程程放o左兩日假~
今日終於要返工lu~
佢個肚似乎都好返d...
係好事黎~
佢昨日返到屋企...
先發現唔記得比封信我~
當然~我會懷疑佢有冇寫哂成封信啦~
如果唔係...點會唔記得....
一定係未寫完...唔敢拎出黎~
不過佢話佢一定有寫~
我就話...咁有冇六張丫~
佢話寫o左五張~
咁我話...即係未寫完啦~
我話o左要寫六張~宜家得五張~
即係唔夠...要繼續寫...
哈哈~~
呢幾日...太恐怖~
我晚晚都發d關於公司o既夢~
昨晚就發夢d貨爛哂...
唔知點算好...
好彩係夢黎~
如果係真o既話...
就死火囉~~水洗唔清...
昨晚阿yan打黎傾o左一陣~~
佢講o左d情況比我聽...
我都實在好有同感...
不過我選擇忍受...
佢唔識做o既野~ 唯有我代佢做囉~
唉....
仲有阿wing同apple~
我o地都冇咩辦法~
唔知點講好....-_-"
程程老豆話星期日食飯~
去尖咀食~
哈哈~都好耐冇見過佢o地lu~
好似上一次見佢o地...
就係食團年飯o個日...
程程拎o左部手提電視返去~
因為我想睇電視o既地方...
全部都收得好差~
程程拎o左返去~
佢收得好好...
話第時可以一邊同我icq~
一邊睇電視~
可惜~昨晚當佢睇緊勁歌金曲~
睇睇下...竟然冇電~
睇唔到唱"邊走邊愛~
哈哈~~~ 抵死~
今朝返到去公司~
都冇咩野做~
fax o左張packing list比運輸o個度~
check下e-mail~
食lunch前抹下玻璃~
聽下收音機~
睇下本"我最愛麻煩妹"咁...
跟住昨日魚一丁o個度話fax比我...
解釋返件事比我聽...
點知昨日完全冇收到fax~
於是我再fax封信問下佢o地跟進成點...
過o左一陣~
就有回應寫返封fax比我~
話證實o係魚一丁食野而患腸胃炎~
佢o地願意作出賠償~
另外~ 原來呢一單case~
係有史以來...第一單投訴...
咁張fax係個區域經理fax比我~
上面有寫聯絡電話~
咁我即時打電話去了解情況~
點知佢開緊會~我留低o左名叫佢覆~
之後~有一位店舖經理打黎~
話宜家d高層就呢件事開緊會~
區域經理開完會~會打電話同我解釋情況~
仲猛咁同我講好抱歉~
講真~我唔係想搞大件事~
我只係覺得...宜家d細菌好恐怖~
如果d食物真係有問題~
希望會盡快改善....
而我亦都唔係要d咩野賠償~
我甚至估唔到自己係第一個投訴魚一丁o既人~
哈哈~ 真係搞笑..
哎呀~我比個天激死~
諗住今日天氣好~我就去抹櫥窗d玻璃~
點知...竟然落雨...
下午~好忙~
有個客黎買o左三件貨~
講價講o左好耐呀~
仲打埋比tony講價~
真麻煩~
最後以一個好低o既價錢成交~
即時要包埋比佢~
咁阿哥見我包野~
就過黎幫我手~
到個客走o左~
阿哥就話我d"煲冬瓜"好"屎"~
要去上下堂~
哈哈~ 跟住我就打電話比程程~
問佢屋企係咪有學"煲冬瓜"o既帶同書~
(佢以前家姐買黎學~好似靈格風o個d咁~)
佢話星期六帶比我喎~~
之後~我就去o左東亞銀行~
個客係比美金o架~
咁我就拎住老豆張卡~
去東亞度兌換返港幣啦...
哎呀~ 蝕o左比佢tim~
少o左成五十幾蚊~
唉~算啦...
見佢對其他野都有興趣~
佢聽日仲會黎~
可能會買下其他野都未定~~
搞掂好哂~
我就打電話比tony~
交代返d野~同埋問佢兩張支票o既事~
兩張支票夾埋都好多錢o架~
但係因為係老闆娘個名~
所以拎唔到錢出黎用~
咁我就提議叫個客再寫過張~
但抬頭就寫比我~
我收到d錢~再拎返出黎公司用...
tony話ok冇問題~
(我感到十分安慰~話哂大拿拿咁多錢~
防人之心不可無~真係唔驚我走o左去咩~~
哈哈~佢咁講~証明佢都信任我啦~~^_^)
我跟住就考慮打電話去維也納好丫~
定係e-mail好呢~
結果~我打電話去...
點知冇人聽...可能時差問題~
佢o地已經收o左工o掛~
咁我就打e-mail啦...
不過好長篇大論咁...
寫到咁上下...
都係決定聽日再打電話去~
講唔掂~講唔明先e-mail~
(因為佢o地o既母語唔係英文~~
好有機會以我有限o既英文講佢唔明~~)~
打o左幾次比魚一丁個區域經理~
佢都仲開緊會~
到五點幾o個陣~
佢打電話比我~
講返今次件事...
d高層講野係唔同d o既~
條氣即刻順返哂~
我亦都講返我o既立場比佢知~
佢話如果第時對佢公司再有番信心~
可以打電話比佢~
佢會請返我食飯~
帶多幾個人~甚至父親節去食都得~
哈哈~只要去之前打電話比佢就ok喎~
另外...佢仲話如果因為食o左佢o地d食物...
搞到返唔到工~可以作出賠償~
因為佢o地公司都有買保險~
不過我話唔洗囉...
根本呢件事上...都冇咩損失~
反而程程最得益~
因為佢肚痛~令到佢瘦o左~
哈哈~遲d真係搵日去食先~
要等程程o既陰影冇咁大先去食~
哈哈~
為o左令到出面塊雲石冇咁易"線"到人~
我今日就拎o左兩塊發泡膠貼o係櫥窗玻璃度~
形成一個斜三角...
咁d人就唔可以行埋塊雲石度~
就唔會"線"親啦~
唉~我今日見到一個小朋友就係因為塊雲石"線"到~
都真係好痛咁...
而我自己都曾經差d"線"到~
落雨天~真係麻煩呢~~
