出o左...
真係激死我...
不過算啦...
呢部應該係最後一部...
o係未普及3g之前o既最後一部...
講真...部t610真係幾靚o既...
我都幾鐘意~
所以都冇乜鬧佢...放過佢啦...
舖頭隔離o既死敵...
真係變態...
估唔到佢o地咁衰~
咁有個外國雜誌記住去o左隔離~
佢o地就o係度講我老闆娘d野~
後尾佢又去蔣小姐度...
問蔣小姐有冇聽過呢件事...
蔣小姐就緊係否認知情啦...
之後~蔣小姐就打電話比我~
叫我小心d...如果有個鬼婆問老闆娘d野~
叫我話咩都唔知就得...
唉...如果個記者真係寫o左件事出黎~
唔多唔少...
對老闆娘件事都會有影響~
希望冇事...唔會寫出黎啦...
咁上次程程帶o左佢媽咪o係台灣....
帶返黎o既三色蛋比我~
先頭帶o左一盒過黎~
老豆食o左唔舒服~問都冇問過我就掉o左~
仲因為咁樣而鬧交...
後尾...程程就帶o左一隻比我試...
放o左o係個袋好耐~
今日終於都拎出黎食.....
同程程一人一半...
食完之後~ 真係覺得唔係幾舒服~
好滯...
於是~我就猛咁飲野~
食其他食物...仲去飲o左杯廿四味tim~
估唔到...真係會唔舒服~
隻蛋其實同隻皮蛋冇咩分別~
我諗如果我只係食皮...冇食個蛋黃...
應該會冇事~
而程程就一d事都冇...
真係奇怪~~
所以六點半放工...
就同程程去o左中環間別府食野~
因為我諗食d辣野...會好d...
第一次去...
個環境都ok o既...
食完d辣野...真係好好多...
冇咁滯...冇咁唔舒服~
食飽飽...就周圍行...
跟住就行去金鐘...
因為約o左人交收嘛...
交收完...就搭車返屋企lu~~
睇The Matrix Reloaded o既製作特輯~
阿哥就開埋音響睇...
個特輯做一個鐘~
我同程程睇o左半個鐘左右~
就決定返入房...
因為d音響太勁啦...
睇到頭都暈埋...
今晚程程o係度睇o個本~歷代皇帝軼事~
算係叫做有d野做...
唔會就咁坐o係度無無聊聊...
算係件好事黎......
