昨晚好夜訓~~
同程程傾完電話傾到十一點半~
跟住我睇o左陣書...
特登等到十二點...
諗住聽收音機903~
聽下倪震同張燊悅新主持o既節目"絕情谷"~
因為d宣傳咁勁...
開頭...d宣傳聲帶係講周慧敏同阿mark主持o架~
整整下...後尾又變o左做倪震同張燊悅...
直到昨日為止... 都係講倪震同張燊悅主持...
點知...昨晚一開始...
竟然係周慧敏同阿mark~~
好幾驚喜...
不過我聽到十二點幾...
就諗住自己需要休息...
熄機訓覺lu~~
今朝返到公司~
拎返上星期o個本tvb周刊黎睇~
因為我明明記得睇過個訪問...
係倪震同張燊悅o既訪問黎~
佢o地入面都有提到將會主持"絕情谷"呢個節目~
唔通...周慧敏同阿mark主持一陣~
遲d先到倪震同張燊悅??!
昨日阿哥過黎坐o左一陣~
佢見我聽"少爺占"~~~
話咁都聽得落...個節目亂咁黎...
哈哈~ 我都係貪佢夠搞笑...
做人何必成日都咁認真呢... ^_^
阿哥出去同朋友食飯...
我返到屋企~
阿媽o係度熨衫...
佢話熨埋先煮野食...
咁我就食o左兩塊餅...頂住肚餓先...
之後沖完涼無幾耐...就有麵食lu~~
粒飛滋好鬼痛...
頂唔順...都係要拎枝西瓜霜出黎噴~
希望會快d好返啦~~
食完麵..返入房...
睇埋大白鯊第三集~
連非常外父都冇睇...
今日...吸塵...
吸吸下...發現有隻死蟑螂~
我費事吸o左入吸塵機啦...
所以擾攘o左一陣先搞掂隻蟑螂..掉落廁所~
天氣...涼o左好多~
有d病feel~~
加埋唔夠訓...
精神有d差...
fedex又fax o左張單黎~
又吹還運費...
有冇搞錯呀~
上個星期先入o左萬五蚊~
宜家又吹...
知道唔入萬五蚊咁多比佢啦...
分開慢慢比佢好過....
apple send o左佢細佬畢業o既相比我睇~
亦都傾o左一陣icq~
希望apple快d病好啦...
下午...我出去抹玻璃...
見到我老豆...
佢o係度單打我...
我聽完好"谷氣"...
阿媽之前過黎...
我同佢講...明知我生飛滋...
都揀煎魚比我做"食送"~
我只係咁講o左一句o者~
我阿媽返去老豆舖頭...
又o係度學是非...
從呢件事黎睇...
我知我唔應該要求咁多~
但從另一個角度黎睇...
只係顯得佢o地唔夠細心...
唔關心我...
老豆話...你聽日係咪自己食飯~
阿媽聽日買飯~都係會買煎魚o架喎...
嘿! 我跟住答佢...
好~我聽日自己食~
與其由別人控制自己...
不如自己控制自己...
蔣小姐打黎~佢想搵tony~
於是我就打比tony同佢講啦...
叫佢打返比蔣小姐...
跟住...我拎返蔣小姐d數出黎睇~
睇睇弄...似乎上次我計錯o左~
於是我再花o左d時間去計過~
後尾叫做搞返掂...
再過o左陣~
我再打比tony`睇下佢同蔣小姐傾成點~
佢似乎打緊麻雀~
講o左幾句...
我都冇癮啦~
都費事問佢拎o左個証未?~
聽日落得黎未~~?!
跟住我就收線lu~
我諗...佢可能就係知道自己落得黎~
所以先打麻雀...
因為落到黎~可能冇得打丫嘛~~
