昨晚同程程傾電話都傾到差唔多十二點~
搞到今朝唔多願起身~
加上阿媽今朝o係度諗"六合彩"!~
佢諗到入哂神...唔記得叫我起身~
搞到九點三先起身~...
昨晚...亦都同阿yan傾電話~~~
哈哈~~ 我用手提電話同佢傾~
阿yan話聽森美小儀講~
有個人傾o左八個鐘電話之後死o左~
不過唔緊要啦...
我絕對冇可能傾咁耐~
但係...夜晚當我訓覺o個時~
平時會將電話放o係枕頭底~
我都刻意放遠o左...冇放o係枕頭底...
都有d驚自己受到影響~~
哈哈~
同阿yan都傾o左差唔多一個鐘...
樣樣野都講下咁...
都好開心...
因為我鐘意"分享"呢種感覺!!
作死囉~~
程程昨日朝早食o左成三件蛋糕做早餐~
哼~ 以為自己有本錢食~~
因為佢前晚踢波...磅重瘦o左五磅...
點知昨晚再磅...又肥返~
哈哈~~抵死~~!!
程程話佢公司遲d免費幫佢o地打流感針~
都幾好丫~~
唔知佢公司有冇人怕打針o既呢?!
不過...可以唔打o既~
但係如果簽o左紙話打...
而最後冇打到...
要比返八十幾蚊比公司o架~
唉~~ 我鐘意睇電視就話o者~
宜家程程都變埋師奶~`
猛咁話鄭少秋做o個套野好睇喎~
跟住睇埋皆大歡喜~
又順手睇埋"俗世情真"咁...
男仔之家...唔係咁搞笑呀嘛~~
基本上...
我今日有d苦惱~
阿哥講到真係好快要搬咁...
雖然...我仲會有間房...
但係..."超超"同"程程"咁大隻~
佢o地邊有位放呢?!
跟住...程程星期六晚就唔可以過黎訓...
仲有...第時老闆娘有事冇事都搵我...
咁咪死...同返工o既地方咁近...
有時...都係一件麻煩o既事黎~ 唉...
另外~ 賣o左本身層樓~
大約可以套到三百萬現...
再買呢度~都係幾廿萬左右~
老豆阿媽話可以將d錢黎買貨喎~~!!
唉...如果係買古董...
我都覺得冇乜問題~
但如果佢o地將d錢買股票~
我就覺得唔好囉~
下午lunch o個陣~
我將d"食送"用水"綠"下先食~~
因為太過油啦~
我都唔想咁肥...
我足足換o左三杯滾水...
d油...都真係幾多..幾恐怖~
我決定以後lunch都要咁做...
食都食得健康d~~
收到sisi封信~~
我fax上去比律師啦~
fax極都fax唔到~
於是打比tony~
到四點幾...佢講o左個fax number比我~
叫我fax去...
佢話成日都搵唔到個律師~
唔知佢搞乜鬼...
唉...睇黎...老闆娘有排都未出得黎~
搵d咁o既人做野...邊靠得住...?!
程程昨晚講o左一d野~
令到我開懷大笑~
我o地都好耐冇因為一個笑話笑咁耐lu~
佢話搬屋o既話...
我屋企有咁多廁紙...都冇位放~
叫我唔好訓床裖..訓廁紙喎~
大約佢係咁o既意思啦~
總之我當時聽到覺得好好笑~
咁都比佢諗到~~~
今日~我冇乜野做~都係睇下書咁...
我另外都帶o左d冷落去~
我求其咁織...
織織下諗...不如整個冷公仔丫~
於是就開始動手啦...
已經整好o左大部分lu~~
哈哈~~~
今朝我返到公司...
諗住o係櫃筒拎個垃圾袋"粒"落垃圾筒~
咁百佳買o個d垃圾袋係一卷卷...
我就"meet"一個出黎啦~
點知整整下...覺得唔對路~
點解"碌"咁耐都未到o個d虛線裁位o既...?!
我諗...唔通我買o左好大size o個d垃圾袋?!
後來發現...我係真係買錯o左...
係膠檯布黎o既...~_~ 激死!!
夠哂大頭蝦呢~~~
