原來...昨日我聽錯o左...
唔係麵包店執粒~
而係我老闆娘設宴賀舖頭開張o個間酒樓執粒...
哈哈~果然係未訓醒o個時聽到...
竟然咁大分別o既野都聽錯...
前晚我同程程傾掂數~
大約一點左右~
佢話收線繼續罰抄...
跟住我訓訓下...都係覺得...
算啦...費事佢咁冇精神~
於是就打電話比佢啦...
打極都冇人聽...
我個心就諗...
有冇搞錯...又話罰抄...
宜家緊係訓到成隻死豬咁...
連電話響都唔知啦...
到o左昨日...我話做咩唔聽電話~
佢話佢放o左部電話o係房...
關埋o左門...
佢o係出面罰抄緊...
所以聽唔到...
仲話抄到成三點先訓...
入到房...先發現我打過黎...
咁冇理由咁夜仲覆返電話比我...
咁我就同佢講...
我就打電話叫你唔洗抄...去訓覺...
跟住佢就話...唉~~早講丫~知道慳返啦...
哈哈~抵佢死...係天意黎...
連個天都想佢罰抄...
程程仲話...佢發現佢細佬d鼻鼾聲都好嘈...
佢前晚罰完抄...諗住訓覺...
點知嘈得滯...搞到佢訓唔著...
(簡直係奇蹟...
程程邊有可能有訓唔著o既覺先得o架~
而且亦都唔會因為環境因素而訓唔到...
奇聞...奇聞...)
於是~佢就聽收音機...
點知宜家講鬼故d節目係做到咁夜...
程程咁唔怕鬼怪o既人...
都覺得好驚...將張被蓋到上頭...
真係笑鬼死...
佢仲諗住講返比我聽...
但我死都唔肯聽...
因為連佢都覺得恐怖o既話...
我肯定會覺得極之恐怖...
夜晚實要戴住佛牌先敢訓...
不過程程就成日都話我...
次次驚o個時先戴佛牌...
佛祖都唔會保佑我咁話.....-_-"
昨晚~我發o左個夢...
之後醒o左...
但當時個天仲係黑...都未天光...
我好記得個夢係同athena有關...
我o個時仲係咁提自己...
一定要記住個夢發d乜...
要寫返出黎...
點知...宜家我諗極都諗唔起...
激死我啦.......
因為屋企d芝士食哂...
媽媽又嫌d芝士冇減價...
所以就冇買啦...
阿哥就提議買提子味o既果醬返黎...
我不嬲對果醬呢家野冇咩好感~
成日覺得好甜...
但冇o左芝士...齋食火腿...
d味又怪怪o地咁...
所以...結果都係搽果醬食麵包做早餐~
嘩...真係甜到不得了~
我食完都覺得頂唔順...
有d想反胃o既感覺...
眼見阿哥要食六塊麵包~即係要搽三次果醬...
諗起都覺得難食...
咁我食早餐都會飲豆漿...
枝豆漿係甜o架嘛~
食完野再飲...
發現枝豆漿完全冇哂味...
可想而知...d果醬...真係有幾甜啦...
昨日有個王太黎舖頭~
佢黎係因為要拎sisi學費o既資料`
幫sisi交o左學費先...
順便...睇o左三件玉...
佢想拎去代銷...
咁因為始終老闆娘唔o係度...
所以佢就叫我問侯叔叔同tony~
問聲佢o地...睇下拎唔拎得去代銷...
so~今朝我就打電話比侯叔叔~
佢話ok冇問題...
寫張單...fax去new york比佢...
到時佢會同王太計...
不過到最後...
王太都只係拎o左一件玉去代銷o者~
另外~佢話王太今日會拎萬五蚊黎舖頭~
比我交租...
唉...我個心諗...
係拎就拎多d啦...
舖頭仲有大把數未交...
仲有我份量呀...
家下15號啦...
我剩下o既可動資產...
唔挨得好耐o架咋....
跟住冇乜野做...
就o係度睇"美麗密語"...
即係韓國o係套動畫呢...
嘩...悶到嘔...
睇完一隻碟...我都冇意識想去換第二隻...
唉...
仲話拎o左2002法國安錫動畫節最佳動畫獎...
我就真係唔識欣賞囉...
雖然...畫得幾靚...
但...都不足以令我有興趣睇落去~
証明o左呢套動畫失敗...
下午~ regene打電話比阿媽做推廣~
加上我阿媽有生日優惠~
d優惠~都幾吸引下o架...
阿媽一接到電話~
拿拿臨走過黎遞個電話比我聽...
最後...買o左1095蚊...
直頭當我上賓咁...多謝前...多謝後...
另外仲送o左勁多野比我`
哈哈~~
so happy~~
咁我呢排可能睇得太多張小嫻o既書...
開始覺得悶...
而且...可能一次過睇~
所以覺得佢寫o既野...
同埋佢想帶出黎o既訊息...
變化唔大...
冇o左o個種"窩心"o既感覺lu~
今日轉下口味...
睇"歷代皇帝軼事"~
發現一樣好搞笑o既野~
大家知唔知朱元璋個嫡長子叫咩名丫?
哈哈~係叫做"朱標"呀...
(噫~我好似以前都曾經提及過....
都應該係好耐之前o既事lu~)
四點幾...有個人打電話黎~
佢係收藏家黎o既~
講到明只係想買千幾蚊o既野~
又話識我老闆娘...
以前幫佢買過野...
同埋都好熟下tim~
佢又唔可以黎舖頭睇貨...
佢本來想叫我星期日開一開舖等佢黎睇~
我真係啋佢都傻...
後尾我話唔係咁好~
因為我只係放星期日...
一個星期得一日假...
佢跟住又叫我寄d相比佢睇~
但又唔可以話比我老闆娘聽~
跟住轉頭又打黎話唔好寄~
fax比佢睇~
點知轉個頭~佢又話部fax機壞o左...
再轉個頭~又話部fax機整返好...
可以fax黎...
嘩...煩到嘔...
唔好話我啦~你o地睇到呢段野都覺得煩啦...
另外~ 對面冇啦啦有個議員o既物體o係度擺檔~
o係度派口罩同講sars o個d野~
最奇怪o既係...
派口罩o個d人...都冇戴手套...
就叫拎住d口罩派比人...
咁唔衛生o架...
連咁重要o既野都留意唔到...
點做"議員"呀~~
唉~
到後尾...先至用返個膠袋套住d口罩派比人...
都總算隔o左一層膠袋...
叫做安全衛生d啦...
