今日程程放假...
不過佢冇一早過黎陪我...
算啦...放過佢啦...
比佢訓晏d...
昨晚同sisi講好o左~
下午會等佢落黎食飯~
點知佢差唔多兩點先落到黎~
肚餓到我暈~
後尾叫o左麵食~
由於係餐黎...有麵有熱狗又有野飲~
都幾飽~~ ^_^
食完野~ sisi又上o左去搵tony~
我就無無聊聊...
等到四點左右...
程程先過黎...
哈哈~ 佢又買o左麥記黎食~
因為佢媽媽去o左台灣~
冇人煮飯~
搞到佢lunch都未食~~
我前兩日買o左本"新地"黎睇~
佢黎到...就猛o係度睇...
睇o左都不知幾耐...
而我就忙緊我d狗仔o既拍賣~
估唔到一隻跟開心樂園餐所送o既大頭狗...
可以賣返出去廿蚊隻左右~
真利害~
而且d大頭狗...全部都係程程家姐唔要比我~
so~ 今次可算係無本生利~
哈哈~
其實o係網上拍賣o既過程~
都學到d野~
因為世上咩人都有~
有d人好白痴無聊...
有d又好有誠意...
完成一個拍賣...
都唔係咁簡單~
隨時有人拍o左...跟住又唔要~
麻煩到死o架~~
收工...我o地就搭地鐵去尖咀...
去f.c.k拎完張member卡~
諗住去和民食野o既~
但後尾都係去o左食粥...
因為我呢排何其濕毒...
極為可憐~~v_v
點都要食番d清淡野~~
程程就食xo醬乾炒牛河~
我食到咁上下...
冇咩心機食~
於是就叫程程餵我食...
o個時都食剩半碗o架~
餵到佢手都軟埋...
哈哈~~
跟住佢就同我講...
你睇下丫~ 邊有人餵食野o架~
睇下我幾錫你丫~
哈哈~ ...咁我都知o既~!!
食完...就去o左city super行~
買o左有薄荷味o既口罩~
一包有三個...成廿蚊o架~
程程返工硬性規定要戴~
所以宜家有個薄荷味o既口罩...
咁就唔洗咁"焗"啦~~
另外又買o左枝隱形消毒手套o既膏~
搽"暈"o係隻手度...
就可以保護3-4個鐘左右~
又對於程程對外接觸咁多不明物體~
無疑都係一種保障o既~
枝野都成四十幾蚊o架~
另外~ 我咪話我濕毒o既~
我又買o左d排毒o既藥貼~
係貼o係腳板底o架~
八十幾蚊有八塊~
買o左返去...夜晚同程程一齊貼...
睇下聽朝邊塊"meet"返出黎o個陣黑d~
就知邊個毒d~~
仲有買o左枝噴劑...
夾夾埋埋~都買o左二百幾蚊野~
哈哈~~~
程程有city super o既卡~
佢今個月生日....
有份禮物送返比佢...
份禮物雖然只係一個環保袋...
但係都幾正o架~
個袋厚身而且個底係硬o架~
岩哂比程程媽咪用啦~~^_^
行完...就行去搭船返屋企lu~~
