今日...好累...超級累...
除o左食飯坐o左一陣之外~
其他時間我都係企o係度包野~~
而且...又訂紙箱呀~
訂發泡膠呀...一大堆野~
搞到公司d錢都亂亂o地...
於是我帶埋d數返屋企計啦...
另外~老闆娘間屋又要供~
又要比保險費~
fedex又吹我o地比運費咁...
總之...就十分之多野搞~~
平時得閒o個陣...又唔打電話黎吹`
係到要o係我最忙o個陣打黎~~
返到屋企~ 食完飯~
我就計數啦...
諗諗下...都係打電話去問問tony先...
因為如果決定唔要層樓o既話..
就唔拎錢去供樓啦嘛~~
tony話...拖住先~
等下星期同老闆娘傾電話o個陣再問....
叫我拖多幾日...
唉...又係我?!!
我都冇得揀o架啦...
不過聽日打電話去o個陣~
唔知點開口話呢...?! v_v
老豆去買o左個按摩花灑返黎~
佢叫我夾錢~ 夾o左100蚊~
哈哈~~
咁我沖涼o個陣~就覺得奇啦...
點解同之前o個個冇分別o既?!
咁我都醒目o架啦...
拎個花灑落黎睇下...
我見到有個掣...
不過我唔敢咁大力推...
費事整爛丫嘛~~
點知...就係因為我冇大力咁推~
所以都冇咩反應...
結果我就冇理到...照沖就算...
出到黎~老豆阿媽問我好唔好用~
我就話..."回水~都唔好用o既~~
之前o個個仲好啦~~~"
跟住阿媽講...個花灑有得較o架喎~
我話...係咩?!
咁我就再拎落黎睇啦...
今次我大力d推~
噫~~真係有3種灑水式o架喎~~~!!
阿媽就話啦..."我以為我蠢o者~
原來你仲蠢過我~~~"
哎呀~~~真係激死我囉....
我織條頸巾織到咁上下..
唔知做乜野~今次駁"冷"o個陣~
好有問題~~
我之前不嬲都係咁駁o架啦..
但今次拆o左兩次...
都仲唔得~
把鬼火...冇心機...
又放埋o左一邊...
唔織住lu~~哈哈~~
阿哥買o左隻vcd~
叫jackass~
d野都幾變態下...
好似仲係三級o既tim~~
但係唔係色情o個d~
亦都唔係劇情片...
我諗可以叫做搞笑片啦...
因為內容係講一班人...
佢o地做埋d好變態o既野...
整"古"人咁...
其實好似電視製作o個d玩人o既節目~
不過佢o地o個d出位好多咁解咋嘛~~
例如...佢o地去一間賣廁所o既舖頭~
咁入面緊係陳列o左好多廁所o係度o架啦~
佢o地竟然派o左一個人入去..
除褲o係度"開大"~~
真係笑到我死~~~
以為pccw咁好死~
原來d月餅係壞o既~~
老豆即刻踩爛哂~ 掉o左...
驚d婆婆執o左黎食丫嘛~
所以一定要踩爛...
我就話佢咁快掉o左~
應該留番比我~
等我去投訴丫嘛...
唉...
